នាឱកាសដ៏ថ្លៃថ្លានេះយើងខ្ញុំទាំងអស់គ្នា សូមកោតសរសើរចំពោះសម្តេចមហាបវរធិបតី ហ៊ុន ម៉ាណែត ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី ដោយមិនខ្លាចនឿយហត់ដឹកនាំ​រាជរដ្ឋាភិបាល​បម្រើឧត្តមប្រយោជន៍ជាតិ និងប្រជាជន ជាពិសេសបន្តថែរក្សានូវសុខសន្តិភាព ស្ថិរភាពនយោបាយ ស្ថិរភាពម៉ាក្រូ​សេដ្ឋកិច្ច កំណើនសេដ្ឋកិច្ចខ្ពស់ ការពារបូរណភាពទឹកដី និងអធិបតេយ្យភាពជាតិ ដែលជាមូលដ្ឋានគ្រឹះដ៏សំខាន់ ក្នុងការអភិវឌ្ឍប្រទេសជាតិលើគ្រប់វិស័យ។

សម្តេចធិបតី គឺជាប្រមុខរាជរដ្ឋាភិបាលដែលបាន និងកំពុងដឹកនាំជោគវាសនាប្រទេសជាតិ ដោយទឹកចិត្ត បេះដូង និងការគិតគូរយ៉ាងម៉ត់ចត់ ពីប្រជាជាតិកម្ពុជា។ សម្តេចធិបតី ពិតជាបានខិតខំប្រឹងប្រែងដោយទឹកចិត្ត ស្មោះស្ម័គ្រ ក្នុងការថែរក្សាកេរមរតកចាស់ និងបង្កើតសមិទ្ធផលថ្មី ដើម្បីប្រជាជាតិ​ និងប្រជាជនកម្ពុជាច្រើនជំនាន់តទៅ។

ទន្ទឹមនេះក្នុងការរក្សាសន្តិភាព ការពារអធិបតេយ្យភាពជាតិ បូរណភាពទឹកដី និងសេចក្តីសុខចម្រើននៃជាតិ​ និងប្រជាជន សម្តេចធិបតីបានបង្ហាញភាពប៉ិនប្រសប់ ក្នុងទំនាក់ទំនងអន្តរជាតិ ភាពចាស់ទំនយោបាយ និងគតិ​បណ្ឌិតប្រតិបត្តិដោយឈរលើស្មារតីសន្តិសហវិជ្ជមាន ដើម្បីភាពសុខដុមរបស់មនុស្សជាតិ។ ក្រោមការដឹកនាំ​រាជរដ្ឋាភិបាលបន្តវេនរបស់សម្តេចមហាបវរធិបតី ប្រជាជនកម្ពុជាបន្តរួមរស់ជាមហាគ្រួសារ ប្រកបដោយសុភមង្គល វិបុលភាព, មោទនភាពជាតិ កិត្យានុភាពជាតិ និងឧត្តមភាព នៃរាជរដ្ឋាភិបាលកម្ពុជា កាន់តែត្រូវបានលើកកម្ពស់ នៅក្នុងក្របខ័ណ្ឌតំបន់ និងពិភពលោក។

យើងខ្ញុំសូមបួងសួងដល់ទេវតាថែរក្សាព្រះរាជាណាចក្រកម្ពុជា សូមតាមជួយបីបាច់ថែរក្សា ប្រោះព្រំនូវសព្ទ​សាធុការពរជ័យ សិរីសួស្តី ជ័យមង្គល វិបុលសុខគ្រប់ប្រការជូន សម្តេចមហាបវរធិបតី និងលោកជំទាវបណ្ឌិត ព្រមទាំងសាច់ញាតិក្រុមគ្រួសារ សូមបានសមប្រកបដោយពុទ្ធពរ និងពរទាំងប្រាំប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ៕

The post អ្នកឧកញ៉ា អុឹង លីហេង និងលោកជំទាវ ផ្ញើសារលិខិតជូនពរសម្តេចធិបតី ហ៊ុន ម៉ាណែត ក្នុងឱកាសខួបចម្រើនជន្មាយុ appeared first on .

