ឧកញ៉ា សុខ ហុង

ឧកញ៉ា សុខ ហុង កូនប្រុសអ្នកឧកញ៉ា សុខ គង់ បរិច្ចាគថវិកាចំនួន ១ម៉ឺនដុល្លារអាមេរិក ជូនកាកបាទក្រហមកម្ពុជា ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥

ឧកញ៉ាដែនដី — Thu, 08 May 2025 02:34:00 +0000

ឧកញ៉ា សុខ ហុង អគ្គនាយកក្រុមហ៊ុន ក្រុមហ៊ុន H S C Co., Ltd. និងជាកូនប្រុសអ្នកឧកញ៉ា សុខ គង់ និងលោកជំទាវ បានបរិច្ចាគថវិកាចំនួន ១ម៉ឺនដុល្លារអាមេរិក ជូនកាកបាទក្រហមកម្ពុជា ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា ក្រោមមូលបទ «រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។

ជារៀងរាល់ឆ្នាំ ឧកញ៉ា សុខ ហុង និងលោកជំទាវ តែងតែចូលរួមបរិច្ចាគទ្រព្យធនផ្ទាល់ខ្លួនជូនដល់កាកបាទក្រហមកម្ពុជា និងចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមឧបត្ថម្ភដល់កម្មវិធីសប្បុរសជាច្រើនទៀត។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post ឧកញ៉ា សុខ ហុង កូនប្រុសអ្នកឧកញ៉ា សុខ គង់ បរិច្ចាគថវិកាចំនួន ១ម៉ឺនដុល្លារអាមេរិក ជូនកាកបាទក្រហមកម្ពុជា ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ឧកញ៉ា សុខ ហុង និងលោកជំទាវ បរិច្ចាគថវិកាចំនួន១ម៉ឺនដុល្លារ ជូនកាកបាទក្រហមកម្ពុជា

រ៉េត សុកធា — Tue, 07 May 2024 08:24:15 +0000

ឧកញ៉ា សុខ ហុង អគ្គនាយកក្រុមហ៊ុន ក្រុមហ៊ុន H S C Co., Ltd. និងលោកជំទាវ បានបរិច្ចាគថវិកាចំនួន ១ម៉ឺនដុល្លារ ចូលរួមជាមួយកាកបាទក្រហមកម្ពុជា ក្នុងឱកាសខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹងប្រារព្វឡើងក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ថវិកាដែលទទួលបានពីសប្បុរសជន សមាគមជាតិមួយនេះនឹងប្រើប្រាស់ដើម្បីបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post ឧកញ៉ា សុខ ហុង និងលោកជំទាវ បរិច្ចាគថវិកាចំនួន១ម៉ឺនដុល្លារ ជូនកាកបាទក្រហមកម្ពុជា appeared first on .

ឧកញ៉ា សុខ ហុង ឧបត្ថម្ភឡាន ១គ្រឿង ជូនបញ្ជាការដ្ឋានកងរាជអាវុធហត្ថខេត្តតាកែវ

ឧកញ៉ាដែនដី — Wed, 12 Jul 2023 01:36:15 +0000

ថ្នាក់ដឹកនាំក្រុមហ៊ុន អេច អេស ស៊ី គ្រុប (HSC Group) តំណាងលោកឧកញ៉ា សុខ ហុង កូនប្រុសទី២ របស់អ្នកឧកញ៉ា សុខ គង់ កាលពីពេលថ្មីៗ ដើមខែកក្កដាកន្លងទៅនេះ បានឧបត្ថម្ភរថយន្តចំនួន ០១គ្រឿង និងភេសជ្ជៈប៉ូវកម្លាំង M-150 ចំនួន ៥០០កេស ជូនដល់បញ្ជាការដ្ឋានកងរាជអាវុធហត្ថខេត្តតាកែវ។

ពិធីប្រគល់ទទួលនេះ បានធ្វើឡើងដោយមានការចូលរួមពីលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ អមដោយលោកមេបញ្ជាការរងខេត្ដ និងនាយអាវុធហត្ថខេត្ត និងលោក សុខ ចេន អគ្គនាយករងនៃក្រុមហ៊ុន អេច អេច ស៊ី គ្រុប តំណាងលោកឧកញ៉ា សុខ ហុង អគ្គនាយកក្រុមហ៊ុន អេច អេច ស៊ី គ្រុប។ ការឧបត្ថម្ភរថយន្តនេះ គឺដើម្បីជួយសម្រួលកិច្ចប្រតិបត្ដិការ ការពារសន្ដិសុខ សណ្ដាប់ធ្នាប់ ក៏ដូចជាការពារភូមិសាស្រ្ត និងធានាបាននូវសុខសុវត្ថិភាពជូនដល់ប្រជាពលរដ្ឋឱ្យស្របតាមគោលនយោបាយភូមិឃុំ/សង្កាត់មានសុត្ថិភាព របស់រាជរដ្ឋាភិបាល។

