ក្នុងនាមជាគ្រូបង្វឹកកិត្តិយស សម្តេចតេជោ ហ៊ុន សែន នឹងដឹកនាំការប្រកួតបាល់ទាត់ដើម្បីមនុស្សធម៌ចំនួនពីរ​ប្រកួត​នៅពហុកីឡដ្ឋានជាតិអូឡាំពិក រួមមានជំនួបរវាងក្រុម Vloggers All Star Vs បាល់ទះ S&E All Star និងជំនួបរវាង CFSS Vs Kun Khmer All Star ផងដែរ។

ការប្រកួតបាល់ទាត់នេះធ្វើឡើង ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» និងដើម្បី​ប្រមូល​ថវិកា​ជួយមន្ទីរពេទ្យគន្ធបុប្ផា។ ជាមួយគ្នានេះ សម្តេចតេជោ ក៏សូមអំពាវនាវសប្បុរសជនចូលរួមជួយថវិកា សម្រាប់ជួយដល់​មន្ទីរពេទ្យគន្ធបុប្ផា ដែលកំពុងត្រូវការសម្រាប់ព្យាបាលដល់​កុមារកម្ពុជា។ សម្តេចតេជោ ក៏បានប្រកាសថា សម្តេច និងសម្តេចកិត្តិព្រឹទ្ធបណ្ឌិត បានចូលរួម​ថវិកា​​ចំនួន ២០០លាន​រៀល។

សម្រាប់សប្បុរសជនចង់​ចូល​រួមតាមរយៈសម្តេចក្នុងព្រឹត្តិការណ៍ប្រកួតបាល់ទាត់មនុស្សធម៌នេះ សូមទាក់ទងទៅលោក សេង ទៀង ដែលមាន​លេខទូរស័ព្ទ ០១២ ៩៦១ ៩៧១៕

The post ក្រុមហ៊ុន ជីប ម៉ុង ឧបត្ថម្ភថវិកា ១០ម៉ឺនដុល្លារ ជូនដល់មន្ទីរពេទ្យគន្ធបុប្ផា តាមរយៈការប្រកួតបាល់ទាត់មនុស្សធម៌ ដែលដឹកនាំដោយ សម្តេចតេជោ ហ៊ុន សែន appeared first on .

នៅក្នុងពិធី សម្ពោធអគារសហសិក្សាអគារស្នាក់នៅ អគារអាហារដ្ឋាន និងបិទវគ្គបណ្ដុះបណ្ដាល និងហ្វឹកហ្វឺនឆ្នាំ២០២៣ បន្តបើកវគ្គសិក្សាឆ្នាំ២០២៤ នៅសាកលវិទ្យាល័យការពារជាតិ នៅព្រឹកថ្ងៃទី១៩ ខែមេសា ឆ្នាំ២០២៤ សម្ដេចធិបតី បានយល់ព្រមអនុម័តតាមសំណើររបស់សាលាការពារជាតិ ដែលបានស្នើសុំចាក់បេតុង លើផ្ទៃដីចំនួន ៤០៨១ម៉ែត្រការ៉េ។

កិច្ចការងារនេះ សម្ដេចធិបតី បានបញ្ជាក់ថា ក្រុមហ៊ុន ជីប ម៉ុង នឹងជួយទាំងស្រុងរួមមាន ស៊ីម៉ង់ ដែក សម្ភារៈផ្សេងៗ រួមទាំងជាងផងដែរ សាលាចាំតែទទួលយកសមិទ្ធផលចុះ។

សូមជម្រាបជូនថា ក្រុមហ៊ុន ជីប ម៉ុង គ្រុប មានពាណិជ្ជកម្មជាច្រើន ដូចជា ហ្រ្គេន រ៉ូយ៉ាល់ ហ្គោល អែន រីហ្សត ដែលជាក្លឹបវាយកូនហ្គោល, ទីក្រុងរណប ហ្គ្រេន ភ្នំពេញ មានសមត្ថភាពអភិវឌ្ឍន៍គម្រោងលំនៅដ្ឋានលើផ្ទៃដី២៦០ហិកតា, ធនាគារ ជីប ម៉ុង, ហ្វែរហ្វៀល បាយម៉ារៀត ភ្នំពេញ, ជីប ម៉ុង រីថែល ជាមណ្ឌលលផ្សារទំនើប ជីប ម៉ុង, ហាយ៉ាត់ រីជិនស៊ី ភ្នំពេញ, ជីប ម៉ុង អ៊ិនស៊ី ស៊ីមេន ខបភើរេសិន ជាក្រុមហ៊ុន ផលិត ស៊ីម៉ង់ត៍, ក្រុមហ៊ុន ខ្មែរ ប៊ែវឺរីជីស, ក្រុមហ៊ុន ជីប ម៉ុង លែន, ជីប ម៉ុង អ៊ីនដាស្រ្ទីស៍ , ជីប ម៉ុង ត្រេឌីង រួមទាំងក្រុមហ៊ុន ក្រោន ខ្មែរ ប៊ែវើរីជីស ផងដែរ៕

The post ក្រុមហ៊ុន ជីប ម៉ុង ប្រកាសជួយចាក់បេតុងជាង៤ពាន់ម៉ែត្រការ៉េ ជូនដល់សាកលវិទ្យាល័យការពារជាតិ appeared first on .

