ក្រុមហ៊ុន បានបញ្ជាក់ប្រាប់ Oknha News ឱ្យដឹងថា ការដ្ឋានសាងសង់ព្រះពុទ្ធប្បដិមាកម្ពស់ ១០៨ ម៉ែត្រ នៅលើខ្នងភ្នំបូកគោ បានបញ្ចប់ការសាងសង់បល្ល័ង្កផ្កាឈូកហើយ និងកំពុងបន្តដំណើរការយ៉ាងសកម្មនៃការសាងសង់ព្រះពុទ្ធប្បដិមាផ្ចាញ់មារអង្គធំ។ 

ក្នុងឱកាសនេះដែរ សម្តេចព្រះឧត្ដមវង្សា ក៏បាននិមន្តទស្សនាដំណើរការសាងសង់កុដិភិក្ខុសង្ឃនៅក្នុងវត្តព្រះអង្គធំភ្នំបូកគោផងដែរ។

សូមជម្រាបថា អ្នកឧកញ៉ា សុខ គង់ ឪពុករបស់ឧកញ៉ា សុខ ចន្ធី បាននឹងកំពុងដំណើរការសាងសង់ព្រះពុទ្ធប្បដិមាកម្ពស់១០៨ម៉ែត្រដ៏ស្កឹមស្កៃ នៅលើខ្នងភ្នំបូកគោ ដើម្បីរំលឹកគុណដល់ព្រះសម្មាសម្ពុទ្ធជាព្រះបរមគ្រូ ដែលព្រះអង្គបានត្រាស់ដឹងចម្លងសត្វលោកឱ្យរួចផុតចាកទុក្ខ និងដើម្បីរក្សានូវអត្តសញ្ញាណវប្បធម៌សាសនាជាតិខ្មែរ សម្រាប់ជាទីគោរពសក្ការៈដ៏ថ្លៃថ្លាឧត្តុងឧត្តមរបស់បងប្អូនពុទ្ធសាសនិកជនទាំងអស់គ្នាគោរពប្រណិប័តន៍ ហើយព្រះពុទ្ធបដិមាដ៏ស្កឹមស្កៃនេះ នឹងគង់ជាសម្បត្តិវប្បធម៌សាសនាជាតិខ្មែរជារៀងរហូត៕

The post ឧកញ៉ា សុខ ចន្ធី និងឧកញ៉ា សាយ សុភ័ត្រា ទទួលបដិសណ្ឋារកិច្ច សម្ដេចព្រះឧត្ដមវង្សា គូ សុភាព និមន្តទស្សនាការដ្ឋានព្រះពុទ្ធប្បដិមាកម្ពស់ ១០៨ម៉ែត្រ appeared first on .

កាលថ្ងៃទី១១ ខែកក្កដា ឧកញ៉ា សុខ ចន្ធី ក៏បានចូលរួមជាមួយឪពុករបស់ខ្លួនគឺ អ្នកឧកញ៉ា សុខ គង់ ប្រធានក្រុមហ៊ុន សូគីម៉ិច អុិនវេសមេន គ្រុប បានអញ្ជើញទៅកាន់វត្តចំពុះក្អែក ដើម្បីចូលក្រាបថ្វាយបង្គំ និងប្រគេនទេយ្យទាន ដល់សម្តេចព្រះមហាសុមេធាធិបតី កិត្តិបណ្ឌិត អំ លីមហេង នៅក្នុងឱកាសពិធីបុណ្យចូលព្រះវស្សាផងដែរ។

សូមជម្រាបថា ការចូលព្រះវស្សា មាននៅក្នុងព្រះវិន័យ ដែលព្រះសម្មាសម្ពុទ្ធទ្រង់បញ្ញត្តិឡើង ដើម្បីឱ្យព្រះសង្ឃសាវ័កគ្រប់អង្គប្រតិបត្តិតាម។ ការចូលព្រះវស្សា មានរយៈពេល៣ខែ គឺចាប់ថ្ងៃ១រោច ខែអាសាឍ ដល់ទី១៥កើត ខែអស្សុជ។ តាមទម្លាប់ ពុទ្ធបរិស័ទក្នុងប្រទេសកម្ពុជា តែងតែនាំយកនូវទេយ្យទាន ដូចជា អង្ករ ទៀន ធូប ប្រេង ស្បង់ ចីវរ សំពត់សាដក និងគ្រឿងសម្ភារដទៃទៀត ទៅប្រគេនព្រះសង្ឃតាមវត្តអារាម ដើម្បីផ្គត់ផ្គង់ព្រះអង្គ ក្នុងអំឡុងពេលនៃការចូលព្រះវស្សានេះ៕

The post ឧកញ៉ា សុខ ចន្ធី និងឧកញ៉ា សាយ សុភ័ត្រា ចូលក្រាបថ្វាយបង្គំនិងប្រគេនទេយ្យទាន ដល់សម្ដេចព្រះឧត្ដមវង្សា គូ សុភាព appeared first on .

