កិច្ចប្រជុំរដ្ឋសភាលើកទី៤ នីតិកាលទី៧ ក្រោមអធិបតីភាពដ៏ខ្ពង់ខ្ពស់ សម្តេចមហារដ្ឋសភាធិការធីបតី ឃួន សុដារី ប្រធានដ្ឋសភា ដែលមានវត្តមានសមាជិករដ្ឋសភាចំនួន ១២៥ អង្គ/រូប ក្នុងនោះក៏មានវត្តមាន អ្នកឧកញ៉ា ឧកញ៉ាមួយចំនួនរួមមាន អ្នកឧកញ៉ា សេង ញ៉ក់ សមាជិកគណៈកម្មការទី៨ នៃរដ្ឋសភា និងជាតំណាងរាស្ត្រមណ្ឌលខេត្តកំពង់ស្ពឺ, ឧកញ៉ា លី ឆេង តំណាងរាស្ដ្រមណ្ឌលរាជធានីភ្នំពេញ និង ឧកញ៉ា ភួ ពុយ តំណាងរាស្ត្រមណ្ឌលខេត្តបាត់ដំបង ផងដែរ។

រដ្ឋសភាកម្ពុជា បានបញ្ជាក់ថា ការធ្វើវិសោធនកម្មនេះ ក្នុងគោលបំណងសំខាន់ គឺដើម្បីបើកផ្លូវអនុញ្ញាតឱ្យមានការរៀបចំក្របខណ្ឌច្បាប់ សម្រាប់ដកសញ្ជាតិខ្មែរ ពីប្រជាពលរដ្ឋខ្មែរណា ដែលបានប្រព្រឹត្តអំពើក្បត់ជាតិ ឬការធ្វើសកម្មភាពប៉ះពាល់ធ្ងន់ធ្ងរដល់ផលប្រយោជន៍នៃព្រះរាជាណាចក្រកម្ពុជា និងប្រជាពលរដ្ឋខ្មែរដោយឃុបឃិត ជាមួយបរទេស។ ការធ្វើវិសោធនកម្មមាត្រា៣៣ នៃរដ្ឋធម្មនុញ្ញ ក៏នឹងរួមចំណែកយ៉ាងសំខាន់ ក្នុងការប្រឆាំងនឹងការជ្រៀតជ្រែកពីខាងក្រៅចូលមកក្នុងកិច្ចការផ្ទៃក្នុងរបស់កម្ពុជា ពិសេស ការប្រឆាំងនឹងអំពើក្បត់ជាតិ និងអំពើឃុបឃិតគ្នាជាមួយបរទេស ដែលនឹងធ្វើឱ្យប៉ះពាល់ធ្ងន់ធ្ងរដល់វិស័យសន្តិសុខជាតិ សេចក្ដីសុខសាន្តរបស់ប្រជាជន និងឧត្តមប្រយោជន៍របស់ប្រទេសជាតិ។

សេចក្តីស្នើច្បាប់ធម្មនុញ្ញស្តីពីវិសោធនកម្មមាត្រា៣៣នៃរដ្ឋធម្មនុញ្ញនៃព្រះរាជាណាចក្រកម្ពុជា មានពីរមាត្រា។ មាត្រា៣៣នៃរដ្ឋធម្មនុញ្ញនៃព្រះរាជាណាចក្រកម្ពុជា ត្រូវបានធ្វើវិសោធនកម្ម ដូចតទៅ៖ ប្រជាពលរដ្ឋខ្មែរមិនត្រូវបាននិរទេស ឬចាប់បញ្ជូនខ្លួនទៅឱ្យប្រទេសក្រៅណាមួយឡើយ លើកលែងតែមានកិច្ចព្រមព្រៀងជាមួយគ្នាទៅវិញទៅមក។ ប្រជាពលរដ្ឋខ្មែរដែលកំពុងរស់នៅឯបរទេសត្រូវបានរដ្ឋគំាពារ។ ការទទួលសញ្ជាតិខ្មែរនិងការបាត់សញ្ជាតិខ្មែរ ដោយរួមទំាងការដកសញ្ជាតិខ្មែរត្រូវបានកំណត់ក្នុងច្បាប់។

