ឧកញ៉ា ស្រី ចាន់ថន

ឧកញ៉ា ស្រី ចាន់ថន ផ្ញើលិខិតផ្លូវការជូន ឯកអគ្គរដ្ឋទូតជប៉ុនប្រចាំនៅកម្ពុជា ប្រកាសផ្តល់ទីតាំងដីជួលដល់រោងចក្រជប៉ុន ដោយមិនគិតថ្លៃ រយៈពេល១០ឆ្នាំ

ឧកញ៉ាដែនដី — Tue, 16 Sep 2025 06:00:39 +0000

ឧកញ៉ា ស្រី ចាន់ថន ប្រធានក្រុមប្រឹក្សាភិបាលក្រុមហ៊ុន ជេតស៍ គ្រុប នៅថ្ងៃទី១៥ ខែកញ្ញា ឆ្នាំ២០២៥ បានផ្ញើលិខិតផ្លូវការជូនដល់ ឯកអគ្គរដ្ឋទូតជប៉ុនប្រចាំនៅកម្ពុជា ប្រកាសផ្តល់ទីតាំងដីជួលដល់វិនិយោគិនជប៉ុន សម្រាប់សាងសង់រោងចក្រជប៉ុន ដោយមិនគិតថ្លៃ រយៈពេល១០ឆ្នាំ នៅតំបន់អភិវឌ្ឍន៍ 9NG Group Co., Ltd។

តាមរយៈខ្លឹមសារលិខិត ឧកញ៉ា ស្រី ចាន់ថន បានលើកឡើងថា លោកតែងកោតសរសើរ និងសូមអរគុណយ៉ាងជ្រាលជ្រៅដល់ស្ថានទូតជប៉ុនប្រចាំនៅប្រទេសកម្ពុជា ដែលតែងតែមានសហប្រតិបត្តិការយ៉ាងល្អប្រសើរជាមួយរាជរដ្ឋាភិបាលកម្ពុជា និងធ្វើឱ្យរីកចម្រើនខ្ពស់លើគ្រប់វិស័យ។

កន្លងមក រាជរដ្ឋាភិបាលកម្ពុជា តែងតែផ្តល់អនុសាសន៍ដល់បណ្តាក្រុមហ៊ុនកូនខ្មែរនានា ឱ្យយកចិត្តទុកដាក់ខ្ពស់ និងមានទំនាក់ទំនងល្អជាមួយក្រុមហ៊ុននៅក្រៅប្រទេស ដែលបានមកវិនិយោគនៅក្នុងប្រទេសកម្ពុជា។ សព្វថ្ងៃនេះ លោកឧកញ៉ា មើលឃើញថាមានវិនិយោគិនជប៉ុនជាច្រើន ដែលបានមកវិនិយោគនៅក្នុងប្រទេសកម្ពុជារួចហើយ និងមានវិនិយោគិនជប៉ុនជាច្រើនទៀត មានបំណងមកវិនិយោគនៅក្នុងប្រទេសកម្ពុជាផងដែរ។

ដូច្នេះហើយ ដើម្បីសម្រួលដល់អ្នកវិនិយោគស្របតាមអនុសាសន៍ដ៏ខ្ពង់ខ្ពស់របស់រាជរដ្ឋាភិបាល និងក្នុងនាមក្រុមហ៊ុនកូនខ្មែរ សូមគោរពជូនដំណឹងដល់ ឯកឧត្តម ឯកអគ្គរដ្ឋទូតជប៉ុនប្រចាំកម្ពុជាថា ក្រុមហ៊ុនមានទីតាំងដីជួលដែលអាចផ្តល់ឱ្យបណ្តាក្រុមហ៊ុនជប៉ុននៅប្រទេសថៃ ដែលមានបំណងចង់ផ្លាស់ប្តូរទីតាំងមកវិនិយោគនៅប្រទេសកម្ពុជាវិញ។ ម្យ៉ាងទៀត ប្រជាជនកម្ពុជា តែងតែមានជំនឿទុកចិត្តខ្ពស់ទៅលើផលិតផលរបស់ប្រទេសជប៉ុន និងគាំទ្រយ៉ាងលើសលុប។

