ជាមួយនឹងភាពជោគជ័យរបស់កូនប្រុសជាទីស្រឡាញ់, ក្នុងដំណើរឡើងឆាកតន្រ្ដីនៃប្រទេសខាងត្បូងនេះ លោកឧកញ៉ា ព្រាប សុវត្ថិ ក៏បានជូនកូនដោយផ្ទាល់ទៅច្រៀងផងដែរ។

សូមជម្រាបជូនថា N.John (មុន្នីនាគ) កូនប្រុសតារាចម្រៀង ឧកញ៉ា ព្រាប សុវត្ថិ កំពុងតែមានកេរ្តិ៍បោះសម្លេងនៅក្រៅប្រទេស ឆាប់ៗនេះ លោកនឹងបង្ហាញខ្លួនក្នុងនាមជាតារាចម្រៀងសញ្ជាតិខ្មែរ បែប Pop នៅក្នុងកម្មវិធីមួយនៅទីក្រុងសេអ៊ូល ប្រទេសកូរ៉េខាងត្បូង។

ទន្ទឹមនឹងនោះ ក៏មានវត្តមានតារាចម្រៀងកូរ៉េ និងតារាបរទេសជាច្រើននាក់ទៀតផងដែរ។ កុំភ្លេចរងចាំមើលទាំងអស់គ្នាណា៕

The post ឧកញ៉ា ព្រាប សុវត្ថិ ជូនកូនប្រុសឡើងច្រៀងនៅលើឆាកតន្ដ្រីលំដាប់ពិភពលោកនៅកូរ៉េ appeared first on .

បទចម្រៀង « បើគេសួរអូន » បានចេញជា Audio ជាង៥ខែហើយ ហើយបទចម្រៀងមួយបទនេះពិតជាផ្ទុះខ្លាំងពេញបណ្តាញសង្គម និងមានអ្នកយកទៅលេង TikTok រាប់លាននាក់ដោយសារបទចម្រៀងមនោសញ្ចេតនាមួយបទនេះ បង្កប់ទៅដោយការឈឺចាប់បែកបាក់ស្នេហា ចាក់ដោតអារម្មណ៍ទស្សនិកជនជាច្រើនឱ្យស្លុងនឹងបទចម្រៀងមួយបទនេះ ។

កំពូលតារាចម្រៀងឧកញ៉ា ព្រាប សុវត្ថិ ក៏បានលើកយកបទចម្រៀង « បើគេសួរអូន » ទៅច្រៀងនិងសម្តែងរាល់ពេលឡើងឆាកប្រគំតន្រ្តីធំៗផងដែរ ដើម្បីឆ្លើយតបតាមការសំណូមពររបស់អ្នកគាំទ្រ ។  

អ្វីដែលកាន់តែពិសេសជាងនេះទៅទៀតនោះ គឺដើម្បីឆ្លើយតបតាមសំណូមពរ បទចម្រៀង « បើគេសួរអូន » របស់កំពូលតារាចម្រៀងឧកញ៉ា ព្រាប សុវត្ថិ ក៏ត្រៀមនឹងចេញជា Full MV ក្នុងពេលឆាប់ៗ ជាក់ស្តែងនៅថ្ងៃទី ២០ ខែ មេសា ឆ្នាំ ២០២៦ ខាងផលិតកម្ម ហ្គាឡាក់ស៊ី ណាវ៉ាត្រា ទើបតែប្រកាសត្រៀមចេញ Full MV ក្នុងពេលឆាប់ៗខាងមុខនេះហើយ ។ ថ្វីដ្បិតតែក្នុងវិដេអូចម្រៀងនេះ ទើបតែបង្ហាញក្បាលសាច់រឿងបានបន្តិច ប៉ុន្តែពិតជាធ្វើឱ្យអ្នកទស្សនា ចង់មើលសាច់រឿងទាំងមូលណាស់ ពីព្រោះការសម្តែងរបស់តារាចចម្រៀងវ័យក្មេងលោក សុវត្ថិ សិរីវុឌ្ឍ និងកញ្ញា ឌៀប សុហ្វៀរ៉ា ពិតជាទាក់ទាញអារម្មណ៍ទស្សនិកជនខ្លាំងណាស់ ។

