ក្នុងនាមជាគ្រូបង្វឹកកិត្តិយស សម្តេចតេជោ ហ៊ុន សែន នឹងដឹកនាំការប្រកួតបាល់ទាត់ដើម្បីមនុស្សធម៌ចំនួនពីរ​ប្រកួត​នៅពហុកីឡដ្ឋានជាតិអូឡាំពិក រួមមានជំនួបរវាងក្រុម Vloggers All Star Vs បាល់ទះ S&E All Star និងជំនួបរវាង CFSS Vs Kun Khmer All Star ផងដែរ។

ការប្រកួតបាល់ទាត់នេះធ្វើឡើង ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» និងដើម្បី​ប្រមូល​ថវិកា​ជួយមន្ទីរពេទ្យគន្ធបុប្ផា។ ជាមួយគ្នានេះ សម្តេចតេជោ ក៏សូមអំពាវនាវសប្បុរសជនចូលរួមជួយថវិកា សម្រាប់ជួយដល់​មន្ទីរពេទ្យគន្ធបុប្ផា ដែលកំពុងត្រូវការសម្រាប់ព្យាបាលដល់​កុមារកម្ពុជា។ សម្តេចតេជោ ក៏បានប្រកាសថា សម្តេច និងសម្តេចកិត្តិព្រឹទ្ធបណ្ឌិត បានចូលរួម​ថវិកា​​ចំនួន ២០០លាន​រៀល។

សម្រាប់សប្បុរសជនចង់​ចូល​រួមតាមរយៈសម្តេចក្នុងព្រឹត្តិការណ៍ប្រកួតបាល់ទាត់មនុស្សធម៌នេះ សូមទាក់ទងទៅលោក សេង ទៀង ដែលមាន​លេខទូរស័ព្ទ ០១២ ៩៦១ ៩៧១៕

The post ក្រុមហ៊ុន ជីប ម៉ុង ឧបត្ថម្ភថវិកា ១០ម៉ឺនដុល្លារ ជូនដល់មន្ទីរពេទ្យគន្ធបុប្ផា តាមរយៈការប្រកួតបាល់ទាត់មនុស្សធម៌ ដែលដឹកនាំដោយ សម្តេចតេជោ ហ៊ុន សែន appeared first on .

នៅថ្ងៃចូលរោងជ័យរបស់កូនកំលោះកូនក្រមុំទាំងពីរ កាលពីថ្ងៃទី៣ ខែមេសា បានធ្វើឡើងនៅភូមិគ្រឹះដ៏ស្កឹមស្កៃមួយ​កន្លែងលើមហាវិថី​ព្រះនរោត្តម ក្បែរវិមានឯករាជ្យ។ រីឯកម្មវិធីបន្តនៅថ្ងៃទី៤ ខែមេសានេះ បានប្រារព្វធ្វើឡើងនៅ មជ្ឈ​មណ្ឌល​សន្និបាត​និង​ពិព័រណ៍​អន្តរជាតិ​ជ្រោយចង្វារ​ OCIC។

ពិធីមង្គលដ៏ធំនេះ ក៏មានការអញ្ជើញជាកិត្តិយសដ៏ខ្ពង់ខ្ពស់ពី សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភា ដែលទើបចូលកាន់តំណែងថ្មី, សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ព្រមទាំងឥស្សរៈជនជាតិ និងថ្នាក់ដឹកនាំរាជរដ្ឋាភិបាល តាមបណ្តាក្រសួងស្ថាប័ននានា។

