តាមរយៈខ្លឹមសារលិខិត ក្រសួងសូមធ្វើការបំភ្លឺថា ការសម្រេចចិត្តរបស់កម្ពុជា ក្នុងការបណ្តេញលោក ចេន ហ្ស៊ី ទៅកាន់ប្រទេសចិន ដែលជាប្រទេសដើមកំណើតរបស់ខ្លួន គឺធ្វើឡើងដោយផ្អែកតាមច្បាប់ និងការប្តេជ្ញាចិត្តរបស់​កម្ពុជា អនុវត្តជំនួយផ្លូវច្បាប់ទៅវិញទៅមក និងកិច្ចសហប្រតិបត្តិការផ្នែកយុត្តិធម៌រវាងប្រទេសទាំងពីរ។

ការដកហូតសញ្ជាតិកម្ពុជាពីលោក ចេន ហ្ស៊ី បានអនុវត្តយ៉ាងហ្មត់ចត់តាមច្បាប់ស្តីពី វិសោធនកម្មច្បាប់ស្តីពី​សញ្ជាតិ (ចុះថ្ងៃទី០៥ ខែកញ្ញា ឆ្នាំ២០២៥) ជាពិសេសមាត្រា២៩ថ្មី កថាខណ្ឌទី៤ និងអនុក្រឹត្យស្តីពីការអនុវត្ត​ច្បាប់ស្តីពីសញ្ជាតិ (ចុះថ្ងៃទី១ ខែធ្នូ ឆ្នាំ២០២៥) មាត្រា៥២ កថាខណ្ឌទី៤។ ផ្អែកលើមាត្រាទាំងពីរនេះ ការដក​ហូត​សញ្ជាតិខ្មែរពីពលរដ្ឋ ដែលទទួលបានសញ្ជាតូបនីយកម្ម ត្រូវធ្វើឡើង ប្រសិនបើបុគ្គលនោះ ត្រូវបានរកឃើញ​ថា បានទទួលសញ្ជាតិខ្មែរតាមរយៈការក្លែងបន្លំ ឬដោយការផ្តល់ព័ត៌មានមិនពិត ក្នុងអំឡុងពេលនៃការដាក់ពាក្យ​ស្នើសុំសញ្ជាតិ។

ការបណ្តេញចេញនេះ គឺជាសិទ្ធិសម្រេចដោយអធិបតេយ្យរបស់កម្ពុជា ដោយផ្អែកលើការរកឃើញភាពមិនប្រក្រតី​នៃការទទួលបានសញ្ជាតិ។ ការណ៍នេះ បង្ហាញពីការប្តេជ្ញាចិត្តរបស់រាជរដ្ឋាភិបាលកម្ពុជា ចំពោះនីតិរដ្ឋ។ ជាការពិត វាគឺជានីតិវិធីច្បាប់ប្រកបដោយស្តង់ដារមួយ ហើយមិនគួរជាប្រធានបទយកមកបកស្រាយខុស ដោយគ្មានមូលដ្ឋាន​នោះ​ឡើយ។

ប្រព័ន្ធត្រួតពិនិត្យតុល្យភាពអំណាចរបស់កម្ពុជា នៅតែមានភាពរឹងមាំ។ ការបញ្ជូនខ្លួនបុគ្គលនានាក្នុងក្របខ័ណ្ឌ​ច្បាប់ គឺជាដំណើរការផ្លូវការនៃជំនួយផ្នែកច្បាប់ទៅវិញទៅមក និងកិច្ចសហប្រតិបត្តិការផ្នែកយុត្តិធម៌ ព្រមទាំង​បាន​ឆ្លុះបញ្ចាំងពីការទទួលខុសត្រូវរបស់រាជរដ្ឋាភិបាលកម្ពុជា ចំពោះច្បាប់ជាតិ និងកាតព្វកិច្ចជាអន្តរជាតិរបស់ខ្លួន។

ក្រសួងការបរទេស បានបញ្ជាក់បន្ថែមថា ការអនុវត្តច្បាប់ម៉ឺងម៉ាត់បែបនេះ បញ្ជាក់ពីការប្តេជ្ញាចិត្តឥតងាករេររបស់​កម្ពុជា ចំពោះកិច្ចសហប្រតិបត្តិការអន្តរជាតិ ក្នុងការថែរក្សាសន្តិភាព ស្ថិរភាព និងការអភិវឌ្ឍសង្គម-សេដ្ឋកិច្ច ទន្ទឹម​នឹងការប្រយុទ្ធប្រឆាំងនឹងឧក្រិដ្ឋកម្មឆ្លងដែនប្រកបដោយប្រសិទ្ធភាព។

