កម្មវិធីនេះមានការអញ្ជើញចូលរួមពី លោក Marc Thayre អនុប្រធានបេសកកម្មរបស់ស្ថានទូតនៃចក្រភពអង់គ្លេស, ឧកញ៉ា កែវ សម្បត្តិ ស្ថាបនិក និងជាប្រធាននាយកប្រតិបត្តិ នៃសាលាអន្តរជាតិប្រូមស៍ហ្រ្គូវកម្ពុជា និងជាសមាជិកសមាគមឧកញ៉ាកម្ពុជា, ឧកញ៉ាបណ្ឌិត ហោ សិរីវឌ្ឍន៍ ប្រធានសមាគមវិនិយោគិន នវានុវត្តន៍ និងអភិវឌ្ឍន៍ នៃកម្ពុជា (IDI) ព្រមទាំងវត្តមានរបស់សម្តេច ទ្រង់ ឯកឧត្តម លោកអ្នកឧកញ៉ា អ្នកឧកញ៉ា ឧកញ៉ា លោកជំទាវ អស់លោក លោកស្រី ដែលជាតំណាងរបស់ក្រុមហ៊ុនដៃគូសហប្រតិបត្តិការ និងភ្ញៀវកិត្តិយសជាច្រើនរូបទៀត។

កិច្ចសហប្រតិបត្តិការរវាងសាលាប្រូមស៍ហ្រ្គូវកម្ពុជាជាមួយនឹងបណ្តាក្រុមហ៊ុនក៏ដូចជាសមាគមខាងលើនេះគឺមានគោលបំណងរួមគ្នាលើកស្ទួយដល់វិស័យអប់រំនៅកម្ពុជាតាមរយៈការរួមគ្នាផ្តល់ជូននូវសេវាកម្មពិសេសៗ និងការផ្តល់ជូននូវកញ្ចប់បញ្ចុះតម្លៃពិសេសៗ ដែលអាចធ្វើឱ្យក្រុមគ្រួសារជាច្រើនអាចមានលទ្ធភាពបញ្ជូនបុត្រធីតាមកសិក្សានៅសាលាដែលមានគុណភាពល្អ និងជាសាលាដែលមានកេរ្តិ៍ឈ្មោះល្បីល្បាញ និងមានបទពិសោធក្នុងការផ្តល់សេវាអប់រំលំដាប់ពិភពលោកអស់រយៈពេលជិត៥០០ឆ្នាំមកហើយ។

សូមបញ្ជាក់ផងដែរថា Bromsgrove គឺជាសាលាដែលក្រុមហ៊ុន Visionary Alliance for Education Co., Ltd បានទិញសិទ្ធិពីចក្រភពអង់គ្លេសមកក្នុងគោលបំណងដើម្បីបាននាំយកនូវសាលាដែលពោរពេញទៅដោយបទពិសោធ និងគុណភាពក្នុងការផ្តល់នូវសេវាអប់រំលំដាប់ពិភពលោកដើម្បីបានអភិវឌ្ឍន៍នូវគុណភាពធនធានមនុស្សនៅព្រះរាជាណាចក្រកម្ពុជាយើងដោយរាល់ការគ្រប់គ្រងគុណភាពសិក្សា និងការបង្រៀនទាំងអស់គឺធ្វើឡើងដោយផ្ទាល់ពីចក្រភពអង់គ្លេសដែលមានលោកស្រី Philippa Barson ជានាយិកាប្រចាំនៅកម្ពុជា ជាតំណាងដើម្បីទាក់ទងជាមួយនឹងសិស្សានុសិស្ស បុគ្គលិក លោកគ្រូ អ្នកគ្រូ ព្រមទាំងមាតាបិតាសិស្សដោយផ្ទាល់។ ដូច្នេះ សាលា Bromsgrove ពិតជាអាចផ្តល់ជូនដល់សិស្សានុសិស្សក៏ដូចជាក្រុមគ្រួសារទាំងអស់នូវគុណភាពអប់រំពិតៗ។

