នាឱកាសដ៏ថ្លៃថ្លានេះយើងខ្ញុំទាំងអស់គ្នា សូមកោតសរសើរចំពោះសម្តេចមហាបវរធិបតី ហ៊ុន ម៉ាណែត ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី ដោយមិនខ្លាចនឿយហត់ដឹកនាំ​រាជរដ្ឋាភិបាល​បម្រើឧត្តមប្រយោជន៍ជាតិ និងប្រជាជន ជាពិសេសបន្តថែរក្សានូវសុខសន្តិភាព ស្ថិរភាពនយោបាយ ស្ថិរភាពម៉ាក្រូ​សេដ្ឋកិច្ច កំណើនសេដ្ឋកិច្ចខ្ពស់ ការពារបូរណភាពទឹកដី និងអធិបតេយ្យភាពជាតិ ដែលជាមូលដ្ឋានគ្រឹះដ៏សំខាន់ ក្នុងការអភិវឌ្ឍប្រទេសជាតិលើគ្រប់វិស័យ។

សម្តេចធិបតី គឺជាប្រមុខរាជរដ្ឋាភិបាលដែលបាន និងកំពុងដឹកនាំជោគវាសនាប្រទេសជាតិ ដោយទឹកចិត្ត បេះដូង និងការគិតគូរយ៉ាងម៉ត់ចត់ ពីប្រជាជាតិកម្ពុជា។ សម្តេចធិបតី ពិតជាបានខិតខំប្រឹងប្រែងដោយទឹកចិត្ត ស្មោះស្ម័គ្រ ក្នុងការថែរក្សាកេរមរតកចាស់ និងបង្កើតសមិទ្ធផលថ្មី ដើម្បីប្រជាជាតិ​ និងប្រជាជនកម្ពុជាច្រើនជំនាន់តទៅ។

ទន្ទឹមនេះក្នុងការរក្សាសន្តិភាព ការពារអធិបតេយ្យភាពជាតិ បូរណភាពទឹកដី និងសេចក្តីសុខចម្រើននៃជាតិ​ និងប្រជាជន សម្តេចធិបតីបានបង្ហាញភាពប៉ិនប្រសប់ ក្នុងទំនាក់ទំនងអន្តរជាតិ ភាពចាស់ទំនយោបាយ និងគតិ​បណ្ឌិតប្រតិបត្តិដោយឈរលើស្មារតីសន្តិសហវិជ្ជមាន ដើម្បីភាពសុខដុមរបស់មនុស្សជាតិ។ ក្រោមការដឹកនាំ​រាជរដ្ឋាភិបាលបន្តវេនរបស់សម្តេចមហាបវរធិបតី ប្រជាជនកម្ពុជាបន្តរួមរស់ជាមហាគ្រួសារ ប្រកបដោយសុភមង្គល វិបុលភាព, មោទនភាពជាតិ កិត្យានុភាពជាតិ និងឧត្តមភាព នៃរាជរដ្ឋាភិបាលកម្ពុជា កាន់តែត្រូវបានលើកកម្ពស់ នៅក្នុងក្របខ័ណ្ឌតំបន់ និងពិភពលោក។

យើងខ្ញុំសូមបួងសួងដល់ទេវតាថែរក្សាព្រះរាជាណាចក្រកម្ពុជា សូមតាមជួយបីបាច់ថែរក្សា ប្រោះព្រំនូវសព្ទ​សាធុការពរជ័យ សិរីសួស្តី ជ័យមង្គល វិបុលសុខគ្រប់ប្រការជូន សម្តេចមហាបវរធិបតី និងលោកជំទាវបណ្ឌិត ព្រមទាំងសាច់ញាតិក្រុមគ្រួសារ សូមបានសមប្រកបដោយពុទ្ធពរ និងពរទាំងប្រាំប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ៕

The post ឧកញ៉ាបណ្ឌិត ហោ សេរីវឌ្ឍន៍ និងភរិយា ផ្ញើសារលិខិតជូនពរសម្តេចធិបតី ហ៊ុន ម៉ាណែត ក្នុងឱកាសខួបចម្រើនជន្មាយុ appeared first on .

