កិច្ចប្រជុំនេះក៏មានការចូលរួមផងដែរពីសំណាក់ ឯកឧត្តម លោកជំទាវរដ្ឋមន្ត្រីតំណាងក្រសួង ស្ថាប័នពាក់ព័ន្ធ, សហប្រធានក្រុមការងារផ្នែកឯកជន ក្រុមការងារលេខាធិការដ្ឋានទាំងផ្នែករដ្ឋាភិបាល និងផ្នែកឯកជន ក្រុមការងារ CAPRED និងអ្នកពាក់ព័ន្ធជាច្រើនផងដែរ។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណងដើម្បី៖

១. ពិនិត្យ ពិភាក្សាលើសេចក្តីព្រាងរបាយការណ៍ស្តីពីវឌ្ឍនភាពការងារប្រចាំឆមាសទី១ ឆ្នាំ២០២៦

២. ពិភាក្សាលើដំណើរការនៃការត្រៀមរៀបចំវេទិការាជរដ្ឋាភិបាល-ផ្នែកឯកជន លើកទី២០

៣. ការងារពាក់ព័ន្ធផ្សេងៗ។

សូមជម្រាបជូនថា គិតត្រឹមដំណាច់ឆមាសទី១ ឆ្នាំ២០២៦ ការអនុវត្តវិធានការកែទម្រង់មុតស្រួចជាកញ្ចប់ ដែលបានដាក់ចេញក្នុងវេទិកា G-PSF លើកទី១៩ កំពុងឈានទៅសម្រេចពេញលេញ ១០០% ដោយវិធានការសម្រេចពេញលេញបានកើនដល់១៧៣ ស្មើនឹង ៩៦,៦% នៃវិធានការសរុប ខណៈវិធានការកំពុងត្រូវបានអនុវត្តទាំង៦ ស្មើនឹង៣,៤% នៃវិធានការសរុប សម្រេចបានវឌ្ឍនភាព សំខាន់ៗ ដែលស្ថិតក្នុងបង្គោលចរទី២ (៤ វិធានការ) និងទី៣ (២ វិធានការ)។

ដោយឡែកសម្រាប់ការដោះស្រាយបញ្ហានៅក្រុមការងារតាមវិស័យក្រោយវេទិកា G-PSF លើកទី១៩ វិញ គិតត្រឹមឆមាសទី១ ឆ្នាំ២០២៦ ត្រូវបានសង្កេតឃើញថាមានភាពល្អប្រសើរ ដោយក្នុងបញ្ហាសរុបចំនួន២៤០ មាន២២ កំពុងត្រូវបានដោះស្រាយ ហើយក្នុង ចំណោមបញ្ហាទាំង២៤០នេះ មានបញ្ហាថ្មីចំនួន៤២ ត្រូវបានលើកឡើងក្នុងឆមាសទី១ ឆ្នាំ២០២៦ ដែលក្នុងនោះ៣៩ ត្រូវបានដោះស្រាយរួចរាល់ ខណៈ៣ កំពុងត្រូវបានដោះស្រាយ៕

The post អ្នកឧកញ៉ា លឹម ហេង តំណាងអ្នកឧកញ៉ា គិត ម៉េង ចូលរួមកិច្ចប្រជុំអន្តរក្រសួងដើម្បីពិនិត្យលើសេចក្តីព្រាងរបាយការណ៍ស្តីពីវឌ្ឍនភាពការងារ ប្រចាំឆមាសទី១ ឆ្នាំ២០២៦ នៃយន្តការវេទិការាជរដ្ឋាភិបាល-ផ្នែកឯកជន appeared first on .

