ឧកញ៉ា ហួត ជា

ឧកញ៉ា ហួត ជា ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ

រ៉េត សុកធា — Sun, 19 Oct 2025 06:51:01 +0000

ក្នុងឱកាសដ៏មង្គលសួស្តី នៃថ្ងៃខួបកំណើត សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា គម្រប់ ៤៨ឆ្នាំ ឈានចូល ៤៩ឆ្នាំ នាថ្ងៃទី២០ ខែតុលា ឆ្នាំ២០២៥, ឧកញ៉ា ហួត ជា សូមផ្ញើសារលិខិតគោរពជូនពរ សម្តេចមហាបវរធិបតី ទទួលបានសុខភាពល្អបរិបូរណ៍ បញ្ញាញាណភ្លឺថ្លា អាយុយឺនយូរ ដើម្បីបន្តបេសកកម្មដ៏ឧត្តុង្គឧត្តម ដើម្បីដឹកនាំកម្ពុជាឱ្យរីកចម្រើនរុងរឿងតទៅ។

នាឱកាសដ៏ថ្លៃថ្លានេះ យើងខ្ញុំទាំងអស់គ្នា សូមកោតសរសើរចំពោះ សម្តេចមហាបវរធិបតី ហ៊ុន ម៉ាណែត ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី ដោយមិនខ្លាចនឿយហត់ដឹកនាំរាជរដ្ឋាភិបាលបម្រើឧត្តមប្រយោជន៍ជាតិ និងប្រជាជន ជាពិសេសបន្តថែរក្សានូវសុខសន្តិភាព ស្ថិរភាពនយោបាយ ស្ថិរភាពម៉ាក្រូសេដ្ឋកិច្ច កំណើនសេដ្ឋកិច្ចខ្ពស់ ការពារបូរណភាពទឹកដី និងអធិបតេយ្យភាពជាតិ ដែលជាមូលដ្ឋានគ្រឹះដ៏សំខាន់ក្នុងការអភិវឌ្ឍប្រទេសជាតិលើគ្រប់វិស័យ។

ក្រោមការដឹកនាំរាជរដ្ឋាភិបាលបន្តវេន របស់សម្តេចមហាបវរធិបតី ប្រជាជនកម្ពុជាបន្តរួមរស់ជាមហាគ្រួសារ ប្រកបដោយសុភមង្គល វិបុលភាព, មោទនភាពជាតិ កិត្យានុភាពជាតិ និងឧត្តមភាព នៃរាជរដ្ឋាភិបាលកម្ពុជា កាន់តែត្រូវបានលើកកម្ពស់នៅក្នុងក្របខ័ណ្ឌតំបន់ និងពិភពលោក។

យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ គុណកែវទាំងបី ឫទ្ធិបារមីខ្លាំងក្លា វត្ថុស័ក្តិសិទ្ធិទាំងឡាយក្នុងលោក សូមមេត្តាតាមជួយបីបាច់ថែរក្សាប្រោះព្រំនូវសព្ទសាធុការពរជ័យ សិរីសួស្តី ជ័យមង្គល វិបុលសុខ គ្រប់ប្រការជូន សម្តេចមហាបវរធិបតី និងលោកជំទាវបណ្ឌិត ព្រមទាំងបុត្រាបុត្រី សូមមានជន្មាយុយឺនយូរ ជួបប្រទះតែសេចក្តី សុខចម្រើន មានសុភមង្គលក្នុងក្រុមគ្រួសារ មានសុខុមាលភាពល្អបរិបូរណ៍ និងសូមប្រកបដោយព្រះពុទ្ធពរដ៏ប្រពៃថ្លៃថ្លា បួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ៕

The post ឧកញ៉ា ហួត ជា ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ appeared first on .

ឧកញ៉ា ហ៊ួត ជា នាំយកថវិកា និងអំណោយជូនមេជាងសំណង់ម្នាក់នៅខេត្ដព្រៃវែង ក្រោយរបួសធ្លាក់ពីលើអគារ ដោយឆក់ខ្សែភ្លើង

រ៉េត សុកធា — Fri, 22 Nov 2024 04:11:01 +0000

លោកឧកញ៉ា ហ៊ួត ជា ប្រធានសមាគមជាងសំណង់កម្ពុជា និងសហការី នៅពេលថ្មីៗនេះ បាននាំយកអំណោយ និងថវិកាមួយចំនួន ជូនដល់លោក ឌី ធី មានតួនាទីជាមេជាងសំណង់ មានទីលំនៅ នៅភូមិមានជ័យ ឃុំកោះចេក ស្រុកពាមជរ ខេត្តព្រៃវែង។