ឧកញ៉ាបណ្ឌិត ហោ សេរីវឌ្ឍន៍ ត្រូវបានគេស្គាល់ថាជាសហគ្រិនឆ្នើមមួយរូប ដែលតែងតែជួយកៀរគរធុរជន និងអ្នកវិនិយោគិនបរទេស ឱ្យមកវិនិយោគនៅប្រទេសកម្ពុជា។ លោកឧកញ៉ា ជាអ្នកបង្កើតវេទិកា Investment Roadshow ដែលជាវេទិកាផ្លាស់ប្តូរវិនិយោគ និងឱកាសអាជីវកម្ម និងជាវេទិកាឯកជនសម្រាប់វិនិយោគិន និងសហគ្រិន ទាំងក្នុង និងក្រៅប្រទេស ក្នុងការចាប់យកឱកាសវិនិយោគ និងចូលរួមក្នុងកិច្ចពិភាក្សា អំពីលទ្ធភាពនៃការវិនិយោគនាពេលអនាគត គំនិតអាជីវកម្ម ការដោះដូរចំណេះដឹងគ្នាទៅវិញទៅមក និងការពង្រីកបណ្តាញនៃបុគ្គលដែលមានវិជ្ជាជីវៈក្នុងកិច្ចការវិនិយោគ។

សូមជម្រាបថា ឧកញ៉ាបណ្ឌិត ហោ សេរីវឌ្ឍន៍ គឺជាប្រធានក្រុមប្រឹក្សាភិបាល ក្រុមហ៊ុន អាយឌី ឃែភីថល ម.ក (ID Capital Plc.), ប្រធានសមាគមវិនិយោគិន នវានុវត្តន៍ និងអភិវឌ្ឍន៍ ID Investors Association (IDI) និងជាប្រធានសម្ព័ន្ធសេដ្ឋកិច្ចក្រៅប្រព័ន្ធ IEL។ រីឯតួនាទីក្នុងបក្ស លោកឧកញ៉ាបណ្ឌិត ក៏ជាសមាជិកគណៈកម្មាធិការកណ្តាល គណបក្ស​ប្រជាជនកម្ពុជា, សមាជិកគណៈអចិន្ត្រៃយ៍ និងជាប្រធានផ្នែកក្រៅប្រព័ន្ធ នៃយុវជនគណបក្ស​ប្រជាជន​កម្ពុជា​ថ្នាក់កណ្តាលផងដែរ៕

The post ឧកញ៉ាបណ្ឌិត ហោ សេរីវឌ្ឍន៍ ត្រូវបានតែងតាំងជាសមាជិកគណៈកម្មាធិការគណបក្សស្ថាប័ន ជុំវិញគណៈកម្មាធិការកណ្តាល appeared first on .

ពិធីប្រគល់និងចែកអំណោយនេះ មានការអញ្ជើញចូលរួមពី ឯកឧត្តមបណ្ឌិត ប៉ាន់ខែម ប៊ុនថន សមាជិកគណៈកម្មាធិការ​កណ្តាល និងជាអនុប្រធានផ្នែកក្រៅប្រព័ន្ធ និងលោកឧកញ៉ា អ៊ុច សោភ័ណ, លោកឧកញ៉ា ហ៊ួត ជា, ឯកឧត្តម ឧកញ៉ា និង លោកលោកស្រី សមាជិក-សមាជិកា ចំណុះផ្នែកក្រៅប្រព័ន្ធ ព្រមទាំងសប្បុរសជនជាច្រើនរូបទៀត។

ឧកញ៉ាបណ្ឌិត ហោ សេរីវឌ្ឍន៍ បានលើកឡើងថា លោកពិតជាសោកសង្វែងបងប្អូនទាំងពីរភូមិនេះណាស់ ដែល​ឃ្លាត​ភៀសចាកឆ្ងាយពីផ្ទះសម្បែង និងចម្ការស្រែ ចំនួន ៤ លើករួចមកហើយ ដែលពេលនេះ មិនដឹងពេលណា​អាចត្រឡប់ទៅវិញបាន។ លោកឧកញ៉ាបណ្ឌិត ក៏សូមជូនពរពុកម៉ែ ពូមីងបងប្អូន ទទួលបាននូវសុខភាពល្អ និងសុខសុវត្ថិភាព ហើយឆាប់បានវិលត្រឡប់ទៅគេហដ្ឋានវិញ៕

The post ឧកញ៉ាបណ្ឌិត ហោ សេរីវឌ្ឍន៍ និងសហការី នាំយកជំនួយសម្តេចធិបតី និងលោកជំទាវបណ្ឌិត ជូនជនភៀសសឹក ភូមិព្រៃចន្ទ និងភូមិជោគជ័យ ចំនួន ១២០០គ្រួសារ appeared first on .