អង្គរដ្ឋសភាបានពិភាក្សា អនុម័ត សេចក្តីស្នើវិសោធនកម្ម តាមនីតិវិធី ដោយបានពិភាក្សា ផ្តល់យោបល់យ៉ាងល្អិតល្អន់ ពីតំណាងរាស្រ្តហត្ថលេខី តំណាងរាជរដ្ឋាភិបាល គណៈកម្មការជំនាញរបស់រដ្ឋសភា ក៏ដូចជាពីសមាជិកសមាជិការដ្ឋសភា មុនអនុម័តសេចក្តីស្នើច្បាប់ធម្មនុញ្ញស្តីពីវិសោធនកម្មមាត្រា៣៣នៃរដ្ឋធម្មនុញ្ញនៃព្រះរាជាណាចក្រកម្ពុជា ទំាងមូលជាឯកច្ឆន្ទ ដោយសំឡេងគំាទ្រ ១២៥លើ១២៥ សំឡេង។

សូមជម្រាបថា ការដកសញ្ជាតិខ្មែរពីប្រជាពលរដ្ឋរបស់ខ្លួនណាម្នាក់ មិនមែនជារឿងថ្មីនោះទេ។ សម្រាប់កម្ពុជា កាលពីសម័យមុនក៏មានច្បាប់កំណត់អំពីដកសញ្ជាតិខ្មែរ ដូចជា ក្រមរដ្ឋប្បវេណីឆ្នាំ១៩២០ ដែលត្រូវបានធ្វើវិសោធនកម្ម ជាបន្តបន្ទាប់ និងច្បាប់ស្ដីពីការបាត់សញ្ជាតិខ្មែរ ដែលត្រូវបានប្រកាសឱ្យប្រើដោយព្រះរាជក្រមលេខ ៣៧៧/៦៨-ប.រ. ចុះថ្ងៃទី១៦ ខែតុលា ឆ្នាំ១៩៦៨ ជាដើម។

ទន្ទឹមនឹងនេះ នៅបណ្ដាប្រទេសជាង១៥០នៅលើពិភពលោក ទំាងនៅអាស៊ី និងអឺរ៉ុប សុទ្ធតែមានច្បាប់កំណត់អំពីការដកសញ្ជាតិពីពលរដ្ឋរបស់ខ្លួន ជាពិសេស ក្នុងករណីអំពើធ្វើឱ្យប៉ះពាល់ធ្ងន់ធ្ងរដល់ផលប្រយោជន៍របស់ជាតិ ឬអំពើធ្វើឱ្យប៉ះពាល់ដល់វិស័យសន្តិសុខជាតិ។ អឺរ៉ុបដែលមាន២៨ប្រទេស មាន១៨ ប្រទេស មានច្បាប់ដកសញ្ជាតិ ចំណែកនៅតំបន់អាស៊ាន មាន៩ប្រទេសហើយដែលមានច្បាប់ដកសញ្ជាតិ។ ប្រទេសដែលមានច្បាប់ដកសញ្ជាតិមានដូចជា បារាំង អាមេរិក អង់គ្លេស អាល្លឺម៉ង់ អូស្ត្រាលី អុីតាលី ប៊ែលហ្ស៊ិក ឥណ្ឌា កូរ៉េខាងត្បូង និងសិង្ហបុរី ជាដើម៕

The post អ្នកឧកញ៉ា ឧកញ៉ាៗរូបណាខ្លះ ចូលរួមកិច្ចប្រជុំរដ្ឋសភា ពិភាក្សាលើការធ្វើវិសោធនកម្មរដ្ឋធម្មនុញ្ញ នៅព្រឹកថ្ងៃសុក្រនេះ? appeared first on .