លើសពីនេះ ក៏មានវត្តមាន អ្នកឧកញ៉ា និងឧកញ៉ាៗជាច្រើនអញ្ជើញចូលភ្ញៀវកិត្តិយសក្នុងពិធីចូលរោងជ័យ និងពិធីកាត់សក់បង្កក់សិរីផងដែរ ដែលរួមមាន អ្នកឧកញ៉ា ភាព ហៀក, អ្នកឧកញ៉ា លាង ឃុន, អ្នកឧកញ៉ា លាង ម៉េង សហស្ថាបនិក ក្រុមហ៊ុន ជីប ម៉ុង គ្រុប, អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា, ឧកញ៉ា ម៉ុង ឫទ្ធី អគ្គនាយកក្រុមហ៊ុន ម៉ុង ឫទ្ធី គ្រុប និងជាសមាជិកព្រឹទ្ធសភា, អ្នកឧកញ៉ា លី ហួរ អគ្គនាយកក្រុមហ៊ុន លី ហួរ គ្រុប, លោកស្រីឧកញ៉ា ហ៊ុន ស៊ីណាត, លោកស្រីឧកញ៉ា កែវ មុំ, ឧកញ៉ា លីម ប៊ុណ្ណា អគ្គនាយកក្រុមហ៊ុន អិលប៊ីអិន គ្រុប ព្រមទាំងភ្ញៀវកិត្តិយសច្រើនរូបទៀត។

រូបភាព៖ The Ring

The post ឥស្សរជននិងឧកញ៉ាៗជាច្រើនរូប ចូលរួមពិធីមង្គលការកូនស្រីសម្តេចក្រឡាហោម ស ខេង និងនាយឧត្តមសេនីយ៍ ស ថេត appeared first on .

ថ្លែងបើកវគ្គបណ្ដុះបណ្ដាលនេះ ឧកញ៉ា កែវ មុំ ប្រធានសមាគមសមាធិព្រះធម៌-កម្ពុជា មានប្រសាសន៍ថា ការបើកវគ្គបណ្ដុះបណ្ដាលថ្មីនេះ ធ្វើឡើងក្នុងគោលបំណងបើកចក្រាជូនដល់ពលរដ្ឋភ្ជាប់រវាងមនុស្សយើង ទៅនឹងចក្រវាឡ ដោយមានជាការអង្គុយសមាធិស្រូបយកកម្លាំងពីចក្រវាឡមកព្យាបាលខ្លួនឯង និងមានកម្លាំងធាតុព្យាបាលអ្នកដទៃដោយគ្រាន់តែប្រើបាតដៃ។

លោកស្រីឧកញ៉ា បានបន្ដថា សម្រាប់ខ្លួនលោកស្រីផ្ទាល់បានរៀនសមាធិនេះតាំងពីឆ្នាំ២០០៨ គិតមកដល់ពេលនេះមានរយៈពេល១៥ឆ្នាំហើយ ជាលទ្ធផលគឺទទួលបានផលល្អប្រសើរចំនួន៤ចំណុច៖ ទី១ គឺព្យាបាលខ្លួនឯងឱ្យជាសះស្បើយ មានកម្លាំងក្នុងការធ្វើការងារផ្សេងៗ។ ទី២ គឺមានកម្លាំងធាតុដ៏អស្ចារ្យដែលលោកគ្រូតា ដាស៊ីរ៉ា ណារ៉ាដា ផ្ដល់ឱ្យ អាចមានកម្លាំងធាតុព្យាបាលអ្នកដទៃដោយប្រើតែបាតដៃ។ ទី៣ នៅពេលដែលជួបនៅឧបសគ្គឬគ្រោះផ្សេងៗអាចជួយសម្រាលបានពីកម្រិតធ្ងន់មកស្រាល។ ទី៤ ធ្វើឱ្យអ្នកមានញ្ញាណទី៦ អាចដឹងហេតុការណ៍ដែលកើតឡើងមុន។

ទន្ទឹមនឹងនេះ លោកស្រីឧកញ៉ា កែវ មុំ បង្ហាញពីគោលបំណងនិងក្ដីរំពឹងរបស់សិក្ខាកាមទាំងអស់ថា ក្រោយចប់វគ្គបណ្ដុះបណ្ដាលនេះទៅ សិក្ខាកាមទាំងអស់អាចទទួលបានថាមពលដ៏អស្ចារ្យពីលោកគ្រូតា ដាស៊ីរ៉ា ណារ៉ាដា ក្រោយពីបើកចក្រារួច ហើយអាចមានសមត្ថភាពព្យាបាលខ្លួនឯងឱ្យជា មានសុខភាពល្អ ហើយអាចព្យាបាលអ្នកដទៃបាន។