គួរបញ្ជាក់ផងដែរថា គ្រាន់តែឈុតខ្លីនៅក្នុង MV ចម្រៀង « បើគេសួរអូន » ត្រូវបានផលិតកម្ម ហ្គាឡាក់ស៊ី ណាវ៉ាត្រា បង្ហោះភ្លាម មានអ្នកចូលទស្សនាយ៉ាងច្រើនកុះករ ហើយម្នាក់ៗថែមទាំងបានខមមិនថា សូមឱ្យ Full MV ចេញក្នុងពេលឆាប់ៗ …។

កុំភ្លេចតាមដានទស្សនា Full MV « បើគេសួរអូន » របស់កំពូលតារាចម្រៀងលោកឧកញ៉ា ព្រាប សុវត្ថិទាំងអស់គ្នា ធានាថា ក្នុង Full MV ចម្រៀងមួយបទនេះ ពិតជាប្លែកភ្នែក ចម្លែកអារម្មណ៍ ទាំងការសម្តែង និងសាច់រឿង… ៕

The post លោក សុវត្ថិ សិរីវុឌ្ឍ បង្ហាញវត្តមាន ក្នុង Full MV « បើគេសួរអូន » របស់កំពូលតារាចម្រៀងឧកញ៉ា ព្រាប សុវត្ថិ ត្រៀមចេញឆាប់ៗនេះ appeared first on .

តាមរយៈលិខិតសុំទោសចំពោះលោកឧកញ៉ា ព្រាប សុវត្ថិ , លោក វ៉ាន់ ជំនោរ បានរៀបរាប់ពីសកម្មភាពដែលខ្លួនបានប្រើពាក្យប្រៀបធៀប និងបង្អាប់ប្រមាថមើលងាយ និងអះអាង បំភ្លើសទៅដល់លោកឧកញ៉ានិងក្រុមគ្រួសារ ដែលតាមរយៈសកម្មភាព និងទង្វើរទាំងអស់នេះ បានធ្វើឱ្យប៉ះពាល់ធ្ងន់ធ្ងរដល់កិត្តិយស កិត្តិនាមសេចក្តីថ្លៃថ្លូរ និងមុខរបរការងាររបស់សុវត្ថិ មុនីនាគ និងគ្រួសារលោកឧកញ៉ា ព្រាប សុវត្ថិ។

ជាមួយនឹងការដឹងកំហុសនេះ លោក វ៉ាន់ ជំនោរ ក៏បានបង្ហាញការសោកស្ដាយផងដែរ ចំពោះសកម្មភាពទាំងអស់និងទង្វើររបស់ខ្លួនដែលបានប្រព្រឹត្តិកន្លងមក និងទទួលស្គាល់ថា ដោយសារតែខ្លួនមានការយល់ច្រឡំ និងមិនបានគិតគូពិចារណាឱ្យបានវែងឆ្ងាយ។ ក្នុងរឿងនេះ លោក វ៉ាន់ ជំនោរ ក៏បានទទួលស្គាល់កំហុស និងសន្យាថា មិនធ្វើទង្វើណាមួយប៉ះពាល់លោកឧកញ៉ា ព្រាប សុវត្ថិ និងក្រុមគ្រួសារទៀតនោះទេ។

ជុំវិញរឿងនេះផងដែរ លោកឧកញ៉ា ព្រាប សុវត្ថិ ក៏បានលើកឡើងថា នៅក្នុងនាមជាជនជាតិខ្មែរ មុននឹងខមិន ឬស៊ែអ្វីមួយ ត្រូវភ្ជាប់នូវសីលធម៌ សុជីវធម៌ វប្បធម៌ ដែលទាំងអស់នេះ អាចស្ដែងឡើងនៅសីលធម៌ វប្បធម៌សង្គមរបស់យើងមួយផងដែរ។

សូមជម្រាបជូនថា កាលពីថ្ងៃទី១៣ ដល់ថ្ងៃទី១៥ វិច្ឆិកា កន្លងមក, លោក វ៉ាន់ ជំនោរបានធ្វើការចែករំលែក ស៊ែរ ខមិន បង្ហោះនៅលើបណ្តាញហ្វេសប៊ុក និងយូធូប ដោយបានប្រើពាក្យប្រៀបធៀប និងបង្អាប់ប្រមាថមើលងាយ និងអះអាង បំភ្លើសទៅដល់លោកឧកញ៉ា ព្រាប សុវត្ថិ និងក្រុមគ្រួសារ ដែលទង្វើទាំងអស់នេះ បានធ្វើឱ្យប៉ះពាល់ដល់កិត្ដិយស កេរ្ដិ៍ឈ្មោះរបស់លោកឧកញ៉ា និងក្រុមគ្រួសារផ្ទាល់តែម្ដង៕

The post ម្ចាស់បទ « Don’t Thai To me » វ៉ាន់ ជំនោរ ចេញមុខសុំទោសនិងសាងភាពស្អាតស្អំនូវទង្វើមិនគប្បីចំពោះឧកញ៉ា ព្រាប សុវត្ថិ និង សុវត្ថិ មុនីនាគ appeared first on .