គួររំឭកថា នៅថ្ងៃទី៧ ខែមករា ឆ្នាំ២០២៦ ក្រសួងមហាផ្ទៃកម្ពុជា បានប្រកាសថា សមត្ថកិច្ចនៃព្រះរាជាណាចក្រ​កម្ពុជា បានចាប់ខ្លួនពលរដ្ឋចិន ចំនួន៣នាក់ រួមមាន លោក ចេន ហ្ស៊ី (Chen Zhi) (អតីតអ្នកឧកញ៉ា) ប្រធាន​ក្រុម​ប្រឹក្សាភិបាល​សម្ព័ន្ធក្រុមហ៊ុនព្រីនស៍ ហូលឌីង គ្រុប (Prince Holding Group) ព្រមទាំងឈ្មោះ Xu Ji Liang និងឈ្មោះ Shao Ji Hui បញ្ជូនទៅ សាធារណរដ្ឋប្រជាមានិតចិន បន្ទាប់ពី​សមត្ថកិច្ច​កម្ពុជា និងសមត្ថកិច្ចនៃ​សាធារណរដ្ឋប្រជាមានិតចិន បានសហការស៊ើបអង្កេតរួមគ្នា អស់រយៈពេលជាច្រើនខែ ក្នុងក្របខណ្ឌនៃកិច្ច​សហប្រតិបត្តិការប្រយុទ្ធប្រឆាំងឧក្រិដ្ឋកម្មឆ្លងដែន៕

The post ក្រសួងការបរទេស ចេញសេចក្តីបំភ្លឺជុំវិញដំណើរការផ្លូវច្បាប់ និងការបញ្ជូនខ្លួនអតីតអ្នកឧកញ៉ា ចេន ហ្ស៊ី appeared first on .

ស្ថិតក្នុងសម្លៀកបំពាក់ពណ៌ខៀវ  និងគ្របមុខពណ៌ខ្មៅ លោក ចេន ហ្ស៊ី ត្រូវបានសមត្ថកិច្ចចិនបើកបង្ហាញមុខក្រោយចុះពីលើជើងហោះហើរ China Southernពេលបានទៅដល់ប្រទេសចិនភ្លាមៗ។

គួរបញ្ជាក់ ប្រតិបត្តិការចាប់ខ្លួន លោក ចេន ហ្ស៊ី នេះ បានធ្វើឡើងបន្ទាប់ពី​សមត្ថកិច្ច​នៃព្រះរាជាណាចក្រកម្ពុជា និងសមត្ថកិច្ចនៃសាធារណរដ្ឋប្រជាមានិតចិន បានសហការស៊ើបអង្កេតរួមគ្នា អស់រយៈពេលជាច្រើនខែ ក្នុងក្របខណ្ឌនៃកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មឆ្លងដែន។

សូមបញ្ជាក់ផងដែរថា ឈ្មោះ Chen Zhi ត្រូវបានព្រះមហាក្សត្រ ចេញព្រះរាជក្រឹត្យ​ដកសញ្ជាតិខ្មែរ ដោយផ្អែកតាមច្បាប់សញ្ជាតិ នៃព្រះរាជាណាចក្រកម្ពុជា កាលពីខែធ្នូ ឆ្នាំ២០២៥។

អ្នកជំនួញជនជាតិចិន ដែលធ្លាប់ទទួលបានសញ្ជាតិកម្ពុជា លោក ចេន ហ្ស៊ី ទទួល​បាន​គោរមងារ «ឧកញ៉ា» កាលពី​ថ្ងៃទី​១១ ខែ​កុម្ភៈ ឆ្នាំ២០១៦ និងទទួល​បាន​គោរមងារ «អ្នកឧកញ៉ា» ​​កាល​ពី​ថ្ងៃទី​១០ ខែ​កក្កដា ឆ្នាំ២០២០៕

The post អតីតអ្នកឧកញ៉ា ចេន ហ្ស៊ី បានបើកបង្ហាញមុខពេលទៅដល់ប្រទេសចិន ក្រោយសមត្ថកិច្ចចាប់ខ្លួនបញ្ជូនពីកម្ពុជា appeared first on .

ក្រសួងមហាផ្ទៃ បានឱ្យដឹងថា ប្រតិបត្តិការនេះ បានធ្វើឡើងកាលពីថ្ងៃទី៦ ខែមករា ឆ្នាំ២០២៦ បន្ទាប់ពី​សមត្ថកិច្ច​នៃព្រះរាជាណាចក្រកម្ពុជា និងសមត្ថកិច្ចនៃសាធារណរដ្ឋប្រជាមានិតចិន បានសហការស៊ើបអង្កេតរួមគ្នា អស់រយៈពេលជាច្រើនខែ ក្នុងក្របខណ្ឌនៃកិច្ចសហប្រតិបត្តិការប្រយុទ្ធប្រឆាំងឧក្រិដ្ឋកម្មឆ្លងដែន។ ក្រសួងមហាផ្ទៃ នៃរាជរដ្ឋាភិបាលកម្ពុជា បានបញ្ជាក់ផងដែរថា ឈ្មោះ Chen Zhi ត្រូវបានព្រះមហាក្សត្រ ចេញព្រះរាជក្រឹត្យ​ដកសញ្ជាតិខ្មែរ ដោយផ្អែកតាមច្បាប់សញ្ជាតិ នៃព្រះរាជាណាចក្រកម្ពុជា កាលពីខែធ្នូ ឆ្នាំ២០២៥។