ព្រឹត្តិការណ៍ «2026 KONNECT Festival» ត្រូវបានរៀបចំឡើងក្នុងគោលបំណងលើកកម្ពស់សកម្មភាពធុរកិច្ច ជំរុញការផ្គូផ្គងធុរកិច្ច ពង្រឹងការតភ្ជាប់រវាងអាជីវកម្ម និងអ្នកប្រើប្រាស់ ព្រមទាំងលើកកម្ពស់ការចូលរួមចំណែកក្នុងសកម្មភាពសង្គម។

ទន្ទឹមនឹងនេះ ព្រឹត្តិការណ៍នេះក៏ជាវេទិកាដ៏សំខាន់មួយសម្រាប់ក្រុមហ៊ុន សហគ្រិន និងស្ថាប័ននានារបស់កម្ពុជា និងកូរ៉េ បានជួបប្រាស្រ័យទាក់ទងគ្នាដោយផ្ទាល់ ផ្លាស់ប្តូរបទពិសោធន៍ ណែនាំផលិតផល និងសេវាកម្ម ព្រមទាំងស្វែងរកកាលានុវត្តភាពថ្មីៗក្នុងការបង្កើត និងពង្រឹងទំនាក់ទំនងធុរកិច្ចប្រកបដោយចីរភាព។

ព្រឹត្តិការណ៍នេះ ត្រូវបានសហការរៀបចំដោយ សមាគម KEBAC និង YNEXR Creative ក្រោមការគាំទ្រពីស្ថានទូតសាធារណរដ្ឋកូរ៉េ ប្រចាំព្រះរាជាណាចក្រកម្ពុជា និងប្រព្រឹត្តទៅរយៈពេល២ថ្ងៃ ដោយមានការតាំងបង្ហាញផលិតផល និងសេវាកម្ម ការណែនាំម្ហូបអាហារ វប្បធម៌ ព្រមទាំងសកម្មភាពចម្រុះនានា ដែលឆ្លុះបញ្ចាំងពីការផ្លាស់ប្តូរ និងការតភ្ជាប់រវាងប្រជាជន និងវិស័យធុរកិច្ចនៃប្រទេសទាំងពីរ។

ការចូលរួមរបស់សមាគមឧកញ៉ាកម្ពុជា ក្នុងព្រឹត្តិការណ៍នេះ បានរួមចំណែកពង្រឹងការតភ្ជាប់រវាងវិស័យឯកជនកម្ពុជា និងកូរ៉េ ព្រមទាំងបង្កើតឱកាសសម្រាប់ការពង្រីកបណ្តាញធុរកិច្ច ការផ្គូផ្គងដៃគូ និងការស្វែងរកកាលានុវត្តភាពថ្មីៗសម្រាប់កិច្ចសហប្រតិបត្តិការរវាងសហគ្រាសនៃប្រទេសទាំងពីរ។

សមាគមឧកញ៉ាកម្ពុជា នឹងបន្តចូលរួម និងគាំទ្រសកម្មភាពដែលជំរុញការតភ្ជាប់វិស័យឯកជន ពង្រឹងភាពជាដៃគូធុរកិច្ច និងពង្រីកកិច្ចសហប្រតិបត្តិការសេដ្ឋកិច្ចកម្ពុជា–កូរ៉េ ដើម្បីរួមចំណែកបង្កើតកាលានុវត្តភាពធុរកិច្ច និងវិនិយោគថ្មីៗ ប្រកបដោយផលប្រយោជន៍ទៅវិញទៅមក និងចីរភាព។

The post សមាគមឧកញ៉ាកម្ពុជា ចូលរួមពិធីបើក «2026 KONNECT Festival» ដើម្បីពង្រឹងការតភ្ជាប់ធុរកិច្ច និងភាពជាដៃគូកម្ពុជា–កូរ៉េ appeared first on .

ជាកិច្ចចាប់ផ្តើម អ្នកឧកញ៉ា បានថ្លែងអំណរគុណ ប្រកបដោយក្តីសោមនស្សរីករាយ ដែល ឯកឧត្តមឯកអគ្គរដ្ឋទូត បានអនុញ្ញាតឱ្យគណៈប្រតិភូរ៉ូតារីទាំងពីរ កម្ពុជា-អូស្រ្តាលី បានចូលជួបសម្តែងការគួរសមនាពេលនេះ ក្នុងអំឡុង​នៃដំណើរទស្សនកិច្ចផ្លូវការនៅកម្ពុជា។ នេះសរបញ្ជាក់អំពីការយកចិត្តទុក្ខ និងការគាំទ្ររបស់ស្ថានទូតអូស្រ្តាលី ដល់ស្ថាប័នយើងទាំងពីរ បន្ថែមពីនេះ អ្នកឧកញ៉ា បានបញ្ជាក់ថា រ៉ូតារីនៃប្រទេសទាំងពីរបាននិងកំពុងខិតខំ​ប្រឹងប្រែង និងពង្រីកវិសាលភាពការងារមនុស្សធម៌របស់ខ្លួនបន្ថែមទៀត ដើម្បីចូលជាវិភាគទានសហថាមពល​បន្ថែម ក្នុងការអនុវត្តបេសកកម្មរបស់ខ្លួននៅកម្ពុជា ដោយផ្តោតការយកចិត្តទុកដាក់ខ្ពស់​លើវិស័យសំខាន់ៗ​ចំនួនប្រាំពីរ រួមមាន ទឹកនិងអនាម័យ, ការអភិវឌ្ឍសេដ្ឋកិច្ចនិងសហគម, គាពារមាតានិងសុខភាពកុមារ, បរិស្ថាន, ការអប់រំមូលដ្ឋាននិងអក្ខរកម្ម, ការបង្កានិងព្យាបាលជំងឺ, និងការពារសន្តិភាពនិងដោះស្រាយជម្លោះ។

