ជាក់ស្ដែង កាលពីព្រឹកថ្ងៃទី ៩ ខែមិថុនា ឆ្នាំ ២០២៥ ក្រុមការងាររបស់ AZ Group និង JMWAVE បានដាក់ឲ្យដំណើការបើកបរសាកល្បងជាលើកដំបូងនូវរថយន្តអគ្គិសនី (EV) ដែលជាការបំប្លែងឡើងវិញនូវរថយន្តដឹកទំនិញប្រើប្រេងម៉ាស៊ូត ដោយជោគជ័យ។ ការបើកបរសាកល្បងនោះ រួមមាន ការបើកសាកល្បងល្បឿនសន្ទុះរថយន្ត ការតេស្តទៅលើប្រព័ន្ធអេឡិចត្រូម៉ាញ៉េទិច ការធ្វើតេស្តទៅលើប្រព័ន្ធហ្វ្រាំង និងការធ្វើតេស្តទៅលើប្រព័ន្ធភ្លើង និងប្រព័ន្ធផ្សេងទៀតនៅក្នុងរថយន្តដឹកទំនិញអគ្គិសនីនេះផងដែរ។

រថយន្តមួយគ្រឿងទម្ងន់មួយតោននេះ ដើមឡើយជារថយន្តដឹកទំនិញធុនស្រាលដំណើរការដោយម៉ាស៊ីនចំហេះប្រេងម៉ាស៊ូត ត្រូវបានយកមកបំប្លែងឲ្យក្លាយទៅជារថយន្តអគ្គិសនី ជាលើកដំបូងបង្អស់នៅក្នុងព្រះរាជាណាចក្រកម្ពុជា។ គម្រោងសាកល្បងបំប្លែងរថយន្តនេះ គឺជាផ្នែកមួយនៃគម្រោងបំប្លែងរថយន្តដឹកទំនិញគ្រប់ធុនដែលដំណើការចំហេះសាំងឬប្រេងម៉ាស៊ុត ទៅជាអគ្គិសនី។

នៅថ្ងៃអនាគត ក្រុមហ៊ុននឹងអនុវត្តគម្រោងបំប្លែងខ្នាតធំតែម្ដង ពោលគឺ ការបំប្លែងរថយន្តដឹកទំនិញគ្រប់ធុនដែលដំណើការចំហេះសាំងឬប្រេងម៉ាស៊ុតទៅជាអគ្គិសនី ដែលអាចសមត្ថភាពផ្ទុកលើសពីមួយតោនឡើងទៅ។

លោក Erkan Bilal នាយកប្រតិបត្តិនៃក្រុមហ៊ុន AZ Group និងជាអនុប្រធានគណៈកម្មាធិការរថយន្ត EUROCHAM ប្រចាំកម្ពុជា មានប្រសាសន៍ថា៖ “ភាពជោគជ័យលើការបំប្លែងយានយន្តប្រើសាំងទៅជាអគ្គិសនីនេះជាការចូលរួមចំណែកដើម្បីអាចសម្រេចគោលដៅឆ្ពោះទៅរកការកាត់បន្ថយការបញ្ចេញកាបូនឌីអុកស៊ីត (CO₂) ខណៈពេលដែលការប្រើប្រាស់ យានយន្តប្រភេទនេះនឹងធ្វើឲ្យខ្យល់អាកាសល្អ បរិស្ថានស្អាត ជាពិសេសនៅក្នុងតំបន់ទីក្រុងដែលមានប្រជាជនរស់នៅប្រចាំថ្ងៃយ៉ាងមមាញឹក តួយ៉ាង ទីក្រុងភ្នំពេញ ប្រទេសកម្ពុជា”។

លោក Jeongmin Park នាយកប្រតិបត្តិក្រុមហ៊ុន JMWAVE បានលើកឡើងថា៖ “ការសាកល្បងនេះវាបានផ្តល់តម្លៃជាវិជ្ជមានដល់បរិស្ថាន និងសេដ្ឋកិច្ច។ ផ្អែកលើការគិតគូយ៉ាងល្អិតល្អន់របស់ JMWAVE ទៅលើការបំប្លែងរថយន្តទម្ងន់មួយតោនពីម៉ាស៊ូតទៅជាអគ្គិសនី អាចសន្សំសំចៃថវិកាប្រមាណជា ៣៥-៤០% បើធៀបនឹងការទិញរថយន្តអគ្គិសនីថ្មីក្រោមលក្ខខណ្ឌស្រដៀងគ្នា។ ក្នុងនាមជាក្រុមហ៊ុនបច្ចេកវិទ្យាអន្តរជាតិ ដែលបំពេញតាមស្តង់ដារសុវត្ថិភាព និងនិយតកម្មដ៏តឹងរ៉ឹងរបស់ប្រទេសកូរ៉េខាងត្បូង យើងមានទំនុកចិត្ត និងជឿជាក់លើស្តង់ដារដំណោះស្រាយរបស់យើងជូនដៃគូសហការ។

