ពិធីបុណ្យនេះផ្តួចផ្តើមដោយ លោក ជា ឫទ្ធី និងលោកជំទាវឧកញ៉ា សុខ ស៊ីដា ត្រូវជាឪពុកម្តាយបង្កើត, អ្នកឧកញ៉ា កុក អាន និងលោកជំទាវ ត្រូវជាឪពុកម្តាយក្មេក, លោកជំទាវឧកញ៉ា ភូ ឈាលីន ត្រូវជាភរិយា ព្រមទាំងបុត្រ, ឧកញ៉ា ឫទ្ធីរស្មី និងលោកជំទាវ ព្រមទាំងលោកស្រី ឫទ្ធី ពេជ្រចិន្តា ត្រូវជាប្អូនបង្កើត។

កម្មវិធីនេះដែរ មាន លោកអ្នកឧកញ៉ា អ្នកឧកញ៉ា ឧកញ៉ា ឯកឧត្តម លោកជំទាវ ញាតិមិត្តជិតឆ្ងាយជាច្រើន បានអញ្ជើញចូលរួមជាភ្ញៀវកិត្តិយស ក្នុងពិធីបុណ្យគម្រប់ខួប ៣ឆ្នាំនេះ។ ក្នុងនោះដែរ ក៏មានវត្តមាន លោកអ្នកឧកញ៉ា លាង ឃុន, អ្នកឧកញ៉ា ហ៊ុន តូ, អ្នកឧកញ៉ា ម៉ៅ ចំណាន, អ្នកឧកញ៉ា លាង ម៉េង, អ្នកឧកញ៉ា ហ៊ុន ឡាក់, ឧកញ៉ា ឡេង និមល តំណាងអ្នកឧកញ៉ា ឡេង ណាវ៉ាត្រា, ឧកញ៉ា អ៉ឹង គីមហុង, ឧកញ៉ា ភិរម្យ វិចិត្រដារ៉ា, ឧកញ៉ា សុខ មុយលី ព្រមទាំង អ្នកឧកញ៉ា ឧកញ៉ា មួយចំនួនទៀត។

សូមជម្រាបថា កម្មវិធីគោរពវិញ្ញាណក្ខន្ធ លោកឧកញ៉ា ឫទ្ធី សំណាង គម្រប់ ៣ ឆ្នាំដែលបានប្រព្រឹត្តទៅនៅពហុកីឡដ្ឋានជាតិ នាថ្ងៃទី ១៨ ខែឧសភានេះ ក៏មានការប្រកួតមិត្តភាពរវាងក្រុមអាយុក្រោម ១៩ឆ្នាំភ្នំពេញក្រោន និងយុវជនសាលាបាល់ទាត់ជាតិបាទី ដែលជាការប្រកួតដើម្បីឧទ្ទិសដល់លោកឧកញ៉ា ឫទ្ធី សំណាង និងអនុញ្ញាតឱ្យទស្សនិកជនចូលរួមទស្សនាដោយសេរីផងដែរ៕

The post មកមើលទិដ្ឋភាពខ្លះៗ នៃកម្មវិធីគោរពវិញ្ញាណក្ខន្ធ លោកឧកញ៉ា ឫទ្ធី សំណាង គម្រប់ ៣ឆ្នាំ នៅពហុកីឡដ្ឋានជាតិអូឡាំពិក appeared first on .

ឧកញ៉ា ឬទ្ធី សំណាង កើតក្នុងឆ្នាំ១៩៨១ គឺជាអ្នកជំនួញមួយរូប ប្រកបដោយគុណធម៌ ព្រហ្មវិហារធម៌ ព្រមទាំង​មានភាពជាអ្នកដឹកនាំ ដែលបានបន្សល់ទុកនូវស្នាដៃជាច្រើនចំពោះសង្គមជាតិ ជាពិសេសការរួមចំណែក​កសាង​នូវសមិទ្ធផលជាបន្តជាច្រើន ជាពិសេស ក្នុងវិស័យកីឡាបាល់ទាត់ជាតិ វិស័យអប់រំ និងមនុស្សធម៌ ជាដើម។

