ជារៀងរាល់ឆ្នាំ អ្នកឧកញ៉ា ជឹង សុភាព និងស្វាមី អ្នកឧកញ៉ា ឡាវ ម៉េងឃីន​​ តែងតែចូលរួម​បរិច្ចាគទ្រព្យ​ធន​ផ្ទាល់​ខ្លួន​ជូន​ដល់កាកបាទក្រហមកម្ពុជា និងចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខ​រាជរដ្ឋាភិបាល ព្រម​ទាំង​បានចូលរួមឧបត្ថម្ភដល់កម្មវិធីសប្បុរសជាច្រើនទៀត។ ជាក់ស្តែង កាលខែកក្កដា ឆ្នាំ២០២២ លោកស្រីអ្នកឧកញ៉ា និងស្វាមី បាន​ប្រកាសបរិច្ចាគថវិកា ១លានដុល្លារ ជូនរាជរដ្ឋាភិបាល ក្នុងការដោះស្រាយបញ្ហាគ្រាប់មីននៅកម្ពុជា តបតាម​ការអំពាវនាវរបស់ សម្តេចតេជោ ហ៊ុន សែន ផងដែរ។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹង​ប្រារព្វឡើង​ក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹង​អាកាស​ធាតុ»។ ថវិកា​ដែល​ទទួល​បាន​ពី​សប្បុរសជន សមាគមជាតិមួយនេះ​នឹង​​ប្រើប្រាស់​ដើម្បី​បន្តផ្តល់សេវាកម្មមនុស្សធម៌ ដោះស្រាយបញ្ហា​ប្រឈម​នានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និង​ងាយរងគ្រោះបំផុត តាម​គោលការណ៍​គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post អ្នកឧកញ៉ា ជឹង សុភាព បរិច្ចាគថវិកា ១០ម៉ឺនដុល្លារ ជូនកាកបាទក្រហមកម្ពុជា appeared first on .

តាមរយៈអនុក្រឹត្យ​របស់​រាជរដ្ឋាភិបាល ​​កាកបាទក្រហម​កម្ពុជា អាណត្តិ​ថ្មី​ទី​៧​នេះ ​​មាន​សមាសភាព​គណៈកម្មាធិការ​កណ្តាល​ចំនួន ១៣​រូប ក្នុង​នោះ​​​មាន​អ្នកឧកញ៉ា ៤​រូប​ គឺ​អ្នកឧកញ៉ា ជឹង សុភាព ជា​អនុប្រធាន, អ្នកឧកញ៉ា លី យ៉ុងផាត់ សមាជិក, អ្នកឧកញ៉ា ម៉ុង ឫទ្ធី សមាជិក និង​អ្នកឧកញ៉ា ​គិត ម៉េង ជា​សមាជិក។

សមាសភាព​គណៈកម្មាធិការ​កណ្តាល កាកបាទក្រហមកម្ពុជា អាណត្តិទី៧ ត្រូវ​បាន​ជ្រើសតាំង​​តាម​រយៈ​ការ​បោះឆ្នោត​ដោយ​មហាសន្និបាត អាណត្តិ​ទី៧ នៅ​ទូទាំង​ប្រទេស កាលពី​ថ្ងៃទី១៥ ខែធ្នូ ឆ្នាំ២០២៣។

សូម​ជម្រាប​ថា បន្ទាប់ពី​មហាសន្និបាតកាកបាទក្រហមកម្ពុជា អាណត្តិទី ៧ អស់រយៈពេល ១ព្រឹកប្រកប​ដោយ​ជោគជ័យ ​នៅ​ថ្ងៃ​ដដែល​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏​បានបន្ត​ដឹកនាំកិច្ចប្រជុំលើកដំបូងរបស់គណៈកម្មាធិការកណ្តាល អាណត្តិទី៧ ​និង​បានធ្វើការណែនាំ តម្រង់ទិស​ដល់​ក្រុមប្រតិបត្តិ អនុវត្តឱ្យមានប្រសិទ្ធភាព និងប្រសិទ្ធផល ដូចតទៅ៖