ក្រុមហ៊ុន សូគីម៉ិច អុិនវេសមេន គ្រុប បានឱ្យដឹងកាលពីថ្ងៃទី៧ ខែមេសា ឆ្នាំ២០២៥ថា ក្នុងឱកាសនោះដែរ គណៈប្រតិភូបានធ្វើដំណើរទស្សនកិច្ចដោយផ្ទាល់ និងបានបង្ហាញចំណាប់អារម្មណ៍យ៉ាងខ្លាំងចំពោះទំហំ និងវឌ្ឍនភាពនៃការអភិវឌ្ឍន៍ពហុវិស័យនៅលើភ្នំបូកគោ ជាពិសេសគឺ គម្រោងសាងសង់ព្រះពុទ្ធប្បដិមាកម្ពស់ ១០៨ ម៉ែត្រ ដែលនឹងក្លាយជានិមិត្តសញ្ញាជាតិ និងជាទីគោរពសក្ការៈដ៏ខ្ពង់ខ្ពស់។ លើសពីនេះ ការបង្ហាញអំពីកសិដ្ឋានដាំស្ត្របឺរីតាមបែបបច្ចេកវិទ្យា និងកសិដ្ឋានបន្លែអ៊ីដ្រូប៉ូនិក បានបង្ហាញពីការបោះជំហានទៅមុខនៃវិស័យកសិកម្មប្រកបដោយនវានុវត្តន៍នៅកម្ពុជា។ គណៈប្រតិភូក៏បានទស្សនា និងស្វែងយល់អំពីការអភិវឌ្ឍន៍រមណីយដ្ឋានប្រណីត ទីលានវាយកូនហ្គោល និងឱកាសវិនិយោគអចលនទ្រព្យដ៏ទាក់ទាញនៅលើភ្នំបូកគោផងដែរ។

គណៈប្រតិភូបានវាយតម្លៃខ្ពស់ចំពោះការអភិវឌ្ឍន៍ដ៏ឆាប់រហ័ស និងចក្ខុវិស័យវែងឆ្ងាយរបស់ក្រុមហ៊ុន សូគីម៉ិច អុិនវេសមេន គ្រុប ក្នុងការលើកកម្ពស់ភ្នំបូកគោឱ្យក្លាយជាមជ្ឈមណ្ឌលសេដ្ឋកិច្ច និងទេសចរណ៍ដ៏សំខាន់មួយ។ ភាពងាយស្រួលក្នុងការធ្វើដំណើរតាមគ្រប់មធ្យោបាយ (ផ្លូវគោក ផ្លូវអាកាស ផ្លូវសមុទ្រ និងផ្លូវដែក) ក៏ជាកត្តាសំខាន់ដែលជំរុញឱ្យភ្នំបូកគោ កាន់តែមានភាពទាក់ទាញសម្រាប់វិនិយោគិន។ ក្រុមហ៊ុន សូគីម៉ិច អុិនវេសមេន គ្រុប ប្តេជ្ញាបន្តសហការយ៉ាងជិតស្និទ្ធជាមួយវិនិយោគិនជាតិ និងអន្តរជាតិ ដើម្បីរួមគ្នាជំរុញកំណើនសេដ្ឋកិច្ច និងការអភិវឌ្ឍន៍ប្រកបដោយចីរភាពនៅព្រះរាជាណាចក្រកម្ពុជា។