នៅថ្ងៃចូលរោងជ័យរបស់កូនកំលោះកូនក្រមុំទាំងពីរ កាលពីថ្ងៃទី៣ ខែមេសា បានធ្វើឡើងនៅភូមិគ្រឹះដ៏ស្កឹមស្កៃមួយ​កន្លែងលើមហាវិថី​ព្រះនរោត្តម ក្បែរវិមានឯករាជ្យ។ រីឯកម្មវិធីបន្តនៅថ្ងៃទី៤ ខែមេសានេះ បានប្រារព្វធ្វើឡើងនៅ មជ្ឈ​មណ្ឌល​សន្និបាត​និង​ពិព័រណ៍​អន្តរជាតិ​ជ្រោយចង្វារ​ OCIC។

ពិធីមង្គលដ៏ធំនេះ ក៏មានការអញ្ជើញជាកិត្តិយសដ៏ខ្ពង់ខ្ពស់ពី សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភា ដែលទើបចូលកាន់តំណែងថ្មី, សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ព្រមទាំងឥស្សរៈជនជាតិ និងថ្នាក់ដឹកនាំរាជរដ្ឋាភិបាល តាមបណ្តាក្រសួងស្ថាប័ននានា។

លើសពីនេះ ក៏មានវត្តមាន អ្នកឧកញ៉ា និងឧកញ៉ាៗជាច្រើនអញ្ជើញចូលភ្ញៀវកិត្តិយសក្នុងពិធីចូលរោងជ័យ និងពិធីកាត់សក់បង្កក់សិរីផងដែរ ដែលរួមមាន អ្នកឧកញ៉ា ភាព ហៀក, អ្នកឧកញ៉ា លាង ឃុន, អ្នកឧកញ៉ា លាង ម៉េង សហស្ថាបនិក ក្រុមហ៊ុន ជីប ម៉ុង គ្រុប, អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា, ឧកញ៉ា ម៉ុង ឫទ្ធី អគ្គនាយកក្រុមហ៊ុន ម៉ុង ឫទ្ធី គ្រុប និងជាសមាជិកព្រឹទ្ធសភា, អ្នកឧកញ៉ា លី ហួរ អគ្គនាយកក្រុមហ៊ុន លី ហួរ គ្រុប, លោកស្រីឧកញ៉ា ហ៊ុន ស៊ីណាត, លោកស្រីឧកញ៉ា កែវ មុំ, ឧកញ៉ា លីម ប៊ុណ្ណា អគ្គនាយកក្រុមហ៊ុន អិលប៊ីអិន គ្រុប ព្រមទាំងភ្ញៀវកិត្តិយសច្រើនរូបទៀត។

រូបភាព៖ The Ring

The post ឥស្សរជននិងឧកញ៉ាៗជាច្រើនរូប ចូលរួមពិធីមង្គលការកូនស្រីសម្តេចក្រឡាហោម ស ខេង និងនាយឧត្តមសេនីយ៍ ស ថេត appeared first on .

ពិធីចុះអនុស្សរណៈនៃការយោគយល់គ្នា ធ្វើឡើងក្រោមអធិបតីភាពដ៏ខ្ពង់ខ្ពស់របស់សម្តេចកិត្តិសង្គហបណ្ឌិត ម៉ែន សំអន និងមានឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសនីយ៍ និងទូរគមនាគមន៍ និងឯកឧត្តមបណ្ឌិត គុណ ញឹម រដ្ឋមន្ត្រី ប្រតិភូអមនាយករដ្ឋ ជាសាក្សី និងអ្នកចូលរួមប្រមាណជិត ២០០ នាក់ នាសណ្ឋាគារ ហៃយ៉ាត់ រីជិនស៊ី ភ្នំពេញ។

សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង អ្នកឧកញ៉ា លាង ឃុន បានមានប្រសាសន៍ថា «ក្រុមហ៊ុនតែងតែឈរលើគោលការ ដំណើរការធុរកិច្ចប្រកបទៅដោយភាពស្មោះត្រង់ យុត្តិធម៌ និងមានក្រមសីលធម៌ខ្ពស់ ដោយអនុលោមតាមបទប្បញ្ញត្តិ និងច្បាប់នានារបស់ប្រទេសកម្ពុជា និងតែងតែយកចិត្តទុកដាក់ និងសកម្មក្នុងការ បង្កើត ការងារ ការផលិត ការសាងសង់ ផ្តល់សេវាកម្មដែលមានគុណភាព និងនាំចូលផលិតផលពេញនិយមដែលមានគុណភាព និងអត្ថប្រយោជន៍ ដើម្បីឆ្លើយតបទៅនឹងតម្រូវការ និងកំណើនកម្រិតជីវភាពរស់នៅ ជាពិសេសការរស់នៅ ជំនាន់ថ្មីរបស់ ប្រជាពលរដ្ឋកម្ពុជា។ ដោយផ្អែកលើគោលការណ៍នេះ បូកផ្សំជាមួយនឹងបទពិសោធន៍ពាណិជ្ជកម្មជាងបួនទសវត្សរ៍ យុទ្ធសាស្ត្រពាណិជ្ជកម្មនិង ផ្សព្វផ្សាយទីផ្សារ ក៏ដូចជាប្រព័ន្ធដៃគូអាជីវកម្មដ៏ទូលំទូលាយដែល ជីប ម៉ុង មាន ខ្ញុំជឿជាក់ថា ភាពជាដៃគូនេះនឹងធ្វើឲ្យម៉ាកយីហោ សាមសុង កាន់តែទទួលបានការគាំទ្រពេញនិយម និងជោគជ័យកាន់តែខ្លាំង នៅក្នុង ទីផ្សារកម្ពុជា»។