ជាមួយគ្នានោះ អ្នកឧកញ៉ា ភាព ហៀក សហស្ថាបនិកក្រុមហ៊ុន ជីប ម៉ុង គ្រុប ក៏បានលើកឡើងពីអត្ថប្រយោជន៍នៃការធ្វើសមាធិចក្រាដោយបានព្យាបាលអ្នកឧកញ៉ា ឱ្យជាសះស្បើយពីជំងឺក្រពះ ជំងឺទឹកនោមផ្អែម និងជំងឺគេងមិនលក់ មិនត្រឹមតែប៉ុណ្ណោះ តាមរយៈថាមពលពីចក្រាក៏ធ្វើឱ្យ អាចព្យាបាលចៅនិងកូនៗបានជាពីជំងឺផងដែរ។

បន្ថែមទៀតនោះ អ្នកឧកញ៉ា ភាព ហៀក ក៏បានលើកឡើងពីការផ្ដួចផ្ដើមរកទីតាំងសមាធិឱ្យមានកន្លែងច្បាស់លាស់តាំងពីជួលអគារគេមួយល្វែង បង់ក្នុងមួយខែ១០០០ដុល្លារ រហូតដល់ទៅសុំកន្លែងសម្រាប់សមាធិ ពីវត្តទួលទំពូង បន្ទាប់មក ក៏មានទីតាំងច្បាស់លាស់នៅអគារសមាគមចិនត្រកូលតាំង មកដល់បច្ចុប្បន្ននេះ។

លោកគ្រូ យ៊ុន ប៊ុនគន បានផ្ដល់បទជាមួយសម្ភាសន៍ឧកញ៉ាញូស៍ថា សមាធិព្រះធម៌ ឬសមាធិចក្រា ខុសពីសមាធិផ្សេងទៀត ដោយសមាធិចក្រាគឺផ្ដោតទៅលើការជួយលើផ្នែកសុខភាពបានជា១០០%។ លោកគ្រូបានបញ្ជាក់ថា សមាធិចក្រាអាចព្យាបាលជំងឺបានគ្រប់មុខនិងគ្រប់ប្រភេទទាំងអស់ ផ្អែកទៅលើពេលវេលា និងស្ដាប់តាមការណែនាំរបស់គ្រូបង្រៀនសមាធិ។ ការសមាធិចក្រា ពិតជាមិនអាចព្យាបាលទៅលើមនុស្សណាដែលមិនព្យាយាមរៀនសូត្រ មិនស្ដាប់តាមការណែនាំរបស់គ្រូនោះទេ៕

The post ឧកញ៉ា កែវ មុំ និងអ្នកឧកញ៉ា ភាព ហៀក ចូលរួមបើកវគ្គបណ្ដុះបណ្ដាលសមាធិចក្រាជំនាន់ទី២១ appeared first on .

ពិធី​សិរីមង្គលអាពាហ៍ពិពាហ៍ដ៏​ធំ​ ចុង​ឆ្នាំ២០២៣​នេះ កូនប្រុសនាម ប៉ែន សំអាតសុទ្ធជាតិ ​ជា​កូនប្រុស​របស់​លោក ប៉ែត សំអាត រដ្ឋលេខាធិការ​ក្រសួងសេដ្ឋកិច្ច និង​ហិរញ្ញវត្ថុ និង​​លោក​ស្រី ហាក់ ស្រីទូច។ រីឯ​កូនស្រីនាម អ៊ឹង កណិការ ​​ជា​កូនស្រី​របស់ អ្នកឧកញ៉ា លាង ឃុន សហស្ថាបនិក​ក្រុមហ៊ុន ជីប ម៉ុង គ្រុប និង​លោកស្រី តែ សុណ្ណនី។

សូម​ទស្សនារូបភាពខាង​ក្រោម៖

រូបភាព៖ The Ring

The post មកមើលទិដ្ឋភាពពិធីមង្គលការចៅស្រី អ្នកឧកញ៉ា ភាព ហៀក appeared first on .