ការនាំយកអំណោយរបស់លោកឧកញ៉ា ហ៊ួត ជា នាពេលនេះ គឺក្រោយពីលឺដំណឹងនៃការរងគ្រោះរបស់លោក ឌី ធី ជួបគ្រោះថ្នាក់ដោយឆក់ខ្សែភ្លើង ធ្លាក់ពីលើអគារ របួសធ្ងន់កាលពីពេលថ្មីៗនេះ។

លើកឡើងនាពេលនេះ លោកឧកញ៉ា ហ៊ួត ជា បានបញ្ជាក់ថា នេះមិនមែនជាលើកទី១នោះទេ ដែលសមាគមជាងសំណង់កម្ពុជា នាំយកអំណោយ និងថវិកាជូនជនរងគ្រោះ ក្នុងពេលបំពេញការងារ ពោលគឺមានច្រើនដងមកហើយ។ សម្រាប់ថវិកាដែលសមាគមយកមកជូននាពេលនេះ គឺបានមកដោយមានការចូលរួមចំណែកដោយបេះដូងស្រឡាញ់ និងផ្ដល់តម្លៃជាងសំណង់ទាំងអស់នៅទូទាំងប្រទេសកម្ពុជា ពោលគឺលោកឧកញ៉ា បានដកថវិកាមួយចំនួនពីរក្រុមហ៊ុន ហួត ជា និងមានការចូលរួមចំណែកពីក្រុមប្រឹក្សាភិបាលសមាគម និងមេជាងសំណង់ជាច្រើននាក់។

លោកឧកញ៉ា បន្ថែមទៀតថា សមាគមជាងសំណង់កម្ពុជា ការចុះជួយបងប្អូននេះ មានរយៈពេល១០ឆ្នាំមកហើយ ក្រោយពីក្រុមហ៊ុន ហួត ជា បើកការរកស៊ីផ្នែកគ្រឿងសំណង់នៅកម្ពុជា។ ជាគោលការណ៍របស់ក្រុមហ៊ុន ហួត ជា គឺថវិកាដែលបានទទួលបានការលក់គ្រឿងសំណង់ គឺដកចំនួន២% សម្រាប់ជួយដល់ការងារសង្គម ហើយផ្ដោតជាសំខាន់លើជាងសំណង់។

ក្រោយទទួលបានអំណោយដែលកើតចេញពីបេះដូងស្រឡាញ់ និងផ្ដល់តម្លៃនេះ លោក ឌី ធី បានថ្លែងអំណរគុណអមលាយទឹកភ្នែក ដល់ការយកចិត្ដទុកដាក់របស់លោកឧកញ៉ា ហួត ជា មកលើជាងសំណង់ដែលរងគ្រោះមើលមិនឃើញក្នុងពេលបំពេញកិច្ចការងារនេះ។

លោកឧកញ៉ា ហ៊ួត ជា ក៏បានអំពាវនាវដល់បងប្អូនខ្មែរទាំងអស់ ចូលរួមជួយលោក ឌី ធី តាមសទ្ធាជ្រះថ្លា ទោះមួយដុល្លារ ឬពីរដុល្លារក៏ដោយ។ សម្រាប់លោកអ្នកដែលចង់ចូលរួមចំណែក អាចទាក់ទងទៅសមាគមជាងសំណង់កម្ពុជាផ្ទាល់ក៏បាន ឬតាមរយៈលោក ឌី ធី ដែលមានទូរស័ទ្ទលេខ០១៦ ៩០២ ៨២៩៕

The post ឧកញ៉ា ហ៊ួត ជា នាំយកថវិកា និងអំណោយជូនមេជាងសំណង់ម្នាក់នៅខេត្ដព្រៃវែង ក្រោយរបួសធ្លាក់ពីលើអគារ ដោយឆក់ខ្សែភ្លើង appeared first on .

