ជាមួយគ្នានេះ លោកជំទាវឧកញ៉ា ប៊ុន ណាវី អគ្គនាយិកាក្រុមហ៊ុន ស៊ីភីអែល ខេមបូឌា ប្រភើធី លីមីធីត (CPL) ដែលត្រូវជាភរិយារបស់លោកឧកញ៉ា ចេង ខេង ក៏ទទួលបានការតែងតាំងជា អនុប្រធានគណៈកម្មាធិការ​អភិវឌ្ឍន៍ដីធ្លី និងសំណង់ថ្នាក់កណ្តាល អាណត្តិទី១។

ក្រោយទទួលបានការតែងតាំងនេះ ឧកញ៉ា ចេង ខេង បានលើកឡើងលើបណ្តាញសង្គមថា ការតែងតាំងនេះគឺជា​សក្ខីភាពបង្ហាញពីបទពិសោធន៍ ចំណេះដឹង ការខិតខំប្រឹងប្រែង ការរៀនសូត្រ ការតស៊ូ និងការចូលរួមយ៉ាងសកម្ម​របស់លោក និងលោកជំទាវឧកញ៉ា ប៊ុន ណាវី រួមជាមួយថ្នាក់ដឹកនាំពាក់ព័ន្ធ ក្នុងការរួមចំណែកអភិវឌ្ឍវិស័យដីធ្លី និងសំណង់នៅកម្ពុជា ឱ្យកាន់តែរីកចម្រើន រឹងមាំ និងមានសក្តានុពលបន្ថែមទៀត៕

The post ឧកញ៉ា ចេង ខេង ទទួលបានការតែងតាំងជា ប្រធានគណៈកម្មាធិការអភិវឌ្ឍន៍ដីធ្លី និងសំណង់ថ្នាក់កណ្តាល អាណត្តិទី១ appeared first on .

លោកឧកញ៉ា ចេង ខេង បានគូសបញ្ជាក់លើបណ្តាញសង្គមបែបនេះថា៖ “នេះគឺជាសមិទ្ធផលដ៏ត្រចះត្រចង់ថ្មីមួយទៀត ដែលសបញ្ជាក់យ៉ាងច្បាស់ពីការប្តេជ្ញាចិត្តខ្ពស់ ក្នុងការអភិវឌ្ឍសមត្ថភាព និងចំណេះដឹងឥតឈប់ឈរ ដើម្បីឧត្តមភាពនៃវិជ្ជាជីវៈ និងការដឹកនាំស្ថាប័នឱ្យកាន់តែរីកចម្រើន រឹងមាំ និងប្រកបដោយអនុលោមភាព”។

សូមជម្រាបថា ឧកញ៉ា ចេង ខេង គឺជាអគ្គនាយកក្រុមហ៊ុនអចលទ្រព្យ CPL, សមាជិកសមាគមឧកញ៉ាកម្ពុជា និងជាសមាជិកក្រុមប្រឹក្សាភិបាលសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា។ ចំណែក ឧកញ៉ា ប៊ុន ណាវី ក៏ជាអគ្គនាយិកាក្រុមហ៊ុន ស៊ីភីអែល ខេមបូឌា ប្រភើធី លីមីធីត និងជាសមាជិកសមាគមឧកញ៉ាកម្ពុជាផងដែរ៕

The post ឧកញ៉ា ចេង ខេង និងឧកញ៉ា ប៊ុន ណាវី ទទួលបានវិញ្ញាបនបត្របណ្ដុះបណ្ដាលវិជ្ជាជីវៈ ពីវិទ្យាស្ថានអាជីវកម្មអន្តរជាតិ appeared first on .

ឧកញ៉ា ប៊ុន ណាវី ជាភរិយារបស់ឧកញ៉ា ចេង ខេង អគ្គនាយកក្រុមហ៊ុនអចលទ្រព្យ CPL, សមាជិកសមាគមឧកញ៉ាកម្ពុជា និងជាសមាជិកក្រុមប្រឹក្សាភិបាលសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា។ លោកស្រី ប៊ុន ណាវី ត្រូវបានព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» នៅថ្ងៃទី០៦ ខែធ្នូ ឆ្នាំ២០២២។

សមាគមឧកញ៉ាកម្ពុជា គឺជាស្ថាប័នតែមួយគត់ ដែលតំណាងឱ្យគោរមវន្តទាំងអស់នៅក្នុងព្រះរាជាណាចក្រកម្ពុជា និងបានចែងអំពីតួនាទី ភារកិច្ច ព្រមទាំងសិទ្ធិនិងកាតព្វកិច្ចរបស់សមាគម ដើម្បីរក្សានិងលើកកម្ពស់គុណតម្លៃ និងឧត្ដមភាពដ៏ឧត្ដុង្គឧត្ដម នៃគោរមងារឧកញ៉ា ដែលជាព្រះរាជទានដ៏ខ្ពង់ខ្ពស់បំផុតរបស់ ព្រះមហាក្សត្រ នៃព្រះរាជាណាចក្រកម្ពុជា តាំងពីបុរាណកាលរៀងមក ជាពិសេសការពង្រឹងសាមគ្គីភាព និងការគោរពច្បាប់ជាធរមានរបស់គោរមវន្ត ដើម្បីរួមចំណែកថែរក្សា និងការពារវប្បធម៌ ប្រពៃណី និងទំនៀមទម្លាប់ដ៏ល្អផូរផង់របស់ជាតិ ក៏ដូចជាសន្ដិសុខ សណ្ដាប់ធ្នាប់សាធារណៈ និងការអភិវឌ្ឍសេដ្ឋកិច្ច និងសង្គម ជាដើម។

