ការឧបត្ថម្ភថវិការបស់លោកជំទាវ អ្នកឧកញ៉ា ដើម្បីទ្រទ្រង់ដល់សកម្មភាពចម្បងៗរបស់កាកបាទក្រហមនៅខេត្តព្រះសីហនុ ជាពិសេសក្នុងបេសកម្មនាំយកអំណោយសង្គ្រោះសម្តេចកិត្តិព្រឹទ្ធបណ្ឌិតចែកជូនប្រជាពលរដ្ឋរងគ្រោះដោយខ្យល់កន្ត្រាក់ចំនួន ១.១៦៥គ្រួសារ នៅស្រុកព្រៃនប់ ។

ក្នុងនោះ អ្នកឧកញ៉ា គៀន ស្រីនាង ឧត្តមភរិយាអ្នកឧកញ៉ា ទ្រី ភាព បានចូលរួមឧបត្តម្ភថវិកាចំនួន២៥០០០ដុល្លារ។ លោកជំទាវ ហេង គីមជី ឧត្តមភរិយា ឧកញ៉ា ទៀ វិចិត្រ ឧបត្តម្ភថវិកាចំនួន ៥០លានរៀល។ លោកជំទាវ យឹម ឆៃលីន ឧត្តមភរិយា លោក ហ៊ុន ម៉ានី ឧបត្តម្ភថវិកាចំនួន ៥ម៉ឺនដុល្លារ រួមទាំងមានឧបត្ថម្ភថវិកាពីសប្បុរសជនជាច្រើនរូបទៀត។

សូមជម្រាបជូនថា បេសកម្មនាំយកអំណោយសង្គ្រោះសម្តេចកិត្តិព្រឹទ្ធបណ្ឌិតចែកជូនប្រជាពលរដ្ឋរងគ្រោះដោយខ្យល់កន្ត្រាក់ចំនួន ១.១៦៥គ្រួសារ បានធ្វើឡើងជាបន្តបន្ទាប់ដល់បងប្អូនប្រជាពលរដ្ឋដែលរងគ្រោះ។  

បើតាមការឱ្យដឹងពីលោក គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ កន្លងមកបានចុះចែកជូនអំណោយដល់ប្រជាពលរដ្ឋនៅឃុំសាមគ្គីចំនួន ៤៦៧ គ្រួសារម្តងរួមមកហើយកាលពីថ្ងៃទី២៤។ នៅថ្ងៃទី២៦ ខែធ្នូ បានបន្តនាំយកអំណោយចែកជូនពលរដ្ឋចំនួន ១.១៦៥គ្រួសារទៀត ដោយក្នុងមួយគ្រួសារទទួលបាន អង្ករ ២៥គីឡូក្រាម មី១កេស ទឹកត្រី១យួរ ត្រីខ១យួរ  ឃីតមួយកញ្ចប់ (មុង១ ភួយ១ សារុង១ ក្រមា១) និងថវិកា ៥ម៉ឺនរៀល ។

លោកក៏បានអំពាវនាវដល់ប្រជាពលរដ្ឋទាំងអស់ក្ដាប់ឱ្យបាននូវបញ្ហាប្រឈម ត្រូវ សង់លំនៅដ្ឋានឲ្យបានរឹងមាំ មិនមានហានិភ័យពីគ្រោះថ្នាក់ដោយខ្យល់កន្រ្តាក់ និងណែនាំដល់មន្ត្រីពាក់ព័ន្ធបន្តវប្បធម៌ជួយប្រជាពលរដ្ឋ និងចូលរួមជាមួយកាកបាទក្រហម បន្តត្រួតពិនិត្យមើលចាស់ជរា កុមារ ឲ្យមានសុវត្ថិភាព និងបងប្អូន អាជ្ញាធរ កងកម្លាំងត្រូវត្រៀមបង្កាជួយសង្គ្រោះប្រជាពលរដ្ឋ ពិសេសចាស់ជរា និងកុមារឲ្យមានកន្លែងសុវត្ថិភាព ៕

អត្ថបទ៖ សុកធា

The post ភរិយាអ្នកឧកញ៉ា ឧកញ៉ា ថ្នាក់ដឹកនាំជាច្រើនរូបឧបត្ថម្ភថវិកាដល់កាកបាទក្រហមកម្ពុជា ខេត្តព្រះសីហនុ appeared first on .

