កម្មវិធីនេះមានការអញ្ជើញចូលរួមពី លោក Marc Thayre អនុប្រធានបេសកកម្មរបស់ស្ថានទូតនៃចក្រភពអង់គ្លេស, ឧកញ៉ា កែវ សម្បត្តិ ស្ថាបនិក និងជាប្រធាននាយកប្រតិបត្តិ នៃសាលាអន្តរជាតិប្រូមស៍ហ្រ្គូវកម្ពុជា និងជាសមាជិកសមាគមឧកញ៉ាកម្ពុជា, ឧកញ៉ាបណ្ឌិត ហោ សិរីវឌ្ឍន៍ ប្រធានសមាគមវិនិយោគិន នវានុវត្តន៍ និងអភិវឌ្ឍន៍ នៃកម្ពុជា (IDI) ព្រមទាំងវត្តមានរបស់សម្តេច ទ្រង់ ឯកឧត្តម លោកអ្នកឧកញ៉ា អ្នកឧកញ៉ា ឧកញ៉ា លោកជំទាវ អស់លោក លោកស្រី ដែលជាតំណាងរបស់ក្រុមហ៊ុនដៃគូសហប្រតិបត្តិការ និងភ្ញៀវកិត្តិយសជាច្រើនរូបទៀត។

កិច្ចសហប្រតិបត្តិការរវាងសាលាប្រូមស៍ហ្រ្គូវកម្ពុជា ជាមួយនឹងបណ្តាក្រុមហ៊ុនក៏ដូចជាសមាគមខាងលើនេះ គឺមានគោលបំណងរួមគ្នាលើកស្ទួយដល់វិស័យអប់រំនៅកម្ពុជា តាមរយៈការរួមគ្នាផ្តល់ជូននូវសេវាកម្មពិសេសៗ និងការផ្តល់ជូននូវកញ្ចប់បញ្ចុះតម្លៃពិសេសៗ ដែលអាចធ្វើឱ្យក្រុមគ្រួសារជាច្រើន អាចមានលទ្ធភាពបញ្ជូនបុត្រធីតា មកសិក្សានៅសាលាដែលមានគុណភាពល្អ និងជាសាលាដែលមានកេរ្តិ៍ឈ្មោះល្បីល្បាញ និងមានបទពិសោធក្នុងការផ្តល់សេវាអប់រំលំដាប់ពិភពលោកអស់រយៈពេលជិត៥០០ឆ្នាំមកហើយ។

សូមបញ្ជាក់ផងដែរថា Bromsgrove គឺជាសាលាដែលក្រុមហ៊ុន Visionary Alliance for Education Co., Ltd បានទិញសិទ្ធិពីចក្រភពអង់គ្លេសមកក្នុងគោលបំណងដើម្បីបាននាំយកនូវសាលាដែលពោរពេញទៅដោយបទពិសោធ និងគុណភាពក្នុងការផ្តល់នូវសេវាអប់រំលំដាប់ពិភពលោក ដើម្បីបានអភិវឌ្ឍន៍នូវគុណភាពធនធានមនុស្សនៅព្រះរាជាណាចក្រកម្ពុជា ដោយរាល់ការគ្រប់គ្រងគុណភាពសិក្សា និងការបង្រៀនទាំងអស់គឺធ្វើឡើងដោយផ្ទាល់ពីចក្រភពអង់គ្លេសដែលមានលោកស្រី Philippa Barson ជានាយិកាប្រចាំនៅកម្ពុជា ជាតំណាងដើម្បីទាក់ទងជាមួយនឹងសិស្សានុសិស្ស បុគ្គលិក លោកគ្រូ អ្នកគ្រូ ព្រមទាំងមាតាបិតាសិស្សដោយផ្ទាល់។ ដូច្នេះ សាលា Bromsgrove ពិតជាអាចផ្តល់ជូនដល់សិស្សានុសិស្សក៏ដូចជាក្រុមគ្រួសារទាំងអស់នូវគុណភាពអប់រំពិតៗ។

សាលាអន្តរជាតិប្រូមស៍ហ្រ្គូវកម្ពុជា ផ្តល់ជូននូវសេវាអប់រំចំណេះទូទៅបែបអន្តរជាតិ ដែលទទួលកុមារឱ្យចូលសិក្សាចាប់ពីអាយុ២ឆ្នាំឡើងទៅ និងមានអាសយដ្ឋាននៅដីឡូលេខ២៧០ វិថីលេខ១៩២៨ ភូមិព្រៃមូល សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ៕

The post ឧកញ៉ា កែវ សម្បត្តិ ចុះអនុស្សរណៈ នៃការយោគយល់គ្នារវាងសាលាអន្តរជាតិប្រូមស៍ហ្រ្គូវកម្ពុជា ជាមួយនឹងស្ថាប័នចំនួន ៧ appeared first on .

