ថ្មីៗនេះ លោកស្រី សុខ ស្រីអូន បានបង្ហោះវីដេអូមួយជិត១៣នាទីនៅលើបណ្ដាញសង្គមផ្ទាល់ខ្លួន ដោយលោកស្រី បានរៀបរាប់ពីខ្សែជីវិត ប្រវត្ដិនៃការតស៊ូ ខិតខំប្រឹងប្រែងរបស់ប្អូនស្រីបង្កើត គឺឧកញ៉ា សុខ មុយលី ទម្រាំដើរដល់ចំណុចមួយជាឧកញ៉ាវ័យក្មេងសព្វថ្ងៃ។

លោកស្រី សុខ ស្រីអូន បានលើកឡើងថា «នៅក្នុងសង្គមបច្ចុប្បន្នតែងតែមានគេនិយាយថា គាត់ជាកូនអ្នកមាន ថ្ងៃនេះខ្ញុំចង់ប្រាប់ថា គាត់ជាប្អូនអ្នកមាន មិនមែនជាកូនរបស់អ្នកមាននោះទេ ខ្ញុំចិញ្ចឹមកូនខ្ញុំ, ខ្ញុំមិនអាចចិញ្ចឹមគាត់ពីតូចដល់ធំបាននោះទេ គាត់មានដៃមានជើងរកខ្លួនឯងហើយ អ៊ីចឹងខ្ញុំអត់មានត្រូវផ្គត់ផ្គង់គាត់ទៀតនោះទេ»។

លោកស្រីបន្ថែមថា « អ្វីដែលគាត់មានបានមកដល់សព្វថ្ងៃ ជាការខិតខំប្រឹងប្រែងរបស់គាត់ ការព្យាយាមរបស់គាត់ បានគាត់ជាក្មេងល្អ បានល្អ រស់នៅក្នុងសង្គមល្អ ហើយគាត់ជាឧកញ៉ាវ័យក្មេងមួយរូបដែលកើតចេញពីខ្លួនឯងផ្ទាល់ ខ្ញុំអត់មានជួយទំនុកបម្រុងអីទាំងអស់»។

ទន្ទឹមនឹងនោះ លោកស្រី សុខ ស្រីអូន ក៏បានលើកឡើងផងដែរពីគំនិតចេញរកស៊ីដំបូងរបស់ប្អូនស្រី ដែលចង់បើក ហាងលក់កាហ្វេ amazon តែត្រូវបានលោកស្រីឃាត់មិនឱ្យរកស៊ី ព្រោះគិតថាជារបរអ្នកមាន កូនអ្នកក្រមិនអាចរកស៊ីលើរបរនេះនោះទេ ទើបលោកស្រី សុខ មុយលី សម្រេចរកស៊ីមុខរបរផ្សេងដែលបងស្រីណែនាំ រហូតទទួលបានជោគជ័យមកទល់ពេលបច្ចុប្បនេះ។

សូមជម្រាបជូនថា ឧកញ៉ា សុខ មុយលី បច្ចុប្បន្នជា នាយកប្រតិបត្តិក្រុមហ៊ុន ធីអិលអិល រៀល អ៊ីស្ទេត ឯ.ក. ដែលជាក្រុមហ៊ុន ទិញលក់ និងជួលអចលនទ្រព្យ និងមានជំនួញផ្ទាល់ខ្លួនជាច្រើនទៀតនៅក្នុងដៃ។ លោកស្រី ឧកញ៉ា មានស្រុកកំណើតនៅរាជធានីភ្នំពេញ និងជាកូនកំព្រាឪពុក រស់នៅជាមួយម្ដាយ ជាស្រ្តីមេផ្ទះ និងបងស្រីបង្កើតដែលមានឈាមជ័រជាអ្នករកស៊ី គឺលោកស្រី សុខ ស្រីអូន៕

The post ភរិយាឧកញ៉ា អ៊ឹង គីមហុង ចេញមកលាតត្រដាងការពិតចំពោះភាពជោគជ័យរបស់ ឧកញ៉ា សុខ មុយលី appeared first on .

