ការសម្រេចចិត្តរបស់ក្រុមហ៊ុនផលិតរថយន្តជប៉ុន Suzuki បានឆ្លុះបញ្ចាំងពីដំណើរក្រុមហ៊ុនជាច្រើនផ្សេងទៀត នៅក្នុងប្រទេសសេដ្ឋកិច្ចធំលំដាប់ទីពីររបស់អាស៊ីអាគ្នេយ៍ ដោយក្រុមហ៊ុនទាំងនោះ កំពុងទទួលរងនូវការប្រកួតប្រជែងជាច្រើន តួយ៉ាងការកើនឡើងតម្លៃថាមពល កម្លាំងពលកម្ម និងកត្តាផ្សេងទៀត ដូចជាការនាំចូលផលិតផលពីចិនមានតម្លៃថោកជាដើម។

បើយោងតាមទិន្នន័យចុងក្រោយរបស់នាយកដ្ឋានការងារឧស្សាហកម្មថៃ បានឲ្យដឹងថា ការបិទរោងចក្រនៅចន្លោះខែកក្កដា ឆ្នាំ២០២៣ ដល់ខែមិថុនា ឆ្នាំ២០២៤ បានកើនឡើងដល់ទៅចំនួន៤០% ។ ជាលទ្ធផល ការបាត់បង់ការងារបានកើនឡើងដល់ទៅ៨០% ពោលកម្មករជាង ៥១ ៥០០នាក់បាត់បង់ការងារធ្វើនៅរយៈពេលនោះ។

សូមជម្រាបថា វិបត្តិនៃវិស័យផលិតកម្មដូច្នេះ បានធ្វើឲ្យលោកនាយករដ្ឋមន្ត្រី ស្រេតថា ថាវីស៊ីន ដែលឡើងកាន់អំណាចកាលពីឆ្នាំមុន បានជួបការលំបាកក្នុងការបំពេញតាមការសន្យា ដោយថានៅអាណត្តិរយៈពេលបួនឆ្នាំរបស់គាត់ នឹងនាំមកនូវកំណើន GDP ប្រចាំឆ្នាំជាមធ្យម៥% ប៉ុន្តែបច្ចុប្បន្នសេដ្ឋកិច្ចរបស់ប្រទេស ហាក់នៅមិនទាន់មានភាពប្រសើរនៅឡើយ៕

The post សេដ្ឋកិច្ចថៃប្រឈមនឹងភាពចលាចល បន្ទាប់ពីមានការបិទទ្វាររោងចក្រជាច្រើន appeared first on .

យោងតាមការិយាល័យស្ថិតិជាតិ (NBS) បានឲ្យដឹងថា បណ្តាក្រុមហ៊ុនឧស្សាហកម្មចិន ដែលមានប្រាក់ចំណូលអាជីវកម្មប្រចាំឆ្នាំយ៉ាងហោចណាស់ ២០លានយ៉ន់ (២,៨១លានដុល្លារ) បានមើលឃើញនូវប្រាក់់ចំណេញរួមគ្នារបស់ពួកគេឈានដល់ចំនួន ២,៧៥ទ្រីលានយ៉ន់នៅអំឡុងខែមករាដល់ខែឧសភា។

មួយវិញទៀត នៅចំណោមឧស្សាហកម្មទាំង ៤១ប្រភេទ ដែលត្រូវបានត្រួតពិនិត្យដោយការិយាល័យចំនួន៣២ បានមើលឃើញនូវកំណើនប្រាក់ចំណេញរបស់ខ្លួន ខណៈក្នុងនោះប្រាក់​ចំណេញ​នៃ​វិស័យ​ផលិត​ឧបករណ៍ ​បាន​បន្ត​កើន​ឡើង​យ៉ាង​ឆាប់​រហ័ស​នៅ​អំឡុង​ប្រាំខែដំបូងនៃឆ្នាំ២០២៤។

លើសពីនោះ ការិយាល័យ NBS ក៏បាននិយាយបន្ថែមទៀតថា ការកើនឡើងដូច្នេះបានរួមចំណែក៣,៦% ដល់កំណើនសរុបរបស់ប្រទេស និងបានធ្វើឲ្យវិស័យផលិតឧបករណ៍ ក្លាយជាអ្នករួមចំណែកដ៏ធំបំំផុតមួយរបស់សេដ្ឋកិច្ចចិនផងដែរ៕

The post រយៈពេល ៥ខែ ប្រាក់ចំណេញឧស្សាហកម្មចិន កើនឡើង៣,៤% appeared first on .

នៅថ្ងៃទី២៧ ខែមីនា ទិន្នន័យរបស់ការិយាល័យស្ថិតិជាតិ (NBS) បានបង្ហាញថា នៅរយៈពេលពីរខែដំបូងឆ្នាំថ្មីនេះ ប្រាក់ចំណេញក្រុមហ៊ុនឧស្សាហកម្មរបស់ប្រទេសចិនបានកើនឡើង១០,២% បើធៀបនឹងរយៈពេលដូចគ្នាកាលពីឆ្នាំមុន ខុសប្លែកពីប្រាក់ចំណេញពេញមួយឆ្នាំ២០២៣ ដែលធ្លាក់ចុះចំនួន២,៣% ។

លើសពីនោះ ក្រុមហ៊ុនដែលស្ថិតក្រោមការគ្រប់គ្រងដោយរដ្ឋចិន ក៏មានការកើនឡើងប្រាក់ចំណូល០,៥% ខណៈដែលក្រុមហ៊ុនបរទេសមានការកើនឡើង៣១,២% ចំណែកឯក្រុមហ៊ុនឯកជនវិញក៏មានការកើនឡើងដល់ទៅ១២,៧%​ ផងដែរ។