សូមជម្រាបជូនផងដែរថា តំបន់កំពូលភ្នំបូកគោ ស្ថិតក្នុងខេត្តកំពត ជាគោលដៅទេសចរណ៍ដ៏សំខាន់មួយនៅក្នុងព្រះរាជាណាចក្រកម្ពុជា។ អ្នកឧកញ៉ា សុខ គង់ មានចក្ខុវិស័យ ខិតខំប្រឹងប្រែងអភិវឌ្ឍ និងវិនិយោគភ្នំបូកគោឱ្យក្លាយជាតំបន់ទេសចរណ៍ដែលទាក់ទាញទាំងភ្ញៀវទេសចរជាតិនិងអន្តរជាតិ មកទស្សនា តំបន់ទេសចរណ៍ធម្មជាតិ តំបន់ទេសចរណ៍សាសនា និងតំបន់ទេសចរណ៍ប្រវត្តិសាស្ត្រសំខាន់ៗជាច្រើន៕

The post ឧកញ៉ា សាយ សុភ័ត្រា ស្វាគមន៍គណៈប្រតិភូសមាគមជប៉ុន-កម្ពុជា (JCA) ស្វែងយល់សក្ដានុពលវិនិយោគចម្រុះនៅលើភ្នំបូកគោ appeared first on .

បើតាមក្រុមហ៊ុន សូគីម៉ិច អ៊ិនវេសមេន គ្រុប នៅក្នុងកិច្ចពិភាក្សានេះ បានលើកឡើងនូវឱកាសវិនិយោគដ៏សម្បូរបែប រួមមាន គម្រោងអភិវឌ្ឍន៍តំបន់សេដ្ឋកិច្ចពិសេស (SEZ) ការរីកចម្រើនក្នុងវិស័យកសិកម្ម គម្រោងអចលនទ្រព្យដែលមានសក្តានុពលខ្ពស់ និងជាពិសេសគម្រោងអភិវឌ្ឍន៍សំខាន់ៗផ្សេងទៀត។

ភ្នំបូកគោមានគុណសម្បត្តិជាយុទ្ធសាស្ត្រដ៏គួរឱ្យទាក់ទាញដោយសារទីតាំងភូមិសាស្ត្រ ដែល ស្ថិតនៅជិតកំពង់ផែទេសចរណ៍ និងពាណិជ្ជកម្មកំពត ដែលកំពុងសាងសង់ថ្មី បណ្តាញផ្លូវរថភ្លើងជាតិ និងអាកាសយានដ្ឋានអន្តរជាតិខេត្តព្រះសីហនុ។ បន្ថែមពីលើនេះ ភ្នំបូកគោមានអាកាសធាតុដ៏អំណោយផល និងមានច្បាប់ដែលជួយសម្រួលដល់ការវិនិយោគផងដែរ ជាពិសេសច្បាប់ដែលអនុញ្ញាតឱ្យជនបរទេសអាចមានសិទ្ធិជាម្ចាស់ដីធ្លីដោយស្របច្បាប់ ដែល បានធ្វើឱ្យភ្នំបូកគោក្លាយជាគោលដៅដ៏សំខាន់សម្រាប់ការវិនិយោគដែលមានឥទ្ធិពលយូរអង្វែងនៅក្នុងព្រះរាជាណាចក្រកម្ពុជា។

ការមកដល់និងការចូលរួមរបស់គណៈប្រតិភូមកពីប្រទេសជប៉ុនបានបង្ហាញឱ្យឃើញកាន់តែច្បាស់អំពីការកើនឡើងនូវជំនឿទុកចិត្តរបស់អន្តរជាតិចំពោះដំណើរអភិវឌ្ឍន៍របស់កម្ពុជា និងតួនាទីដ៏សំខាន់របស់ក្រុមហ៊ុន សូគីម៉ិច អ៊ិនវេសមេន គ្រុប ក្នុងការជំរុញភាពជាដៃគូយុទ្ធសាស្ត្រ។

សូមជម្រាបជូនផងដែរថា ខេត្តកំពត គឺជាគោលដៅទេសចរណ៍ដ៏សំខាន់មួយនៅក្នុងព្រះរាជាណាចក្រកម្ពុជា ជាពិសេសតំបន់កំពូលភ្នំបូកគោ។ អ្នកឧកញ៉ា សុខ គង់ មានចក្ខុវិស័យ ខិតខំប្រឹងប្រែងអភិវឌ្ឍ និងវិនិយោគភ្នំបូកគោឱ្យក្លាយជាតំបន់ទេសចរណ៍ដែលទាក់ទាញទាំងភ្ញៀវទេសចរជាតិនិងអន្តរជាតិ មកទស្សនា តំបន់ទេសចរណ៍ធម្មជាតិ តំបន់ទេសចរណ៍សាសនា និងតំបន់ទេសចរណ៍ប្រវត្តិសាស្ត្រសំខាន់ៗជាច្រើន៕

The post ឧកញ៉ា សាយ សុភ័ត្រា ទទួលស្វាគមន៍គណៈប្រតិភូមកពីប្រទេសជប៉ុន ដើម្បីសិក្សាស្វែងយល់ពីឱកាសវិនិយោគនៅតំបន់ភ្នំបូកគោ appeared first on .

