ពិធីនេះបានប្រព្រឹត្តទៅក្រោមអធិបតីភាព លោកឧត្តមសេនីយ៍ត្រី សឿម សារិទ្ធ ស្នងការនគរបាលខេត្ត​បន្ទាយមានជ័យ និងលោកឧកញ៉ា អ៊ឹង វណ្ណម៉ៅ អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្ម​ខេត្តបន្ទាយមានជ័យ។

ពិធីសារចងសម្ព័ន្ធមេត្រីភាពនេះ ធ្វើឡើងក្នុងគោលបំណងពង្រឹងកិច្ចសហប្រតិបត្តិការជិតស្និទ្ធ និងការគាំទ្រគ្នា​ទៅវិញទៅមក ដើម្បីលើកកម្ពស់ការអភិវឌ្ឍស្ថាប័នទាំងពីរ និងរួមចំណែកការពារបូរណភាពទឹកដី ស្របតាម​អនុសាសន៍​ដឹកនាំរបស់ សម្តេចអគ្គមហាសេនាបតីតេជោ ហ៊ុន សែន។ ទន្ទឹមនឹងនេះ កងកម្លាំងនគរបាលខេត្ត​បន្ទាយមានជ័យ បន្តបំពេញតួនាទីក្នុងការថែរក្សាសន្តិសុខ សណ្តាប់ធ្នាប់សាធារណៈ ពង្រឹងសន្តិសុខសេដ្ឋកិច្ច សុវត្ថិភាព និងស្ថិរភាពសង្គម ដើម្បីបង្កើតបរិយាកាសអំណោយផលសម្រាប់ប្រជាពលរដ្ឋ អាជីវករ ពាណិជ្ជករ និងអ្នកវិនិយោគ អាចប្រកបអាជីវកម្មប្រកបដោយទំនុកចិត្ត។ ពិធីនេះក៏ជាការពង្រឹងចំណងសាមគ្គីភាព និងទំនាក់ទំនងរវាងកងកម្លាំងនគរបាល និងវិស័យឯកជន ក្នុងនាមជាដៃគូអភិវឌ្ឍន៍សេដ្ឋកិច្ចរបស់ខេត្តផងដែរ។

លោកឧត្តមសេនីយ៍ត្រី សឿម សារិទ្ធ បានថ្លែងអំណរគុណចំពោះសភាពាណិជ្ជកម្មខេត្ត ដែលបានសហការបង្កើត​សម្ព័ន្ធមេត្រីភាពនេះឡើង និងវាយតម្លៃខ្ពស់ចំពោះការចូលរួមរបស់វិស័យឯកជន​ក្នុងការជំរុញការអភិវឌ្ឍ​សេដ្ឋកិច្ចខេត្ត។ លោកបានបញ្ជាក់ថា ស្នងការដ្ឋាននគរបាលខេត្ត ត្រៀមខ្លួនជាស្រេចក្នុងការសម្របសម្រួល បម្រើ និងការពារសុវត្ថិភាពជូនអ្នកវិនិយោគជាតិ និងអន្តរជាតិ។ ជាមួយគ្នានេះ លោកក៏បានអំពាវនាវដល់​សភាពាណិជ្ជកម្ម និងអាជីវករ បន្តសហការផ្តល់ព័ត៌មានទាន់ពេលវេលាដល់សមត្ថកិច្ច នៅពេលមានបាតុភាព​មិនប្រក្រតី ឬបញ្ហាអសន្តិសុខ ដើម្បីរួមគ្នាបង្ការ ទប់ស្កាត់ និងបង្ក្រាបបទល្មើសគ្រប់ប្រភេទ ជាពិសេសបទល្មើស​ឆបោកតាមប្រព័ន្ធបច្ចេកវិទ្យា (Online Scams) បទល្មើសសេដ្ឋកិច្ច និងអំពើជំរិតទារប្រាក់ ដែលអាចប៉ះពាល់​ដល់​បរិយាកាសវិនិយោគ និងការធ្វើអាជីវកម្ម។