តាមរយៈ​រូបភាព​ដ៏​ស្អាត​ត្រជាក់​ភ្នែក​ ​ថត​ដោយ​ក្រុមការងារ One Memory ​​បាន​បង្ហាញ​ពី​វត្តមាន​​ដ៏​កម្រ​របស់​អ្នកឧកញ៉ា ភាព ហៀក ព្រម​ទាំង​លោកស្រី លី សុខឆេង អគ្គនាយិកា​ផ្សារ​ទំនើប​ ជីប ម៉ុង (Chip Mong Retail) និង​ស្វាមី​ គឺ​លោក កេង សុម៉ារិទ្ធ រដ្ឋលេខាធិការក្រសួងយុត្តិធម៌ រួម​ទាំង​​​កូនប្រុសស្រី​ចំនួន ៣​រូប​ទៀត​ផងដែរ។

រូបភាព​អនុស្សាវរីយ៍​​​​ទាំង​បែប​បុរាណ​និងសម័យ​​នេះ​ ​ត្រូវ​បាន​ថត​ឡើង​នៅ​ក្នុង​តំបន់​ប្រាសាទ​អង្គរវត្ត និង​ប្រាសាទ​អង្គរ​ធំ និង​តំបន់​​សំខាន់ៗ​មួយ​ចំនួន​ទៀតនៃ​ក្រុងសៀមរាប។

សូម​ទស្សនា​រូបភាព​ខាង​ក្រោម៖

រូបភាព៖ One Memory

The post អ្នកឧកញ៉ាស្ថាបនិកក្រុមហ៊ុន ជីប ម៉ុង គ្រុប បង្ហាញរូបភាពបែបគ្រួសារដ៏ស្រស់ស្អាត លើទឹកដីអង្គរ appeared first on .

ថ្លែងក្នុងបើកកម្មវិធី លោកជំទាវឧកញ៉ា កែវ មុំ​​ ប្រធានសមាគមសមាធិព្រះធម៌-កម្ពុជា បានលើកឡើងពីប្រវត្តិលោកគ្រូតា ដាស៊ីរ៉ា ណារ៉ាដា ដែលបានចាប់បដិសន្ធិនៅថ្ងៃទី២៤ ខែតុលា ឆ្នាំ១៨៤៦ នៅទីក្រុងគូឡំបូ ប្រទេសស្រីលង្កា។ លោកបានរៀនចប់ថ្នាក់បណ្ឌិតនៅសាកលវិទ្យាល័យ ណាឡាន់ដា នៅឆ្នាំ១៨៧១ និងបានសិក្សាទស្សនវិជ្ជាផ្សេងៗពីបូព៌ាប្រទេស ដើម្បីរំដោះខ្លួនព្រមទាំងមនុស្សទូរទៅឲ្យបានរួចផុតនូវកម្មរបស់មនុស្សលោក។

លោកជំទាវបន្តថា លោកគ្រូតាបានបង្កើតនូវការសមាធិនេះឡើងនៅឆ្នាំ១៨៩៣។ កន្លងមករយៈពេល១៨ឆ្នាំ លោក បានសម្រេចញាណដោយបានបើកទម្លុះនៅចក្រាដែលអាចនាំមកនូវថាមពលចក្រវាឡមកក្នុងខ្លួន មិនត្រឹមតែប៉ុណ្ណោះ លោកក៏បានរកឃើញវិធីឆ្ពោះទៅរកការបើកចក្រាជូនដល់អ្នកដទៃដោយមិនតម្រូវឱ្យពួកគេឆ្លងកាត់តាមវិធីដ៏វែងនិងលំបាកនោះឡើយ។

