ក្នុងលិខិតអបអរសារទរ ព្រះរាជទានត្រាស់បង្គាប់ផ្តល់គោរមងារ អ្នកឧកញ៉ា នេះ ពិតជាកិត្តិយសដ៏ឧត្តុង្គឧត្តម និងជាសក្ខីភាពឆ្លុះបង្ហាញអំពី កិច្ចខិតខំប្រឹងប្រែងយកអស់ពីកម្លាំងកាយចិត្ត ប្រាជ្ញាស្មារតី លះបង់ ដោយមិនខ្លាចនឿយហត់ ដោយចំណាយ ទាំងពេលវេលា និងថវិការផ្ទាល់ខ្លួនរបស់អ្នកឧកញ៉ា ក្នុងការជួយជ្រោមជ្រែងរាល់សកម្មភាពមនុស្សធម៌ និងតែងតែកៀរគរសប្បុរសជន ដើម្បីចូលរួមបរិច្ចាគជូនដល់កាកបាទក្រហមកម្ពុជា និងកិច្ចការមនុស្សធម៌ជាច្រើន ដែលជាការចូលរួមចំណែកជាមួយនឹងរាជរដ្ឋាភិបាល ដល់ការអភិវឌ្ឍន៍សេដ្ឋកិច្ចប្រទេសជាតិ និងជាឧត្តមប្រយោជន៍ជូន សាធារណៈជន និងប្រជាពលរដ្ឋកម្ពុជា។

ឆ្លៀតនៅក្នុងឱកាសដ៏វិសេសវិសាលនេះ ខ្ញុំបាទ​ឧកញ៉ា ហេង សៀ និងក្រុមគ្រួសារ សូមបួងសួងដល់ វត្ថុស័ក្តិសិទ្ធិក្នុងលោក សូមជួយតាមថែរក្សា និង ប្រោះព្រំប្រសិទ្ធពរជ័យជូនចំពោះ អ្នកឧកញ៉ា និង លោកជំទាវ ព្រមទាំងក្រុមគ្រួសារជាទីស្រលាញ់ សូមជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍៕

The post ឧកញ៉ា ហេង សៀ ផ្ញើលិខិតអបអរសាទរជូនឧកញ៉ា ថៃ ជាហួត ក្នុងឱកាសទទួលបានគោរមងារជា «អ្នកឧកញ៉ា» appeared first on .

ការផ្តល់គោរមងារ «អ្នកឧកញ៉ា» ដល់ឧកញ៉ា ថៃ ជាហួត ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តី។

បើនិយាយពីឧកញ៉ា ថៃ ជា ហួត មានមនុស្សមិនច្រើនទេ ដែលស្គាល់ឧកញ៉ារូបនេះហើយដែលជាមគ្គុទេសន៍ និងជាស្ថាបនិកដ៏ឆ្នើម ក្នុងវិស័យសាងសង់ និងសាងសង់ ហើយតែងតែមើលឃើញពីចក្ខុវិស័យវែងឆ្ងាយនៅក្នុងការអភិវឌ្ឍបុរី លំនៅឋាននៅកម្ពុជា។ ឧកញ៉ា ថៃ ជាហួត គឺជាអគ្គនាយកក្រុមហ៊ុនបុរី ប៉េង ហួតគ្រុប ដែលបានចាប់ផ្តើមដំណើរការតាំងពីឆ្នាំ២០០៥។

ឧកញ៉ា ថៃ ជាហួត បានបោះទុនវិនិយោគរាប់ពាន់លានដុល្លារអាមេរិកទៅលើការអភិវឌ្ឍ បុរី លំនៅឋាន ប៉េង ហួត រាប់សិបគម្រោងរាប់ម៉ឺនខ្នងផ្ទះនៅក្នុងរាជធានីភ្នំពេញ និងជាយរាជធានីភ្នំពេញ។

