ឧកញ៉ា ហង្ស ម៉ារីនី

ឧកញ៉ា ហង្ស ម៉ារីនី និងស្វាមី ទទួលការតែងតាំងជាទីប្រឹក្សាផ្ទាល់ សម្តេចព្រះសង្ឃរាជ បួរ គ្រី

ឧកញ៉ាដែនដី — Tue, 21 Nov 2023 01:48:15 +0000

លោកស្រីឧកញ៉ា ហង្ស ម៉ារីនី អតីតតារាសម្តែង និងស្វាមី លោកឧកញ៉ា ផូ កែវសម្បត្តិ ទទួលបានការតែងតាំងជាទីប្រឹក្សាផ្ទាល់សម្តេចព្រះអភិសិរី សុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី ដោយបញ្ញត្តិគោរម្យងារផ្សេងគ្នា។

តាមរយៈការបង្ហាញលើបណ្តាញសង្គមហ្វេសប៊ុក កាលពីថ្ងៃទី២០ ខែវិច្ឆិកា លោកស្រីឧកញ៉ា ហង្ស ម៉ារីនី បានឱ្យដឹងថា ការប្រោសព្រះរាជទានតែងតាំងជា ទីប្រឹក្សាផ្ទាល់សម្តេចព្រះអភិសិរី សុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី ដោយបញ្ញត្តិគោរម្យ័ងារ ដូចខាងក្រោម៖

១)ឧកញ៉ា ផូ កែវសម្បត្តិ ទីប្រឹក្សាផ្ទាល់សម្តេចព្រះសង្ឃរាជ បួរ គ្រី ដោយបញ្ញត្តិគោរម្យងារ (ធម្មសាមីបដិបន្នោមហាឧបាសកពុទ្ធសាសនូបត្ថម្ភក៍)។
២)ឧកញ៉ា ហង្ស ម៉ារីនី ទីប្រឹក្សាផ្ទាល់សម្តេចព្រះសង្ឃរាជ បួរ គ្រី ដោយបញ្ញត្តិគោរម្យងារ (ធម្មមាតានារីរតន៍មហាឧបាសិកាពុទ្ធសាសនូបត្ថម្ភក៍)។

លោកស្រី ហង្ស ម៉ារីនី ជាតារាម្នាក់ដែលចូលចិត្តធ្វើការងារសប្បុរសធម៌ និងបច្ចុប្បន្ន ជាអ្នកជំនួញរកស៊ីនៅលើអនឡាញយ៉ាងល្បីឈ្មោះ។ លោកស្រី និងស្វាមី មានកូនប្រុសស្រីចំនួន ៣នាក់ ខណៈដែលកូនទី៣ ឈ្មោះ ផូ ឥន្រ្ទភិច្ឆ័យ ទើបសម្រាលកាលពីថ្ងៃទី១៨ ខែមិថុនា ឆ្នាំ២០២៣។ លោកស្រី ហង្ស ម៉ារីនី និងលោក ផូ កែវសម្បត្តិ ទទួលបានគោរមងារ «ឧកញ៉ា» ពីព្រះមហាក្សត្រ ក្នុងថ្ងៃជាមួយគ្នា កាលពីថ្ងៃទី២៦ ខែកក្កដា ឆ្នាំ២០២៣៕

The post ឧកញ៉ា ហង្ស ម៉ារីនី និងស្វាមី ទទួលការតែងតាំងជាទីប្រឹក្សាផ្ទាល់ សម្តេចព្រះសង្ឃរាជ បួរ គ្រី appeared first on .

ឧកញ៉ា ហង្ស ម៉ារីនី៖ កុំរវល់ៗ ដល់ថ្នាក់រកពេលទៅលេងអ្នកមានគុណមិនបាន

ឧកញ៉ាដែនដី — Mon, 21 Aug 2023 03:02:37 +0000

លោកស្រីឧកញ៉ា ហង្ស ម៉ារីនី អតីតតារាសម្តែងដែលចូលចិត្តធ្វើការងារសប្បុរសធម៌ បានបង្ហាញសារដាស់តឿនតូចមួយថា កូនប្រុសស្រីគ្រប់រូបគួរមានពេលវេលាខ្លះទៅលេងអ្នកមានគុណ ហើយកុំរវល់រហូតដល់ថ្នាក់រកពេល ទៅលេងអ្នកមានគុណមិនបាន ព្រោះលុយមិនអាចទិញពេលវេលាឱ្យត្រឡប់ក្រោយបាននោះទេ។