ឧកញ៉ា សុខ មុយលី មានស្រុកកំណើតនៅរាជធានីភ្នំពេញ និងជាកូនកំព្រាឪពុក រស់នៅជាមួយម្ដាយ ជា ស្រ្តីមេផ្ទះ និងបងស្រីបង្កើតដែលមានឈាមជ័រជាអ្នករកស៊ី។

ថ្លែងក្នុងបទសម្ភាសន៍មួយកាលពីថ្មីៗនេះ ឧកញ៉ា សុខ មុយលី បានលើកឡើងថា កាលពីនៅរៀន លោក មិនមែនជាសិស្សពូកែអ្វីនោះទេ កាយនៅក្នុងថ្នាក់ប៉ុន្តែខួរក្បាល ចិត្តគំនិត គិតដល់បងស្រីដែលធ្វើការហត់ មាន ចិត្តចង់ជួយរកលុយបង និងជួយគ្រួសារ។ ផ្ដើមគិតបន្តិចម្ដងៗ កុមារភាព ឧកញ៉ា សុខ មុយលី បានវិវត្តខ្លួន ពីមួយថ្ងៃទៅមួយថ្ងៃ រហូតធ្វើឱ្យលោកចេញរកលុយដោយខ្លួនឯង តាំងពីអាយុជាង១០ឆ្នាំ។

ការងារដំបូងដែលលោកឧកញ៉ា ធ្វើនាពេលនោះគឺធ្វើជាអ្នករត់លេខតាមភោជនីដ្ឋាន និង តាមហាងផ្សេងៗ។ បន្ទាប់មកលោកធ្វើជាអ្នកបោះដុំទូរស័ព្ទដៃនាំចូលពីចិន, ជាអ្នកគ្រប់គ្រងហាងម៉ូតូមួយកន្លែង នៅខេត្តស្វាយរៀង ក្រោយមកទៀតទើបលោកបោះជំហានប្រឡូកក្នុងវិស័យអចលនទ្រព្យ។

ធ្វើការក្នុងវិស័យអចលនទ្រព្យនេះ ដំបូងគឺឧកញ៉ា សុខ មុយលី បានចូលខ្លួនធ្វើការ ក្នុងក្រុមហ៊ុនល្បីៗជាច្រើន ក្នុង រាជធានី ភ្នំពេញ ដើម្បីសិក្សារៀនសូត្រពីវិស័យនេះ អស់ពេលជាច្រើនឆ្នាំ។ ស្ទាបស្ទង់ដឹងពីសមត្ថភាពគ្រប់គ្រាន់ អតីតក្មេងមានគំនិតរកស៊ីរូបនេះ មានមហិច្ឆតាបើកក្រុមហ៊ុនរកស៊ីដោយខ្លួនឯង ផ្ដើមពីដើមទុន១៥០០ដុល្លារ។

ចូលប្រឡូកក្នុងវិស័យអចលនទ្រព្យនៅកម្ពុជានេះ ឧកញ៉ា សុខ មុយលី មិនដែលគិតថាខ្លួនមានអាយុតិចនោះទេ ព្រោះក្រោយពីហែលកាត់បទពិសោធន៍រកស៊ីជាច្រើនឆ្នាំ លោកជឿជាក់លើសមត្ថភាពខ្លួនឯងថាអាចធ្វើបាន។

អ្នកជំនួញក្នុងវិស័យអចលនទ្រព្យរូបនេះ បានគូសបញ្ជាក់ថា «នៅពេលជួបបញ្ហាម្ដងៗ ខ្ញុំតែងប្រាប់ខ្លួនឯង ជានិច្ចថា ពេលជួបបញ្ហា ត្រូវតែព្យាយាមរកដំណោះស្រាយ ព្រោះគ្រប់បញ្ហាគឺជាគ្រូបង្រៀនដ៏ស្មោះត្រង់»។

សូមជម្រាបជូនថា បច្ចុប្បន្នឧកញ៉ា សុខ មុយលី ជាអ្នកជំនួញអចលនទ្រព្យដ៏មានសក្ដានុពលម្នាក់ ក្នុងប្រទេស កម្ពុជា។ បច្ចុប្បន្ន ឧកញ៉ាវ័យក្មេង សុខ មុយលី កំពុងកាន់តួនាទីជានាយកប្រតិបត្តិក្នុងក្រុមហ៊ុន ធីអិលអិល រៀល អ៊ីស្ទេត ឯ.ក. និងជាសមាជិកសភាពាណិជ្ជកម្ម កម្ពុជាផងដែរ។ ឧកញ៉ា សុខ មុយលី ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្តល់គោរមងារជា «ឧកញ៉ា» កាលពីថ្ងៃទី ២៦ ខែធ្នូ ឆ្នាំ២០២២ តបតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន អតីត នាយករដ្ឋមន្រ្តី៕

អត្ថបទ៖ សុកធា

The post មានដុងរកស៊ីតាំងពីអាយុជាង១០ឆ្នាំ សុខ មុយលី វិវត្តខ្លួនក្លាយជា «ឧកញ៉ា» វ័យក្មេង កាន់តួនាទីធំ appeared first on .