ពិធីសិរីមង្គលកាត់ចំណងដៃកូនប្រុសស្រីលំដាប់អភិជននៅភូមិភាគពាយ័ព្យនេះ កូនប្រុសនាម រិន សុភារៈ ត្រូវជាកូនប្រុសរបស់លោក ហាយ វណ្ណរិន និង លោកស្រី ឈរ ហុងឆាយ។ រីឯកូនស្រីនាម ភួ យូនីលីវឺ ជាកូនស្រី របស់ឧកញ៉ា ភួ ពុយ និងលោកជំទាវ អុឹង ណងពីន ហើយត្រូវជាប្អូនស្រីរបស់ អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង។

ក្នុងពិធីនេះដែរ បានរៀបចំតុបតែងយ៉ាងប្រណិត ប្រៀបបានឋានសួគ៌ក្រោមមេឃ ដោយមានការដេគ័រជាមួយនឹងផ្កាចម្រុះពណ៌ និងភ្លើងពណ៌ដ៏ស្រស់ស្អាត។ ជាមួយគ្នានោះ គេឃើញមានការអញ្ជើញចូលរួមពីសំណាក់ លោកអ្នកឧកញ៉ា លាង ឃុន, អ្នកឧកញ៉ា លាង ម៉េង, អ្នកឧកញ៉ា សំ អាង និងលោកជំទាវអ្នកឧកញ៉ា ឈុន លាង ព្រមទាំងភ្ញៀវកិត្តិយសជាច្រើនទៀត។

សូមជម្រាបថា កូនប្រុសនាម រិន សុភារៈ និងកូនស្រីនាម ភួ យូនីលីវឺ ដែលជាគូស្វាមីភរិយាថ្មីនេះ បានរៀបអាពាហ៍ពិពាហ៍ដ៏ធំ នៅខេត្តបាត់ដំបង កាលពីថ្ងៃទី៩-១០ ខែឧសភា ឆ្នាំ២០២៥ ខណៈដែលពេលនោះ ក៏មានឥស្សរជន ថ្នាក់ដឹកនាំកំពូលៗ ព្រមទាំង លោកអ្នកឧកញ៉ា អ្នកឧកញ៉ា ឧកញ៉ាៗជាច្រើនរូប បានអញ្ជើញចូលរួមផងដែរ៕

រូបភាព៖ The Ring

The post មកមើលទិដ្ឋភាពពិធីកាត់ចំណងដៃកូនស្រី ឧកញ៉ា ភួ ពុយ ម្ចាស់ក្រុមហ៊ុនកែច្នៃអង្ករដ៏ធំ នៅខេត្តបាត់ដំបង appeared first on .

ពិធីសិរីមង្គលកូនប្រុសស្រីលំដាប់អភិជននៅភូមិភាគពាយ័ព្យនេះ កូនប្រុសនាម រិន សុភារៈ ត្រូវជាកូនប្រុសរបស់លោក ហាយ វណ្ណរិន និង លោកស្រី ឈរ ហុងឆាយ។ រីឯកូនស្រីនាម ភួ យូនីលីវឺ ជាកូនស្រី របស់ឧកញ៉ា ភួ ពុយ និងលោកជំទាវ អុឹង ណងពីន ហើយត្រូវជាប្អូនស្រីរបស់ អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង។

ក្នុងឱកាសនេះដែរ ដើម្បីអបអរសាទរដល់គូស្វាមីភរិយាថ្មីខាងលើនេះ វត្តមាន សម្ដេច ឯកឧត្ដម លោកជំទាវ ជាឥស្សរជនថ្នាក់ដឹកនាំជាតិជាច្រើន ក៏បានអញ្ជើញជាភ្ញៀវកិត្តិយសផងដែរ រួមទាំងវត្តមានដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត។ ជាមួយគ្នានោះ គេក៏ឃើញមានវត្តមាន លោកអ្នកឧកញ៉ា ភូ ហុងស៊ួន ស៊ីគង់ទ្រីវ, អ្នកឧកញ៉ា ហ៊ុន តូ និងលោកឧកញ៉ា ឡេង និមល អញ្ជើញចូលរួមផងដែរ៕

រូបភាព៖ The Ring

The post មកមើលទិដ្ឋភាពមង្គលការកូនស្រី ឧកញ៉ា ភួ ពុយ សេដ្ឋីនៅភាគពាយ័ព្យ appeared first on .

