ក្នុងឱកាសនោះដែរ គណៈប្រតិភូសភាពាណិជ្ជកម្មកម្ពុជា អ្នកឧកញ៉ា ឧកញ៉ាៗ ដែលអញ្ជើញចូលរួម រួមមាន អ្នកឧកញ៉ា ឡាវ កាង, អ្នកឧកញ៉ា វិញ ហួរ, អ្នកឧកញ៉ា ភួ វាសនា, អ្នកឧកញ៉ា អុឹង សែ, អ្នកឧកញ៉ា សុខ សុភាព, ឧកញ៉ា គួច ផេង, ឧកញ៉ា តាន់ មុនីវណ្ណ, ឧកញ៉ា ងួន ម៉េងតិច, ឧកញ៉ា ហ៊ួត ឈឿន, ឧកញ៉ា ហាក់ សុវណ្ណ, ឧកញ៉ា អ៊ុន វុទ្ធី, ឧកញ៉ា ឡេង សុខគា, ឧកញ៉ា កែវ ចំរើន និងឧកញ៉ា នួន ពេជ្រសុផល។

ជាកិច្ចចាប់ផ្តើម អ្នកឧកញ៉ា លឹម ហេង បានថ្លែងអំណរគុណយ៉ាងជ្រាលជ្រៅ គោរពជូន លោកជំទាវរដ្ឋមន្ត្រី ដែលបានអនុញ្ញាតឱ្យគណៈប្រតិភូសភាពាណិជ្ជកម្មកម្ពុជា បានចូលជួបសម្តែងការគួរសម និងគោរពជូនពរ លោកជំទាវរដ្ឋមន្រ្តី ក្នុងឱកាសចូលឆ្នាំថ្មីប្រពៃណីខ្មែរ។ ក្នុងឱកាសនោះផងដែរ អ្នកឧកញ៉ាអនុប្រធាន បានរាយការណ៍អំពីវឌ្ឍនភាពការងារ បញ្ហាប្រឈម និងសំណូមពរ របស់សភាពាណិជ្ជកម្មកម្ពុជា គោរពជូនលោកជំទាវរដ្ឋមន្ត្រី ដើម្បីជ្រាប។

ជាកិច្ចឆ្លើយតប លោកជំទាវរដ្ឋមន្រ្តីបានវាយតម្លៃខ្ពស់លើលទ្ធផលការងារនិងតួនាទីរបស់សភាពាណិជ្ជកម្មក្នុងការចូលរួមជំរុញសកម្មភាពសេដ្ឋកិច្ច-ពាណិជ្ជកម្ម ដែលបានរួមចំណែកយ៉ាងសំខាន់ក្នុងការរុញច្រានកំណើនសេដ្ឋកិច្ច និងអភិវឌ្ឍសង្គម សេដ្ឋកិច្ច។ លោកជំទាវរដ្ឋមន្រ្តី បានបញ្ជាក់ជូនថា ក្រសួងពាណិជ្ជកម្ម ក្នុងនាមជាអាណាព្យាបាលបច្ចេកទេស នឹងបន្តគាំទ្រសភាពាណិជ្ជកម្ម ដើម្បីសម្រេចបាននូវទិសដៅការងារ និងសមិទ្ធផលបន្ថែមទៀត៕

The post អ្នកឧកញ៉ា ឧកញ៉ាៗប្រតិភូសភាពាណិជ្ជកម្មជាង ១០រូប អញ្ជើញជួបសម្តែងការគួរសម និងគោរពជូនពរ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ក្នុងឱកាសចូលឆ្នាំថ្មីប្រពៃណីខ្មែរ appeared first on .

កិច្ចប្រជុំនេះក៏មានការចូលរួមផងដែរពីសំណាក់ តំណាងក្រសួង ស្ថាប័នរាជរដ្ឋាភិបាល និងតំណាងក្រុមហ៊ុន សមាគមឯកជន ព្រមទាំងមានវត្តមាន អ្នកឧកញ៉ា លឹម ហេង, ឧកញ៉ា ងួន ម៉េងតិច និងឧកញ៉ា សំរិទ្ធ មុន្នី។ ការរៀបចំកិច្ចប្រជុំនេះមានគោលបំណង ដើម្បីធ្វើការពិនិត្យ ពិភាក្សា និងដោះស្រាយលើបញ្ហាប្រឈមដែលស្នើឡើងដោយផ្នែកឯកជន ក្នុងវិស័យនីតិកម្ម ពន្ធដារ និងអភិបាលកិច្ច។ 