សូមទស្សនាវីដេអូប្រវត្តិជីវិត និងមុខជំនួញរបស់ឧកញ៉ា ខាងក្រោមនេះ៖

The post ១៥០០ដុល្លារ កែវាសនាឧកញ៉ា សុខ មុយលី ពីភ្នាក់ងារលក់មកជាសេដ្ឋីអចលនទ្រព្យវ័យក្មេង appeared first on .

បច្ចុប្បន្ន​ឧកញ៉ា សុខ មុយលី ​​មានតួនាទី​ជា​នាយកប្រតិបត្តិ (CEO) នៅ​ក្រុមហ៊ុន ធីអិលអិល រៀល អ៊ីស្ទេត ឯ.ក. (TLL Real Estate Co.,Ltd) ជាក្រុមហ៊ុន​​ទិញ លក់ និង​ជួល​​អចលនទ្រព្យ ព្រម​ទាំង​មាន​ជំនួញ​ផ្ទាល់​ខ្លួន​ជា​ច្រើន​ទៀត​នៅ​ក្នុង​ដៃ។ ក្រុមហ៊ុន ធីអិលអិល រៀល អ៊ីស្ទេត ឯ.ក. មាន​អាសយដ្ឋាន​នៅ​ ផ្ទះលេខ៥៤ ផ្លូវលេខ ២០០៥ ភូមិ​តាងួន១ សង្កាត់កាកាប​ទី​១ ខណ្ឌ​ពោធិ៍​សែនជ័យ រាជធានីភ្នំពេញ។

ឧកញ៉ា សុខ មុយលី ត្រូវបានគេស្គាល់ថា ជាប្អូនស្រីបង្កើតលោកជំទាវ សុខ ស្រីអូន ត្រូវជាឧត្តមភរិយាលោក​ឧកញ៉ា អ៊ឹង គីមហុង ម្ចាស់បុរី TLL និងហាងម៉ូតូហុងដា សាខានៅរាជធានី ខេត្តមួយចំនួន។ សូមជម្រាបជូនផងដែរថា លោកស្រី សុខ មុយលី ​​​ត្រូវ​បាន​ព្រះមហាក្សត្រ ចេញ​ព្រះរាជក្រឹត្យ​ត្រាស់បង្គាប់ផ្តល់គោរមងារ​ជា «ឧកញ៉ា» ​​កាលពី​ថ្ងៃទី​២៦ ខែធ្នូ ឆ្នាំ២០២២៕

The post ប្អូនថ្លៃឧកញ៉ា អ៊ឹង គីមហុង ក្លាយជាសមាជិកថ្មី នៃសភាពាណិជ្ជកម្មកម្ពុជា appeared first on .

ការផ្តល់គោរមងារឧកញ៉ាដល់លោកស្រី សុខ មុយលី ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តី។

 លោកស្រី សុខ មុយលី ត្រូវបានគេស្គាល់ថា ជាប្អូនស្រីបង្កើតលោកជំទាវ សុខ ស្រីអូន ត្រូវជាឧត្តមភរិយាលោកឧកញ៉ា អុឹង គីមហុង ម្ចាស់បុរី TLL និងហាងម៉ូតូហុងដា សាខា នៅរាជធានីភ្នំពេញមួយចំនួន និងនៅខេត្តស្វាយរៀង។

លោកស្រី សុខ មុយលី គឺជាពាណិជ្ជករវ័យក្មេងក្នុងវិស័យអចលនទ្រព្យ ខណៈដែលបច្ចុប្បន្នកំពុងកាន់ដំណែងជាប្រធានគម្រោងអចលនទ្រព្យក្រុមហ៊ុន TLL និងមានមុខជំនួញជាច្រើនក្នុងដៃ ដែលជាការវិនិយោគពីអ្នកជំនួញដ៏ល្បី គឺលោកឧកញ៉ា អ៉ឹង គីមហុង៕

The post ប្អូនថ្លៃឧកញ៉ា អ៉ឹង គីមហុង ទទួលបានគោរមងារ «ឧកញ៉ា» appeared first on .