ជាការឆ្លើយតប លោកឧកញ៉ា អ៊ឹង វណ្ណម៉ៅ ប្រធានសភាពាណិជ្ជកម្មខេត្តបន្ទាយមានជ័យ បានប្តេជ្ញាណែនាំ និងជំរុញឱ្យសមាជិក សមាជិកា អាជីវករ និងពាណិជ្ជករទាំងអស់ក្នុងខេត្ត បន្តសហការយ៉ាងជិតស្និទ្ធជាមួយកង​កម្លាំងនគរបាល ដោយផ្តល់ព័ត៌មានទាន់ពេលវេលាអំពីបាតុភាពមិនប្រក្រតី បញ្ហាសន្តិសុខ និងសកម្មភាពល្មើស​ច្បាប់ផ្សេងៗ។ លោកឧកញ៉ាក៏បានប្តេជ្ញាបន្តកៀរគរធនធានពីវិស័យឯកជន តាមលទ្ធភាព ដើម្បីគាំទ្រផ្នែកស្មារតី សម្ភារៈ និងមធ្យោបាយផ្សេងៗ ជូនដល់កងកម្លាំងនគរបាលខេត្ត ក្នុងការបំពេញបេសកកម្មបម្រើប្រជាពលរដ្ឋ និងសង្គមជាតិផងដែរ៕

The post ឧកញ៉ា អ៊ឹង វណ្ណម៉ៅ អញ្ជើញចុះពិធីសារចងសម្ព័ន្ធមេត្រីភាព ពង្រឹងកិច្ចសហប្រតិបត្តិការលើសន្តិសុខ និងការវិនិយោគ រវាងស្នងការដ្ឋាននគរបាលខេត្តបន្ទាយមានជ័យ និងសភាពាណិជ្ជកម្មខេត្ត appeared first on .

សភាពាណិជ្ជកម្មកម្ពុជា បានឱ្យដឹងថា ទស្សនកិច្ចនេះ ក៏មានការចូលរួមពីលោក ចាង ជីវិញ ប្រធានសភាពាណិជ្ជកម្មខេត្តកោះកុង និងលោកបណ្ឌិត អោម សេងបូរ៉ា សមាជិកទីប្រឹក្សាសភាពាណិជ្ជកម្មរាជធានីភ្នំពេញ និងជាស្ថាបនិក ស៊ីអ៊ីអូមាស្ទ័រក្លឹប និងសមាជិកសមាជិកា។

ក្នុងឱកាសនៃទស្សនកិច្ចពាណិជ្ជកម្មនេះ គណៈប្រតិភូសភាពាណិជ្ជកម្មកម្ពុជា នឹងអញ្ជើញចូលរួមព្រឹត្តិការណ៍សំខាន់ៗជាច្រើន រួមមាន ចូលរួមពិព័រណ៍ស្តីពីវិស័យនាំចេញ នាំចូលប្រទេសចិន (139th Canton Fair), ចូលរួមកិច្ចប្រជុំវេទិកាចែករំលែក និងទស្សនកិច្ចរោងចក្រ សហគ្រាសផលិត, ជំនួបពិភាក្សាជាមួយសភាពាណិជ្ជកម្មខេត្តក្វាងទុង និងជំនួបពាណិជ្ជកម្ម និងចាប់ដៃគូជាមួយក្រុមហ៊ុនអន្តរជាតិល្បីៗ។

ដំណើរទស្សនកិច្ចនេះ ជាការឆ្លុះបញ្ចាំងពីទស្សនវិស័យរបស់សភាពាណិជ្ជកម្មកម្ពុជា ក្រោមការដឹកនាំរបស់ អ្នកឧកញ៉ា គិត ម៉េង ជាប្រធាន ដែលតែងតែណែនាំ និងចង្អុលបង្ហាញឱ្យធ្វើការយ៉ាងសកម្មជាមួយដៃគូ និងអង្គភាពអន្ដរជាតិនានា ដើម្បីពង្រឹងបន្ថែមកិច្ចសហប្រតិបត្តិការធុរកិច្ច ពាណិជ្ជកម្ម និងការវិនិយោគទៅកាន់ប្រទេសនានាទាំងក្នុងតំបន់ និងអន្តរជាតិ។

កម្មវិធីទស្សនកិច្ចនេះ រៀបចំឡើងដោយសភាពាណិជ្ជកម្ពុជា រួមសហការជាមួយ មជ្ឈមណ្ឌលអភិវឌ្ឍធុរកិច្ច និងមូលនិធិអភិវឌ្ឍន៍ជំនាញ (SDF) ក្រោមការគាំទ្រពីសហគ្រិនខ្មែរ (KE) ឧបត្ថម្ភដោយ ធនាគារអភិវឌ្ឍន៍ជនបទ និងកសិកម្ម – ធនាគារ វីង ខេមបូឌា – ធនាគារប្រៃសណីយ៍កម្ពុជា និងកំពង់ផែស្វយ័តភ្នំពេញ៕

The post ឧកញ៉ា អ៊ឹង វណ្ណម៉ៅ ដឹកនាំគណៈប្រតិភូសភាពាណិជ្ជកម្មកម្ពុជា ៤៨រូប បំពេញទស្សនកិច្ចពាណិជ្ជកម្មទៅកាន់ទីក្រុងក្វាងចូវ ប្រទេសចិន appeared first on .