បើតាមសភាពាណិជ្ជកម្មកម្ពុជា បានឱ្យដឹងថា កម្មវិធីខាងលើនេះ ប្រព្រឹត្តទៅក្រោមអធិបតីភាព លោកឧកញ៉ា ភួ ពុយ អ្នកតំណាងរាស្រ្ដមណ្ឌលខេត្តបាត់ដំបង លោកឧកញ៉ា តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងអ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង។  

លោកឧកញ៉ា ភួ ពុយ និង លោកឧកញ៉ា តាន់ មុនីវណ្ណ ក៏បានចូលរួមជាវាគ្មិនកិត្ដិយស ក្នុងការចែករំលែកបទពិសោធន៍ និងគំនិតអាជីវកម្មទៅដល់ សមាជិក សមាជិកា និងបងប្អូនអាជីវករ ដែលបានអញ្ជើញចូលរួមក្នុងកម្មវិធីខាងលើ ចំនួនប្រមាណជាង ២០០ នាក់ ដើម្បីទទួលបាន គំនិតល្អៗ និងអនុសាសន៍ណែនាំមួយចំនួនជាជំនួយស្មារតីបន្ថែមសម្រាប់យកទៅបង្កើតអាជីវកម្មថ្មី ឬកែលម្អអាជីវកម្មរបស់ខ្លួនឱ្យប្រសើរឡើង។

សូមបញ្ជាក់ថា “កម្មវិធីការចែករំលែកដើម្បីអាជីវកម្មរីកចម្រើន” ទទួលបានការគាំទ្រពី សហគ្រិនខ្មែរ និងឧបត្ថម្ភដោយ ធនាគាវីង (ខេមបូឌា) ម.ក, សមាគមន៍វិនិយោគនវានុវត្តន៌និងអភិវឌ្ឍ(IDI) ផ្សារវីនសូ ក្រុមហ៊ុន ឌីហ្រ្គេន រៀលធី ឯ.ក និងប្រធាន អនុប្រធាន សមាជិក សមាជិកា សភាពាណិជ្ជកម្មខេត្តបាត់ដំបងទាំងអស់៕

The post អ្នកឧកញ៉ា ឧកញ៉ា ៣រូប អញ្ជើញជាអធិបតីក្នុងកម្មវិធីការចែករំលែកដើម្បីអាជីវកម្មរីកចម្រើន នៅខេត្តបាត់ដំបង appeared first on .

កម្មវិធី​ចែករំលែក​ខាង​លើនេះ ​​ក៏​មាន​ការ​អញ្ជើញ​ជា​វាគ្មិនកិត្តិយស​ពី​ លោកឧកញ៉ា ភួ ពុយ អ្នកតំណាងរាស្ត្រ​មណ្ឌល ខេត្តបាត់ដំបង និង​លោកឧកញ៉ា តាន់ មុនីវណ្ណ អនុប្រធាន​សភាពាណិជ្ជកម្មកម្ពុជា និងជា​ស្ថាបនិក​ក្រុមហ៊ុន វីនសូ និង​ឌីហ្គ្រេន រៀល ឯ.ក។​​