ក្នុងតួនាទីជា​ប្រធានក្លឹបបាល់ទាត់ភ្នំពេញក្រោន អស់រយៈពេលជាង ១០ឆ្នាំ និងជា​សមាជិកគណៈកម្មាធិការ​ប្រតិបត្តិសហព័ន្ធកីឡាបាល់ទាត់កម្ពុជា ក្រោមការដឹកនាំរបស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជា ផង លោកឧកញ៉ា ឬទ្ធី សំណាង បានរួមចំណែកជួយជ្រោមជ្រែងដឹកនាំវិស័យបាល់ទាត់ ធ្វើឱ្យយុវជនខ្មែរ ងាកមកគាំទ្រយ៉ាងផុសផុល ក្នុងវិស័យកីឡាបាល់ទាត់ ទាំងក្របខ័ណ្ឌក្នុងប្រទេស និងការប្រកួតអន្តរជាតិ។

លោកឧកញ៉ា ឬទ្ធី សំណាង ជាស្វាមីរបស់លោកជំទាវ ភូ ឈាលីន និងជាកូនប្រសារបស់ អ្នកឧកញ៉ា កុក អាន ដែលជាមហាសេដ្ឋីមួយរូបនៅកម្ពុជា។ លោក​​ជាប្រធានក្លិបបាល់ទាត់ភ្នំពេញក្រោន, ជាអគ្គនាយកក្រុមហ៊ុន Pi Pay, អគ្គនាយក KB HOTEL ហើយ​កន្លង​មក​ ​លោក​តែង​ជួយ​ការងារ​សង្គម​ជា​ច្រើន​ ក្នុង​នោះ​ដូច​ជា​ ការបរិច្ចាគ​ដល់​កាកក្របាទក្រហម និង​មន្ទីរពេទ្យគន្ធបុប្ផា​ រួមទាំងសកម្មភាពជួយសង្គមជាច្រើនរាប់មិនអស់ ជាមួយរាជរដ្ឋាភិបាល។

ក្នុងថ្ងៃខួប នៃការចាកចេញរបស់ លោកឧកញ៉ា ឬទ្ធី សំណាង នេះដែរ ក្រុមគ្រួសារក្លិបបាល់ទាត់ភ្នំពេញក្រោន ​​ក៏​បាន​បង្ហោះវីដេអូ​ និងសារ​លើ​ទំព័រហ្វេសប៊ុក​ផ្លូវការ​ ក្នុងន័យរំឮកខួប និងការចងចាំដឹងគុណមិនភ្លេចនូវការលះបង់ និងដំបូន្មាន​ល្អៗ ក៏ដូចជាស្នាដៃទាំងឡាយ ដែលលោកឧកញ៉ា បាន​បន្សល់​ទុក។ មិនត្រឹមតែប៉ុណ្ណោះ នាថ្ងៃទី១៨ ខែឧសភា ឆ្នាំ២០២៤នេះ ចាប់ពីម៉ោង ១២:៣០ នាទីតទៅ ក៏នឹងមានកម្មវិធីគោរពវិញ្ញាណក្ខន្ធ លោកឧកញ៉ា ឬទ្ធី សំណាង នៅពហុកីឡដ្ឋានជាតិអូឡាំពិកផងដែរ៕

The post ទូកទៅ កំពង់នៅ! សមិទ្ធផលក្នុងវិស័យកីឡាបាល់ទាត់ខ្មែរដ៏គួរឱ្យចងចាំ ដែលឧកញ៉ា ឬទ្ធី សំណាង កសាង និងបន្សល់ទុក មុនការចាកចេញ appeared first on .

ខ្សែ​​បម្រើ Yudai Ogawa កើត​នៅ​ឆ្នាំ១៩៩៦ ក្នុងទីក្រុង Kawasaki ​ប្រទេសជប៉ុន។ លោក​បាន​ឈានជើងលើទឹកដីអង្គរ ជាលើកដំបូងក្នុងវ័យត្រឹមតែ​ ២២ឆ្នាំ​ នៅឆ្នាំ២០១៨​ និង​បាន​ចូល​រួមជាមួយក្លិប​ក្រសួង​ការពារជាតិ ដែលបច្ចុប្បន្នជា កងយោធលខេមរភូមិន្ទ លើកិច្ចសន្យារយៈពេល ១​ឆ្នាំ។

មួយឆ្នាំក្រោយ​មក​ ក្លិប​អង្គរថាយហ្គឺរ នាថ្ងៃទី១៦​ ខែមករា ឆ្នាំ២០១៩​​ បាន​ទិញ​យក​ ក្រោមកិច្ចសន្យា ២ឆ្នាំ ជាទីកន្លែង ដែលរូបគេបានសាងភាពលេចធ្លោលើទីលាន រហូតត្រូវបាន ភ្នំពេញក្រោន ទាក់ទងយកទៅ​កាន់​រាជធានីវិញ នៅ២ឆ្នាំបន្ទាប់។