សូមជម្រាបថា រដ្ឋាភិបាលជប៉ុន និងរាជរដ្ឋាភិបាលកម្ពុជា តែងមានកិច្ចសហប្រតិបត្តិការយ៉ាងល្អជាមួយគ្នា។ ជាក់ស្តែង ថ្មីៗនេះ ពោលគឺកាលថ្ងៃទី១៥ ខែសីហា ឆ្នាំ២០២៥ រដ្ឋាភិបាលជប៉ុនបានសម្រេចផ្តល់ជំនួយសង្គ្រោះបន្ទាន់(ឥតសំណង)ដែលមានទឹកប្រាក់សរុបប្រមាណ ១,៨ លានដុល្លារអាមេរិក ដើម្បីឆ្លើយតបទៅនឹងតម្រូវការមនុស្សធម៌ជាបន្ទាន់នៅតាមតំបន់ព្រំដែនកម្ពុជា-ថៃ។

ក្នុងកិច្ចសហប្រតិបត្តិការនេះដែរ ជប៉ុនអនុវត្តនូវជំនួយមនុស្សធម៌ដូចជា ការចែកសម្ភារៈចាំបាច់ប្រើប្រាស់ប្រចាំថ្ងៃ និងជម្រកបណ្តោះអាសន្នជាដើម តាមរយៈអង្គការអន្តរជាតិទេសន្តរប្រវេសន៍ (IOM) និងមូលនិធិអង្គការសហប្រជាជាតិដើម្បីកុមារ (យូនីសេហ្វ) ផងដែរ៕

The post ឧកញ៉ា ស្រី ចាន់ថន ផ្ញើលិខិតផ្លូវការជូន ឯកអគ្គរដ្ឋទូតជប៉ុនប្រចាំនៅកម្ពុជា ប្រកាសផ្តល់ទីតាំងដីជួលដល់រោងចក្រជប៉ុន ដោយមិនគិតថ្លៃ រយៈពេល១០ឆ្នាំ appeared first on .

ឧកញ៉ា ស្រី ចាន់ថន បរិច្ចាគថវិកាចំនួន ២,២២២ ដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥

Kem sinath — Mon, 12 May 2025 09:53:53 +0000

ឧកញ៉ា ស្រី ចាន់ថន សមាជិកសមាគមឧកញ៉ាកម្ពុជា បរិច្ចាគថវិកាចំនួន ២,២២២ ដុល្លារអាម៉េរិក ក្នុងឱកាសខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post ឧកញ៉ា ស្រី ចាន់ថន បរិច្ចាគថវិកាចំនួន ២,២២២ ដុល្លារអាម៉េរិក ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ appeared first on .

ឧកញ៉ា ស្រី ចាន់ថន អនុញ្ញាតឱ្យពលរដ្ឋដែលបានបោះឆ្នោត ចូលទស្សនាសួន Jet Garden ដោយឥតគិតថ្លៃ

រ៉េត សុកធា — Tue, 25 Jul 2023 05:21:09 +0000

ឧកញ៉ា ស្រី ចាន់ថន អនុញ្ញាតឱ្យចូលទស្សនាដោយសេរី ដោយមិនមានការលក់សំបុត្រឡើយសម្រាប់អ្នកដែលបានទៅបោះឆ្នោតជ្រើសតាំងតំណាងរាស្រ្តនីតិកាលទី៧រួចរាល់។

ប្រកាសលើគណនីហ្វេសប៊ុកផ្ទាល់ខ្លួន នាព្រឹកថ្ងៃទី២៤ ខែកក្កដា ឆ្នាំ២០២៣នេះ លោកឧកញ៉ា លើកឡើងថា « ដើម្បីចូលរួមលើកទឹកចិត្តដល់ពលរដ្ឋល្អ ដែលបានបំពេញកាតព្វកិច្ចទៅបោះឆ្នោតរួចរាល់ ដោយមានបញ្ជាក់ស្នាមជ្រលក់ម្រាមដៃដែលមានពណ៌ខៀវក្រម៉ៅ នោះសួនកម្សាន្ត Jet Garden Park យើងខ្ញុំ ដែលមានទីតាំងនៅតំបន់ 7NG នឹង Free សំបុត្រចូលទស្សនាជូនដល់បងប្អូន»។