គួររំឭកថា អ្នកជំនួញជនជាតិចិន ដែលធ្លាប់ទទួលបានសញ្ជាតិកម្ពុជា លោក ចេន ហ្ស៊ី ទទួល​បាន​គោរមងារ «ឧកញ៉ា» កាលពី​ថ្ងៃទី​១១ ខែ​កុម្ភៈ ឆ្នាំ២០១៦ និងទទួល​បាន​គោរមងារ «អ្នកឧកញ៉ា» ​​កាល​ពី​ថ្ងៃទី​១០ ខែ​កក្កដា ឆ្នាំ២០២០៕

The post សមត្ថកិច្ចកម្ពុជា ចាប់ខ្លួនអ្នកឧកញ៉ា ចេន ហ្ស៊ី និងពលរដ្ឋចិន ២រូបទៀត បញ្ជូនទៅប្រទេសចិន appeared first on .

តាម​ការ​បញ្ជាក់ពី​មូលនិធិព្រីនស៍ (Prince Foundation) របស់​អ្នកឧកញ៉ា ចេន ហ្ស៉ី បាន​ឱ្យ​ដឹង​ថា អាហារូបករណ៍​នេះ​ទទួល​បាន​អត្ថប្រយោជន៍​​រួមមាន៖ ១)ការបង់ថ្លៃ​សិក្សា​រយៈពេល ៤ឆ្នាំពេញ, ២)ប្រាក់ឧបត្ថម្ភប្រចាំខែ​សម្រាប់ការ​ចំណាយ​ផ្ទាល់ខ្លួន, ៣)ការចូលរួមក្នុងកម្មវិធីអភិវឌ្ឍន៍ខ្លួនឯង និង ៤)ឱកាសហាត់ការ​ដើម្បីទទួលបានបទពិសោធន៍​ការងារនៅក្នុងក្រុមហ៊ុនព្រីនស៍​ផ្ទាល់​តែ​ម្តង។

ចំពោះ​លក្ខខណ្ឌ​​ក្នុង​ការ​ចុះឈ្មោះ​គឺ​ត្រូវ​មាន សញ្ជាតិខ្មែរ, បញ្ចប់ថ្នាក់បត្រមធ្យមសិក្សាទុតិយភូមិឆ្នាំ២០២២ ឬ ២០២៣ និង​បានចុះឈ្មោះចូលរៀនរួចរាល់​ទៅតាមមុខជំនាញ ​និងសកលវិទ្យាល័យដូចខាងក្រោម៖
១. សកលវិទ្យាល័យភូមិន្ទភ្នំពេញ (RUPP)៖ ផ្នែក វិស្វកម្មបច្ចេកវិទ្យាព័ត៌មាន, ព័ត៌មានវិទ្យា, ការគ្រប់គ្រងពាណិជ្ជកម្ម​អន្តរជាតិ, ប្រព័ន្ធផ្សព្វផ្សាយ និងសារគមនាគមន៍។
២. វិទ្យាស្ថានបច្ចេកវិទ្យាកម្ពុជា(ITC)៖ ផ្នែក វិស្វកម្មសំណង់ស៊ីវិល
៣. សាកលវិទ្យាល័យជាតិគ្រប់គ្រង(NUM)៖ ផ្នែក សេដ្ឋកិច្ចឌីជីថល, ទេសចរណ៍ និងបដិសណ្ឋារកិច្ច។

សិស្សានុសិស្ស អាច​ដាក់ពាក្យសុំអាហារូបករណ៍តាមរយៈតំណភ្ជាប់នេះ៖ https://forms.gle/DdjnAX9rSg1UiBEs6
ផុតកំណត់ថ្ងៃទី ១៥ ខែកុម្ភៈ ឆ្នាំ ២០២៤ម៉ោង ១១:៥៩ យប់។

គួរ​រំឭក​ថា មូលនិធិព្រីនស៍​របស់​អ្នកឧកញ៉ា ចេន ហ្ស៊ី ប្រធាន​ក្រុម​ប្រឹក្សាភិបាល​សម្ព័ន្ធក្រុមហ៊ុន​ព្រីនស៍ ហូលឌីង គ្រុប ​​ក្រោម​កិច្ច​សហការ​ជាមួយ​ក្រសួង​អប់រំ យុវជន និង​កីឡា ក៏​បាន​​​ផ្តល់​អាហារូបករណ៍​​ដល់​និស្សិត​ថ្នាក់​បរិញ្ញាបត្រ ចំនួន ៤០០​នាក់​ផង​ដែរ​ ​​សម្រាប់​ជំនាន់ទី​២ ​កាល​ឆ្នាំ២០២៣។