យើងខ្ញុំសូមគោរពបួងសួងដល់គុណបុណ្យព្រះរតនត្រ័យ វត្ថុស័ក្តសិទ្ធិទាំងឡាយក្នុងលោក និងទេវតាថែរក្សាទឹកដីនៃព្រះរាជាណាចក្រកម្ពុជា សូមប្រោះព្រំសព្ទសាធុការ ជូនចំពោះ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ឧត្តមប្រឹក្សាផ្ទាល់ព្រះមហាក្សត្រ មានឋានៈស្មើឧបនាយករដ្ឋមន្ត្រី និងលោកជំទាវ ទេព បុប្ផាប្រសិទ្ធ សូមមានសុខភាពល្អបរិបូរណ៍ មានកម្លាំងពលំមាំមួន មានជន្មាយុយឺនយូរ និងមានបញ្ញាញាណវាងវៃ និងសូមទទួលបាននូវពុទ្ធពរទាំង ប្រាំប្រការ កុំបីឃ្លៀងឃ្លាតឡើយ៕

The post ឧកញ៉ាបណ្ឌិត ហោ សេរីវឌ្ឍន៍ ផ្ញើសារជូនពរ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ក្នុងឱកាសថ្ងៃខួបកំណើត appeared first on .

ក្នុងឱកាសនោះដែរ ឧកញ៉ាបណ្ឌិត ហោ សេរីវឌ្ឍន៍ ប្រធានក្រុមប្រឹក្សាភិបាល សមាគម វិនិយោគិន នវានុវត្តន៍ និងអភិវឌ្ឍន៍ (IDI) បានធ្វើការជម្រាបជូនលោក ARASH AZRBARZIN នាយកប្រតិបត្តិក្រុមហ៊ុន HIGHGATE របស់សហរដ្ឋអាមេរិក ស្តីអំពីវិវឌ្ឍន៍ភាព និងសក្តានុពលទេសចរណ៍នៅកម្ពុជា រួមទាំងបង្ហាញជាក់ស្តែងគម្រោងមួយចំនួនដែលស្វាគមន៍ការវិនិយោគ។

លោកនាយកប្រតិបត្តិ ARASH AZRBARZIN បានកោតសរសើរអំពីកត្តាសុខសន្តិភាព ស្ថិរភាពនយោបាយ និងសុវត្ថិភាពដ៏ល្អផ្តល់ជូនអ្នកទេសចរ រួមទាំងការរីកចំរើនដ៏ឆាប់រហ័សរបស់កម្ពុជា ជាពិសេសបដិសណ្ឋារកិច្ចដ៏រួសរាយ និងកក់ក្តៅរបស់ប្រជាជនកម្ពុជា (ស្នាមញញឹមរបស់កម្ពុជា) ដែលជាចំណុចពិសេសដែលក្រុមហ៊ុនកំពុងស្វែងរក។

គួរបញ្ជាក់ផងដែរ ក្រុមហ៊ុន HIGHGATE ដែលជាក្រុមហ៊ុនដ៏ធំផ្នែកបដិសណ្ឋារកិច្ច គ្រប់គ្រងសណ្ឋាគារ និងអចលនទ្រព្យជាច្រើននៅសហរដ្ឋអាមេរិក បានចូលជួបសំដែងការគួរសម និងជម្រាបអំពីលទ្ធផលទស្សនកិច្ចសិក្សា សក្តានុពលវិនិយោគ និងទេសចរណ៍របស់ក្រុមហ៊ុននៅកម្ពុជា៕

The post ឧកញ៉ាបណ្ឌិត ហោ សេរីវឌ្ឍន៍ ធ្វើបទបង្ហាញអំពីតំបន់អភិវឌ្ឍន៍ទេសចរណ៍ ជូនដល់ក្រុមហ៊ុន HIGHGATE របស់សហរដ្ឋអាមេរិក appeared first on .

លោកបណ្ឌិត ហោ សេរីវឌ្ឍន៍ ត្រូវបានគេស្គាល់ថាជាសហគ្រិនឆ្នើមមួយរូប ដែលតែងតែជួយកៀរគរធុរជន និងអ្នកវិនិយោគិនបរទេស ឱ្យមកវិនិយោគនៅប្រទេសកម្ពុជា។ លោកបណ្ឌិត ជាអ្នកបង្កើតវេទិកា Investment Roadshow ដែលជាវេទិកាផ្លាស់ប្តូរវិនិយោគ និងឱកាសអាជីវកម្ម និងជាវេទិកាឯកជនសម្រាប់វិនិយោគិន និងសហគ្រិន ទាំងក្នុង និងក្រៅប្រទេស ក្នុងការចាប់យកឱកាសវិនិយោគ និងចូលរួមក្នុងកិច្ចពិភាក្សា អំពីលទ្ធភាពនៃការវិនិយោគនាពេលអនាគត គំនិតអាជីវកម្ម ការដោះដូរចំណេះដឹងគ្នាទៅវិញទៅមក និងការពង្រីកបណ្តាញនៃបុគ្គលដែលមានវិជ្ជាជីវៈក្នុងកិច្ចការវិនិយោគ។

សូមជម្រាបថា ឧកញ៉ាបណ្ឌិត ហោ សេរីវឌ្ឍន៍ គឺជាប្រធានក្រុមប្រឹក្សាភិបាល ក្រុមហ៊ុន អាយឌី ឃែភីថល ម.ក (ID Capital Plc.), ប្រធានសមាគមវិនិយោគិន នវានុវត្តន៍ និងអភិវឌ្ឍន៍ ID Investors Association (IDI) និងជាប្រធានសម្ព័ន្ធសេដ្ឋកិច្ចក្រៅប្រព័ន្ធ IEL ផងដែរ៕

The post ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនបណ្ឌិត ហោ សេរីវឌ្ឍន៍ appeared first on .