សភាពាណិជ្ជកម្មកម្ពុជា បានឱ្យដឹងថា កិច្ចពិភាក្សានេះមានគោលបំណងប្រមូលធាតុចូលសំខាន់ៗពីវិស័យឯកជន ពាក់ព័ន្ធនឹង កង្វល់ បញ្ហាប្រឈម និងវិស័យអាទិភាព ដើម្បីរួមចំណែកក្នុងការរៀបចំសេចក្តីព្រាង យុទ្ធសាស្ត្រអន្តរកាលដោយរលូនលើវិស័យពាណិជ្ជកម្ម (Smooth Transition Strategy on Trade Sector) សម្រាប់ការចាកចេញរបស់កម្ពុជា ពីចំណាត់ក្រុមប្រទេសអភិវឌ្ឍន៍តិចតួច (LDC Graduation)។

យុទ្ធសាស្ត្រនេះទទួលបានការគាំទ្រពី ក្រសួងពាណិជ្ជកម្ម និងសហការជាមួយ GIZ ក្នុងការវាយតម្លៃលើការផ្លាស់ប្តូរគោលនយោបាយ និងបទប្បញ្ញត្តិ ការចូលទីផ្សារ ផលប៉ះពាល់តាមវិស័យ ឱកាសធ្វើពិពិធកម្មទីផ្សារ និងផលិត​ផល ព្រមទាំងការរៀបចំផែនទីបង្ហាញផ្លូវ និងក្របខណ្ឌតាមដាន និងវាយតម្លៃ។

សភាពាណិជ្ជកម្មកម្ពុជា ក្នុងនាមតំណាងឱ្យវិស័យឯកជន បានបង្ហាញពីការស្វាគមន៍ចំពោះការរៀបចំយុទ្ធសាស្ត្រអន្តរកាលដោយរលូនរបស់កម្ពុជា និងត្រៀមខ្លួនជាស្រេចក្នុងការសហការយ៉ាងជិតស្និទ្ធជាមួយ ក្រសួងពាណិជ្ជកម្ម និងដៃគូអភិវឌ្ឍន៍ ដើម្បីធានាថា យុទ្ធសាស្ត្រនេះឆ្លើយតបទៅនឹងតម្រូវការជាក់ស្តែងរបស់អាជីវកម្មកម្ពុជា ជាពិសេសសហគ្រាសធុនតូច និងមធ្យម។

សភាពាណិជ្ជកម្មកម្ពុជាជឿជាក់ថា កិច្ចសហការរវាងរាជរដ្ឋាភិបាល និងវិស័យឯកជន ជាការពង្រឹងសមត្ថភាព និងការបន្តគាំទ្រដល់ការចូលទីផ្សារ នឹងមានសារៈសំខាន់ក្នុងការធានាឱ្យដំណើរការផ្លាស់ប្តូររបស់កម្ពុជា ពីចំណាត់ក្រុមប្រទេសអភិវឌ្ឍន៍តិចតួច (LDC Graduation) ប្រព្រឹត្តទៅដោយរលូន ប្រកបដោយភាពធន់ និងចីរភាព។

The post អ្នកឧកញ៉ា ឧកញ៉ាៗតំណាងសភាពាណិជ្ជកម្មកម្ពុជា ចូលរួមកិច្ចពិភាក្សារៀបចំសេចក្តីព្រាងយុទ្ធសាស្ត្រអន្តរកាល លើវិស័យពាណិជ្ជកម្ម សម្រាប់ការចាកចេញរបស់កម្ពុជា ពីចំណាត់ក្រុមប្រទេសអភិវឌ្ឍន៍តិចតួច appeared first on .

នៅលើបណ្តាញសង្គមហ្វេសប៊ុក នាព្រឹកថ្ងៃទី២១ ខែសីហា ឆ្នាំ២០២៦នេះ អ្នកឧកញ៉ា លឹម ហេង អនុប្រធាន​សភាពាណិជ្ជកម្មកម្ពុជា បានលើកឡើងថា៖ “បើមានអ្នក​កៀបស៊ី បងប្អូនអាជីវករទាំងអស់បើមានមន្ត្រីខិលខូច ឬស្ថាប័នណាមួយកៀបស៊ី សូមអញ្ជើញមកកាន់សភាពាណិជ្ជកម្មតាមរាជធានីខេត្ត ដើម្បីធ្វើការដោះស្រាយជូន អរគុណ”។