សូមជម្រាបជូនថា សមាគមឧកញ៉ាកម្ពុជា ត្រូវបានបង្កើតឡើង និងទទួលស្គាល់ជាផ្លូវការដោយក្រសួងមហាផ្ទៃនៃព្រះរាជាណាចក្រកម្ពុជា តាមរយៈលិខិតលេខ ៥៩៧៩ ប្រ.ក. ចុះថ្ងៃទី២៥ ខែតុលាឆ្នាំ២០២២ ស្តីពីការសុំចុះឈ្មោះសមាគមឧកញ៉ាកម្ពុជា ក្នុងបញ្ជីសមាគមនិងអង្គការមិនមែនរដ្ឋាភិបាល និងព្រះរាជក្រឹត្យលេខ នស/រកត/១០២៤/១៣០៩ ចុះថ្ងៃទី២៣ ខែតុលា ឆ្នាំ២០២៤ ស្តីពីគោរមងារឧកញ៉ា៕

The post ឧកញ៉ា ប៊ុន ណាវី ភរិយាឧកញ៉ា ចេង ខេង ចូលរួមជា «សមាជិកទ្រទ្រង់ នៃសមាគមឧកញ៉ាកម្ពុជា» appeared first on .

កិច្ចប្រជុំពិភាក្សាពីប្រព័ន្ធវាយតម្លៃអចលនវត្ថុកម្ពុជានេះ ដឹកនាំដោយលោក គិត ច័ន្ទគ្រឹស្នា អនុរដ្ឋលេខាធិការ និងជាប្រធានក្រុមការងារបរិវត្តកម្មឌីជីថលក្រសួងរៀបចំដែនដី ព្រមទាំងមានការអញ្ជើញចូលរួមពី លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា និងថ្នាក់ដឹកនាំសមាគម រួមទាំងមន្ត្រីជំនាញរបស់ក្រសួងរៀបចំដែនដីមួយចំនួនទៀត។

លោក គិត ច័ន្ទគ្រឹស្នា អនុរដ្ឋលេខាធិការ បានបង្ហាញពីក្តីរីករាយដែលសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ចាប់អារម្មណ៍ក្នុងការសហការគ្នាដើម្បីអភិវឌ្ឍប្រព័ន្ធវាយតម្លៃអចលនវត្ថុតាមអនឡាញនេះ ឱ្យចេញជារូបរាង (Platform) ឡើង ដែលប្រព័ន្ធនេះនឹងមានបង្ហាញនូវទិន្នន័យសំខាន់ៗបឋមមួយចំនួនដូចជា ទិន្នន័យទីតាំងដី តម្លៃដី និងព័ត៌មានម្ចាស់ដី ជាដើម។ លោកបានបន្តថា ប្រព័ន្ធថ្មីនេះត្រូវបានបង្កើតឡើងដើម្បីធានានូវប្រសិទ្ធភាពការងារ និងសេវាសាធារណៈលឿនរហ័ស តម្លាភាព និងងាយស្រួល សម្រាប់ប្រជាពលរដ្ឋ។

ក្នុងឱកាសនោះដែរ លោកឧកញ៉ា ចេង ខេង និងថ្នាក់ដឹកនាំសមាគម ក៏បានស្នើសុំឱ្យក្រសួងរៀបចំដែនដី ជួយពិចារណាបន្ថែមទៅលើវិសាលភាពនៃការប្រើប្រាស់ប្រព័ន្ធនេះ ព្រោះប្រព័ន្ធនឹងអាចត្រូវបានប្រើប្រាស់ជាច្រើន ពិសេសគឺគ្រប់ភាគីពាក់ព័ន្ធដូចជា ក្រុមហ៊ុនវាយតម្លៃអចលទ្រព្យនានា រួមទាំងវិស័យធនាគារផងដែរ ដែលចាំបាច់ត្រូវតែគិតគូរកុំឱ្យមានផលអវិជ្ជមានទៅលើវិស័យណាមួយ។