អនុប្រធានសាជីវកម្ម និងជា នាយកផ្នែកទូរស័ព្ទនៃក្រុមហ៊ុនថៃសាមសុងអេឡិចត្រូនិច លោក Mark Kim បានមានប្រសាសន៍ថា «យើងជឿជាក់យ៉ាងមុតមាំថា ភាពជាដៃគូសហការនេះនឹងបង្កើតមូលដ្ឋាន វគ្រឹះដ៏រឹងមាំសម្រាប់ការ ពង្រឹង វត្តមានទីផ្សាររបស់ ក្រុមហ៊ុនសាមសុង នៅក្នុងប្រទេសកម្ពុជាឱ្យកាន់តែទូលំទូលាយជាងមុខទៅទៀត។ លើសពីនេះ កម្ពុជា គឺជាទីផ្សារស្មាតហ្វូនដ៏មានសក្ដានុពលមួយ ហើយស្របពេលសេដ្ឋកិច្ចកម្ពុជា កំពុងតែរីកចម្រើនទៅមុខ ចំនួន ប្រជាជនក៏ចេះតែកើនឡើងជាលំដាប់ វាជាឱកាសដ៏ល្អសម្រាប់ការពង្រីកទីផ្សាររបស់ក្រុមហ៊ុនសាមសុង នៅកម្ពុជា។ តាងនាមឱ្យក្រុមហ៊ុន សាមសុង ក៏សូមថ្លែងអំណរគុណយ៉ាងស្មោះអស់ពីចិត្តចំពោះ ក្រុមហ៊ុន ជីប ម៉ុង គ្រុប សម្រាប់ ទំនុកចិត្តមកលើក្រុមហ៊ុន សាមសុង ពិសេស ភាពជឿជាក់ ចំពោះស្មាតហ្វូនរបស់ សាមសុង ផងដែរ»។

គួរបញ្ជាក់ថា តាមរយៈកិច្ចព្រមព្រៀងពាណិជ្ជកម្មនេះ ក្រុមហ៊ុន ជីប ម៉ុង និង ថៃសាមសុងអេឡិចត្រូនិក នឹងរួមគ្នាអភិវឌ្ឍយុទ្ធសាស្ត្រពង្រីកទីផ្សារ ពង្រឹងមុខតំណែងប្រកួតប្រជែង និងជំរុញឲ្យមានកំណើននិរន្តរភាពនៅក្នុងវិស័យអេឡិចត្រូនិកនៅក្នុងស្រុក៕

The post ក្រុមហ៊ុន ជីប ម៉ុង ចុះអនុស្សរណៈនៃការយោគយល់ជាមួយនឹងក្រុមហ៊ុន ថៃសាមសុងអេឡិចត្រូនិក appeared first on .

ក្នុង​ពិធី​ជួបសំណេះសំណាលជាមួយសិស្សនិទ្ទេស A ក្នុងឆ្នាំសិក្សា២០២២-២០២៣ សរុប ១,៦៩១នាក់ រាប់​ទាំង​បេក្ខជនអប់រំបច្ចេកទេស ១៨នាក់ ដែល​ធ្វើឡើងនៅមជ្ឈមណ្ឌល​ពាណិជ្ជកម្មជ្រោយចង្វារ (OCIC) ​​កាល​ពី​ព្រឹក​មិញ​នេះ សម្តេច​ធិបតី ​មាន​ប្រសាសន៍​ថា សម្តេច​ពិតជាមានសេចក្តីសោមន្សរីករាយជាខ្លាំង​ ដែល​បាន​ជួប​ជាមួយ​ក្មួយៗ​និទ្ទេស A ទាំង ១,៦៩១នាក់។ នេះ​ជា​លើកទី១ សម្រាប់​សម្តេច​​ដែល​ជួប​ជាមួយ​ក្មួយៗនិទ្ទេស A ប៉ុន្តែ​នេះ​ជា​លើកទី៩ នៃ​ប្រពៃណី​ការ​ជួប​​រវាង​នាយករដ្ឋមន្ត្រី និង​ក្មួយៗ​និទ្ទេស A គិត​តាំង​ពី​​ចាប់​ផ្តើម​ឡើង​កាល​ឆ្នាំ​២០១៤ ដែល​សម្តេចតេជោ តែងតែ​ឆ្លៀត​ឱកាស​ជួប​ជាមួយ​ក្មួយៗ​ទាំង​អស់ លើកលែង​តែ​ឆ្នាំ២០២០ ​​គ្មាននិទ្ទេស​នោះ​ទេ គឺ​ឱ្យ​ជាប់​ទាំង​អស់​គ្នា ដោយសារជំងឺ​​កូវីដ-១៩។