បន្ថែមទៀតនោះ​​លោកជំទាវឧកញ៉ា កែវ មុំ បានលើកឡើងពីបុព្វហេតុដែលនាំឱ្យកើតមានទម្រង់សមាធិនេះឡើងនៅកម្ពុជារៀបចំឡើងដោយសមាគមសមាធិព្រះធម៌-កម្ពុជា ដែលមានលោកគ្រូតាជាប្រធាន គឺជាទម្រង់សមាធិមួយរបស់អង្គព្រះសម្មាសម្ពុទ្ធដែលមានទាំងអស់ចំនួន៤០។

លោកស្រី ស្រ៊ុន ស៊ូគីម សិស្សសមាធិកម្រិត៣ បានបង្ហាញអារម្មណ៍ទាំងក្ដុកក្ដួលថា ការចូលរួមធ្វើសមាធិនេះលោកស្រីទទួលបានថាមពលផ្លូវចិត្តយ៉ាងច្រើនពីចក្រា​ មិនតែប៉ុណ្ណោះលោកស្រីអាចមានថាមពលព្យាបាលខ្លួនឯងផង ម្តាយផង ព្រមទាំងស្វាមី​ និងបងប្អូនជាច្រើនរូបផងដែរ។

ជាមួយគ្នានោះ លោកស្រី គង់ ដាឡែន សិស្សសមាធិកម្រិត៣ បានលើកឡើងពីភាពអស្ចារ្យរបស់លោកគ្រូតាថា កាលពីមុនលោកស្រីមានបញ្ហាគីសដៃស្បូនទាំងសងខាងដែលមិនអាចមានកូនបានទេ ក្រោយពីចូលរៀនវគ្គសមាធិ ធ្វើឱ្យលោកស្រីមានថាមពលយ៉ាងខ្លាំងខ្លា ហើយអាចជម្នះភាពភ័យខ្លាចនានា រហូតអាចបង្កើតកូនប្រុសបានម្នាក់ដោយសារការសុំពរពីលោកគ្រូតា ដាស៊ីរ៉ា ណារ៉ាដា។

បើតាមលោកជំទាវប្រធានសមាគមព្រះធម៌-កម្ពុជា បានបញ្ជាក់ថា​ ចក្រារបស់លោកគ្រូតា ដាស៊ីរ៉ា ណារ៉ាដា ពិតជាអាចព្យាបាលជំងឺបានគ្រប់ប្រភេទទាំងអស់ លើកលែងតែជំងឺដែលបានទទួលបានពីកម្មតែប៉ុណ្ណោះ។

នៅក្នុងកម្មវិធីនោះដែរ សិស្សសមាធិគ្រប់កម្រិតក៏បានសម្ដែងនូវការដឹងគុណជាអនេកចំពោះលោកគ្រូតា ដាស៊ីរ៉ា ណារ៉ាដា ដែលបាននាំមកនូវទម្រង់សមាធិនេះ ដែលអាចធ្វើឱ្យពួកគាត់មានកម្លាំងថាមពលដ៏អស្ចារ្យក្នុងការព្យាបាលជំងឺខ្លួនឯង និងមានសមត្ថភាពក្នុងការព្យាបាលជូនអ្នកដទៃផងដែរ៕ អត្ថបទ៖ សុកធា

The post ឧកញ៉ា កែវ មុំ និងអ្នកឧកញ៉ា ភាព ហៀក ដឹកនាំសិស្សសមាធិ ធ្វើខួបកំណើត១៧៧ឆ្នាំថ្វាយលោកគ្រូតា ដាស៊ីរ៉ា ណារ៉ាដា appeared first on .