គួរបញ្ជាក់ថា ជំនួបពិភាក្សាកម្រិតបច្ចេកទេសខាងលើនេះ ត្រូវបានធ្វើឡើងបន្ទាប់ពីថ្នាក់ដឹកនាំសមាគមអ្នកវាយតម្លៃ និងភ្នាក់អចលនទ្រព្យកម្ពុជា បានចូលរួមប្រជុំជាមួយក្រសួងរៀបចំដែនដី នគរូបនីយកម្ម និងសំណង់ ក្រោមអធិបតិភាពឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ កាលសៀលថ្ងៃទី០៨ ខែមករា ឆ្នាំ២០២៥ ខណៈដែលជំនួបនោះ ក្រសួងបានសម្រេចផ្តល់ទិន្នន័យជូនទៅសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាមួយចំនួន ដើម្បីធ្វើការវាយតម្លៃអចលនទ្រព្យ ឱ្យមានសង្គតភាពនិងជាក់ស្តែង ជាឧត្តមប្រយោជន៍របស់អតិថិជន និងសេដ្ឋកិច្ចកម្ពុជា៕

The post ឧកញ៉ា ចេង ខេង ជួបពិភាក្សាពីការរៀបចំប្រព័ន្ធវាយតម្លៃអចលនវត្ថុកម្ពុជា ជាមួយក្រសួងរៀបចំដែនដី appeared first on .

យោងសេចក្តីសម្រេចលេខ០១០/២៣ ស.រ.ស.អ.ដ.ក ចុះថ្ងៃទី១០ ខែមីនា ឆ្នាំ២០២៣ សមាគមអ្នក​អភិវឌ្ឍ​ដីឡូត៍កម្ពុជា សម្រេចតែងតាំង​បុគ្គល​ចំនួន​៩​រូប​ ជាទីប្រឹក្សាកិត្តិយស នៃសមាគមអ្នកអភិវឌ្ឍដីឡូត៍កម្ពុជា អាណត្តិទី២ ២០២៣-២០២៥ ក្នុង​នោះ​មាន​ឧកញ៉ា​​ចំនួន ​​៣​រូប ដែល​មាន​ដូច​ខាង​ក្រោម៖

១. ឧកញ៉ា ឃាង ពុទ្ធី ៖ ស្ថាបនិកក្រុមហ៊ុនភ្នាក់ងារអចលនទ្រព្យ Khompound និង​ជា​ប្រធានក្រុមប្រឹក្សា​ភិបាល​សមាគម​អ្នកជំនាញ​អចលនទ្រព្យ

២. ឧកញ៉ា ម៉ាន់ ច័ន្ទឌី ៖ អគ្គនាយកក្រុមហ៊ុន អាយ ឃ្យូ អាយ ខេមបូឌា

៣. ឧកញ៉ា ចេង ខេង ៖ អគ្គនាយកក្រុមហ៊ុនអចលនទ្រព្យ CPL

ក្រៅពី​ឧកញ៉ា​ចំនួន​៣​រូប​ ក៏​មាន​លោក ឃន ជឺ លោក អ៊ិន មាន លោកគ្រូបណ្ឌិត អោម សេងបូរ៉ា លោក សោម សម្បត្តិ លោក យិន លាងគង់ និង​លោកគ្រូ អួន សារ៉ាត់ ជាទីប្រឹក្សាកិត្តិយសសមាគមអ្នកអភិវឌ្ឍន៍ដីឡូត៍កម្ពុជា អាណត្តិទី២ ​ផង​ដែរ។

កាល​ពី​ថ្ងៃទី១៦ ខែកុម្ភៈ ឆ្នាំ២០២៣ សមាគមអ្នកអភិវឌ្ឍន៍ដីឡូត៍កម្ពុជា ដឹកនាំដោយ ឧកញ៉ា ម៉ន​ សុខា ប្រធាន​សមាគម ព្រមទាំងក្រុមប្រឹក្សាភិបាល និងថ្នាក់ដឹកនាំជាច្រើនទៀត បានប្រជុំពិភាក្សា និងប្រកាសតែងតាំង​សមាជិក​គណៈកម្មការប្រតិបត្តិនៃគណៈកម្មាធិការសមាគម ដើម្បីបន្តការអនុត្តក្នុងអាណត្តិទី២ ឆ្នាំ២០២៣-២០២៥ ក្នុងគោលបំណងដើម្បីជួយសម្របសម្រួលដល់អ្នកប្រកបអាជីវកម្ម និងអ្នកអភិវឌ្ឍន៍ដីឡូត៍​ទាំងអស់​ទទួលបានការយល់ដឹង និងជ្រាបច្បាស់អំពីផ្លូវច្បាប់ និងបទបញ្ញត្តិផ្សេងៗរបស់ព្រះរាជណាចក្រកម្ពុជា។

សូមជម្រាបជូនថា សមាគមអ្នកអភិវឌ្ឍន៍ដីឡូត៍កម្ពុជា បានបង្កើតឡើងថ្ងៃទី១៧ ខែកក្កដា ឆ្នាំ២០២០កន្លងទៅ ខណៈដែលបច្ចុប្បន្នឧកញ៉ា ម៉ន សុខា បន្តជាប្រធាន និងមានអនុប្រធាន ក្រុមប្រឹក្សាភិបាល អគ្គលេខាធិការ ព្រមទាំងសមាជិកច្រើនរូបទៀត ប្រមូលផ្តុំដោយអ្នកអភិវឌ្ឍវិស័យអចលនទ្រព្យ៕

The post ឧកញ៉ា ៣រូប ទទួលការតែងតាំងជាទីប្រឹក្សាកិត្តិយសនៃសមាគមអ្នកអភិវឌ្ឍន៍ដីឡូត៍កម្ពុជា appeared first on .