គិតមកដល់បច្ចុប្បន្នលោកឧកញ៉ា ថៃ ជាហួត ដែលជាអ្នកជំនួញវិស័យអចលនទ្រព្យ ដ៏លេចធ្លោរ និក្តោបក្តាប់តំបន់សំខាន់ៗក្នុងរាជធានីភ្នំពេញ ហើយបាននឹងកំពុងបង្កើតគម្រោងធំៗជាច្រើនកន្លែងប្រមាណជាង ៣៦គម្រោងឡើយ។

បច្ចុប្បន្នឧកញ៉ា ថៃ ជាហួត ជាអនុប្រធានសភាពាណិជ្ជកម្មកម្ពុជា, អនុប្រធានសមាគមអ្នកអភិវឌ្ឍន៍លំនៅដ្ឋានកម្ពុជា និងអនុប្រធានក្រុមប្រឹក្សាភិបាលសមាគមឧកញ៉ាកម្ពុជា៕

The post មេធំស្ថាបនិកបុរី ប៉េងហួត ទទួលបានគោរមងារ «អ្នកឧកញ៉ា» appeared first on .

ពិធីសិរីមង្គល​ភ្ជាប់ពាក្យ​​ដ៏​ធំ​មួយ​នេះ កូនប្រុសនាម ហៀង ជិហុង ​ជា​កូនប្រុស​ឧកញ៉ា ហៀង ប៊ុនប៉េង សហស្ថាបនិក និង​ជា​អនុប្រធាន​ក្រុមប្រឹក្សា​ភិបាល ក្រុមហ៊ុន ប៉េង ហួត គ្រុប និងកូនស្រីនាម ថៃ ដារ៉ានី ដែល​​បាន​ប្រព្រឹត្តទៅ នាថ្ងៃចន្ទ ទី២២ ខែឧសភា ឆ្នាំ២០២៣ នៅ​ក្នុង​អគារសន្និបាត និងសាលប្រារព្ធពិធីមង្គលការ PH Grand Hall​ នៃ​បុរី ប៉េង ហួត។

កម្មវិធី​ភ្ជាប់ពាក្យ​ ដែល​មាន​ការៀបចំ​ប្រកបដោយ​ភាព​ប្រណិត រំលេចដោយក្បូរក្បាច់​តុបតែងតាមរចនាបទ​​ដ៏​អស្ចារ្យ​មួយ​នេះ គេ​​ឃើញ​មាន​ការ​អញ្ជើញ​ចូល​រួម​ពី​អ្នកឧកញ៉ា ឧកញ៉ា គ្រាក់ៗ​ជា​ច្រើន​រូប​ រួម​មាន អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប, ឧកញ៉ា ថៃ ជាហួត ប្រធានក្រុមប្រឹក្សាភិបាល ក្រុមហ៊ុន ប៉េង ហួត គ្រុប, អ្នកឧកញ៉ា ភាព ហៀក ស្ថាបនិក​ក្រុមហ៊ុន ជីប ម៉ុង គ្រុប, អ្នកឧកញ៉ា លាង ឃុន សហស្ថាបនិក​ក្រុមហ៊ុន ជីប ម៉ុង គ្រុប, អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាលក្រុមហ៊ុន វើលដ៏ប្រ៊ីដ គ្រុប, អ្នកឧកញ៉ា លី យ៉ុងផាត់ អគ្គនាយកក្រុមហ៊ុន វ៉ាយអិលភី គ្រុប, អ្នកឧកញ៉ា ហុង ពីវ អគ្គនាយក បុរី ពិភពថ្មី, អ្នកឧកញ៉ា លី ហួរ ប្រធានក្រុមប្រឹក្សាភិបាលក្រុមហ៊ុន លី ហួរ គ្រុប, ជំទាវឧកញ៉ា ម៉ៅ ម៉ាល័យ និង ​អ្នកឧកញ៉ា ហ៊ុន តូ ​ផង​ដែរ។

លើស​ពី​នេះ ក៏​មាន​ការ​អញ្ជើញ​ចូល​រួម​ពី​ឥស្សរជន​ជាន់ខ្ពស់​រាជរដ្ឋាភិបាល​មួយ​ចំនួន​ អ្នកជំនួញ​ធំៗ ​រួម​ទាំង​ភ្ញៀវ​កិត្តិយស ​អ្នកមុខ​អ្នកការ ជា​ច្រើន​រូប​ទៀត។

សូម​ទស្សនា​វីដេអូ​ខាង​ក្រោម៖

The post អ្នកឧកញ៉ា ឧកញ៉ា កំពូលៗច្រើនរូប ចូលរួមកម្មវិធីភ្ជាប់ពាក្យកូនឧកញ៉ា ម្ចាស់បុរី ប៉េង ហួត appeared first on .