កិច្ចប្រជុំបានធ្វើការពិនិត្យ ពិភាក្សា និងដោះស្រាយលើបញ្ហាប្រឈម របស់ផ្នែកឯកជនរួមមាន៖ ១.ការប្រយុទ្ធប្រឆាំងនឹងពាណិជ្ជកម្មខុសច្បាប់ ដើម្បីការពារសេដ្ឋកិច្ច ប្រាក់ចំណូល និងកេរ្តិ៍ឈ្មោះរបស់កម្ពុជា ២.ស្នើសុំកម្រៃសេវារបស់ភ្នាក់ងារធានារ៉ាប់រងគឺជាចំណូលមិនជាប់អាករ ៣.ការប្រមូលពន្ធលើការនាំចេញទង់ដែង ៤.បញ្ហានៃការលក់ក្រៅព្រំដែន ៥.បញ្ហាពន្ធលើការផ្ទាំងផ្សព្វផ្សាយ ៦.បញ្ហានៃការបង់អាករលើតម្លៃបន្ថែម ៧.ការបង្កើតក្របខ័ណ្ឌដែលមានភាពច្បាស់លាស់ និងមានតម្លាភាពសម្រាប់ការប្រកាសផ្សាយនូវបទប្បញ្ញាត្តិ និងលិខិតបទដ្ឋានគតិយុត្ត ៨.ការបង្កើតស្ថាប័នជំនាញសម្រាប់ដោះស្រាយវិវាទលើបំណុលដែលមានកិច្ចធានា។

ជាលទ្ធផល កិច្ចប្រជុំបានធ្វើការពិនិត្យ ដោះស្រាយបាន ក៏ដូចជាបន្តតាមដាន និងធ្វើការជាមួយគ្នាបន្ថែមទៀតលើបញ្ហាប្រឈមមួយចំនួនខាងលើ។

The post អ្នកឧកញ៉ា ឧកញ៉ាៗ ចូលរួមកិច្ចប្រជុំក្រុមការងារ “ផ្នែកនីតិកម្ម ពន្ធដារ និងអភិបាលកិច្ច” នៃវេទិការាជរដ្ឋាភិបាល-ផ្នែកឯកជន appeared first on .

កិច្ចប្រជុំនេះធ្វើឡើងដើម្បីតាមដានវឌ្ឍនភាព នៃការរៀបចំមហាសន្និបាតបូកសរុបលទ្ធផលការងារ​សភាពាណិជ្ជកម្ម​កម្ពុជាឆ្នាំ២០២៥ និងលើកទិសដៅការងារសភាពាណិជ្ជកម្មកម្ពុជាឆ្នាំ២០២៦ ព្រមទាំងសម្រេចលើរបៀវារៈ​មួយ​ចំនួន ដើម្បីធ្វើអោយរៀបចំមហាសន្និបាត ប្រព្តឹត្រទៅជោគជ័យ និងទទួលបានផ្លែផ្កា។

មហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និងលើកទិសដៅ​ការងារសភា​ពាណិជ្ជកម្មកម្ពុជាឆ្នាំ២០២៦ នឹងរៀបចំឡើងនៅថ្ងៃទី២៨ ខែមករា ឆ្នាំ២០២៦ មួយថ្ងៃពេញ នៅ​មជ្ឈមណ្ឌល​សន្និបាត និងពិព័រណ៍កោះពេជ្រ (អគារ A-F) ក្នុងគោលបំណងជួបជុំ និងបង្កើនទំនាក់ទំនង សមាជិក សមាជិកា សភាពាណិជ្ជកម្មកម្ពុជាទូទាំងប្រទេស តំណាងការិយាល័យសភាពាណិជ្ជកម្មកម្ពុជាក្រៅប្រទេស និងវិស័យ​ឯកជននៅកម្ពុជា ព្រមទាំងជាឱកាសស្វែងយល់អោយកាន់តែច្បាស់នូវ បរិយាកាសវិនិយោគ និង ការលានុវត្តភាពធុរកិច្ច។

សូមជម្រាបថា មហាសន្និបាតបូកសរុបលទ្ធផល​ការងារសភា​ពាណិជ្ជកម្ម​កម្ពុជាឆ្នាំ២០២៥ និងលើកទិសដៅ​ការងារឆ្នាំ២០២៦ នឹងប្រពឹត្តទៅក្រោម​អធិបតីភាព​ដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ខណៈដែល អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា នឹងអញ្ជើញថ្លែងសុន្ទរកថាបើកសន្និបាត៕

The post អ្នកឧកញ៉ា លឹម ហេង តំណាងអ្នកឧកញ៉ា គិត ម៉េង ដឹកនាំកិច្ចប្រជុំលើកទី៣ នៃគណៈកម្មការ រៀបចំមហា​សន្និបាតបូកសរុបលទ្ធផលការងារសភាពាណិជ្ជកម្មកម្ពុជា appeared first on .