សម្តេច​ធិបតី បាន​​បន្ថែម​ដូច្នេះ​ថា៖ “ឆ្នាំនេះ​ពិធី​ជួបជុំ​រៀង​ពន្យាពេល​បន្តិច ដោយសារ​យើង​នៅ​រង់ចាំ​ការ​បញ្ជា​ទិញ​គ្រឿង​អេឡិចត្រូនិក Galaxy Tab ដែល​ក្រុមហ៊ុន ជីប ម៉ុង គ្រុប ជាអ្នកបញ្ជាទិញ។ ហើយ​ក៏​សូម​​អរគុណ​ដល់​​អ្នកឧកញ៉ា លាង ឃុន ដែល​​ជានិច្ច​កាល​តែង​ជួយ​ឧបត្ថម្ភ​​គ្រឿង​អេឡិចត្រូនិក​នេះ​ ​សម្រាប់​ជា​រង្វាន់​ជូន​ក្មួយៗ​ជិត​ ១,៧០០​នាក់។ សូម​អរគុណ​ណាស់ ចំពោះ​ក្រុមហ៊ុន ជីប ម៉ុង ដែល​បាន​ជួយ​​ផ្តល់​សម្ភារៈ​ទាំង​នេះ”។​

គួរ​បញ្ជាក់​ថា ការប្រលងមធ្យមសិក្សាទុតិយភូមិ ឬហៅបាក់ឌុប ដែលបានប្រព្រឹត្តទៅនាថ្ងៃទី៦ ខែវិច្ឆិកា ឆ្នាំ​២០២៣ មានសិស្សប្រឡងជាប់សរុប ៩៨,៤៦០នាក់ ស្មើនឹង ៧២.៨៩ភាគរយ។ ក្នុងនោះសិស្សទទួលបាន​និទ្ទេស A ចំនួន ១,៦៧៣នាក់, និទ្ទេស B ចំនួន ៦,៩៦៤នាក់, និទ្ទេស C ចំនួន ១៨,៣០៨នាក់, និទ្ទេស D ចំនួន ៣៤,២៤៦នាក់ និងនិទ្ទេស E ចំនួន ៣៧,២៦៩នាក់។ សម្រាប់​សិស្សនិទ្ទេស A ទាំង​អស់​​ ទទួល​បាន Galaxy Tab​ មួយគ្រឿង, កាក់រូបហង្សចំនួនមួយ, សៀវភៅអានមួយប្រអប់ (សៀវភៅក្រមង៉ុយ និងសៀវភៅ​បណ្ឌិតអ៊ូចុង) និងថវិកាចំនួន ២លានរៀល៕

The post សម្តេចធិបតី ហ៊ុន ម៉ាណែត អរគុណអ្នកឧកញ៉ា លាង ឃុន ដែលតែងឧបត្ថម្ភគ្រឿងអេឡិចត្រូនិក ដល់សិស្សនិទ្ទេស A appeared first on .

ដំណើរបំពេញបេសកកម្មជំរុញពាណិជ្ជកម្ម និងវិនិយោគរបស់លោក ស៊ុន ចាន់ថុល នៅពេលនេះមានការអញ្ជើញអមដំណើរដោយអ្នកឧកញ៉ា ឧកញ៉ាគ្រាក់ៗជាម្ចាស់សម្ព័ន្ធក្រុមហ៊ុនល្បីៗ រួមមាន៖ អ្នកឧកញា លាង ឃុន សហស្ថាបនិក និងប្រធានអគ្គនាយកក្រុមហ៊ុន ជីប ម៉ុង គ្រុប, អ្នកឧកញ៉ា វិញ ហួរ ម្ចាស់តំបន់សេដ្ឋកិច្ច​ពិសេស​កំពត, អ្នកឧកញ៉ា ឡាវ កាង ​ប្រធាន​ក្រុមហ៊ុន Lav Kang Import & Export Co., LTD, អ្នកឧកញ៉ា ទី ពិសិដ្ឋ អគ្គនាយក និង​ជា​ប្រធាន​ប្រតិបត្តិ​ក្រុមហ៊ុន ឈុន ហុង គ្រុប និងឧកញ៉ា ទ្រី ដាលុច អគ្គនាយករងក្រុមហ៊ុន ទ្រី ភាព គ្រុប។

ក្នុងដំណើរទស្សនកិច្ចគោះទ្វារវិនិយោគថ្ងៃដំបូង លោក ស៊ុន ចាន់ថុល និងគណៈប្រតិភូ បានទស្សនកិច្ចនៅសម្ព័ន្ធ Sailun Group Co., Ltd. និងបានទស្សនាមន្ទីរពិសោធន៍ Stonelab សាលពិព័រណ៍មជ្ឈមណ្ឌលកៅស៊ូជាតិ ព្រមទាំងបានជួបពិភាក្សាជាមួយសម្ព័ន្ធ Sailun Group នៅក្រុងឈីងតាវ ខេត្តសានដុង សាធារណរដ្ឋប្រជាមានិតចិន។