ឧកញ៉ា ហួត ជា សូមផ្ញើសារជូនពរ និងអបអរសាទរ សម្តេចតេជោ ហ៊ុន សែន ដែលទទួលបានសញ្ញាបត្របណ្ឌិតកិត្តិយសផ្នែក «ភាពជាអ្នកដឹកនាំ និងការកសាងសន្តិភាព» ពីប្រទេសកូរ៉េ

រ៉េត សុកធា — Fri, 13 Sep 2024 05:36:35 +0000

ឧកញ៉ា ហួត ជា សូមផ្ញើសារជូនពរ និងអបអរសាទរ សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ដែលទទួលបានសញ្ញាបត្របណ្ឌិតកិត្តិយសលើផ្នែក «ភាពជាអ្នកដឹកនាំ និងការកសាងសន្តិភាព» ពីសាកលវិទ្យាល័យដុងហ្គុកវ៉ាយស៍ (Dongguk University WISE) នៅខេត្តឃ្យុងសាងបុកដូ សាធារណរដ្ឋកូរ៉េ នៅថ្ងៃទី១២ ខែកញ្ញា ឆ្នាំ២០២៤។

ពិធីប្រគល់ និងទទួលសញ្ញាបត្របណ្ឌិតកិត្តិយសរបស់សម្តេចតេជោ ហ៊ុន សែន ត្រូវបានធ្វើឡើងនៅខេត្តឃ្យុងសាងបុកដូ សាធារណរដ្ឋកូរ៉េ ក្នុងឱកាសសម្តេចតេជោ អញ្ជើញធ្វើបាឋកថា ស្តីពី «បទពិសោធន៍របស់កម្ពុជា ក្នុងការរំដោះជាតិ ការកសាងសន្តិភាព ការផ្សះផ្សា និងកសាងជាតិឡើងវិញ» ចន្លោះថ្ងៃទី១១-១៣ ខែកញ្ញា ឆ្នាំ២០២៤។

ការផ្តល់សញ្ញាបត្របណ្ឌិតកិត្តិយសដល់សម្តេចតេជោនៅពេលនេះ ជាការទទួលស្គាល់អំពីការលះបង់បូជាគ្រប់បែបយ៉ាង រួមទាំងការដាក់ទុនអាយុជីវិតរបស់សម្តេច ដើម្បីរំដោះជាតិពីក្រញ៉ាំនៃរបបប្រល័យពូជសាសន៍ និងការខិតខំកសាងជាតិឡើងវិញពីបាតដៃទទេ ទន្ទឹមនឹងការខិតខំកសាងសន្តិភាព ផ្សះផ្សា និងបង្រួបបង្រួមជាតិ ទម្រាំប្រទេសកម្ពុជាទទួលបានសុខសន្តិភាពពេញបរិបូរណ៍ មានឯកភាពទឹកដី មានកម្លាំងប្រដាប់អាវុធតែមួយនៅក្រោមដំបូលនៃរដ្ឋធម្មនុញ្ញតែមួយ។ សុខសន្តិភាពបច្ចុប្បន្ននេះ គឺជាសន្តិភាពពេញលេញ និងឯកភាពទឹកដី ដែលប្រជាជាតិកម្ពុជាពុំដែលបានស្គាល់ក្នុងប្រវត្តិសាស្ត្រ៥០០ឆ្នាំចុងក្រោយ។

សម្ដេចតេជោ ហ៊ុន សែន បានចាត់ទុកថា កិត្តិយសដ៏ឧត្តុង្គឧត្តមនេះជាសមិទ្ធផល និងកុសលរបស់ប្រជាពលរដ្ឋខ្មែរគ្រប់រូប ពិសេសកម្លាំងប្រដាប់អាវុធទាំងអស់គ្នា ដែលបានពលីជីវិតក្នុងបុព្វហេតុសន្តិភាព ឯករាជ្យ បូរណភាពទឹកដី និងភាពសុខសាន្តនៃប្រជាជាតិកម្ពុជា។

ឆ្លៀតក្នុងឱកាសដ៏ប្រពៃថ្លៃថ្លានេះ យើងខ្ញុំសូមបួងសួងដល់គុណបុណ្យ ព្រះរតនត្រ័យ កែវទាំងបី វត្ថុស័ក្ដិសិទ្ធិក្នុងលោក និងទេវតាឆ្នាំថ្មី សូមប្រោសប្រទានពរជ័យជូនចំពោះ សម្ដេចតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ព្រមទាំងបុត្រា-បុត្រី ចៅប្រុស-ចៅស្រីជាទីស្រឡាញ់ សូមបានសមប្រកបដោយពុទ្ធពរ និងពរទាំងប្រាំប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ៕

The post ឧកញ៉ា ហួត ជា សូមផ្ញើសារជូនពរ និងអបអរសាទរ សម្តេចតេជោ ហ៊ុន សែន ដែលទទួលបានសញ្ញាបត្របណ្ឌិតកិត្តិយសផ្នែក «ភាពជាអ្នកដឹកនាំ និងការកសាងសន្តិភាព» ពីប្រទេសកូរ៉េ appeared first on .