ការលើកឡើងរបស់អ្នកឧកញ៉ា លឹម ហេង ខាងលើនេះ គឺបន្ទាប់ពីនៅថ្ងៃទី២០ ខែសីហា ឆ្នាំ២០២៦ អង្គភាព​ប្រឆាំងអំពើ​ពុករលួយ (ACU) និងសភាពាណិជ្ជកម្មកម្ពុជា (CCC) បានជួបពិភាក្សាបឋមនៅស្នាក់ការ​សភាពាណិជ្ជកម្មកម្ពុជាស្ថិតនៅអគារ Wing Tower លើចំណុចសំខាន់ៗ ជាកង្វល់របស់វិស័យឯកជន ដើម្បីរួមគ្នា​ចងក្រងជាអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការ ដែលគ្រោងនឹងចុះហត្ថលេខា នាពេលដ៏​ឆាប់​ខាងមុខនេះ។

ជំនួប ACU និង CCC បង្ហាញអំពីការពង្រឹងភាពជាដៃគូរវាងស្ថាប័នសាធារណៈ និងវិស័យឯកជន ក្នុងការបង្ការ ទប់ស្កាត់ និងប្រយុទ្ធប្រឆាំងអំពើពុករលួយ ព្រមទាំងលើកកម្ពស់សុចរិតភាព តម្លាភាព និងការគោរពច្បាប់ក្នុងការ​ប្រកបធុរកិច្ចនៅកម្ពុជា។

ឯកឧត្តមកិត្តិនីតិកោសលបណ្ឌិត ទេសរដ្ឋមន្រ្តី ឱម យ៉ិនទៀង ប្រធានអង្គភាពប្រឆាំងអំពើពុករលួយ មានប្រសាសន៍ថា៖ «យើងចង់ឱ្យកិច្ចសហប្រតិបត្តិការនេះ មិនមែនបញ្ចប់ត្រឹមការចុះហត្ថលេខាលើ MOU នោះទេ ប៉ុន្តែត្រូវក្លាយជា​យន្តការសហការជាក់ស្តែង ដែលជួយវិស័យឯកជន បង្ការ និងកាត់បន្ថយហានិភ័យនៃអំពើពុករលួយ ព្រមទាំងរួមគ្នាពង្រឹងពង្រីកការកសាងវប្បធម៌សុចរិតភាព»។

សូមជម្រាបថា ខ្លឹមសារ MOU គឺផ្តោតលើចំណុចសំខាន់ៗ ៖ ១) វិស័យឯកជនប្តេជ្ញាបដិសេធអំពើសូកប៉ាន់​និងអំពើពុករលួយ ២) ACU ប្តេជ្ញាគាំទ្រការការពារសុចរិតភាព និង៣)ការបង្កើតច្រកទំនាក់ទំនងរហ័ស សម្ងាត់ និងមានប្រសិទ្ធភាព។

The post អ្នកឧកញ៉ា ឧកញ៉ាៗម្ចាស់ក្រុមហ៊ុន លែងបារម្ភរឿងមានមន្ត្រីខិលខូច ឬស្ថាប័នរដ្ឋកៀបស៊ី ដោយ ACU ប្តេជ្ញាជួយបំបាត់អំពើពុករលួយ appeared first on .

កិច្ចប្រជុំនេះក៏មានការចូលរួមផងដែរពីសំណាក់តំណាងក្រសួង ស្ថាប័ន​ តំណាងគ្រឹះស្ថានសមាគមឯកជន និងអ្នកពាក់ព័ន្ធដែលជាសមាជិកនៃក្រុមប្រឹក្សាជាតិ និងគណៈកម្មការជាតិភស្តុភារកម្មជាច្រើនទៀតផងដែរ។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំដ៏មានសារៈសំខាន់នេះមានគោលបំណងដើម្បី៖

១. បង្កើតយន្តការដឹកនាំវិស័យភស្តុភារកម្ម៖ បង្កើតក្រុមប្រឹក្សាជាតិភស្តុភារកម្ម (ក.ជ.ភ.) ដើម្បីធ្វើជាសេនាធិការ​ជូនរាជរដ្ឋាភិបាល ក្នុងការដឹកនាំ គ្រប់គ្រង និងជំរុញការអភិវឌ្ឍ វិស័យភស្តុភារកម្មនៅកម្ពុជា

