ប្អូនថ្លៃឧកញ៉ា អ៊ឹង គីមហុង ក្លាយជាសមាជិកថ្មី នៃសភាពាណិជ្ជកម្មកម្ពុជា

ជុំវិញ​ឧកញ៉ា

ឧកញ៉ា សុខ មុយលី ដែលជាប្អូនថ្លៃ​របស់​លោក​ឧកញ៉ា អ៊ឹង គីមហុង ​​បាន​ក្លាយ​ជា​សមាជិក​សាមញ្ញ នៃ​សភាពាណិជ្ជកម្មកម្ពុជា។ នេះ​បើ​តាម​សេចក្តីប្រកាស​របស់​សភាពាណិជ្ជកម្ម​កម្ពុជា កាលពី​ថ្ងៃទី​០៧ ខែកុម្ភៈ ឆ្នាំ២០២៣។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

បច្ចុប្បន្ន​ឧកញ៉ា សុខ មុយលី ​​មានតួនាទី​ជា​នាយកប្រតិបត្តិ (CEO) នៅ​ក្រុមហ៊ុន ធីអិលអិល រៀល អ៊ីស្ទេត ឯ.ក. (TLL Real Estate Co.,Ltd) ជាក្រុមហ៊ុន​​ទិញ លក់ និង​ជួល​​អចលនទ្រព្យ ព្រម​ទាំង​មាន​ជំនួញ​ផ្ទាល់​ខ្លួន​ជា​ច្រើន​ទៀត​នៅ​ក្នុង​ដៃ។ ក្រុមហ៊ុន ធីអិលអិល រៀល អ៊ីស្ទេត ឯ.ក. មាន​អាសយដ្ឋាន​នៅ​ ផ្ទះលេខ៥៤ ផ្លូវលេខ ២០០៥ ភូមិ​តាងួន១ សង្កាត់កាកាប​ទី​១ ខណ្ឌ​ពោធិ៍​សែនជ័យ រាជធានីភ្នំពេញ។

ឧកញ៉ា សុខ មុយលី ត្រូវបានគេស្គាល់ថា ជាប្អូនស្រីបង្កើតលោកជំទាវ សុខ ស្រីអូន ត្រូវជាឧត្តមភរិយាលោក​ឧកញ៉ា អ៊ឹង គីមហុង ម្ចាស់បុរី TLL និងហាងម៉ូតូហុងដា សាខានៅរាជធានី ខេត្តមួយចំនួន។ សូមជម្រាបជូនផងដែរថា លោកស្រី សុខ មុយលី ​​​ត្រូវ​បាន​ព្រះមហាក្សត្រ ចេញ​ព្រះរាជក្រឹត្យ​ត្រាស់បង្គាប់ផ្តល់គោរមងារ​ជា «ឧកញ៉ា» ​​កាលពី​ថ្ងៃទី​២៦ ខែធ្នូ ឆ្នាំ២០២២៕