កាលពីយប់នៅថ្ងៃទី១០ ខែតុលា ឆ្នាំ២០២៥ កំពូលតារាចម្រៀង ឧកញ៉ា ព្រាប សុវត្ថិ បានប្រកាសលើបណ្តាញសង្គមយ៉ាងដូច្នេះថា «យើងខ្ញុំ សូមប្រកាសថ្កោលទោសយ៉ាងខ្លាំងចំពោះទង្វើរំលោភបំពានរបស់កម្លាំងចម្រុះថៃ
លើបូរណភាពទឹកដី និងអធិបតេយ្យកម្ពុជានិងរំលោភបំពានសិទ្ធិមនុស្សយ៉ាងធ្ងន់ធ្ងរនៅភូមិព្រៃចាន់»។

ដោយរំលោភលើ៖
ទី1 រំលោភលើកិច្ចព្រមព្រៀងឈប់បាញ់
ទី2 រំលោភលើស្មារតីនៃកិច្ចប្រជុំ GBC និង RBC
ទី3 រំលោភលើអនុស្សរណៈនៃការយោគយល់គ្នា ត្រង់ចំណុចទី 2 មាត្រាទី 4 នៃ MOUឆ្នាំ 2000
ទី4 ជាសកម្មភាពរំលោភលើសិទ្ធិមនុស្សនិងច្បាប់មនុស្សធម៌អន្តរជាតិ សិទ្ធិក្នុងការទទួល
លំនៅឋាននិងជីវភាពសមរម្យ

លោកឧកញ៉ា ក៏បានប្រកាសសូមអំពាវនាវ ឱ្យសហគមន៍អន្តរជាតិ ថ្កោលទោសទង្វើរំលោភបំពានរបស់ថៃនិងចាត់វិធានការចាំបាច់ ដើម្បីឲ្យប្រទេសនេះបញ្ឈប់ទង្វើឈ្លានពានដែនអធិបតេយ្យភាព បូរណភាពទឹកដីកម្ពុជាយ៉ាងក៏គឃ្លើនបែបនេះតទៅទៀត៕

The post កំពូលតារាចម្រៀងឧកញ៉ា ព្រាប សុវត្ថិ ប្រកាសថ្កោលទោសចំពោះទង្វើរំលោភបំពានរបស់ថៃ លើបូរណភាពទឹកដី អធិបតេយ្យកម្ពុជា និងសិទ្ធិមនុស្ស នៅព្រៃចាន់ appeared first on .

លោកឧកញ៉ា ព្រាប សុវត្ថិ បានបង្ហាញការយល់ឃើញថា ជនជាតិអាស៊ី ជាពិសេសជនជាតិថៃ និងខ្មែរមានប្រពៃណី គោរពយ៉ាងខ្ពង់ខ្ពស់ចំពោះអង្គព្រះមហាក្សត្រ និងថ្នាក់ដឹកនាំកំពូលរបស់ប្រទេស។ ក្នុងហេតុផលនេះហើយ បានជាថ្នាក់ដឹកនាំកំពូលកម្ពុជា សម្តេចតេជោ ហ៊ុន សែន ប្រធានព្រឹទ្ធសភា និងសម្តេចបវរធិបតី ហ៊ុន ម៉ាណែត នាយករដ្ឋមន្ត្រី តែងតែបានអំពាវនាវជាញឹកញាប់ដល់ប្រជាពលរដ្ឋខ្មែរ កុំយកព្រះឆាយាល័ក្ខណ៍ព្រះមហាក្សត្រ និងរូបថតថ្នាក់ដឹកនាំថៃ ទៅធ្វើសកម្មភាពណាមួយដែលមិនគួរគប្បី និងកុំមានការរើសអើងចំពោះប្រជាជនថៃដែលកំពុងស្នាក់នៅ និងប្រកបមុខរបរនៅកម្ពុជា។