ក្នុងជំនួបប្រជុំដ៏សំខាន់នេះ ត្រូវបានទទួលយ៉ាងកក់ក្តៅ ពីឯកឧត្តម ហុង រ៉ាដា អនុរដ្ឋលេខាធិការ និងជាប្រធានគម្រោង ឯកឧត្តម កែវ សុជាតិ អគ្គនាយកវិទ្យាស្ថានជាតិ លោក នេត មុនីប៉ុណ្ណាកា ប្រធានមន្ទីររាជធានី នៃក្រសួង ឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ។

សមាគមវិនិយោគិន នវានុវត្តន៍ និងអភិវឌ្ឍន៍ បានគូសបញ្ជាក់ថា ជំនួបពិភាក្សានេះជាគោលបំណង ដើម្បីស្វែងយល់ស្តីពីការគាំទ្ររបស់វិទ្យាស្ថានទៅអ្នកផលិតទាំងអស់ ក្រោមជំនួយរបស់សាធារណៈរដ្ឋកូរ៉េ។ វិទ្យាស្ថានមានការផ្តល់ជូននូវ ៣ ចំណុចសំខាន់ៗរួមមាន៖ ទី១ ការផលិតគម្រូផលិត, ទី២ ការធ្វើតេស្តស្តង់ដាផលិតផល និងទី៣ ការប្រឹក្សាយោបល់ក្នុងការផលិត៕

The post ឧកញ៉ាបណ្ឌិត ហោ សេរីវឌ្ឍន៍ ដឹកនាំប្រតិភូសមាគម IDI ចុះទស្សនកិច្ច និងប្រជុំពិភាក្សាជាមួយវិទ្យាស្ថានជាតិវិទ្យាសាស្រ្ត បច្ចេកវិទ្យា និងនវានុវត្តន៍ appeared first on .

ពិធីសម្ពោធការនាំចេញផលិតផលកម្ពុជាទៅកាន់ប្រទេសអូស្រ្តាលី ក៏មានការចូលរួមពី ឯកអគ្គរដ្ឋទូតអូស្រ្តាលីប្រចាំនៅកម្ពុជា អគ្គនាយក RTT តំណាងសហគ្រិនខ្មែរ (KE) និងតំណាងវិស័យឯកជនពាក់ព័ន្ធផ្សេងទៀត។

ឧកញ៉ាបណ្ឌិត ហោ សេរីវឌ្ឍន៍ ប្រធានសមាគមវិនិយោគិន នវានុវត្តន៍ និងអភិវឌ្ឍន៍ (IDI) បានមានប្រសាសន៍ថា សមាគមបានដឹកនាំការទំនាក់ទំនងផ្សារភ្ជាប់ទីផ្សារផ្ទាល់ ដែលឈានដល់មានការឯកភាពបញ្ជាទិញ ដោយក្រោមគាំទ្រដោយ ក្រសួងពាណិជ្ជកម្ម សហគ្រិនខ្មែរ (KE) និងកម្មវិធីភាពជាដៃគូ កម្ពុជា-អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED) រួមជាមួយនិងក្រុមហ៊ុន អាយឌី ខេបភីថល (ID Capital)។

ថ្លែងក្នុងសុន្ទរកថានៃពិធីសម្ភោធនេះ ឯកឧត្តមរដ្ឋលេខាធិការបានគូសបញ្ជាក់អំពី កិច្ចខិតខំប្រឹងប្រែងរួមគ្នារវាងក្រសួងពាណិជ្ជកម្ម និងវិស័យឯកជន ក្នុងការជំរុញការនាំចេញផលិតផលដែលផលិតពីកម្ពុជា ដែលមានសារៈសំខាន់ណាស់ក្នុងការលើកកម្ពស់វិស័យកសិ-កែច្នៃរបស់កម្ពុជា នាពេលបច្ចុប្បន្នខណៈពេលដែលបរិយាកាសនៃការធ្វើពាណិជ្ជកម្មក្នុងពិភពលោកមានភាពមិនច្បាស់លាស់។