លោកជំទាវ ប៊ុន ណាវី ត្រូវបានគេស្គាល់ថា ជាឧត្តមភរិយារបស់លោកឧកញ៉ា ចេង ខេង ស្ថាបនិក​ក្រុមហ៊ុន អចលនទ្រព្យកម្ពុជា ស៊ីភីអិល (CPL) ​ដែល​បាន​បង្កើត​ឡើង​ ចាប់​ពី​​ឆ្នាំ​១៩៩៧​ និង​ជា​ប្រធាន​ក្រុមប្រឹក្សាភិបាល របស់​សមាគម​អ្នក​វាយតម្លៃ​និង​ភ្នាក់ងារ​អចលន​វត្ថុ​កម្ពុជា។ លោកជំទាវ ប៊ុន ណាវី និង​លោកឧកញ៉ា ចេង ខេង ​​មាន​កូន​បី​នាក់ ក្នុង​នោះ​ប្រុស​២​នាក់ និង​ស្រី​១​នាក់៕

The post ជំទាវ ប៊ុន ណាវី អគ្គនាយិកាក្រុមហ៊ុនអចលនទ្រព្យ CPL ទទួលបានគោមងារជា «ឧកញ៉ា» appeared first on .

នៅ​កម្ពុជា ​ព្រះពុទ្ធ​សាសនា​ត្រូវ​បានចាត់​ទុកថា​ជា​សាសនា​របស់​រដ្ឋ ​ហើយ​សាសនា​ក៏​ត្រូវ​គេ​លើក​តម្កើង​យ៉ាង​ខ្ពស់​ជា​បាវចនា​របស់​ជាតិ​ទៀត​ផង។ ​ទាំងនេះ​បង្ហាញ​ឲ្យ​ឃើញ​ថា​ ព្រះពុទ្ធសាសនា​ពិត​ជា​ត្រូវ​បាន​ផ្តល់​តម្លៃ​ដ៏​ខ្ពង់ខ្ពស់​ពី​សំណាក់​ប្រជាជាតិ​ខ្មែរ ខណៈដែលមានប្រជា​ជន​ខ្មែរ​ រាប់តាំងពី​រាស្ត្រ​សាមញ្ញ​ មន្ត្រី​រាជការ​គ្រប់​លំដាប់​ថ្នាក់ ​រហូត​ដល់​ព្រះមហាក្សត្រ បានគោរពប្រតិបត្តិ​ជាទី​សក្ការៈ​យ៉ាង​ខ្ជាប់​ខ្ជួន។

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ដោយ​យល់​ឃើញ​បែប​នេះ ឯកឧត្តម ហឿន សំនៀង នាយកវិទ្យាស្ថានតេជោសែនសាធារណការ និងដឹកជញ្ជូន មានប្រសាសន៍ជាការឆ្លើយតបទៅនឹងទស្សនថា ការជឿកាន់ព្រះពុទ្ធសាសនាធ្វើឲ្យយើងក្រ នេះជាគំនិតដែលយល់ខុសយ៉ាងខ្លាំងមកលើព្រះពុទ្ធសាសនា ជាទស្សន:ដែលមិនបានសិក្សាស្វែងយល់ពីព្រះពុទ្ធសាសនា។

ឯកឧត្តមបន្តថា ជាទស្សនដែលអាចកើតចេញពីច្រើនប្រភពដូចជា អាចចេញពីពពួកអ្នកមិនគោរពស្រឡាញ់និងចង់បន្សាបជំនឿព្រះពុទ្ធសាសនា ក្នុងសង្គមខ្មែរ។ ជំនឿជាភាពខ្លាំងនៃមនុស្ស ឬសង្គមជាតិមួយ តែជំនឿក៏អាចជាភាពទន់ខ្សោយនៃបុគ្គល ឬសង្គមមួយផងដែរ។ ជាក់ស្តែង បើប្រព័ន្ធជំនឿត្រូវបានបន្សាបហើយ អ្វីៗនឹងងាយស្រួលតាមនោះដែរ។ យើងគ្រប់គ្នាដឹងហើយថាព្រះពុទ្ធសាសនាជាសាសនារបស់រដ្ឋ ពោល គឺ​ព្រះពុទ្ធសាសនាជា គ្រឹះនៃប្រព័ន្ធជំនឿងយ៉ាងរឹងមាំរបស់ខ្មែរ និងសង្គមខ្មែរទាំងមូលផងដែរ។