លោកឧកញ៉ា បានបន្តថា សម្រាប់ការឱ្យចូលទស្សនាមិនចំណាយថ្លៃទិញសំបុត្រនេះ រាប់គិតចាប់ពីថ្ងៃទី២៥ ដល់ថ្ងៃសុក្រ ទី២៨ ខែកក្កដា ឆ្នាំ២០២៣។

សូមជម្រាបជូនផងដែរថា ឧកញ៉ា ស្រី ចាន់ថន គឺជា អគ្គនាយកអគ្គនាយកក្រុមហ៊ុន7NG និងជាអគ្គនាយកក្រុមហ៊ុន Jet’s Auto Cambodia ដែលជាក្រុមហ៊ុននាំចូលនិងចែកចាយរថយន្តស៊េរីថ្មីទំនើបគ្រប់ប្រភេទមកប្រទេសកម្ពុជាក្រៅពីនោះលោកឧកញ៉ា ក៏បានវិនិយោគលើវិស័យកីឡាប្រដាល់គុនខ្មែរផងដែរ៕

អត្ថបទ៖ សុកធា

The post ឧកញ៉ា ស្រី ចាន់ថន អនុញ្ញាតឱ្យពលរដ្ឋដែលបានបោះឆ្នោត ចូលទស្សនាសួន Jet Garden ដោយឥតគិតថ្លៃ appeared first on .

ឧកញ៉ា ស្រី ចាន់ថន ប្រកាសបង្កើតក្លឹបកីឡាគុនខ្មែរលំដាប់ថ្នាក់អន្តរជាតិ តែមានលក្ខខណ្ឌមួយ

ឧកញ៉ាដែនដី — Fri, 03 Mar 2023 05:02:08 +0000

លោកឧកញ៉ា ស្រី ចាន់ថន អគ្គនាយកក្រុមហ៊ុន Jes’t Group & 7NG បានប្រកាសនៅព្រឹកថ្ងៃទី០៣ ខែមីនា ឆ្នាំ២០២៣នេះថា លោកនឹងបង្កើតក្លឹបកីឡាគុនខ្មែរលំដាប់ថ្នាក់អន្តរជាតិមួយឡើង បើសិនជាបងប្អូនចែករំលែក (Share) ផុសនៅលើទំព័រហ្វេសប៊ុករបស់លោកឱ្យបាន ៣៣K (៣៣,០០០)។

ឧកញ៉ា ស្រី ចាន់ថន ដែលជាអនុប្រធានកិត្តិយស របស់សហព័ន្ធកីឡាប្រដាល់គុណខ្មែរមួយរូបផងនោះ បានបង្ហោះសារលើទំព័រហ្វេសប៊ុករបស់លោក នៅព្រឹកនេះយ៉ាងដូច្នេះថា៖ “ថ្ងៃល្អ ០៣.០៣.២០២៣ ដូច្នេះបើសិនជាបងប្អូនចែករំលក (Share) ផុស (post) មួយនេះបាន 33K ខ្ញុំនឹងបង្កើតក្លឹបកីឡាគុនខ្មែរលំដាប់ថ្នាក់អន្តរជាតិមួយឡើង ដើម្បីជាការតបស្នងការគាំទ្ររបស់បងប្អូន”។

លោកឧកញ៉ាចិត្តធម៌ ស្រី ចាន់ថន តែងតែយកចិត្តទុកដាក់ខ្លាំងលើវិស័យគុនខ្មែរ និងចង់ឃើញគុនខ្មែរមានការរីកចម្រើនខ្លាំងទាំងក្នុងស្រុក និងលើឆាកអន្តរជាតិ។ កាលពីថ្ងៃទី០២ ខែមីនា ឆ្នាំ២០២៣ លោកឧកញ៉ា ក៏បានចុះទៅមើលក្លឹបកីឡាគុនខ្មែរ ចលនាយុវជនកម្ពុជា ក.១៥៧ ព្រមទាំងបានឧបត្ថម្ភថវិកាប្រមាណ ១១ម៉ឺនដុល្លារ សម្រាប់ចំណាយរយៈពេល ៥ឆ្នាំបន្តទៀត។

គួររំឭកថា កាលពីពេលថ្មីៗកន្លងទៅនេះ លោកឧកញ៉ា ស្រី ចាន់ថន ក៏បានផ្តល់ប្រាក់រង្វាន់លើកទឹកចិត្តដល់កីឡាករ ព្រំ សំណាង ចំនួន ៥លានរៀល បន្ទាប់ពីឈ្នះការប្រកួត បន្ថែមពីលើកមុនចំនួន ២៥០០ដុល្លារផងដែរ៕

The post ឧកញ៉ា ស្រី ចាន់ថន ប្រកាសបង្កើតក្លឹបកីឡាគុនខ្មែរលំដាប់ថ្នាក់អន្តរជាតិ តែមានលក្ខខណ្ឌមួយ appeared first on .