កម្ពុជាទោះបីជាប្រទេសតូច មានប្រជាជនតិច និងសេដ្ឋកិច្ចនៅទន់ខ្សោយ ប៉ុន្តែថ្នាក់ដឹកនាំកម្ពុជាតែងប្រកាន់ខ្ជាប់នូវគោលការណ៍ស្រឡាញ់ សន្តិភាព ការដោះស្រាយបញ្ហាដោយសន្តិវិធី និងចង់បានព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍដោយមិនដែលចាត់ទុកប្រទេសជិតខាងណាមួយជាសត្រូវឡើយ។

ថ្មីៗនេះ ឃ្លីបវីដេអូមួយដែលបង្ហាញរូបថតស្រដៀងនឹងសម្តេចតេជោទៅដាក់តាំងជាផ្ទាំងស៊ីបសម្រាប់ការបាញ់ភ្នាល់យករង្វាន់នៅប្រទេសថៃ។ សម្តេចតេជោ ហ៊ុន សែន ប្រធានព្រឹទ្ធសភា កាលពីថ្ងៃទី៦ ខែតុលា បានចាត់ទុកអ្វីដែលបង្ហាញក្នុងវីដេអូនោះថា ជាទង្វើអសីលធម៌ និងហាមពលរដ្ឋកុំឲ្យយកតម្រាប់តាម៕

The post កំពូលតារាចម្រៀងឧកញ៉ា ព្រាប សុវត្ថិ ថ្កោលទោសសកម្មភាពអសីលធម៌ជនជាតិថៃមួយចំនួនយករូបថតថ្នាក់ដឹកនាំជាន់ខ្ពស់កម្ពុជា ធ្វើសកម្មភាពមិនគួរគប្បី ជាអំពើខ្វះភាពថ្លៃថ្នូរក្នុងនាមជាមនុស្សជាតិ appeared first on .

លោកឧកញ៉ា ព្រាប សុវត្ថិ កំពូលតារាចម្រៀងប្រចាំផលិតកម្ម Galaxy Navatra បានអំពាវនាវទៅកាន់ប្រធានាធិបតីសហរដ្ឋអាមេរិក ដូណាល់ ត្រាំ និងមេដឹកនាំអាស៊ាន ឲ្យបញ្ឈប់សកម្មភាពរបស់ប្រទេសថៃជាបន្ទាន់ ដោយបញ្ជាក់ថា ការល្មើសកិច្ចព្រមព្រៀងឈប់បាញ់ គឺជាការរំលោភសន្តិភាព និងច្បាប់អន្តរជាតិដ៏ធ្ងន់ធ្ងរ។ នៅក្នុងវីដេអូ លោកឧកញ៉ាបានបញ្ជាក់ថា ប្រទេសកម្ពុជាប្រកាន់ខ្ជាប់ជានិច្ចនូវការរក្សាសន្តិភាព និងច្បាប់អន្តរជាតិ។
ក្រសួងការពារជាតិ បានឲ្យដឹងថា យោធាថៃបានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជាចំនួនពីរលើក នៅថ្ងៃទី២៧ ខែកញ្ញ ឆ្នាំ២០២៥ នេះ នៅតំបន់អានសេះ ស្ថិតក្នុងភូមិ អានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ។ នៅពេលនេះកងទ័ពកម្ពុជាបាននឹងបន្តតាមដានលើការវិវត្តន៍នេះយ៉ាងប្រុងប្រយ័ត្ន និងយកចិត្តទុកដាក់ខ្ពស់បំផុត និងត្រៀមលក្ខណៈរួចជាស្រេច ដើម្បីការពារបូរណភាពទឹកដី៕

@lengnavatra

ថ្ងៃទី ២៧ ខែកញ្ញា ឆ្នាំ ២០២៥ ប្រទេសថៃបានរំលោភលើបទឈប់បាញ់ដោយបាញ់ចូលទៅក្នុងតំបន់អានសេះ។ ប្រទេសកម្ពុជាបានអំពាវនាវទៅកាន់ប្រធានាធិបតីសហរដ្ឋអាមេរិក ដូណាល់ ត្រាំ និងមេដឹកនាំអាស៊ាន ឲ្យបញ្ឈប់សកម្មភាពរបស់ប្រទេសថៃជាបន្ទាន់ ដោយបញ្ជាក់ថា ការល្មើសកិច្ចព្រមព្រៀងឈប់បាញ់ គឺជាការរំលោភសន្តិភាព និងច្បាប់អន្តរជាតិដ៏ធ្ងន់ធ្ងរ។ On September 27, 2025, Thailand has violated the ceasefire by firing into the An Seh area. Cambodia calls U.S. President Donald Trump, ASEAN leaders to urgently stop Thailand’s actions, stressing that breaking a ceasefire is a serious violation of peace and international law. Cambodia affirms its full respect for peace and international law.