សូមជម្រាបថា ក្រុមហ៊ុន អេច អេច ស៊ី គ្រុប របស់លោកឧកញ៉ា សុខ ហុង ជានិច្ចកាលតែងតែជួយដល់សកម្មភាពសង្គមនានា ជាមួយនឹងរាជរដ្ឋាភិបាលកម្ពុជា។ ជាក់ស្តែង កាលពីខែមិថុនា ក្រុមហ៊ុនក៏បានប្រគល់រង្វាន់លើកទឹកចិត្ដជូនដល់អត្ដពលិកប៉ារ៉ាឡាំពិកកម្ពុជាទាំងអស់ ដែលរង្វាន់រួមមាន ភេសជ្ជៈចំនួន ១៨៩៨កេស និងថវិកាសរុបជាទឹកប្រាក់ចំនួន ១៣០លានរៀល ផងដែរ៕

The post ឧកញ៉ា សុខ ហុង ឧបត្ថម្ភឡាន ១គ្រឿង ជូនបញ្ជាការដ្ឋានកងរាជអាវុធហត្ថខេត្តតាកែវ appeared first on .

កូនប្រុសអ្នកឧកញ៉ា សុខ គង់ ផ្តល់រង្វាន់ភេសជ្ជៈជិត ១៩០០កេស និងថវិកា ១៣០លានរៀល ជូនអត្តពលិក ១០១នាក់

ឧកញ៉ាដែនដី — Wed, 05 Jul 2023 01:48:04 +0000

លោកឧកញ៉ា សុខ ហុង អគ្គនាយកក្រុមហ៊ុន អេច អេស ស៊ី គ្រុប (HSC Group) និងជាកូនប្រុសទី២ របស់អ្នកឧកញ៉ាបណ្ឌិត សុខ គង់ កាលពីពេលថ្មីៗនេះ បានរៀបចំពិធីពិសាអាហារថ្ងៃត្រង់ ជាមួយអត្ដពលិកប៉ារ៉ាឡាំពិកកម្ពុជា ដើម្បីបង្ហាញពីទឹកចិត្តស្រឡាញ់រាប់អាន និងគាំទ្រចំពោះវិស័យកីឡានៅព្រះរាជាណាចក្រកម្ពុជា ក៏ដូចជាចូលរួមអបអរសាទរនូវសមិទ្ធផលដ៏អស្ចារ្យរបស់អត្តពលិកចំនួន ១០១នាក់ទូទាំងប្រទេស ដែលបានឈ្នះមេដាយជូនជាតិក្នុងព្រឹត្តិការណ៍ អាស៊ានប៉ារ៉ាហ្គេមលើកទី១២ ឆ្នាំ២០២៣។

ក្នុងឱកាសនោះផងដែរ លោក សុខ ចេន អគ្គនាយករងនៃក្រុមហ៊ុន អេច អេច ស៊ី គ្រុប បានប្រគល់រង្វាន់លើកទឹកចិត្ដជូនដល់អត្ដពលិកទាំងអស់ ដែលរង្វាន់រួមមាន៖ ភេសជ្ជៈចំនួន ១៨៩៨កេស និងថវិកាសរុបជាទឹកប្រាក់ចំនួន ១៣០លានរៀល។ ក្រុមហ៊ុន អេច អេស ស៊ី តែងតែយកចិត្ដទុកដាក់ និងចូលរួមចំណែកក្នុងការលើកស្ទួយ ក៏ដូចជាអភិវឌ្ឍសង្គមជាតិកម្ពុជាតាមរយៈសកម្មភាពសង្គមជាច្រើន។