សាខា ហ៊ួត ជា មួយចំនួនធំ នៅតែបន្តគាំទ្រ ឧកញ៉ា ហ៊ួត ជា បន្តដឹកនាំសិទ្ធចែកចាយ( FRANCHISE ) ហាងលក់សម្ភារៈសំណង់ទូទាំងប្រទេស

monyokn — Sat, 13 Jul 2024 04:16:45 +0000

ជាង៥ឆ្នាំ ម្ចាស់សាខាក្រុមហ៊ុន ហ៊ួត ជា កំពុងសប្បាយចិត្ត ជាមួយភាពជោគជ័យបន្តទៅមុខទៀត នូវវិស័យលក់គ្រឿងសំណង់ ។ ម្ចាស់សាខាលើសពី ៥ឆ្នាំមួយចំនួនបានលើកឡើងថា ៖ “រយៈពេលជាច្រើនឆ្នាំ ដែលទទួលបានភាពជោគជ័យមកដល់សព្វថ្ងៃនេះ គឺបានលោកឧកញ៉ា ហ៊ួត ជា តែងតែបណ្ដុះបណ្ដាល បង្ហាត់បង្រៀនជំនាញទីផ្សារ និងផ្នែកលក់សម្ភារៈសំណង់គ្រប់សាខា ធ្វើយ៉ាងណាឲ្យលក់ដាច់ ធ្វើយ៉ាងណាឲ្យអតិថិជនពេញចិត្ត និងក្រុមហ៊ុនមានតម្លៃសមរម្យ មានគុណភាព ទៅកាន់ដៃគូនិងអតិថិជនរបស់ខ្លួន ដូច្នេះហើយទើបមានអតិថិជនកាន់តែច្រើនបានគាំទ្រទៅលើក្រុមហ៊ុនរបស់លោកឧកញ៉ា ហ៊ួត ជា” ។

បច្ចុប្បន្ននេះ ក្រុមហ៊ុន ហ៊ួត ជា បានលក់សិទ្ធិចែកចាយ ( Franchise ) ទៅកាន់អតិថិជនចាប់ពី ១០០០ដុល្លារឡើងទៅក្នុងមួយសាខា ហើយក៏ទទួលបានការរីកចម្រើនជាបន្តបន្ទាប់។ មិនតែប៉ុណ្ណោះ ក្រុមហ៊ុនក៏បានផ្ដល់អត្ថប្រយោជន៍ជាច្រើន និងក្ដីស្រលាញ់ទៅកាន់អតិថិជន ដែលជាដៃគូចែកចាយរបស់ខ្លួន ជាពិសេសគឺការផ្ដល់ជូននូវសម្ភារៈដែលមានគុណភាពខ្ពស់ ទៅកាន់ដៃគូចែកចាយយកទៅលក់បន្ត។

សូមបញ្ជាក់ផងដែលថា ក្រុមហ៊ុន ហ៊ួត ជា ខូអិលធីឌី មានសាខាទូទាំង ២៥រាជធានីខេត្ត ហើយមានបេសកកម្មជួយដល់ក្រុមហ៊ុនអភិវឌ្ឍសំណង់ អ្នកប្រើប្រាស់សម្រេចនៅគម្រោងធំៗ ក៏ដូចជាទទួលបានផលិតផលមានគុណភាពប្រកបដោយភាពងាយស្រួយនិងទំនុកចិត្ត។ ហើយរហូតមកទល់សព្វថ្ងៃនេះក្រុមហ៊ុន បានពង្រីកសាខារបស់ខ្លួនរហូតដល់ ៥៦សាខានៅទូទាំងប្រទេសផ្នែកផ្គត់ផ្គង់ និងចែកចាយសម្ភារៈសំណង់គ្រប់ប្រភេទ៕

The post សាខា ហ៊ួត ជា មួយចំនួនធំ នៅតែបន្តគាំទ្រ ឧកញ៉ា ហ៊ួត ជា បន្តដឹកនាំសិទ្ធចែកចាយ( FRANCHISE ) ហាងលក់សម្ភារៈសំណង់ទូទាំងប្រទេស appeared first on .