អ្នកឧញ៉ា អ៊ឹង លីហេង ក៏បានគោរពការណ៍ជូន ឯកឧត្តមអគ្គរដ្ឋទូត ពី (១) វឌ្ឍនភាពនៃប្រតិបត្តិការរវាង​រ៉ូតារីកម្ពុជានិងរ៉ូតារីអន្តរជាតិ (២) ការពង្រីកកិច្ចសហប្រតិបត្តិការរវាងរ៉ូតារីកម្ពុជា និងអូស្រ្តាលី (៣) ការផ្លាស់ប្តូរ​វប្បធម៌ តាមរយៈការតភ្ជាប់រវាងប្រជាជននិងប្រជាជន និង (៤)ការអភិវឌ្ឍធនធានមនុស្សឆ្លើយតបតាម ចក្ខុវិស័យ​របស់រាជរដ្ឋាភិបាល តាមរយៈការផ្តល់អាហារូបករណ៍ដល់និសិ្សតកម្ពុជា។

ជាកិច្ចឆ្លើយតប ឯកឧត្តមឯកអគ្គរដ្ឋទូត ​បានស្វាគមន៍ និងថ្លែងសាទរចំពោះសេចក្តីរាយការណ៍​ពីវឌ្ឍនភាព​របស់រ៉ូតារីកម្ពុជា ដែលបានចូលរួមចំណែកយ៉ាងសំខាន់កន្លងមក រួមចំណែកដល់ការអភិវឌ្ឍកម្ពុជា តាមរយៈ​ការងារនិងបេសសកម្មមនុស្សធម៌នៅកម្ពុជាកន្លងមក។ ជាពិសេស ការពង្រឹងកិច្ចសហប្រតិបត្តិការ​របស់រ៉ូតារី​អូស្រ្តាលី ជាមួយនឹងរ៉ូតារីកម្ពុជា ជាកម្លំាងចលករមួយក្នុងការពង្រឹងការតភ្ជាប់​រវាងប្រជាជននិងប្រជាជន​នៃប្រទេសទាំងពីរផង​ ដើម្បីចូលរួមវិភាគទានដល់ការអភិវឌ្ឍប្រកបដោយចីរភាពរបស់កម្ពុជាផង តាមរយៈ​សកម្មភាព​ចុះជួយនៅតាមជនបទនៃប្រទេសកម្ពុជា។

ទន្ទឹមនឹងនេះ ឯកឧត្តមឯកអគ្គរដ្ឋទូត បានលើកទឹកចិត្តឱ្យរ៉ូតារីទាំងពីរ បន្តកិច្ចសហប្រតិបត្តិការបន្ថែមទៀត ដើម្បីបង្កើនទំនាក់ទំនងជាមួយភាគីពាក់ព័ន្ធ ជាពិសេសជាមួយស្ថាប័នរាជរដ្ឋាភិបាលកម្ពុជា។   

នៅចុងបញ្ចប់ អ្នកឧកញ៉ា បានគោរជូនពរ ឯកឧត្តម Derek Yip និងសហការី បន្តសម្រេចបាននូវជោគជ័យ​នៃបេសកកម្មការទូតរបស់ឯកឧត្តមនៅកម្ពុជា និងបានប្តេជ្ញាចិត្តនឹងបន្តការខិតខំប្រឹងប្រែងបន្ថែមទៀត ក្នុងការ​ពង្រឹងតួនាទីរបស់រ៉ូតារីនៃប្រទេសទាំងពីរ ដើម្បីចូលរួមចំណែកដល់បុព្វហេតុរួម ឈរលើស្មារតីនៃផលប្រយោជន៍​ទៅវិញទៅមករវាងប្រជាជន និងប្រទេសយើងទាំងពីរ កម្ពុជា-អូស្រ្តាលី។

The post អ្នកឧកញ៉ា អ៊ឹង លីហេង ទីប្រឹក្សាសម្តេចតេជោប្រធានព្រឹទ្ធសភា និងជាប្រធានអង្គការមូលនិធិរ៉ូតារីនៅកម្ពុជា ដឹកនាំគណៈប្រតិភូរ៉ូតារីកម្ពុជា-អូស្ត្រាលី ចូលជួបសម្តែងការគួរសម ជាមួយឯកឧត្តមឯកអគ្គរដ្ឋទូត​អូស្ត្រាលីប្រចាំនៅកម្ពុជា appeared first on .