២.អភិវឌ្ឍធាតុសំខាន់ៗនៃភស្តុភារកម្ម ៖ គោលបំណងរួមមានការសម្របសម្រួលបែបបទ ទំនិញចេញ-ចូល ហេដ្ឋារចនាសម្ព័ន្ធ ដឹកជញ្ចូន (ផ្លូវគោក ផ្លូវទឹក ផ្លូវអាកាស កំពង់ផែ) លើកកម្ពស់សមត្ថភាពស្ថាប័ន​ផ្ដល់សេវា​ធានាការផ្តល់សេវាទាន់ពេលវេលា ប្រកបដោយទំនុកចិត្ត និងតម្លៃប្រកួតប្រជែងលើទីផ្សារអន្តរជាតិ ។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ក្នុងនាមវិស័យឯកជន បានលើកឡើងជាធាតុចូល​ក្នុងកម្រតិគោល នយោបាយ និងជាការបំពេញបន្ថែមក្នុងន័យជាការចូលរួម និងកិច្ចសហប្រតិបត្តិការ​ពេញលេញ​របស់វិស័យឯកជនរួមមាន៖

១. ធាតុចូលលើសេចក្តីព្រាងច្បាប់ស្តីពីភស្តុភារកម្ម

– ការផ្តល់ការលើកទឹកចិត្តផ្នែកពន្ធដារ និងការវិនិយោគ

– យន្តការដោះស្រាយវិវាទក្រៅប្រព័ន្ធតុលាការ

– ការកាត់បន្ថយរបាំងរដ្ឋបាល

២. ធាតុចូលលើសូចនាករប្រតិបត្តិការភស្តុភារកម្ម

– ការតភ្ជាប់ទិន្នន័យរវាងរដ្ឋ និងឯកជន

-​ តម្លាភាពនៃតម្លៃសេវាកម្ម

៣. ធាតុចូលយុទ្ធសាស្រ្តស្តីពី ការសម្របសម្រួលពាណិជ្ជកម្ម និងកិច្ចសហប្រតិបត្តិការរវាងរដ្ឋ និងឯកជន

– ការធ្វើសាមញ្ញកម្មនីតិវិធីគយ និងព្រំដែន

– ការគាំទ្រដល់ប្រតិបត្តិករក្នុងស្រុក (SMEs)

– ការបណ្តុះបណ្តាលធនធានមនុស្សរួមគ្នា

៤. កិច្ចសហការ និងការប្តេជ្ញាចិត្តរបស់សភាពាណិជ្ជកម្មកម្ពុជាក្នុងនាមវិស័យឯកជន។

The post អ្នកឧកញ៉ា លឹម ហេង តំណាង អ្នកឧកញ៉ា គិត ម៉េង ចូលរួមកិច្ចប្រជុំក្រុមប្រឹក្សាជាតិភស្តុភារកម្ម លើកទី១១ appeared first on .

កិច្ចប្រជុំនេះមានការចូលរួមពីផ្នែកឯកជន រួមមានប្រធានសមាគម ប្រធានក្រុមហ៊ុន តំណាងក្រុមហ៊ុន ដែលពាក់ព័ន្ធក្នុងវិស័យដឹកជញ្ជូន សហគ្រាសមានឃ្លាំងស្តុកទំនិញ  និងអ្នកនាំចេញ-នាំចូលបម្រើផលិតកម្មផលិតក្នុងស្រុក ជាច្រើន។ 

បើតាមសភាពាណិជ្ជកម្មកម្ពុជា កិច្ចពិភាក្សាការងារបន្ទាន់នេះបានពិភាក្សា និងស្តាប់អំពីបញ្ហាប្រឈមរបស់វិស័យឯកជន ក្នុងសកម្មភាពការធ្វើពាណិជ្ជកម្ម និងការវិនិយោគនានា ក្នុងគោលបំណង៖ 