រចនាសម្ព័ន្ធអង្គការចាត់តាំងនៃ សមាគមឧកញ៉ាកម្ពុជា មានសន្និបាត ឧត្តមក្រុមប្រឹក្សាជាន់ខ្ពស់ ក្រុមប្រឹក្សាភិបាល គណៈកម្មការជំនាញ និង អគ្គលេខាធិការដ្ឋាន។

សារព័ត៌មានឧកញ៉ាញូស៍​ (Oknha News) សូមលើកយកសមាសភាពសមាជិកក្រុមប្រឹក្សាភិបាលសមាគមឧកញ៉ាកម្ពុជាចំនួន ៧រូប ដែលមានកំណើតមកពីខេត្តកំពង់ចាម ស្ថិតនៅក្នុងចំណោមសមាជិកក្រុមប្រឹក្សាភិបាលចំនួន ៣២រូប រួមមាន៖

១/ អ្នកឧកញ៉ា លី ហួរ អនុប្រធានក្រុមប្រឹក្សាភិបាល

២/ ឧកញ៉ា ថៃ ជាហួត អនុប្រធាន

៣/ ឧកញ៉ា ផាត់ ប៊ុន សមាជិក

៤/ ឧកញ៉ា ប៊ុន ហៃ សមាជិក

៥/​ ឧកញ៉ា លី ហុង សមាជិក

៦/ ឧកញ៉ា ស៊ី ហ៊ូហ៊ុយ សមាជិក

៧/ ឧកញ៉ា ជា ទ្រី

The post ក្រុមប្រឹក្សាភិបាលសមាគមឧកញ៉ាកម្ពុជា ៧រូបមានដើមកំណើតមកពីខេត្តកំពង់ចាម appeared first on .

បើ​តាម​សាលារាជធានីភ្នំពេញ ​បាន​​​ឱ្យ​ដឹង​ថា ក្រុមហ៊ុន​បុរី​ដ៏​ធំ​ទាំង​ពីរ​នេះ​ បាន​សហការ​គ្នា​សាងសង់​ស្ពានចំនួនពីរ ធ្វើឡើងពីបេតុងអាមេ ដោយស្ពានទីមួយ មានប្រវែង ២០ម៉ែត្រ x ២៨,៥០ម៉ែត្រ ស្ថិតនៅភូមិទួលរកា សង្កាត់ចាក់អង្រែក្រោម និង​ស្ពាន​ទីពីរ មានប្រវែង ១៦០ម៉ែត្រ x ២៨,៥០ម៉ែត្រ ស្ថិតនៅលើមហាវិថីអ្នកឧកញ៉ាមហាភក្ដីសប្បុរសភោគាធិបតី ហ៊ុន នាង ភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

អ្នកឧកញ៉ា លាង ឃុន បានថ្លែងថា ចក្ខុវិស័យខាងមុខ ក្រុមហ៊ុន ជីប ម៉ុង និង ក្រុមហ៊ុន ប៉េង ហួត នឹងបន្តចូលរួមជាមួយរាជរដ្ឋាភិបាល ក្នុងការអភិវឌ្ឍវិស័យសាធារណៈ ហេដ្ឋារចនាសម្ព័ន្ធនានា ដើម្បីបំពេញតម្រូវការប្រជាពលរដ្ឋ ក៏ដូចជាចូលរួមចំណែកក្នុងការលើកកម្ពស់ដល់វិស័យសេដ្ឋកិច្ច និងសង្គមជាតិនាពេលអនាគត។ អ្នក​ឧកញ៉ា បានបន្ថែម​ថា ស្ពានទាំងពីរនេះ នឹងក្លាយជាសមិទ្ធផលដ៏ថ្លៃថ្លា ក្នុងការបម្រើជាប្រយោជន៍ដ៏សំខាន់សម្រាប់សាធារណជន ក៏ដូចជាជួយលើកកម្ពស់សោភណភាព បរិស្ថានល្អសម្រាប់ការរស់នៅ និងជាពិសេសរួមចំណែកពង្រឹងសេដ្ឋកិច្ចជាតិផងដែរ។

