ការយល់ឃើញ​បែប​នេះ បន្ទាប់ពី​លោកឧកញ៉ា បាន​ចុះ​ទៅ​ពិនិត្យ​មើល​ដំណាំ​ផ្សេងៗ​​​ដល់​ចម្ការ​ដោយ​ផ្ទាល់។ លោកឧកញ៉ា បាន​លើកឡើង​លើ​ទំព័រហ្វេសប៊ុក ​​កាលពី​ថ្ងៃទី១៩ ខែមីនា ឆ្នាំ២០២៤ ថា​ក្រោយពីបាន​ចុះមកពិនិត្យ​មើលដល់ចម្ការ​រួចមក​លោក​ឃើញថា​ឆ្នាំ​២០២៤នេះ​ ​ធូរេន​ សាវម៉ាវ​ ក្រូចថ្លុង​ ឱ្យ​ផលច្រើន​ខ្លាំង​ណាស់​ តែមាន​បញ្ហា​មួយកើតឡើង​សម្រាប់​អ្នក​ប្រកប​មុខរបរ​អាជីវកម្ម​លើវិស័យ​កសិកម្ម​ កសិឧស្សាហកម្ម​ គឺ​បញ្ហា​បម្រែបម្រួល​អាកាសធាតុ​ អូសបន្លាយ​រដូវ​ប្រាំង​មិនមាន​ភ្លៀង​កក់ខែ​ ធ្វើ​​ឱ្យ​ដំណាំ​ជួប​បញ្ហា​កង្វះ​ទឹក​យកមក​ស្រោច​ស្រព។

គួរបញ្ជាក់ថា តាមការព្យាករ​​​របស់​ក្រសួងធនធានទឹក និង​ឧត្តុនិយម កាលពី​ថ្ងៃទី២ ខែមីនា ឆ្នាំ២០២៤ បាន​ឱ្យ​ដឹង​ថា ​ស្ថានភាព​អាកាសធាតុនៅកម្ពុជា នៅរដូវប្រាំង ឆ្នាំ២០២៤​នេះ ​​គឺ​សីតុណ្ហភាព​នៅ​ទូទាំង​ប្រទេស​នឹង​ឡើង​ខ្ពស់​ជាង​មធ្យម​ភាគ​ច្រើនឆ្នាំ ដែល​ជា​កត្តា​ធ្វើ​ឱ្យ​អាកាសធាតុ​ក្តៅ​ហើយ​ស្ងួត។ ចំពោះ​បរិមាណ​ទឹក​ភ្លៀង​នឹង​ទាបជាង​មធ្យមភាគ​ច្រើន​ឆ្នាំ ហើយ​ភ្លើង​កក់ខែ​ធ្លាក់​តិចតួច ដោយ​តិចជាង​ឆ្នាំ​២០២៣ ជាមួយ​គ្នា​នឹង​បាតុភូតផ្គររន្ទះ និង​ខ្យល់​កន្ត្រាក់​ដែល​កើត​ឡើងច្រើន៕

The post ឧកញ៉ា ម៉ុង ឫទ្ធី៖ អ្នកប្រកបរបរអាជីវកម្មលើវិស័យកសិកម្ម ជួបបញ្ហាមួយ នៅឆ្នាំ២០២៤នេះ appeared first on .

នាយកចាត់ការទូទៅនៃក្រុមហ៊ន ម៉ុង ឬទ្ធី គ្រុប បានឱ្យដឹងថា រោងចក្រផលិតចំណីសត្វទី២ យើងបង្កើតឡើងដើម្បីចូលរួមចំណែកផ្គត់ផ្គង់តម្រូវការចំណីសត្វនៅក្នុងស្រុកដែលគ្រោងនឹងចាប់ផ្តើមដំណើរការនៅដើមឆ្នំាក្រោយនេះ។

លោក លី ឡាវិល មានប្រសាសន៍ថា «នៅពេលកម្ពុជាមានរោងចក្រផលិតចំណីសត្វមានកាន់តែច្រើន ខ្ញុំគិតថានឹងផ្តល់ផលប្រយោជន៍ដល់អ្នកប្រើប្រាស់។មានន័យថា នឹងមានតម្រូវការ និងការប្រកួតប្រជែងកើតឡើង ដូចនេះវានឹងផ្តល់ផលប្រយោជន៍ដល់អ្នកចិញ្ចឹមសត្វនៅក្នុងស្រុក មានជម្រើសរើសកាន់តែច្រើនក្នុងការជ្រើសរើសប្រភេទចំណីសត្វ»។

បើតាមលោក លីឡាវិល រោងចក្រផលិតចំណីសត្វទី២របស់លោកឧកញ៉ា ម៉ុង ឬទ្ធី គ្រោងផលិតចំណីសត្វរស់នៅលើគោក និងបក្សី (ជ្រូក មាន់ ទា)។

លោក លី ឡាវិល លើកឡើងថា ជាទូទៅការផលិតចំណីសត្វនៅក្នុងស្រុក ធៀបទៅនិងចំណីនាំចូលមិនប្រាកដថាចំណីក្នុងស្រុកមានតម្លៃថោកជាងគេទេ គ្រាន់តែថាការផលិតចំណីនៅក្នុងស្រុកវាមាននិរន្តរភាព និងសេវាកម្មបច្ចេកទេសផ្ទៃក្នុងមានភាពងាយស្រួល ដូចនេះហើយបានជាអ្នកប្រើប្រាស់ចូលចិត្តប្រើ បើទោះបីតម្លៃចំណីសត្វដែលផលិតនៅក្នុងស្រុកពេលខ្លះថ្លៃជាងចំណីនាំចូលតិចតួចក៏គេនៅតែប្រើដែរ។