ឧកញ៉ា ហ៊ួត ជា ប្រកាសគាំទ្រប្រសាសន៍សម្តេចតេជោ ហ៊ុន សែន និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តីថ្មី នីតិកាលទី៧ នៃរដ្ឋសភា

ឧកញ៉ាដែនដី — Thu, 27 Jul 2023 01:50:51 +0000

លោកឧកញ៉ា ហ៊ួត ជា អគ្គនាយកក្រុមហ៊ុនសំណង់ ហ៊ួត ជា គ្រុប និងជាម្ចាស់គម្រោងបុរី ហ៊ួតជា វិចិត្រដារ៉ា សូមប្រកាសគាំទ្រទាំងស្រុងនូវសារនយោបាយពិសេស របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងប្រធានគណបក្សប្រជាជនកម្ពុជា ដែលបានថ្លែងនៅរសៀលថ្ងៃទី២៦ ខែកក្កដា ឆ្នាំ២០២៣ ក្នុងការរៀបចំឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តី សម្រាប់នីតិកាលទី៧ នៃរដ្ឋសភានេះ ហើយទន្ទឹមនឹងនេះ សូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់តួនាទីជា នាយករដ្ឋមន្រ្តី នៃព្រះរាជាណាចក្រកម្ពុជា នីតិកាលទី៧ នៃរដ្ឋសភានេះ។

តាមរយៈសារនយោបាយពិសេសនេះ សម្តេចតេជោ ហ៊ុន សែន បានប្រកាសថា ឯកឧត្តមបណ្ឌិត ហ៊ុន ម៉ាណែត នឹងក្លាយជានាយករដ្ឋមន្ត្រីថ្មីនៅល្ងាចថ្ងៃទី២២ ខែសីហា ឆ្នាំ២០២៣ខាងមុខ។

យើងខ្ញុំទាំងអស់គ្នា សូមប្រកាសគាំទ្រទាំងស្រុងចំពោះការសម្រេចចិត្តដ៏ត្រឹមត្រូវរបស់សម្តេចតេជោ ហ៊ុន សែន និងសូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់កាន់តួនាទីជានាយករដ្ឋមន្រ្តីថ្មី សម្រាប់អាណត្តិទី៧នេះ ដើម្បីបន្តដឹកនាំប្រទេសកម្ពុជា ពង្រឹងសុខសន្តិភាពកាន់តែរឹងមាំ, ប្រទេសជាតិកាន់តែមានការអភិវឌ្ឍរីកចំរើន និងមានមោទនភាព ហើយប្រជាជនកាន់តែមានជីវភាពធូរធារ និងរស់នៅប្រកបដោយសេចក្តីសុខសាន្តបន្តទៀត។

ក្នុងឱកាសដ៏ប្រសើរថ្លៃថ្លានេះ យើងខ្ញុំទាំងអស់គ្នា សូមលើកហត្ថប្រណមបួងសួង ដល់គុណបុណ្យព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោក សូមតាមជួយថែរក្សា ការពារ និងប្រោះព្រំប្រទានពរជ័យបវរសួស្តី ជ័យមង្គល និងវិបុលសុខគ្រប់ប្រការ ជូនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, ឯកឧត្តមបណ្ឌិត ហ៊ុន ម៉ាណែត និងលោកជំទាវព្រមទាំងបុត្រា បុត្រី ចៅប្រុស ចៅស្រី។

សូមសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, លោកបណ្ឌិត ហ៊ុន ម៉ាណែត ព្រមទាំងបុត្រា បុត្រី ចៅប្រុស ចៅស្រី បានសមប្រកបតែនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា ហ៊ួត ជា ប្រកាសគាំទ្រប្រសាសន៍សម្តេចតេជោ ហ៊ុន សែន និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តីថ្មី នីតិកាលទី៧ នៃរដ្ឋសភា appeared first on .

ឧកញ៉ា ហួត ជា ប្រកាសបញ្ចុះតម្លៃគម្រោងផ្ទះវីឡា ហ៊ួត ជា វិចិត្រដារ៉ា រហូតដល់ ៣០%

ឧកញ៉ាដែនដី — Wed, 14 Dec 2022 01:30:00 +0000

ឧកញ៉ា ហ៊ួត ជា អគ្គនាយកក្រុមហ៊ុនសំណង់ ហ៊ួត ជា គ្រុប និងជាម្ចាស់គម្រោងបុរី ហ៊ួតជា វិចិត្រដារ៉ា បានប្រកាសបញ្ចុះតម្លៃពី ១០% រហូតដល់ ៣០% សម្រាប់បងប្អូនដែលមានបំណងចង់ទិញផ្ទះវីឡា ដែលស្ថិតនៅទីតាំងដែលមានសក្តានុពល និងសំណង់មានគុណភាពខ្ពស់។