លោក Park បានសង្កត់ធ្ងន់ថា “នេះជាជំហានដ៏សំខាន់មួយនៅក្នុងការផ្លាស់ប្តូររបស់កម្ពុជាឆ្ពោះទៅរកសេដ្ឋកិច្ចដែលមានការបំភាយឧស្ម័នទាប។ ការសាកល្បងនេះ អាចត្រូវបានចាត់ទុកថាជា គម្រោងត្រួសត្រាយផ្លូវបង្ហាញពីការប្តេជ្ញាចិត្តខ្ពស់ដើម្បីជំរុញវិស័យរថយន្តអគ្គិសនី ក៏ដូចជាជំរុញការប្រើប្រាស់រថយន្តអគ្គិសនីកាន់តែច្រើនក្នុងគោលដៅកាត់បន្ថយកាបូនពុលនៅកម្ពុជា។”

គោលបំណងចម្បងនៃការធ្វើតេស្តសាកល្បងនេះគឺដើម្បីវាយតម្លៃលើចរន្តសេដ្ឋកិច្ច បរិស្ថាន និងកិច្ចសហប្រតិបត្តិការលើការបំប្លែងរថយន្តពីសាំងទៅជាអគ្គិសនីជាដំណោះស្រាយប្រកបដោយប្រសិទ្ធភាពនិងនិរន្តរភាពនៅក្នុងវិស័យយានយន្ត។ លើសពីនេះ អត្ថប្រយោជន៍នៃគំនិតផ្តួចផ្តើមសាកល្បងបំប្លែងរថយន្តដឹកទំនិញដែលដំណើការដោយប្រេងម៉ាស៊ូតទៅជារថយន្តអគ្គិសនីសុទ្ធ ជាការរួមចំណែកកាត់បន្ថយកាបូននាពេលអនាគត ស្របពេលដែលប្រទេសកម្ពុជា កំពុងអនុវត្តយន្តការយុទ្ធសាស្ត្រកាត់បន្ថយកាបូនឲ្យនៅកម្រិតទាបបំផុត។

សូមជម្រាបជូនថា ការបំប្លែងរថយន្តប្រើចំហេះប្រេងម៉ាស៊ូតទៅជាថាមពលអគ្គិសនីនេះ ស្របតាមស្តង់ដារបច្ចេកទេសក្រសួងសាធារណការនិងដឹកជញ្ជូន (MPWT)។ ក្រុមហ៊ុន AZ Group និង JMWAVE នឹងបន្តអនុលោមតាមច្បាប់នៃការបំប្លែងរថយន្តនៅក្នុងក្របខ័ណ្ឌបទប្បញ្ញត្តិជាមូលដ្ឋាន៕

The post ក្រុមហ៊ុន AZ Group Co.,Ltd របស់ឧកញ៉ា លឹម ប៊ុនសួរ បានសាកល្បងលើការបំប្លែងរថយន្តដឹកទំនិញប្រើប្រេងម៉ាស៊ូត Hyundai Porter ទម្ងន់មួយតោន ទៅជារថយន្តប្រើប្រាស់អគ្គិសនី ដោយជោគជ័យដំបូងគេបង្អស់នៅកម្ពុជា appeared first on .

ជារៀងរាល់ឆ្នាំ ឧកញ៉ា លឹម ប៊ុនសួរ និងលោកជំទាវ ហុង សាវរិន្ទ តែងតែចូលរួមបរិច្ចាគទ្រព្យធនផ្ទាល់ខ្លួនជូនដល់កាកបាទក្រហមកម្ពុជា និងចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post ឧកញ៉ា លឹម ប៊ុនសួរ និងលោកជំទាវ ហុង សាវរិន្ទ បរិច្ចាគថវិកាចំនួន ២ម៉ឺនដុល្លារអាម៉េរិក ជូនកាកបាទក្រហមកម្ពុជា ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

កំពង់ផែទេសចរណ៍អន្តរជាតិកំពត ស្ថិតនៅក្នុងភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត ត្រូវបានសាងសង់ឡើងនៅលើផ្ទៃដីទំហំ ៤,២៥ហិកតា បានបើកសម្ពោធដាក់ឱ្យប្រើប្រាស់ជាផ្លូវការនៅព្រឹកថ្ងៃទី២១ ខែមេសានេះ ក្រោមអធិបតីភាពដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដោយមានការអញ្ជើញចូលរួមពី ថ្នាក់ដឹកនាំរាជរដ្ឋាភិបាល អាជ្ញាធរដែនដី អ្នកឧកញ៉ា ឧកញ៉ា និងភ្ញៀវជាតិអន្តរជាតិជាច្រើន។