The post អ្នកឧកញ៉ា លឹម ហេង និងលោកជំទាវ ចូលរួមបរិច្ចាគថវិកា ២ម៉ឺនដុល្លារ តាមរយៈសមាគមឧកញ៉ាកម្ពុជា គាំទ្រយ៉ាងមោះមុតដល់វីរកងទ័ពជួរមុខ appeared first on .

សភាពាណិជ្ជកម្មកម្ពុជា បានឱ្យដឹងថា គោលបំណងនៃកិច្ចប្រជុំនេះគឺដើម្បីពិនិត្យ និងផ្តល់យោបល់ ព្រមទាំង​ប្រមូលធាតុចូល ដើម្បីរៀបចំមហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និង​លើក​ទិសដៅការងារសភាពាណិជ្ជកម្មកម្ពុជាឆ្នាំ២០២៦ ឱ្យប្រព្រឹត្តទៅបានជោគជ័យ​ ហើយមហាសន្និបាតនេះ​គ្រោង​នឹងរៀបចំនៅថ្ងៃទី២៧ និង២៨ ខែមករា ឆ្នាំ២០២៦ នាពេលខាងមុខនេះ។

ជាមួយគ្នានេះផងដែរ ដើម្បីអោយមហាសន្និបាតប្រព្រឹត្តទៅរលូន និងជោគជ័យ អ្នកឧកញ៉ា គិត ម៉េង ក៏បាន​សម្រេចបង្កើត គណៈកម្មការរៀបចំនិងសម្របសម្រួល មហាសន្និបាតបូកសរុបលទ្ធផល​ការងារសភាពាណិជ្ជកម្ម​កម្ពុជា ឆ្នាំ២០២៥ និងលើកទិសដៅការងារសភាពាណិជ្ជកម្មកម្ពុជា ឆ្នាំ២០២៦ ដែលមានអ្នកឧកញ៉ា​ជាប្រធាន​គណៈកម្មការ។

សូមជម្រាបថា មហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និងលើកទិសដៅ​ការងារសភាពាណិជ្ជកម្មកម្ពុជាឆ្នាំ២០២៦ នឹងមានការអញ្ជើញថ្លែងសុន្ទរកថា និងជាអធិបតីដ៏ខ្ពង់ខ្ពស់ពី សម្តេច​មហាបរវធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ព្រមទាំងមានការអញ្ជើញចូលរួម ពីមន្រ្តីជាន់ខ្ពស់រាជរដ្ឋាភិបាល បណ្ដាអង្គទូត អ្នកវិនិយោគ សភាពាណិជ្ជកម្មអន្តរជាតិ និងសមាគមទាំងអស់ នៅកម្ពុជា សមាជិក សមាជិកា សភាពាណិជ្ជកម្មកម្ពុជា​ទូទាំង​ប្រទេស ព្រមទាំងតំណាងការិយាល័យសភាពាណិជ្ជកម្មកម្ពុជាក្រៅប្រទេស។ ក្នុងនោះដែរ ក៏មានការ​ដាក់​តាំង​បង្ហាញនូវផលិតផល ជាច្រើនផងដែរ៕

The post អ្នកឧកញ៉ា គិត ម៉េង ចាត់តាំងអ្នកឧកញ៉ា លឹម ហេង ដឹកនាំកិច្ចប្រជុំត្រៀមរៀបចំ មហាសន្និបាតបូកសរុបលទ្ធផល​ការងារ​សភាពាណិជ្ជកម្មកម្ពុជា ឆ្នាំ២០២៥ appeared first on .