កម្មវិធីអាហារូបករណ៍របស់ មូលនិធិព្រីនស៍ គឺជាមូលនិធិសប្បុរសធម៌របស់ ព្រីនស៍ ហូល​ឌីង គ្រុប ហើយ​អាហារូបករណ៍ ចេន ហ្ស៊ី នេះ​ គឺ​ដាក់ឈ្មោះតាមអ្នកឧកញ៉ា ចេន ហ្ស៊ី ប្រធានសម្ព័ន្ធ​ក្រុមហ៊ុន ព្រីនស៍ គ្រុប ដែល​មានគោលបំណងផ្តល់​ទាំង​ជំនួយក្នុងការសិក្សា និងបទពិសោធន៍ការងារ​ដល់​និស្សិត ដោយធានាថាពួកគេទទួលបានការអប់រំ​ដែលមានគុណភាព ក៏ដូចជាឱកាសក្នុងការដក​បទពិសោធន៍​ការងារស្ដង់ដាអន្តរជាតិ៕

The post អាហារូបករណ៍ អ្នកឧកញ៉ា ចេន ហ្ស៉ី ជំនាន់ទី៣ ឆ្នាំ២០២៤ ចាប់ផ្តើមទទួលពាក្យជាផ្លូវការ appeared first on .

កម្មវិធីបើកការដ្ឋានសាងសង់ទីលានវាយកូនហ្គោលBay19 នេះធ្វើឡើងនៅថ្ងៃទី២៩ ខែធ្នូ ឆ្នាំ២០២៣ ដោយមានការអញ្ជើញចូលរួមលោក លី ធុច ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី១ អាជ្ញាធរមីន ,លោក សេង ម៉េងហុង រដ្ឋលេខាធិការក្រសួងទេសចរណ៍ ,លោក គួច ចំរើន អភិបាល នៃគណៈអភិបាលខេត្តព្រះសីហនុ និងលោក Santo Darmosumarto ឯកអគ្គរដ្ឋទូត នៃសាធារណរដ្ឋឥណ្ឌូនេស៊ីប្រចាំព្រះរាជាណាចក្រកម្ពុជា ។ ទីលានវាយកូនហ្គោល Bay19 នឹងសាងសង់លើទឹកដីខេត្តព្រះសីហនុ ស្ថិតនៅភូមិអុង ឃុំរាម ស្រុកព្រៃនប់ ។

ថ្លែងក្នុងពិធីបើកការដ្ឋានកីឡាវាយកូនហ្គោល នាយកគ្រប់គ្រងគម្រោងអភិវឌ្ឍន៍ BAY OF LIGHTS បានលើកឡើងថា ទីលានវាយកូនហ្គោល Bay19 គឺជាគោលដៅសម្រាប់ទេសចរណ៍កីឡាវាយកូនហ្គោល និងប្រៀបបានជាការបោះជំហានថ្មីមួយទៀតរបស់គម្រោងអភិវឌ្ឍន៍ក្នុងដំណើរឆ្ពោះទៅកាន់ការប្រែមុខមាត់ខេត្តព្រះសីហនុឱ្យក្លាយទៅជាគោលដៅលំដាប់ពិភពលោកសម្រាប់វិស័យទេសចរណ៍កីឡាវាយកូនហ្គោលជាមួយនឹងទីលានវាយកូនហ្គោលនៅមាត់សមុទ្រស្តង់ដារUSGAដំបូងបំផុតនៅខេត្តព្រះសីហនុ។

សូមជម្រាបជូនថា ដំណើរការសាងសង់ទីលានវាយកូនហ្គោលគ្រោងបញ្ចប់នៅឆ្នាំ២០២៧ និងការសាងសង់នៃទីលានទាំងមូលនិងគ្រោងបញ្ចប់នៅឆ្នាំ២០២៩ ដែលនឹងត្រៀមធ្វើឱ្យខេត្តព្រះសីហនុក្លាយជាគោលដៅដ៏សាកសមសម្រាប់ព្រឹត្តិការណ៍ប្រកួតវាយកូនហ្គោលនៅក្នុងតំបន់ និងសម្រាបការវាយកូនហ្គោលលំហែចុងសប្តាហ៍ផងដែរ៕

អត្ថបទ៖ សុកធា

The post ក្រុមហ៊ុន ព្រីនស៍រៀលអីស្តេត គ្រុប ចាប់ដៃជាមួយក្រុមហ៊ុនឥណ្ឌូនេស៊ី សាងសង់ទីលានវាយកូនហ្គោល Bay19 លើកដំបូងនៅខេត្តព្រះសីហនុ appeared first on .