កំពង់ផែទេសចរណ៍អន្តរជាតិកំពត បានបើកការដ្ឋានសាងសង់កាលពីថ្ងៃទី៨ ខែសីហា ឆ្នាំ២០១៨ និងបានបញ្ចប់ការសាងសង់នៅថ្ងៃទី៣០ ខែមិថុនា ឆ្នាំ២០២២ ដែលអនុវត្តការសាងសង់ដោយក្រុមហ៊ុន អេស.ប៊ី.ភី.អេច អ៊ិនជីនារីង & ខន់ស្ត្រាក់សិន ខូអិលធីឌី និងត្រួតពិនិត្យលក្ខណៈបច្ចេកទេសដោយក្រុមហ៊ុន អេស ប៊ី ខេ រីស៊ើច អេនឌីវេឡុបមេន និងបានប្រើប្រាស់ថវិកាក្រោមឥណទានពីធនាគារអភិវឌ្ឍន៍អាស៊ី (ADB) ប្រមាណ ១០លានដុល្លារអាម៉េរិក និងថវិកាបដិភាគរបស់រាជរដ្ឋាភិបាលមួយចំនួនផងដែរ។

ដើម្បីធានាដល់ប្រសិទ្ធភាពនៃប្រតិបត្តិការរបស់កំពង់ផែ ក្រសួងសាធារណការ និងដឹកជញ្ជូន ក្នុងនាមជាតំណាងរាជរដ្ឋាភិបាលកម្ពុជា បានចុះហត្ថលេខាលើកិច្ចព្រមព្រៀង ស្តីពីការប្រតិបត្តិការ និងការថែទាំ (O&M Agreement) នៃកំពង់ផែទេសចរណ៍អន្តរជាតិកំពត ជាមួយក្រុមហ៊ុនអេហ្សេត ប៊ីលឌើរ ឯ.ក កាលពីថ្ងៃទី២៨ ខែមិថុនា ឆ្នាំ២០២៤។

សូមជម្រាបថា កិច្ចព្រមព្រៀងរវាងក្រសួងសាធារណការ និងដឹកជញ្ជូន ជាមួយក្រុមហ៊ុនអេហ្សេត ប៊ីលឌើរ ឯ.ក ធ្វើឡើងនៅក្នុងគោលបំណង ដើម្បីផ្តល់សិទ្ធិប្រតិបត្តិការវិនិយោគឱ្យទៅក្រុមហ៊ុន ដើម្បីក្រុមហ៊ុនអាចគ្រប់គ្រងធ្វើប្រតិបត្តិការ និងថែទាំកំពង់ផែទេសចរណ៍អន្តរជាតិខេត្តកំពត។ បន្ទាប់ពីទទួលបានសិទ្ធិនិងកាតព្វកិច្ចសម្រាប់ធ្វើប្រតិបត្តិការ និងការថែទាំកំពង់ផែទេសចរណ៍អន្តរជាតិកំពត ក្រុមហ៊ុន អេហ្សេត ប៊ីលឌើរ ឯ.ក ក៏បានបូមស្តារប្រឡាយនាវាចរណ៍ នៅត្រង់ទីតាំងខាងមុខកំពង់ផែនិងកន្លែងបត់នាវា និងចំណុចផ្សេងទៀតមួយចំនួន ដែលជាឧបសគ្គដល់ការធ្វើដំណើររបស់នាវា ហើយបច្ចុប្បន្ននេះ នាវាដឹកអ្នកដំណើរ ដែលមានចំណុះរហូតដល់ ៣០០នាក់ អាចចេញ-ចូលកំពង់ផែបាន៕

The post ក្រុមហ៊ុនឧកញ៉ា លឹម ប៊ុនសួរ ទទួលបានសិទ្ធិគ្រប់គ្រង និងប្រមូលចំណូល ពីកំពង់ផែទេសចរណ៍អន្តរជាតិកំពត រយៈពេល ២០ឆ្នាំ appeared first on .

លោក អៀង វ៉េងស៊ុន រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានគណៈកម្មការ កាលពីថ្ងៃទី១៧ ខែមេសា បានអញ្ជើញដឹកនាំកិច្ចប្រជុំ គណៈកម្មការត្រៀមរៀបចំពិធី សម្ពោធបើកឱ្យប្រើប្រាស់ជាផ្លូវការកំពង់ផែទេសចរណ៍អន្តរជាតិកំពត ដែលគ្រោងនឹងប្រព្រឹត្តទៅនៅថ្ងៃទី២១ ខែមេសា ឆ្នាំ២០២៥ ខាងមុខនេះ។ កិច្ចប្រជុំនេះរៀបចំឡើងក្នុងគោលបំណងដើម្បីពិនិត្យលើវឌ្ឍនភាពនៃដំណើរការរៀបចំ ដែលបានផ្ដល់ជូនដល់សមាជិក សមាជិកាគណៈកម្មការ និងអនុគណៈកម្មការ សម្រាប់ត្រៀមរៀបចំពិធីសម្ពោធបើកឱ្យប្រើប្រាស់ជាផ្លូវការ កំពង់ផែទេសចរណ៍អន្តរជាតិកំពត ដើម្បីជំរុញបញ្ចប់ការងារ ដែលនៅសេសសល់ឱ្យបានរួចរាល់ តាមផែនការដែលបានគ្រោងទុក។

