ឧកញ៉ា តុង ហុកសេង

ឧកញ៉ា តុង ហុកសេង ឪពុករបស់ឈ្មោះ សាម ម៉ីជូ ផ្តល់ជូនសំណង ៦ម៉ឺនដុល្លារ ដល់ប្រពន្ធជនរងគ្រោះ សម្របសម្រួលគ្នាបញ្ចប់រឿងជាផ្លូវការ

ឧកញ៉ាដែនដី — Fri, 07 Aug 2026 05:26:22 +0000

ឧកញ៉ា តុង ហុកសេង ឪពុករបស់ស្ដ្រីអ្នកបើករថយន្ដបង្កឈ្មោះ សាម ម៉ីជូ បានព្រមព្រៀងប្រគល់ថវិកាចំនួន ៦ម៉ឺនដុល្លារអាមេរិក ជូនទៅឈ្មោះ គឿន ប៉ុន្នី ប្រពន្ធជនរងគ្រោះដែលស្លាប់ក្នុងគ្រោះថ្នាក់ចរាចរណ៍ និងបានព្រមព្រៀងសម្របសម្រួលបញ្ចប់វិវាទដោយស្មារតីគោរពរាប់អាន និងយោគយល់គ្នា នៅថ្ងៃទី៦ ខែសីហា ឆ្នាំ២០២៦ ម្សិលមិញនេះ។

ការសម្របសម្រួលនេះបានធ្វើឡើងនៅរសៀលថ្ងៃទី៦ ខែសីហា នៅសាលាឃុំខ្ចៅ ស្រុកកងមាស ខេត្តកំពង់ចាម ដោយមានការចូលរួមពីមន្រ្តីសាលាឃុំ និងមេធាវីផងដែរ។ គួរបញ្ជាក់ថានេះគ្រាន់តែជា សំណងផ្នែករដ្ឋប្បវេណីជូនក្រុមគ្រួសារជនរងគ្រោះតែប៉ុណ្ណោះ។ ដោយឡែកឈ្មោះ សាម ម៉ីជូ ជនបង្ករដែលកំពុងជាប់ឃុំនៅក្នុង ពន្ធនាគាររាជធានីភ្នំពេញ (PJ) នៅតែបន្តផ្ដន្ទាទោសផ្នែកព្រហ្មទណ្ឌតាមច្បាប់ដដែល។

គួររំឭកថា កាលពីយប់ថ្ងៃទី២៨ ខែកក្កដា ឆ្នាំ២០២៦ ករណីគ្រោះថ្នាក់ចរាចរណ៍មួយបានកើតឡើង នៅមុខផ្សារអីអន២ ដោយរថយន្តម៉ាក AVATR 11 បានបុកម៉ូតូបណ្ដាលឱ្យអ្នកបើកបរម៉ូតូស្លាប់។ ជនបង្កឈ្មោះ សាម ម៉ីជូ ភេទស្រី អាយុ ២៧ឆ្នាំ ត្រូវបានចោទប្រកាន់ពីបទបើកបរបង្កគ្រោះថ្នាក់ចរាចរណ៍បណ្ដាលឱ្យស្លាប់អ្នកដទៃ។ បន្ទាប់មក តំណាងអយ្យការ បានចោទប្រកាន់ឈ្មោះ សាម ម៉ីជូ ពីបទបើកបរបង្កគ្រោះថ្នាក់ចរាចរណ៍បណ្តាលឱ្យស្លាប់អ្នកដទៃ និងរត់គេចខ្លួន ហើយត្រូវតុលាការសម្រេចឃុំខ្លួននៅក្នុងពន្ធនាគារបណ្តោះអាសន្ន៕

Screenshot

The post ឧកញ៉ា តុង ហុកសេង ឪពុករបស់ឈ្មោះ សាម ម៉ីជូ ផ្តល់ជូនសំណង ៦ម៉ឺនដុល្លារ ដល់ប្រពន្ធជនរងគ្រោះ សម្របសម្រួលគ្នាបញ្ចប់រឿងជាផ្លូវការ appeared first on .

កូនស្រីឧកញ៉ា តុង ហុកសេង ជាប់បទចោទចំនួន២ករណី ត្រូវតុលាការសម្រេចឃុំខ្លួននៅក្នុងពន្ធនាគារជាបណ្តោះអាសន្ន

ឧកញ៉ាដែនដី — Sat, 01 Aug 2026 02:26:08 +0000

ស្ដ្រីអ្នកបើករថយន្ដបង្កឈ្មោះ សាម ម៉ីជូ កូនស្រីឧកញ៉ា តុង ហុកសេង ត្រូវបានតំណាងអយ្យការ ចោទប្រកាន់ពីបទបើកបរបង្កគ្រោះថ្នាក់ចរាចរណ៍បណ្តាលឱ្យស្លាប់អ្នកដទៃ និងរត់គេចខ្លួន ហើយត្រូវតុលាការសម្រេចឃុំខ្លួននៅក្នុងពន្ធនាគារបណ្តោះអាសន្ន។