១. អ្នកឧកញ៉ា ភាព ហៀក ៖ ប្រធានកិត្តិយសសមាគមសម្ព័ន្ធខ្មែរចិននៅប្រទេសកម្ពុជា | ស្ថាបនិកក្រុមហ៊ុន ជីប ម៉ុង គ្រុប

២. ឧកញ៉ា កែវ មុំ ៖ ប្រធានសមាគមសហគ្រិនស្ត្រីកម្ពុជា | នាយិកាក្រុមហ៊ុនផលិតនំស្រួយលីលី

៣. ឧកញ៉ា តំាង ហ្គិចលៀង ៖ ប្រធាន​ក្លិប​ស្ត្រីកម្ពុជា | ប្រធានក្រុមហ៊ុន H&L Group

៤. ឧកញ៉ា ឡេង ចាន់ណា ៖ ប្រធានសមាគមលើកកម្ពស់ពលករ និងអតីតពលករ​ដើម្បីសប្បុរធម៌ | ស្ថាបនិកក្រុមហ៊ុន ប្រ៊ីលាន ស៊ីធី វើលដ៍ ឯ.ក

៥. ឧកញ៉ា ឆាយ ស៊ីវលីន ៖ ប្រធានសមាគមទីភ្នាក់ងារទេសចរណ៍កម្ពុជា (CATA) | ម្ចាស់ក្រុមហ៊ុន CSL Travel and Tour

សូម​ជម្រាប​ជូន​ថា សមាគម គឺ​សំដៅដល់អង្គការសមាជិកភាព ដែល​ត្រូវ​បាន​បង្កើត​ឡើង​ក្រោម​ច្បាប់​របស់​កម្ពុជា ក្នុង​គោលបំណង​ធ្វើ​ជា​តំណាង និង​ការពារ​ផល​ប្រយោជន៍​របស់​សមាជិក​ខ្លួន ដោយ​មិន​ទាញ​យក​ចំណេញ ឬ​មិន​យក​កម្រៃ​មក​ចែក​គ្នា។ យោងតាមរបាយការណ៍ របស់ក្រសួងមហាផ្ទៃ កាល​ថ្ងៃទី១៩ ខែកុម្ភៈ ឆ្នាំ២០២០ បាន​ឱ្យ​ដឹង​ថា គិតត្រឹមឆ្នាំ២០១៩ នៅក្នុងប្រទេសកម្ពុជា មានសមាគម អង្គការ​មិនមែនរដ្ឋាភិបាល និងសហគមន៍ ជិត៦០០០ ដែលបានចុះបញ្ជីនៅក្រសួងមហាផ្ទៃ៕

The post ណែនាំឱ្យស្គាល់អ្នកឧកញ៉ា និងឧកញ៉ាៗជាស្ត្រីចំនួន៥រូប កំពុងកាន់តួនាទីជាប្រធានសមាគម appeared first on .

ដើម្បីអបអរសាទរទិវាសិទ្ធិនារីអន្តរជាតិ ៨មីនា ឆ្នាំ២០២៣នេះ គេហទំព័រឧកញ៉ាញូស៍ សូមបង្ហាញស្ត្រីវស្សាជើងខ្លាំងក្នុងវិស័យជំនួញ ដែលកំពុងដឹកនាំអាណាចក្រជំនួញប្រាក់ពាន់លាននៅក្នុងដៃ ចំនួន៤រូប រួមមាន៖

១/ ស្ថាបនិកក្រុមហ៊ុន ជីប ម៉ុង គ្រុប

អ្នកឧកញ៉ា ភាព ហៀក កំពុងជោគជ័យយ៉ាងសម្បើមគ្រប់គ្រងបុត្រសម្ព័ន្ធក្នុងដៃប្រមាណ ១៣ក្រុមហ៊ុនលើពហុវិស័យ។ ជីបម៉ុង គ្រុប ជោគជ័យមកទល់បច្ចុប្បន្ននេះគេមិនអាចមើលរំលងបានឡើយនូវពាណិជ្ជករវ័យក្មេងដ៏មានសក្តានុពលចំនួន ២រូប គឺអ្នកឧកញ៉ា លាង ឃុន និងអ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ជីបម៉ុង លោកទាំពីរជាកូនបង្កើតអ្នកឧកញ៉ា ភាព ហៀក មានស្រុកកំណើតខេត្តកំពង់ចាម ស្រុកសន្ធរ។