១. ត្រូវមានផែនការសកម្មភាពការងារ ប្រចាំខែនីមួយៗ ត្រីមាស និងឆ្នាំ ឱ្យបានជាក់លាក់។
២. ត្រូវបន្តអនុវត្តនូវទម្រង់ បែបបទ នីតិវិធីនៃការប្រើប្រាស់មូលនិធិ។
៣. ត្រូវបន្តពង្រឹងសាមគ្គីភាព ឯកភាពផ្ទៃក្នុង ធ្វើការងារក្នុងស្មារតីជាក្រុម ទទួលខុសត្រូវខ្ពស់ក្នុងការតាមដាន ពិនិត្យ វាយតម្លៃ និងធ្វើរបាយការណ៍ ឱ្យបានទៀងទាត់ ព្រមទាំងមានសូចនាករណ៍ច្បាស់លាស់។
៤. ត្រូវយកចិត្តទុកដាក់ក្នុងការបង្កើនចំណេះដឹង ជំនាញ លើកកម្ពស់សមត្ថភាព ដើម្បីឆ្លើយតបទៅនឹង​តម្រូវ​ការក្នុងសម័យបច្ចេកវិទ្យាឌីជីថល រួមទាំងការងារជាអាទិភាពគន្លឹះ ស្របទៅនឹងយុទ្ធសាស្ត្របញ្ចកោណ របស់រាជរដ្ឋាភិបាល នីតិកាលទី៧ នៃរដ្ឋសភា និងយុទ្ធសាស្ត្ររបស់កាកបាទក្រហមកម្ពុជា (២០២១-២០៣០)៕

The post អ្នកឧកញ៉ា ៤រូប ស្ថិតក្នុងសមាសភាពគណៈកម្មាធិការកណ្តាលកាកបាទក្រហមកម្ពុជា អាណត្តិទី៧ appeared first on .

ពិធីអាពាហ៍ពិពាហ៍គូស្វាមីភរិយាថ្មីនេះកូនប្រុសឈ្មោះ អូន ព័ន្ធមុនីរាជ និងកូនស្រីឈ្មោះ ឡាវ ជៀជីន (ហៅជូលីន) ជាចៅស្រីរបស់លោកស្រីអ្នកឧកញ៉ា ជឹង សុភាព ហៅយាយភូ និងអ្នកឧកញ៉ា ឡាវ ម៉េង ឃីន។

ពិធីមង្គលការរវាងកូនប្រុសស្រីថ្នាក់ដឹកនាំកំពូល និងក្រុមគ្រួសារអភិជនដ៏ធំនាចុងឆ្នាំនេះ ត្រូវបានអញ្ជើញចូលរួមជាកិត្តិយសពីសំណាក់សម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន, សម្តេចវិបុលសេនាភក្តី សាយ ឈុំ ប្រធានព្រឹទ្ធសភា, សម្តេចធិបតី ហ៊ុន ម៉ាណែត នាយករដ្ឋមន្រ្តី និងលោកជំទាវបណ្ឌិត ពេជ្រ ចន្ទមុនី ព្រមទាំងថ្នាក់ដឹកនាំកំពូលនៃរាជរដ្ឋាភិភិបាលកម្ពុជា អ្នកឧកញ៉ា ឧកញ៉ា លោក លោកស្រីភ្ញៀវកិត្តិយសជាច្រើនរូបទៀត។

សូមទស្សនារូបភាពខាងក្រោម៖

The post មកមើលទិដ្ឋភាពមង្គលការកូនអ្នកឧកញ៉ាថៅកែមីជាតិ ជាមួយកូនរដ្ឋមន្រ្តីសេដ្ឋកិច្ច និងហិរញ្ញវត្ថុ appeared first on .