ឧកញ៉ា ស្រី ចាន់ថន ត្រៀមរៀបចំសង្ក្រាន្តឆ្នាំថ្មី នៅស្កាយលែន 7NG

ឧកញ៉ាដែនដី — Tue, 07 Feb 2023 02:34:58 +0000

ឧកញ៉ា ស្រី ចាន់ថន អគ្គនាយកក្រុមហ៊ុន Jes’t Group & 7NG កាលពីថ្ងៃទី០៦ ខែកុម្ភៈ ឆ្នាំ២០២៣ បានបើកកិច្ចប្រជុំមួយ ជាមួយក្រុមការងាររបស់លោក ដើម្បីត្រៀមរៀបចំទទួលស្វាគមន៍សង្ក្រាន្តឆ្នាំថ្មី នៅលើទឹកដី ស្កាយលែន ៧អ៉ិនជី (7NG) នាខែមេសា ខាងមុខនេះ។

ជារៀងរាល់ឆ្នាំ សួនកំសាន្តស្កាយលែន Jet’s Garden Park & 7NG តែងតែរៀបចំព្រឹត្តិការណ៍អបអរសាទរឆ្នាំថ្មីប្រពៃណីខ្មែរ ព្រមទាំងមានកម្មវិធីសប្បាយៗជាច្រើន។ កាលពីចុងខែវិច្ឆិកា ឆ្នាំ២០២២ កន្លងទៅ ស្កាយលែន Jet’s Garden Park & 7NG ក៏បានរៀបចំឱ្យមានការប្រណាំងទូក ការប្រគុំតន្រ្តី ការរាំលេងកំសាន្ត ការបាញ់ពពុះសាប៊ូ និងល្បែងកំសាន្តជាច្រើនទៀតផងដែរ។

សួនកំសាន្តស្កាយលែន Jet’s Garden Park & 7NG ជាកន្លែងកម្សាន្តកែច្នៃបែបធម្មជាតិ ដែលត្រូវបានបង្កើតឡើងដោយលោកឧកញ៉ា ស្រី ចាន់ថន។ ទីកន្លែងលំហែមួយនេះ មានទាំងសួនកម្សាន្ត សួនសត្វ ភោជនីយដ្ឋាន អាងហែលទឹក និងរីហ្សតបែបបឹងកាឡូ ស័ក្តិសមសម្រាប់អ្នកមានការងាររវល់ខ្លាំង ពុំសូវមានពេលច្រើន និងសម្រាកលំហែបំបាត់អារម្មណ៍ស្ត្រេស ឬនឿយហត់ពីការងារ។ ស្កាយលែន Jet’s Garden Park & 7NG មានទីតាំងនៅភូមិវិហារសួគ៌ជើង ស្រុកខ្សាច់កណ្តាល ខេត្តកណ្តាល ១៥គីឡូម៉ែត្រ ពីរាជធានីភ្នំពេញ៕

The post ឧកញ៉ា ស្រី ចាន់ថន ត្រៀមរៀបចំសង្ក្រាន្តឆ្នាំថ្មី នៅស្កាយលែន 7NG appeared first on .

ឧកញ៉ា ស្រី ចាន់ថន ប្រកាសផ្តល់ផ្ទះវីឡា និងឡានទំនើបដល់អ្នកប្រដាល់ខ្មែរ បើវ៉ៃឈ្នះប៊ូខាវ

ឧកញ៉ាដែនដី — Thu, 02 Feb 2023 10:33:02 +0000

លោកឧកញ៉ា ស្រី ចាន់ថន អគ្គនាយកក្រុមហ៊ុន Jes’t Group & 7NG បានប្រកាសថា លោកនឹងផ្តល់រង្វាន់ផ្ទះវីឡាមួយ រថយន្តទំនើបមួយគ្រឿង និងផ្តល់ថវិកាប្រចាំខែ រយៈពេល១០ឆ្នាំ បើសិនជាមានអ្នកប្រដាល់ខ្មែររូបណា ដែលអាចវ៉ៃឈ្នះលើអ្នកប្រដាល់ថៃ ប៊ូខាវ បានចាមេគ (Buakaw Banchamek)។