២/ ប្រធានក្រុមប្រឹក្សាភិបាលក្រុមហ៊ុន វឌ្ឍនៈ គ្រុប

អ្នកឧកញ៉ា ឈុន លាង ដែលចាប់ផ្ដើមជំនួញដំបូងពីរបរលក់អំបោះហុង និងគ្រឿងអលង្ការ ជាមួយប្តីគឺអ្នកឧកញ៉ា សំ អាង ស្ថាបនិកក្រុមហ៊ុន វឌ្ឍនៈ គ្រុប ជាក្រុមហ៊ុនក្នុងស្រុកកំពុងវិនិយោគជាច្រើនវិស័យ។ ក្រុមហ៊ុន វឌ្ឍនៈ ក៏មានកូនប្រុសស្រីចំនួន៣រូប កំពុងដឹកនាំផ្នែកយុទ្ធសាស្រ្តសំខាន់ៗផងដែរ។

៣/ អនុប្រធានប្រតិបត្តិនៃក្រុមហ៊ុន លី ហួរ

អ្នកស្រីឧកញ៉ា ស៊ាង លីម ដែលមានស្វាមីជាដឹកនាំកាច់ចង្កូតដ៏ឆ្នើមល្បីល្បាញជើងចាស់ក្នុងពិភពជំនួញប្រទេសកម្ពុជា និងមានសេនាជាទ័ពស្រួចកំពុងគ្រប់គ្រងសម្ព័ន្ធក្រុមហ៊ុន លី ហួរ គ្រុប។ អ្នកស្រីចាប់ផ្តើមអាជីវកម្មដំបូងជាអ្នកលក់សំលៀកបំពាក់ និងក្រណាត់នាំចូលពីវៀតណាម ហើយក្រោយមកចាប់ផ្តើមអាជីវកម្មប្តូរប្រាក់និងលក់មាសក្នុងឆ្នាំ១៩៨៦ រហូតជោគជ័យពេលបច្ខុប្បន្ន។

៤/ អ្នកស្រីឧកញ៉ា លឹម ឈីវហូរ

អគ្គនាយិការក្រុមហ៊ុន អាតវ៉ីត នីហរ័ណ អាហរ័ណ ដែលជាក្រុមហ៊ុនសាជីវកម្មនាំចូលស្រាល្បីៗថ្លៃៗកបពពកមកស្រុកខ្មែរ។ អ្នកស្រីកំពុងគ្រប់គ្រងបុត្រសម្ព័ន្ធក្នុងពហុវិស័យ។ ជាមួយគ្នានេះ ក្រុមហ៊ុនរបស់អ្នកស្រីក៏មានកូនប្រុសម្នាក់ផងដែរមកជួយដឹកនាំបេសកកម្មរបស់ក្រុមហ៊ុន អាតវ៉ូត នីហរ័ណ អាហរ័ណ ពិសេសតំបន់សេដ្ឋកិច្ចពិសេសនានា៕

អត្ថបទ៖ ឧកញ៉ាកោះក្របី

The post កំពូលស្ត្រីឆ្នើមជើងចាស់៤រូប បាននឹងកំពុងកសាងអាណាចក្រជំនួញប្រាក់ពាន់លាននៅកម្ពុជា appeared first on .

ការ​នាំ​ចូល​ដែក និង​សម្ភារៈ​សំណង់ ​​ដែល​មាន​គុណភាព​ខ្ពស់ ​គឺ​ក្នុង​គោលបំណង​រួម​ចំណែក​ក្នុង​​ការ​អភិវឌ្ឍ​វិស័យ​សំណង់​ និង​វិស័យ​ឧស្សាហកម្ម​នៅកម្ពុជា ដែល​ទើប​រួច​ផុត​ពី​សម័យ​សង្គ្រាម។ ក្នុង​ន័យ​​នេះ​ ក្រុមហ៊ុន​ ជីប ម៉ុង ​ដែល​មាន​អ្នក​ឧកញ៉ា ភាព ហៀក ជា​ស្ថាបនិក បាន​ចុះ​កិច្ចព្រមព្រៀង​ជាមួយ​ក្រុមហ៊ុន VNSTEEL ​​នៅ​ឆ្នាំ១៩៩៧ ​​និង​បាន​ក្លាយ​ជា​ក្រុមហ៊ុន​ចែក​ចាយ​ផលិតផល​​​ដែកថែប​ម៉ាក V ​ផ្តាច់មុខ​នៅកម្ពុជា ​​តាំងពី​ពេល​នោះ​ រហូតមកដល់បច្ចុប្បន្ន។