ការចូលរួមឧបត្ថម្ភថវិកាជួយសាងសង់ផ្ទះនេះ បានធ្វើឡើងក្នុងពិធីរបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា បន្ដចុះជួបសំណេះសំណាលជាមួយក្រុមប្រឹក្សាខេត្ដ ក្រុង ឃុំ សង្កាត់ ថ្នាក់ដឹកនាំមន្ទីរ ស្ទឹងត្រែង នាព្រឹកថ្ងៃព្រហស្បតិ៍នេះ។

គួររំឭកថា កាលថ្ងៃទី៦ ខែកក្កដា ឆ្នាំ២០២៦ ក្នុងពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំសង្កាត់ និងថ្នាក់ដឹកនាំមន្ទីរអង្គភាពពាក់ព័ន្ធនានា ជុំវិញខេត្តក្រចេះ សម្ដេចតេជោ ហ៊ុន សែន ក៏បានមាន​ប្រសាសន៍ឱ្យអាជ្ញាធរគ្រប់លំដាប់ថ្នាក់ បន្តយកចិត្តទុកដាក់ចំពោះអតីតយុទ្ធជន និងនិវត្តន៍ជន ពីព្រោះ​ពួកគាត់ជាអ្នកដែលធ្លាប់បានចូលរួមចំណែកយ៉ាងសំខាន់ក្នុងកិច្ចការអភិវឌ្ឍន៍ប្រទេសជាតិ។

សូមជម្រាបថា ខេត្តស្ទឹងត្រែង ស្ថិតនៅភាគឦសាននៃប្រទេសកម្ពុជា មានព្រំប្រទល់ខាងជើងជាប់ខេត្ត​ពីរនៃសាធារណរដ្ឋ ប្រជាធិបតេយ្យប្រជាមានិតឡាវ គឺខេត្តចំប៉ាសាក់ និងខេត្តអត្តពឺ ខាងត្បូងជាប់ខេត្តក្រចេះ និងខេត្តមណ្ឌលគិរី ខាងកើតជាប់ខេត្តរតនគិរី និងខាងលិចជាប់ខេត្តព្រះវិហារ និងខេត្តកំពង់ធំ៕

The post អ្នកឧកញ៉ា អុឹង លីហេង និងភរិយា អ្នកឧកញ៉ា តាំង ហ្គិចលៀងឧបត្ថម្ភថវិកាជួយសាងសង់ផ្ទះចំនួន ៤៤ខ្នង ជូនអតីតយុទ្ធជន និងនិវត្តជន ក្នុងខេត្តស្ទឹងត្រែង appeared first on .

តំណាងឱ្យភាគីទាំងពីរក្នុងការដាក់ហត្ថលេខាមានវត្តមាន អ្នកឧកញ៉ា អុឹង លីហេង ប្រធានអង្គការមូលនិធិ រ៉ូតថារី នៅកម្ពុជា ដែលជាអង្គការក្រៅរាជរដ្ឋាភិបាល (NGO) បានចុះបញ្ជីនៅក្រសួងមហាផ្ទៃ ជាមួយ លោក គីម ស្យុងស៊ូ (Kim Seong-su) ប្រធានសភាពាណិជ្ជកម្មកូរ៉េ នៅកម្ពុជា។

អ្នកឧកញ៉ា អុឹង លីហេង មានប្រសាសន៍ថា៖ ស្របតាមខ្លឹមសារនៃអនុស្សរណៈ ភាគីទាំងពីរនឹងសហការគ្នាយ៉ាងជិតស្និទ្ធ ក្នុងការផ្លាស់ប្តូរព័ត៌មាន និងធនធាន ដើម្បីផលប្រយោជន៍រួមដោយផ្តោតការយកចិត្តទុកដាក់ស្របតាមវិស័យអាទិភាពទាំង៧ របស់រ៉ូតថារី ពោលគឺ ការកសាងសន្តិភាព ការទប់ស្កាត់ជំងឺ អនាម័យ និងទឹកស្អាតសុខភាពមាតា និងទារក ការលើកកម្ពស់វិស័យអប់រំ ការជំរុញសេដ្ឋកិច្ចមូលដ្ឋាន និងការថែរក្សាបរិស្ថាន។