(១) រៀបចំកិច្ចពិភាក្សាផ្ទៃក្នុងបន្ទាន់មួយ ដើម្បីប្រមូលព័ត៌មាន កត់ត្រារាល់ក្តីកង្វល់ និងស្វែងរកដំណោះស្រាយជាយុទ្ធសាស្ត្រជូនវិស័យឯកជន។

 (២) បញ្ចៀសផលប៉ះពាល់អវិជ្ជមានលើបរិយាកាសធុរកិច្ច សង្វាក់ផលិតកម្ម និងការងាររបស់កម្មករ-ជានិយោជិត បណ្តាលមកពីវិធានការចុះត្រួតពិនិត្យឃ្លាំង និងការឃាត់ទំនិញដែលខ្វះអនុលោមភាពច្បាប់របស់អាជ្ញាធរមានសម្ថកិច្ច។ 

ជាសង្ខេបនៃដំណើការពិភាក្សា អំពី៖

(១) ផលប៉ះពាល់លើសង្វាក់ផលិតកម្ម៖ វិធានការចុះផ្អាក ឬបិទឃ្លាំងទំនិញស្របច្បាប់របស់អាជ្ញាធរដែនដី បានបង្កការរំខានធ្ងន់ធ្ងរដល់រោងចក្រ និងសហគ្រាសក្នុងស្រុក (SMEs) ដែលត្រូវការវត្ថុធាតុដើមចាំបាច់ សម្រាប់ចង្វាក់ផលិតកម្មប្រចាំថ្ងៃ។ 

(២) វិបត្តិហិរញ្ញវត្ថុអាជីវកម្ម៖ ការផ្អាកផលិតកម្មបណ្តាលឱ្យធុរជនបាត់បង់ចំណូលភ្លាមៗ និងប្រឈមនឹងការខ្វះលទ្ធភាពសងបំណុលធនាគារ។ 

(៣) បញ្ហានីតិវិធីរបស់អាជ្ញាធរ៖ អង្គប្រជុំកត់សម្គាល់ឃើញថា ករណីចុះត្រួតពិនិត្យមួយចំនួនធ្វើឡើងដោយខុសនីតិវិធីច្បាប់ និងខ្វះការចូលរួមសម្របសម្រួលបច្ចេកទេសពីមន្ត្រីគយជំនាញ។ ការផ្សព្វផ្សាយរូបភាពបង្ក្រាបលក្ខណៈខ្លីៗលើបណ្តាញសង្គម បានបង្កការភាន់ច្រឡំ និងប៉ះពាល់ដល់ស្ថិរភាពការវិនិយោគ និងទំនុកចិត្តក្នុងការវិនិយោគ។ 

សេចក្តីសន្និដ្ឋានលទ្ធផលនៃអង្គប្រជុំ (១) ប្រកាន់ខ្ជាប់យន្តការច្បាប់៖ អង្គប្រជុំឯកភាពថា រាល់ការដោះស្រាយត្រូវតែផ្អែកលើការគោរព និងអនុវត្តច្បាប់ជាធរមាន ដោយត្រូវបែងចែកឱ្យដាច់រវាងទំនិញថៃនាំចូលដោយខុសច្បាប់ ឫ ទំនិញគេចពន្ធ និងទំនិញនាំចូលឫទំនិញដែលជាវត្ថុធាតុដើមផលិតកម្មស្របច្បាប់។ 

(២) ស្នើសុំកិច្ចអន្តរាគមន៍ថ្នាក់ជាតិ និងថ្នាក់ក្រោមជាតិ ដើម្បីស្នើសុំកិច្ចពិភាក្សាអន្តរាគមន៍បន្ទាន់មួយ ក្នុងគោលបំណងកំណត់នីតិវិធី និងការគោរពច្បាប់របស់សមត្ថកិច្ចចុះត្រួតពិនិត្យឱ្យបានច្បាស់លាស់ និងរក្សាស្ថិរភាពសេដ្ឋកិច្ច៕ 

The post តំណាង អ្នកឧកញ៉ា គិត ម៉េង ចូលរួមកិច្ចពិភាក្សាបន្ទាន់ ស្តីពី “ការស្វែងយល់ពីបញ្ហាប្រឈមរបស់វិស័យឯកជន ពាក់ព័ន្ធនឹងវិធានការក្នុងវិស័យដឹកជញ្ជូន និងការចុះត្រួតពិនិត្យឃ្លាំង និងការឃាត់ទំនិញរបស់អាជ្ញាធរដែនដី appeared first on .