ជាមួយគ្នានេះ សភាពាណិជ្ជកម្មកម្ពុជា ក៏​សូមគោរពអញ្ជើញ ម្ចាស់អាជីវកម្ម ធុរជន សហគ្រិន ពាណិជ្ជករ នៅខេត្តបាត់ដំបង ចូលរួមកម្មវិធី ការចែករំលែកដើម្បីអាជីវកម្មរីកចម្រើន ក្រោមប្រធានបទ «ទស្សនៈកសិកម្ម គឺជាឱកាសសេដ្ឋកិច្ចកម្ពុជា» ដែលទទួលបានការគាំទ្រដោយ សហគ្រិនខ្មែរ និងដៃគូរឧបត្ថម្ភនានា ​ឱ្យ​បាន​ផុលផុស​ផង​ដែរ។

សូមជម្រាបថា កម្មវិធី ការចែករំលែកដើម្បីអាជីវកម្មរីកចម្រើន ក្រោមប្រធានបទ «ទស្សនៈកសិកម្ម គឺជាឱកាសសេដ្ឋកិច្ចកម្ពុជា» នឹងប្រព្រឹត្តទៅនៅ​ថ្ងៃទី ០៨ ខែសីហា ឆ្នាំ២០២៤ ចាប់ពី​វេលាម៉ោង ០៨:០០ ព្រឹក នៅ​សណ្ឋាគារស្ទឹងសង្កែ ខេត្តបាត់ដំបង៕

The post អ្នកឧកញ៉ា ឧកញ៉ា ៣រូប នឹងធ្វើជាវាគ្មិនកិត្តិយសចែករំលែកលើប្រធានបទ «ទស្សនៈកសិកម្ម គឺជាឱកាសសេដ្ឋកិច្ចកម្ពុជា» នៅខេត្តបាត់ដំបង appeared first on .

លោកឧកញ៉ា បាន​​លើក​ឡើង​កាលពី​ថ្ងៃ​ព្រហស្បតិ៍​ម្សិល​មិញ​ យ៉ាង​ដូច្នេះ​ថា៖ “ម្សិលមិញនេះ យើងបានជួប​ពិភាក្សា​គ្នា​នៅស្រុកបវេល និងស្រុកសង្កែ។ ក្រោយពេលជួបប្រជុំគ្នា យើងបាន​ដាក់​ចេញ​ផែនការ​​ចូលរួម​ជួយ​ពួកគាត់ ទី១ សុំឱ្យពួកគាត់​ប្រមូលផ្តុំ​នៃ​ការ​លក់ ទទួលព័ត៌មានពី​អាជ្ញាធរ​ភូមិឃុំ ទាក់ទង​ជាមួយ​ក្រុមហ៊ុន​ទិញស្រូវ​ដោយ​ផ្ទាល់​ពី​រោងចក្រ។ យើង​បាន​កំណត់តម្លៃ​ទិញ​​តាម​ស្រែ​គោលដៅ ប្រភេទស្រូវស្រង៉ែ ក្នុង​តម្លៃ​ ១,១៥០,០០០​រៀល​ក្នុង​មួយ​តោន រីឯ​សម្រាប់ប្រភេទស្រូវក្រអូប ក្នុង​តម្លៃ ១០.៦បាតក្នុងមួយគីឡូក្រាម”។

ឧកញ៉ា ភួ ពុយ បន្ត​ថា ដូច្នេះ​បងប្អូន​យើង នៅ​តាម​តំបន់​មួយ​ចំនួន​ បាន​រៀបចំ​​នៅ​តាម​ឃុំ ដើម្បី​ឱ្យ​ក្រុមការងារ​​តាម​រោង​ម៉ាស៊ីន​ចុះ​ទៅ​ទិញ។ ដើម្បី​បន្ថែម​ការ​ទប់ស្កាត់​ការ​ចុះថ្លៃ​នេះ ​លោក​​បាន​អញ្ជើញ​តំណាង​​រោងម៉ាស៊ីន​កិនស្រូវ នៅ​ខេត្តពោធិ៍សាត់ បាត់ដំបង និងបន្ទាយមានជ័យ មួយ​ចំនួន​ធំ ដែល​ជា​ក្រុមហ៊ុន​កែច្នៃ​អង្ករ មក​ចូល​រួម​ប្រជុំ ដើម្បី​សំណូមពរ​ដល់​​រោងម៉ាស៊ីន​ទាំង​នោះ​ ធ្វើ​ម៉េច​ឱ្យ​ការ​ទិញ​ស្រូវ​ពី​ប្រជាពលរដ្ឋ កុំ​ឱ្យ​ក្រោម​តម្លៃ​​កំណត់​ខាង​លើ ហើយ​រោងម៉ាស៊ីនទាំងនោះ ​នឹងប្រមូលទិញស្រូវជារៀងរាល់ថ្ងៃ ក្នុងមួយរោងម៉ាស៊ីន ចន្លោះពី ៥០០​តោន​ទៅ ២០០០តោន។