ការប្រកាសផ្តល់រង្វាន់របស់លោកឧកញ៉ា ស្រី ចាន់ថន នៅថ្ងៃនេះ គឺបន្ទាប់ពីលោកឧកញ៉ា បានឃើញវីដេអូក្នុងសន្និសីទកាសែតមួយ ដែលអ្នកប្រដាល់ ប៊ូខាវ បាននិយាយថា រឿងកម្ពុជាដាក់គុនខ្មែរ នៅស៊ីហ្គេមជាសិទ្ធិរបស់គេ ថៃមិនអាចនិយាយបានទេ ហើយគុនខ្មែរ គឺត្រឹមតែលំដាប់អាស៊ាន ដូច្នេះប្រជាជនថៃកុំទៅខ្វល់អី។ យើងត្រូវនិយាយដល់ក្នុងព្រឹត្តិការណ៍អូឡាំពិក ព្រោះ «Muay Thai» របស់ថៃយើង Original “លេខ ១” ទៅហើយ។

ឧកញ៉ា ស្រី ចាន់ថន អនុប្រធានកិត្តិយសរបស់សហព័ន្ធកីឡាប្រដាល់គុណខ្មែរ បានលើកឡើងនៅថ្ងៃព្រហស្បតិ៍នេះថា ជាសំដីចេញពីមាត់ប៊ូខាវ មិនអីទេខ្មែរមិនចង់បានលោកប៊ូខាវទេ។ ក្នុងនាមលោកជាអនុប្រធានកិត្តិយស របស់សហព័ន្ធកីឡាប្រដាល់គុណខ្មែរ លោកជឿជាក់ថាខ្មែរក៏មានអ្នកខ្លាំងដែរ ហើយបើខ្មែរវ៉ៃប៊ូខាវឈ្នះ លោកនឹងឱ្យផ្ទះវីឡាមួយតម្លៃ ២៧ម៉ឺនដុល្លារ ឡានទំនើបមួយគ្រឿង និងថវិកាបន្ថែមប្រចាំខែ រយៈពេល ១០ឆ្នាំ។ លោកឧកញ៉ា បានបន្ថែមថា នេះជាការលើកទឹកចិត្តដល់កីឡាកខ្មែរ តស៊ូដើម្បីជាតិរបស់យើង។ ខ្ញុំស្រឡាញ់កម្ពុជា (I Love Cambodia)។

សូមជម្រាបថា ក្នុងនាមកម្ពុជាជាម្ចាស់ផ្ទះកីឡាស៊ីហ្គេមឆ្នាំ២០២៣ ដែលនឹងត្រូវធ្វើឡើងនៅដើមខែឧសភា ខាងមុខនេះ កម្ពុជាបានសម្រេចប្តូរឈ្មោះប្រដាល់ Muoy (Thai) ទៅជាប្រដាល់គុនខ្មែរ (Kun Khmer) ដែលជាក្បាច់គុនបុរាណខ្មែរ ហើយក៏បង្ហាញពីកីឡាជាអត្ដសញ្ញាណរបស់ជាតិផងដែរ។

ការប្តូរឈ្មោះទៅប្រដាល់គុនខ្មែរនេះ បានធ្វើឱ្យភាគីថៃ មិនពេញចិត្តចំពោះរឿងនេះ ហើយពួកគេនឹងមិនបញ្ជូនអត្ដពលិកមកប្រកួតលើវិញ្ញាសានេះនោះទេ។ ទោះយ៉ាងណា បើតាម លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ បានបញ្ជាក់ឱ្យដឹង កាលពីពេលថ្មីៗនេះថា ប្រដាល់គុនខ្មែរ នៅតែជាវិញ្ញាសាប្រកួតក្នុងស៊ីហ្គេម លើកទី៣២ ដដែល ព្រោះមាន៦ប្រទេស បានគាំទ្រនិងចូលរួមប្រកួតលើវិញ្ញាសានេះ។ ៦ប្រទេស ដែលនឹងចូលរួមប្រកួត រួមមាន ឥណ្ឌូណេស៊ី, វៀតណាម, ហ្វីលីពីន, ឡាវ, មីយ៉ាន់ម៉ា និងម៉ាឡេស៊ី៕

The post ឧកញ៉ា ស្រី ចាន់ថន ប្រកាសផ្តល់ផ្ទះវីឡា និងឡានទំនើបដល់អ្នកប្រដាល់ខ្មែរ បើវ៉ៃឈ្នះប៊ូខាវ appeared first on .