គួរបញ្ជាក់ថា ព្រឹត្តិការណ៍កីឡាអាស៊ីអាគ្នេយ៍ប៉ារ៉ាហ្គេម លើកទី១២ (ASEAN Para Games 12) ត្រូវបានធ្វើពិធីបិទបញ្ចប់ កាលពីថ្ងៃទី៩ ខែមិថុនា ឆ្នាំ២០២៣ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីកម្ពុជា បន្ទាប់ពីដំណើរការប្រកួតពេញមួយសប្តាហ៍។ ក្នុងសុន្ទរកថាបិទការប្រកួតកីឡាអាស៊ានប៉ារ៉ាហ្គេមលើកទី១២ សម្តេចតេជោ ហ៊ុន សែន បានបញ្ជាក់ថា ក្នុងនាមកម្ពុជាធ្វើជាម្ចាស់ផ្ទះ កម្ពុជាបានព្យាយាមរៀបចំការប្រកួតកីឡាអាស៊ានប៉ារ៉ាហ្គេម តាមស្តង់ដារអន្តរជាតិ ហើយសម្តេចសង្ឃឹមថា ប្រជាជនអាស៊ានជាង ៦០០ លាននាក់នឹងចងចាំជារៀងរហូតនូវអនុស្សាវរីយ៍ដ៏ស្រស់ស្អាតនៅក្នុងការប្រកួតកីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ ដែលធ្វើឡើងនៅក្នុងប្រទេសកម្ពុជា ក្នុងឆ្នាំ២០២៣នេះ៕

The post កូនប្រុសអ្នកឧកញ៉ា សុខ គង់ ផ្តល់រង្វាន់ភេសជ្ជៈជិត ១៩០០កេស និងថវិកា ១៣០លានរៀល ជូនអត្តពលិក ១០១នាក់ appeared first on .

មកស្គាល់អាជីវកម្មធំៗទាំង៧ នៃក្រុមហ៊ុន HSC Group របស់កូនប្រុសទី២ អ្នកឧកញ៉ា សុខ គង់

ឧកញ៉ាដែនដី — Mon, 10 Apr 2023 03:40:58 +0000

ក្រុមហ៊ុនអេច អេស ស៊ី គ្រុប (HSC Group) ជាក្រុមហ៊ុនក្នុងស្រុកមួយ ដែលត្រូវបានបង្កើតឡើងតាំងពីឆ្នាំ២០០៧ ដោយលោកឧកញ៉ា សុខ ហុង កូនប្រុសទី២ របស់អ្នកឧកញ៉ា សុខ គង់។ រយៈពេល១៦ឆ្នាំ អេច អេស ស៊ី គ្រុប មានអាជីវកម្ម៧ធំៗ ដែលក្នុងនោះ ក្រុមហ៊ុនបានសហការជាមួយដៃគូជាច្រើននៅជុំវិញពិភពលោក ក្នុងការនាំយកម៉ាកល្បីៗជាង១៩ មកកាន់ប្រទេសកម្ពុជា។

អាជីវកម្ម៧ធំៗ នៃក្រុមហ៊ុន អេច អេស ស៊ី គ្រុប មានដូចជា៖
១) DFS៖ ជាអាជីវកម្មលក់រាយនូវផលិតផលប្រណិតៗមានមូលដ្ឋានពីទីក្រុងហុងកុង
២) HSC Food & Beverages៖ មានម៉ាកល្បីៗផ្នែកម្ហូបអាហារដូចជា Burger King, Crystal Jade, Paris Baguette, Tealive
៣) HSC Beverages៖ មានម៉ាកភេសជ្ជៈ Oishi, Chill, Crystal Water, Goodday, 100plus
៤) HSC Trading៖ នាំចូលភេសជ្ជៈ M-150 និងស្រាកូរ៉េ Jinro
៥) HSC Decor៖ មានម៉ាក Mitsubishi, Lassele, Kansal Paint, INAX និង Plaster Skim Coat
៦) HSC Retails៖ នាំចូលម៉ាក The Face Shop ដែលជាយីហោគ្រឿងសម្អាងនាំមុខគេនៅប្រទេសកូរ៉េ
៧) HSC Heavy Equipment៖ នាំចូលសម្ភារៈសំណង់ធុនធ្ងន់ម៉ាក Hyundai។

សូមជម្រាបថា បើយោងតាមសៀវភៅ «អាថ៍កំបាំងក្រោយភាពជោគជ័យរបស់អ្នកឧកញ៉ា សុខ គង់» បានឱ្យដឹងថា អ្នកឧកញ៉ា សុខ គង់ ដែលមានភរិយាគឺលោកស្រី គឹម ឡេង មានបុត្រាបុត្រីចំនួន ៦ រូប ក្នុងនោះមានដូចជា ១.ឧកញ៉ា សុខ យាក ២.ឧកញ៉ា សុខ ហុង ៣.លោក សុខ សុវណ្ណនិត ៤.លោកស្រីឧកញ៉ា សុខ ចន្ថា ៥.លោកស្រីឧកញ៉ា សុខ ចន្ធី និង ៦.លោកស្រីឧកញ៉ា សុខ ចន្ធូ៕

The post មកស្គាល់អាជីវកម្មធំៗទាំង៧ នៃក្រុមហ៊ុន HSC Group របស់កូនប្រុសទី២ អ្នកឧកញ៉ា សុខ គង់ appeared first on .