លើបណ្តាញសង្គមប៊ុក ឧកញ៉ា ទៀ វិចិត្រ បានសរសេររៀបរាបបង្ហាញថា «ខួបកំណើតកូនស្រី ទៀ ជេន្នី យប់មិញសប្បាយផុតលេខ»។

ក្នុងកម្មវិធី Birthday day កូនស្រីឧកញ៉ាថៅកែ អូប័រល្បឿនលឿនប្រចាំខេត្តព្រះសីហនុរូបនេះ ក៏ឃើញមានវត្តមានមន្រ្តីជាន់ខ្ពស់គ្រាក់ៗ ឧកញ៉ាៗ មន្រ្តីខេត្តព្រះសីហនុ ដូចជា៖ នាយ​ឧត្ដ​មនាវី ​ទៀ ​វិញ​ អគ្គ​មេ​បញ្ជាការ​រង​ នៃ​កង​យោធ​ពល​ខេមរ​ភូមិន្ទ ​មេ​បញ្ជាការ​កង​ទ័ព​ជើង​ទឹក​ និង​ជា​អគ្គ​លេខា​ធិកា​រ នៃ​គណៈ​កម្មាធិការ​ជាតិ​សន្តិសុខ​លម្ហ​សមុទ្រ ត្រូវជាជីតា កញ្ញា ទៀ ជេន្នី លោក ទៀ សីហា អភិបាលខេត្តសៀមរាប ​ឧត្តម​សេនីយ៍ទោ ជួន​ ណា​រិន្ទ​ ស្នងការនគរបាលខេត្តព្រះសីហនុ ឧកញ៉ា តាន់ តាត់ ប្រធានសភាពាណិជ្ជកម្មខេត្តព្រះសីហនុ ឧកញ៉ា ម៉ុង ចាន់ថុល កូនប្រុសអ្នកឧកញ៉ា ម៉ុង​ឬទ្ធី ព្រមទាំងភ្ញៀវកិត្តិយសជាច្រើនរូបទៀតផង។

ឧកញ៉ា ទៀ វិចិត្រ ជាអ្នករកស៊ីនៅទិសនារតីដ៏ល្បីល្បាញច្រើនឆ្នាំមកហើយ ជាកូនបង្កើតលោក ទៀ វិញ មេបញ្ជាការ​កងទ័ពជើងទឹក ជាក្មួយសម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ។

The post ឧកញ៉ា ទៀ វិចិត្រ ថា ខួបកំណើតកូនស្រីយប់មិញសប្បាយផុតលេខ appeared first on .

បើតាមក្រុមប្រឹក្សាភិវឌ្ឍន៍កម្ពុជា ពេលថ្មីៗនេះ ចេញវិញ្ញាបនបត្រចុះបញ្ជីគម្រោងវិនិយោគ «កោះមួយ» ដែលមានទីតាំងស្ថិតនៅសង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ មានចំណាយប្រមាណ ៥០ គីឡូម៉ែត្រពីក្រុងព្រះសីហនុ និងចម្ងាយប្រមាណ ៤៧ គីឡូម៉ែត្រពីកោះពួឡូវៃ។ គម្រោងតម្លៃប្រមាណ ៧.៧លានដុល្លារអាមេរិកនេះ ត្រូវបានគេស្គាល់ថា ជាគម្រោងថ្មីមួយបន្ថែមទៀតរបស់ពាណិជ្ជករកំពុងរះនៅទិសនារតី ឧកញ៉ា ទៀ វិចិត្រ ដែលជាអ្នករកស៊ីដ៏មានឥទ្ធិពលចាក់គ្រឹះយ៉ាងរឹងមាំក្នុងខេត្តព្រះសីហនុ។

ឧកញ៉ា ទៀ វិចិត្រ ជាអ្នករកស៊ីនៅទិសនារតីដ៏ល្បីល្បាញច្រើនឆ្នាំមកហើយលើវិស័យ ទេសចរណ៍ បដិណ្ឋារកិច្ច ភេសជ្ជៈ ប្រេងឥន្ទនៈ និងអចលនទ្រព្យ ស្ថិតនៅក្នុងខេត្តព្រះសីហនុ។ ​លោកជាកូនបង្កើតលោក ទៀ វិញ មេបញ្ជាការ​កងទ័ពជើងទឹក និង​បងប្រុស​ឈ្មោះ ទៀ សុខា មេបញ្ជាការរង​យោធា​ជើង​ទឹក ជាក្មួយសម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ។