ឧកញ៉ា ស្រី ចាន់ថន យល់ថា ការប្រើជីវិតបែបស្ងៀមស្ងាត់ គឺល្អបំផុត

ឧកញ៉ាដែនដី — Sat, 31 Dec 2022 03:18:48 +0000

លោកឧកញ៉ា ស្រី ចាន់ថន អគ្គនាយកក្រុមហ៊ុន Jes’t Group & 7NG យល់ឃើញថា ការប្រើជីវិតបែបស្ងៀមស្ងាត់ គឺល្អបំផុត ហើយកុំចង់ឈ្នះជាមួយមនុស្សមិនចង់ចាញ់ និងកុំរស់នៅក្រោមការផ្ចាញ់ផ្ចាលជាមួយនឹងមនុស្សមិនបានការ។ បន្ថែមពីនេះ អ្វីដែលគួរធ្វើបន្តក្នុងឆាកជីវិត គឺត្រូវថែរក្សាមិត្តភាព មនុស្សល្អៗនៅជិតខ្លួនឱ្យបានល្អ។

លោកឧកញ៉ា ម្ចាស់តំបន់កម្សាន្តស្កាយលែន ៧អ៉ិនជី (7NG) បានបង្ហោះសារភ្ជាប់ជាមួយរូបភាពរបស់លោក ដែលកំពុងអង្គុយនៅកន្លែងមួយតែម្នាក់ឯង យ៉ាងដូច្នេះថា៖ “ស្ងៀមស្ងាត់គឺល្អបំផុត…ត្រូវរៀនកែប្រែជីវិត រៀនរស់នៅក្នុងជីវិតឱ្យរីករាយជាមួយមនុស្សនៅជិតខ្លួន មនុស្សដែលលះបង់ចំពោះអ្នក (កុំចង់ឈ្នះ ជាមួយមនុស្សមិនចង់ចាញ់ កុំរស់នៅក្រោមការផ្ចាញ់ផ្ចាលជាមួយមនុស្សមិនបានការក្នុងជីវិតអ្នក)។ អ្វីដែរគួរធ្វើបន្តក្នុងឆាកជីវិត គឺថែរក្សាមិត្តភាព មនុស្សល្អៗនៅជិតខ្លួនបានល្អ ..!”។

កាលដើមសប្តាហ៍កន្លងទៅនេះ លោកឧកញ៉ា ស្រី ចាន់ថន ក៏បានលើកឡើងនូវទស្សនៈដ៏ល្អមួយផងដែរថា ធ្វើដំណើរដ៏សែនឆ្ងាយ អ្វីដែលត្រូវសន្សំគឺ ចំណេះដឹង ទំនាក់ទំនងល្អ ត្រៀមលុយ ហើយវិនិយោគ។ ជាពិសេស ត្រូវគិតគូពីបញ្ហាសុខភាព ទាំងផ្លូវកាយនិងផ្លូវចិត្ត ឱ្យបានល្អ៕

The post ឧកញ៉ា ស្រី ចាន់ថន យល់ថា ការប្រើជីវិតបែបស្ងៀមស្ងាត់ គឺល្អបំផុត appeared first on .

ឧកញ៉ា ស្រី ចាន់ថន ចែករំលែកគន្លឹះមួយ ដើម្បីទទួលបានភាពជោគជ័យក្នុងជីវិត

ឧកញ៉ាដែនដី — Fri, 16 Dec 2022 02:55:31 +0000

ជិវិតរបស់មនុស្សម្នាក់ៗ តែងតែជួបនូវការលំបាកផ្សេងៗ ទៅតាមស្ថានភាព និងកាលៈទេសៈរបស់ខ្លួន។ យ៉ាងណាមិញ លោកឧកញ៉ា ស្រី ចាន់ថន អគ្គនាយកក្រុមហ៊ុន Jes’t Group & 7NG យល់ឃើញថា យើងមិនត្រូវបោះបង់រឿងអ្វីមួយ នៅពេលដែលជួបការលំបាកនោះទេ ផ្ទុយទៅវិញ លោកឧកញ៉ា យល់ថា បើយើងទ្រាំនឹងការបំបាកបាន នោះយើងនឹងទទួលបានជោគជ័យក្នុងជីវិត។