♬ original sound – Leng Navatra ឡេង ណាវ៉ាត្រា

The post ឧកញ៉ា ព្រាប សុវត្ថិ ចេញវីដេអូអំពាវនាវប្រធានាធិបតីអាមេរិក និងប្រធានអាស៊ាន ឲ្យទាហានថៃបញ្ឈប់សកម្មភាពឈ្លានពានកម្ពុជា appeared first on .

សូមជម្រាបជូនថា មកដល់ពេលនេះ ទោះបីជាមានការអន្ដាគមន៍ ក៏ដូចជាមានការអំពាវនាវពីក្រុមប្រឹក្សាសន្ដិសុខ អង្គការសហប្រជាជាតិ ស្នើឱ្យភាគីកម្ពុជានិងថៃ មានភាពអត់ធ្មត់ខ្ពស់បំផុត និងដោះស្រាយដោយសន្ដិវិធីក៏ដោយ ក៏ថៃនៅតែគឃ្លើន ឈ្លានពានកម្ពុជា បន្ដបាញ់រះមកលើប្រទេសកម្ពុជាដដែល។

ថៃបានបន្ដបាញ់មកលើកម្ពុជា ដោយប្រើប្រាស់យន្ដហោះទម្លាក់គ្រាប់បែក គ្រាប់បែកចង្កោម និងប្រើប្រាស់អាវុធធំៗជាច្រើនទៀត ដោយបានបំផ្លិតបំផ្លាញហេដ្ឋារចនាសម្ព័ន្ធកម្ពុជាយ៉ាងច្រើន មានបំផ្លាញវត្ដអារាម សម្លាប់ប្រជាជនស្លូតត្រង់របស់កម្ពុជា បំផ្លាញផ្ទះសម្បែងរបស់ប្រជាពលរដ្ឋកម្ពុជាជាច្រើនផងដែរ។

គួរបញ្ជាក់ថា នៅពេលដែលថៃបាននិងកំពុងឈ្លានពានកម្ពុជានេះ ប្រជាជនកម្ពុជាជាច្រើនម៉ឺននាក់ បានចាកចេញពីផ្ទះសម្បែង រត់ទៅរកទីកន្លែងមានសុវត្ថិ ក្រោមការឧបត្ថម្ភគាំទ្រពីសំណាក់រាជរដ្ឋាភិបាល និងថ្នាក់ដឹកនាំខេត្ដ ជាមួយគ្នានោះ អ្នកឧកញ៉ា ឡេង ណាវ៉ាត្រា ក៏បានដឹកនាំក្រុមការងារសហព័ន្ធយុវជនការពារយុត្ដិធម៌ ទៅចម្អិតម្ហូប ផ្គត់ផ្គង់ប្រជាជនភៀសសឹកទាំងអស់ផងដែរ៕

The post តារាចម្រៀងជួរមុខប្រចាំផលិតកម្ម GALAXY NAVATRA ដឹកនាំដោយលោកឧកញ៉ា ព្រាប សុវត្ថិ ចេញវីដេអូនិយាយជាភាសាអង់គ្លេស ប្រាប់ពិភពលោកថា «ថៃជាអ្នកផ្ដើមសង្រ្គាម, ថៃឈ្លានពានកម្ពុជា រំលោភច្បាប់អន្ដរជាតិ» appeared first on .