លើស​ពី​នេះ ឯកឧត្តបន្ថែមថា គំនិតនេះអាចចេញពីមនុស្សដែលមិនយល់ពីព្រះពុទ្ធសាសនា និងឃើញព្រឹត្តិការណ៍សង្គមនានា ឬអាចឃើញឥរិយាបថយឺតយ៉ាវរបស់​អតីតអ្នកបួសខ្លះក្នុងស្រុកភូមិ ឬលឺទ្រឹស្តីបទតាមគេតាមឯងផង ដោយមិនបានសិក្សាសង្កេតជាក់លាក់ ក៏ដាក់បន្ទុកមកលើព្រះពុទ្ធសាសនាតែម្តង។ ការចោទប្រកាន់ទៅលើអតីតអ្នកបួសបានបួសរាប់សិបឆ្នាំ ហើយសឹកមកវិញខ្ចិល រកស៊ីមិនទាន់គេ រស់នៅក្នុងភាពក្រីក្រ នឹងសន្និដ្ឋានថា ព្រះពុទ្ធសាសនាធ្វើឲ្យមនុស្សខ្ចិល ធ្វើឲ្យមនុស្សក្រ ក៏មាន ឬទស្សននេះ អាចចេញពីមនុស្សមិនចំរើន ជាមនុស្សបរាជ័យ យល់មិនដល់មុជមិនឆ្ងាយ គិតមិនជ្រៅ ចឹងជា ជាងបន្ទោសខ្លួនឯង ក៏ទំលាក់ទៅព្រះពុទ្ធសាសនាក៏ថាបាន។

លោកឧកញ៉ា យ៉ន សេងហាន ទីប្រឹក្សាផ្ទាល់សម្តេចព្រះមហាសង្ឃរាជ បូរ គ្រី មានប្រសាសន៍ថា ពេលខ្លះគេមើលតែសំបកខាងក្រៅ ហើយវាយតម្លៃដល់គុណតម្លៃជាសាកលខាងក្នុងនៃព្រះពុទ្ធសាសនា។ ព្រះពុទ្ធសាសនានឹងដឹកនាំមនុស្សឲ្យរីកចំរើន ឬនាំឲ្យអន់ថយ ទាល់តែយើងប្រតិបត្តិប្រព្រឹតិ្តទៅតាមអ្វីដែលព្រះពុទ្ធបានសម្តែងទើបយើងដឹង។ បើយើងមិនស្គាល់មិនដឹងផង ទៅលើវាយតម្លៃលើទ្រឹស្តីព្រះពុទ្ធសាសនាជារឿងដែលត្រឹមត្រូវ ខណៈដែលពួកអ្នកបង្ហាញទស្សនៈលើកឡើងនោះកើតទាន់សាសនាព្រះពុទ្ធជាសាសនាដ៏ល្អក្រៃលែង។

ទោះជាយ៉ាងណាក៏ដោយលោកឧកញ៉ាសង្កេតឃើញថា៖ «ពាក់ព័ន្ធនឹងការមានក្រនេះ យើងដាក់បន្ទុកទៅលើសាសនាគឺមិនសមហេតុផលនោះទេ ពីព្រោះយើងនឹងឯងដែលជាអ្នកគោរពប្រតិបត្តិជាអ្នកយកទៅអនុវត្តជាមួយនឹងសភាពការណ៍ជាក់ស្តែងនៃផែនការអាជីវកម្ម ផែនការជីវិត ឬមកពីយើងចេះតែបណ្តែតបណ្តាយជីវិត ហើយអាងចោទលើព្រះពុទ្ធសាសនា»។

ឯកឧត្តម ហឿន សំនៀង៖ «ខ្ញុំបួស ១៩វស្សា និងបានរៀនសូត្រក៏ច្រើនគ្រាន់ដែរ ខ្ញុំរកមិនឃើញកន្លែងណាមួយដែលព្រះពុទ្ធដាក់ទោសដល់ការមានបាននៃទ្រព្យថាជាអំពើបាប ជាទោស ឬវិបត្តិនោះឡើយ។ ខ្ញុំឃើញតែរឿងព្រះពុទ្ធទ្រង់សសើរពីអានិសង្សនៃការមានទ្រព្យ ឬអត្ថប្រយោជន៍នៃការមានទ្រព្យ។ មិនតែប៉ុណ្ណោះ ខ្ញុំឃើញតែចំណុចដែលព្រះពុទ្ធណែនាំពីវិធីសាស្ត្ររកទ្រព្យ និងមានបានទ្រព្យ តាមរបៀបត្រឹមត្រូវ ថ្លៃថ្នូរ ដែលមិនប៉ះពាល់ប្រយោជន៍អ្នកដទៃ ឬសង្គមជាតិទៀតផង»។ 

ទាក់ទងនឹងការលើកឡើងថាការជឿកាន់ព្រះពុទ្ធសាសនា ធ្វើឲ្យយើងក្រ លោកឧកញ៉ា ចេង ខេង អគ្គនាយកក្រុមហ៊ុនអចលទ្រព្យ CPL ឲ្យដឹងថា ព្រះពុទ្ធសាសនាអាចធ្វើឲ្យយើងមានបាន ប៉ុន្តែអ្នកមួយចំនួនទៅចោទព្រះពុទ្ធ គោរពពុទ្ធសាសនាធ្វើឲ្យក្រ យើងរៀនពីព្រះអង្គឲ្យបានច្រើនយើងសប្បាយចិត្ត មានសុភមង្គលផ្លូវកាយ ផ្លូវចិត្ត ពីព្រោះព្រះអង្គនាំមនុស្សឲ្យល្អ។