តាមសេចក្តីរាយការណ៍ជាច្រើនបានឲ្យដឹងថា នៅប្រទេសកម្ពុជាបច្ចុប្បន្នមានស្ត្រីកំពុងដឹកនាំអាជីវកម្មជាច្រើនរូបកំពុងទទួលបានជោគជ័យ ក្លាយជាសេដ្ឋីនី ដែលគេនិយមហៅថា «ឧកញ៉ា»។ ក្រុមការីនិពន្ធនៃគេហទំព័រឧកញ៉ាញូស៍ បានធ្វើការស្រាវជ្រាវរកឃើញនូវសេដ្ឋីនីចំនួន ៥រូប ជាស្តេចក្រាញ់ច្រើនឆ្នាំមកហើយក្នុងវិស័យជំនួញ។

១/ អ្នកឧកញ៉ា ជឹង សុភាព ហៅយាយភូ

ជា​សហ​ម្ចាស់​កម្ម​សិទ្ធិ​ក្រុម​ហ៊ុន ​Pheapimex group ដែលជាពាណិជ្ជករចាស់វស្សាដ៏មានឥទ្ធិពលរឹងមាំ ខណៈកូនៗរបស់អ្នកស្រីកំពុងក្តោបក្តាប់ជំនួញប្រាក់ពាន់លានជាច្រើននៅក្នុងដៃ។ កូនស្រី​បង្កើត​របស់​អ្នកស្រី ជឹង សុភាព ដែល​ជា​អគ្គនាយិកា​ក្រុមហ៊ុន​ផលិត​ទឹកបរិសុទ្ធ វីតាល់ ហើយ​ក៏​ជា​អគ្គនាយិកា​ក្រុមហ៊ុន​ផលិត មី​ជាតិ គឺអ្នកឧកញ៉ា​ជឹង សុគន្ធាវី ដែល​ជា​ភរិយា​របស់​ឧត្តមសេនីយ៍​យោធា ឡាវ វ៉ាន់ ត្រូវ​ជា​កូនប្រុស​បង្កើត​ប្រពន្ធ​មុន​របស់​អ្នកឧកញ៉ា ឡាវ ម៉េងឃីន សមាជិក​ព្រឹទ្ធសភា​មកពី​គណបក្ស​ប្រជាជន​កម្ពុជា មុន​ពេល​លោក​បាន​ក្លាយ​ជា​ស្វាមី​លោកស្រី ជឹង សុភាព។

ទី/ ឧកញ៉ា លឹម ឈីវហូរ

ម្ចាស់​ក្រុមហ៊ុន អាត់វោដ អាហរ័ណ នីហរ័ណ (Attwood Import Export Co.) ដែលចូលនាំ​ផលិតផល​ស្រាបៀរថ្លៃៗលក់នៅកម្ពុជា។ អ្នកស្រីពង្រីក​មុខរបរ​ជាច្រើនដូចជា៖ ខាង​សណ្ឋាគារ អចលនទ្រព្យ និង​តំបន់​សេដ្ឋកិច្ច​ពិសេស (special economic zone) នៅ​ជិត​ក្រុង​ភ្នំពេញ ខេត្ត​ព្រះសីហនុ និង​តំបន់​ជាប់​ព្រំដែន​យៀកណាម មាន​បាវិត ខេត្ត​ស្វាយរៀង ជាដើម។ ក្រៅពី​ក្រុមហ៊ុន អាត់វោដ អាហរ័ណ នីហរ័ណ ឧកញ៉ា លឹម ឈីវហូរ គ្រប់គ្រង​ក្រុមហ៊ុន​សំណង់ LCH Construction Co. ជាមួយនឹងដៃគូវិនិយោគចំនួន៣រូបផ្សេងទៀត។

៣/ ឧកញ៉ា សៀង ចាន់ហេង

អ្នកស្រីជានាយិកាក្រុម​ហ៊ុន ហេងអភិវឌ្ឍន៍ គ្រុប ដែលវិនិយោគវិស័យ កសិកម្មឧស្សាហ៍កម្ម គ្រឿង​ចក្រ សំណង់ អចលនទ្រព្យ រោង​ចក្រសហគ្រាស ទេសចរណ៍ និងផ្សារទំនើបជាដើម។ អ្នកស្រី សៀង ចាន់ហេង បច្ចុប្បន្នកំពុងបោះទុនរាប់លានដុល្លារវិនិយោគលើឧទ្យាន រាជនីលង្វែក ស្ថិតនៅក្នុងស្រុក ពញឭ ខេត្តកណ្ដាល។ នៅក្នុងជីវិតអ្នករករស៊ីកន្លងមកអ្នកស្រីហាក់ជួបរងនូវរឿងរ៉ាវក្តីក្តាំជាច្រើនករណី ជាពិេសសក្នុងវិស័យអចលនទ្រព្យតែម្តង។