ជាទូទៅនៅពេលដែលមានរោងចក្រផលិតចំណីសត្វបង្កើតឡើងកាន់តែជ្រើន វាចូលរួមផ្តល់ប្រយោជន៍ធ្វើឱ្យការប្រើប្រាស់កសិផលនៅក្នុងស្រុកមានការកើនឡើង កសិករកាន់តែមានទីផ្សារល្អ ហើយប្រជាកសិករដែលជាអ្នកចិញ្ចឹមសត្វមានជម្រើសរើសកាន់តែច្រើន។

ពាក់ព័ន្ធនឹងវិស័យចិញ្ចឹមសត្វនៅកម្ពុជា ពិសេសការចិញ្ចឹមជ្រូក បើតាមលោក លី ឡាវិល ថានៅក្នុងរយៈពេល១ឆ្នំាចុងក្រោយនេះ ការចិញ្ចឹមជ្រូកវាខុសពីសម័យមុន។សម័យមុនចិញ្ចឹមជ្រូករស់ប្រកួតជាមួយសត្វរស់ដែលនាំចូលមកពីប្រទេសជិតខាង តែសម័យនេះចិញ្ចឹមសត្វរស់ប្រកួតជាមួយសាច់បង្កកនាំចូល ហើយទន្ទឹមនិងនេះ ចំណីសត្វបច្ចុប្បន្ននៅទូទំាងពិភពលោកឡើងថ្លៃ ធ្វើឱ្យថ្លៃដើមផលិតសត្វថ្លៃជាងមុនរហូតដល់៣០% បើប្រៀបធៀបទៅនិងមុនពេលមានវិបត្តិជំងឺកូវីដ១៩ និងបញ្ហាសង្គ្រាមនៅអ៊ុយក្រែន ប៉ុន្តែសាច់លក់នៅទីផ្សារបានតម្លៃថោក។

លោកសង្កត់ធ្ងន់ថា «ទោះបីមានរោងចក្រផលិតចំណីសត្វនៅក្នុងស្រុក កសិករក៏មិនទាន់ងើបមកចិញ្ចឹមសត្វឡើងវិញដែរ បើមិនទាន់មានគោលនយោបាយច្បាស់លាស់ពីរាជរដ្ឋាភិបាល ក្នុងការលើកស្ទួយវិស័យចិញ្ចឹមសត្វនៅកម្ពុជា ឱ្យមានគោលនយោបាយផ្គត់ផ្គង់ច្បាស់លាស់ថាតើសាច់បង្កកនេះត្រូវផ្គត់ផ្គង់ដោយរបៀបម៉េច ហើយសត្វរស់តើកសិករត្រូវផ្គត់ផ្គង់ដោយរបៀបណា?»៕

អត្ថបទ៖ សារេត

The post កម្ពុជាមានរោងចក្រផលិតចំណីសត្វ ចូលរួមផ្តល់ប្រយោជន៍ដល់កសិករ និងអ្នកចិញ្ចឹមសត្វក្នុងស្រុក appeared first on .

ឧកញ៉ា ម៉ុង ឫទ្ធី សមាជិកព្រឹទ្ធសភាមកគណបក្សប្រជាជនកម្ពុជា បានឲ្យដឹងថា «មេ​ខ្លាដំបង​បាន​បង្កេីតកូនចំនួន៣​ក្បាលឈ្មោល២ ញី១ ងាប់អស់២ក្បាល​នៅសល់តែកូន​ឈ្មោល១ក្បាល​ ដោយសារតែ​មិនមាន​យាយម៉បណាម្នាក់​ស្ម័គ្រចិត្ត​មកជួយ​បង្កេីតនោះទេ​ បេីទោះបីជា​បុគ្គលិក​សួនសត្វ​ខិតខំ​ប្រឹងប្រែង​រត់រក​តាម​ភូមិ​យ៉ាងណាក៏ដោយចុះ»។

សូមទស្សនាវីដេអូខាងក្រោម៖

The post «មេ​ខ្លាដំបង» ឧកញ៉ា ម៉ុង ឫទ្ធី ​បង្កេីតបានកូនចំនួន៣​ក្បាល appeared first on .

យោងតាមបណ្តាញទំនាក់ទំនងសង្គមផ្លូវការរបស់ឧកញ៉ា ម៉ុង ឬទ្ធី បានឱ្យដឹងថា ក្រោយពីបានចាប់ផ្តើមបើកការដ្ឋានសាងសង់កាលពីថ្ងៃទី១១ខែវិច្ចិកាឆ្នាំ២០២១ រោងចក្រផលិតចំណីសត្វទី២ដែលមានកម្លាំងផលិត៣០តោនក្នុងមួយម៉ោង បានសាងសង់តម្លើងរួចរាល់ជាស្ថាពរ ព្រមទាំងបានចាប់ផ្តើមដំណើរការសាកល្បង នៅវេលាម៉ោង៧ព្រឹកថ្ងៃសុក្រទី២១ខែកក្កដាឆ្នាំ២០២៣នេះ។