ឧកញ៉ា ទៀ វិចិត្រ ជាអគ្គនាយកក្រុមហ៊ុនទូកល្បឿនលឿន GTVC Speedboat Cambodia ដែលមុខរបរនេះមានភាពល្បីល្បាញ និងរបរដែលបានធ្វើឲ្យមហាជនស្គាល់លោកតាមរយៈការបញ្ជូនអូប័រពេទ្យល្បឿនលឿន និងក្រុមការងារសង្គ្រោះ អ្នករងគ្រោះផ្សេងៗនៅតាមកោះ ភ្ញៀវទេសចរ និងអ្នកនេសាទជាដើម។

ខាងក្រោមនេះត្រួសៗពីតួនាទីការងារមួយចំនួនរបស់ឧកញ៉ា ទៀ វិចិត្រ៖

• ប្រធានសមាគមភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ
• អនុប្រធានកិត្តិយស​ សាខាកាកបាទក្រហមកម្ពុជា ខេត្តព្រះសីហនុ
• ប្រធានសាខា គណបក្សប្រជាជនកម្ពុជា ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ ចំណុះគណៈកម្មាធិការគណបក្សប្រជាជនកម្ពុជាខេត្ដ
• សមាជិក​យុវជន​គណបក្ស​ប្រជាជន​កម្ពុជា ខេត្ត​ព្រះសីហនុ
• ប្រធាន​ក្រុមមនុស្ស​ធ​ម៌​អូរ​បី (O3) 

The post រដ្ឋយល់ព្រមឲ្យឧកញ៉ាម្នាក់ដ៏មានឥទ្ធិពលធ្វើការវិនិយោគអភិវឌ្ឍន៍ «កោះមួយ» នៅក្រុងកោះរ៉ុង appeared first on .

ខេត្តព្រះសីហនុ ទទួលបានចាប់អារម្មណ៍យ៉ាងខ្លាំងពីក្រុមវិនិយោគិនចិនកាលអំឡុងពេលមុនវិបត្តិកូវីដ១៩ យ៉ាងណាក្រោយជួបវិបត្តិសកលនេះខេត្តមួយនេះ ហាក់មានសភាពស្ងប់ស្ងាត់វិញដោយសារជនជាតិចិនទាំងនោះបានវិលត្រឡប់ទៅស្រុកកំណើត រហូតបណ្តាឲ្យអាគាររាប់ពាន់អគារត្រូវបានជាប់គាំង។ គិតមកដល់ពេលបច្ចុប្បន្នរាជរដ្ឋាភិបាល និងសាម៉ីខេត្តផ្ទាល់ក៏បានព្យាយាមសម្របសម្រួលនីតិវិធីដើម្បីទាក់ទាញវិនិយោគិនចិនត្រឡប់មកវិញធ្វើការអភិវឌ្ឍនបន្ត។

យ៉ាងណា ខេត្តដែលកំពុងសម្រួចចក្ខុវិស័យក្នុងការប្រែក្លាយឱ្យទៅជាតំបន់សេដ្ឋកិច្ចពិសេសគំរូពហុបំណង ដើម្បីឈានឱ្យក្លាយជាក្បាលម៉ាស៊ីនថ្មីមួយ សម្រាប់ជំរុញកំណើនសេដ្ឋកិច្ចជាតិមួយនេះ ក៏មានការវិនិយោគិនក្នុងស្រុកជាច្រើនរូបផងដែរ លើវិស័យអចលនទ្រព្យ តំបន់សេដ្ឋកិច្ចពិសេស ទេសចរណ៍ បដិសណ្ឋារកិច្ច គមនាគមន៍ ជាដើម។

ខាងក្រោមនេះ សូមបង្ហាញឧកញ៉ា អ្នកឧកញ៉ាដែលកំពុងមានលេចធ្លោរលើមុខជំនួញក្នុងខេត្តព្រះសីហនុ ដូចទៅ៖

១/ ឧកញ៉ា សួរ វីរៈ អគ្គនាយកក្រុមហ៊ុន វិរៈប៊ុនថាំ អេចប្រេស និងមានបុត្រសម្ព័ន្ធជាច្រើនក្នុងវិស័យបដិសណ្ឋារកិច្ច ទេសចរណ៍។ មុខជំនួញក្នុងខេត្តព្រះសីហនុ លោកឧកញ៉ាមានតំបន់កម្សាន្ត (រីសត់) ជាច្រើនកន្លែង ហើយក៏មានរថយន្តទំនើប និងទូកល្បឿនលឿនដឹកញ្ជូនភ្ញៀវទេសចរណ៍ផងដែរ។

២/ ឧកញ៉ា ទៀ វិចិត្រ អគ្គនាយកក្រុមហ៊ុនទូកល្បឿនលឿន GTVC Speedboat Cambodia និងមានមុខជំនួញក្នុងវិស័យ ទេសចរណ៍ បដិណ្ឋារកិច្ច ភេសជ្ជៈ ប្រេងឥន្ទនៈ និងអចលនទ្រព្យ ស្ថិតនៅក្នុងខេត្តព្រះសីហនុ។