៤/ អ្នកឧកញ៉ា អ៊ាន អេឡែន

អ្នកស្រី អ៊ាន អេឡែន ប្រធាននាយកប្រតិបត្តិនៃសណ្ឋាគារ SEN HAN HOTEL និងជាម្ចាស់គម្រោងតាមោក ស៊ីធីលែន ដែលជាក្រុមហ៊ុន​អភិវឌ្ឍន៍អចលនទ្រព្យ និងសាងសង់បុរី។ អ្នកស្រីជាភរិយារបស់លោក យិន សារ៉ាន់ អគ្គនាយករងភស្តុភារ ហិរញ្ញវត្ថុ ក្រសួងការពារជាតិ។ អ្នកស្រីក៏មនុស្សមានឥទ្ធិពលមួយរូបក្នុងសមាគមឧកញ៉ាកម្ពុជា ដែលកំពុងកាន់តួនាទីជាអនុប្រធានក្រុមប្រឹក្សាភិបាលផងដែរ។ កន្លងទៅអ្នកស្រីធ្លាប់ទទួលបានផ្ទៃដីបឹងតាមោក ដើម្បីអភិវឌ្ឍន៍គម្រោងមួយឈ្មោះថា តាមោក ស៊ីធីលែន (Tamork City Land) ពីរាជរដ្ឋាភិបាលកម្ពុជា។

៥/ អ្នកឧកញ៉ា ហុង ស៊ួន

អ្នកស្រីជាអគ្គនាយិកាក្រុមហ៊ុន​​ KT PACIFIC GROUP LIMITED ជាក្រុមហ៊ុនអាហរ័ណនីហរ័ណ​ និងក្រុមហ៊ុន BATTAMBANG CONCH CEMENT COMPANY ដែលជារោងចក្រផលិតស៊ីម៉ង់ត៍ដ៏ធំមួយនៅកម្ពុជា។ ក្រៅពីនេះអ្នកស្រីក៏មានមុខជំនួញជាច្រើនផ្សេងទៀតដូចជាសណ្ឋាគារ និងតំបន់សេដ្ឋកិច្ចពិសេស។ អ្នកស្រីបច្ចុប្បន្នជាអនុប្រធានក្រុមប្រឹក្សាភិបាលសមាគមឧកញ៉ាកម្ពុជា ហើយស្វាមីរបស់អ្នកស្រីគឺអ្នកឧកញ៉ាចាស់វស្សា​ ស៊ីវ គង់ទ្រីវ៕

The post មកស្គាល់សេដ្ឋីនី​លំដាប់កំពូលនៅស្រុកខ្មែរទាំង ៥រូប appeared first on .

ពិធីចុះហត្ថលេខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបតិ្តការវេចខ្ចប់វ៉ាក់សាំងបង្ការវីរុស កូវីដ-១៩ រវាងសហគ្រាសឱសថកម្ពុជា និងក្រុមហ៊ុន Sinovac Life Sciences នៃសាធារណរដ្ឋប្រជាមានិតចិន នៅថ្ងៃទី០១ ខែមិថុនា ឆ្នាំ២០២២ នៅទីស្តីការក្រសួងសុខាភិបាលកម្ពុជា ក្រោមអធិបតីភាពលោក ម៉ម ប៊ុនហេង រដ្ឋមន្រី្តក្រសួងសុខាភិបាល ជាមួយលោក Wang Wentian (វ៉ាង វិនធាន) ឯកអគ្គរដ្ឋទូតចិនប្រចាំកម្ពុជា អ្នកឧក​ញ៉ា ជឹង សុភាព អគ្គនាយិកាសហគ្រាសឱសថកម្ពុជា លោក Gao Qiang (កៅ ជាំង) អ្នកគ្រប់គ្រងទូទៅ របស់ក្រុមហ៊ុន Sinovac Life Sciences Co.,Ltd។