លោកឧកញ៉ាគូសបញ្ជាក់ថា «នៅក្រោយពេលរោងចក្រផលិតចំណីសត្វទី១មានកម្លាំងផលិត២០តោនក្នុងមួយម៉ោង និងទី២ថ្មីអាចផលិតបាន៣០ទៅ៥០តោនក្នុងមួយម៉ោង រោងចក្រនេះគឺជាទីផ្សារសម្រាប់ឱ្យកសិករកម្ពុជាយើងនាំយកកសិផលដូចជាដំឡូងមី ពោតចំណីសត្វ កន្ទក់ ចុងអង្ករ កាកសំណស់សណ្តែកសៀង ប្រេងដូងឆៅ កាកសំណល់គ្រាប់ក្នុងផ្លែដូងប្រេងជាដើម យកមកលក់ជាមធ្យម១០០លានដុល្លារសហរដ្ឋអាមេរិកជារៀងរាល់ឆ្នាំ»។

លោកឧកញ៉ាថា សូមបញ្ជាក់ថាដើម្បីផលិតជាចំណីសត្វបាន យើងមានតម្រូវការគ្រាប់ធញ្ញជាតិរួមជាមួយវត្ថុធាតុដើមផ្សេងៗទៀត ចំនួន២១មុខយកមកលាយបញ្ចូលគ្នាទើបអាចផលិតជាចំណីសត្វបាន ។រោងចក្រនេះមានទីតាំងស្ថិតនៅតាមបណ្តោយផ្លូវជាតិលេខ៤ ត្រង់ចន្លោះបង្គោលគីឡូម៉ែត្រលេខ១៥៨ហាងការហ្វេដូងប្រេង ភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ ៕ អត្ថបទ៖សារេត

The post រោងចក្រចំណីសត្វទី២ របស់ឧកញ៉ា ម៉ុង ឬទ្ធី ជាទីផ្សារឱ្យកសិករនាំកសិផលមកលក់បានចំណូលខ្ទង់ ១០០លានដុល្លាររៀងរាល់ឆ្នាំ appeared first on .

នៅថ្ងៃទី២៧ ខែសីហានេះ កូនប្រុស ២នាក់របស់លោក គឺលោក ម៉ុង ចាន់ថន ជាកូនទី៣ និងលោក ម៉ុង ចាន់ថុល កូនទី៤ ទទួលបានគោរមងារ «ឧកញ៉ា» ពីព្រះមហាក្សត្រ តាមសេចក្តីក្រាបទូលថ្វាយដោយសម្តេចតេជោ ហ៊ុន សែន នាយករដ្ឋមន្រ្តីកម្ពុជា។ នេះបើតាមអនុក្រឹត្យ លេខនស/រកត/០៨២២/១០៥៩ ចុះហត្ថលេខាដោយប្រមុខរដ្ឋស្តីទី សម្តេចវិបុលសេនាភក្តី សាយ ឈុំ។

អ្នកឧកញ៉ា ម៉ុង ឫទ្ធី មានបុត្រចំនួន ៥រូប ក្នុងនោះស្រីពីរនាក់ រួមមាន៖ លោកស្រី ម៉ុង សុធា ត្រូវជាភរិយាបណ្ឌិត តាន់ មុនីវណ្ណ អគ្គនាយករង ក្រុមហ៊ុន​ ម៉ុងឫទ្ធីគ្រុប ទី២ ឧកញ៉ា ម៉ុង រិទ្ធថា អគ្គនាយករង ក្រុមហ៊ុន​ ម៉ុងឫទ្ធីគ្រុប ទី៣ លោក ម៉ុង ចាន់ថន អគ្គនាយករង ក្រុមហ៊ុន​ ម៉ុងឫទ្ធីគ្រុប ទី៤ លោក ម៉ុង ចាន់ថុល អគ្គនាយករង ក្រុមហ៊ុន​ ម៉ុងឫទ្ធីគ្រុប និងទី៥ លោកស្រី ម៉ុង សុធារី អគ្គនាយករង ក្រុមហ៊ុន​ ម៉ុងឫទ្ធីគ្រុប ជាកូនស្រីពៅសំណព្វចិត្ត របស់អ្នកឧកញ៉ា និងលោកជំទាវ។

គួរបញ្ជាក់ថា ក្រុមហ៊ុន ម៉ុងឫទ្ធី គ្រុប មានក្រុមហ៊ុនបុត្រសម្ព័ន្ធចំនួន៧​ទៀតឯណោះ ដែល​​អ្នក​ឧកញ៉ា ម៉ុង ឫទ្ធី មាន​កូនប្រុសស្រី និង​កូន​ប្រសារ​ជួយ​ជ្រោមជ្រែង។ ក្រុមហ៊ុន​ទាំង​នោះ​មាន​ដូច​ជា៖ ក្រុមហ៊ុនសំណង់ក្មេងវត្ត, ក្រុមហ៊ុន ម៉ុងឫទ្ធី វិនិយោគដំណាំដូងប្រេងកម្ពុជា, ក្រុមហ៊ុន កំពង់ផែឧកញ៉ាម៉ុង, ក្រុមហ៊ុន ម៉ាល់ធីកូ អិមអេស (កម្ពុជា), ក្រុមហ៊ុន អិមភីក អេស៊ីអិមស៊ី (កម្ពុជា), ក្រុមហ៊ុន អិមអធី រ៉ាប់ប៊ឺរ ផ្លានថេសិន និង​ក្រុមហ៊ុន ឃីងឌឹមហ្រ្វ៊ូត អ៊ីនធើណេសិនណល៕

The post កូនមហាសេដ្ឋី ម៉ុង ឬទ្ធី ២រូបទៀតហើយទទួលបានគោរមងារ «ឧកញ៉ា» appeared first on .