តាមរយៈ​ព្រះរាជក្រឹត្យ លេខ នស/រកត/០៨២៣/២០៣៣ ​​ក្នុង​ចំណោម​សមាសភាព​តែងតាំង និង​ផ្តល់ឋានៈ​ជា​ទីប្រឹក្សាផ្ទាល់​ឯកឧត្តមបណ្ឌិត ហ៊ុន ម៉ាណែត ​​ទាំង ១០៤​រូប គឺ​មាន​អ្នកឧកញ៉ា ​​ដូច​ខាង​ក្រោម៖

១)អ្នកឧកញ៉ា ពុង ឃាវសែ ​ប្រធានក្រុមប្រឹក្សាក្រុមហ៊ុន វិនិយោគទុន​អាណិកជន​កម្ពុជា OCIC​ ឋានៈស្មើ រដ្ឋមន្ត្រី

២)អ្នកឧកញ៉ា លី យ៉ុងផាត់ អគ្គនាយកក្រុមហ៊ុន LYP Group និងជាប្រធាន​សមាគមឧកញ៉ាកម្ពុជា ឋានៈ​ស្មើ រដ្ឋមន្ត្រី

៣)អ្នកឧកញ៉ា ចេន ហ្ស៊ី ប្រធាន​ក្រុម​ប្រឹក្សាភិបាល​សម្ព័ន្ធក្រុមហ៊ុន ​ព្រីនស៍ ហូលឌីង គ្រុប ឋានៈស្មើ រដ្ឋមន្ត្រី

៤)អ្នកឧកញ៉ា លី ឃុនថៃ ប្រធានក្រុមហ៊ុន អាល់ហ្វា គ្រុប និង​ជា​អនុប្រធានសភាពាណិជ្ជកម្ម​កម្ពុជា ឋានៈស្មើ រដ្ឋលេខាធិការ។

សូម​ជម្រាប​ជូន​ថា រាជរដ្ឋាភិបាលថ្មី អាណត្តិទី៧ ក្រោមការដឹកនាំ​របស់​ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត​ ជា​នាយករដ្ឋមន្រ្តី គឺ​មាន​ឧបនាយករដ្ឋមន្ត្រី ចំនួន ១០រូប, ទេសរដ្ឋមន្ត្រី ​ចំនួន ២១រូប និង​រដ្ឋមន្ត្រី​ចំនួន ៣០រូប ព្រម​ទាំង​មាន​ទីប្រឹក្សា​​​ផ្ទាល់ ចំនួន ១០៤រូប ដែល​ជា​​អ្នក​​ជួយ​​​ប្រឹក្សាយោបល់​​លើ​វិស័យ​ឬ​ជំនាញ​របស់​ខ្លួន​ដ៏​សំខាន់​ជូន​ដល់​នាយករដ្ឋមន្ត្រី ​​ដើម្បី​ជា​ធាតុចូល​ដ៏​​ចាំបាច់ សម្រាប់​នាយករដ្ឋមន្ត្រី​ពិចារណា មុន​​ធ្វើ​ការ​សម្រេច​ចិត្ត​លើ​រឿង​អ្វីមួយ​ឱ្យ​​​បាន​ត្រឹមត្រូវ និង​កាន់​តែ​មាន​ប្រសិទ្ធភាព​ខ្ពស់៕

The post អ្នកឧកញ៉ា ៤រូប ទទួលការតែងតាំងជា ទីប្រឹក្សាផ្ទាល់ឯកឧត្តមបណ្ឌិត ហ៊ុន ម៉ាណែត មានឋានៈស្មើដល់រដ្ឋមន្ត្រី appeared first on .

សមិទ្ធផលហេដ្ឋារចនាសម្ព័ន្ធថ្មីនេះមានប្រវែងសរុបប្រមាណ៥,២​គីឡូម៉ែត្រ និងទទឹង ៣០ម៉ែត្រ ត្រូវបាន​ស្ថាបនា​រួចរាល់នៅជាប់នឹងបុរីភូមិសំរោង នៃខណ្ឌព្រែកព្នៅ ស្ថិតក្នុងភាគខាងជើងរាជធានីភ្នំពេញ។ ផ្លូវមួយខ្សែ​នេះ តភ្ជាប់ពីផ្លូវជាតិលេ៥​ ទៅដល់ផ្លូវលេខ ១៣០ អមដោយប្រព័ន្ធលូ ភ្លើងបំភ្លឺផ្លូវ និងការលម្អផ្សេងៗ​រួមជា​មួយ​នឹងអត្ថប្រយោជន៍នៃការធ្វើដំណើរជាច្រើន។

បន្ទាប់ពីដាក់ឱ្យប្រើប្រាស់នូវមហាវិថីសំរោងរួច ផ្លូវនេះនឹងធ្វើឱ្យប្រសើរឡើងយ៉ាងខ្លាំង នូវប្រសិទ្ធភាពនៃការ​ធ្វើ​ដំណើរ​របស់ប្រជាពលរដ្ឋនៅភាគខាងជើងនៃរាជធានីភ្នំពេញ។ ប្រជាពលរដ្ឋនៅតំបន់ភាគខាងជើង​ អាចធ្វើ​ដំណើរ​ទៅកាន់តំបន់សំខាន់ៗនៃរាជធានីភ្នំពេញបានយ៉ាងលឿន។ ស្របពេលជាមួយគ្នា មហាវិថីសំរោង បាន​តភ្ជាប់ផ្លូវជាតិលេខ៥ និង ផ្លូវក្រវាត់ក្រុងទី៣ ដោយអាចធ្វើដំណើរទៅផ្លូវល្បឿនលឿនភ្នំពេញ-ព្រះសីហនុ ផ្លូវល្បឿនលឿនភ្នំពេញ-សៀមរាប (គ្រោងនឹងសាងសង់) ផ្លូវជាតិលេខ 6A ផ្លូវជាតិលេខ៤ ផ្លូវជាតិលេខ៣ ផ្លូវជាតិលេខ២ ផ្លូវជាតិលេខ១ និងផ្លូវជាតិសំខាន់ៗផ្សេងទៀតបានយ៉ាងលឿន​ផងដែរ។