គម្រោងលំនៅឋានផ្ទះវីឡា ហ៊ួត ជា វិចិត្រដារ៉ា ក្រោមការបោះទុនវិនិយោគ និងអភិវឌ្ឍន៍រួមគ្នារបស់ឧកញ៉ា ហួត ជា ជាម្ចាស់ក្រុមហ៊ុន ផ្គត់ផ្គត់សម្ភារៈសំណង់ និងឧកញ៉ា ភិរម្យ វិចិត្រដារ៉ា អ្នកជំនួញដីធ្លី បានរៀបចំពិធីសម្ពោធ និងទស្សនាផ្ទះគំរូជាផ្លូវការ កាលពីថ្ងៃទី១០ ខែធ្នូ ឆ្នាំ២០២២ ក្នុងនោះមានអ្នកឧកញ៉ា ឧកញ៉ា និងអតិថិជនជាច្រើនបានចូលរួម និងបានទិញជាច្រើនផ្ទះរួចហើយផងដែរ។

លោកឧកញ៉ា ហួត ជា បានបញ្ជាក់ឱ្យដឹងថា គម្រោងបុរី ហ៊ួតជា វិចិត្រដារ៉ា បានសម្រេចបញ្ចុះតម្លៃពី ១០% រហូតដល់ ៣០% ដោយអតិថិជនអាចមានពីរជម្រើសគឺ៖
– ផ្ទះវីឡា ៤០០០០ដុល្លារ ដី ១២ម៉ែត្រ x ១៦ម៉ែត្រ = ៣៨០០០ដុល្លារ
– ផ្ទះវីឡា ៤០០០០ដុល្លារ ដី ១៨ម៉ែត្រ x ១៨ម៉ែត្រ = ៨៨០០០ដុល្លារ

លើសពីនេះ អតិថិជននឹងទទួលបានឱកាសបង្វិលកង និងអាចឈ្នះទឹកប្រាក់ពី ១០០០ដុល្លារ ដល់ ៤០០០ដុល្លារថែមទៀតផង។

សូមជម្រាបជូនថា គម្រោងលំនៅឋានផ្ទះវីឡា ហ៊ួត ជា វិចិត្រដារ៉ា មានទីតាំងនៅសង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ នៅជិតភ្នំបាសិត។ លោកឧកញ៉ា ហួត ជា ធ្លាប់បានលើកឡើងថា លំនៅដ្ឋាន ហ៊ួត ជា វិចិត្រដារ៉ា ស្ថិតទីតាំងល្អ នៅជាប់ជើងភ្នំបាសិត និងជិតភ្នំរាប ហើយជាតំបន់កំពុងផ្ទុះការអភិវឌ្ឍន៏ខ្លាំង៕

The post ឧកញ៉ា ហួត ជា ប្រកាសបញ្ចុះតម្លៃគម្រោងផ្ទះវីឡា ហ៊ួត ជា វិចិត្រដារ៉ា រហូតដល់ ៣០% appeared first on .

ឧកញ៉ា ហួត ជា ផ្តាំផ្ញើរឿងមួយ ចំពោះអ្នកចង់បើកមុខរបរថ្មី

ឧកញ៉ាដែនដី — Fri, 25 Nov 2022 01:04:42 +0000

អ្នកឧកញ៉ា ហួត ជា អគ្គនាយកក្រុមហ៊ុនសំណង់ ហ៊ួត ជា គ្រុប នៅព្រឹកថ្ងៃសុក្រនេះ បានផ្តាំផ្ញើរឿងសំខាន់មួយ សម្រាប់អ្នកដែលចង់បើកមុខរបរថ្មី ដោយលោកបានលើកឡើងថា បើមិនមានជំនាញ សូមកុំធ្វើ ប៉ុន្តែបើធ្វើ ត្រូវគិតពីផលវិបាកយ៉ាងតិចឱ្យបាន ១០ចំណុច លើមុខរបរថ្មីនោះ។

លោកឧកញ៉ា បានបង្ហោះរូបភាព និងសារលើទំព័រហ្វេសប៊ុក ក្នុងឱកាសដែលលោកអញ្ជើញទៅចូលរួមកិច្ចប្រជុំមួយស្តីពីអចលនទ្រព្យនៅទីក្រុងបាងកក ប្រទេសថៃ នាព្រឹកថ្ងៃសុក្រនេះ យ៉ាងដូច្នេះថា៖ “ឆ្លងកាត់ភាពលំបាក យើងត្រូវតែគិត និងរិៈគិត និងស្វែងយល់បន្ថែម។ សូមផ្តាំបងប្អូនមួយ បើមិនមានជំនាញសូមកុំធ្វើ បើធ្វើត្រូវគិតផលវិបាកយ៉ាងតិចអោយបាន ១០ចំណុចលើមុខរបរថ្មី”។