នៅព្រឹក​ថ្ងៃ​សៅរ៍​ ទី​៧​ ខែឧសភា​ ឆ្នាំ​២០២២​ អ្នកឧកញ៉ា ម៉ុង ឬទ្ធី អគ្គនាយកក្រុមហ៊ុន ម៉ុងឬទ្ធី គ្រុប បានចូលរួមគោរពវិញ្ញាណក្ខន្ធសពលោក ហ៊ុន ណេង បន្ទាប់ចេញមកពី​គោរព​វិញ្ញាណក្ខន្ធ​​វិញ លោកបាន​ឆ្លងកាត់ខាងមុខ​អតីត​សណ្ឋាគារ​មេគង្គ ហើយក៏រំលឹកនឹកដល់អនុស្សាវរីយ៍ជាមួយលោក ហ៊ុន ណេង ក្នុងការផ្តួចផ្តើមកសាងសង់សណ្ឋាគារនេះឡើង។

អ្នកឧកញ៉ា ម៉ុង ឬទ្ធី បានថ្លែងថា៖ «​អតីត​សណ្ឋាគារ​មេគង្គខ្ញុំ​បានសាងសង់​ក្នុង​ឆ្នាំ​១៩៨៧​ ហេីយរួចរាល់​ជាស្ថាពរ​ចុងឆ្នាំ​១៩៨៩ គិតមកដល់ពេលនេះមានអាយុកាល​ ៣៣ឆ្នាំ​កន្លងផុតទៅហេីយ​ ក្នុង​តម្លៃ​​៩៧លានរៀល​ កាលណោះលោក ​ហ៊ុន​ ណេង​ ជា​អភិបាល​ខេត្ត​កំពង់ចាម លោក​ជាអ្នក​​ផ្តួចផ្តើម​គំនិត​សាងសង់​សណ្ឋាគារ​នេះឡេីង​ ​ដែល​បច្ចុប្បន្ន​បាន​ប្រែក្លាយ​ទៅជា​ (មន្ទីពេទ្យ​មេគង្គ​កំពង់ចាម​)​»។

លោកបានសង្កត់ធ្ងន់ថា បេីទោះបី​គ្រានោះ​មានការ​លំបាក​គ្រប់បែបយ៉ាង​ ក៏លោក​បាន​ឲ្យ​សាងសង់​សាលាខេត្ត​ និង​ពេទ្យ​កុមា​។ល។ នេះលោកគ្រាន់តែ​រំលឹក​ពី​គុណូបការគុណ​ដែល​លោក ហ៊ុន ណេង​ បាន​បន្សល់ស្នាដៃ​មួយចំណែក​តូច​ ក្នុង​ចំណោម​ស្នាដៃ​ជាច្រើន​ឥតគណនា​ឲ្យកូនចៅ​ជំនាន់​ក្រោយៗ​បានដឹងខ្លះៗ​តែ​ប៉ុណ្ណោះ​។

គួររម្លឹកថា រដ្ឋបាលខេត្តកំពង់ចាម សម្រេចតាមការណែនាំរបស់រដ្ឋាភិបាលឲ្យយកសណ្ឋាគារមេគង្គ ស្ថិតក្នុងក្រុងកំពង់ចាម ធ្វើជាមន្ទីរពេទ្យសម្រាប់ព្យាបាលអ្នកជំងឺកូវីដ-១៩ ក្នុងខេត្តកំពង់ចាម និងមកពីខេត្តត្បូងឃ្មុំ។ ក្រោយមកអតីតសណ្ឋាគារនេះត្រូវបានប្តូរមកជាមន្ទីរពេទ្យមេគង្គខេត្តកំពង់ចាមវិញ។

សូមជម្រាបជូនថា លោក ហ៊ុន ណេង បានទទួលមរណភាព នៅថ្ងៃព្រហស្បតិ៍ ទី៥ ខែឧសភា ឆ្នាំ២០២២ វេលាម៉ោង១៨:២៥ នាទី ក្នុងជន្មាយុ៧២ឆ្នាំ ដោយរោគាពាធ។ លោកត្រូវបានព្រះមហាក្សត្រខ្មែរ កាលពីថ្ងៃទី៧ ខែឧសភាម្សិលមិញ ត្រាស់បង្គាប់ផ្តល់គោរមងារជា «សម្តេចឧត្តមទេពញាណ ហ៊ុន ណេង»។

សម្តេចឧត្តមទេពញាណ ហ៊ុន ណេង តំណាងរាស្រ្តមណ្ឌលខេត្តកំពង់ចាម និងជាសមាជិកគណៈកម្មាធិការអចិន្រ្តៃយ៍រដ្ឋសភា ដែលកំពុងតម្កល់ធ្វើបុណ្យតាមប្រពៃណីសាសនា នៅគេហដ្ឋានសព នាក្រុង/ខេត្តកំពង់ចាម។  នៅថ្ងៃចន្ទស្អែកនេះ សពសម្តេច ហ៊ុន ណេង នឹងត្រូវដង្ហែទៅបញ្ចុះនៅវត្តសុវណ្ណគិរីរតនៈ ភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម៕

The post អ្នកឧកញ៉ា ម៉ុង ឬទ្ធី រម្លឹកអនុស្សាវរីយ៍សម្តេចឧត្តមទេពញាណ ហ៊ុន ណេង ជំនាន់រកស៊ីនៅខេត្តកំពង់ចាម appeared first on .