ដោយមានការចាត់តាំងពី អ្នកឧកញ៉ា សុខ គង់ បានអនុញ្ញាតឱ្យ ឧកញ៉ា សាយ សុភ័ត្រា អនុប្រធាន​ក្រុមហ៊ុន សូគីមុិច អុិនវេសមិនគ្រុប ដឹកនាំគណៈប្រតិភូក្នុងដំណើរទស្សនកិច្ច ដើម្បីពិនិត្យមើលហេដ្ឋារចនា​សម្ព័ន្ធ​​និងការអភិវឌ្ឍវិស័យទេសចរណ៍បច្ចុប្បន្ននៅឧទ្យានជាតិព្រះមុន្នីវង្សបូកគោ ក្នុងគោលបំណង ដើម្បីសិក្សា​ស្វែង​រកឱកាសអភិវឌ្ឍន៍ថ្មីៗបន្ថែមនៅក្នុងតំបន់។

ក្រុមហ៊ុន NIPPON KOEI បានបង្ហាញពីចំណាប់អារម្មណ៍ និងមើលឃើញថា ភ្នំបូកគោមិនត្រឹមតែជាតំបន់​ទេសចរណ៍​ប៉ុណ្ណោះទេ ថែមទាំងជាតំបន់សក្តានុពលសម្រាប់ការអភិវឌ្ឍប្រកបដោយចីរភាព និងការថែរក្សា​បរិស្ថាន​ធម្មជាតិផងដែរ។

ការមកដល់របស់ក្រុមហ៊ុន NIPPON KOEI គឺជាសញ្ញាវិជ្ជមានមួយសម្រាប់ការអភិវឌ្ឍវិស័យទេសចរណ៍ និង​ហេដ្ឋារចនាសម្ព័ន្ធនៅកម្ពុជា។ ក្រុមហ៊ុនវិស្វកម្មជប៉ុននេះ បានបង្ហាញការចាប់អារម្មណ៍​យ៉ាងខ្លាំងលើ​សក្តានុពល​អភិវឌ្ឍន៍របស់ភ្នំបូកគោដែលជាតំបន់ទេសចរណ៍ប្រវត្តិសាស្ត្រដ៏សំខាន់មួយនៃព្រះរាជាណាចក្រកម្ពុជា។ ការមក​ដល់របស់ក្រុមហ៊ុននេះ ក៏ជាសក្ខីភាពបង្ហាញពីការចាប់អារម្មណ៍របស់វិនិយោគិនអន្តរជាតិ លើឱកាសវិនិយោគ និងអភិវឌ្ឍន៍នៅតំបន់ភ្នំបូកគោ ខេត្តកំពត ព្រះរាជាណាចក្រកម្ពុជា។

សូមជម្រាបជូនផងដែរថា ខេត្តកំពត គឺជាគោលដៅទេសចរណ៍ដ៏សំខាន់មួយនៅក្នុងព្រះរាជាណាចក្រកម្ពុជា ជាពិសេសតំបន់កំពូលភ្នំបូកគោ។ អ្នកឧកញ៉ា សុខ គង់ មានចក្ខុវិស័យ ខិតខំប្រឹងប្រែងអភិវឌ្ឍ និងវិនិយោគភ្នំបូកគោឱ្យក្លាយជាតំបន់ទេសចរណ៍ដែលទាក់ទាញទាំងភ្ញៀវទេសចរជាតិនិងអន្តរជាតិ មកទស្សនា តំបន់ទេសចរណ៍ធម្មជាតិ តំបន់ទេសចរណ៍សាសនា និងតំបន់ទេសចរណ៍ប្រវត្តិសាស្ត្រសំខាន់ៗជាច្រើន៕

The post អ្នកឧកញ៉ា សុខ គង់ ស្វាគមន៍ក្រុមហ៊ុនវិស្វកម្មជប៉ុន NIPPON KOEI មកសិក្សាសក្តានុពលអភិវឌ្ឍន៍​នៅភ្នំបូកគោ appeared first on .