កាលព្រឹកថ្ងៃទី១៥ ខែឧសភា សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញជាអធិបតីក្នុង «ទិវាអតីតយុទ្ធជន និង និវត្តជនកម្ពុជា លើកទី១៩»។ ក្នុងឱកាសនោះដែរ សម្ដេចធិបតី បានមានប្រសាសន៍​បញ្ជាក់ថា ការប្រារព្ធ ទិវាអតីតយុទ្ធជន និងនិវត្តជនកម្ពុជា លើកទី១៩ ក្នុងគោលបំណងលើកតម្កើង​វីរភាពដ៏​អង់អាច និងគុណបំណាច់ដ៏ធំធេងរបស់អតីតយុទ្ធជន និងនិវត្តជនកម្ពុជា និងដើម្បីឆ្លើយតបនឹងវីរភាពដ៏អង់អាច​ក្លាហាន និងគុណបំណាច់ដ៏ធំធេងរបស់អតីតយុទ្ធជន និងនិវត្តជន ដែលបានធ្វើពលិកម្ម បូជាសាច់ស្រស់ ឈាមស្រស់ ដើម្បីបុព្វហេតុជាតិមាតុភូមិ និងប្រជាជន។

សូមជម្រាបថា បច្ចុប្បន្នសមាគម​អតីតយុទ្ធជន និងនិវត្តជនកម្ពុជា មានសម្ដេចតេជោ ហ៊ុន សែន ជាប្រធានអស់​មួយ​ជីវិត, សម្ដេច​ធិបតី ហ៊ុន ម៉ាណែត ជាអនុប្រធានទី១ និងឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី ជាអនុប្រធានសមាគម និងជាអគ្គលេខាធិការ៕

The post អ្នកឧកញ៉ា លឹម ហេង ចូលរួមឧបត្ថម្ភថវិកាសាងសង់ផ្ទះចំនួន ៣ខ្នង ដើម្បីផ្តល់ជូនអតីតយុទ្ធជន និងនិវត្តជន សម្រាប់ឆ្នាំ២០២៦ appeared first on .

ក្នុងឱកាសនោះដែរ គណៈប្រតិភូសភាពាណិជ្ជកម្មកម្ពុជា អ្នកឧកញ៉ា ឧកញ៉ាៗ ដែលអញ្ជើញចូលរួម រួមមាន អ្នកឧកញ៉ា ឡាវ កាង, អ្នកឧកញ៉ា វិញ ហួរ, អ្នកឧកញ៉ា ភួ វាសនា, អ្នកឧកញ៉ា អុឹង សែ, អ្នកឧកញ៉ា សុខ សុភាព, ឧកញ៉ា គួច ផេង, ឧកញ៉ា តាន់ មុនីវណ្ណ, ឧកញ៉ា ងួន ម៉េងតិច, ឧកញ៉ា ហ៊ួត ឈឿន, ឧកញ៉ា ហាក់ សុវណ្ណ, ឧកញ៉ា អ៊ុន វុទ្ធី, ឧកញ៉ា ឡេង សុខគា, ឧកញ៉ា កែវ ចំរើន និងឧកញ៉ា នួន ពេជ្រសុផល។

ជាកិច្ចចាប់ផ្តើម អ្នកឧកញ៉ា លឹម ហេង បានថ្លែងអំណរគុណយ៉ាងជ្រាលជ្រៅ គោរពជូន លោកជំទាវរដ្ឋមន្ត្រី ដែលបានអនុញ្ញាតឱ្យគណៈប្រតិភូសភាពាណិជ្ជកម្មកម្ពុជា បានចូលជួបសម្តែងការគួរសម និងគោរពជូនពរ លោកជំទាវរដ្ឋមន្រ្តី ក្នុងឱកាសចូលឆ្នាំថ្មីប្រពៃណីខ្មែរ។ ក្នុងឱកាសនោះផងដែរ អ្នកឧកញ៉ាអនុប្រធាន បានរាយការណ៍អំពីវឌ្ឍនភាពការងារ បញ្ហាប្រឈម និងសំណូមពរ របស់សភាពាណិជ្ជកម្មកម្ពុជា គោរពជូនលោកជំទាវរដ្ឋមន្ត្រី ដើម្បីជ្រាប។