តើឧកញ៉ារូបណា ជាម្ចាស់ក្រុមហ៊ុននាំចូល-លក់ចែកចាយ «តែបៃតង OISHI» នៅកម្ពុជា?

ឧកញ៉ាដែនដី — Mon, 05 Dec 2022 01:30:00 +0000

តែបៃតង អូអ៊ិឈិ (OISHI) ជាផលិតភេសជ្ជៈនាំមុខគេមួយ ក្នុងការចរាចរណ៍លើទីផ្សារនៃប្រទេសកម្ពុជា។ ក្រុមហ៊ុន HSC Food & Beverages ដែលជាបុត្រសម្ព័ន្ធរបស់ក្រុមហ៊ុន HSC Group របស់ឧកញ៉ា សុខ ហុង បានសហការជាមួយក្រុមហ៊ុនថៃ Oishi Trading Co., LTD ដើម្បីនាំចូលផ្តាច់មុខ និងលក់ចែកចាយនូវតែបៃតង អូអ៊ិឈិ នៅប្រទេសកម្ពុជា តាំងពីឆ្នាំ២០១៧។

ឧកញ៉ា សុខ ហុង អគ្គនាយកក្រុមហ៊ុន HSC Group

ក្រុមហ៊ុន អេចអេសស៊ី គ្រុប (HSC Group) ជាក្រុមហ៊ុនក្នុងស្រុកមួយ ដែលបានបង្កើតឡើងក្នុងឆ្នាំ២០០៧ ដោយឧកញ៉ា សុខ ហុង។ ក្រោមការដឹកនាំលោកឧកញ៉ា ក្រុមហ៊ុនបាននិងកំពុងពង្រីកវិសាលភាពកាន់តែធំឡើង ដោយក្នុងនោះមានមុខជំនួញធំៗចំនួន៨ និងបានសហការជាមួយដៃគូជាច្រើនជុំវិញពិភពលោក ដោយបាននាំចូលផលិតផលយីហោល្បីៗរបស់ពិភពលោក យីហោប្រចាំតំបន់ និងនៅកម្ពុជា ជាង២០មុខ នាពេលបច្ចុប្បន្ន។

បច្ចុប្បន្នក្រុមហ៊ុន HSC Food & Beverages បានជ្រើសរើសតារាចម្រៀង សុខ ពិសី ជាទូតសុឆន្ទៈក្នុងការជួយផ្សព្វផ្សាយនូវភេសជ្ជៈ តែបៃតង អូអ៊ិឈិ។ តែបៃតង អូអ៊ិឈិ មានជាច្រើនរស់ជាតិ ដូចជា អូអ៊ិឈិសូដា ដែលមានជាតិហ្គាស និងតែបៃតង អូអ៊ិឈិក្រូចឆ្មារទឹកឃ្មុំ ដែលមានក្លិនឈ្ងុយ និងរសជាតិឆ្ងាញ់។ ការញ៉ាំតែបៃតង អូអ៊ិឈិ ត្រូវបានគេយល់ថា អាចជួយឱ្យអារម្មណ៍ស្រស់ស្រាយ និងជួយឱ្យស្បែកមើលទៅស្រស់ស្អាត ភ្លឺថ្លា ជាងមុន។

គួរបញ្ជាក់ថា លោកឧកញ៉ា សុខ ហុង គឺជាកូនប្រុសរបស់អ្នកឧកញ៉ា សុខ គង់ អគ្គនាយកក្រុមហ៊ុន សូគីម៉ិចគ្រុប និងជាម្ចាស់សណ្ឋាគារ សុខា។ ក្រៅពីជាប្រធានក្រុមហ៊ុន អេចអេសស៊ី គ្រុប លោកឧកញ៉ា សុខ ហុង ដែលមានបងប្អូនចំនួន ៦នាក់ ក៏កំពុងកាន់តួនាទីជាអនុប្រធានសហព័ន្ធកីឡាកាយសម្ព័ន្ធកម្ពុជា សម្រាប់អាណត្តិទី៦ ឆ្នាំ ២០១៩-២០២៣ ផងដែរ៕

The post តើឧកញ៉ារូបណា ជាម្ចាស់ក្រុមហ៊ុននាំចូល-លក់ចែកចាយ «តែបៃតង OISHI» នៅកម្ពុជា? appeared first on .