អ្នកនាំពាក្យសាលាដំបូងរាជធានីភ្នំពេញ នៅថ្ងៃទី៣១ ខែកក្កដា ឆ្នាំ២០២៦ ម្សិលមិញនេះ បានចេញសេចក្ដីប្រកាសព័ត៌មានស្ដីពីចំណាត់ការសំណុំរឿងគ្រោះថ្នាក់ចរាចរណ៍បណ្ដាលឱ្យស្លាប់អ្នកដទៃ។ ករណីនេះកើតឡើងកាលពីថ្ងៃទី២៨ ខែកក្កដា ឆ្នាំ២០២៦ នៅមុខផ្សារអីអន២ ដោយរថយន្តម៉ាក AVATR 11 បានបុកម៉ូតូបណ្ដាលឱ្យអ្នកបើកបរម៉ូតូស្លាប់។ ជនបង្កឈ្មោះ សាម ម៉ីជូ ភេទស្រី អាយុ ២៧ឆ្នាំ ត្រូវបានចោទប្រកាន់ពីបទបើកបរបង្កគ្រោះថ្នាក់ចរាចរណ៍បណ្ដាលឱ្យស្លាប់អ្នកដទៃ និងរត់គេចខ្លួន។

សូមជម្រាបថា បទល្មើសនេះត្រូវផ្ដន្ទាទោសតាមមាត្រា ៨៥ នៃច្បាប់ស្ដីពីចរាចរណ៍ផ្លូវគោក និងមាត្រា ៥៤៣ ក្រមព្រហ្មទណ្ឌ។ នៅថ្ងៃទី៣១ ខែកក្កដា ឆ្នាំ២០២៦ ចៅក្រមស៊ើបសួរបានសម្រេចឃុំខ្លួនបណ្ដោះអាសន្នជនត្រូវចោទឈ្មោះ សាម ម៉ីជូ ដើម្បីបន្តការស៊ើបសួរតាមនីតិវិធីច្បាប់។

The post កូនស្រីឧកញ៉ា តុង ហុកសេង ជាប់បទចោទចំនួន២ករណី ត្រូវតុលាការសម្រេចឃុំខ្លួននៅក្នុងពន្ធនាគារជាបណ្តោះអាសន្ន appeared first on .

ឧកញ៉ា តុង ហុកសេង នឹងនាំកូនស្រីឈ្មោះ សាម ម៉ីជូ ទៅប្រគល់ជូនសមត្ថកិច្ចនៃស្នងការដ្ឋាននគរបាលរាជធានីភ្នំពេញ

ឧកញ៉ាដែនដី — Thu, 30 Jul 2026 07:05:28 +0000

ឧកញ៉ា តុង ហុកសេង នឹងនាំកូនស្រីឈ្មោះ សាម ម៉ីជូ ទៅប្រគល់ជូនសមត្ថកិច្ចនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនិតិវិធីច្បាប់ នៅរសៀលថ្ងៃទី៣០ ខែកក្កដា ឆ្នាំ២០២៦នេះ បន្ទាប់ពីករណីគ្រោះថ្នាក់ចរាចរណ៍បង្ករឱ្យមន្ត្រីក្រសួងសាធារណការ និងដឹកជញ្ជូនម្នាក់បានបាត់បង់ជីវិត។ នេះបើតាមលោក ផែង វណ្ណៈ។

លោក ផែង វណ្ណៈ បានគូសបញ្ជាក់លើទំព័រហ្វេសប៊ុក នៅរសៀលថ្ងៃទី៣០ ខែកក្កដានេះថា៖ “ពិតជាប្រពៃណាស់ មុននេះបន្តិចខ្ញុំទទួលបានព័ត៌មានច្បាស់ការថា នៅវេលាម៉ោង ២:០០ នាទី រសៀលថ្ងៃទី៣០ ខែកក្កដា ឆ្នាំ២០២៦ នេះ លោកឧកញ៉ា តុង ហុកសេង នឹងនាំកូនស្រីឈ្មោះ សាម ម៉ីជូ ទៅប្រគល់ជូនសមត្ថកិច្ចនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនិតិវិធីច្បាប់។ សូមគាំទ្រនូវការសម្រេចចិត្តដ៏ត្រឹមត្រូវនេះ ដើម្បីមកទទួលខុសត្រូវចំពោះមុខច្បាប់។ ជនរងគ្រោះនឹងទទួលបានយុត្តិធម៌ ចំណែកមហាជនក៏ស្ងប់ចិត្ត”។

លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនៃស្នងការដ្ឋាននគរបាលរាជធានីភ្នំពេញ នៅយប់ថ្ងៃទី២៩ ខែកក្កដា ឆ្នាំ២០២៦ ក៏បានប្រកាសឲ្យនារីអ្នកបើករថយន្ដបង្កគ្រោះថ្នាក់ចរាចរណ៍បណ្ដាលឲ្យបុរសជាមន្ត្រីរាជការម្នាក់បាត់បង់ជីវិតនៅខណ្ឌសែនសុខ ត្រូវចូលខ្លួនសារភាពទទួលកំហុស កុំព្យាយាមគេចខ្លួនតទៅទៀត។