បើតាមក្រុមហ៊ុន សូគីមុិច អុិនវេសមិន គ្រុប ក្នុងជំនួប​នេះ គឺ​ដើម្បី​ស្វែងយល់បច្ចេកវិទ្យាបញ្ញាសិប្បនិម្មិត (AI) និង​បង្ហាញពីផលប័ត្រវិនិយោគចម្រុះ។ ក្នុងឱកាសនោះដែរ ឧកញ៉ា សាយ សុភ័ត្រា អនុប្រធានក្រុមហ៊ុន បានដឹកនាំកិច្ចពិភាក្សាជាមួយក្រុមការងារ iBlooming អំពីវេទិកា “ការសិក្សាឌីជីថល” ទំនើប និងស្វែង​យល់​អំពីអនាគតនៃការសិក្សាដែលប្រើប្រាស់បច្ចេកវិទ្យា AI។

ឧកញ៉ា សាយ សុភ័ត្រា ក៏បានបង្ហាញពីគម្រោងអភិវឌ្ឍន៍របស់ក្រុមហ៊ុននៅតំបន់ប្រវត្តិសាស្ត្រភ្នំបូកគោ ដោយ​ផ្តោតលើសក្តានុពលនៃតំបន់នេះ ក្នុងនាមជាគោលដៅទេសចរណ៍សំខាន់ និងមជ្ឈមណ្ឌលពាណិជ្ជកម្ម​នៅភាគ​ខាងត្បូងនៃប្រទេសកម្ពុជា។

សូមជម្រាបថា ផលប័ត្រវិនិយោគចម្រុះរបស់ក្រុមហ៊ុន សូគីមុិច អុិនវេសមិន គ្រុប រួមមាន៖ សណ្ឋាគារ សុខា និងរីសត៖ កន្លែងស្នាក់នៅប្រណីត និងមជ្ឈមណ្ឌលសន្និសីទ, ការអភិវឌ្ឍអចលនទ្រព្យ៖ គម្រោងអចលនទ្រព្យ​ប្រកបដោយនវានុវត្តន៍, ការថែទាំសុខភាព៖ មន្ទីរពេទ្យបំពាក់ដោយបច្ចេកវិទ្យាទំនើបបំផុត, ការអភិវឌ្ឍប្រកប​ដោយចីរភាព និងការថែរក្សាបរិស្ថាននៅភ្នំបូកគោ ក្នុងបេសកកម្ម​លើកកម្ពស់នវានុវត្តន៍ អភិវឌ្ឍន៍ធនធានមនុស្ស និងជំរុញការអភិវឌ្ឍប្រកបដោយចីរភាព៕

The post ឧកញ៉ា សាយ សុភ័ត្រា ទទួលស្វាគមន៍ក្រុមការងារ iBlooming នៅទីស្នាក់ការកណ្តាលក្រុមហ៊ុនសូគីម៉ិច អ៉ិនវេសមេន គ្រុប appeared first on .

បើតាម​ក្រុមហ៊ុនសូគីម៉ិច អុិនវេសមេន គ្រុប បាន​ឱ្យដឹងថា ក្នុងជំនួប​នេះ គឺបាន​ពិភាក្សាគ្នា​អំពីឱកាសវិនិយោគ និងសក្តានុពល សម្រាប់គម្រោងអភិវឌ្ឍន៍ភ្នំបូកគោខេត្តកំពត ព្រមទាំង​បានបង្ហាញពីការកើនឡើងនៃការចាប់​អារម្មណ៍​ពីអ្នកវិនិយោគអន្តរជាតិមកកាន់គម្រោងអភិវឌ្ឍន៍​ភ្នំបូកគោ។ គោលបំណងគម្រោងអភិវឌ្ឍន៍​ភ្នំបូកគោ គឺធ្វើឱ្យមានតុល្យភាពរវាងការអភិវឌ្ឍប្រកបដោយចីរភាព ជាមួយនឹងសម្រស់ធម្មជាតិ និងកេរ្តិ៍ដំណែលវប្បធម៌​ដ៏សម្បូរបែបរបស់កម្ពុជា។