ការចូលរួមឧបត្ថម្ភថវិកានេះ គឺជាការចូលរួមចំណែកលើកទឹកចិត្ត ដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា នៅថ្ងៃទី២៩ ខែឧសភា ឆ្នាំ២០២៥ បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លុងមួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post អ្នកឧកញ៉ា លឹម ហេង និងលោកជំទាវ ឧបត្ថម្ភថវិកាចំនួន ២ម៉ឺនដុល្លារអាម៉េរិក ជូនកងទ័ពការពារព្រំដែនកម្ពុជា-ថៃ ទិសទី១ ខេត្តព្រះវិហារ appeared first on .

អ្នកឧកញ៉ា លឹម ហេង និងលោកជំទាវ កន្លងមកតែងតែចូលរួមឧបត្ថម្ភថវិកាជារៀងរាល់ឆ្នាំ ដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ា លឹម ហេង បរិច្ចាគថវិកាចំនួន ២ម៉ឺនដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

អ្នកឧកញ៉ា លឹម ហេង បានឱ្យដឹងលើទំព័រហ្វេសប៊ុក នៅរសៀលនេះដូច្នេះថា៖ “ទីក្រុង បាងកក ម៉ោង១៣:២៥ ថ្ងៃទី ២៨.០៣.២៥ រញ្ជួយផែនដី… ខ្ញុំទើបតែជួបលើកទី១ ភ័យចង់លោះព្រលឹង”។

គួរបញ្ជាក់ថា នៅរសៀលថ្ងៃសុក្រ ទី២៨ ខែមីនានេះ គ្រោះរញ្ជួយដីកម្រិតធ្ងន់រហូតដល់៧.៧រ៉ិចទ័រ បានវាយប្រហារចំតំបន់ភាគកណ្តាល នៃប្រទេសមីយ៉ាន់ម៉ា ខណៈកម្លាំងញ័ររញ្ជួយដ៏ខ្លាំងក្លា ក៏បានជះឥទ្ធិពលដល់ប្រទេសថៃ និង វៀតណាមផងដែរ។ នេះបើតាមការចេញផ្សាយដោយ Bangkok Post។

បើតាម AFP តំបន់ភាគខាងជើងនិងភាគកណ្តាលប្រទេសថៃ បានទទួលរងឥទ្ធិពលរំញ័រ នៃគ្រោះរញ្ជួយដីនេះ ព្រមទាំងមានការបាក់អគារមួយចំនួនផងដែរ។ ទោះយ៉ាងណា មិនទាន់មានសេក្តីរាយការណ៍អំពីទំហំនៃការខូចខាត និងមនុស្សរងគ្រោះថ្នាក់ ដែលបង្កឡើងពីរញ្ជួយដីខាងលើនៅឡើយទេ៕

The post អ្នកឧកញ៉ាមួយរូប កំពុងនៅទីក្រុងបាងកក ជួបគ្រោះរញ្ជួយដីកម្រិតធ្ងន់ appeared first on .

អ្នកឧកញ៉ា លឹម ហេង  សង្កត់ធ្ងន់ថា “នេះជាលទ្ធផលបានស្តែងចេញមកជាបណ្តើរៗហើយតាមរយៈការណែនាំដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត ឱ្យបង្កើតការិយាល័យតំណាងសភាពាណិជ្ជកម្មកម្ពុជានៅក្រៅប្រទេសនេះ សម្រាប់ទាក់ទាញម៉ូយនៅនឹងកន្លែង ដើម្បីផ្តល់ព័ត៌មានចាំបាច់ ងាយស្រួលធ្វើការទាក់ទាញអ្នកវិនិយោគអាម៉េរិក មកកាន់ប្រទេសកម្ពុជាឱ្យបានច្រើនថែមទៀត”។

អ្នកឧកញ៉ា លើកឡើងថា បើតាមការសង្កេតរហូតដល់ចុងឆ្នាំ២០២៤នេះ ក្រុមហ៊ុនរបស់សហរដ្ឋអាមេរិក ចូលមកបណ្តាក់ទុននៅកម្ពុជា ខ្នាតធំមានចំនួនមួយគួរឱ្យកត់សម្គាល់ មានក្រុមហ៊ុន ហ្វ៊ត , ក្រុមហ៊ុនកូកាកូឡា រួមនិងក្រុមហ៊ុនផ្សេងទៀត។ក្រុមហ៊ុនរបស់អាម៉េរិកដែលបានបណ្តាក់ទុននៅកម្ពុជាសព្វថ្ងៃនេះវាជានិមិត្តរូបដ៏ល្អមួយសម្រាប់ទាក់ទាញចំណាប់អារម្មណ៍ក្រុមហ៊ុនផ្សេងទៀតឱ្យចូលមកវិនិយោគធ្វើការកែច្នៃនិងនាំចេញផលិតផលទៅទីផ្សារខាងក្រៅ។