តាមរយៈសំណេរនៅលើទំព័រហ្វេសប៊ុកផ្លូវការ លោក ជួន ណារិន្ទ បានលើកឡើងថា៖ “ខ្ញុំសូមជុំរាបជូនក្មួយស្រី ឈប់ព្យាយាមរត់គេចខ្លួនទៅ ចូលសារភាពនៅអង្គភាពណាក៏បាន ធ្វើដូចកូនខ្លាអញ្ជឹង។ សមត្ថកិច្ចបានបិទច្រក់អស់ហើយ ពេលនេះសមត្ថកិច្ចជំនាញកំពុងតាមចាប់ខ្លួនព្រមទាំងអ្នកឃុបឃិតជួយលាក់បំពួន”។

សូមជម្រាបថា ហេតុការណ៍គ្រោះថ្នាក់ចរាចរណ៍ដែលបណ្ដាលឲ្យបុរសជនរងគ្រោះជាមន្ត្រីរាជការ បាត់បង់ជីវិតនេះ បានកើតឡើងនៅវេលាម៉ោង១១និង៣០នាទីយប់ ថ្ងៃទី២៨ ខែកក្កដា ឆ្នាំ២០២៦ នៅតាមបណ្តោយផ្លូវលេខ១០០៣ សង្កាត់ឃ្មួញ ខណ្ឌសែនសុខ រាជធានីភ្នំពេញ។ ជនរងគ្រោះត្រូវបានគេស្គាល់ឈ្មោះ គួច លឹមហាន អាយុ៣៥ឆ្នាំ មានស្រុកកំណើតនៅឃុំខ្ចៅ ស្រុកកងមាស ខេត្តកំពង់ចាម ជាមន្ដ្រីនៃមន្ទីរពិសោធន៍សំណង់ និងសាធារណការ។ ចំណែកអ្នកបើករថយន្ដបង្កម៉ាក AVATAR 11 ពាក់ផ្លាកលេខកម្ពុជា V.C.8989 ក៏ត្រូវបានប្រភពមួយបង្ហាញថាមានឈ្មោះ សាម ម៉ីជូ ភេទស្រី អាយុ២៧ឆ្នាំ ត្រូវបានគេដឹងថាជាកូនស្រីរបស់ឧកញ៉ា តុង ហុកសេង មានអាសយដ្ឋានផ្ទះលេខ៧៨៩K ផ្លូវ១៨០០ ភូមិទួលគោក សង្កាត់ទួលសង្កែ ខណ្ឌឫស្សីកែវ៕

The post ឧកញ៉ា តុង ហុកសេង នឹងនាំកូនស្រីឈ្មោះ សាម ម៉ីជូ ទៅប្រគល់ជូនសមត្ថកិច្ចនៃស្នងការដ្ឋាននគរបាលរាជធានីភ្នំពេញ appeared first on .

ឧកញ៉ា ឈិន សុង និងឧកញ៉ា តុង ហុកសេង ឧបត្ថម្ភម៉ូតូ ៦គ្រឿង ជូនដល់ស្នងការដ្ឋាននគរបាលខេត្ដតាកែវ

ឧកញ៉ាដែនដី — Fri, 24 Apr 2026 07:59:46 +0000

នាថ្ងៃទី២២ ខែមេសា ឆ្នាំ២០២៦ សមាជិក ២រូបនៃសមាគមឧកញ៉ាកម្ពុជា គឺឧកញ៉ា ឈិន សុង និងលោកជំទាវ រួមជាមួយឧកញ៉ា តុង ហុកសេង និងលោកជំទាវ បានឧបត្ថម្ភម៉ូតូចំនួន ៦គ្រឿង ជូនដល់លោកឧត្ដមសេនីយ៍ទោ ម៉ែន លី ស្នងការនគរបាលខេត្ដតាកែវ ដើម្បីយកទៅប្រើប្រាស់បំពេញតាមតម្រូវការចាំបាច់ របស់កងកម្លាំងអន្តរាគមន៍ពិសេសក្នុងការចុះល្បាតតាមដងផ្លូវ និងតាមគោលដៅងាយរងគ្រោះនៅក្នុងភូមិសាស្ត្រខេត្ដតាកែវ។

សូមបញ្ជាក់ថា នាពេលកន្លងមក ឧកញ៉ាទាំងពីរូបតែងតែចូលរួមជាប្រចាំក្នុងសកម្មភាពមនុស្សធម៌ និងសង្គមកិច្ចនានានៅក្នុងមូលដ្ឋានខេត្តតាកែវ និងតាមរយៈសមាគមឧកញ៉ាកម្ពុជាផងដែរ ដូចជាការបរិច្ចាគជូនកាកបាទក្រហកម្ពុជា, មូលនិធិជួយគ្រួសារវីរយុទ្ធជន និងជនភៀសសឹកព្រមទាំងសកម្មភាពសប្បុរិសធម៌ផ្សេងៗជាច្រើនទៀត។

The post ឧកញ៉ា ឈិន សុង និងឧកញ៉ា តុង ហុកសេង ឧបត្ថម្ភម៉ូតូ ៦គ្រឿង ជូនដល់ស្នងការដ្ឋាននគរបាលខេត្ដតាកែវ appeared first on .