ជាកិច្ចឆ្លើយតប លោកជំទាវរដ្ឋមន្រ្តីបានវាយតម្លៃខ្ពស់លើលទ្ធផលការងារនិងតួនាទីរបស់សភាពាណិជ្ជកម្មក្នុងការចូលរួមជំរុញសកម្មភាពសេដ្ឋកិច្ច-ពាណិជ្ជកម្ម ដែលបានរួមចំណែកយ៉ាងសំខាន់ក្នុងការរុញច្រានកំណើនសេដ្ឋកិច្ច និងអភិវឌ្ឍសង្គម សេដ្ឋកិច្ច។ លោកជំទាវរដ្ឋមន្រ្តី បានបញ្ជាក់ជូនថា ក្រសួងពាណិជ្ជកម្ម ក្នុងនាមជាអាណាព្យាបាលបច្ចេកទេស នឹងបន្តគាំទ្រសភាពាណិជ្ជកម្ម ដើម្បីសម្រេចបាននូវទិសដៅការងារ និងសមិទ្ធផលបន្ថែមទៀត៕

The post អ្នកឧកញ៉ា ឧកញ៉ាៗប្រតិភូសភាពាណិជ្ជកម្មជាង ១០រូប អញ្ជើញជួបសម្តែងការគួរសម និងគោរពជូនពរ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ក្នុងឱកាសចូលឆ្នាំថ្មីប្រពៃណីខ្មែរ appeared first on .

កិច្ចប្រជុំនេះក៏មានការចូលរួមផងដែរពីសំណាក់ តំណាងក្រសួង ស្ថាប័នរាជរដ្ឋាភិបាល និងតំណាងក្រុមហ៊ុន សមាគមឯកជន ព្រមទាំងមានវត្តមាន អ្នកឧកញ៉ា លឹម ហេង, ឧកញ៉ា ងួន ម៉េងតិច និងឧកញ៉ា សំរិទ្ធ មុន្នី។ ការរៀបចំកិច្ចប្រជុំនេះមានគោលបំណង ដើម្បីធ្វើការពិនិត្យ ពិភាក្សា និងដោះស្រាយលើបញ្ហាប្រឈមដែលស្នើឡើងដោយផ្នែកឯកជន ក្នុងវិស័យនីតិកម្ម ពន្ធដារ និងអភិបាលកិច្ច។ 

កិច្ចប្រជុំបានធ្វើការពិនិត្យ ពិភាក្សា និងដោះស្រាយលើបញ្ហាប្រឈម របស់ផ្នែកឯកជនរួមមាន៖ ១.ការប្រយុទ្ធប្រឆាំងនឹងពាណិជ្ជកម្មខុសច្បាប់ ដើម្បីការពារសេដ្ឋកិច្ច ប្រាក់ចំណូល និងកេរ្តិ៍ឈ្មោះរបស់កម្ពុជា ២.ស្នើសុំកម្រៃសេវារបស់ភ្នាក់ងារធានារ៉ាប់រងគឺជាចំណូលមិនជាប់អាករ ៣.ការប្រមូលពន្ធលើការនាំចេញទង់ដែង ៤.បញ្ហានៃការលក់ក្រៅព្រំដែន ៥.បញ្ហាពន្ធលើការផ្ទាំងផ្សព្វផ្សាយ ៦.បញ្ហានៃការបង់អាករលើតម្លៃបន្ថែម ៧.ការបង្កើតក្របខ័ណ្ឌដែលមានភាពច្បាស់លាស់ និងមានតម្លាភាពសម្រាប់ការប្រកាសផ្សាយនូវបទប្បញ្ញាត្តិ និងលិខិតបទដ្ឋានគតិយុត្ត ៨.ការបង្កើតស្ថាប័នជំនាញសម្រាប់ដោះស្រាយវិវាទលើបំណុលដែលមានកិច្ចធានា។