អ្នកឧកញ៉ា ប្រធានអង្គការមូលនិធិ រ៉ូតថារី នៅកម្ពុជា បន្ថែមថា៖ តាមការរំពឹងទុក កិច្ចសហការថ្មីនេះ នឹងក្លាយជាស្ពានតភ្ជាប់រវាងសហគមន៍អាជីវកម្ម និងសង្គមកូរ៉េ-កម្ពុជា ព្រមទាំងបើកផ្លូវឱ្យមានគម្រោងសេវាបម្រើសង្គម និងកិច្ចអភិវឌ្ឍប្រកបដោយចីរភាពថ្មីៗ ដែលនាំមកនូវផល-ប្រយោជន៍ដល់ការអភិវឌ្ឍប្រទេសកម្ពុជា។ ជាមួយគ្នានេះផងដែរ ភាគីទាំងពីរក៏បានប្តេជ្ញាអនុវត្តកិច្ចព្រមព្រៀង នេះដោយឈរលើមូលដ្ឋាននៃការជឿទុកចិត្តគ្នាទៅវិញទៅមក ដើម្បីរួមចំណែកដល់វឌ្ឍនភាពសង្គមជាតិ។

សូមជម្រាបថា អង្គការរ៉ូតារីអន្តរជាតិ (Rotary International) គឺជាបណ្តាញសកលលោកដ៏ធំមួយដែលប្រមូលផ្តុំទៅដោយថ្នាក់ដឹកនាំធុរកិច្ច និងអ្នកជំនាញនានា ដើម្បីផ្តល់សេវាកម្មមនុស្សធម៌ លើកកម្ពស់ស្តង់ដារសីលធម៌ក្នុងការប្រកបវិជ្ជាជីវៈ និងជួយកសាងសុច្ឆន្ទៈព្រមទាំងសន្តិភាពនៅលើពិភពលោក។

បាវចនាចម្បងរបស់ អង្គការ រ៉ូតារីអន្តរជាតិ គឺ “បម្រើអ្នកដទៃមុនគិតដល់ខ្លួនឯង” (Service Above Self)។

វិស័យអាទិភាពទាំង ៧ របស់អង្គការរ៉ូតារី (Areas of Focus)

សកម្មភាពភាគច្រើនរបស់រ៉ូតារី គឺផ្តោតលើការដោះស្រាយបញ្ហាធំៗនៅលើពិភពលោក តាមរយៈវិស័យទាំង៧៖

• ការលើកកម្ពស់សន្តិភាព (Peacebuilding): ផ្តល់ការបណ្តុះបណ្តាល និងគាំទ្រដល់គម្រោងដែលជួយដោះស្រាយជម្លោះ និងកសាងសន្តិភាព។
• ការប្រយុទ្ធប្រឆាំងនឹងជំងឺ (Disease Prevention): គម្រោងលេចធ្លោបំផុតគឺការផ្តល់វ៉ាក់សាំងដើម្បីលុបបំបាត់ជំងឺប៉ូលីយូ (Polio) នៅទូទាំងពិភពលោក ព្រមទាំងការទប់ស្កាត់ជំងឺអេដស៍ គ្រុនចាញ់ ជាដើម។
• ការផ្តល់ទឹកស្អាត និងអនាម័យ (Water and Sanitation): កសាងហេដ្ឋារចនាសម្ព័ន្ធទឹកស្អាត និងប្រព័ន្ធអនាម័យ ដើម្បីកាត់បន្ថយជំងឺឆ្លងនៅតាមសហគមន៍ក្រីក្រ។
• ការសង្គ្រោះមាតា និងទារក (Maternal and Child Health): ផ្តល់សេវាថែទាំសុខភាព និងវ៉ាក់សាំង ដើម្បីកាត់បន្ថយអត្រាមរណភាពរបស់ម្តាយ និងកុមារ។
• ការគាំទ្រការអប់រំ (Basic Education and Literacy): កសាងសាលារៀន ផ្តល់អាហារូបករណ៍ និងសម្ភារៈសិក្សា ដើម្បីធានាថាកុមារគ្រប់រូបចេះអាន និងសរសេរ។
• ការអភិវឌ្ឍសេដ្ឋកិច្ចសហគមន៍ (Economic Development): ផ្តល់ប្រាក់កម្ចីខ្នាតតូច និងការបណ្តុះបណ្តាលវិជ្ជាជីវៈ ដើម្បីជួយសហគមន៍ឱ្យមានលទ្ធភាពបង្កើតប្រាក់ចំណូលដោយខ្លួនឯង។
• ការការពារបរិស្ថាន (Environment): គាំទ្រសកម្មភាពដាំដើមឈើ ការកាត់បន្ថយប្លាស្ទិក និងការថែរក្សាធនធានធម្មជាតិ។