លោក អៀង វ៉េងស៊ុន បានលើកទឹកចិត្ត និងជំរុញដល់គណៈកម្មការ និងអនុគណៈកម្មការទាំងអស់ ឱ្យប្រឹងប្រែងសម្រេចបញ្ចប់ភារកិច្ចការងារដែលបានដាក់ជូនឱ្យបានល្អប្រសើរ ដើម្បីញ៉ាំងឱ្យកម្មវិធីនាឱកាសនោះ អាចប្រព្រឹត្តទៅបានដោយរលូនជោគជ័យ និងប្រកបដោយប្រសិទ្ធភាពខ្ពស់។

កំពង់ផែទេសចរណ៍អន្តរជាតិខេត្តកំពត ស្ថិតក្រោមកិច្ចប្រតិបត្តិការ និងការថែទាំ (O & M Agreement) របស់ក្រុមហ៊ុន អេហ្សេត ប៊ីលដើរ ឯ.ក (AZ Builders Co., Ltd.) របស់ឧកញ៉ា លឹម ប៊ុនសួរ។ ជាមួយគ្នានេះ ក្រុមហ៊ុន Buva Sea Cambodia ដែលជាបុត្រសម្ព័ន្ធក្រុមហ៊ុន វីរៈ ប៊ុនថាំ របស់ អ្នកឧកញ៉ា សួរ វីរៈ ក៏បានចុះកិច្ចព្រមព្រៀងដាក់ឱ្យដំណើរការទូកដឹកអ្នកដំណើរល្បឿនលឿនក្នុងទិសដៅពី កំពង់ផែអន្តរជាតិកំពត ទៅកាន់កោះរ៉ុង កោះរ៉ុងសន្លឹម និងកោះស្តេច ផងដែរ។

សូមជម្រាបថា កំពង់ផែទេសចរណ៍អន្តរជាតិខេត្តកំពត ត្រូវបានសាងសង់លើផ្ទៃដីជាង ៤ហិកតា ស្ថិតក្នុងភូមិជុំក្រៀល ឃុំជុំក្រៀល ស្រុកទឹកឈូ ខេត្តកំពត ចាប់ផ្ដើមសាងសង់នៅខែសីហា ឆ្នាំ២០១៨ និងសម្រេចរួចរាល់នាចុងឆ្នាំ២០២២ ដោយប្រើប្រាស់ថវិកាជាង ១១លានដុល្លារ ក្រោមគម្រោងហិរញ្ញប្បទានរបស់ធនាគារអភិវឌ្ឍន៍អាស៊ី (ADB)៕

The post សម្តេចធិបតី ហ៊ុន ម៉ាណែត នឹងអញ្ជើញបើកសម្ពោធកំពង់ផែទេសចរណ៍អន្តរជាតិកំពត តម្លៃជាង ១១លានដុល្លារ នៅថ្ងៃទី២១ ខែមេសា appeared first on .

កិច្ចប្រជុំនេះ ធ្វើឡើងដើម្បីពិនិត្យលើវឌ្ឍនភាព និងការត្រៀមលក្ខណៈ នៃការរៀបចំពិធីបើកឱ្យប្រើប្រាស់ជាផ្លូវការកំពង់ផែទេសចរណ៍អន្តរជាតិកំពត ដែលនឹងប្រព្រឹត្ដទៅនៅថ្ងៃទី៣ ខែមេសា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

កាលថ្ងៃទី២៨ ខែមិថុនា ឆ្នាំ២០២៤ ក្រសួងសាធារណការ និងដឹកជញ្ជូន បានចុះហត្ថលេខាលើកិច្ចព្រមព្រៀងស្តីពីប្រតិបត្តិការ និងការថែទាំ (O & M Agreement) នៃកំពង់ផែទេសចរណ៍អន្តរជាតិខេត្តកំពត ជាមួយក្រុមហ៊ុន អេហ្សេត ប៊ីលដើរ ឯ.ក (AZ Builders Co., Ltd.) របស់ឧកញ៉ា លឹម ប៊ុនសួរ ក្នុងគោលបំណងផ្តល់សិទ្ធិប្រតិបត្តិការវិនិយោគឱ្យទៅ ក្រុមហ៊ុន ដើម្បីក្រុមហ៊ុនអាចគ្រប់គ្រងធ្វើប្រតិបត្តិការ និងថែទាំកំពង់ផែទេសចរណ៍អន្តរជាតិខេត្តកំពត។

សូមជម្រាបថា កំពង់ផែទេសចរណ៍អន្តរជាតិខេត្តកំពត ត្រូវបានសាងសង់លើផ្ទៃដីជាង ៤ហិកតា ស្ថិតក្នុងភូមិជុំក្រៀល ឃុំជុំក្រៀល ស្រុកទឹកឈូ ខេត្តកំពត ចាប់ផ្ដើមសាងសង់នៅខែសីហា ឆ្នាំ២០១៨ និងសម្រេចរួចរាល់នាចុងឆ្នាំ២០២២ ដោយប្រើប្រាស់ថវិកាជាង ១១លានដុល្លារ ក្រោមគម្រោងហិរញ្ញប្បទានរបស់ធនាគារអភិវឌ្ឍន៍អាស៊ី (ADB)៕

The post ឧកញ៉ា លឹម ប៊ុនសួរ ចូលរួមកិច្ចប្រជុំត្រៀមរៀបចំពិធីសម្ពោធកំពង់ផែទេសចរណ៍អន្តរជាតិកំពត តម្លៃជាង ១១លានដុល្លារ appeared first on .