លោក ជា ឌីណា សហស្ថាបនិកនិងជាប្រធាន ក្រុមហ៊ុន IDEA 3MS និងបណ្ណាល័យអេឡិកត្រូនិក KUMNIT APP បានឱ្យដឹងថា APP គំនិតជំនាន់ទី១ ត្រូវបានបង្កើតឡើងតាំងពីឆ្នាំ២០២០ ហើយសម្រាប់ជំនាន់ទី២ នេះ កាន់តែធ្វើអោយអ្នកអានកាន់តែងាយស្រួលជាងមុន មានមុខងារច្រើនជាងមុន មានមុខងារនិងចំណុចពិសេសច្រើនជាងមុន ដែលធ្វើអោយអ្នកអានអាចសិក្សាស្រាវជ្រាវ រៀនសូត្របាន អាចស្វែងរកកម្រងសៀវភៅព័ត៌មាន និងមេរៀនល្អៗ យកមកអាន ដើម្បីបង្កើនចំណេះដឹង ចំណេះធ្វើ បទពិសោធន៍ ព្រមទាំងភាពប្រឈម និងដំណោះស្រាយផ្សេងៗក្នុងស្មាតហ្វូន ទាំងអស់គ្នា ដែលស្របទៅនឹងភាពជឿនលឿន នៃសម័យកាលបច្ចេកវិទ្យា ។

លោកបន្តថា គោលបំណងនៃការបង្កើត APP គំនិត គឺដើម្បីជម្រុញលើកទឹកចិត្ត និងបំផុសបំផុលប្រជាពលរដ្ឋខ្មែរ ពិសេស សិស្ស និសិ្សត យុវជន ក៏ដូចជសសហគ្រិន ទូទៅអោយចាប់ផ្តើមចូលចិត្តការអានសៀវភៅ ចាប់ផ្តើមការស្រលាញ់សៀវភៅ ចាប់ផ្តើមការអភិវឌ្ឍខ្លួនឯង តាមរយៈការអានសៀវភៅ ឬមើលសៀវភៅ ជាលក្ខណៈ Digital Book ដែលផ្តល់ភាពងាយស្រួល។

ជាមួយនេះក៏ជាការជួយលើកស្នាដៃអ្នកនិពន្ធ ក្នុងស្រុកអោយមានប្រភពចំណូលមួយផ្នែកទៀតអាជីវកម្ម តាមរយៈការដាក់លក់សៀវភៅក្នុង App គំនិតនេះ។ ជាងនេះទៅទៀត ក៏ជាការចូលរួមជាផ្នែកមួយក្នុងការអភិវឌ្ឍវិស័យអប់រំបែប ឌីជីថល និងចូលរួមអភិវឌ្ឍធនធានមនុស្សនៅកម្ពុជាកាន់តែប្រសើរឡើងមួយកំរិតទៀតផងដែរ។

ទន្ទឹមនឹងនោះ អ្នកឧកញ៉ា ម៉ុង ឬទ្ធី បានរំលឹកពីដំណើរនៃការសរសេរសៀវភៅ តាំងពីជំនាន់ការលំបាក ហើយក្រោយមករាល់អត្ថន័យ ក្នុងសៀវភៅបានជួយកែសម្រួលពីសាស្រ្តាចារ្យ ទើបចេញជាសៀវភៅជាច្រើននេះឡើង ទុកជាចំណេះដឹងសម្រាប់អ្នកជំនាន់ក្រោយ បានដឹង ហើយរៀនសូត្រតាមគំនិតរបស់ដែលថាត្រឹមត្រូវ។

លោកបានកាត់ទុកការបង្កើតApp គំនិតនេះឡើងជាការល្អបំផុត ហើយសង្ឃឹមថាអ្នកដែលគ្រប់គ្រង App នេះ មានគំនិតជាតិនិយម មានវប្បធម៍ខ្មែរនិយម ដើម្បីអោយជាតិរីកចំរើនរុងរឿង ហើយអោយក្មេងៗជំនាន់ក្រោយយកគំរូតាម ក្លាយជាទំពាំងស្នងឬស្សី រួមគ្នាអភិវឌ្ឍប្រទេសជាតិកាន់តែរីកចំរើន ។

លោករដ្ឋមន្រ្តីក្រសួងព័ត៌មាន ខៀវ កាញារីទ្ធ បានសំដែងការរីករាយដែលបានមកសម្ពោធបណ្ណាល័យអេឡិកត្រូនិក KUMNIT APP ជំនាន់ទី២ ដោយសារថានៅកម្ពុជា ការបោះពុម្ពសៀវភៅ ការទិញសៀវភៅ មានការលំបាក តែបើនៅប្រទេសគេ នៅពេលអ្នកនិពន្ធធ្វើការសរសេរចប់ហើយយកទៅគ្រឹះស្ថានោះពុម្ពអោយគេពិនិត្យ បើត្រូវហើយ គេនឹងអោយលុយមុនតែម្តង ជាក់ស្តែង អតីតប្រធានាធិបតីអាមេរិក អូបាម៉ា និងភរិយា គេអោយលុយកក់មុន ៦០ លានដុល្លា សម្រាប់ការសរសេរសៀវភៅ ប៉ុន្មានក៏ដោយ អោយតែលក់អោយគេ។