ជាឧទាហរណ៍បុគ្គល ដែលអាចមានលក្ខណៈគ្រប់គ្រាន់ ក្នុងការទទួលបានទិដ្ឋាការ O-1B នេះ គឺអាចជាអ្នកដឹកនាំរឿងដែលឈ្នះពានរង្វាន់ តួសម្តែងដែលមានការទទួលស្គាល់ទូលំទូលាយ រួមទាំងសិល្បករ ដែលកំពុងតែផ្ទុះភាពល្បីល្បាញខ្លាំង ជាដើម។

គួរឲ្យដឹងថា ទិដ្ឋាការ O-1B មិនមែនសម្រាប់តែបុគ្គល នៅក្នុងសហរដ្ឋអាមេរិកប៉ុណ្ណោះទេ។ ផ្ទុយទៅវិញ វាជាទិដ្ឋាការការងារបណ្តោះអាសន្ន សម្រាប់បុគ្គលដែលមានសមត្ថភាពអស្ចារ្យក្នុងវិស័យសិល្បៈ ឬអាចបង្កើតសមិទ្ធផលដ៏អស្ចារ្យអ្វីមួយ ក្នុងវិស័យភាពយន្ត ឬទូរទស្សន៍ ដែលមានបំណងចង់ធ្វើការ នៅសហរដ្ឋអាមេរិក។

មែនទែនទៅ ទិដ្ឋាការប្រភេទ O-1B ហាក់មានភាពលំបាកក្នុងការទទួលបានបន្តិច ដោយសារតែអ្នកដាក់ពាក្យស្នើសុំ ចាំបាច់ត្រូវតែមានសមត្ថភាពខ្ពស់ និងមានភាពល្បីល្បាញ ដែលត្រូវបានទទួលស្គាល់ជាលក្ខណ:អន្តរជាតិ។

យ៉ាងណាមិញ បុគ្គលល្បីៗឈ្មោះមួយចំនួន នៅជុំវិញពិភពលោក ក្នុងនោះរួមមានតារាចម្រៀងសញ្ជាតិកាណាដា The Weeknd , Justin Bieber , តារាចម្រៀង Central Cee សញ្ជាតិអង់គ្លេស , តារាចម្រៀងអាហ្វ្រិកខាងត្បូង Tyla រួមទាំងសមាជិកក្រុម K-Pop របស់កូរ៉េខាងត្បូងដ៏ល្បីល្បាញ BTS ដូចជា Jungkook និង J hope សុទ្ធសឹងតែមានលក្ខណ:សម្បត្តិទទួលបានទិដ្ឋការ O-1B នេះ ដើម្បីធ្វើការ ឬសម្តែងនៅសហរដ្ឋអាមេរិក។

ដោយឡែកអ្វីដែលគួរឲ្យកាន់តែ​ស្ងើច​សរសើរនោះ គឺកាលពីពេលថ្មីៗនេះ តារាចម្រៀង N.JOHN ដែលជាកូនប្រុសរបស់កំពូលតារាចម្រៀង ឧកញ៉ា ព្រាប សុវត្ថិ ក៏ទទួលបានទិដ្ឋាការ O-1B ដ៏ពិសេនេះ ផងដែរ។ ថ្លែងនៅក្នុងបណ្តាញសង្គមហ្វេសប៊ុក N.JOHN បានបង្ហាញការអរគុណទៅកាន់អ្នករាល់គ្នា ដែលអាចធ្វើឲ្យក្តីសុបិនរបស់ខ្លួនក្លាយជាការពិត ហើយរូបគេកំពុងឆ្ពោះទៅរកការបង្កើតនូវស្នាដៃថ្មីៗ លើការងារក្នុងវិស័យតន្ត្រី ឲ្យកាន់តែមានភាពលេចធ្លោបន្ថែមទៀត នៅក្នុងដីសហរដ្ឋអាមេរិក៕

The post ចំណុចខ្លះៗគួរដឹងពី O-1B ទិដ្ឋាការពិសេសដែលកូនប្រុស កំពូលតារាចម្រៀង ឧកញ៉ា ព្រាប សុវត្ថិ ទើបតែទទួលបាន ពីសហរដ្ឋអាមេរិក appeared first on .

ក្រោយខិតខំដុសខាត់សមត្ថភាព និងខិតខំរៀនសូត្រនៅ MilenniumDance Complex នៅទឹកដីសហរដ្ឋអាមេរិក ក្នុងរដ្ឋ Los Angeles យ៉ាងយកចិត្ដទុកដាក់ កំទ្បុងរយៈពេល ១ឆ្នាំ បទចម្រៀងដែល N.John ចេញមកមួយៗសុទ្ធតែទទួលបានការគាំទ្រច្រើនពីសំណាក់ទស្សនិកជនទាំងក្នុងនិងក្រៅប្រទេស។ លក្ខណៈពិសេស និងចំណុចលេចធ្លោនៃបទចម្រៀងរបស់ N.John ដែលទាក់ទាញអារម្មណ៍អ្នកស្ដាប់ទាំងជាតិ និងអន្ដរជាតិ គឺដោយសារតែលោកបានផលិតបទចម្រៀងត្រូវនឹងចំណង់ចំណូលចិត្តអ្នកគាំទ្រសម័យថ្មី។