ឧកញ៉ា ហង្ស ម៉ារីនី បានបង្ហោះសារលើហ្វេសប៊ុក កាលពីថ្ងៃអាទិត្យម្សិលមិញថា ជាសាដាស់តឿនតូចមួយ តែជាក្តីសុខដ៏ធំ របស់មាតាបិតាគ្រប់រូប លោកមិនដែលទាមទាពីកូនៗទេ អ្វីដែលលោកចង់ឃើញ គឺកូនៗមានក្តីសុខ ស្នាមញញឹម សុភមង្គល និងមានពេលវេលាខ្លះ ទៅលេងពួកគាត់។ ពេលគាត់ឃើញកូនៗ ឃើញចៅៗ គាត់អរសប្បាយចិត្តណាស់ កូនៗមានដឹងអត់? កុំរវល់ៗ ដល់ថ្នាក់រកពេលទៅលេងអ្នកមានគុណមិនបាន អ្នកណាក៏រវល់ដែរ តែយើងអាចឆ្លៀតពេលសំរាប់ពួកគាត់បានទេ។

លោកស្រីឧកញ៉ា បានបន្ថែមថា លុយមិនអាចទិញពេលវេលា ឱ្យត្រឡប់ថយក្រោយបានទេ ទាន់ព្រះរស់លោកនូវមើលឃើញ នៅហូបបាន នៅញញឹមបាន គួរតែធ្វីអ្វីដែលអាចធ្វើបាន សម្រាប់ពួកគាត់ឱ្យហើយ កុំឱ្យចុងក្រោយសល់តែពាក្យថា «ស្តាយក្រោយ»។

សូមជម្រាបថា លោកស្រី ហង្ស ម៉ារីនី អតីតតារាសម្តែង និងស្វាមី លោក ផូ កែវសម្បត្តិ ទើបត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យត្រាស់បង្គាប់ផ្តល់គោរមងារ ជា «ឧកញ៉ា» នៅថ្ងៃតែមួយជាមួយគ្នា គឺនៅថ្ងៃទី២៦ ខែកក្កដា ឆ្នាំ២០២៣៕

The post ឧកញ៉ា ហង្ស ម៉ារីនី៖ កុំរវល់ៗ ដល់ថ្នាក់រកពេលទៅលេងអ្នកមានគុណមិនបាន appeared first on .

អតីតតារាសម្តែង ហង្ស ម៉ារីនី និងស្វាមី ទទួលបានគោរមងារ «ឧកញ៉ា» ក្នុងថ្ងៃតែមួយ

ឧកញ៉ាដែនដី — Fri, 28 Jul 2023 12:55:17 +0000

លោកស្រី ហង្ស ម៉ារីនី អតីតតារាសម្តែង និងស្វាមី លោក ផូ កែវសម្បត្តិ ត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យត្រាស់បង្គាប់ផ្តល់គោរមងារ ជា «ឧកញ៉ា» នៅថ្ងៃតែមួយជាមួយគ្នា គឺនៅថ្ងៃទី២៦ ខែកក្កដា ឆ្នាំ២០២៣។

លោកស្រី ហង្ស ម៉ារីនី ជាតារាម្នាក់ដែលចូលចិត្តធ្វើការងារសប្បុរសធម៌ និងបច្ចុប្បន្ន ជាអ្នកជំនួញរកស៊ីនៅលើអនឡាញយ៉ាងល្បីឈ្មោះ។ ទោះបីជាពុំសូវបង្ហាញមុខលើការងារសិល្បៈសម្តែងជាច្រើនឆ្នាំ ប៉ុន្តែលោកស្រី ហង្ស ម៉ារីនី ហាក់កាក់កបយ៉ាងខ្លាំងនឹងមុខជំនួញផ្ទាល់ខ្លួនជាមួយនឹងស្វាមី រហូតអាចសាងគ្រួសារមួយដ៏កក់ក្តៅ ព្រមទាំងមានផ្ទះដ៏ធំស្គឹមស្កៃ និងរថយន្តទំនើបៗផងដែរ។ លោកស្រី ហង្ស ម៉ារីនី និងលោក ផូ កែវសម្បត្តិ មានកូនប្រុសស្រីចំនួន ៣នាក់ ខណៈដែលកូនទី៣ ឈ្មោះ ផូ ឥន្រ្ទភិច្ឆ័យ ទើបសម្រាលកាលពីថ្ងៃទី១៨ ខែមិថុនា ឆ្នាំ២០២៣៕

The post អតីតតារាសម្តែង ហង្ស ម៉ារីនី និងស្វាមី ទទួលបានគោរមងារ «ឧកញ៉ា» ក្នុងថ្ងៃតែមួយ appeared first on .