៣/ ឧកញ៉ា រតនៈ សម្បត្តិ ប្រធានក្រុមហ៊ុន Kong Pong Devaresort, The Rich Resort, ក្រុមហ៊ុន ក្រោន អីស្ទេត ខូអិលធីឌី  និងភោជនីយដ្ឋានម្លប់ជ្រៃប៉ោកី ខេត្តព្រះសីហនុ។

៤/ អ្នកឧកញ៉ា ម៉ុង ឫទ្ធី អគ្គនាយក​ក្រុមហ៊ុន​ ម៉ុងឫទ្ធីគ្រុប ដែលជាក្រុមហ៊ុន​កសិ-ឧស្សាហកម្ម​ធំ​បំផុត​​​នៅ​ក្នុងប្រទេសកម្ពុជា។ លោកកំពុងឈរជើងយ៉ាងរឹងមាំវិនិយោគក្នុងទឹកដីខេត្តព្រះសីហនុ។

៥/ អ្នកឧកញ៉ា សុខ គង់ អគ្គនាយកក្រុមហ៊ុន សូគីម៉ិច គ្រុប និងជាម្ចាស់សណ្ឋាគារ ឆ្នេរសុខា ។

៦/ អ្នកឧកញ៉ា ទ្រី ភាព អគ្គនាយកក្រុមហ៊ុន ទ្រីភាព គ្រុប នៅខេត្តព្រះសីហនុ លោកវិនិយោគតំបន់កម្សាន្ត Try Palace Resort Sihanoukville ។

៧/ អ្នកឧកញ៉ា កុក អាន អគ្គនាយកក្រុមហ៊ុន អានកូ គ្រុប ហើយសម្រាប់មុខជំនួញនៅខេត្តព្រះសីហនុ មានឈ្មោះថា ក្រុមហ៊ុន អានកូ វ៉ធើរ សឹបផ្លាយ (Anco Water Supply Co.,Ltd.) បាននិងកំពុងវិនិយោគស្ថានីយ៍ទឹកស្អាតនៅខេត្តព្រះសីហនុ។

៨/ អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប នៅខេត្តព្រះសីហនុ លោកបានវិនិយោគលើព្រលានយន្តហោះអន្តរជាតិ កាស៊ីណូ សណ្ឋាគារ តំបន់កម្សាន្ត និងរោងចក្រផលិតថាមពលដើរដោយពន្លឺព្រះអាទិត្យនៅលើកោះរ៉ុង។

៩/ អ្នកឧកញ៉ា ហេង សិទ្ធី អគ្គនាយកក្រុមហ៊ុន ម៉ារីថាម គ្រុប និងជាម្ចាស់រមណីយដ្ឋាន Sea Sense Resort ថ្មីលំដាប់ផ្កាយ៥ នៅលើកោះច្រមោច ខេត្តព្រះសីហនុ។

១០/ អ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុនព្រីនស៍ គ្រុប ដែលមានបុត្រសម្ព័ន្ធជាច្រើនក្នុងដៃ ហើយនៅខេត្តព្រះសីហនុលោកបានវិនិយោគលើវិស័យអចលនទ្រព្យ សំណង់ និងបដិសណ្ឋារកិច្ច មានឈ្មោះថា សណ្ឋាគារព្រីនស៍ ថាម ហូថេល និង Prince Theme Resort។ ថ្មីៗនេះ ក្រុមហ៊ុនអ្នកឧកញ៉ា ចេន ហ្ស៊ី ក៏បានចាប់ដៃគ្នាជាមួយក្រុមហ៊ុន CANOPY SANDS DEVELOPMENT Co.,LTD រួមគ្នាបញ្ចុះបឋមសិលាបើកការដ្ឋានសាងសង់គម្រោង BAY OF LIGHTS GROUND BREAKING CEREMONY ស្ថិតនៅឆ្នេររាម នៅថ្ងៃទី២០ ខែធ្នូ ឆ្នាំ២០២២៕

The post អ្នកឧកញ៉ា ឧកញ៉ាលេចធ្លោ ១០រូបកំពុងរកស៊ីនៅខេត្តព្រះសីហនុ appeared first on .