អ្នកឧកញ៉ាមានប្រសាសន៍ថា “យើងសង្ឃឹមថាការតម្លើងពន្ធដាក់គ្នា រវាងសហរដ្ឋអាមេរិកនិងចិននេះ នឹងធ្វើឱ្យក្រុមហ៊ុនពីអាមេរិក ក៏ដូចជាក្រុមហ៊ុនពីចិន អាចមកវិនិយោគនៅកម្ពុជាបន្ថែមទៀតដើម្បីនាំចេញទៅទីផ្សារសហរដ្ឋអាមេរិក និងទីផ្សារចិន តាមរយៈកិច្ចព្រមព្រៀងពាណិជ្ជកម្មសេរីទ្វេភាគី កម្ពុជា-ចិន នេះ”។

ទាក់ទងនិងការផលិតផលកម្ពុជានាពេលបច្ចុប្បន្ន, អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានមើលឃើញថា ផលិតផលដែលផលិតនៅកម្ពុជាឈានដល់កម្រិតស្តង់ដារ ហើយបាននាំចេញទៅប្រទេសកូរ៉េខាងត្បូង ចិន រួមនិងប្រទេសមួយចំនួនផ្សេងទៀត។ ដូចនេះពាក់ព័ន្ធនិងភូតគាមអនាម័យនេះមិនបានបញ្ហាទៀតទេ ក្នុងការផលិតនាំចេញទៅទីផ្សារសហរដ្ឋអាមេរិកនេះ។

គួររម្លឹកផងដែរថា ដំណើរបេសកកម្មរបស់គណៈប្រតិភូវិនិយោគសហរដ្ឋអាម៉េរិកមកកម្ពុជា ដែលនឹងរៀបចំចាប់ពីថ្ងៃទី៩ ដល់ថ្ងៃទី១៣ ខែធ្នូ ឆ្នាំ២០២៤ ក្នុងគោលបំណងណែនាំឱ្យធុរកិច្ចជនសហរដ្ឋអាម៉េរិកបានជួបពិភាក្សាការងារជាមួយរាជរដ្ឋាភិបាលកម្ពុជា និងសហគមន៍ធុរកិច្ចកម្ពុជា ដើម្បីស្វែងយល់អំពីកាលានុវត្តភាពវិនិយោគ និងការលើកទឹកចិត្តនានាសម្រាប់ការវិនិយោគនៅកម្ពុជា៕ SL

The post អ្នកឧកញ៉ា លឹម ហេង៖ ក្រុមហ៊ុនអាមេរិកចំនួន១៦ ចាប់អារម្មណ៍កម្ពុជា ផ្តើមចេញពីការបង្កើតឱ្យមានការិយាល័យតំណាងសភាពាណិជ្ជកម្មនៅរដ្ឋកាលីហ័្វរញ៉ា appeared first on .

អ្នកឧកញ៉ា បានគូសបញ្ជាក់បែបនេះក្នុងឱកាសដែល អ្នកឧកញ៉ាអញ្ជើញចូលរួម ក្នុងពិធីសម្ពោធដាក់ឲ្យប្រើប្រាស់ជាផ្លូវការ ប្រព័ន្ធគ្រប់គ្រងគម្រោងវិនិយោគកម្ពុជា (ប្រព័ន្ធ cdcIPM) ក្រោមអធិបតីភាពដ៏ខ្ពង់ខ្ពស់ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នាព្រឹកថ្ងៃទី២៧ ខែវិច្ឆិកា ឆ្នាំ២០២៤ នៅសណ្ឋាគារ ហៃយ៉ាត់ រឺជិនស៊ី ភ្នំពេញ។

អ្នកឧកញ៉ា លឹម ហេង តំណាងអ្នកឧកញ៉ា គិត ម៉េង ប្រធានសភាពាណិជ្ជកម្ម បានថ្លែងថា ក្នុងនាមសភាពាណិជ្ជកម្មកម្ពុជា ជាតំណាងវិស័យឯកជន សូមគាំទ្រដែលប្រមុខរាជរដ្ឋាភិបាល បានអនុម័តបង្កើតរៀបចំ ប្រព័ន្ធ cdcIPM នេះ ដើម្បីដាក់ឱ្យប្រើប្រាស់ជាសាធារណៈ ដែលជាថ្នាលបច្ចេកវិទ្យា សម្រាប់អនុញ្ញាតឱ្យវិនិយោគិន អាចដាក់ពាក្យស្នើសុំ ចុះបញ្ជីគម្រោងវិនិយោគ។