ដោយមានសមត្ថភាពខ្ពស់ដ៍អស្ចារ្យលើផ្នែកចម្រៀង រាំ និង តន្ត្រី ការគាំទ្រយ៉ាងខ្លាំងខ្លា និងភាពល្បីល្បាញលើឆាកជាតិ និងអន្ដរជាតិនេះហើយ បានធ្វើឱ្យ N.John ក្លាយជាយុវជនកម្ពុជាទី១ ដែលទទួលបានទិដ្ឋាការ O-1Bពីសហរដ្ឋអាមេរិក។

ថ្លែងនៅក្នុងបណ្តាញសង្គមហ្វេសប៊ុក N.JOHN បានបង្ហាញការអរគុណទៅកាន់អ្នករាល់គ្នា ដែលអាចធ្វើឲ្យក្តីសុបិនរបស់ខ្លួន ក្លាយជាការពិត ហើយរូបគេកំពុងឆ្ពោះទៅរកការបង្កើតនូវស្នាដៃថ្មីៗ លើការងារក្នុងវិស័យតន្ត្រី ឲ្យកាន់តែមានភាពលេចធ្លោបន្ថែមទៀត នៅក្នុងដីសហរដ្ឋអាមេរិក។

សូមជម្រាបជូនថា សម្រាប់បុគ្គល ឬតារាសិល្បៈទាំងឡាយណាដែលទទួលបានទិដ្ឋាការ O-1B គឺពួកគេនឹងទទួលបានការអនុញ្ញាតឱ្យមកសហរដ្ឋអាមេរិកដើម្បីធ្វើការបណ្តោះអាសន្នក្នុងវិស័យជំនាញរបស់ពួកគេ។ ដើម្បីទទួលបានទិដ្ឋការប្រភេទនេះ សិល្បៈករទាំងអស់ត្រូវមានលក្ខណៈសម្បត្តិគ្រប់គ្រាន់ និងត្រូវបង្ហាញពីសមត្ថភាព ឬសមិទ្ធផលដ៏អស្ចារ្យរបស់ខ្លួន ដែលមានការទទួលស្គាល់ពីជាតិ ឬអន្តរជាតិ៕

The post ពិតជាពូកែមិនធម្មតាមែន N.John! កូនប្រុសទី២ ឧកញ៉ា ព្រាប សុវត្ថិ ក្លាយជាយុវជនទី១នៅកម្ពុជាដែលទទួលបានទិដ្ឋាការ O-1Bពីសហរដ្ឋអាមេរិក appeared first on .

លោក N.John ត្រូវមហាជនស្គាល់ថាជាកូនប្រុសទី២របស់កំពូលតារាចម្រៀង ព្រាប សុវត្ថិ ដែលមានឈ្មោះពិតថា សុវត្ថិ មុនីនាគ បានចាកចេញទៅរៀនផ្នែកតន្រ្តីចម្រៀងនៅ សហរដ្ឋអាមេរិក យូរមកហើយ ជាក់ស្តែងរាល់ពេលបទចម្រៀងរបស់លោកចេញផ្សព្វផ្សាយម្តងៗ គឺទទួលបានការគាំទ្រច្រើនពីសំណាក់ទស្សនិកជនទាំងក្នុងនិងក្រៅប្រទេស ដោយសារតែលោកបានផលិតបទចម្រៀងត្រូវនឹងចំណងចំណូលចិត្តអ្នកគាំទ្រសម័យថ្មី ។