លោកឧកញ៉ា ដែល​ជា​ក្មួយ​បង្កើត​របស់​សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារ​ជាតិ ​​បាន​​បង្ហោះសារ​មួយ​ឃ្លា​ កាលពី​ថ្ងៃ​ព្រហស្បតិ៍​ម្សិល​មិញ យ៉ាង​ដូច្នេះ​ថា៖ “ឥឡូវខ្លួនឯង ដូចជាខ្សោយ​ជាង​មុន គ្រាន់តែដាច់លុយសោះ មានអារម្មណ៍ថា តឹងទ្រូង វិលមុខ បេះដូងបុកភឹបៗ”។

ការ​លើក​ឡើង​​​​របស់​លោក​ឧកញ៉ា ​ទៀ វិចិត្រ​ ខាង​លើ​នេះ ​បាន​ធ្វើ​ឱ្យ​មាន​ការ​បញ្ចេញ​មតិ​តប​ត​ជា​ច្រើន។ យ៉ាងណាមិញ ​​ឧកញ៉ា ម៉ុង ចាន់ថុល អគ្គនាយករង​ក្រុមហ៊ុន ម៉ុង ឫទ្ធី​ គ្រុប ដែល​ជា​កូន​ប្រុស​របស់​អ្នក​ឧកញ៉ា ម៉ុង ឫទ្ធី ​​​បាន​បញ្ចេញ​មតិ​ឆ្លើយ​តប​ភ្លាមៗ​​ថា «កំសត់ណាស់» ខណៈ​ដែល​លោក​ឧកញ៉ា សំ សុខនឿន ប្រធាន​សមាគមអចលនទ្រព្យសកល និងជាអគ្គនាយកក្រុមហ៊ុន SAM SN REALTY ក៏បាន​បញ្ចេញ​​រូប​​សញ្ញា​សើច​ផងដែរ។ រីឯ​ម្ចាស់​គណនី​ហ្វេសប៊ុក​មួយ​ទៀត ​​បាន​បញ្ចេញ​ទស្សនៈ​​​ផងដែរ​ថា ​ដល់​ថ្នាក់​លោក​បង​ឧកញ៉ា ដាច់​លុយ ចុះ​ទម្រាំ​រូប​​​លោក​ជា​រាស្ត្រ​សាមញ្ញវិញ ប្រហែល​ជា​ដាច់​ខ្យល់​ដក​ដង្ហើម​​បាត់​ហើយ។

សូម​ជម្រាប​ថា លោកឧកញ៉ា ទៀ វិចិត្រ ជា​កូនបង្កើតលោក ទៀ វិញ មេបញ្ជាការ​កងទ័ពជើងទឹក និង​បងប្រុស​ឈ្មោះ ទៀ សុខា មេបញ្ជាការរង​យោធា​ជើង​ទឹក។ ឧកញ៉ា ទៀ វិចិត្រ ជាអ្នករកស៊ីនៅទិសនារតី​ដ៏ល្បីល្បាញ​ច្រើនឆ្នាំមកហើយលើវិស័យ ទេសចរណ៍ បដិណ្ឋារកិច្ច ភេសជ្ជៈ ប្រេងឥន្ទនៈ និងអចលនទ្រព្យ ស្ថិតនៅក្នុង​ខេត្តព្រះសីហនុ៕

The post ឧកញ៉ា ទៀ វិចិត្រ៖ គ្រាន់តែដាច់លុយសោះ មានអារម្មណ៍ថា តឹងទ្រូងវិលមុខ appeared first on .

លោក គួច ចំរើន ប្រធាន​គណៈកម្មាធិការ​សាខា​កាក​បាទ​ក្រហម​កម្ពុជា​ខេត្ត​ព្រះសីហនុ និង​ជា​អភិបាល​ខេត្ត​ព្រះសីហនុ ​​បាន​ចេញ​ប័ណ្ណ​ថ្លែង​អំណរ​គុណ​​​មួយ​ ជូន​លោក​ឧកញ៉ា ទៀ វិចិត្រ ​​នៅ​​​ល្ងាច​ថ្ងៃ​ចន្ទ​នេះ ដោយ​ភ្ជាប់​ជាមួយ​នឹង​សារ​​លើ​បណ្តាញ​សង្គម​របស់​លោក​យ៉ាង​ដូច្នេះ​ថា៖ “សូម​អរគុណ​ លោក​ឧកញ៉ា ទៀ វិចិត្រ និង​លោក​ជំទាវ ដែល​បាន​ចូល​រួម​ថវិកា​ចំនួន ១០ ០០០​ដុល្លារ សម្រាប់​ចែក​ជូន​គ្រួសារ​ជន​រង​គ្រោះ។ ជួយ​គ្នា​ក្នុង​គ្រា​អាសន្ន”។