សូមជម្រាបជូនថា ក្រៅពីលក់ចែកចាយគ្រឿងសំណង់ដ៏មានគុណភាពខ្ពស់ ដែលមានដៃគូទូទាំងប្រទេស ឧកញ៉ា ហ៊ួត ជា ក៏មានមុខរបរថ្មីមួយទៀតផងដែរលើវិស័យអចលនទ្រព្យ គឺគម្រោងលំនៅដ្ឋាន ហ៊ួត ជា ម៉ាកិត្យា ដែលមានប្រភេទផ្ទះច្រើនប្រភេទ និងតម្លៃសមរម្យបំផុត ដូចជាប្រភេទផ្ទះវីឡាទោល ផ្ទះអាជីវកម្ម ៣ជាន់ ផ្ទះអាជីវកម្ម ២ជាន់ និងប្រភេទផ្ទះ LV Villa ផងដែរ។ ចំពោះតម្លៃ មានចាប់ពី ៣៨,០០០ដុល្លារ ដល់ ៧៨,០០០ដុល្លារ ទៅតាមប្រភេទផ្ទះ៕

The post ឧកញ៉ា ហួត ជា ផ្តាំផ្ញើរឿងមួយ ចំពោះអ្នកចង់បើកមុខរបរថ្មី appeared first on .

ឧកញ៉ា ហួត ជា៖ អ្នកមានរស់ជារបៀបអ្នកក្រ ល្អជាងអ្នកក្ររស់ជារបៀបអ្នកមាន

ឧកញ៉ាដែនដី — Tue, 11 Oct 2022 06:49:40 +0000

ឧកញ៉ា ហ៊ួត ជា អគ្គនាយកក្រុមហ៊ុនសំណង់ ហ៊ួត ជា គ្រុប នៅរសៀលថ្ងៃអង្គារ ទី១១ ខែតុលានេះ បានបញ្ចេញទស្សនៈមួយថា អ្នកមានរស់ជារបៀបអ្នកក្រ ល្អជាងអ្នកក្ររស់ជារបៀបអ្នកមាន។

លោកឧកញ៉ា បានបង្ហោះរូបភាពភ្ជាប់ជាមួយសារដ៏មានអត្ថន័យលើបណ្តាញសង្គមរបស់លោក នៅរសៀលថ្ងៃនេះយ៉ាងដូច្នេះថា៖ “អ្នកមានរស់ជារបៀបអ្នកក្រ ល្អជាងអ្នកក្ររស់ជារបៀបអ្នកមាន”។ ទស្សនៈនេះ លោកឧកញ៉ា ចង់មានន័យថា អ្នកមានតែរស់នៅធ្វើជីវិតឱ្យសាមញ្ញ គឺមានលក្ខណៈប្រសើរជាងអ្នកក្រ ប៉ុន្តែចូលចិត្តសម្ញែងអួតអាង ឋានៈ បុណ្យស័ក្តិ មាសប្រាក់ ឬសម្ភារៈនិយមហួសពីអ្វីដែលខ្លួនឯងមាន។

សូមជម្រាបជូនថា ក្រៅពីលក់ចែកចាយគ្រឿងសំណង់ដ៏មានគុណភាពខ្ពស់ ឧកញ៉ា ហ៊ួត ជា ក៏មានគម្រោងលំនៅដ្ឋាន ហ៊ួត ជា ម៉ាកិត្យា ដែលមានប្រភេទផ្ទះច្រើនប្រភេទ និងតម្លៃសមរម្យបំផុត ដូចជាប្រភេទផ្ទះវីឡាទោល ផ្ទះអាជីវកម្ម ៣ជាន់ ផ្ទះអាជីវកម្ម ២ជាន់ និងប្រភេទផ្ទះ LV Villa ផងដែរ។ ចំពោះតម្លៃ មានចាប់ពី ៣៨,០០០ដុល្លារ ដល់ ៧៨,០០០ដុល្លារ ទៅតាមប្រភេទផ្ទះ។ លោកឧកញ៉ា បានបញ្ជាក់ផងដែរថា ថ្ងៃនេះ លោកដើរលក់សំណង់ធម្មតា បងប្អូនជួយទិញផង ដែលអាចទាក់ទងតាមលេខទូរស័ព្ទ៖ 092 851 886៕

The post ឧកញ៉ា ហួត ជា៖ អ្នកមានរស់ជារបៀបអ្នកក្រ ល្អជាងអ្នកក្ររស់ជារបៀបអ្នកមាន appeared first on .