ជាលទ្ធផល កិច្ចប្រជុំបានធ្វើការពិនិត្យ ដោះស្រាយបាន ក៏ដូចជាបន្តតាមដាន និងធ្វើការជាមួយគ្នាបន្ថែមទៀតលើបញ្ហាប្រឈមមួយចំនួនខាងលើ។

The post អ្នកឧកញ៉ា ឧកញ៉ាៗ ចូលរួមកិច្ចប្រជុំក្រុមការងារ “ផ្នែកនីតិកម្ម ពន្ធដារ និងអភិបាលកិច្ច” នៃវេទិការាជរដ្ឋាភិបាល-ផ្នែកឯកជន appeared first on .

កិច្ចប្រជុំនេះធ្វើឡើងដើម្បីតាមដានវឌ្ឍនភាព នៃការរៀបចំមហាសន្និបាតបូកសរុបលទ្ធផលការងារ​សភាពាណិជ្ជកម្ម​កម្ពុជាឆ្នាំ២០២៥ និងលើកទិសដៅការងារសភាពាណិជ្ជកម្មកម្ពុជាឆ្នាំ២០២៦ ព្រមទាំងសម្រេចលើរបៀវារៈ​មួយ​ចំនួន ដើម្បីធ្វើអោយរៀបចំមហាសន្និបាត ប្រព្តឹត្រទៅជោគជ័យ និងទទួលបានផ្លែផ្កា។

មហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និងលើកទិសដៅ​ការងារសភា​ពាណិជ្ជកម្មកម្ពុជាឆ្នាំ២០២៦ នឹងរៀបចំឡើងនៅថ្ងៃទី២៨ ខែមករា ឆ្នាំ២០២៦ មួយថ្ងៃពេញ នៅ​មជ្ឈមណ្ឌល​សន្និបាត និងពិព័រណ៍កោះពេជ្រ (អគារ A-F) ក្នុងគោលបំណងជួបជុំ និងបង្កើនទំនាក់ទំនង សមាជិក សមាជិកា សភាពាណិជ្ជកម្មកម្ពុជាទូទាំងប្រទេស តំណាងការិយាល័យសភាពាណិជ្ជកម្មកម្ពុជាក្រៅប្រទេស និងវិស័យ​ឯកជននៅកម្ពុជា ព្រមទាំងជាឱកាសស្វែងយល់អោយកាន់តែច្បាស់នូវ បរិយាកាសវិនិយោគ និង ការលានុវត្តភាពធុរកិច្ច។

សូមជម្រាបថា មហាសន្និបាតបូកសរុបលទ្ធផល​ការងារសភា​ពាណិជ្ជកម្ម​កម្ពុជាឆ្នាំ២០២៥ និងលើកទិសដៅ​ការងារឆ្នាំ២០២៦ នឹងប្រពឹត្តទៅក្រោម​អធិបតីភាព​ដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ខណៈដែល អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា នឹងអញ្ជើញថ្លែងសុន្ទរកថាបើកសន្និបាត៕

The post អ្នកឧកញ៉ា លឹម ហេង តំណាងអ្នកឧកញ៉ា គិត ម៉េង ដឹកនាំកិច្ចប្រជុំលើកទី៣ នៃគណៈកម្មការ រៀបចំមហា​សន្និបាតបូកសរុបលទ្ធផលការងារសភាពាណិជ្ជកម្មកម្ពុជា appeared first on .

The post អ្នកឧកញ៉ា លឹម ហេង និងលោកជំទាវ ចូលរួមបរិច្ចាគថវិកា ២ម៉ឺនដុល្លារ តាមរយៈសមាគមឧកញ៉ាកម្ពុជា គាំទ្រយ៉ាងមោះមុតដល់វីរកងទ័ពជួរមុខ appeared first on .