ក្នុងជំនួបជាមួយគណៈប្រតិភូកម្ពុជា ក្រុមហ៊ុន Sailun Group បានបង្ហាញចក្ខុវិស័យច្បាស់លាស់ក្នុងការបន្តសហការជាមួយរាជរដ្ឋាភិបាលកម្ពុជាលើការវិនិយោគកៅស៊ូជាតិកម្ពុជា ការសាងសង់រោងចក្រផលិតកែច្នៃកៅស៊ូ និងការសាងសង់សួនឧស្សាហកម្មក្នុងប្រទេសកម្ពុជា។

ក្នុងជំនួបនេះ លោកឧបនាយករដ្ឋមន្ត្រី ស៊ុន ចាន់ថុល បានលើកឡើងអំពីជំហររបស់កម្ពុជាក្នុងការបើកទទួលរាល់វិនិយោគិនទាំងអស់ និងពិសេសលើកទឹកចិត្តចំពោះក្រុមហ៊ុនក្នុងការពង្រីកខ្សែច្រវាក់ផលិតកម្មរបស់ខ្លួននៅកម្ពុជាបន្ថែមទៀត។ ជាមួយគ្នានេះដែរលោកក៏បានបង្ហាញអំពីទិសដៅរបស់កម្ពុជាដែលចង់ឃើញមានការវិនិយោគលើវិស័យនានាច្រើននៅកម្ពុជា ដែលនេះស្របទៅគោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥-២០២៥ ការខិតខំជំរុញឱ្យកម្ពុជាជាប្រទេសមានចំណូលខ្ពស់នៅឆ្នាំ២០៥០ ដោយត្រូវប្ដូរមកប្រើធនធានបច្ចេកទេសខ្ពស់ ការប្រើប្រាស់បច្ចេកវិទ្យាជាដើម។

លោកបន្ថែមថា រាជរដ្ឋាភិបាលចាត់ទុកផ្នែកឯកជនជាដៃគូរដ៏សំខាន់ ដោយក្នុងនោះមានរៀបចំបង្កើតក្រុមការងារចំនួន១៤ ពីវិស័យរដ្ឋនិងឯកជន ដើម្បីធ្វើការរួមគ្នាដោះស្រាយបញ្ហានានារបស់វិស័យឯកជន។ កម្ពុជាមានច្បាប់វិនិយោគដែលផ្ដល់ការលើកទឹកចិត្តដល់គ្រប់វិនិយោគិនដែលដាក់ទុនវិនិយោគនៅកម្ពុជា ហើយក្នុងនោះមានក្រុមប្រឹក្សាអភិវឌ្ឍន៍កម្ពុជាដែលជាអ្នកទាក់ទាញ សម្របសម្រួល និងថែទាំគម្រោងវិនិយោគទាំងអស់នៅកម្ពុជា។

សូមជម្រាបថា បច្ចុប្បន្នក្រុមហ៊ុនបុត្រសម្ព័ន្ធរបស់Sailun Group គឺក្រុមហ៊ុន Cart Tire Co., Ltd. បានកំពុងវិនិយោគគម្រោងកម្មន្ដសាលសំបកកង់យានយន្ត ក្នុងខេត្តស្វាយរៀងជាមួយនិងទុនវិនិយោគនឹងឡើងដល់ប្រមាណ ៧០០លានដុល្លារអាមេរិក លើផ្ទៃដីប្រមាណ ១២០ហិចតា និងមានទីផ្សារនាំចេញទៅកាន់ សហរដ្ឋអាមេរិក កាណាដា ម៉ាឡេស៊ី និងកូរ៉េខាងត្បូង បានបង្កើតការងារប្រមាណ ២ពាន់កន្លែង។ ចំពោះមជ្ឈមណ្ឌលកៅស៊ូជាតិ គឺជាមជ្ឈមណ្ឌលពិសោធន៍ និងស្រាវជ្រាវ ដែលប្រើប្រាស់បច្ចេកវិទ្យាទំនើបចុងក្រោយ និងធំបំផុតនៅក្នុងប្រទេសចិន៕

The post អ្នកឧកញ៉ាម្ចាស់ក្រុមហ៊ុនយក្សធំៗច្រើនរូបទៅទស្សនកិច្ចគោះទ្វារវិនិយោគនៅស្រុកចិន appeared first on .