សភាពាណិជ្ជកម្មកម្ពុជា បានឱ្យដឹងថា ដំណើរទស្សនកិច្ចពាណិជ្ជកម្មនេះ នឹងចាប់ពីថ្ងៃទី ១៧ មេសា ដល់ថ្ងៃទី ២១ ខែមេសា ឆ្នាំ២០២៦។ ក្នុងដំណើរទស្សនកិច្ចពាណិជ្ជកម្មនេះ គណៈប្រតិភូសភាពាណិជ្ជកម្មកម្ពុជា នឹងត្រូវ៖ ១.ចូលរួមកម្មវិធីពិព័រណ៍ផលិតផលនាំចេញ នាំចូលប្រទេសចិន (The 139th Canton Fair), ២.ចូលរួមកិច្ចប្រជុំ និងវេទិកាចែករំលែក, ៣.ជំនួបពាណិជ្ជកម្ម និងចាប់ដៃគូរជាមួយក្រុមហ៊ុនចិនល្បីៗ, ៤.ទស្សនកិច្ចរោងចក្រ សហគ្រាសផលិត ដែលមានឧបករណ៍ និងបច្ចេកវិទ្យាទំនើបៗ នៅក្នុងវិស័យឧស្សាហកម្មប្រទេសចិន។

សូមជម្រាបថា ដំណើរទស្សនកិច្ចពាណិជ្ជកម្មទៅកាន់ទីក្រុងក្វាងចូវខាងលើនេះ រៀបចំដោយសភាពាណិជ្ជកម្មកម្ពុជា និងសហការរៀបចំដោយ មជ្ឈមណ្ឌលអភិវឌ្ឍធុរកិច្ច (BDC) និងមូលនិធិអភិវឌ្ឍន៍ជំនាញ (SDF) ព្រមទាំងគាំទ្រដោយ សហគ្រិនខ្មែរ នៃក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍៕

The post អ្នកឧកញ៉ា ឧកញ៉ា ២រូប នឹងដឹកនាំប្រតិភូ ៤៥រូប ធ្វើទស្សនកិច្ចពាណិជ្ជកម្មទៅកាន់ទីក្រុងក្វាងចូវ ប្រទេសចិន រយៈពេល ៤យប់៥ថ្ងៃ appeared first on .

ខ្លឹមសារលិខិត​របស់​អ្នកឧកញ៉ា គិត ម៉េង បាន​​​​បញ្ជាក់​ថា អ្នកឧកញ៉ា និងភរិយា ព្រមទាំង​អនុប្រធាន សមាជិក សមាជិកា អគ្គនាយក បុគ្គលិក សភាពាណិជ្ជកម្មទាំងអស់ សូម​សម្តែង​នូវ​មនោសញ្ចេតនា​អបអរសាទរ និង​រីករាយ​យ៉ាង​ក្រៃលែង​ជូន​ចំពោះ ឧកញ៉ា អ៉ឹង វណ្ណម៉ៅ ដែលបាន​ជាប់ឆ្នោត​ជា ប្រធានសភាពាណិជ្ជកម្ម​ខេត្តបន្ទាយមានជ័យ អាណត្តិទី៣ លើកទី១ ដោយ​ទទួលបាន​ការ​ទុកចិត្ត​ពី​សមាជិក សមាជិកា បោះឆ្នោត​គាំទ្រ ១០០% កាលពី​រសៀល​ថ្ងៃទី២៤ ខែមិថុនា ឆ្នាំ២០២៤។

លិខិតដដែល បាន​បន្ថែម​ទៀត​ថា ជោគជ័យ​ដ៏​ត្រចះត្រចង់នេះ ជាសក្ខីភាព​សរ​បញ្ជាក់​ថា សមាជិក សមាជិកា ពិតជា​មាន​ជំនឿចិត្ត​លើការ​ដឹកនាំ​ប្រកបដោយ​ភាព​ឈ្លាសវៃ ប៉ិនប្រសព្វ និង​ការ​ទទួលខុសត្រូវ​ខ្ពស់​របស់ ឧកញ៉ា ដើម្បី​ផ្តល់ភាព​កក់ក្តៅ​ជូន​ដល់​គ្រប់​ពាណិជ្ជករ អាជីវករនៅ​ក្នុងខេត្ត​ ញ៉ាំង​ឱ្យ​ស្ថាប័ន​សភាពាណិជ្ជកម្ម​ខេត្ត​បន្ទាយមានជ័យ ដើរតួនាទីរួម​ជាមួយ​សភាពាណិជ្ជកម្មកម្ពុជា មិនអាច​ខ្វះបាន​ក្នុងការ​ចូលរួម​យ៉ាង​សកម្ម​ជាមួយ​រដ្ឋបាល​ខេត្ត ក៏ដូចជា​រាជរដ្ឋាភិបាលកម្ពុជា ធ្វើ​ឱ្យសេដ្ឋកិច្ចជាតិ​​មានការ​អភិវឌ្ឍន៍​រីកចម្រើន​ជា​លំដាប់​គួរ​ជាទី​មោទនៈ។