គួរ​រំឭកផងដែរ​ថា កាលពី​ថ្ងៃទី​០៨ ខែមេសា ឆ្នាំ២០១៩ កន្លង​ទៅ ក្រុមហ៊ុន ជីប ម៉ុង លែន ក៏​ជា​​​​ក្រុមហ៊ុន​មួយ​​​បាន​ជួយ​ជួស​ជុល​ផ្លូវ​ អ្នកឧកញ៉ា មហាភក្តីសប្បុរសភោគាធិបតី ហ៊ុន នាង ដោយ​សហការជាមួយអាជ្ញាធរ​ខណ្ឌមានជ័យ ​​ព្រម​ទាំង​បាន​​សម្ពោធ​ប្រើប្រាស់​ជា​ផ្លូវ​ការ។ យ៉ាងណាមិញ ​​ការ​សាងសង់​ស្ពាន​យុទ្ធសាស្ត្រ​ទាំង​ពីរ​ខាង​លើ​នេះ នឹង​ជួយ​ឱ្យ​ការ​ត​​ភ្ជាប់ទៅវិថីសំខាន់ៗ ដូចជា ផ្លូវ ២៧១ ផ្លូវ ៣៧១ និង មហាវិថីសម្តេចតេជោ ហ៊ុន សែន រឺ ផ្លូវ ៦០ ម៉ែត្រ ឆ្លងកាត់តាមគម្រោង ដឹ លែនម៉ាក ២៧១ និង​ឆ្លង​ទៅ​គម្រោង​ បុរី ប៉េងហួត ផង​ដែរ។ ជាពិសេស​ ស្ពាន​ទាំង​ពីរ​នេះ នឹង​ធ្វើ​​​ឱ្យ​​ហេដ្ឋារចនាសម្ព័ន្ធ ក្នុងភូមិ​សាស្ត្រ​រាជធានី​ភ្នំពេញ កាន់តែ​ធំ​លំ​ទូលាយ ងាយស្រួល​ធ្វើ​ដំណើរ និង​កាត់​បន្ថយ​ការ​កកស្ទះ​ចរាចរណ៍​បាន​កាន់តែ​ប្រសើរ​ឡើង​៕

The post អ្នកឧកញ៉ា លាង ឃុន និងឧកញ៉ា ថៃ ជាហួត អញ្ជើញបើកការដ្ឋានសាងសង់ស្ពានចំនួនពីរ នៅខណ្ឌមានជ័យ appeared first on .

ថវិកាចំនួន ៧០ម៉ឺនដុល្លារអាមេរិកនោះ អ្នកឧកញ៉ា គិត ម៉េង ឧបត្ថម្ភ ៥០ម៉ឺនដុល្លារ ចំណែកឯក្រុមហ៊ុន ប៉េងហួត របស់ឧកញ៉ា ថៃ ជាហួត ឧបត្ថម្ភ២០ម៉ឺនដុល្លារ។ ក្នុងនោះគណៈប្រតិភូក្រុមហ៊ុន ប៉េងហួត បានទៅប្រគល់ដោយផ្ទាល់ជូនដល់លោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយព្រឹទ្ធសភា-រដ្ឋសភា និងអធិការកិច្ច ជាប្រធានគណៈយុទ្ធជំនាន់បម្រើកងទ័ព ឆ្នាំ១៩៧៩ ស្ថិតនៅអគារវិមាន ៧មករា ទីស្នាក់ការកណ្តាលគណបក្សប្រជាជនកម្ពុជា កាលពីថ្ងៃ២៤ ខែមីនាម្សិលមិញ។