ជាមួយ​គ្នា​នេះ​ដែរ លោកឧកញ៉ា​កត់​សម្គាល់​ថា៖ «ចូលមកភ្នំពេញដំបូង ខ្ញុំយកទ្រឹស្តីព្រះពុទ្ធមកមើល និងស្តាប់ក៏ខ្ញុំអាចក្លាយជាអ្នកមានមកដល់សព្វថ្ងៃ។ យើងស្តាប់ព្រះពុទ្ធបានធ្វើឲ្យស្ងប់ចិត្ត សប្បាយចិត្ត និងមានសុភមង្គលពិតប្រាកដទៀតផង»។

ឯកឧត្តម ហឿន សំនៀង៖ «ខ្មែរក្រមិនមែនដោយសារកាន់ជឿព្រះពុទ្ធសាសនាទេ តែខ្មែរក្រដោយសារ តែសង្គ្រាមដ៏រាំរ៉ៃរាប់សិបជំនាន់ របបប្រល័យពូជសាសន៍កាប់សម្លាប់ជនជាតិ ខ្លួនឯង ការបែកបាក់ផ្ទៃក្នុង ភាពល្ងង់ខ្មៅ មិនបានសិក្សារៀនសូត្រ និងការ ប្រើប្រាស់ធនធានជាតិខុសគោលដៅជាដើម ជាហេតុធ្វើឲ្យខ្មែរក្រ»។

លោកឧកញ៉ា ផន វណ្ណិត ទីប្រឹក្សាផ្ទាល់សម្តេចព្រះមហាសង្ឃរាជ បួរ គ្រី បានអះអាងថា ជំនឿ និងការប្រតិបត្តិក្នុងព្រះពុទ្ធសាសនាបានក្លាយជាមាគ៌ាជីវិតប្រកបដោយវិចារណញ្ញាណដើម្បីអភិវឌ្ឍន៍ផ្លូវចិត្ត និងសន្តិភាពសម្រាប់មនុស្សជាតិគ្រប់វណ្ណៈ។ ព្រះពុទ្ធសាសនាជាសាសនាប្រាកដនិយមមានគោលការណ៍ជាក់លាក់ក្នុងការដឹកនាំមនុស្ស នឹងរក្សាមនុស្សគ្រប់សម័យកាល។ កាលណាយើងយកទ្រឹស្តី និងការអប់រំជាពុទ្ធីរបស់ព្រះអង្គមកដឹកនាំជីវិត ប្រទេសជាតិ ស្ថាប័ន ខ្ញុំជឿថាយើងនឹងមាការរីកចម្រើនទៅមុខ។

ជាង​នេះ​ទៅ​ទៀត លោកឧកញ៉ាបន្ថែមថា «បញ្ហា​របស់មនុស្ស​មិនមែន​ថា ​ព្រះពុទ្ធ​សាសនា​ខ្វះ​មធ្យោបាយ​ជួយ​ដោះស្រាយ​នោះ​ទេ ពុទ្ធសាសនា​​មាន​ទិស​ដៅ​នាំយើងទៅ​រកភាព​ជោគជ័យ។ អ្វីដែល​សំខាន់ យើងត្រូវស្គាល់ខ្លួនឯងច្បាស់លាស់ ព្រោះសត្រូវធំបំផុត​ក្នុង​ជីវិត​ពិតប្រាកដរបស់យើង គឺការមិនបានអប់រំលត់ដំខ្លួនឯងឲ្យរឹងមាំ»។

ឯកឧត្តម ហឿន សំនៀង បន្ថែមថា យើងដឹងហើយថា មនុស្សបរាជ័យភាគច្រើន ចេញពីភាពល្ងង់ខ្លៅ អវិជ្ជា មិនបានសិក្សារៀនសូត្រជ្រៅជ្រះ ឬជាមនុស្សមានទស្សនអវិជ្ជមានខ្លាំងពេកចំពោះខ្លួនឯង។ ផ្ទុយទៅវិញ មនុស្សជោកជ័យ គេតែងអរគុណដល់អតីតកាល ពូជពង្សវង្ស ត្រកូល និងមនុស្សជុំវិញខ្លួន ជាពិសេស ភាពល្វីជូចត់ ខ្សត់ខ្សោយ លំបាកតោយ៉ាកដែលធ្វើឲ្យគេរឹងមាំ។ បុគ្គលជោគជ័យ មានទស្សន:វីជ្ជា។