គួរបញ្ជាក់ថា លោក​ឧកញ៉ា អ៉ឹង វណ្ណម៉ៅ ​​​បាន​ជាប់ឆ្នោតជាប្រធានសភា​ពាណិជ្ជកម្មខេត្ត​បន្ទាយមានជ័យ​ថ្មី ជំនួស​ប្រធានចាស់ ​លោក ឈឿន ឈីវអៀន។ ​ឧកញ៉ា អ៉ឹង វណ្ណម៉ៅ ត្រូវ​បាន​គេ​​​ដឹង​​​ថា ​ជា​ប្រធានសមាគមខ្មែរ-ចិនស្រុកមង្គលបុរី, ម្ចាស់​សាលារៀនចុងវ៉ា និងជា​អតីត​សមាជិកក្រុមប្រឹក្សាស្រុកមង្គលបូរី ខេត្តបន្ទាយមានជ័យ​ ផងដែរ៕

The post អ្នកឧកញ៉ា គិត ម៉េង ផ្ញើលិខិតអបអរសាទរ ឧកញ៉ា អ៉ឹង វណ្ណម៉ៅ ដែលបានជាប់ឆ្នោតជា​ប្រធានសភាពាណិជ្ជកម្ម ខេត្តបន្ទាយមានជ័យ appeared first on .

លោក​ឧកញ៉ា អ៉ឹង វណ្ណម៉ៅ ​​ដែល​បាន​ជាប់ឆ្នោតជាប្រធានសភា​ពាណិជ្ជកម្មខេត្ត​បន្ទាយមានជ័យ​ថ្មី ជំនួស​លោក ឈឿន ឈីវអៀន ​ត្រូវ​បាន​គេ​​​ដឹង​​​ថា ​ជា​ប្រធានសមាគមខ្មែរ-ចិនស្រុកមង្គលបុរី, ម្ចាស់​សាលារៀនចុងវ៉ា និងជា​អតីត​សមាជិកក្រុមប្រឹក្សាស្រុកមង្គលបូរី ខេត្តបន្ទាយមានជ័យ។ លោកឧកញ៉ា មានឪពុកក្មេកឈ្មោះ​ លោក វ៉ាង ឈីអីវ ជាអនិកជនខ្មែរនៅសហរដ្ឋអាមេរិក​ផង​ដែរ។

សូមជម្រាប​ថា ការបោះឆ្នោតជ្រើសរើសសមាជិកជ្រើសតាំង និងប្រធានសភាពាណិជ្ជខេត្តបន្ទាយមានជ័យ អាណត្តិទី៣ លើកទី១ បាន​ធ្វើ​ឡើង​ក្រោមអធិបតីភាពឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ឯកឧត្តមឧកញ៉ា ងួន ម៉េងតិច អគ្គនាយក​សភាពាណិជ្ជកម្មកម្ពុជា ដោយ​មានបេក្ខជនឈរឈ្មោះជាសមាជិកជ្រើសតាំងចំនួន២០រូប អ្នកចុះ​ឈ្មោះបោះ​ឆ្នោតមានចំនួន ៣៥៨នាក់ អ្នកបានមកបោះឆ្នោត២៤៤នាក់ស្មើនឹង៦៨% ជាលទ្ធផលមានបេក្ខជន​១៤រូបជាប់​ជាសមាជិកជ្រើសតាំង ក្នុងនោះ លោក ឧកញ៉ា អ៉ឹង វណ្ណម៉ៅ ត្រូវបានសមាជិក សមាជិកា បោះឆ្នោតគាំទ្រជា​ប្រធាន​សភាពាណិជ្ជកម្មខេត្តបន្ទាយមានជ័យ អាណត្តិទី៣ លើកទី១ ដោយសម្លេងគាំទ្រ១០០%៕

The post តើឧកញ៉ា អ៉ឹង វណ្ណម៉ៅ ប្រធានសភាពាណិជ្ជខេត្តបន្ទាយមានជ័យថ្មី ជានរណា? appeared first on .