​សាខា​កាក​បាទ​ក្រហម​កម្ពុជា ​ខេត្ត​ព្រះសីហនុ ​​នឹង​ប្រើប្រាស់ អំណោយ​មនុស្ស​ធម៌​នេះ ដើម្បី​បម្រើ​សកម្មភាព​មនុស្ស​ធម៌ ជួយ​ដល់​ប្រជាពលរដ្ឋ រង​គ្រោះ​ដោយ​ខ្យល់​កន្ត្រាក់ នៅ​ស្រុក​ព្រៃនប់ កាល​ពី​ថ្ងៃទី​១៨ ខែ​ធ្នូ ឆ្នាំ២០២២។

សូម​ជម្រាប​ថា បើតាម​ការ​បញ្ជាក់​​ពី​លោក គួច​ ចំរើន អភិបាល​ខេត្ត​ព្រះសីហនុ ​​​គិត​ត្រឹម​ព្រឹក​ថ្ងៃ​ចន្ទ​នេះ ខ្នង​ផ្ទះ​ដែល​បាន​រង​គ្រោះ​ដោយ​ខ្យល់​កន្ត្រាក់​ កាល​ពី​ថ្ងៃ​អាទិត្យ​ម្សិល​មិញ ​​បាន​កើន​ដល់​ ២០៤៩​ ខ្នង​ផ្ទះ​ហើយ ក្នុង​នោះ​ផ្ទះ​ដែល​រលំ​ទាំង​ស្រុង កើន​ដល់ ២៩​ខ្នង៕

The post ឧកញ៉ា ទៀ វិចិត្រ បរិច្ចាគថវិកា ១ម៉ឺនដុល្លារ ជួយពលរដ្ឋរងគ្រោះដោយខ្យល់កន្ត្រាក់ នៅស្រុកព្រៃនប់ appeared first on .

ឧកញ៉ា ទៀ វិចិត្រ ជាអគ្គនាយកក្រុមហ៊ុនទូកល្បឿនលឿន GTVC Speedboat Cambodia ដែលមុខរបរនេះមានភាពល្បីល្បាញ និងរបរដែលបានធ្វើឲ្យមហាជនស្គាល់លោកតាមរយៈការបញ្ជូនអូប័រពេទ្យល្បឿនលឿន និងក្រុមការងារសង្គ្រោះ អ្នករងគ្រោះផ្សេងៗនៅតាមកោះ ភ្ញៀវទេសចរ និងអ្នកនេសាទជាដើម។

ខាងក្រោមនេះត្រួសៗពីតួនាទីការងារមួយចំនួនរបស់ឧកញ៉ា ទៀ វិចិត្រ៖

• ប្រធានសមាគមភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ
• អនុប្រធានកិត្តិយស​ សាខាកាកបាទក្រហមកម្ពុជា ខេត្តព្រះសីហនុ
• ប្រធានសាខា គណបក្សប្រជាជនកម្ពុជា ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ ចំណុះគណៈកម្មាធិការគណបក្សប្រជាជនកម្ពុជាខេត្ដ
• សមាជិក​យុវជន​គណបក្ស​ប្រជាជន​កម្ពុជា ខេត្ត​ព្រះសីហនុ
• ប្រធាន​ក្រុមមនុស្ស​ធ​ម៌​អូរ​បី (O3) 

The post ក្រៅពីជាអ្នករកស៊ី ឧកញ៉ា ទៀ វិចិត្រ កំពុងកាន់តួនាទីអ្វីខ្លះ? appeared first on .

លោកឧកញ៉ា ទៀ វិចិត្រ បាន​មានប្រសាសន៍ថា ស្រ្តីខាងលើមានឈ្មោះ យេត ស្រីនាថ អាយុ១៩ឆ្នាំ សម្រាល​កូនដោយខ្លួនឯង នៅវេលាម៉ោង ៦:០០នាទីព្រឹក នៅភូមិកោះរ៉ុងសន្លឹម សង្កាត់កោះរ៉ុងសន្លឹម ក្រុងកោះរ៉ុង ប៉ុន្តែ​​​ត្រូវ​​​បានបញ្ជូន​​ទៅ​ដល់មន្ទីរពេទ្យខេត្ដ​ព្រះសីហនុ​​ដោយ​សុវត្ថិភាព​ហើយ។ លោកឧកញ៉ា ក៏​សូម​​ជូនពរ​ឱ្យ​​ក្មេង​តូច​​​ដែលទើបនឹ​ងកើត ឱ្យ​​មានសុខភាព​ល្អ​ផង​ដែរ។