គួរ​បញ្ជាក់​ថា មហាវិថីសំរោង ជាគម្រោង​សាងសង់​​​ឡើង​ដោយ​ក្រុមហ៊ុន ព្រីន ហ័នយូ រៀលអ៊ីស្ទេត (ខេមបូឌា) គ្រុប ដែល​ជា​បុត្រសម្ព័ន្ធ​មួយ​ នៃ​ក្រុមហ៊ុន ព្រីនស៍ ហូលឌីង គ្រុប។ មហាវិថីសំរោង នៅ​ជាប់​នឹង​គម្រោងបុរី​ភូមិសំរោង ដែលមានផ្ទៃដីប្រមាណជាង ៣០០ហិកតា របស់ក្រុមហ៊ុន ព្រីន ហ័នយូ រៀលអ៊ីស្ទេត (ខេមបូឌា) គ្រុប ត្រូវបានរៀបចំឱ្យមាននូវបឹងទេសភាព មន្ទីរពេទ្យអន្តរជាតិ សាលារៀនអន្តរជាតិ សួនកីឡា មជ្ឈមណ្ឌល​ទិញទំនិញ ផ្សារទំនើបលក្ខណៈបោះដុំ ផ្លូវពាណិជ្ជកម្មទាន់សម័យ គម្រោងផ្ទះអាជីកម្ម និងផ្ទះវីឡាគ្រប់​ប្រភេទ៕

The post អ្នកឧកញ៉ា ចេន ហ្ស៊ី អមដំណើរលោក ឃួង ស្រេង បើកសម្ពោធដាក់ឱ្យប្រើប្រាស់មហាវិថីសំរោង នៅខណ្ឌព្រែកព្នៅ appeared first on .

ប័ណ្ណថ្លែងអំណរគុណចុះហត្ថលេខាដោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានបញ្ជាក់ថា កាកបាទក្រហមកម្ពុជានឹងយកចិត្តទុកដាក់ប្រើប្រាស់អំណោយដ៏សប្បុរសនេះដើម្បីបម្រើសកម្មភាពមនុស្សធម៌ ជួយដល់ប្រជាពលរដ្ឋដែលជួបការលំបាកដោយគ្រោះធម្មជាតិ និងគ្រោះមហន្តរាយផ្សេងៗ។

អ្នកឧកញ៉ា ចេន ហ្សុី គឺជាពាណិជ្ជករដើមកំណើតចិន ហើយទទួលបានសញ្ជាតិខ្មែរនាពេលកន្លងទៅ។ ជានិច្ចកាលអ្នកឧកញ៉ាតែងតាំងចេញមុខចូលរួមជួយឧបត្ថម្ភជូនដល់រាជរដ្ឋាភិបាលកម្ពុជា ក្នុងពេលដែលជួបគ្រោះធម្មជាតិ និងគ្រោះមហន្តរាយផ្សេងៗដូចភ្លៀងរលឹម៕

The post អ្នកឧកញ៉ាដើមកំណើតចិនម្នាក់ ឧបត្ថម្ភថវិកា ៧០ម៉ឺនដុល្លារជូនកាកបាទក្រហមកម្ពុជា appeared first on .

ខេត្តព្រះសីហនុ ទទួលបានចាប់អារម្មណ៍យ៉ាងខ្លាំងពីក្រុមវិនិយោគិនចិនកាលអំឡុងពេលមុនវិបត្តិកូវីដ១៩ យ៉ាងណាក្រោយជួបវិបត្តិសកលនេះខេត្តមួយនេះ ហាក់មានសភាពស្ងប់ស្ងាត់វិញដោយសារជនជាតិចិនទាំងនោះបានវិលត្រឡប់ទៅស្រុកកំណើត រហូតបណ្តាឲ្យអាគាររាប់ពាន់អគារត្រូវបានជាប់គាំង។ គិតមកដល់ពេលបច្ចុប្បន្នរាជរដ្ឋាភិបាល និងសាម៉ីខេត្តផ្ទាល់ក៏បានព្យាយាមសម្របសម្រួលនីតិវិធីដើម្បីទាក់ទាញវិនិយោគិនចិនត្រឡប់មកវិញធ្វើការអភិវឌ្ឍនបន្ត។