អ្នកឧកញ៉ា សុខ គង់ ប្រធានក្រុមហ៊ុនសូគីម៉ិច អុិនវេសមេន គ្រុប និងថ្នាក់ដឹកនាំ​ក្រុមហ៊ុន រួមទាំង​លោកឧកញ៉ា សាយ សុភ័ត្រា តែងតាំង​ខិតខំ​កៀងគរ​អ្នកវិនិយោគិនជាតិ និង​អន្តរជាតិ មក​ស្វែងយល់​ពី​ឱកាស​វិនិយោគ​នៅ​លើ​ភ្នំបូកគោ ដែលជាតំបន់​មួយ​ដ៏​មាន​សក្តានុពល។ ការខិតខំ​ស្វែងរក​កិច្ចសហប្រតិបត្តិការ​នានា​​ គឺស្របទៅនឹងចក្ខុវិស័យក្នុងការលើកកម្ពស់កំណើនសេដ្ឋកិច្ច ការកសាង និងអភិវឌ្ឍន៍ជាតិ។

សូមជម្រាបថា ថ្មីៗនេះ អ្នកឧកញ៉ា សុខ គង់ បាន​បញ្ជាក់​ប្រាប់​អ្នកសារព័ត៌មាន​ថា មក​ទល់​បច្ចុប្បន្ន​លោកបាន​ចំណាយទុន​វិនិយោគ​អស់ប្រមាណ ៨០០លានដុល្លារអាមេរិក ដើម្បីអភិវឌ្ឍនៅលើកំពូលភ្នំបូកគោ ប៉ុន្តែប្រាក់​ដែលបានចំណាយ​ទាំង​នោះ នៅមិនទាន់ទទួលបានផលចំណេញ​មកវិញនៅឡើយទេ។ យ៉ាងណាក្តី គម្រោង​វិនិយោគជាច្រើន ​ដែលក្រុមហ៊ុនបានកំពុងអភិវឌ្ឍនេះ គឺដើម្បីអភិវឌ្ឍ​ភ្នំបូកគោ ឱ្យ​ក្លាយជាតំបន់ទេសចរណ៍​ដ៏សម្បូរបែប៕

The post ឧកញ៉ា សាយ សុភ័ត្រា ទទួលស្វាគមន៍ថ្នាក់ដឹកនាំក្រុមហ៊ុន Mitsubishi ពិភាក្សាពីឱកាសវិនិយោគនៅលើភ្នំបូកគោ appeared first on .

តាមការបង្ហាញ​លើ​ទំព័រហ្វេសប៊ុក របស់​ក្រុមហ៊ុនសូគីម៉ិច អ៉ិនវេសមេន គ្រុប នៅ​ល្ងាច​ថ្ងៃទី១៩ ខែកក្កដា​នេះ​ បាន​ឱ្យដឹងថា លោក​ឧកញ៉ា សាយ សុភ័ត្រា រីករាយ​ក្នុង​កិច្ចពិភាក្សា​ពី​ឱកាស​អភិវឌ្ឍន៍​ក្នុង​តំបន់​ភ្នំបូកគោ ខណៈដែលក្រុមហ៊ុន​​តែងតែ​ប្តេជ្ញាចិត្ត​ ដើម្បី​រួមចំណែក​ដល់​ការ​អភិវឌ្ឍ​ប្រកបដោយ​ចីរភាព​នៃ​តំបន់​បូកគោ។

កិច្ចពិភាក្សា​ខាង​លើ​នេះ បាន​បង្ហាញ​ពី​គម្រោង​ដ៏​មាន​សក្តានុពលធំៗ​ដូចជា មជ្ឈមណ្ឌល​ទេសចរណ៍ និង​ភូមិ​សួន​កម្សាន្ត​ដ៏​ធំ ដែល​នឹង​ក្លាយ​ជា​គោលដៅ​ទេសចរណ៍​លំដាប់ពិភពលោក (World Class Destination) ជួយ​ទាក់ទាញ​អ្នកវិនិយោគ ជំរុញវិស័យទេសចរណ៍ និង​ផ្តល់​ប្រយោជន៍​ជា​ច្រើន​ដល់​ប្រជាជន​រស់នៅ​ក្នុង​សហគមន៍​មូលដ្ឋាន។