អ្នកឧកញ៉ាបន្តថា «យើងឃើញហើយថា សម្តេចបវរធិបតី ហ៊ុន ម៉ាណែត នាយករដ្ឋមន្ត្រី រួមទាំងប្រតិភូសភាពាណិជ្ជកម្មកម្ពុជា តែងតែដើរទាក់ម៉ូយ ឱ្យមកបណ្តាក់ទុនរកស៉ីនៅកម្ពុជា ដូច្នេះការមកដល់របស់ម៉ូយ គឺស្វាគមន៍ដោយប្រព័ន្ធគ្រប់គ្រងគម្រោងវិនិយោគកម្ពុជា (cdc IPM) នេះ»។

អ្នកឧកញ៉ា លឹម ហេង បានឲ្យដឹងថា ប្រព័ន្ធ cdcIPM នេះ មានលក្ខណៈសម្បត្តិគ្រប់គ្រាន់ តាមប្រព័ន្ធអនឡាញ ប្រើប្រាស់បានពីគ្រប់ទីកន្លែង ទាំងការដាក់ពាក្យ ការបង់កម្រៃសេវា និងការទទួលបាននូវវិញ្ញាបនបត្រ ចុះបញ្ជីគម្រោងជាទម្រង់ឌីជីថល និងឈានទៅដល់ការតភ្ជាប់ ជាមួយក្រសួង-ស្ថាប័នពាក់ព័ន្ធនានា បានចូលរួមជាច្រើន។

ក្នុងនាមវិស័យឯកជន អ្នកឧកញ៉ា លឹម ហេង សូមស្នើសុំឲ្យថ្នាក់ដឹកនាំ ធ្វើយ៉ាងណារាល់ក្រសួងពាក់ព័ន្ធ ឬក្រសួងស្ថាប័ន រាជរដ្ឋាភិបាល ចូលរួមផ្តល់ភាពងាយស្រួល ជាមួយក្រុមប្រឹក្សាអភិវឌ្ឍន៍កម្ពុជា ដើម្បីធ្វើការតភ្ជាប់ប្រព័ន្ធគ្រប់គ្រងវិនិយោគកម្ពុជា ទៅកាន់ប្រព័ន្ធនៃក្រសួងទាំងនោះ។

អ្នកឧកញ៉ា លឹម ហេង បានបញ្ជាក់ថា ប្រព័ន្ធ cdcIPM នេះ គឺជាប្រព័ន្ធមួយ ដែលបានផ្តល់ភាពងាយស្រួលដល់វិនិយោគិន ដើម្បីកុំឱ្យមានភាពស្មុគស្មាញ និងជួយសម្របសម្រួល ដល់វិនិយោគិន ក្នុងការដាក់ទុនវិនិយោគនៅកម្ពុជា បានកាន់តែងាយស្រួល និងមានទំនុកចិត្តមកវិនិយោគកាន់តែច្រើនបន្ថែមទៀត។

សូមជម្រាបថា ប្រព័ន្ធ cdcIPM នេះ នឹងផ្តល់លទ្ធភាពឱ្យវិនិយោគិន ដាក់ពាក្យដោយផ្ទាល់គ្រប់ទីកន្លែង និងគ្រប់ពេលវេលា ដើម្បីសម្រួលកិច្ចការវិនិយោគ ឱ្យកាន់តែមានភាពងាយស្រួល កាត់បន្ថយពេលវេលា ធានាបាននូវតម្លាភាព សុក្រឹត្យភាព និងប្រសិទ្ធភាព ព្រមទាំងចូលរួមកសាងសេដ្ឋកិច្ច និងសង្គមឌីជីថល និងរដ្ឋាភិបាលឌីជីថលនៅកម្ពុជាផងដែរ៕

The post អ្នកឧកញ៉ា លឹម ហេង៖ ប្រព័ន្ធគ្រប់គ្រងគម្រោងវិនិយោគកម្ពុជា (cdcIPM) ជាប្រព័ន្ធឌីជីថលចាំស្វាគមន៍ម៉ូយ ដែលមកវិនិយោគនៅកម្ពុជា appeared first on .