ការចុះ MOU នេះពិតជាមានសារៈសំខាន់សម្រាប់វិស័យដឹកជញ្ជូនអ្នកដំណើរ ជាពិសេសសម្រាប់ការ ដឹកជញ្ជូនភ្ញៀវទេសចរណ៍ជាតិ និងអន្តរជាតិ ភ្ជាប់ខេត្តកំពត ទៅកាន់បណ្តាកោះនានា ក៏ដូចជាទៅកាន់ ពិភពលោក ហើយក៏នឹងក្លាយជាច្រកស្រូបទាញសេដ្ឋកិច្ចដ៏សំខាន់មួយទៀតសម្រាប់ប្រទេសកម្ពុជា។

ឯកឧត្តម អ្នកឧកញ៉ា សួរ វីរៈ អគ្គនាយកក្រុមហ៊ុន វិរៈ ប៊ុនថាំ អេចប្រេស បានថ្លែងថា ក្រុមហ៊ុន វិរៈ ប៊ុនថាំ អេចប្រេស បានសង្កេតឃើញពីសក្តានុពល និងលក្ខណៈពិសេសៗ ដែលជាកត្តាសំខាន់ឈានទៅរក កិច្ចសហប្រតិបត្តិការ រួមគ្នាជាមួយក្រុមហ៊ុន ខេអាយធីភី ឌីវេឡុបម៉ិន បុត្រសម្ព័ន្ធរបស់ក្រុមហ៊ុន AZ Group ក្នុងកិច្ចសហការនេះ ដើម្បីរួមចំណែកអភិវឌ្ឍ និងជំរុញកំណើនសេដ្ឋកិច្ចជាតិ ជាពិសេសការចូលរួមលើកកម្ពស់ ក្នុងវិស័យសេវាកម្មបដិសណ្ឋារកិច្ច សេវាកម្មដឹកអ្នកដំណើរតាមផ្លូវទឹកនៅកម្ពុជា។

ឯកឧត្តម អ្នកឧកញ៉ា អគ្គនាយក ក៏បានលើកឡើងពី លក្ខណៈពិសេសផ្សេងៗទៀត និងការរំពឹងពីកិច្ចសហការ មួយនេះ រួមមាន៖ កំពង់ផែនេះ នឹងក្លាយជាមេដែកដ៏សំខាន់មួយទៀតក្នុងការស្រូបទាញភ្ញៀវទេសចរផងដែរ ព្រោះជាច្រកទ្វារផ្លូវសមុទ្រអន្តរជាតិយ៉ាងសំខាន់ ដែលរំពឹងទទួលអ្នកដំណើរប្រមាណ ១លាននាក់ ហើយក៏នឹងជួយជំរុញបន្ថែមការអភិវឌ្ឍន៍ទេសចរណ៍ និងផ្នែកពាក់ព័ន្ធនានានៅខេត្តកំពត ខណៈដែលក្រុមហ៊ុន វិរៈ ប៊ុនថាំ ក៏ទើបបើកដំណើរការសេវាកប៉ាល់ទំនើបដឹកអ្នកដំណើរ ពីខេត្តកំពតទៅដល់កោះត្រល់ ជាលើកដំបូងក្នុងប្រវត្តិសាស្ត្រ ដោយចំណាយពេលត្រឹម ៤០នាទី។

សូមជម្រាបថា ក្រុមហ៊ុន វិរៈ ប៊ុនថាំ អេចប្រេស បានបង្កើតឡើងក្នុងឆ្នាំ២០០៤ ហើយបច្ចុប្បន្នបានក្លាយជា ក្រុមហ៊ុនដឹកអ្នកដំណើរ និងបញ្ញើរឆាប់រហ័សឈានមុខគេប្រចាំប្រទេសកម្ពុជា ក៏ដូចជាភ្ជាប់ទៅកាន់ប្រទេសថៃ វៀតណាម និងប្រទេសឡាវ។ ក្រៅពីសេវាកម្មទាំងនេះ ក្រុមហ៊ុន វិរៈ ប៊ុនថាំ គ្រុប មានក្រុមហ៊ុនជាបុត្រសម្ព័ន្ធ និងសេវាកម្មផ្សេងៗជាច្រើនទៀត រួមមាន៖ សេវាកម្មសណ្ឋាគារ និងរីសត រថយន្តសម្រាប់ដឹកទំនិញ រថយន្តជួលប្រណិត រថយន្តគ្រែគេងយប់ប្រណិត រថយន្តក្រុងប្រណិត AirBus និង ទូកល្បឿនលឿន Buva Sea៕

The post ក្រុមហ៊ុន វិរៈ ប៊ុនថាំ របស់ឯកឧត្តម អ្នកឧកញ៉ា សួរ វីរៈ ចុះ MOU ប្រតិបត្តិការកំពង់ផែទេសចរណ៍អន្តរជាតិខេត្តកំពត និងសេវាកម្មទូកល្បឿនលឿន ជាមួយក្រុមហ៊ុន ខេអាយធីភី ឌីវេឡុបម៉ិន បុត្រសម្ព័ន្ធរបស់ក្រុមហ៊ុន AZ Group appeared first on .