អត្ថប្រយោជន៍នៃសកម្មភាពរ៉ូតារី សម្រាប់សហគមន៍ និងសង្គមជាតិ៖

• ការអភិវឌ្ឍប្រកបដោយចីរភាព៖ សហគមន៍ដែលខ្វះខាតទទួលបានហេដ្ឋារចនាសម្ព័ន្ធថ្មីៗ (អណ្តូងទឹក សាលារៀន មណ្ឌលសុខភាព) ដែលអាចប្រើប្រាស់បានយូរអង្វែង។
• ការសង្គ្រោះជីវិត៖ តាមរយៈកម្មវិធីសុខភាព និងការផ្តល់វ៉ាក់សាំង មនុស្សរាប់លាននាក់ត្រូវបានសង្គ្រោះពីជំងឺកាចសាហាវផ្សេងៗ។
• ជំនួយពេលមានគ្រោះមហន្តរាយ៖ រ៉ូតារីតែងតែចុះជួយផ្តល់ស្បៀងអាហារ និងជម្រកបន្ទាន់នៅពេលមានគ្រោះធម្មជាតិ។

សម្រាប់សមាជិកចូលរួម (Rotarians)

• ការកសាងបណ្តាញទំនាក់ទំនង (Networking): ជាឱកាសដ៏ល្អក្នុងការស្គាល់ និងធ្វើការងារជាមួយអ្នកជំនួញ ព្រមទាំងអ្នកជំនាញដែលមានបទពិសោធន៍ខ្ពស់មកពីពាសពេញពិភពលោក។
• ការអភិវឌ្ឍភាពជាអ្នកដឹកនាំ៖ សមាជិកទទួលបានបទពិសោធន៍ក្នុងការដឹកនាំគម្រោងធំៗ ការរៃអង្គាសប្រាក់ និងការគ្រប់គ្រងធនធានមនុស្ស។
• ឱកាសសម្រាប់យុវជន៖ រ៉ូតារីមានក្លឹបសម្រាប់យុវជនដូចជា Rotaract (សម្រាប់និស្សិត និងយុវជនវ័យក្មេង) និង Interact (សម្រាប់សិស្សវិទ្យាល័យ) ដើម្បីបណ្តុះបណ្តាលភាពជាអ្នកដឹកនាំតាំងពីក្មេង។

The post អ្នកឧកញ៉ា អុឹង លីហេង ប្រធានអង្គការមូលនិធិរ៉ូតថារី នៅកម្ពុជា ចុះអនុស្សរណៈយោគយល់ (MOU) ភាពជាដៃគូផ្លូវការជាមួយសភាពាណិជ្ជកម្មកូរ៉េ (KOCHAM) appeared first on .

ថ្លែងសន្ទរកថា ក្នុងឱកាសនោះដែរ អ្នកឧកញ៉ា អុឺង លីហេង ក៏បានលើកឡើងនូវការជួយចូលរួមកិច្ចការងារសង្គម ក្នុងរ៉ូតថារី និង រ៉ូតថារ៉ាក់ នាពេលកន្លងមក ផងដែរ។  

លើសពីនេះ អ្នកឧកញ៉ា ក៏បានកោតសរសើរដល់ប្រធានគ្រប់អាណត្តិទាំងអស់របស់ រ៉ូតថារ៉ាក់ ក្លឹបភ្នំពេញសេនត្រលបានខិតខំបំពេញនៅកាព្វកិច្ចជួយដល់សង្គមជាតិ និងបានកោតសរសើរដល់ប្រធានក្លឹបអាណត្តិចាស់ ប្រធានអាណត្តិ ហូ ពុទ្ធិកា បានបំពេញនូវកិច្ចការជាប្រធានអាណត្តិ២០២៥-២០២៦ បានយ៉ាងជោគជ័យ។ 

អ្នកឧកញ៉ា ប្រធានអង្គការមូលនិធិ រ៉ូតថារី  អន្តរជាតិ នៅកម្ពុជា ក៏សូមជូនពរ ដល់ប្រធានក្លឹបអាណត្តិបន្ទាប់ សូមបន្តបំពេញកិច្ចការងាទៅមុខ ឱ្យកាន់តែជោគជ័យ។ 