ចំពោះសាលាអន្តរជាតិប្រូមស៍ហ្រ្គូវកម្ពុជា ផ្តល់ជូននូវសេវាអប់រំចំណេះទូទៅបែបអន្តរជាតិដែលទទួលកុមារឱ្យចូលសិក្សាចាប់ពីអាយុ២ឆ្នាំឡើងទៅ និងមានអាសយដ្ឋាននៅដីឡូលេខ២៧០ វិថីលេខ១៩២៨ ភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

The post ឧកញ៉ា កែវ សម្បត្តិ ចុះអនុស្សរណៈ នៃការយោគយល់គ្នារវាងសាលាអន្តរជាតិប្រូមស៍ហ្រ្គូវកម្ពុជា ជាមួយនឹងស្ថាប័នចំនួន ៧ appeared first on .

កម្មវិធីនេះមានការអញ្ជើញចូលរួមពី លោក Marc Thayre អនុប្រធានបេសកកម្មរបស់ស្ថានទូតនៃចក្រភពអង់គ្លេស, ឧកញ៉ា កែវ សម្បត្តិ ស្ថាបនិក និងជាប្រធាននាយកប្រតិបត្តិ នៃសាលាអន្តរជាតិប្រូមស៍ហ្រ្គូវកម្ពុជា និងជាសមាជិកសមាគមឧកញ៉ាកម្ពុជា, ឧកញ៉ាបណ្ឌិត ហោ សិរីវឌ្ឍន៍ ប្រធានសមាគមវិនិយោគិន នវានុវត្តន៍ និងអភិវឌ្ឍន៍ នៃកម្ពុជា (IDI) ព្រមទាំងវត្តមានរបស់សម្តេច ទ្រង់ ឯកឧត្តម លោកអ្នកឧកញ៉ា អ្នកឧកញ៉ា ឧកញ៉ា លោកជំទាវ អស់លោក លោកស្រី ដែលជាតំណាងរបស់ក្រុមហ៊ុនដៃគូសហប្រតិបត្តិការ និងភ្ញៀវកិត្តិយសជាច្រើនរូបទៀត។

កិច្ចសហប្រតិបត្តិការរវាងសាលាប្រូមស៍ហ្រ្គូវកម្ពុជា ជាមួយនឹងបណ្តាក្រុមហ៊ុនក៏ដូចជាសមាគមខាងលើនេះ គឺមានគោលបំណងរួមគ្នាលើកស្ទួយដល់វិស័យអប់រំនៅកម្ពុជា តាមរយៈការរួមគ្នាផ្តល់ជូននូវសេវាកម្មពិសេសៗ និងការផ្តល់ជូននូវកញ្ចប់បញ្ចុះតម្លៃពិសេសៗ ដែលអាចធ្វើឱ្យក្រុមគ្រួសារជាច្រើន អាចមានលទ្ធភាពបញ្ជូនបុត្រធីតា មកសិក្សានៅសាលាដែលមានគុណភាពល្អ និងជាសាលាដែលមានកេរ្តិ៍ឈ្មោះល្បីល្បាញ និងមានបទពិសោធក្នុងការផ្តល់សេវាអប់រំលំដាប់ពិភពលោកអស់រយៈពេលជិត៥០០ឆ្នាំមកហើយ។

សូមបញ្ជាក់ផងដែរថា Bromsgrove គឺជាសាលាដែលក្រុមហ៊ុន Visionary Alliance for Education Co., Ltd បានទិញសិទ្ធិពីចក្រភពអង់គ្លេសមកក្នុងគោលបំណងដើម្បីបាននាំយកនូវសាលាដែលពោរពេញទៅដោយបទពិសោធ និងគុណភាពក្នុងការផ្តល់នូវសេវាអប់រំលំដាប់ពិភពលោក ដើម្បីបានអភិវឌ្ឍន៍នូវគុណភាពធនធានមនុស្សនៅព្រះរាជាណាចក្រកម្ពុជា ដោយរាល់ការគ្រប់គ្រងគុណភាពសិក្សា និងការបង្រៀនទាំងអស់គឺធ្វើឡើងដោយផ្ទាល់ពីចក្រភពអង់គ្លេសដែលមានលោកស្រី Philippa Barson ជានាយិកាប្រចាំនៅកម្ពុជា ជាតំណាងដើម្បីទាក់ទងជាមួយនឹងសិស្សានុសិស្ស បុគ្គលិក លោកគ្រូ អ្នកគ្រូ ព្រមទាំងមាតាបិតាសិស្សដោយផ្ទាល់។ ដូច្នេះ សាលា Bromsgrove ពិតជាអាចផ្តល់ជូនដល់សិស្សានុសិស្សក៏ដូចជាក្រុមគ្រួសារទាំងអស់នូវគុណភាពអប់រំពិតៗ។