ចំពោះស្រូវ​នៅតាមតំបន់សេសសល់ផ្សេងទៀត ឬ​តំបន់ឆ្ងាយៗ​ខ្លះ​ លោក​ឧកញ៉ា យល់​ថាអាច​មាន​​តម្លៃ​មិន​ទាន់​បាន​ស្មើ ​ប្រហាក់ប្រហែល ឬ​តម្លៃ​ទាប​ជាង​នេះ ប៉ុន្តែ​តម្លៃ​ទាប​នោះ ករណី​ខ្លះ​ស្រូវ​មិន​​សូវ​មាន​គុណភាពល្អ។ លោក​ឧកញ៉ា បន្ថែម​ថា​ ទោះ​យ៉ាង​ណាបើ​ប្រៀបធៀប​ទៅ​នឹង​ឆ្នាំ​មុន តម្លៃ​ស្រូវ​ខ្ពស់​បំផុត​ត្រឹម ១,០០០,០០០​រៀល​ប៉ុណ្ណោះ​ក្នុង​មួយ​តោន ហើយ​តម្លៃ​នេះ ក៏​ថ្លៃ​ជាង​រាប់ឆ្នាំ​មុនៗ​ទៀតដែរ។ សម្រាប់​តម្លៃ​ខាង​លើ​នេះ លោក​ឧកញ៉ា​ យល់​ថា​គឺ​​ស្រប​តាម​តម្លៃ​អង្ករ​លើ​ទីផ្សារ​អន្តរជាតិ ហើយ​ក៏​ជា​តម្លៃ​មួយ​សមស្រប​ទាំង​អ្នក​នាំចេញ​អង្ករ និង​កសិករ​ផលិតស្រូវ​ផង​ដែរ។

គួរបញ្ជាក់​ថា រយៈពេលប្រមាណ​មួយ​សប្តាហ៍​ចុង​ក្រោយ​នេះ តម្លៃ​ស្រូវ​នៅ​តាម​បណ្តាខេត្ត​មួយចំនួន ​​មាន​ការ​ធ្លាក់​ថ្លៃ​ជាបន្តបន្ទាប់ ដោយសារ​​មាន​ឈ្មួញ​ខិលខូច​​ឆ្លៀតឱកាស​បង្អាប់តម្លៃស្រូវពីកសិករ​ក្រោមហេតុផលផ្សេងៗ​ និងកេងចំណេញ ដោយថាទិញយកទៅលក់ឱ្យ​ក្រុមហ៊ុនកែច្នៃស្រូវអង្ករ។ បញ្ហា​នេះ បាន​ធ្វើ​ឱ្យ​ប្រជាកសិករ ​មាន​ក្តីបារម្ភ​យ៉ាង​ខ្លាំង ខណៈដែលពួកគាត់​បាន​ចំណាយ​យ៉ាង​ច្រើនទៅលើជី ដែលមានតម្លៃខ្ពស់ រួមទាំងសម្ភារ:​ក្នុង​ការថែទាំផ្សេងៗ និង​បាន​ស្នើ​សុំ​ឱ្យ​មន្ត្រីពាក់ព័ន្ធជួយអន្តរាគមន៍៕

The post ឧកញ៉ា ភួ ពុយ ចុះទប់ស្កាត់ការធ្លាក់ថ្លៃស្រូវ និងជួយកំណត់តម្លៃស្រូវឱ្យបានសមរម្យជូនប្រជាពលរដ្ឋ appeared first on .