តាមសេចក្ដីប្រកាសព័ត៌មាននេះ បានឱ្យដឹងថា ពិធីចុះកិច្ចព្រមព្រៀងនេះមានការអញ្ជើញចូលរួមពី លោកប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន តំណាងភាគីរាជរដ្ឋាភិបាល និងឧកញ៉ា លឹម ប៊ុនសួរ អគ្គនាយកក្រុមហ៊ុន អេហ្សេត ប៊ីលនើរ ឯ.ក (AZ Builders Co., Ltd.) ដោយមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ជាថ្នាក់ដឹកនាំក្រសួងសាធារណការ និងដឹកជញ្ជូន តំណាងក្រសួងសេដ្ឋកិច្ច និងហិរញ្ញវត្ថុ តំណាងក្រសួងទេសចរណ៍ ព្រមទាំងថ្នាក់ដឹកនាំក្រុមហ៊ុនអេហ្សេត ប៊ីលនើរ ឯ.ក (AZ Builders Co., Ltd.) ប្រមាណ ៥០រូប។

កិច្ចព្រមព្រៀងនេះ ធ្វើឡើងនៅក្នុងគោលបំណងដើម្បីផ្តល់សិទ្ធិប្រតិបត្តិការវិនិយោគឱ្យទៅ ក្រុមហ៊ុន ដើម្បីក្រុមហ៊ុនអាចគ្រប់គ្រងធ្វើប្រតិបត្តិការ និងថែទាំកំពង់ផែទេសចរណ៍អន្តរជាតិខេត្តកំពត។ ក្រុមហ៊ុនត្រូវរៀបចំដំណើរការធ្វើប្រតិបត្តិការអាជីវកម្មកំពង់ផែ សាកល្បងនៅក្នុងត្រីមាសទី៣ និងអនុវត្ត ការធ្វើប្រតិបត្តិការអាជីវកម្មកំពង់ផែពេញលេញ នៅក្នុងត្រីមាស ទី៤ ឆ្នាំ២០២៤នេះ។

គួរបញ្ជាក់ផងដែរថា កំពង់ផែទេសចរណ៍អន្តរជាតិខេត្តកំពត គឺជាច្រកទ្វារអន្តរជាតិផ្លូវសមុទ្រមួយ យ៉ាងសំខាន់សម្រាប់តភ្ជាប់ការដឹកជញ្ជូនភ្ញៀវទេសចរពីបណ្តាប្រទេសនានា ជាមួយនឹងប្រទេសកម្ពុជា និងបង្កលក្ខណៈងាយស្រួលដល់ការធ្វើដំណើរលេងកំសាន្តរបស់ភ្ញៀវទេសចររវាងកំពង់ផែនេះ និងតំបន់កោះនានា នៃប្រទេសកម្ពុជា ព្រមទាំងផ្តល់ឱកាសការងារ និងប្រាក់ចំណូលសម្រាប់កំណើនសេដ្ឋកិច្ចជាតិផងដែរ។

ថ្លែងក្នុងពិធីចុះហត្ថលេខាលើកិច្ចព្រមព្រៀងនេះ ឯកឧត្តមរដ្ឋមន្ត្រី បានបញ្ជាក់ថា គម្រោង អភិវឌ្ឍន៍កំពង់ផែទេសចរណ៍អន្តរជាតិខេត្តកំពត មានទំហំទឹកប្រាក់ប្រមាណ ១០លានដុល្លារ ជាឥណទានពីធនាគារអភិវឌ្ឍន៍អាស៊ី (ADB) មានទីតាំងស្ថិតនៅស្រុកទឹកឈូ ខេត្តកំពត ត្រូវបានសាងសង់ ឡើងនៅលើផ្ទៃដីទំហំ ៤,២៥ហិកតា ដែលជាអំណោយរបស់ អ្នកឧកញ៉ា វិញ ហួរ ជូនរាជរដ្ឋាភិបាលកម្ពុជា។ ដំបូងឡើយ ដំណើរការសាងសង់កំពង់ផែនេះត្រូវបានគ្រប់គ្រងដោយក្រសួងទេសចរណ៍ និងបាន បើកការដ្ឋានសាងសង់កាលពីថ្ងៃទី០៨ ខែសីហា ឆ្នាំ២០១៨ ហើយគ្រោងបញ្ចប់នៅខែកុម្ភៈ ឆ្នាំ២០២០ ប៉ុន្តែដោយសារមូលហេតុបច្ចេកទេសសំណង់ ដំណើរការសាងសង់ត្រូវបានពន្យារពេល។ ដើម្បីជំរុញល្បឿន នៃការសាងសង់កំពង់ផែនេះ រាជរដ្ឋាភិបាលបានប្រគល់ភារកិច្ចជូនក្រសួងសាធារណការ និងដឹកជញ្ជូន គ្រប់គ្រងលើផ្នែកបច្ចេកទេស ថវិកា និងការងារសាងសង់ ដើម្បីអនុវត្តគម្រោងបន្ត ហើយដែលការសាងសង់នេះ ត្រូវបានបញ្ចប់ទាំងស្រុងកាលពីថ្ងៃទី៣០ ខែមិថុនា ឆ្នាំ២០២២។