យ៉ាងណា ខេត្តដែលកំពុងសម្រួចចក្ខុវិស័យក្នុងការប្រែក្លាយឱ្យទៅជាតំបន់សេដ្ឋកិច្ចពិសេសគំរូពហុបំណង ដើម្បីឈានឱ្យក្លាយជាក្បាលម៉ាស៊ីនថ្មីមួយ សម្រាប់ជំរុញកំណើនសេដ្ឋកិច្ចជាតិមួយនេះ ក៏មានការវិនិយោគិនក្នុងស្រុកជាច្រើនរូបផងដែរ លើវិស័យអចលនទ្រព្យ តំបន់សេដ្ឋកិច្ចពិសេស ទេសចរណ៍ បដិសណ្ឋារកិច្ច គមនាគមន៍ ជាដើម។

ខាងក្រោមនេះ សូមបង្ហាញឧកញ៉ា អ្នកឧកញ៉ាដែលកំពុងមានលេចធ្លោរលើមុខជំនួញក្នុងខេត្តព្រះសីហនុ ដូចទៅ៖

១/ ឧកញ៉ា សួរ វីរៈ អគ្គនាយកក្រុមហ៊ុន វិរៈប៊ុនថាំ អេចប្រេស និងមានបុត្រសម្ព័ន្ធជាច្រើនក្នុងវិស័យបដិសណ្ឋារកិច្ច ទេសចរណ៍។ មុខជំនួញក្នុងខេត្តព្រះសីហនុ លោកឧកញ៉ាមានតំបន់កម្សាន្ត (រីសត់) ជាច្រើនកន្លែង ហើយក៏មានរថយន្តទំនើប និងទូកល្បឿនលឿនដឹកញ្ជូនភ្ញៀវទេសចរណ៍ផងដែរ។

២/ ឧកញ៉ា ទៀ វិចិត្រ អគ្គនាយកក្រុមហ៊ុនទូកល្បឿនលឿន GTVC Speedboat Cambodia និងមានមុខជំនួញក្នុងវិស័យ ទេសចរណ៍ បដិណ្ឋារកិច្ច ភេសជ្ជៈ ប្រេងឥន្ទនៈ និងអចលនទ្រព្យ ស្ថិតនៅក្នុងខេត្តព្រះសីហនុ។

៣/ ឧកញ៉ា រតនៈ សម្បត្តិ ប្រធានក្រុមហ៊ុន Kong Pong Devaresort, The Rich Resort, ក្រុមហ៊ុន ក្រោន អីស្ទេត ខូអិលធីឌី  និងភោជនីយដ្ឋានម្លប់ជ្រៃប៉ោកី ខេត្តព្រះសីហនុ។

៤/ អ្នកឧកញ៉ា ម៉ុង ឫទ្ធី អគ្គនាយក​ក្រុមហ៊ុន​ ម៉ុងឫទ្ធីគ្រុប ដែលជាក្រុមហ៊ុន​កសិ-ឧស្សាហកម្ម​ធំ​បំផុត​​​នៅ​ក្នុងប្រទេសកម្ពុជា។ លោកកំពុងឈរជើងយ៉ាងរឹងមាំវិនិយោគក្នុងទឹកដីខេត្តព្រះសីហនុ។

៥/ អ្នកឧកញ៉ា សុខ គង់ អគ្គនាយកក្រុមហ៊ុន សូគីម៉ិច គ្រុប និងជាម្ចាស់សណ្ឋាគារ ឆ្នេរសុខា ។

៦/ អ្នកឧកញ៉ា ទ្រី ភាព អគ្គនាយកក្រុមហ៊ុន ទ្រីភាព គ្រុប នៅខេត្តព្រះសីហនុ លោកវិនិយោគតំបន់កម្សាន្ត Try Palace Resort Sihanoukville ។

៧/ អ្នកឧកញ៉ា កុក អាន អគ្គនាយកក្រុមហ៊ុន អានកូ គ្រុប ហើយសម្រាប់មុខជំនួញនៅខេត្តព្រះសីហនុ មានឈ្មោះថា ក្រុមហ៊ុន អានកូ វ៉ធើរ សឹបផ្លាយ (Anco Water Supply Co.,Ltd.) បាននិងកំពុងវិនិយោគស្ថានីយ៍ទឹកស្អាតនៅខេត្តព្រះសីហនុ។

៨/ អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប នៅខេត្តព្រះសីហនុ លោកបានវិនិយោគលើព្រលានយន្តហោះអន្តរជាតិ កាស៊ីណូ សណ្ឋាគារ តំបន់កម្សាន្ត និងរោងចក្រផលិតថាមពលដើរដោយពន្លឺព្រះអាទិត្យនៅលើកោះរ៉ុង។

៩/ អ្នកឧកញ៉ា ហេង សិទ្ធី អគ្គនាយកក្រុមហ៊ុន ម៉ារីថាម គ្រុប និងជាម្ចាស់រមណីយដ្ឋាន Sea Sense Resort ថ្មីលំដាប់ផ្កាយ៥ នៅលើកោះច្រមោច ខេត្តព្រះសីហនុ។