ថ្ងៃទី០១ ខែមករា ឆ្នាំ​​​​​​​​​​​​​​​​២០២១​ ភ្នំពេញក្រោន ក្រោម​ការ​ដឹកនាំ​របស់​​អតីត​ប្រធាន​ក្លិប​ លោក​ឧកញ៉ា ឬទ្ធី សំណាង (ទទួលមរណភាព) បាន​ចុះកិច្ចសន្យានាំយក Yudai ​ជាផ្លូវការ។ Yudai បានសាងភាពអស្ចារ្យជាច្រើន​ជាមួយ​​ក្លិប​ភ្នំពេញក្រោន​ ដោយ​បាន​​រួម​ចំណែកជួយក្លិបឈ្នះពានរង្វាន់ធំៗជាច្រើនដូចជា ៖ ខេមបូឌានព្រីមៀរលីគ ២លើក ខេមបូឌានស៊ូភើខាប់ ២លើក និងពានរង្វាន់ខេមបូឌានលីគខាប់ ២​លើកផងដែរ ក្រោមការ​ដឹកនាំ​ពី​​លោកស្រី ភូ ឈាលីន ជា​ប្រធាន​ក្លិប​ថ្មី​បន្ត​ពី​ស្វាមី។

នៅ​ព្រឹក​ថ្ងៃទី០៦ ខែតុលា ឆ្នាំ២០២៣​នេះ​ សហព័ន្ធកីឡាបាល់ទាត់កម្ពុជា បានប្រកាសជាផ្លូវការ​ពីការចូលរួម​របស់ Yudai ​ក្នុង​ក្រុមជម្រើសជាតិកម្ពុជា ក្រោយរូបគេបំពេញលក្ខខណ្ឌគ្រប់គ្រាន់ ព្រមទាំងមានសមត្ថភាព​ពេញលេញ ដើម្បីពាក់អាវកងទ័ពអង្គរ ចាប់ពីឆ្នាំ២០២៣​នេះ​តទៅ៕

The post កីឡាករជប៉ុន របស់ក្លិបបាល់ទាត់ភរិយាឧកញ៉ា១រូប បានចូលសញ្ជាតិលេងឱ្យជម្រើសជាតិកម្ពុជា appeared first on .

លោកជំទាវ ​​​បាន​មាន​ប្រសាសន៍​ថា៖ “អរគុណសម្រាប់អ្នកគាំទ្រ ក្រុមកីឡាករ និងថ្នាក់ដឹកនាំ​ គ្រូបង្វឹកទាំងអស់ ដែលបានប្រឹងប្រែងសម្រាប់ពានរង្វាន់មួយនេះ ហើយខ្ញុំជឿជាក់ថាកូនប្រុសខ្ញុំនឹងរីករាយជាមួយអ្នកទាំងអស់​គ្នា”។ បន្ថែម​ពី​នេះ សម្រាប់​ក្លិប​ភ្នំពេញក្រោន ក៏​សូម​ឧទ្ទិស​ពាន​រង្វាន់​ដ៏​អស្ចារ្យ​មួយ​នេះ ជូន​ដល់​ដួង​វិញ្ញាណខន្ត​​លោក​ឧកញ៉ា​ផង​ដែរ។

គួរ​រំឭក​ថា ឧកញ៉ា ឬទ្ធី សំណាង បានទទួលមរណៈភាព ត្រឹមវ័យ ៤១ឆ្នាំ កាលពីព្រឹក ថ្ងៃទី១១ ខែឧសភា ឆ្នាំ២០២២ ដោយសារតែជំងឺរ៉ាំរ៉ៃជាយូរមកហើយ៕

The post ម្តាយឧកញ៉ា ឫទ្ធី សំណាង និយាយពាក្យ១ឃ្លា ក្រោយក្រុមភ្នំពេញក្រោន ឈ្នះពានលីគឆ្នាំ២០២២ appeared first on .

ទាក់ទិន​មរណភាពរបស់ប្រធានក្លឹបបាល់ទាត់ភ្នំពេញក្រោនរូបនេះ ត្រូវបានប្រភពជិតស្និទ្ធបង្ហើបឱ្យឧកញ៉ាញូស៍ដឹងនៅល្ងាចថ្ងៃទី១១ ខែឧសភាម្សិលមិញថា ឧកញ៉ា ឬទ្ធី សំណាង បានទទួលអនិច្ចកម្ម​នៅ​សិង្ហបុរី​ ដោយ​ជំងឺ​រ៉ាំរ៉ៃជាយូរឆ្នាំមកហើយ។