ការនាំចេញផលិតផលកសិកម្មទៅប្រទសអូស្ត្រាលីលើកដំបូងនេះ មានចំនួន ១២ តោន ដែលនៅក្នុងនោះមាន គ្រាប់ស្វាយចន្ទី ដំណាប់ស្វាយ ខ្នុរស្ងួត ចេក និង នំត្រាវ។ តាមការគ្រោងទុក ការនាំចេញផលិតផលកសិកម្មទៅប្រទសអូស្ត្រាលីបន្តបន្ទាប់ទៀត នឹងមានចំនួនកើនឡើង និងមានផលិតផលកសិកម្មកាន់តែច្រើនផងដែរ។

គួរបញ្ជាក់ថា សមាគមវិនិយោគិន នវានុវត្តន៍ និងអភិវឌ្ឍន៍ (IDI) ត្រូវបានបង្កើតឡើងដោយសហគ្រិន ម្ចាស់សហគ្រាស ម្ចាស់ក្រុមហ៊ុនអាជីវកម្ម ដែលជាសមាជិកជាច្រើនស្ថាប័នចូលរួមជាបន្តបន្ទាប់។ IDI បច្ចុប្បន្ន កំពុងតែផ្តោតការវិនិយោគលើវិស័យសំខាន់ៗចំនួន៣ រួមមាន៖ អចលនទ្រព្យ សេវាកម្ម និងកសិកម្ម ដែលជាវិស័យឆ្អឹងខ្នងសំខាន់របស់កម្ពុជា៕

The post ឧកញ៉ាបណ្ឌិត ហោ សេរីវឌ្ឍន៍ ចូលរួមពិធីសម្ពោធការនាំចេញផលិតផលកម្ពុជាទៅកាន់ប្រទេសអូស្រ្តាលី appeared first on .

នៅលើបណ្តាញសង្គមហ្វេសប៊ុក នាព្រឹកថ្ងៃទី២ ខែមេសា ឆ្នាំ២០២៥នេះ ឧកញ៉ាបណ្ឌិត ហោ សេរីវឌ្ឍន៍ បានលើកឡើងថា ប្រហែលនេះជារបៀបដែលលោកត្រាំ គណនាលេខ ៩៧% និង ៤៩%៖ ការនាំចេញរបស់កម្ពុជាទៅសហរដ្ឋអាមេរិកក្នុងឆ្នាំ ២០២៤ គឺ ៩,៩ពាន់លានដុល្លារ ការនាំចូលគឺ ០,២៦ពាន់លានដុល្លារ ។ ដូច្នេះចំនួនពាណិជ្ជកម្មសរុបគឺ ១០,២ ពាន់លានដុល្លារ។

$៩,៩/$១០,២=០,៩៧=៩៧%
០,៩៧ ចែកនឹង២ =៤៩%

លោកឧកញ៉ាបណ្ឌិត បានឱ្យដឹងទៀតថា ប្រទេសផ្សេងក៏ប្រហាក់ប្រហែលនេះដែរ។ បើមើលបែបវិជ្ជមាន យើងអាចបញ្ចុះពន្ធនាំចូលផលិតផលអាមេរិកបាន។ តែបើចង់ឲ្យមានតុល្យភាពលើទំហំនាំចេញ-នាំចូល Trade Balance វិញ, កម្ពុជានឹងពិបាក ព្រោះទីផ្សារយើងតូចណាស់សម្រាប់ផលិតផលអាមេរិក។ តែក៏យើងមានឱកាសបង្កើនគុណភាពផលិតផល និងសេវាកម្មយើងបន្ថែមពីអាមេរិកផងដែរ។

សូមជម្រាបថា លោក ដូណាល់ ត្រាំ នៅថ្ងៃព្រហស្បតិ៍ ទី៣ ខែមេសានេះ បានប្រកាសដំឡើងពន្ធគយទ្រង់ទ្រាយធំបន្ថែមទៀត ជាមួយនឹងការយកពន្ធ ១០% លើការនាំចូលទំនិញពីជុំវិញពិភពលោក និងការយកពន្ធបន្ថែមយ៉ាងធ្ងន់ធ្ងរលើប្រទេសដែលជាដៃគូពាណិជ្ជកម្មសំខាន់ៗ ជាពិសេសគឺការប្រកាសដំឡើងពន្ធនាំចូលទំនិញពីកម្ពុជា ក្នុងអត្រារហូតដល់ទៅ ៤៩%៕

The post ឧកញ៉ាបណ្ឌិត ហោ សេរីវឌ្ឍន៍ បង្ហាញពីរបៀបគណនាអត្រាកំណត់ពន្ធរបស់លោក ត្រាំ មកលើប្រទេសកម្ពុជា appeared first on .