សាលាអន្តរជាតិប្រូមស៍ហ្រ្គូវកម្ពុជា ផ្តល់ជូននូវសេវាអប់រំចំណេះទូទៅបែបអន្តរជាតិ ដែលទទួលកុមារឱ្យចូលសិក្សាចាប់ពីអាយុ២ឆ្នាំឡើងទៅ និងមានអាសយដ្ឋាននៅដីឡូលេខ២៧០ វិថីលេខ១៩២៨ ភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ៕

The post ឧកញ៉ា កែវ សម្បត្តិ ចុះអនុស្សរណៈ នៃការយោគយល់គ្នារវាងសាលាអន្តរជាតិប្រូមស៍ហ្រ្គូវកម្ពុជា ជាមួយនឹងស្ថាប័នចំនួន ៧ appeared first on .

ក្នុងឳកាសនៃពិធីបើកសម្ពោធដាក់ឱ្យដំណើរការយីហោប្រូមស៍ក្រូវក្នុងទីផ្សានៃព្រះរាជាណាចក្រកម្ពុជានេះ បានប្រព្រឹត្តិទៅប្រកបដោយភាពស្និទ្ធស្នាល និង រីករាយ ពីសំណាក់គណៈអធិបតី និងភ្ញៀវចូលរួមទាំងអស់។ ឆ្លៀតក្នុងឱកាសនោះ ឯកឧត្តម Marc Thayre ដែលជាអនុប្រធានបេសកកម្មទទួលបន្ទុកផ្នែកអប់រំនៅកម្ពុជា ដែលជាតំណាងដ៏ខ្ពង់ខ្ពស់របស់ស្ថានទូតនៃចក្រភពអង់គ្លេស និងលោក Martin នាយកប្រតិបត្តិនៃសភាពាណិជ្ជកម្មរបស់ចក្រភពអង់គ្លេស បានសម្តែងនូវការគាំទ្រ និងសោមនស្សជាខ្លាំងដែលតំណាងនៅប្រទេសកម្ពុជា ដែលមានលោកឧកញ៉ា កែវ សម្បត្តិ ជាប្រធានក្រុមប្រឹក្សាភិបាលនៃក្រុមហ៊ុន Visionary Alliance for Educations បាននាំយកមកនូវគ្រឹះស្ថានអប់រំំំដែលមានជំនាញ និងបទពិសោធន៍ជិត៥០០ឆ្នាំមកហើយ ក្នុងការបណ្តុះបណ្តាលក្នុងវិស័យអប់រំនេះ មកកម្ពុជា ដោយសង្ឃឹមយ៉ាងមុតមាំ ថាបុត្រធីតាកម្ពុជាយើងជាច្រើន នឹងទទួលបាននូវការអប់រំប្រកបដោយគុណភាព និងប្រសិទ្ធិភាពខ្ពស់កម្រិតបទដ្ឋានអន្តរជាតិ ដែលមាតាបិតាជាច្រើនកំពុងស្វែងរក។

ជាងនេះទៅទៀត ឯកឧត្តមក៏បានបញ្ជាក់ផងដែរថា ការនាំយកនូវសាលាប្រូមស៍ក្រូវ មកកម្ពុជានៅពេលនេះ គឺមិនត្រឹមតែជាឱកាសនៃការបណ្តុះបណ្តាលកុលបុត្រកុលធីតាយើងតែប៉ុណ្ណោះទេ តែក៏ជាឱកាសមួយនៃការរឹតបន្តឹងចំណងទំនាក់ទំនងរវាងប្រជាជាតិនៃប្រទេសទាំងពីរផងដែរ។ តាមរយៈនៃការបង្ហាត់បង្រៀន និងរៀននៅសាលាប្រូមស៍ក្រូវនេះ លោកទាំងពីរសង្ឃឹមថាសិស្សានុសិស្ស និងក្រុមគ្រួសារជាច្រើន នឹងបានសិក្សាស្វែងយល់ពីវប្បធម៌ និង សេដ្ឋកិច្ច នៃប្រទេសទាំងពីរបានកាន់តែច្រើន ព្រមទាំងនឹងអាចនាំយកនូវចំណេះដឹងទាំងនេះមកអភិវឌ្ឍន៍ប្រទេសជាតិរបស់ពួកគាត់រៀងៗខ្លួនឱ្យបានកាន់តែរីកចម្រើន។