សូមជម្រាបជូនថា ឧកញ៉ា ទៀ វិចិត្រ ដែល​មាន​តួនាទី​ជា​ប្រធានសាខាគណបក្សភ្នាក់ងារ​ដឹកជញ្ជូនទេសចរ​ណ៍​ជលយានខេត្តព្រះសីហនុ ​​​​តែងតែ​​បញ្ចេញ​​អូប័រ​ល្បឿន​លឿន​ ទៅ​ជួយ​ជន​រង​គ្រោះ​នៅ​លើ​កោះ​​នានា នៃ​ខេត្ត​ព្រះសីហនុ ជា​ញឹកញាប់។ យ៉ាងណាមិញ ​​កាល​ពី​​ថ្ងៃទី​១៥ ខែ​កញ្ញា ឆ្នាំ២០២២ លោក​ក៏​បាន​បញ្ជូន​អូប័រ​ពេទ្យ ចេញទៅទទួលយកបុរសម្នាក់​​ជា​កម្មករ​សំណង់​ ដែល​បានជួបគ្រោះថ្នាក់ ថ្មបាក់សង្កត់ជើង បណ្តាលឱ្យ​បាក់ជើង​ខាងស្តាំ នៅកោះរ៉ុង រួច​បញ្ជូនយក​មកខេត្តព្រះសីហនុ ដើម្បីសង្គ្រោះជាបន្ទាន់៕

The post ឧកញ៉ា ទៀ វិចិត្រ បញ្ជូនអូប័រល្បឿនលឿន ទៅសង្គ្រោះស្ត្រីមួយរូប ដែលសម្រាលកូនក្នុងខ្ទមលើកោះរ៉ុងសន្លឹម appeared first on .

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាអគ្គនាយកក្រុមហ៊ុន រ៉ូយ៉ាល់ គ្រុប បានឆ្លៀតពេល​វេលា​ដ៏​មាន​តម្លៃ នាំ​កូន​ប្រុស​​​​របស់​ខ្លួន​ ទៅ​សួរ​សុខទុក្ខ​អ្នកឧកញ៉ា ម៉ុង ឫទ្ធី ដល់​សណ្ឋាគារ​តែ​ម្តង ​​កាល​ពី​ថ្ងៃ​សៅរ៍​ ទី​១៣ ខែ​សីហា ឆ្នាំ​២០២២។ អ្នកឧកញ៉ា ម៉ុង ឫទ្ធី ក៏បាន​បង្ហោះសារ​អរគុណ​ផង​ដែរ​ថា៖ “បងសូម​អរគុណ​ច្រើន​ខ្លាំង​ណាស់​ ដែល​ប្អូន​បាន​នាំកូនប្រុស​ និង​​ឆ្លៀត​ពេល​ដ៏មានតម្លៃ​ មកសាកសួរ​សុខទុក្ខ​បង ដល់​សណ្ឋាគារ​ Carlton Hotel Singapore”។

ចំណែកឯ​ឧកញ៉ា ទៀ វិចិត្រ អគ្គនាយក​ក្រុមហ៊ុន​ទូកល្បឿនលឿន GTVC Speedboat Cambodia ​​​​ក៏​បាន​នាំ​ភរិយា ទៅ​សួរសុខទុក្ខ​​​អ្នកឧកញ៉ា ម៉ុង ឫទ្ធី ដោយ​ផ្ទាល់ ព្រម​ទាំង​បាន​​ជូន​​កាដូបន្តិចបន្តួច​​ផងដែរ។ ឧកញ៉ា ទៀ វិចិត្រ បាន​បង្ហោះសារ​​លើ​ហ្វេសប៊ុក​ថា៖ “មកដល់ម៉ោងនេះ ក្រោយពីធ្វើការវះកាត់ លោកពូ​ពិត​ជាមានសុខភាពល្អ​ធម្មតាដូចដើម​វិញហើយ គោរពស្រលាញ់​លោកពូ​ពេញបេះដូង”។

តាមការបញ្ជាក់​របស់​លោកជំទាវ ម៉ុង សុធា ដែល​ជា​កូនស្រី​របស់ អ្នកឧកញ៉ា ម៉ុង ឫទ្ធី ​កាល​ពី​ថ្ងៃ​ចន្ទ ទី​១៥ ខែសីហា ឆ្នាំ២០២២ ម្សិល​មិញ បាន​ឱ្យ​ដឹង​ថា បន្ទាប់ពី​ចេញពី​សម្រាកនៅបន្ទប់ ICU មួយយប់មក​ សុខភាព​​ឪពុក​របស់​លោកស្រី​ប្រសើរខ្លាំងណាស់ ហើយ​លោកស្រី​ក៏​សូម​អរគុណបងប្អូននៅក្នុង​ហ្វេសប៊ុក​ទាំងអស់ ដែលបានជូនពរ​ឪពុក​របស់​លោកស្រី។