មកស្គាល់កូន ២រូប ស្ថិតក្នុងចំណោមកូនទាំង៦ អ្នកឧកញ៉ា សុខ គង់ ក្តាប់ក្រុមហ៊ុនអ្វី?

រ៉េត សុកធា — Wed, 28 Sep 2022 01:33:19 +0000

អ្នកឧកញ៉ា សុខ គង់ គឺជាអ្នកធុរកិច្ចដ៏ល្បីឈ្មោះម្នាក់នៅកម្ពុជាបច្ចុប្បន្នគឺជា ប្រធានក្រុមហ៊ុន សូគីម៉ិចគ្រុប។ ចំណងអាពាហ៍ពិពាហ៍របស់អ្នកឧកញ៉ា មានមានបុត្រាបុត្រីចំនួន ៦នាក់ ក្នុងនោះស្រី៣នាក់។

សារព័ត៌មានឧកញ៉ាញូស៍ សូមណែនាំកូន ២រូប ក្នុងចំណោមកូនទាំង៦ ដែលកំពុងកាន់មុខជំនួញផ្ទាល់ខ្លួន និងកាន់ក្ដាប់ក្រុមហ៊ុនអ្នកឧកញ៉ា សុខ គង់។

ឧកញ៉ា សុខ ហុង អគ្គនាយកក្រុមហ៊ុន ក្រុមហ៊ុន H S C Co., Ltd. និងជា អនុប្រធាន សហព័ន្ធកីឡា កាយសម្ព័ន្ធកម្ពុជា សម្រាប់ អាណត្តិ ទី ៦ ឆ្នាំ ២០១៩-២០២៣។

តាមរយៈក្រុមហ៊ុន H S C ឧកញ៉ា ហុង ក៏ធ្លាប់ទទួលបានសិទ្ធផ្គត់ផ្គង់ ផលិតអត្តសញ្ញាណប័ណ្ណ សញ្ជាតិ ខ្មែរ ជូនក្រសួងមហាផ្ទៃ។

អ្នកឧកញ៉ា សុខ គង់ ក៏មានកូនស្រីម្នាក់ទៀតផងដែរ កំពុងក្តោបក្តាប់ជំនួញប្រាក់ពាន់លាននៅតំបន់ភ្នំបូកគោ គឺលោកស្រី សុខ ចន្ឋូ កាន់តួនាទីអនុប្រធានក្រុមហ៊ុន Sokha Real Estate ដែលទទួលបានសិទ្ធិអភិវឌ្ឍចាប់តាំងពីឆ្នាំ២០០៧កន្លងមក ហើយក្រុមហ៊ុនបានអភិវឌ្ឍហេដ្ឋារចនាសម្ពន្ធពីក្រោមភ្នំរហូតដល់លើភ្នំ និងអភិវឌ្ឍន៍វិស័យសណ្ឋាគារ បដិសណ្ឋារកិច្ច ទេសចរណ៍ប្រវត្តិសាស្រ្ត។

សូមជម្រាបថា បច្ចុប្បន្នអ្នកឧកញ៉ា សុខ គង់ គ្រប់គ្រងសាជីវកម្មធំៗក្នុងដៃ ដូចជា ក្រុមហ៊ុនសូគីម៉ិច អ៊ិនវេសមិន គ្រុប ក្រុមហ៊ុនសុខាអូតែល ដែលបាននិងកំពុងដឹកនាំប្រតិបត្តិគម្រោងវិនិយោគអភិវឌ្ឍលើភ្នំបូកគោ ឋានសួគ៌បូកគោ សណ្ឋាគាររេស៊ីដង់ភ្នំពេញ សណ្ឋាគារឆ្នេរសុខា និងសណ្ឋាគារសុខាសៀមរាប ជាដើម៕

The post មកស្គាល់កូន ២រូប ស្ថិតក្នុងចំណោមកូនទាំង៦ អ្នកឧកញ៉ា សុខ គង់ ក្តាប់ក្រុមហ៊ុនអ្វី? appeared first on .