រោងជ័យរបស់កូនអ្នកឧកញ៉ា ទាំងពីររូប ត្រូវបានធ្វើឡើងនៅថ្ងៃផ្សេងៗគ្នាក្នុងខែធ្នូគឺ៖

រោងជ័យទី១ ជាពិធីមង្គលអាពាហ៍ពិពាហ៍ របស់កូនស្រី អ្នកឧកញ៉ា លាង ឃុន សហស្ថាបនិកក្រុមហ៊ុន ជីប ម៉ុង គ្រុប។ អ្នកឧកញ៉ា​ រៀបមង្គលការឱ្យកូនស្រី អ៊ឹង កណិការ កាលពីថ្ងៃទី២០ ខែធ្នូ ឆ្នាំ២០២៣ ជាមួយកូនកម្លោះ ប៉ែន សំអាតសុទ្ធជាតិ ជាកូនប្រុសរបស់លោក ប៉ែត សំអាត រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ។

ពិធីមង្គលដ៏ធំកូនស្រីអ្នកឧកញ៉ា លាង ឃុន បានជ្រើសរើសកន្លែងបដិសណ្ឋារកិច្ចភ្ញៀវកិត្តិយស ពិសារភោជនី ហារនៅសាលតាំងពិព័ណ៌ និងសន្និបាតអន្តរជាតិ OCIC ជ្រោយចង្វាររបស់អ្នកឧកញ៉ា ពុង ឃាវសែ ដោយមានការអញ្ជើញចូលរួមពីភ្ញៀវកិត្តិយសជាច្រើនរូបដូចជា សម្ដេចតេជោ ហ៊ុន សែន ឧត្តមទីប្រឹក្សាផ្ទាល់ព្រះមហាក្សត្រ , សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ព្រមទាំងអ្នកឧកញ៉ា ឧកញ៉ា មន្រ្តីរាជការ ភ្ញៀវកិត្តិយសជាច្រើនរូបទៀត។

រោងជ័យទី២ គឺជាមង្គលការរបស់កូនប្រុសអ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលនិងជាអគ្គនាយកក្រុមហ៊ុន Worldbridge Group។ អ្នកឧកញ៉ា បានរៀបចំពិធីមង្គលឱ្យកូនប្រុសនៅថ្ងៃទី២៩ ខែធ្នូ ដែលកូនប្រុសមាននាម សៀ ដានីញ៉ែល ជាគូជាមួយកូនក្រមុំនាម ហុង លីកាសិលា ក្រោមវត្តមានមេបាចាស់ទុំ ព្រមទាំងមានការអញ្ជើញ ផ្ដល់កិត្តិយសពីសម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ជាអ្នកតំណាងម្តាយខាង ស្រី ផងដែរ។

អាពាហ៍ពិពាហ៍ដ៏ធំចុងឆ្នាំ២០២៣ របស់កូនប្រុសស្រីអ្នកឧកញ៉ាទាំងពីររូប បានរៀបចំឡើងយ៉ាងរលូន និង ពោរពេញដោយ ភាពសប្បាយរីករាយ អបអរគូរស្នេហ៍ថ្មោងថ្មីចាប់ដៃគ្នា កសាងគ្រួសារមួយប្រកបដោយសុភមង្គល។

សូមជម្រាបជូនផងដែរថា នៅក្នុងខែធ្នូ ឆ្នាំ២០២៣ ក្រៅពីពិធីមង្គលការរបស់កូនប្រុសស្រី របស់អ្នកឧកញ៉ា លាង ឃុន និងអ្នកឧកញ៉ា សៀ ឬទ្ធី ក៏មានពិធីមង្គលការធំៗមួយចំនួនទៀតដូចជា មង្គលការ ថៅកែពេជ្រល្បីឈ្មោះ ឧកញ៉ា ទ្រី ដាណា និងកូនកម្លោះ រស់ រជ្ជសាល ព្រមទាំងពិធីមង្គលរបស់លោក ដួង ឆាយ ជាមួយកូនក្រមុំនាម ហ៊ លីម៉ី ផងដែរ៕

អត្ថបទ៖ សុកធា

The post អំឡុងខែធ្នូ ឆ្នាំ២០២៣ កូនអ្នកឧកញ៉ាចំនួនពីររូប រៀបអាពាហ៍ពិពាហ៍ appeared first on .

ទាំងនៅលើពិភពលោកក៏មានមហាសេដ្ឋីមួយចំនួនបន្តកើនឡើងទ្រព្យសម្បត្តិ ហើយក៏មានសេដ្ឋី មហាសេដ្ឋីមួយចំនួនប្រកាសក្ស័យធនលក់ក្រុមហ៊ុនបាត់មុខពីបញ្ជីតារាងកំពូលអ្នកមានលុយលើពិភពលោកជាបន្តបន្ទាប់។ ទន្ទឹមនឹងនេះ កម្ពុជាសម្រាប់ឆ្នាំ២០២៣នេះ ក៏មានពាណិជ្ជករ សប្បុរសជនជាច្រើនទទួលបានគោរមងារឧកញ៉ា និងអ្នកឧកញ៉ា ដែលគោរមងារដ៏ឧដុង្គឧត្តមប្រទានពីព្រះមហាក្សត្រ បញ្ជាក់ពីចំនួនអ្នកមានកើនឡើងជាលំដាប់ ហើយក៏មានអ្នកឧកញ៉ា ឧកញ៉ាមួយចំនួនកំពុងបាត់មុខពីពិភពជំនួញ ខណៈអ្នកជំនួញមួយចំនួនត្រូវបានតុលាការផ្ទន្ទាទោសផងដែរ។