លោក វ៉ាង វិនធាន ឯកអគ្គរដ្ឋទូតចិនប្រចាំកម្ពុជា  បានលើកឡើងថា ពិធីចុះហត្ថលេខាលើអនុស្សរណៈ​នៃការយោគយល់គ្នានាពេលនេះ បានបង្កើតមូលដ្ឋានកាន់តែរឹងម៉ាំ ដើម្បីកសាងរោចក្រវេចខ្ចប់វ៉ាក់សាំងកូវីដ-១៩ និងបានជួយដល់ការផលិតឱសថមួយកម្រិតថែមទៀតនៅកម្ពុជា។

ជាមួយគ្នានេះ អ្នកឧកញ៉ា ជឹង សុភាព អគ្គនាយិកាសហគ្រាសឱសថកម្ពុជា បានប្តេជ្ញាថា នឹងខិតខំប្រឹង​ប្រែងអស់ពីលទ្ធភាព ដើម្បីអនុវត្តគម្រោងនេះជាមួយក្រុមហ៊ុន Sinovac ជាដៃគូសហការឱ្យទទួលបានជោគជ័យ ដើម្បីចូលរួមចំណែកក្នុងកិច្ចខិតខំប្រឹងប្រែងរបស់រាជរដ្ឋាភិបាលក្នុងការបន្តប្រយុទ្ធប្រឆាំងជំងឺកូវីដ-១៩ ដែលទទួលបានជោគជ័យដ៏ធំធេង តាមរយៈយុទ្ធសាស្រ្តចាក់ស្រោចវ៉ាក់សាំងរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។

អ្នកឧកញ៉ា ជឹង សុភាព ក៏បានថ្លែងអំណរគុណចំពោះ​គំនិតផ្តួចផ្តើម និងការគាំទ្ររបស់សម្តេចតេជោ ហ៊ុន សែន លើ​គម្រោងច្រក និងវេចខ្ចប់វ៉ាក់សាំងបង្ការជំងឺកូវីដ-១៩ នេះ និងថ្លែងអំណរគុណចំពោះឯកអគ្គ រដ្ឋទូតចិនប្រចាំ​កម្ពុជា និងលោក សាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល ដែលបានផ្តល់ការសម្របសម្រួល និងគាំទ្រដល់ការជម្រុញអនុវត្តគម្រោងដ៏មានសារៈសំខាន់នេះ។

រដ្ឋមន្ត្រីក្រសួងសុខាភិបាល លោក ម៉ម ប៊ុនហេង ក៏បានអបអរសាទចំពោះការចុះហត្ថលេខាលើអនុស្សរណៈ នៃការយោគយល់គ្នានេះ ដែលអាចឱ្យកម្ពុជា មានលទ្ធភាពវេចខ្ចប់វ៉ាក់សាំងនិងបញ្ជីប្រើប្រាស់បន្ទាន់​របស់​អង្គការសុខភាពពិភពលោក ដើម្បីបំពេញទៅតាមតម្រូវការរបស់ប្រជាពលរដ្ឋកម្ពុជា រួមទាំងជន​បរទេស​ទាំងអស់ ដែលកំពុងស្នាក់នៅក្នុងប្រទេសកម្ពុជា។

លោករដ្ឋមន្រី្ត ថាគម្រោងវេចខ្ចប់ដំណាក់កាលចុងក្រោយ នៃវ៉ាក់សាំងបង្ការវីរុសកូវីដ-១៩ និងវីរុសបំលែង​ថ្មីផ្សេង​ៗទៀត រាជរដ្ឋាភិបាលកម្ពុជា បញ្ជាទិញពីសហគ្រាសឱសថកម្ពុជា រយៈពេល ៣ឆ្នាំ (២០២៤-២០២៦) សម្រាប់ផ្គត់ផ្គង់​តម្រូវការប្រើបា្រស់ក្នុងប្រទេស៕

The post សហគ្រាសឱសថរបស់អ្នកឧកញ៉ា ជឹង សុភាព នឹង​សហ​​ការ​ជាមួយ​ក្រុមហ៊ុនស៊ីណូវ៉ាក់​​ ដើម្បីច្រក​និង​វេចខ្ចប់​វ៉ាក់សាំងកូវីដ-១៩ នៅកម្ពុជា appeared first on .