ឯកឧត្តម ហឿន សំនៀង៖ «សម្លឹងមើលប្រទេសដែលកាន់ព្រះពុទ្ធសាសនាដូចយើង ដូចជាប្រទេសថៃ វៀតណាម ចិន ជប៉ុន កូរ៉េ និងតៃវ៉ាន់។ ប្រទេសទាំងនេះ កាលមុនក្រដែរ តែឥឡូវគេក្លាយជាប្រទេសអ្នកមាន។ សួរថា ហេតុអ្វី? ចម្លើយដ៏សាមញ្ញ គឺថា កាលមុនប្រទេសទាំងនេះ ក៏ក្រដែរ គឺក្រដោយសារសង្គ្រាមផង និងក្រដោយសារការវិវត្តនៃបច្ចេកវិទ្យាមិនទាន់ជឿនលឿន។ លុះដល់គេអស់សង្គ្រាម និងការមកដល់នៃបច្ចេកវិទ្យា គេក៏មានឪកាសអភិវឌ្ឍប្រទេសក្លាយជាអ្នកមាន»។ 

ព្រះសុមេធវង្សបណ្ឌិត សុខ ប៊ុនធឿន ប្រធាននាយកដ្ឋានពុទ្ធិកឧត្តមសិក្សានិងក្រោយពុទ្ធិកឧត្តមសិក្សានៃអគ្គាធិការដ្ឋានពុទ្ធិកសិក្សាជាតិ មានថេរដីកាថា៖ «ព្រះពុទ្ធសាសនាបង្រៀនមនុស្សនូវរបៀបដឹកនាំជីវិតឲ្យផុតពីគ្រោះថ្នាក់ និងស្វែងរកការរំដោះទុក្ខតាមរយៈផ្លូវកាយ និងផ្លូវចិត្ត។ ព្រះពុទ្ធសាសនាមិនគ្រាន់តែជាកម្មវត្ថុនៃការសិក្សា និងសំណេរបែបតែងសេចក្តីប៉ុណ្ណោះទេ តែថែមទាំងជាគំរូនៃការអនុវត្តចំពោះឥរិយាបថ ក្នុងការសម្អិតសម្អាងមនុស្សទាំងផ្លូវកាយ និងផ្លូវចិត្ត»។

លោកឧកញ៉ា ផន វណ​្ណិត៖ «ការរៀនសូធ្យពីព្រះពុទ្ធសាសនានឹងធ្វើឲ្យយើងដឹងកាន់តែច្រើន ព្រោះព្រះពុទ្ធបង្រៀនយើងឲ្យស្គាល់សង្គម បង្រៀនឲ្យស្គាល់មនុស្ស បង្រៀនឲ្យស្គាល់ទិសដៅនៃការងារ បង្រៀនយើងឲ្យចេះទំនាក់ទំនងមនុស្ស អ៊ីចឹងប្រសិនបើយើងចង់ចាប់ផ្តើមមុខរបរពាណិជ្ជកម្ម យើងត្រូវស្គាល់និងដឹងឲ្យបានច្រើនទើបជោគជ័យ»។

លោកឧកញ៉ា ចេង ខេង៖ «អ៊ីចឹងត្រូវដឹងខ្លួនយើង ពេលដែលយើងស្តាប់ព្រះអង្គ ប្រសិនបើយើងជា CEO ស្តាប់ព្រះអង្គដើម្បីអភិវឌ្ឍន៍ក្រុមហ៊ុនឲ្យជាក្រុមហ៊ុនដ៏អស្ចារ្យ បើយើងជាអ្នកដឹកនាំប្រទេសជាតិក៏អាចធ្វើឲ្យប្រទេសជាតិមួយរុងរឿងបានដែរ។ ប្រទេសជប៉ុនគេយកព្រះពុទ្ធសាសនាទៅធ្វើការដឹកនាំប្រទេស ហើយបានប្រែក្លាយជាប្រទេសអ្នកមានទីពីរលើលោក ដោយសារតែការដឹកនាំដោយទ្រឹស្តីព្រះពុទ្ធសាសនានឹងឯង»។

បន្ថែមលើនេះទៀត លោកឧកញ៉ាបញ្ជាក់ថា ព្រះពុទ្ធអាចធ្វើឲ្យសត្រូវដែលចង់សម្លាប់ព្រះអង្គមកធ្វើជាសាវ័ក ហើយមនុស្សដែលធ្វើអាក្រក់គ្រប់រឿងជាមួយព្រះអង្គ ក៏យកមកធ្វើជាសាវ័កដែរ ចឹងបានន័យថា ព្រះអង្គជាបុគ្គលអស្ចារ្យលើលោក យើងមិនអាចចេះតែប្រមាថដោយសារមិនមានភាពយល់ដឹងនោះទេ។

ឯកឧត្តម ហឿន សំនៀង៖ «ព្រះពុទ្ធលើកទឹកចិត្ត និងបង្ហាញផ្លូវឲ្យក្លាយជា អ្នកជោគជ័យ មានបានទ្រព្យសម្បត្តិ រហូតព្រះពុទ្ធសសើរពីគុណសម្បត្តិនៃភាពមានបានទ្រព្យ មិនតែប៉ុណ្ណោះ ព្រះពុទ្ធមិនត្រឹមតែ បង្ហាត់បង្ហាញផ្លូវ មធ្យោបាយ និងរបៀបដែលធ្វើឲ្យជោគជ័យ មានបានប៉ុណ្ណោះទេ ថែមទាំងប្រាប់ពីការចេះប្រើប្រាស់ ទ្រព្យធនរបស់ខ្លួនឲ្យល្អ ត្រឹមត្រូវ និងមានប្រយោជន៍ទៀតផង»។