នៅចំពោះមុខភ្ញៀវកិត្តិយសជាច្រើននាក់ ដែលបានចូលរួមអបអរសាទរ ពិធីផ្ទេរតំណែងប្រធានក្លឹបអាណត្តិ២០២៦-២០២៧ របស់ រ៉ូតថារ៉ាក់ ក្លឹបភ្នំពេញ សេនត្រល អ្នកឧកញ៉ា អុឹង លីហេង ក៏សូមសម្ដែងនូវការកោតសរសើទៅដល់ លោកប្រធានបង្កើតក្លឹប រ៉ូតថារ៉ាក់ ភ្នំពេញ សេនត្រលដែលបានខិតខំប្រមូលផ្ដុំយុវជន ចូលមកជួយដល់កិច្ចការងាសង្គម និង បង្រៀននូវភាពជាអ្នកដឹកនាំ ជាបន្តបន្ទាប់។ អ្វីដែលពិសេសជាងនេះទៅទៀតនោះ អ្នកឧកញ៉ា ក៏បានបង្ហាញនៅការយកចិត្តទុកដាក់មកលើក ក្លឹប រ៉ូតថារី និង រ៉ូថារ៉ាក់ រួមទាំងប្ដេជ្ញា នឹងបន្តចូលរួម ចែករំលែក និងគាំទ្រ រហូត ថែមទៀតផង៕

The post អ្នកឧកញ៉ា អុឹង លីហេង ប្រធានអង្គការមូលនិធិ រ៉ូតថារី  អន្តជាតិ នៅកម្ពុជា ចូលរួមជាអធិបតីក្នុងពិធីផ្ទេរតំណែងប្រធានក្លឹបអាណត្តិ២០២៦-២០២៧ របស់ រ៉ូតថារ៉ាក់ ក្លឹបភ្នំពេញ សេនត្រល appeared first on .

ពានរង្វាន់ Vattanac Social Golf Tournament ជាពានរង្វាន់មួយដែលពិបាកក្នុងការប្រជែងយក ដោយសារប្រមូលផ្តុំទៅដោយជើងខ្លាំងចាស់ៗនៅស្រុកខ្មែរជាច្រើននាក់។ ទោះយ៉ាងណា កូនប្រុសអ្នកឧកញ៉ា អុឹង លីហេង អាចទទួលបានជោគជ័យ ក្លាយជាម្ចាស់ពាននេះទាំងវ័យក្មេង។

លោកជំទាវអ្នកឧកញ៉ា តាំង ហ្គិចលៀង បានបង្ហោះសារលើបណ្តាញសង្គម នៅថ្ងៃទី០៣ ខែមិថុនា បែបនេះថា៖ “សូមកោតសរសើរ កូនកំលោះម្តាយ ដែលប្រកួតបានលេខ១ ក្នុងចំណោម អ្នកប្រកួត Golf ជាង ៦០នាក់ ក្នុងកម្មវិធី The Vattanac Social Golf Tournament របស់ Vatanac Goft Resort។ កូនជាយុវជន ម្នាក់ដែលខិតខំ តស៊ូ ព្យាយាមយ៉ាងខ្លាំង ដើម្បីសម្រេចគោលដៅរបស់កូន។ ម៉ាក់និងប៉ា ពិតជាមានមោទនភាព ចំពោះលទ្ធផលនៃការខិតខំរបស់កូនបានផ្លែផ្កានេះណាស់។ សូមកូនបន្តស្មារតីនេះ បន្តទៅបើកទំព័រថ្មីដែល​ប្រសើរឡើង ឱ្យជីវិតកូនជារៀងរាល់ថ្ងៃណាកូនសំឡាញ់”។

សូមជម្រាបថា ស្ថិតក្នុងវ័យទើប ២២ឆ្នាំ កូនប្រុសអ្នកឧកញ៉ា អុឹង លីហេង គឺជាយុវជនគម្រូមួយរូប មានអត្តចរិកល្អ មានការខិតខំតស៊ូព្យាយាម ព្រមទាំងមានឆន្ទៈក្នុងការជួយសង្គមជាតិ តាមរយៈចូលរួមកិច្ចការងារ​សង្គមជាច្រើន នាពេលកន្លងមក។ យុវវ័យរូបនេះ បានបញ្ចប់ការសិក្សាពី មហាវិទ្យាល័យ UNSW នៅទីក្រុង Sydney ប្រទេស អូស្ត្រាលី ដោយទទួលបានអាហារូបករណ៍ ក្នុងជំនាញវិទ្យាសាស្ត្រសង្គមផ្នែកធុរកិច្ច៕

The post កូនប្រុសអ្នកឧកញ៉ា អុឹង លីហេង ទទួលបានលេខ១ ក្លាយជាម្ចាស់ពានរង្វាន់កីឡាវាយកូនហ្គោល Vattanac Social Golf Tournament appeared first on .