ក្នុងឱកាសនោះផងដែរ លោកបណ្ឌិត ហោ សេរីវឌ្ឍន៍ ប្រធានសមាគមវិនិយោគិន នវានុវត្តន៍និង អភិវឌ្ឍន៍ នៃកម្ពុជា ក៏បានលើកឡើងពីមោទនភាពនៃការទទួលបានសិទ្ធិក្នុងការដំណើរការនូវសាលាប្រូមស៍ក្រូវ ដែលជាសាលាមួយកំពុងឈានមុខគេក្នុងការផ្តល់នូវគុណភាពខ្ពស់ នៃការអប់រំនៅចក្រភពអង់គ្លេស នៅព្រះរាជាណាចក្រថៃឡង និងនៅប្រទេសចិន មកព្រះរាជាណាចក្រកម្ពុជាយើងផងដែរ។ លោកបានប្រកាសស្វាគមន៍ និងគាំជាខ្លាំងដល់ដំណើរការនៃសាលាប្រូមស៍ក្រូវនៅកម្ពុជា។

ក្នុងពិធីសម្ពោធនេះ លោកស្រី Philippa Barson នាយិការសាលាប្រូមស៍ក្រូវ ប្រចាំនៅព្រះរាជាណាចក្រកម្ពុជា ក៏បានធ្វើបទបង្ហាញអំពីកម្មវិធីសិក្សាដែលនឹងត្រូវអនុវត្តនៅកម្ពុជាផងដែរ។

សូមបញ្ជាក់ថា សាលានឹងមានទទួលសិស្សានុសិស្សឱ្យចូលសិក្សាចាប់ពីអាយុ ២ឆ្នាំឡើងទៅ រហូតដល់សិស្សថ្នាក់ទី១២តែម្តង ដោយសាលាបានបំពាក់ទៅដោយបរិក្ខាយ៉ាងសំបូរបែបដែលជាការចាំបាច់ គាំទ្រដល់កម្មវិធីសិក្សារបស់ប្រូមស៍ក្រូវ។ ប្រូមស៍ក្រូវ ត្រូវបានសាងសង់ឡើងលើបរិវេណដីដែលមានទំហំមួយម៉ឺនម៉ែត្រការ៉េបួនជ្រុង ដែលជាអាគាសិក្សាផ្ទាល់ខ្លួនរបស់ម្ចាស់សាលា ដែលបង្ករនូវភាពងាយស្រួលជាខ្លាំងដល់ការរៀបចំដើម្បីតម្រូវទៅតាមកម្មវិធីសិក្សា។

ឆ្នាំសិក្សាថ្មីដំបូងរបស់សាលា នឹងចាប់ផ្តើមចូលរៀននៅខែសីហា ឆ្នាំ២០២៥ ខាងមុខនេះហើយ ដោយចាប់ផ្តើមទទួលចុះឈ្មោះសិស្សក្នុងពេលឆាប់ៗខាងមុខនេះ ដោយមានការផ្តល់ជូនជាពិសេសដល់ក្រុមគ្រួសារដែលបានចុះឈ្មោះមុនគេផងដែរ។