ឯកឧត្តមបញ្ជាក់បន្ថែមថា ការមានព្រះពុទ្ធសាសនា និងការថែរក្សាទំនៀមទំលាប់ប្រពៃណីដ៏ល្អរបស់ខ្មែរយើង នឹងជួយឲ្យប្រទេសខ្មែរកាន់តែរីកចំរើនលឿន និងស្រសបំព្រងទៀតផង ព្រោះព្រះពុទ្ធសាសនា និងប្រពៃណីទំនៀម ទំលាប់ខ្មែរដ៏ល្អនេះ ជាខឿនប្រព័ន្ធជំនឿដ៏រឹងមាំផង និងជាអលង្ការលម្អប្រជាជន និងប្រទេសជាតិផង។

លោកឧកញ៉ា យ៉ន សេងហាន បន្ថែមថា គ្រាន់កាន់តែសីល ៥ របស់ព្រះសម្មាសម្ពុទ្ធបានធ្វើឲ្យយើងល្អ ប្រទេសជាតិល្អ ឬយើងរកស៊ីក៏ធ្វើឲ្យរីកចំរើនរួចបាត់ទៅហើយ។ លោកពន្យល់ថា ទី១ ការណាយើងរស់នៅមិនសម្លាប់គ្នា គឺយើងបានសុខ ទី២ ប្រទេសមួយដែលមានការលួចប្លន់គឺរកសេចក្តីសុខមិនឃើញនោះទេ សូម្បីតែការងាររកស៊ី ឬរស់នៅក៏មិនបានសុខដែរ ទី៣ ការរស់នៅក្នុងគ្រួសារជាប្តីប្រពន្ធ ដែលមិនក្បត់បោកប្រាស់បញ្ឆោទគ្នា មិនលួចល័ក្ខគ្នាជាមួយអ្នកដទៃសាហាយស្មន់ យើងដឹងហើយគ្រួសារមួយដែលមានបញ្ហានឹងកើតឡើងគឺមានការឈ្លោះទាល់ទែងប្តឹងផ្តល់គ្នា បើទាក់ទងអាជីវកម្មអាចឈានទៅបិទក្រុមហ៊ុនក៏មាន ទី៤ ការរកស៊ីទទួលទានដើម្បីរីកចំរើនត្រូវការភាពស្មោះត្រង់ មិនកុហសបោកប្រាស់អ្នកដទៃធ្វើឲ្យគេចូលចិត្តស្រឡាញ់យើងហើយនឹងរីកចំរើន និងទី៥ នៅពេលយើងគ្រប់គ្នា មិនសេពគ្រឿងស្រវឹង គ្រឿងញៀន ធ្វើឲ្យយើងមានស្មារតីល្អ ប្រទេសមានការអភិវឌ្ឍន៍លឿន សេដ្ឋកិច្ចរឹងមាំ។

ម្យ៉ាងទៀត នៅក្នុងទ្រឹស្តីព្រះពុទ្ធសាសនាមានធម៌ ៤ដែលធ្វើឲ្យយើងសម្រេចគោលដៅ ទី១ មានឆន្ទៈ ពេញចិត្តជាមួយការងារឬយើងមានចំណងចង់បានអ្វីដែលភាសាអាជីវកម្មយើងហៅថា មានក្តីសុបិនយើងចង់បានអ្វីស្រឡាញ់អ្វីគឺធ្វើឲ្យបានច្បាស់លាស់ ទី២ វិរិយៈ ចំពោះអ្វីដែលយើងចង់បាននឹងគឺត្រូវតែមានការព្យាយាមប្រឹងប្រែងធ្វើកិច្ចការងារឲ្យបានសម្រេច ទី៣ គឺអោយយើងមានការយកចិត្តទុកដាក់ ឬតាំងចិត្តធ្វើការងារឲ្យជោគជ័យ ទី៤ ធ្វើអ្វីក៏ដោយត្រូវប្រកបដោយបញ្ញាឆ្លាតវៃ ជួបបញ្ហាបរាជ័យគឺយើងត្រូវមានបញ្ញាក្នុងការដោះស្រាយ ឬបញ្ញាក្នុងការប្រើប្រាស់យុទ្ធសាស្រ្តដើម្បីធ្វើអាជីវកម្ម កិច្ចការងារអាជីពឲ្យជោគជ័យ៕

The post តើភាពក្រីក្រពិតជាបណ្តាលមកពីការជឿកាន់ព្រះពុទ្ធសាសនាមែនឬទេ និងពុទ្ធសាសនាអាចជួយអ្វីខ្លះដល់អាជីវកម្ម? appeared first on .