គួរបញ្ជាក់​ថា កាលពីថ្ងៃទី៣០ ខែកក្កដា ឆ្នាំ២០២២ ក្រុមគ្រួសារ​មហាសេដ្ឋី​ ម៉ុង ឫទ្ធី​មានការប្រជុំ​ជា​លក្ខណៈ​គ្រួសារមួយស្ដីពីប្រទានកម្ម (ការធ្វើអំណោយ) របស់ឪពុកម្ដាយជូនកូនៗ ក្រោយពេលដែលឪពុក​ម្ដាយ​បានទទួលមរណភាព ដោយមានការចូលរួមពីអ្នក​ឧកញ៉ា ម៉ុង ឫទ្ធី ភរិយា​ និងកូនៗ ព្រមទាំង​មាន​មេធាវី​ចូលរួម​ដឹងឮ​ផងដែរ​ ក្រែង​មានបញ្ហាអ្វីមួយកេីតឡេីងដោយចៃដន្យនោះ លោកឧកញ៉ា ត្រូវតែរៀបចំ​គិតគូរ​ចាត់ចែងត្រួសត្រាយ​ផ្លូវសម្រាប់អោយ កូនៗដេីរ​ឱ្យហើយ​ គឺតាមរយៈប្រទានកម្មនូវទ្រព្យសម្បត្តិ​របស់​ខ្លួន​ និងប្រពន្ធដែលមាន​ ដើម្បីបញ្ចៀសកុំឱ្យមានជម្លោះក្នុងគ្រួសារ​ ទៅថ្ងៃ​ក្រោយ៕

The post ឧកញ៉ា ២រូប បានទៅសួរសុខទុក្ខអ្នកឧកញ៉ា ម៉ុង ឫទ្ធី ដោយផ្ទាល់ដល់ប្រទេសសិង្ហបុរី appeared first on .

២ចំណុច ដែលក្រុមហ៊ុនប្តេជ្ញារួមមាន៖

ទី១ ផ្តល់ជូនសុវត្ថិភាពដល់ការធ្វើដំណើរទៅមករបស់ភ្ញៀវ គឺយើងមានការត្រួតពិនិត្យ​លក្ខណះបច្ចេកទេស​ជាប្រចាំ អាវពោងសុវត្ថិភាពមានគ្រប់សំរាប់ភ្ញៀវ បំពង់ពន្លត់អគីភ័យ និងអនាម័យខ្ពស់ – ល -។

ទី២ បុគ្គលិកត្រូវមានក្រមសីលធម៌ការងារ និងយកចិត្តទុកដាក់ក្នុងការផ្តល់ជូនសេវាកម្មល្អៗជូនភ្ញៀវ បង្ហាញ​ឥរិបទល្អៗ ធ្វើរឿងដែលត្រូវ ដឹងពីតម្រូវការរបស់ភ្ញៀវ និងដោះស្រាយរាល់ការត្អូញត្អែរបស់ភ្ញៀវ ។

អ្នកតំណាងក្រុមហ៊ុនទេសចរណ៍មួយ បានថ្លែងឱ្យដឹងថា មូលហេតុដែលក្រុមហ៊ុនទេសចរណ៍របស់ខ្លួន ជ្រើស​រើស​យក​សេវកម្ម​ខាង​ក្រុមហ៊ុន GTVC Speedboat Cambodia គឺដោយសារ ១)បុគ្គលិករួច​រាយ​រាក់ទាក់ ២)ឯកសណ្ឋាន​របស់​បុគ្គលិក​សមរម្យ ៣)ទូក​ម៉ាស៊ីនធំទំនើបៗ ៤)មានពោងសុវត្ថិភាពខ្ពស់​គ្រប់​កៅអីទាំងអស់ ហើយក្រៅពីនោះ ក៏មានសេវាកម្មជួយភ្ញៀវពេលចុះទូក ផងដែរ៕

សូមទស្សនាវីដេអូខាងក្រោម៖

The post ក្រុមហ៊ុនរបស់ឧកញ៉ា ទៀ វិចិត្រ ក្មួយសម្តេច ទៀ បាញ់ ប្តេជ្ញា២ចំណុចសំខាន់ៗជូនភ្ញៀវ appeared first on .