ជាមួយគ្នានោះ សម្រាប់ហេដ្ឋារចនាសម្ព័ន្ធដែលបានសាងសង់ រួចរាល់ជាស្ថាពរ រួមមាន៖ ចំណតនាវា អគាររដ្ឋបាល ស្ថានីយអ្នកដំណើរ អគារបច្ចេកទេស ផ្លូវបេតុងចូល កំពង់ផែប្រវែង ២,៤០គីឡូម៉ែត្រ បណ្តាញអគ្គិសនី ទឹកស្អាត របង ប៉ុស្តិ៍យាម ផ្លូវក្នុងបរិវេណកំពង់ផែ ចំណតរថយន្ត សួនច្បារ ស្រះទឹក កន្លែងទុកដាក់សំរាម និងការបំពាក់ឧបករណ៍សម្ភារៈចាំបាច់មួយចំនួន ដើម្បីធានាដល់ប្រតិបត្តិការរបស់កំពង់ផែ។

រដ្ឋមន្ត្រី ប៉េង ពោធិ៍នា ក៏បានបង្ហាញនូវសុទិដ្ឋិនិយមថា តាមរយៈការចុះកិច្ចព្រមព្រៀង នៅថ្ងៃនេះ ក្រុមហ៊ុន AZ Builders Co., Ltd នឹងសហការល្អជាមួយក្រសួងសាធារណការ និងដឹកជញ្ជូន និងក្រសួង-ស្ថាប័នពាក់ព័ន្ធ ដើម្បីអនុវត្តកិច្ចព្រមព្រៀងនេះឱ្យមានប្រសិទ្ធភាពខ្ពស់ សម្រាប់បម្រើផលប្រយោជន៍ របស់ប្រទេសជាតិនិយាយជារួម និងផលប្រយោជន៍របស់ក្រុមហ៊ុននិយាយដោយឡែក៕

The post ក្រសួងសាធារណការ ចុះហត្ថលេខាលើកិច្ចព្រមព្រៀង O & M Agreement ជាមួយឧកញ៉ា លឹម ប៊ុនសួរ ផ្ដល់សិទ្ធិគ្រប់គ្រងធ្វើប្រតិបត្តិការ និងថែទាំកំពង់ផែទេសចរណ៍អន្តរជាតិខេត្តកំពត appeared first on .

កម្មវិធីសិរីមង្គល​នេះ​ បាន​ធ្វើឡើងនៅមជ្ឈ​មណ្ឌល​សន្និបាត​និង​ពិព័រណ៍​អន្តរជាតិ​ជ្រោយចង្វារ​ OCIC ដល់ទៅ ៥អគារ ដែល​​កូនប្រុស​នាម ទី ចន្ទនរៈ ត្រូវជា​កូនប្រុសឯកឧត្តម ទី នរិន្ទ រដ្ឋលេខាធិការប្រចាំការ​ក្រសួងរ៉ែ និងថាមពល​ ជាគូនឹង​​កូនស្រីនាម លឹម​ បូណ៌មី ​ជា​កូនស្រីឧកញ៉ា លឹម ប៊ុនសួរ។

កម្មវិធី​​​ជប់លៀង​ពេលល្ងាច ទទួលបានការចាប់អារម្មណ៍​​​យ៉ាងខ្លាំង ចំពោះ​​ការ​​ដេគ័រផ្កា​ពេញ Hall ​ការ​រៀបចំ​​សួនច្បារ ការ​រៀប​ចំ​​មាន​រូប​សត្វ​ និង​ការ​ច្នៃប្រឌិត​​តុបតែង​បែប​រឿងព្រេង​និទានក្នុងពិភពតុក្កតា Disney យកលំនាតាមរឿងគំនូរចីវចល ដែល​មើលទៅ​ពិបាក​នឹង​ធ្វើ​ទៅរួច និង​ចំណាយ​ថវិកា​ច្រើន។ ភាព​ច្នៃប្រឌិត​និង​ភាពអស្ចារ្យ​ទាំង​នេះ​ គឺ​ប្រៀបដូច​ជាការ​​បង្ហាញពី​រឿងរ៉ាវស្នេហាពិត​របស់​កូនកំលោះ ទី ចន្ទនរៈ និងកូនក្រមុំ លឹម​ បូណ៌មី។