ជាមួយនិងការចេញបទចម្រៀងថ្មីៗជាបន្តបន្ទាប់លោក សុវត្ថិ មុនីនាគ ឬ លោក N.John គឺទទួលបានការសរសើរយ៉ាងច្រើនពីអ្នកដឹកនាំ ក៏ដូចជាអ្នកស្តាប់ រហូតត្រូវបានវេបសាយធំៗជាច្រើនធ្វើការផ្សព្វផ្សាយពីស្នាដៃរបស់លោក ជាក់ស្តែងប៉ុន្មានថ្ងៃមុននេះមានខាងវេបសាយដ៏ល្បីធំមួយឈ្មោះ Billboard Argentina បានផ្សព្វផ្សាយស្នាដៃពីកូនខ្មែរ គឺលោក N.John ផងដែរ។ ដោយពួកគេបានរៀបរាប់ពីប្រភេទនៃការងារសិល្បៈរបស់លោក N.John  រួមជាមួយរសជាតិក្នុងការផលិតបទចម្រៀងបែប R n B និង Hip Hop ជាដើម…។ មិនតែប៉ុណ្ណោះរាល់ពេលបទចម្រៀងលោក N.John ចេញជាផ្លូវការម្តងៗ មានអ្នក Reaction ល្បីៗជាច្រើន មិនថា ក្នុងឬក្រៅប្រទេសទ្បើយ។

គួររំលឹកផងដែរថា តាមរយៈហ្វេសប៊ុក អ៊ីនស្តាក្រាម TikTok របស់លោក N.John គឺកំពុងបំបុកទីផ្សារចម្រៀងខ្លាំងទាំងក្នុងនិងក្រៅប្រទេស ដែលធ្វើឱ្យអ្នកគាំទ្រជាច្រើនចាប់អារម្មណ៍ជាមួយបទចម្រៀងថ្មីៗរបស់លោកដែលបានចេញជាបន្តបន្ទាប់ ជាពិសេសក្នុងបទចម្រៀងនិមួយៗលោកបានរំលេចនួវក្បាច់រាំដ៏អស្ចារ្យ ស្ទាយថ្មីៗ ធ្វើឱ្យបរទេសស្ងប់ស្ងែងចាប់អារម្មណ៍គ្រប់ៗគ្នា ។

លោក សុវត្ថិ មុនីនាគ បានធ្វើដំណើរទៅសិក្សាផ្នែកសិល្បៈចម្រៀង និងរាំ នៅឯ MilenniumDance Complex នៅទឹកដី សហរដ្ឋអាមេរិក ក្នុងរដ្ឋ Los Angeles ជាងមួយឆ្នាំហើយ ដើម្បីបំពេញក្តីស្រមៃខ្លួនផង និងបំពេញក្តីស្រមៃរបស់ឪពុកខ្លួនផង ។ កំពូលតារាចម្រៀង ព្រាប សុវត្ថិ ពិតជាមានមោទនភាពខ្លាំងណាស់ចំពោះកូនៗរបស់ខ្លួនក្នុងវិស័យចម្រៀង ជាក់ស្តែងពេលនេះកូនប្រុសទាំង៣នាក់របស់លោក កំពុងមានកេរ្តិ៍ឈ្មោះល្បីល្បាញទាំងក្នុងនិងក្រៅប្រទេស ជាពិសេសគឺកូនទី២របស់លោកតែម្តង គឺលោក សុវត្ថិ មុនីនាគហៅ N.John ដែលកំពុងសិក្សានិងរស់នៅ សហរដ្ឋអាមេរិក ដើម្បីក្រេបយកចំណេះដឹងផ្នែកតន្រ្តីមកពង្រើកកេរ្តិ៍ឈ្មោះខ្លួនឱ្យកាន់តែល្បីសុះសាយ ៕

@ansaii5 So proud of you @n.johnworld – – #NJOHN @NJOHN #sovathmonineak#fypシ ♬ original sound – Ann Tea -អេន

@ounneathneathh Another one on billbaord AR#fyp @n.johnworld ♬ original sound – neathRenZ

@rell.bombtv HE DID NOT HAVE TO GO THIS HARD LIKE THATTT! Who is this guy?!?! @n.johnworld #Cambodia #njohn #newartist #newmusic #michaeljackson #theweeknd #sweetlove #newsong #singers #singersoftiktok #vocals #vocalist #rnb #pop #popmusic #viralsound #viralsong #viralmusic #viralvideostiktok #musicfyp #musictok #trendingvideos #popularvideo #tiktokfyp #viralfyp #reaction #reactionvideo #blowthisupforme ♬ original sound – n.johnworld

The post N.John កូនប្រុសទី២កំពូលតារាចម្រៀង ឧកញ៉ា ព្រាប សុវត្ថិ ត្រូវវេបសាយធំៗនៅបរទេសផ្សព្វផ្សាយថាជាកូនខ្មែរខ្លាំងខាងតន្រ្តី ! appeared first on .