លោកឧកញ៉ា ម្ចាស់តំបន់កម្សាន្តស្កាយលែន ៧អ៉ិនជី (7NG) បានបង្ហោះសារដ៏មានអត្ថន័យ ភ្ជាប់ជាមួយរូបភាពរបស់លោកថតជាមួយនឹងរថយន្ត១គ្រឿង ដែលលោកទើបនឹងទិញ និងពុំទាន់បានបំពាក់ស្លាកលេខ កាលពីថ្ងៃព្រហស្បតិ៍ម្សិលមិញ យ៉ាងដូច្នេះថា៖ “បើអ្នកទ្រាំនឹងការលំបាកបាន អ្នកនឹងទទួលជោគជ័យក្នុងជីវិត”។

គួរបញ្ជាក់ថា លោកឧកញ៉ា ស្រី ចាន់ថន ក្រៅពីជោគជ័យនៅក្នុងមុខជំនួញរបស់លោក លោកតែងតែជួយការងារសប្បុរសធម៌ និងការងារសង្គមជាច្រើន តាមរយៈការបរិច្ចាគប្រាក់ជួយជនរងគ្រោះផ្សេងៗជាដើម។ លើសពីនេះ លោកឧកញ៉ា ក៏តែងតែចែករំលែកនូវទស្សនៈល្អៗ ដែលធ្វើឱ្យលោកជោគជ័យ ជូនដល់សាធារណជន ទុកជាមាគ៌ាបង្ហាញផ្លូវក្នុងជីវិត។ លោកឧកញ៉ា ធ្លាប់បានផ្តល់ជាអនុសាសន៍ថា ចូរគិតវិជ្ជមាន ការដើរលើផ្លូវជីវិតដ៏វែងឆ្ងាយ តែងតែជួបបញ្ហា ហើយរៀនដោះស្រាយដោយចិត្តត្រជាក់។ ធ្វើអ្វីៗសុទ្ធតែលំបាកទាំងអស់ ការតស៊ូគឺជាគោលដៅចម្បង។

ជារួមមក លោកឧកញ៉ា ស្រី ចាន់ថន យល់ឃើញថា ដើម្បីទទួលបានភាពជោគជ័យក្នុងជីវិត គឺយើងត្រូវតែចេះតស៊ូ ទ្រាំនឹងការលំបាក គិតវិជ្ជមាន និងត្រូវចេះដោះស្រាយបញ្ហាដោយចិត្តត្រជាក់៕

The post ឧកញ៉ា ស្រី ចាន់ថន ចែករំលែកគន្លឹះមួយ ដើម្បីទទួលបានភាពជោគជ័យក្នុងជីវិត appeared first on .

Jet’s Garden Park រៀបចំកម្មវិធីសប្បាយៗសម្រាប់ថ្ងៃបុណ្យណូអែល និងបុណ្យឆ្លងឆ្នាំ

ឧកញ៉ាសំពៅ — Wed, 14 Dec 2022 10:51:00 +0000

សួនឧទ្យានកម្សាន្ត 𝗝𝗲𝘁’𝘀 𝗚𝗮𝗿𝗱𝗲𝗻 𝗣𝗮𝗿𝗸 ជាទីក្រុងទេសចរណ៏ដ៏ទំនើប ដែលនៅជិតរាជធានីភ្នំពេញ មានកន្លែងកម្សាន្តសម្បូរបែបផ្សារភ្ជាប់ជាមួយអរិយធ៌ម វប្បធ៌មខ្មែរ កេរ្តិ៏ដំណែលដូនតា ការស្នាក់នៅ ប៉ោះតង់ ជិះកង់ ទស្សនាក្នុងបរិវេណឧទ្យាន កញ្ចុះសម្រាប់អង្គុយក្បែមាត់ទឹក រួមទាំងភោជនីយដ្ឋាន ដែលមានគុណភាពខ្ពស់ដំបូងនិងឈានមុខគេនៅកម្ពុជា ហើយក៏មានសក្តានុពលសេដ្ឋកិច្ចទេសចរ សំរាប់ទ្វីបអាស៊ី ទ្វីបអ៊ីរ៉ុប និងពិភពលោកផងដែរ។