គួរបញ្ជាក់ថា ពិធីអាពាហ៍ពិពាហ៍នេះ មានការអញ្ជើញជាកិត្តិយស​ពីសំណាក់​ថ្នាក់ដឹកនាំជាតិជា​ច្រើន ទាំង​ថ្នាក់ដឹកនាំ​មក​ពី​​​ស្ថាប័ន​នីតិបញ្ញត្តិ និងនីតិប្រតិបត្តិ និង​មហាសេដ្ឋី​លំដាប់ប្រទេស លោកអ្នកឧកញ៉ា អ្នកឧកញ៉ា ឧកញ៉ា ​ព្រម​ទាំង​អ្នកមុខ​អ្នកការ ​​​រួមទាំង​ភ្ញៀវកិត្តិយសជាច្រើន​នាក់​ទៀត​​ផងដែរ៕

រូបភាព៖ V Studios

The post ប្រៀបដូចរឿងព្រេងនិទាន! មង្គលការកូនស្រី ឧកញ៉ា លឹម ប៊ុនសួរ តុបតែងបែបពិភព Disney appeared first on .

កម្មវិធីសិរីមង្គល​នេះ​ ត្រូវបាន​ធ្វើឡើងនៅមជ្ឈ​មណ្ឌល​សន្និបាត​និង​ពិព័រណ៍​អន្តរជាតិ​ជ្រោយចង្វារ​ OCIC ដែល​​កូនប្រុស​នាម ទី ចន្ទនរៈ ត្រូវជា​កូនប្រុសឯកឧត្តម ទី នរិន្ទ រដ្ឋលេខាធិការប្រចាំការ​ក្រសួងរ៉ែ និងថាមពល​ ជាគូនឹង​​កូនស្រីនាម លឹម​ បូណ៌មី ​ជា​កូនស្រីឧកញ៉ា លឹម ប៊ុនសួរ។

ពិធីអាពាហ៍ពិពាហ៍នេះ មានការអញ្ជើញជាកិត្តិយស​ពីសំណាក់​ថ្នាក់ដឹកនាំជាតិមួយចំនួន ដែលក្នុងនោះ​រួមមាន​ដូចជា សម្តេចកិត្ដិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ ព្រះមហាក្សត្រ, សម្តេចរដ្ឋសភាធិបតី ឃួន សុដារី ប្រធានរដ្ឋសភា, លោកស្រី សុងឡេង បូរ៉ា នាយិកាពិធីការ​សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងថ្នាក់ដឹកនាំ​រាជរដ្ឋាភិបាល​មួយ​ចំនួនទៀត។

លើសពីនេះ ក៏មានការអញ្ជើញចូលរួមពី​អ្នកជំនួញ​ធំៗ​ដូចជា​​ លោកអ្នកឧកញ៉ា លី យ៉ុងផាត់, លោកអ្នកឧកញ៉ា ភាព ហៀក, លោកអ្នកឧកញ៉ា លាង ឃុន, អ្នកឧកញ៉ា ម៉ៅ ចំណាន, អ្នកឧកញ៉ា សំអាង, អ្នកឧកញ៉ា អ៊ឹង ប៊ុនហូវ, អ្នកឧកញ៉ា លឹម រស់, អ្នកឧកញ៉ា ហេង សៀ, ឧកញ៉ា ហ៊ួត ជា, ឧកញ៉ា ភិរម្យ វិចិត្រដារ៉ា និង​ ឧកញ៉ា កែវ មុំ ​រួមទាំង​ភ្ញៀវកិត្តិយសជាច្រើន​នាក់​ទៀត​​ផងដែរ៕

The post មកមើលទិដ្ឋភាពមង្គលការ​ដ៏ធំ​របស់​កូនស្រី ឧកញ៉ា លឹម ប៊ុនសួរ appeared first on .

ឧកញ៉ា លឹម ប៊ុនសួរ តែងតែចូលរួមបរិច្ចាគថវិកាជារៀងរាល់ឆ្នាំ ជាមួយកាកបាទក្រហមកម្ពុជាក្នុងឱកាសខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ហើយក៏តែងតែបានចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត។

សូមជម្រាបថា សម្រាប់សប្បុរសជនគ្រប់មជ្ឈដ្ឋានដែលមានសទ្ធាជ្រះថ្លាចូលរួមបរិច្ចាគថវិកា ជូនកាកបាទក្រហមក្រហមកម្ពុជា ក្នុងឱកាសខួបលើកទី១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ ដើម្បីឱ្យសមាគមជាតិមួយនេះមានធនធានបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុតតាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម ។

The post ឧកញ៉ា លឹម ប៊ុនសួរ បរិច្ចាគថវិកា ២ម៉ឺនដុល្លារ ក្នុងឱកាសខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ appeared first on .