ដូច្នេះការដែលបង្កើតApp ដែលដាក់បញ្ជូលសៀវភៅនេះឡើងជាការល្អ ហើយការមើលត្រូវបង់ប្រាក់ទោះបីតិចក្តី តែបើមានអតិថិជនមើលច្រើន និងទទួលបានចំណូលច្រើន អាចជួយដល់អ្នកតែងនិពន្ធសៀវភៅ ហើយជាយុទ្ធសាស្រ្ត ឈ្នះៗ ទាំង ៣ ។ លោក ខៀវ កាញារិទ្ធ បន្ថែម។

លោកគូសបញ្ជាក់ថា ការមើលសៀវភៅ និងការមើលទូរទស្សន៍ គឺមានការខុសគ្នា ដោយការមើលទូរទស្សន៍ ជាការទទួល តែបើមើលសៀវភៅគឺខួរក្បាលរត់ មានភាពសកម្មជាងការមើល ហើយមានពេលគិតច្រើន។ សម្រាប់បណ្ណាល័យអេឡិកមានលក្ខណៈល្អជាង ការទុកសៀវភៅ គរច្រើន នាំអោយខូច និងបោះចោល ។ បណ្ណាល័យអេឡិកត្រូនិកនេះ គឺជាការឈានចូលសតវត្សទី២១ ប្រកបដោយភាពជឿនលឿន។

លោក ខៀវ កាញារីទ្ធ បានលើកឡើងថា បើប្រៀបធៀបជំនាន់មុន និងជំនាន់នេះ គឺសៀវភៅមានភាពខុសគ្នា ១ ពាន់ដង ដែលមុនមានតិច ឥឡូវច្រើនណាស់ ហើយក្មេងៗជំនាន់ថ្មីនេះ មានចំណេះដឹងច្រើនទៀតផង តែសំខាន់ការប្រើចំណេះដឹងនេះអោយត្រូវ ក្នុងនោះគឺការចេះអត់អោនអោយគ្នា ទាមទារការរៀនសូត្រ ការស្វែងយល់គ្នា ការអានអោយបានច្រើន និងការពិភាក្សាផ្តាស់ប្តូរមតិយោបល់គ្នាជាក្រុម លើចំណុចនីមួយៗដែលជាការជួយជម្រុញអោយសង្គមមានការវិវឌ្ឍ។

លោកមានភាពជឿជាក់ថា សង្គមដែលមានអ្នកចេះដឹងច្រើនប៉ុណ្ណឹងហើយ គឺមិនងាយស្រុតនោះទេ ហើយអ្វីដែលសំខាន់ត្រូវយល់អ្វីដែលជាសន្តិភាព៕

The post រដ្ឋមន្ត្រីព័ត៌មាន និងអ្នកឧកញ៉ា ម៉ុង ឫទ្ធី សម្ពោធដាក់ឱ្យប្រើប្រាស់ជាផ្លូវការនៃបណ្ណាល័យអេឡិកត្រូនិក KUMNIT APP appeared first on .

បើគិតមកដល់ពេលបច្ចុប្បន្ននេះ រវាងមិត្តភ័ក្រ្តទាំងពីរ មានអាណាចក្រជំនួញប្រាក់លានជាច្រើននៅក្នុងដៃ ដែលបង្កើតការងារបានរាប់ពាន់កន្លែងឲ្យប្រជាពលរដ្ឋនិងចូលរួមលើកស្ទួយសេដ្ឋកិច្ចជាតិ។ បើក្រឡែកទៅមើលអាជីវកម្មរបស់អ្នកឧកញ៉ា ភាព ហៀក វិញ ស្ទើរតែមានប្រជាជនទូទាំងប្រទេសបានស្គាល់តាមរយៈផលិតផលជាច្រើននៅលើទីផ្សារ ដែលស្ថិតក្រោមក្រុមហ៊ុនមេ ជីប ម៉ុង គ្រុប ជាក្រុមហ៊ុនវិនិយោគដោយជនជាតិខ្មែរ ១០០ភាគរយ ដែលមានឥទ្ធិលពលដ៏ខ្លាំងខ្លាមួយនៅកម្ពុជា ខណៈក្រុមហ៊ុនមួយនេះស្ទើតែក្តោបក្តាប់សេដ្ឋកិច្ចកម្ពុជាទាំងមូល។

អ្នកឧកញ៉ា ម៉ុង ឬទ្ធី អ្នកជំនួញក្នុងពហុវិស័យ និងជាអគ្គនាយកក្រុមហ៊ុន ម៉ុង ឬទ្ធី គ្រុប បានសម្តែងនូវការអរគុណចំពោះ​ពួកម៉ាករបស់លោក (អ្នកឧកញ៉ា ភាព ហៀក) និងកូនប្រុសទី២​ ដែល​ជា​ម្ចាស់​សណ្ឋាគារ​ Hyatt ភ្នំពេញ គឺអ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុន ជីប ម៉ុង​ ដែលបាន​អញ្ជើញ​រូបលោក​ និង​ភរិយា​មក​អាហារ​ពេល​ល្ងាច​ និង​បាននាំដេីមេីល​រចនាបថ​ជាច្រើន​កន្លែង​ នៅ​ក្នុង​បរិវេណ​សណ្ឋាគារ​ទាំង​មូល។