ទោះបីជាមានរឿងរ៉ាវដូចរៀបរាបខាងលើក្តី សម្រាប់អ្នកឧកញ៉ាគ្រាក់ៗនៅប្រទេសកម្ពុជាមួយចំនួននៅតែបន្តបោះទុនវិនិយោគក្នុងទំហំទុនរាប់ពាន់ដុល្លារដើម្បីពង្រីកគម្រោងអាជីវកម្មឥតស្រាក់ស្រាន។ ជាមួយគ្នានេះក្រុមអ្នកឧកញ៉ាទាំងនោះបានបន្តធ្វើសកម្មភាពកិច្ចការងារមនុស្សធម៌ជាហូរហែទាំងផ្ទាល់ និងប្រយោជន៍ជាមួយរាជរដ្ឋាភិបាលកម្ពុជា។

ខាងក្រោមនេះ ឧកញ៉ាញូស៍បានដកស្រង់សម្តីពីអ្នកជំនាញ អ្នកតាមដានស្ថានភាពសង្គមនិងសេដ្ឋកិច្ចបានរកឃើញនៅអ្នកឧកញ៉ាចំនួន ៧រូប កំពុងតែរះក្នុងពិភពជំនួញនៅប្រទេសកម្ពុជាពង្រីកអាជីវកម្មធំៗជាច្រើនក្នុងដៃ រួមមាន៖ អ្នកឧកញ៉ា លាង ឃុន ម្ចាស់សម្ព័ន្ធក្រុមហ៊ុន ជីបម៉ុង គ្រុប, អ្នកឧកញ៉ា គិត ម៉េង ម្ចាស់ក្រុមហ៊ុន រ៉ូយ៉ាល់ គ្រុប, អ្នកឧកញ៉ា​ ពុង ឃាវសែ ម្ចាស់សម្ព័ន្ធក្រុមហ៊ុន វិនិយោគអាណិកជន OCIC, អ្នកឧកញ៉ា លី យ៉ុងផាត់ អគ្គនាយកក្រុមហ៊ុន អិល.វ៉ាយ.ភី គ្រុប, អ្នកឧកញ៉ា សុខ គង់ ម្ចាស់ក្រុមហ៊ុន ស៊ូគីម៉ិច គ្រុប, អ្នកឧកញ៉ា សំ អាង ម្ចាស់សម្ព័ន្ធក្រុមហ៊ុន វឌ្ឍនៈ គ្រុប និងអ្នកឧកញ៉ា លី ហួរ ម្ចាស់សម្ព័ន្ធក្រុមហ៊ុន លីហួរ គ្រុប ជាដើម។

ការចាត់តំណាត់ថ្នាក់ជាកំពូលមហាសេដ្ឋីលំដាប់ប្រទេសកម្ពុជានេះ ដោយផ្អែកលើសកម្មភាព របាយការណ៍ និងការពង្រីកអាជីវកម្មរបស់ក្រុមអ្នកឧកញ៉ាទាំងនេះ បើទោះជាបច្ចុប្បន្នស្ថានភាពសេដ្ឋកិច្ចមិនទាន់រ៉ើកំរើកឡើងវិញក្តី ក៏ក្រុមអ្នកឧកញ៉ាទាំងអស់ខាងលើបន្តបោះទុនវិនិយោគឥតឈប់។ បើនិយាយដល់ក្រុមហ៊ុន និងបុត្រសម្ព័ន្ធវិញ ក្រុមអ្នកឧកញ៉ាទាំងនេះគ្រប់គ្រងអាណាចក្រជំនួញប្រាក់ពាន់លាន និងគម្រោងម្នាក់ៗមិនក្រោម១០នៅក្នុងដៃនោះឡើយជាមួយបុគ្គលិកសរុបរាប់ម៉ឺនកន្លែងក្នុងការផ្តល់ឪកាសការងារឲ្យពលរដ្ឋខ្មែរ ព្រមទាំងកម្លាំងពលកម្មពីប្រទេសផងដែរ។

តាមរយៈសកម្មភាពនិងការពង្រីកអាជីវកម្ម ព្រមទាំងផ្តល់កម្លាំងពលកម្មការងាររាប់ម៉ឺនកន្លែងពីក្រុមហ៊ុនរបស់ក្រុមអ្នកឧកញ៉ាខាងលើពិតណាស់ថា ក្រុមហ៊ុនខ្នាតយក្សលំដាប់ប្រទេសទាំងអស់នោះកំពុងចូលរួមបង់ពន្ធយ៉ាងសន្ធឹកសន្ធាប់ជូនដល់រាជរដ្ឋាភិបាល និងជ្រោងសេដ្ឋកិច្ចជាតិតាមរយៈការអភិវឌ្ឍន៍គម្រោងនានាជាច្រើនរបស់ពួកគេ។

បន្ថែមទៀតនោះ ក្រុមហ៊ុនយក្សក្នុងស្រុករបស់មហាសេដ្ឋីលំដាប់ប្រទេស៧រូបនេះ ក៏តែងតែបង្ហាញមុខក្នុងការចូលរួមវិភាគទានជាទឹកប្រាក់ សម្ភារៈ និងធនធានផ្សេងៗដល់រាជរដ្ឋាភិបាល ក្នុងគ្រាដែលរដ្ឋត្រូវការជំនួយបន្ទាន់ណាមួយដើម្បីដោះស្រាយបញ្ហាគ្រោះមហន្តរាយនានាផងដែរ៕

The post ភាគទី១៖ អ្នកឧកញ៉ា៧រូប ក្តោបតំណែងជាសន្លឹកអាត់ពាណិជ្ជកម្មដ៏ល្បីប្រចាំប្រទេសកម្ពុជា appeared first on .