​ភ្នំបូកគោជាតំបន់ទេសចរណ៍ដ៏ល្អពិសេស​មួយនៅខេត្តកំពត មាន​ចំងាយ​ប្រមាណ ១៣០គីឡូម៉ែត្រ ពី​រាជធានីភ្នំពេញ ​កំពុងអភិវឌ្ឍដោយក្រុមហ៊ុន សូគីម៉ិច អ៉ិនវេសមេន គ្រុប ដូចជា៖ ១.តំបន់ប្រវត្តិសាស្រ្ត, ២.កន្លែងលម្ហែដែលមានខ្យល់​អាកាសល្អ ហើយអាចជួយព្យាបាលសុខភាពបាន, ៣.ប្រព័ន្ធ​ផ្លូវខ្វាត់ខ្វែង និងទី៤.ទេសចរណ៍សាសនា។ បច្ចុប្បន្ន​ ក្រុមហ៊ុន​​បានកំពុងអភិវឌ្ឍ​គម្រោងកសាង​តំបន់ព្រះពុទ្ធបដិមា ដែលមានកម្ពស់១០៨ម៉ែត្រ ជាព្រះពុទ្ធ​បដិមាមានកម្ពស់ខ្ពស់ជាងគេនៅអាស៊ី​ផងដែរ។

សូមជម្រាបថា ថ្មីៗនេះ អ្នកឧកញ៉ា សុខ គង់ ប្រធានក្រុមហ៊ុនសូគីម៉ិច អ៉ិនវេសមេន គ្រុប បាន​បញ្ជាក់​ប្រាប់​អ្នកសារព័ត៌មាន​ថា មក​ទល់​បច្ចុប្បន្ន​លោកបាន​ចំណាយទុន​វិនិយោគ​អស់ប្រមាណ ៨០០លានដុល្លារអាមេរិក ដើម្បីអភិវឌ្ឍនៅលើកំពូលភ្នំបូកគោ ប៉ុន្តែប្រាក់​ដែលបានចំណាយ​ទាំង​នោះ នៅមិនទាន់ទទួលបានផលចំណេញ​មកវិញនៅឡើយទេ។ យ៉ាងណាក្តី គម្រោង​វិនិយោគជាច្រើន ​ដែលក្រុមហ៊ុនបានកំពុងអភិវឌ្ឍនេះ គឺដើម្បីអភិវឌ្ឍ​ភ្នំបូកគោ ឱ្យ​ក្លាយជាតំបន់ទេសចរណ៍​ដ៏សម្បូរបែប៕

The post ឧកញ៉ា សាយ សុភ័ត្រា ទទួលស្វាគមន៍ព្រះអង្គម្ចាស់ នរោត្តម អម្រឹទ្ធីវង្ស ពិភាក្សាពីឱកាសវិនិយោគលើភ្នំបូកគោ appeared first on .

មហាសន្និបាតនេះ រៀបចំឡើងរយៈពេល៣ថ្ងៃ កាលពីថ្ងៃទី៦-៩ ខែមិថុនា ឆ្នាំ២០២៤ ដោយមានអ្នកចូលរួម​ជាតិ និងអន្តរជាតិប្រមាណជិត ៤ពាន់នាក់ មកពី ២១ប្រទេសក្នុងតំបន់ និង២៣ប្រទេសពីតំបន់នានាផងដែរ។

កម្មវិធីមហាសន្និបាតនេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញ​​ជា​អធិបតីភាព​កម្មវិធីបើកការប្រជុំមហាសន្និបាទអាស៊ីប៉ាស៊ីហ្វិចប្រចាំឆ្នាំ ២០២៤​ ព្រមទាំង​​ទិដ្ឋភាព​នៃការទស្សនាផ្ទាំងទស្សនីយភាពដ៏ស្រស់បំព្រងអស្ចារ្យ និងរស់រវើកប្រកបដោយអត្ថន័យ​នៃសិល្បៈ​បុរាណខ្មែរ។ រីឯ​កម្មវិធីបិទ ធ្វើឡើង​ក្រោម​អធិបតីភាព​លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម។

សូមជម្រាបថា ក្រៅពីចូលរួមក្នុងកម្មវិធី​ខាងលើ​ ឧកញ៉ា សាយ សុភ័ត្រា ក៏បានដឹកនាំ​ក្រុមការងារ​ សុខាអូតែល សៀមរាប ទទួល​រៀបចំ​​កម្មវិធី​ខាង​លើ​នេះ ប្រកបដោយជោគជ័យ​ រយៈពេល ៣​ថ្ងៃពេញ។ មហាសន្និបាតនេះ ជាការរំលឹកឱ្យ​សមាជិកទាំងអស់ចងចាំថា ពួកគេមានទំនួលខុសត្រូវ ក្នុងការអភិវឌ្ឍសង្គមជាតិ ទាំងក្នុងតំបន់ និងពិភពលោក៕