លិខិតថ្លែងអំណរគុណជូនចំពោះសប្បុរសជនដាច់ដោយឡែកពីគ្នា សម្តេចតេជោ ហ៊ុន សែន នាយករដ្ឋមន្ត្រី បានកោតសរសើរដោយស្មោះ និងវាយតំលៃខ្ពស់ចំពោះស្មារតីរួមចំណែកដែលបានគិតគូរចំពោះសុខទុក្ខរបស់បងប្អូនជាយុទ្ធជនក្នុងការលះបង់ តស៊ ដើម្បីពលីក្នុងបុព្វហេតុជាតិមាតុភូមិ៕

The post អ្នកឧកញ៉ា គិត ម៉េង និងឧកញ៉ា ថៃ ជាហួត ឧបត្ថម្ភ៧០ម៉ឺនដុល្លារជូនមូលនិធិតេជោ១២៥ appeared first on .

តាម​រយៈ​ការ​តុបតែង​យ៉ាង​ស្រស់​ស្អាត គួរ​ឱ្យ​ទាក់ទាញ​​​នេះ ក្រុមហ៊ុន ប៉េង ហ៊ួត គ្រុប ​ក៏​សូម​អញ្ជើញ​ដល់​​​​​អតិថិជន ​បុរី​ ប៉េងហ៊ួត ព្រម​ទាំង​សាធារណជន​ទាំង​អស់ អាច​​ទៅ​​ថតរូប​សកម្សាន្ត​ស្អាតៗ​នៅ​ទីតាំង ខ្លោងទ្វារ​គម្រោង ហ្គ្រេនស្តា ផ្លាទីនីម (បឹងស្នោ) និងនៅទីតាំងសួនបែប អឺរ៉ុប PH Euro Park ​​​ខណៈ​ដែល​ក្រុមហ៊ុន ​​នឹង​​​អុជ​កាំជ្រួច ដើម្បីអបអរឱកាសឆ្លងឆ្នាំសកល ខាងមុខនេះផងដែរ។

គួរ​បញ្ជាក់​ថា ក្រុមហ៊ុន ប៉េង ហួត ដែលគេស្គាល់ជាទូទៅជាក្រុមហ៊ុនអភិវឌ្ឍគម្រោងលំនៅឋានប្រណីត និង​បែបអេកូ បាន​កើតចេញពីឈ្មោះបងប្អូនពីរនាក់គឺ ឧកញ៉ា ហៀង ប៊ុនប៉េង និង ឧកញ៉ា ថៃ ជាហួត។ លោក​ឧកញ៉ា​ទាំង​ពីរ​រូប និង​បងប្អូនបង្កើតផ្សេងទៀត បានចូលរួមវិនិយោគជាមួយគ្នា និងដឹកនាំក្រុមហ៊ុន បុរី ប៉េង ហួត រហូតបានបង្កើតទៅជាក្រុមហ៊ុន ប៉េង ហួត គ្រុប នៅក្នុងឆ្នាំ២០១៦។

បច្ចុប្បន្នក្រុមហ៊ុន ប៉េងហួត គ្រុប មានឧកញ៉ា ថៃ ជាហួត ជាប្រធានក្រុមប្រឹក្សាភិបាល និងឧកញ៉ា ហៀង ប៊ុនប៉េង ជាអនុប្រធានក្រុមប្រឹក្សាភិបាល ព្រមទាំងមានអគ្គនាយក អគ្គនាយករងចំនួន ២រូប ជាមួយនឹងបុគ្គលិក រាប់ពាន់នាក់៕

The post បុរី ប៉េង ហួត របស់ឧកញ៉ា ថៃ ជាហួត តុបតែងខ្លោងទ្វារយ៉ាងស្រស់ស្អាត អបអរបុណ្យគ្រឹស្តម៉ាស appeared first on .