ពិធីរៀបអាពាហ៍ពិពាហ៍កូនប្រុសនាម ប៉ែន សំអាតសុទ្ធជាតិ ជាកូនលោក ប៉ែន សំអាត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ចំណែមកូនស្រីនាម អ៊ឹង កណិការ ជាកូនអ្នកឧកញ៉ា លាង ឃុន ម្ចាស់ក្រុមហ៊ុន ជីប ម៉ុង គ្រុប ដែលរៀបចំឡើងអធិកធ័មទៅតាមប្រពៃណីទម្លាប់ខ្មែរយ៉ាងឱឡារឹកក្រោមវត្តមានលោកមេបាចាស់ទុំតូចធំត្រកូលរាមច្បងនៃក្រុមគ្រួសារទាំងពីរនាភូមិគ្រឹះអ្នកឧកញ៉ា លាង ឃុន និងលោកស្រី តែ សុវណ្ណនី។

ក្នុងឱកាសនៃកិច្ចប្រពៃណីខ្មែរកាត់សក់បង្កក់សិរីជូនកូនប្រុសស្រី អ្នកឧកញ៉ា លាង ឃុន បានអញ្ជើញវត្តមានសម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ និងសម្តេចធិបតី ហ៊ុន ម៉ាណែត នាយករដ្ឋមន្រ្តី ដើម្បីផ្តល់កិត្តិយសដ៏ខ្ពង់ខ្ពស់ដើម្បីកាត់កេសាសិរីសួស្តីដល់គូស្វាមីភរិយាថ្មី។

ចំណែកពិធីបដិសណ្ឋារកិច្ចភ្ញៀវកិត្តិយសពិសារភោជនីហារអ្នកឧកញ៉ា លាង ឃុន បានជ្រើសរើសទីតាំងដ៏ប្រណិតមួយនៅខណ្ឌជ្រោយចង្វារដើម្បីរៀបចំផ្កាភ្ញីតុបតែងបែបសហសម័យ ភ្លេងតន្រ្តី មុខម្ហូបប្លែកៗឆ្ងាញ់ពិសារប្រកបដោយអត្ថន័យអបអរសាទរកូនប្រុសស្រីរបស់ខ្លួនស្ថិតនៅសាលតាំងពិព័ណ៌ និងសន្និបាតអន្តរជាតិ OCIC ជ្រោយចង្វាររបស់អ្នកឧកញ៉ា ពុង ឃាវសែ។ ក្នុងពិធីទទួលបដិសណ្ឋារកិច្ចភ្ញៀវពិសារអាហារពេលរាត្រីមង្គលការដ៏ធំនាចុងឆ្នាំនេះ សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ក៏បានអញ្ជើញផ្តល់កិតិ្តយសផងដែរ រួមទាំងថ្នាក់ដឹកនាំកំពូលៗ មន្រ្តីជាន់ខ្ពស់រាជរដ្ឋាភិបាល អ្នកឧកញ៉ា ឧកញ៉ា ភ្ញៀវកិត្តិយសជាច្រើនរូប៕

The post អ្នកឧកញ៉ា លាង ឃុន អញ្ជើញសម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ក្នុងពិធីកាត់សក់បង្កក់សិរីកូនប្រុសស្រីថ្ងៃមង្គលការ appeared first on .

ពិធី​សិរីមង្គលអាពាហ៍ពិពាហ៍ដ៏​ធំ​ ចុង​ឆ្នាំ២០២៣​នេះ កូនប្រុសនាម ប៉ែន សំអាតសុទ្ធជាតិ ​ជា​កូនប្រុស​របស់​លោក ប៉ែត សំអាត រដ្ឋលេខាធិការ​ក្រសួងសេដ្ឋកិច្ច និង​ហិរញ្ញវត្ថុ និង​​លោក​ស្រី ហាក់ ស្រីទូច។ រីឯ​កូនស្រីនាម អ៊ឹង កណិការ ​​ជា​កូនស្រី​របស់ អ្នកឧកញ៉ា លាង ឃុន សហស្ថាបនិក​ក្រុមហ៊ុន ជីប ម៉ុង គ្រុប និង​លោកស្រី តែ សុណ្ណនី។

សូម​ទស្សនារូបភាពខាង​ក្រោម៖

រូបភាព៖ The Ring

The post មកមើលទិដ្ឋភាពពិធីមង្គលការចៅស្រី អ្នកឧកញ៉ា ភាព ហៀក appeared first on .