អ្នកឧកញ៉ាថ្លែងថា៖ “សូមថ្លែង​អំណរគុណ​​ដែល​ពួកម៉ាក​ (អ្នកឧកញ៉ា ភាព ហៀក) នៅមិន​បំភ្លេច​គ្រាក្រ​លំបាក​“។

គួររម្លឹកជូនឡើងវិញថា សណ្ឋាគារ «ហៃយ៉ាត់ រីជិនស៊ី ភ្នំពេញ» ដែលមានតម្លៃ ១៨០លានដុល្លារ ស្ថិតកណ្តាលរាជធានីភ្នំពេញ ជាបុត្រសម្ព័ន្ធរបស់ក្រុមហ៊ុន ជីប ម៉ុង គ្រុប ត្រូវបានសម្ពោធដាក់ឱ្យប្រើប្រាស់ជាផ្លូវការ នៅព្រឹកថ្ងៃពុធ ទី១៥ ខែធ្នូ ឆ្នាំ២០២១នេះ ក្រោមវត្តមានពីប្រមុខរាជរដ្ឋាភិបាលកម្ពុជា សម្តេច ហ៊ុន សែន នាយករដ្ឋមន្រ្តីកម្ពុជា។

The post អ្នកឧកញ៉ា ម៉ុង ឬទ្ធី បង្ហាញមិត្តភ័ក្រ្តស្រី កាលជំនាន់គ្រាក្រលំបាក ខណៈបច្ចុប្បន្នមានអាណាចក្រជំនួញប្រាក់លានជាច្រើនក្នុងដៃ appeared first on .

ប៉ុន្តែនៅក្នុងនោះផងដែរក៏មានជនឆ្លៀតឱកាសមួយចំនួនទៀតនៅក្នុងវិស័យអចលនទ្រព្យបានប្រើប្រាស់ល្បិចកលបោកប្រាស់ប្រជាពលរដ្ឋ ដែលជាអតិថិជនឲ្យធ្លាក់ជាជនរងគ្រោះ និងខាតបង់ទ្រព្យសម្បត្តិអស់ជាច្រើននាក់មកហើយ ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

យ៉ាងណានៅក្នុងអត្ថបទនេះ យើងនឹងនាំបងប្អូន ឲ្យដឹងពីវិធីបោកប្រាស់ដ៏សាហាវមួយ ដែលលោកឧកញ៉ាបណ្ឌិត ម៉ុង ឫទ្ធី សេដ្ឋីកសិកម្មនៅក្នុងស្រុកខ្មែរ ផ្តាំប្រាប់អ្នកដែលចង់ទិញដីឡូតិ៍ យ៉ាងដូច្នេះថា ៖ ” ឃើញអំពើបោកយ៉ាងសាហាវ គឺដីហ្នឹងតម្លៃ ១លានដុល្លារ ឧទាហរណ៍ ដល់បង់លុយឲ្យគេ(ម្ចាស់ដីទី១) ៣០ម៉ឺនដុល្លារ ហើយ៧០ម៉ឺនទៀតនៅពេលផ្ទេរកម្មសិទ្ធិឲ្យបានបង់…ដល់ប្រជាជនអត់ដឹង ពុះដីឡូតិ៍លក់ កម្មសិទ្ធនៅម្ចាស់ដើមទេ ដល់ថ្ងៃបង់ ៧០ម៉ឺនដុល្លារទៀត អ្នកពុះដីឡូតិ៍អត់មានលុយឲ្យ ម្ចាស់ដើមអត់ឲ្យកម្មសិទ្ធ អ៊ីចឹងអ្នកដែលរងគ្រោះគឺអ្នកដែលទៅទិញដីឡូត៍នោះ  រាល់ថ្ងៃដែលធ្ងន់អាហ្នឹងទេរឿងថា ដែលបង់ហើយបានដីឡូតិ៍មិនអីទេ វាកុនម្ចាស់កម្មសិទ្ធដើមដីឡូតិ៍អត់សងលុយម្ចាស់ដីទី១គ្រប់ ចឹងជនរងគ្រោះគឺអ្នកទី៣ហ្នឹងហើយដែលត្រូវដោះស្រាយ ” ។

ក្នុងន័យនេះផងដែរ គម្រោងទាំងមូលនោះជាដីទិញពីគេហើយមិនទាន់បង់លុយដាច់ឲ្យម្ចាស់ដើម អ្នកត្រូវតែប្រុងប្រយ័ត្នព្រោះអាចនឹងមានបញ្ហានៅពេលដែលគម្រោងដីឡូតិ៍នោះលក់មិនដាច់សោះ ឬលក់មិនបានគ្រប់ចំនួនលុយដែលត្រូវយកទៅទូទាត់ជូនម្ចាស់ដើម ឬម្ចាស់ដីរករឿងដោយសារបង់លុយថ្លៃដីដែលទិញនោះ មិនទាន់ពេលវេលា ឬមិនទៀងទាត់ នាំឲ្យម្ចាស់ដីបង្អាក់ ឬបញ្ឃប់កិច្ចសន្យាជាមួយម្ចាស់គម្រោងនោះ ដែលធ្វើឲ្យប៉ះពាល់ដល់យើងដែលជាអ្នកទិញដីឡូតិ៍នោះ ៕

The post ឧកញ៉ាបណ្ឌិត ម៉ុង ឫទ្ធី ប្រាប់ឱ្យប្រយ័ត្នក្បួនបោកខ្ទង់លានដុល្លាររបស់អ្នកលក់ដីឡូតិ៍ទុច្ចរិតមួយចំនួន appeared first on .