នៅឆ្នាំ១៩៩១ ទាំងពីរនាក់បងប្អូនបានចូលធ្វើការងារសំណង់ក្នុងតួនាទីជាអ្នកម៉ៅការសំណង់ មុនពេលដែលឈានជើងចូលប្រឡូកក្នុងអាជីវកម្មជាអ្នកអភិវឌ្ឍអចលនទ្រព្យ។

កាលពីក្នុងអំឡុងពេលបោះឆ្នោតនៅឆ្នាំ១៩៩៣ ដល់ ឆ្នាំ១៩៩៤ អាជីវកម្មក្រុមហ៊ុនបានជួបប្រទះបញ្ហាហិរញ្ញវត្ថុ ដោយសារតែការលក់បានធ្លាក់ចុះទាបកាលពីក្នុងអំឡុងពេលនោះ។ នៅក្នុងឆ្នាំ២០០៣ ស្ថានភាពទីផ្សារមានភាពល្អប្រសើរឡើងវិញ ហើយនៅឆ្នាំ២០០៥ បងប្អូនទាំងពីរបានចាប់ដៃគ្នាបង្កើតក្រុមហ៊ុន បុរី ប៉េង ហួត នេះឡើង ហើយបានឈានទៅបណ្តាក់ទុនវិនិយោគលើប្រភេទវីឡាប្រណីតៗជាដើម។

នៅពេលអាជីវកម្មបោះជំហាន ហើយរីកធំឡើងជាបន្តបន្ទាប់ ក៏មានបងប្អូនបង្កើតផ្សេងទៀតបានចូលរួមវិនិយោគជាមួយគ្នា និងដឹកនាំក្រុមហ៊ុន បុរី ប៉េង ហួត រហូតបានបង្កើតទៅជាក្រុមហ៊ុន ប៉េង ហួត គ្រុប នៅក្នុងឆ្នាំ២០១៦។

បច្ចុប្បន្នក្រុមហ៊ុន ប៉េងហួត គ្រុប មានឧកញ៉ា ថៃ ជាហួត ជាប្រធានក្រុមប្រឹក្សាភិបាល និងឧកញ៉ា ហៀង ប៊ុនប៉េង ជាអនុប្រធានក្រុមប្រឹក្សាភិបាល ព្រមទាំងមានអគ្គនាយក អគ្គនាយករងចំនួន ២រូប ជាមួយនឹងបុគ្គលិក រាប់ពាន់នាក់។

គិតមកទល់នឹងពេលនេះ ក្រុមហ៊ុន ប៉េង ហួត គ្រុប មានអាជីវកម្មធំៗចំនួន ៣ គឺក្រុមហ៊ុន បុរី ប៉េង ហួត (Property Development) ក្រុមហ៊ុន ភីអេច ខន់ស្រ្កាក់សិន (PH Construction) និងក្រុមហ៊ុន ភីអេច អ៊ីនវេសមិន (PH Investment) ដែលរួមមានក្រុមហ៊ុនជាបុត្រសម្ព័ន្ធដូចជា៖ ភីអេច អេកូ ម៉ល (PH Eco Mall) ភីអេច ដាយមិន ម៉ល (PH Diamond Mall) ភីអេច យូរ៉ូផាក (PH Euro Park) ភីអេច ហ្រ្គេនហល (PH Grand Hall) ក្រុមហ៊ុន ជួល (Leasing Property) និងក្រុមហ៊ុន គ្រប់គ្រងបុរី និងខុនដូ (Facility Management)៕

The post បុរី ប៉េងហួត ប្រើឈ្មោះពាណិជ្ជករ ២រូបច្របាច់បញ្ចូលគ្នាជាម៉ាក់យីហោ appeared first on .