គួរបញ្ជាក់​​ថា ក្រៅពី​នាំ​ចូល​ចែក​ចាយ​ដែកថែប​ម៉ាក V ​​ក្រុមហ៊ុន​ Chip Mong Trading ​​ក៏​បាន​នាំចូល​និង​លក់​ចែកចាយ​បន្ត​នូវ​ផលិតផល​​ផ្សេងៗ​មួយ​ចំនួន​ទៀត​ដូចជា នំស្រួយ​ហាណាមិ នំប្រអប់ Arsenal Biscuits, ប្រេងឆា Healthy Chief និង​សាប៊ូម្សៅ Ora ​​​ជាដើម៕

The post តើអ្នកឧកញ៉ា ភាព ហៀក នាំចូលដែកថែបអ៊ីតាលីម៉ាក V មកកាន់កម្ពុជា តាំងពីពេលណា? appeared first on .

គម្រោងនេះ មានទីតាំងនៅលើផ្លូវហាណូយ និងមហាវិថីហ្គ្រេនភ្នំពេញ ដោយ​​មាន​មុខងារថ្មីកាន់តែសម្បូរ​បែប និងទំនើបជាងមុន។ ពិធីបញ្ចុះបឋមសិលា ក៏​មាន​ការ​ចូល​រួម​ពី​អ្នកឧកញ៉ា ភាព ហៀក, អ្នកឧកញ៉ា លាង ឃុន និង​អ្នកឧកញ៉ា លាង ម៉េង ​​ដែល​ជា​សហ​ប្រធានក្រុមអគ្គនាយកក្រុមហ៊ុន ជីប ម៉ុង គ្រុប ផង​ដែរ។ គម្រោង ហ្រ្គេនភ្នំពេញស៊ីធី ទីII ​នឹងធ្វើការបើកលក់ជាសាធារណៈ ក្នុងពេលដ៏ខ្លីខាងមុខនេះ។

សូមជម្រាបជូនថា ជីប ម៉ុង លែន ជាបុត្រសម្ព័ន្ធមួយ​របស់​ក្រុមហ៊ុន​ ជីប ម៉ុង គ្រុប ដែល​បាន​បង្កើត​ឡើង​​ នៅ​ឆ្នាំ២០០៨។ គម្រោង​ដំបូង​របស់ ជីប ម៉ុង លែន គឺ​ផាកលែន សែនសុខ ​​ដែល​បាន​បញ្ចប់​ការ​សាងសង់ និង​ប្រគល់​ជូន​អតិថិជនទាំងស្រុង កាលឆ្នាំ២០១៧។ បច្ចុប្បន្ន ជីប ម៉ុង លែន មាន​គម្រោង​ធំៗ​ជាង​ ១០​កន្លែង​​ហើយ​ដូចជា គម្រោង លែនម៉ាក ២៧១, លែនម៉ាក ៦០ម៉ែត្រ, ផាកលែន ៥៩៨, ផាកឡែន TK, ផាកលែន ខុនដូ TK, ផាកលែន 6A, ផាកលែន ៥០ម៉ែត្រ, ផាកលែន ពោធិ៍ចិនតុង, ផាកលែន ចំការដូង រួមទាំង​គម្រោង ហ្គ្រេនភ្នំពេញស៊ីធី​​ ទាំង​ពីរ​ផង​ដែរ៕

The post ក្រុមហ៊ុន ជីប ម៉ុង បើកការដ្ឋានសាងសង់គម្រោង ហ្គ្រេនភ្នំពេញស៊ីធី II appeared first on .