ទន្ទឹមនឹងនោះ សួនកម្សាន្តរបស់ឧកញ៉ា ស្រី ចាន់ថន ក៏នឹងមានរៀបចំកម្មវិធីដ៏ពិសេស អបអរពិធីបុណ្យណូអែល និងឆ្លងឆ្នាំខាងមុខ ដែលមានរយៈពេល ៥ ថ្ងៃពេញតែម្ដង ពីថ្ងៃទី ២៥ ដល់ ៣១ ធ្នូ ២០២២។

ក្នុងនេះផងដែរ ក៏នឹងមានកម្មវិធីសប្បាយៗជាច្រើន ដូចជាការតាំងពិពណ៌ម្ហូបអាហារ មានការបោះតង់ ការប្រគុំតន្ត្រី Live Band មានការបាញ់កាំជ្រួច និងមានកម្មវិធីសប្បាយៗជាច្រើនទៀត! មួយឆ្នាំមានម្តង តោះ! កុំភ្លេចមកសប្បាយទាំងអស់គ្នា!

𝗝𝗲𝘁’𝘀 𝗚𝗮𝗿𝗱𝗲𝗻 𝗣𝗮𝗿𝗸 ជាទីកម្សាន្តសក្ដិសមបំផុតសម្រាប់អ្នក ដោយចំណាយពេលតិចក្នុងការធ្វើដំណើរ ដែលមាន១៥ គីឡូពីភ្នំពេញតែប៉ុណ្ណោះ។ ដែលមានទីតាំងស្ថិតក្នុងសួនកម្សាន្តស្កាយលែន Jet’s Garden Park ភូមិវិហារសួគ៌ជើង ស្រុកខ្សាច់កណ្តាល ខេត្តកណ្តាល។ ព័ត៌មានបន្ថែម 088 5444 870 / 010 45 11 50/017315251 និងសូមចុចលីង ហ្វេសប៊ុក https://web.facebook.com/Jetgardenpark/

The post Jet’s Garden Park រៀបចំកម្មវិធីសប្បាយៗសម្រាប់ថ្ងៃបុណ្យណូអែល និងបុណ្យឆ្លងឆ្នាំ appeared first on .

សួនកម្សាន្តឧកញ៉ា ស្រី ចាន់ថន ចាប់ផ្តើមព្រឹត្តិការណ៍ប្រណាំងទូក រយៈពេល៣ថ្ងៃ

ឧកញ៉ាកោះក្របី — Mon, 07 Nov 2022 02:58:12 +0000

ចាប់ពីថ្ងៃទី ៧ ដល់ ៩ ខែវិច្ឆិកា ឆ្នាំ២០២២នេះ កាន់តែសប្បាយជាមួយព្រឹតិការណ៍ពិសេស នៅសួនកំសាន្តស្កាយលែន Jet’s Garden Park ក្នុងកម្មវិធីប្រណាំងទូកង ខ្នាតតូច ខ្នាតធំអន្តរជាតិ ការប្រគុំតន្រ្តី រាំលេងកំសាន្ត មានការបាញ់ពពុះសាប៊ូ និងល្បែងកំសាន្តជាច្រើនទៀត ដែលចាប់ផ្ដើមនៅព្រឹកនេះហើយ កុំភ្លេចចូលរួមទសន្សាអោយបានច្រើនកោះករ។

ទំនាក់ទំនង៖ 096 882 2222 | 017 315 251 | 071 779 5299
ទីតាំង៖ ភូមិវិហារសួគ៌ជើង ស្រុកខ្សាច់កណ្តាល ខេត្តកណ្តាល ១៥គីឡូពីភ្នំពេញ
Location here: https://goo.gl/maps/QW2LEM1EGYsxTt8k6
#JetsGardenPark #CambodaiWaterFestival #SkayLand7NG

default

The post សួនកម្សាន្តឧកញ៉ា ស្រី ចាន់ថន ចាប់ផ្តើមព្រឹត្តិការណ៍ប្រណាំងទូក រយៈពេល៣ថ្ងៃ appeared first on .