ការចូលរួមបរិច្ចាគថវិការបស់អ្នកឧកញ៉ា និងលោកជំទាវ ធ្វើឡើងតាមការអំពាវនាវរបស់ សម្តេចព្រះមហាសង្ឃរាជ បួរ គ្រី ដើម្បីកសាងអគារសិក្សាថ្មី នៃពុទ្ធិកសាកលវិទ្យាល័យព្រះសីហមុនីរាជា សម្រាប់បណ្តុះបណ្តាលធនធានមនុស្សទាំងផ្នែកពុទ្ធចក្រ និងអាណាចក្រឱ្យកាន់ច្រើនឡើងក្នុងចូលរួមអភិវឌ្ឍជាតិ៕

The post ឧកញ៉ាថៅកែ បុរី ប៉េងហួត បរិច្ចាគទឹកប្រាក់ ១៥ម៉ឺនដុល្លារសាងសង់អគារសិក្សាថ្មីពុទ្ធិកសាកលវិទ្យាល័យព្រះសីហមុនីរាជា appeared first on .

ក្លឹបបាល់ទាត់បុរី ប៉េងហួត ដឹកនាំដោយផ្ទាល់ពីនាយឧត្តមសេនីយ៍ ម៉ៅ ហាវណ្ណាល់ រដ្ឋមន្ត្រី ទទួលបន្ទុករដ្ឋលេខាធិការដ្ឋានអាកាសចរស៊ីវិល ដដោយឈលេីគោលការណ៍កីឡានាំមកនូវ​សសុខភាព មិត្តភាព​​ វិន័យ​ និង ការទទួលខុសត្រូវ។

នៅឆ្នាំ២០២២នេះ ជាឆ្នាំទី៧ហើយ នាយឧត្តមសេនីយ៍ ម៉ៅ ហាវណ្ណាល់ ដែលបានចូលរួមប្រកួតមិត្តភាជាច្រើនប្រកួត។ ប្រភពច្បាស់ការ បានបង្ហើបប្រាប់ឧកញ៉ាញូស៍ថា ក្លឹបបាល់ទាត់បុរី ប៉េងហួត ក្រោមការដឹកនាំដោយលោក ម៉ៅ ហាវណ្ណាល់ ក្រៅពីរៀបចំការប្រកួតហើយនោះ ក៏តែងតែរៀបចំចាត់ថវិកា និងសម្ភារៈជូនដល់អតីតកីឡារករចាស់ៗ ចាប់តាំងពីសម័យសង្គមរាស្រ្តនិយម រហូតមកដល់សម័យរដ្ឋកម្ពុជា រួមទាំងកីឡាករចាស់ៗបច្ចុប្បន្នផងដែរ។

សូមជម្រាបថា ក្លឹបបាល់ទាត់បុរី ប៉េងហួត នៅថ្ងៃសៅរ៍ ទី៣ កញ្ញានេះ បានរៀបចំការប្រកួត ដណ្តើមពានរង្វាន់ និងបើករដូវកាលថ្មី រវាងក្រុម «ឯកសណ្ឋានពណ៌ លឿងទុំ» និង «ឯកសណ្ឋានពណ៌ ស្វាយ» ដែលមានការចូលរួមពីមន្ត្រីជាន់ខ្ពស់រាជរដ្ឋាភិបាល ឧកញ៉ា និងកីឡាករជាច្រើនរូបទៀត មានជាអាថ៌៖ លោក ម៉ៅ ហាវណ្ណាល់ រដ្ឋមន្ត្រី រដ្ឋលេខាធិការដ្ឋានអាកាសចរស៊ីវិល លោក កែប ជុតិមា អតីតអភិបាលក្រុងភ្នំពេញ លោក សាយ សំអាល់ រដ្ឋមន្ត្រីក្រសួងបរិស្ថាន លោក ហ៊ុន ម៉ានី សមាជិករដ្ឋសភា ព្រមទាំងអ្នកឧកញ៉ា លាង ឃុន សហស្ថាបនិក ក្រុមហ៊ុន ជីបម៉ុង គ្រុប ឧកញ៉ា ថៃ ជាហួត និងកីឡាករជាច្រើនរូបទៀត៕

The post តើនរណាជាប្រធានក្លឹបបាល់ទាត់បុរី ប៉េង ហួត? appeared first on .