ឧកញ៉ា ឬទ្ធី សំណាង កើតក្នុងឆ្នាំ១៩៨១ គឺជាអ្នកជំនួញមួយរូបប្រកបដោយគុណធម៌ ព្រហ្មវិហារធម៌ ព្រមទាំងភាពជាអ្នកដឹកនាំ ដែលបានបន្សល់ទុកនូវស្នាដៃជាច្រើនចំពោះសង្គមជាតិ ជាពិសេសការរួមចំណែកកសាងនូវសមិទ្ធផលជាបន្តបន្ទាប់ក្នុងវិស័យកីឡាបាល់ទាត់ជាតិ វិស័យអប់រំ និងមនុស្សធម៌ ជាដើម។

ក្រៅពីតួនាទីជាប្រធានក្លឹបបាល់ទាត់ភ្នំពេញក្រោន លោក ឬទ្ធី សំណាង ក៏មានតួនាទីជាសមាជិកគណៈកម្មាធិការប្រតិបត្តិសហព័ន្ធកីឡាបាល់ទាត់កម្ពុជាផងដែរ និងបានដើរតួយ៉ាងសំខាន់ក្នុងការអភិវឌ្ឍវិស័យកីឡា។

បើតាមសេចក្តីថ្លែងការណ៍របស់ក្លឹបបាល់ទាត់ភ្នំពេញក្រោននៅព្រឹកមិញនេះ អស់រយៈកាលជាង១០ឆ្នាំ ក្រោមការដឹកនាំរបស់ឧកញ៉ា ឬទ្ធី សំណាង ភ្នំពេញក្រោនបានក្លាយជាគ្រួសារមួយរបស់លោក ខណៈលោកតែងតែទូន្មាននិងចង្អុលបង្ហាញនូវមាគ៌ាល្អៗដល់អ្នករាល់គ្នា។

សេចក្តីថ្លែងការណ៍ដដែលបានបញ្ជាក់ថា៖«ក្នុងស្មារតីនេះ យើងខ្ញុំទាំងអស់គ្នាសូមប្ដេជ្ញាថែរក្សានូវទស្សនវិស័យ និងបន្តវីរភាពដែលឧកញ៉ា ឬទ្ធី សំណាង សម្រេចបានចំពោះក្លឹបបាល់ទាត់ភ្នំពេញក្រោន ជាទីដែលលោកបានចំណាយនូវកម្លាំងកាយ ចិត្ត រួមទាំងធនធានជាច្រើន ដើម្បីកសាងជាប្រយោជន៍សម្រាប់វិស័យបាល់ទាត់ និងជាពិសេសសម្រាប់អ្នកគាំទ្រក្លឹប ភ្នំពេញក្រោន ជាទីស្រឡាញ់របស់លោក»។

ឧកញ៉ា ឬទ្ធី សំណាង វ័យ៤១ឆ្នាំ គឺជាកូនប្រសារបស់អ្នកឧកញ៉ា កុក អាន ដែលជាមហាសេដ្ឋីជំនួញមួយរូបនៅកម្ពុជា។ លោក​​ជាប្រធានក្លិបបាល់ទាត់ភ្នំពេញក្រោន, ជាអគ្គនាយកក្រុមហ៊ុន Pi Pay, អគ្គនាយក KB HOTEL ហើយ​កន្លង​មក​ ​លោក​តែង​ជួយ​ការងារ​សង្គម​ជា​ច្រើន​ ក្នុង​នោះ​ដូច​ជា​ បរិច្ចាគថវិកា ១០ម៉ឺនដុល្លារ ដល់រដ្ឋបាលខេត្តព្រះសីហនុ ​​ដើម្បី​ប្រយុទ្ធប្រឆាំង​ជំងឺ​កូវីដ១៩, បរិច្ចាគ​ដល់​កាកក្របាទក្រហម។

លើសពីនេះ ថ្មីៗ​នេះ​លោក​បាន​ដក​ថវិកា​មួយ​ចំនួន​​ពី​​ប្រាក់​រង្វាន់​ឈ្នះ​ពាន​មិត្តហ្វូន​ខេមបូឌៀលីគ​របស់​ក្រុមបាល់ទាត់​ភ្នំពេញក្រោន ​ជូន​ទៅ​មន្ទីរពេទ្យគន្ធបុប្ផា ផង​ដែរ៕

The post ឧកញ៉ា ឬទ្ធី សំណាង កូនប្រសាអ្នកឧកញ៉ា កុក អាន មុនទទួលមរណភាពកាន់តួនាទីជាច្រើន appeared first on .