The post ឧកញ៉ា សាយ សុភ័ត្រា ចូលរួមកម្មវិធីមហាសន្និបាត JCI តំបន់អាស៊ី និងប៉ាស៊ីហ្វិក ឆ្នាំ២០២៤ appeared first on .

ក្រៅពីតួនាទីជាថ្នាក់ដឹកនាំសំខាន់មួយរូបប្រចាំក្រុមហ៊ុន សុខា អូតែល ឧកញ៉ា សាយ សុភ័ត្រា  ពេលទំនេរពីការងារ ចុងសប្តាហ៍ ឬថ្ងៃឈប់សម្រាក លោកឧកញ៉ា តែងតែរៀបចំខ្លួនយ៉ាងសាមញ្ញ ចូលរួមជាមួយសមាជិកក្រុមកង់គីរីរម្យ ធ្វើដំណើរចេញពីរាជធានីភ្នំពេញ ជិះទៅកាន់បណ្ដាខេត្តឆ្ងាយៗ ដូចជា ខេត្តសៀមរាប ខេត្តព្រះសីហនុ កំពង់ឆ្នាំង កំពតជាដើម។ ខេត្តបាត់ដំបងនឹងជាទិសដៅបន្ទាប់របស់ក្រុមកង់។

លោកឧកញ៉ា ប្រធាន ក្រុមកង់គីរីរម្យ រូបនេះបញ្ជាក់ថា ការជិះកង់ជាក្រុម ទៅកាន់បណ្ដាខេត្តនៅក្នុងប្រទេសកម្ពុជា គឺជាអ្វីដែលខ្ញុំចូលចិត្តបំផុតជាពិសេសជិះឡើងភ្នំបូកគោក្នុងកម្មវិធីប្រណាំងកង់និងរត់ពាក់កណ្តាលម៉ារ៉ាតុងដើម្បីមន្ទីរពេទ្យគន្ធបុប្ផាជារៀងរាល់ឆ្នាំនៅខែតុលា។  គោលដៅចម្បង គឺក្រុមកង់គីរីរម្យ យើងខ្ញុំ  គឺជិះកង់ដើម្បីសុខភាព ដើម្បីសាមគ្គីភាព និងដើម្បីរួមចំណែកខ្លះៗ ក្នុងការបង្ហាញពីសក្កានុពលតំបន់ទេសចរណ៍នានាទូទាំងប្រទេសកម្ពុជា ជាពិសេសពួកយើងក៏បានរួមចំណែក បង្ហាញពីហេដ្ឋារចនាសម្ព័ន្ធរបស់រដ្ឋាភិបាល ក៏ដូចជាអាជ្ញាធរមូលដ្ឋាន ដូចជា៖ ផ្លូវថ្នល់ ស្ពាន និងសមិទ្ធិផលផ្សេងៗទៀត ដើម្បីឱ្យការផ្សព្វផ្សាយបានកាន់តែទូលំទូលាយតាមរយៈបណ្ដាញសង្គម។  

លោកឧកញ៉ា ដែលជាថ្នាក់ដឹកនាំនៃក្រុមហ៊ុន សុខា អូតែល រូបនេះ បន្ថែមថា៖ កន្លងមក  ក្រុមកង់គីរីរម្យ ពួកយើងតែងតែសហការគ្នាបានយ៉ាងល្អ ជិះកង់ផ្សព្វផ្សាយពីតំបន់ទេសចរណ៍ ដូចជាជិះឡើងភ្នំបូកគោ និងចូលរួមកម្មវិធីប្រកួតជិះកង់នានា ស្របតាមអនុសាសន៍របស់សម្ដេចតេជោ គឺ “កីឡារស់ក្នុងសន្តិភាព”។

The post បងប្អូនអ្នកនិយមជិះកង់កម្សាន្តអាចចូលរួមជាមួយក្រុមកង់គីរីរម្យ ឧកញ៉ា សាយ សុភ័ត្រា បាន appeared first on .