ឧកញ៉ា ហួត ជា៖ កុំគិតថាយើងឆ្លាត បើរៀនមិនទាន់លើសពី ១៥ឆ្នាំ

ឧកញ៉ាដែនដី — Fri, 07 Oct 2022 03:50:21 +0000

ឧកញ៉ា ហ៊ួត ជា អគ្គនាយកក្រុមហ៊ុនសំណង់ ហ៊ួត ជា គ្រុប បានលើកឡើងថា កុំគិតថាយើងឆ្លាត បើមិនទាន់បានរៀនលើសពី ១៥ឆ្នាំ, អានសៀវភៅមិនទាន់បាន ១៥ក្បាល, ធ្វើការឱ្យគេមិនទាន់បានលើសពី ៥ឆ្នាំ, រាប់អានមនុស្សពូកែមិនបាន ៥នាក់ និងរកស៊ីឈរជើងមិនបាន ៥ឆ្នាំ។

លោកឧកញ៉ា បានបង្ហោះសារលើបណ្តាញសង្គមហ្វេសប៊ុក នៅព្រឹកថ្ងៃសុក្រនេះថា កុំគិតថាយើងឆ្លាត បើមិនទាន់បានធ្វើរឿង៥ ចំណុចនេះ៖

១. រៀនលើសពី ១៥ ឆ្នាំ
២. អានសៀវភៅមិនទាន់បាន ១៥ ក្បាល
៣. ធ្វើការឱ្យគេបានលើសពី ៥ ឆ្នាំ
៤. រាប់អានមនុស្សពូកែមិនបាន៥ នាក់
៥. រកសុីឈជើងមិនបាន ៥ ឆ្នាំ ។

The post ឧកញ៉ា ហួត ជា៖ កុំគិតថាយើងឆ្លាត បើរៀនមិនទាន់លើសពី ១៥ឆ្នាំ appeared first on .

ឱកាសបុណ្យភ្ជុំបិណ្ឌ ក្រុមហ៊ុន ហួត ជា ផ្ដល់ជូនប្រូម៉ូសិនខ្នាតយក្ស គិតជាលុយជាង ១០ ម៉ឺនដុល្លារ

ឧកញ៉ាសំពៅ — Tue, 20 Sep 2022 16:45:38 +0000

ក្នុងឱកាសបុណ្យភ្ជុំបិណ្ឌនេះ ក្រុមហ៊ុន ហួត ជា បានប្រកាសថានឹងមានការផ្ដល់ជូនប្រូម៉ូសិនពិសេសមិនធ្លាប់មាន ពោលនឹងចែកគូប៉ុងសាច់ប្រាក់រហូត១០ម៉ឺនដុល្លារសម្រាប់ការទិញទំនិញលើផលិតផលLION, EXCEL, MC, ថ្នាំលាបម៉ាកJuton និងគ្រឿងអគ្គីសនីគ្រប់ប្រភេទនៅគ្រប់Showroom របស់ក្រុមហ៊ុន ហ៊ួត ជាទូទាំងប្រទេស។

ប្រូម៉ូសិនដ៏អស្ចារ្យខាងលើគឺមានសុពលភាពពីថ្ងៃទី ០១ កញ្ញារហូតដល់ថ្ងៃទី ៣១ តុលាឆ្នាំ ២០២២។

នៅមិនទាន់អស់ទេ ក្រុមហ៊ុន ហួត ជាក៏នឹងមានប្រូម៉ូសិនពិសេសមួយទៀត នោះគឺរាល់អតិថិជនដែលទិញក្បឿងចាប់ពី ១០ ០០០ សន្លឹកឡើងទៅ ក្រុមហ៊ុននឹងមានកាដូជូនសម្រាប់ឱកាសបុណ្យភ្ជុំបិណ្ឌនេះ ដូចជា ទូរស័ព្ទ iPhone 14 ទូរទស្សន៍ Samsung ៣២ អ៊ីញ និង Tablet Samsung Tab A7 ជាដើម។

សម្រាប់ព័ត៌មានលំអិតទាក់ទងនឹងកញ្ចប់ប្រូម៉ូសិនមិនធ្លាប់មានពីមុនមកនេះ លោកអ្នកអាចធ្វើការសាកសួរតាមរយៈលេខទូរស័ព្ទ 093 80 60 10៕

The post ឱកាសបុណ្យភ្ជុំបិណ្ឌ ក្រុមហ៊ុន ហួត ជា ផ្ដល់ជូនប្រូម៉ូសិនខ្នាតយក្ស គិតជាលុយជាង ១០ ម៉ឺនដុល្លារ appeared first on .