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ បំផុតចំពោះ លោកអ្នកឧកញ៉ា អ្នកឧកញ៉ា ឧកញ៉ា និងសប្បុរសជនទាំងអស់ ដែលបានបរិច្ចាគថវិកា ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួសនិងពលីក្នុងសមរភូមិ។

The post អ្នកឧកញ៉ា អុឹង លីហេង និងអ្នកឧកញ៉ា តាំង ហ្គិចលៀង បរិច្ចាគថវិកា ៥,០០០ ដុល្លារអាម៉េរិក ជូនកាកបាទក្រហមកម្ពុជា appeared first on .

ឆ្លៀតក្នុងឱកាសនេះ យើងខ្ញុំសូមកោតសរសើរ និងវាយតម្លៃខ្ពស់ចំពោះសម្ដេចកិត្តិសង្គហបណ្ឌិត ម៉ែន សំអន ដែលជាថ្នាក់ដឹកនាំស្ត្រីមួយរូបពោរពេញទៅដោយគុណធម៌ និងគំរូវីរភាពដ៏ប្រពៃ ដែលបានយកអស់កម្លាំង កាយចិត្ត ប្រាជ្ញា ស្មារតី ក្នុងការរួមចំណែកដ៏ធំធេងក្នុងបុព្វហេតុបម្រើជាតិ មាតុភូមិ ជាពិសេស តែងតែខិតខំ ប្រឹងប្រែងលើកស្ទួយសិទ្ធិនារី ការពារអត្តសញ្ញាណជាតិ ប្រពៃណី ទំនៀមទម្លាប់ និងវប្បធម៌ជាតិដ៏ល្អផូរផង់ និងបានចូលរួមគ្រប់សកម្មភាពក្នុងទិសដៅបម្រើឧត្តមប្រយោជន៍សុខសន្តិភាព ស្ថិរភាព ភាពចម្រុងចម្រើនន ប្រទេសជាតិ និងសុខុមាលភាពប្រជាជន។

នាឱកាសដ៏ប្រសើរថ្លៃថ្លានេះ យើងខ្ញុំសូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិ ទាំងឡាយក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមព្រះអង្គតាមជួយបីបាច់ថែរក្សាប្រទាន ពរជ័យ សិរីសួស្តី ជ័យមង្គលគ្រប់ប្រការជូនដល់ សម្ដេចកិត្តិសង្គហបណ្ឌិត ព្រមទាំងបុត្រាបុត្រី ចៅប្រុស ចៅស្រី សូមសមប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post អ្នកឧកញ៉ា អុឹង លីហេង និងលោកជំទាវ អ្នកឧកញ៉ា តាំង ហ្គិចលៀង ផ្ញើសារជូនពរ សម្ដេចកិត្តិសង្គហបណ្ឌិត ម៉ែន សំអន ក្នុងឱកាសចម្រើនជន្មាយុ appeared first on .

សម្តេចសូមកោតសរសើរដោយស្មោះចំពោះកាយវិការ និងមនសិការស្នេហាជាតិដ៏ឧត្តុង្គឧត្តមរបស់ អ្នកឧកញ៉ា និងក្រុមគ្រួសារ ដែលពិតជាបានរួមចំណែកយ៉ាងសំខាន់ក្នុងការគាំទ្រពង្រឹងស្មារតី និងឆន្ទៈរបស់កងកម្លាំងប្រដាប់អាវុធ ដែលឈរជើងនៅជួរមុខក្នុងស្មារតីជាតិខ្មែរតែមួយ ដើម្បីការពារ ថែរក្សាសន្តិភាព ស្ថិរភាព អធិបតេយ្យ និងបូរណភាពទឹកដីរបស់ព្រះរាជាណាចក្រកម្ពុជា។

ជាមួយទឹកចិត្តដ៏ថ្លៃថ្លានេះ សម្តេចធិបតី ហ៊ុន ម៉ាណែត នាយករដ្ឋមន្ត្រី សូមជូនពរ អ្នកឧកញ៉ា និងក្រុមគ្រួសារ បានជួបប្រទះតែនឹងពរទាំងប្រាំប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ៕

The post សម្តេចធិបតី ហ៊ុន ម៉ាណែត ផ្ញើសារលិខិតថ្លែងអំណរគុណ អ្នកឧកញ៉ា អុឹង លីហេង និងលោកជំទាវអ្នកឧញ៉ា តាំង ហ្គិចលៀង ដែលបានឧបត្ថម្ភថវិកា ៥០,០០០ដុល្លារ ដល់មូលនិធិតេជោការពារព្រំដែន appeared first on .