១០/ អ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុនព្រីនស៍ គ្រុប ដែលមានបុត្រសម្ព័ន្ធជាច្រើនក្នុងដៃ ហើយនៅខេត្តព្រះសីហនុលោកបានវិនិយោគលើវិស័យអចលនទ្រព្យ សំណង់ និងបដិសណ្ឋារកិច្ច មានឈ្មោះថា សណ្ឋាគារព្រីនស៍ ថាម ហូថេល និង Prince Theme Resort។ ថ្មីៗនេះ ក្រុមហ៊ុនអ្នកឧកញ៉ា ចេន ហ្ស៊ី ក៏បានចាប់ដៃគ្នាជាមួយក្រុមហ៊ុន CANOPY SANDS DEVELOPMENT Co.,LTD រួមគ្នាបញ្ចុះបឋមសិលាបើកការដ្ឋានសាងសង់គម្រោង BAY OF LIGHTS GROUND BREAKING CEREMONY ស្ថិតនៅឆ្នេររាម នៅថ្ងៃទី២០ ខែធ្នូ ឆ្នាំ២០២២៕

The post អ្នកឧកញ៉ា ឧកញ៉ាលេចធ្លោ ១០រូបកំពុងរកស៊ីនៅខេត្តព្រះសីហនុ appeared first on .

កម្មវិធីអាហារូបករណ៍​​នេះ​ បានផ្តល់នូវអាហារូបករណ៍ពេញលេញ រួម​មាន​ប្រាក់ឧបត្ថម្ភ និងកម្មវិធីអភិវឌ្ឍខ្លួន​ដល់សិស្សានុសិស្ស កម្មសិក្សា និងឱកាសការងារដល់និស្សិតសាកលវិទ្យាល័យកម្ពុជាចំនួន ៤០០ នាក់ក្នុង​រយៈពេល​​៤ឆ្នាំ ឬ​លើស​៤​ឆ្នាំ តាម​កម្មវិធី​សិក្សា​មួយ​ចប់​កម្រិត​ថ្នាក់​បរិញ្ញាបត្រ ឬ​វិស្វករ។

សម្រាប់​លក្ខខណ្ឌក្នុងការចុះឈ្មោះ និសិត្សត្រូវតែមានសញ្ជាតិខ្មែរ និងជាសិស្សបញ្ចប់ថ្នាក់ទុតិយភូមិ (បាក់ឌុប) ឆ្នាំ២០២១ ឬ ឆ្នាំ២០២២ ជាមួយនឹងការរើសមុខជំនាញសិក្សាដូចខាងក្រោម៖

១. សកលវិទ្យាល័យភូមិន្ទភ្នំពេញ (RUPP)៖ ផ្នែក វិស្វកម្មបច្ចេកវិទ្យាព័ត៌មាន, ផ្នែក ព័ត៌មានវិទ្យា, ផ្នែក ការគ្រប់គ្រងពាណិជ្ជកម្មអន្តរជាតិ, ផ្នែក ប្រព័ន្ធផ្សព្វផ្សាយ និងសារគមនាគមន៍។
២. វិទ្យាស្ថានបច្ចេកវិទ្យាកម្ពុជា(ITC)៖ ផ្នែក វិស្វកម្មសំណង់ស៊ីវិល។
៣. សាកលវិទ្យាល័យជាតិគ្រប់គ្រង(NUM)៖ ផ្នែក សេដ្ឋកិច្ចឌីជីថល, ផ្នែក ទេសចរណ៍ និងបដិសណ្ឋារកិច្ច។

សិស្សនិស្សិត​ អាច​ដាក់ពាក្យសុំអាហារូបករណ៍តាមរយៈតំណភ្ជាប់នេះ៖ shorturl.at/fLOU2 ។
ផុតកំណត់​ទទួល​ពាក្យ​ថ្ងៃទី ១០ ខែកុម្ភៈ ឆ្នាំ ២០២៣ ម៉ោង ១១:៥៩ យប់។

សូមបញ្ជាក់ថា កម្មវិធីអាហារូបករណ៍របស់ មូលនិធិព្រីនស៍ គឺជាមូលនិធិសប្បុរសធម៌របស់ ព្រីនស៍ ហូល​ឌីង គ្រុប ហើយ​អាហារូបករណ៍ ចេន ហ្ស៊ី នេះ​ គឺ​ដាក់ឈ្មោះតាមអ្នកឧកញ៉ា ចេន ហ្ស៊ី ប្រធានសម្ព័ន្ធ​ក្រុមហ៊ុន ព្រីនស៍ គ្រុប ដែល​មានគោលបំណងផ្តល់ទាំងជំនួយក្នុងការសិក្សា និងបទពិសោធន៍ការងារ​ដល់​និស្សិត ដោយធានាថាពួកគេទទួលបានការអប់រំដែលមានគុណភាព ក៏ដូចជាឱកាសក្នុងការដក​បទពិសោធន៍​ការងារស្ដង់ដាអន្តរជាតិ៕

The post អ្នកឧកញ៉ា ចេន ហ្ស៊ី ផ្តល់អាហារូបករណ៍ដល់និស្សិតកម្រិតបរិញ្ញាបត្រចំនួន ៤០០នាក់ appeared first on .