ក្នុងឱកាសនៃពិធីសម្ពោធនេះ លោក ឧកញ៉ា កែវ សម្បត្តិ បានលើកឡើងពីការប្តេជ្ញាចិត្តយ៉ាងមុតមាំក្នុងការប្រឹងប្រែងទាំងកំលាំងកាយ និងកំលាំងចិត្តដើម្បីនាំយកនូវគុណភាពនៃការសិក្សាលំដាប់ពិលោក មកបម្រើដល់កុលបុត្រកុលធីតាកម្ពុជាយើង ក្នុងនៃចូលរួមជាមួយនឹងរាជរដ្ឋាភិបាលក្នុងការបណ្តុះបណ្តាលនូវធនធានមនុស្សប្រកបដោយគុណភាព និងសមត្ថភាពខ្ពស់ ដើម្បីជាសរសរទ្រូងដ៏រឹងមាំក្នុងការជ្រោមជ្រែងកសាងប្រទេសជាតិយើង។

នៅទីបញ្ចាប់ គណៈអធិបតីទាំងអស់បានអំពាវនាវដល់ភ្ញៀវកិត្តិយស និងក្រុមគ្រួសារទាំងអស់ឱ្យចូលរួមគាំទ្រដល់សាលាប្រូមស៍ក្រូវក្នុងការផ្តល់នូវសេវាអប់រំនៅកម្ពុជាឱ្យបានខ្លាំងខ្លាទាំងអស់គ្នា។

សម្រាប់ព័ត៌មានលម្អិត សូមទាក់ទងមកកាន់សាលាដោយភ្ទាល់តាមរយៈទូរស័ព្ទលេខ 012 718 555 ឬ 016 718 555៕

The post ឧកញ៉ា កែវ សម្បត្តិ បើកសម្ពោធជាផ្លូវការយីហោ សាលា ប្រូមស៍ក្រូវ ដែលជាគ្រឹះស្ថានអប់រំមានជំនាញ និងបទពិសោធន៍ជិត៥០០ឆ្នាំ ពីចក្រភពអង់គ្លេស appeared first on .

លោក កែវ សម្បត្តិ ជាពាណិជ្ជករក្នុងវិស័យអចលនទ្រព្យ និងគ្រឿងអលង្កា ជាម្ចាស់ហាងលក់មាសពេជ្រ ហង្សមាស ដ៏ល្បីល្បាញកណ្តាលទីក្រុងភ្នំពេញ ដែលមានលោកស្រី ឈាង វី ជាភរិយាក្នុងការដឹកនាំ កាចចង្កូតដោយផ្ទាល់លើមុខជំនួញអលង្កានេះ។

សូមជម្រាបថា ប្រមុខរាជរដ្ឋាភិបាល ស្នើសុំទៅព្រះមហាក្សត្រ ប្រទានគោរមងារឧកញ៉ា អ្នកឧកញ៉ា ជូនដល់ពាណិជ្ជករ សប្បុរសជនចំនួនប្រមាណ ១០រូបហើយនៅត្រឹមដើមខែមករា ឆ្នាំ២០២៣នេះ។ ដើម្បី​ទទួល​បាន​គោរមងារ​ជា «ឧកញ៉ា» សប្បុរសជន​ត្រូវ​​ធ្វើ​អំណោយ​ជូន​រដ្ឋដែល​មាន​តម្លៃ​លើស​ពី​៥០​ម៉ឺន​ដុល្លារ​អាមេរិក​ឡើង​ទៅ។ ការ​សម្រេច​នេះ ធ្វើ​ឡើង​តាម​រយៈ​អនុក្រឹត្យ​មួយ ចុះ​ថ្ងៃ​ទី​២០​មីនា ឆ្នាំ២០១៧​។

គួរ​កត់​សម្គាល់​ថា តាំង​ពី​ជាង​២០​ឆ្នាំ​មុន ពោល​គឺ​ចាប់​តាំង​ពី​ឆ្នាំ​១៩៩៤​មក ដើម្បី​បាន​ទទួល​គោរមងារ​ជា ឧកញ៉ា សប្បុរស​ជន​តម្រូវ​ឲ្យ​ធ្វើ​អំណោយ​ជូន​រដ្ឋ​ត្រឹម​តែ​១០​ម៉ឺន​ដុល្លារ​ឡើង​ទៅ​តែ​ប៉ុណ្ណោះ​៕

The post ថៅកែហាងលក់មាសពេជ្រម្នាក់ ត្រូវបានព្រះមហាក្សត្រផ្តល់គោរមងារ«ឧកញ៉ា» appeared first on .