ទាក់ទងជាមួយបញ្ហាខាងលើ ឧកញ៉ាបណ្ឌិត ម៉ុង ឫទ្ធី អគ្គនាយករបស់ក្រុមហ៊ុន ម៉ុង ឫទ្ធីធី គ្រុប បានធ្វើការចែករំលែកពីគន្លឺះមួយចំនួន សម្រាប់បងប្អូនដែលចង់ចេញរកស៊ីតែខ្វះដើមទុន អាចយកទៅសាកល្បងបាន ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ជាក់ស្តែងសេដ្ឋីកសិកម្មដ៏ល្បីល្បាញនៅក្នុងស្រុកខ្មែររូបនេះ បានលើកឡើងថា ៖ ” ជាដំបូងអ្វីដែលចាំបាច់បំផុតត្រូវកសាងកេរ្តិ៍ឈ្មោះរបស់យើងឲ្យបានល្អជាមុនសិន    ព្រោះថាកេរ្តិ៍នេះពិតជារឿងដ៏សំខាន់ ដើម្បីទទួលបានការទុកចិត្តពីសំណាក់មនុស្សជុំវិញខ្លួន ហើយក៏អាចប្រើធ្វើជាដើមទុនដើម្បីរកស៊ីបានផងដែរ។  នៅក្នុងន័យនេះលោកឧកញ៉ាបណ្ឌិត ចង់បញ្ជាក់ថា ៖ ” បើចង់រកស៊ីត្រូវធ្វើឲ្យគេមានជំនឿលើយើង កុំឲ្យស្អុយឈ្មោះស្អុយកេរ្តិ៍ និងត្រូវថែរក្សាកេរ្តិ៍ឈ្មោះឲ្យខ្លាំង ” ។

កាលណាកេរ្តិ៍ឈ្មោះរបស់យើងត្រូវបានគេទទួលស្គាល់ និងទទួលបានការទុកចិត្តហើយ យើងអាចទៅស្នើសុំចរចានាំយកផលិតផលរបស់គេមកលក់សិន ហើយនៅពេលលក់បានចាំយកថ្លៃផលិតផលនោះទៅសងគេ ដោយយើងក៏អាចរក្សាប្រាក់ចំណេញទុកខ្លួនឯងបានផងដែរ ។ យ៉ាងណានេះបើតាមការបញ្ជាក់របស់ឧកញ៉ាបណ្ឌិត ។ ក្រៅពីនោះលោកក៏បានឧទាហរណ៍ជាក់ស្តែងផងដែរថា មានអ្នកខ្លះសូម្បីតែដើមមួយរៀលគ្មានផង ប៉ុន្តែអាចមកយកអង្កររបស់ក្រុមហ៊ុនលោកទៅលក់បាន ហើយក្រោយពេលដែលលក់់អស់ហើយ ចំាយកប្រាក់ដើមមកសងតាមក្រោយ ក៏ដោយសារតែលោកជឿទុកចិត្តលើកេរ្តិ៍ឈ្មោះបុគ្គលម្នាក់នោះ ។

មួយវិញទៀតលោកឧកញ៉ាបណ្ឌិតក៏បានលើកទឹកចិត្តឲ្យ អ្នកដែលចង់ចេញរកស៊ីដំបូងៗ គួរតែរៀនពីអ្វីដែលយើងចង់ធ្វើនោះឲ្យច្បាស់សិន ព្រោះថាបើមិនរៀននោះទេ ពេលចេញរកស៊ីច្បាស់ជាខាតមិនខាន។ លោកបានសង្កត់ធ្ងន់ទៀតថា ការដែលរៀនមុនចេញរកស៊ីអាចធ្វើឲ្យគាត់ចំណេញបានច្រើន គាត់ថាដូចអ្នកខ្លះគេចេះ គេដាំស្វាយមួយដើមអាចប្រើពេលតែ ៦ខែទៅមួយឆ្នាំគេបានផល រីឯអ្នកមិនចេះវិញដាំស្វាយតែមួយដើមប្រើពេលរហូតដល់ទៅ ៥ ឆ្នាំឯណោះ ដែលនេះគឺអាចបញ្ជាក់បានថា នៅពេលយើងច្បាស់អ្វីមួយប្រាកដ យើងនឹងអាចរីកចម្រើនបានលឿន ហើយអាចទទួលបានផលចំណេញបានច្រើនទៅតាមនោះផងដែរ ៕

The post បើចង់ចេញធ្វើជំនួញតែខ្វះដើមទុន ឧកញ៉ាបណ្ឌិត ម៉ុង ឫទ្ធី ណែនាំឱ្យធ្វើរឿងទាំងនេះសិន appeared first on .