យោង​តាម​សេចក្តីសម្រេច​របស់​ គណៈកម្មាធិការជាតិ​រៀបចំ​ការ​បោះឆ្នោត (គ.ជ.ប.) លេខ​ ១៩៣ គ.ជ.ប. ស.ស.រ ដែល​ចុះ​ហត្ថលេខា​ដោយ​លោក ប្រាជ្ញ ចន្ទ ​ប្រធាន​ គ.ជ.ប. ​​កាលពី​ថ្ងៃទី១ ខែឧសភា ឆ្នាំ២០២៣ ​​បាន​ទទួល​ស្គាល់​បញ្ជី​បេក្ខជន​ឈរ​ឈ្មោះ​បោះឆ្នោត ​​របស់​គណៈបក្ស​ប្រជាជន​កម្ពុជា ​​ដែល​​មាន ២៥​ មណ្ឌល​រាជធានី ខេត្ត ដោយ​ក្នុង​នោះ​​មាន អ្នកឧកញ៉ា ឧកញ៉ា ដែល​បាន​ឈរ​ឈ្មោះ​ដូច​ខាង​ក្រោម៖

១. អ្នកឧកញ៉ា សៀង ណាំ៖ បេក្ខជនពេញសិទ្ធិ លេខរៀងទី២ មណ្ឌលខេត្តសៀមរាប

២. អ្នកឧកញ៉ា ម៉ម វណ្ណឌី៖ បេក្ខជនបម្រុង លេខរៀងទី២ មណ្ឌលខេត្តឧត្តរមានជ័យ

៣. ឧកញ៉ា ភួ ពុយ៖ បេក្ខជនបម្រុង លេខរៀងទី២ មណ្ឌលខេត្តបាត់ដំបង

៤. ឧកញ៉ា លី ឆេង៖ បេក្ខជនពេញសិទ្ធិ លេខរៀងទី១១ មណ្ឌលរាជធានីភ្នំពេញ

៥. ឧកញ៉ា ទ្រី ដាលុច៖ បេក្ខជនបម្រុង លេខរៀងទី៩ មណ្ឌលខេត្តកណ្តាល

សូម​ជម្រាប​ជូន​ថា បេក្ខជនតំណាងរាស្ត្រ ឈរ​ឈ្មោះ​សម្រាប់​ការ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី៧ ឆ្នាំ២០២៣ ​របស់​​គណបក្ស​ប្រជាជន​កម្ពុជា ​​​ទាំង​ ២៥ មណ្ឌលរាជធានី-ខេត្ត គឺ​មាន​បេក្ខជន​ពេញសិទ្ធិ​ចំនួន ១២៥​រូប (ស្ត្រី ១៦រូប) និង​បេក្ខជន​បម្រុង​​ចំនួន​ប្រមាណ ១៤៩​រូប (ស្ត្រី ៣៨​រូប)។ ការ​បោះឆ្នោត​ជ្រើសតាំង​តំណាងរាស្ត្រ នីតិកាល​ទី៧ ​​នឹង​ប្រព្រឹត្ត​ទៅ​នៅ​ថ្ងៃទី២៣ ខែកក្កដា ឆ្នាំ២០២៣ ដោយ​មាន​គណបក្សនយោបាយ​ចំនួន ១៨ ចូលរួម៕

The post តើអ្នកឧកញ៉ា ឧកញ៉ា រូបណាខ្លះ ឈរឈ្មោះបោះឆ្នោតជាបេក្ខជនតំណាងរាស្ត្រ នីតិកាលទី៧? appeared first on .