សូមជម្រាបបន្ថែមថា ក្រុមហ៊ុនឧស្សាហកម្មនៅក្នុងប្រទេសចិនណា ដែលមានប្រាក់ចំណូលអាជីវកម្មយ៉ាងហោចណាស់ ២០លានយន់ (ប្រហែល ២,៨២លានដុល្លារអាមេរិក) ប្រចាំឆ្នាំនោះ បានមើលឃើញនូវប្រាក់ចំណេញរួមគ្នារបស់ពួកគេរហូតដល់ទៅ ៩១៤,០៦ពាន់លានយន់ នារយៈពេលត្រឹមពីរខែដំបូងឆ្នាំថ្មីនេះប៉ុណ្ណោះ៕

The post សេដ្ឋកិច្ចចិនហាក់មានសញ្ញាណវិជ្ជមានឡើងវិញ បន្ទាប់ពីប្រាក់ចំណេញឧស្សាហកម្មមានការកើនឡើង appeared first on .

ក្នុងរយៈពេលពីរខែដំបូង ការលក់រាយដែលជារង្វាស់នៃការប្រើប្រាស់បានកើនឡើង៥,៥% ចំណែកឯការវិនិយោគទ្រព្យសកម្មថេរបានកើនឡើង៤,២% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ក៏ប៉ុន្តែការវិនិយោគលើវិស័យអចលនទ្រព្យវិញ បានធ្លាក់ចុះដល់ទៅចំនួន៩% ។

មិនត្រឹមតែប៉ុណ្ណោះ ការលក់រាយតាមអ៊ីនធឺណេតបានកើនឡើង១៤,៤% ការផលិតបានកើនឡើង៩,៤% ខណៈអត្រាគ្មានការងារធ្វើរបស់ប្រទេសក្នុងខែកុម្ភៈ បានធ្លាក់ចុះមកនៅត្រឹម៥,៣% ស្របពេលការវិនិយោគលើហេដ្ឋារចនាសម្ព័ន្ធវិញ បានកើនឡើង៦,៣% ផងដែរ។

លើសពីនោះ នៅអំឡុងខែមករា ដល់ខែកុម្ភៈ ការនាំចេញទំនិញរបស់ចិនទៅកាន់ទីផ្សារក្រៅប្រទេស​ បានកើនឡើង៧,១% ចំណែកឯការចូលទំនិញមកកាន់ប្រទេសខ្លួនវិញ បានកើនឡើងចំនួន៣,៥% ផងដែរ៕

The post រយៈពេលពីរខែដំបូងឆ្នាំនេះ ទិន្នផលឧស្សាហកម្មរបស់ចិនកើនឡើង៧% appeared first on .

ក្រសួងរ៉ែ និងថាមពល បានឱ្យដឹងថា ការសម្រេចបញ្ចុះតម្លៃនេះ គឺធ្វើឡើងក្នុងគោលដៅជម្រុញការពង្រីកផលិតកម្មរោងចក្រ និងសហគ្រាស ផ្នែកឧស្សាហកម្ម និងផ្នែកកសិកម្ម ដើម្បីបង្កើតការងារ និងប្រាក់ចំណូលជូនប្រជាពលរដ្ឋ រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់ សម្តេច ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ក្រសួងរ៉ែ និងថាមពល អគ្គិសនីកម្ពុជា និងអាជ្ញាធរអគ្គិសនីកម្ពុជា នឹងធ្វើការបញ្ចុះថ្លៃអគ្គិសនីចំពោះបរិមាណអគ្គិសនី ដែលអ្នកប្រើប្រាស់ប្រភេទឧស្សាហកម្ម និងកសិកម្ម ដែលភ្ជាប់ពីបណ្តាញតង់ស្យុងមធ្យម និងតង់ស្យុងខ្ពស់ ក្នុងក្របខណ្ឌទូទាំងប្រទេស ដែលរួមមានអ្នកប្រើប្រាស់អគ្គិសនីតាមអត្រាថ្លៃមធ្យម អ្នកប្រើប្រាស់អគ្គិសនីតាម ពេលវេលានិងអានុភាពនិងអ្នកប្រើប្រាស់អគ្គិសនីដែលមានដំឡើងប្រព័ន្ធពន្លឺព្រះអាទិត្យដែលភ្ជាប់ជាមួយបណ្ដាញជាតិ បានប្រើប្រាស់លើសពីមធ្យមភាគប្រចាំខែនៃការប្រើប្រាស់ ៦ ខែ ចុងក្រោយទៅតាមលក្ខខណ្ឌដូចខាងក្រោម៖

បញ្ចុះអត្រាថ្លៃចំនួន ១០% សម្រាប់បរិមាណថាមពលដែលប្រើប្រាស់លើសមធ្យមភាគប្រចាំខែ ពីថ្ងៃចន្ទ ដល់ថៃ្ងសៅរ៍ ចន្លោះម៉ោងពី ៧ ព្រឹក ដល់ម៉ោង ៩ យប់។

បញ្ចុះអត្រាថ្លៃចំនួន ២០% សម្រាប់បរិមាណថាមពលដែលប្រើប្រាស់លើសមធ្យមភាគប្រចាំខែ ពីថ្ងៃចន្ទ ដល់ថៃ្ងសៅរ៍ ចន្លោះម៉ោងពី ៩ យប់ ដល់ម៉ោង ៧ ព្រឹក និង ២៤ ម៉ោង សម្រាប់ថ្ងៃអាទិត្យ និងថ្ងៃបុណ្យជាតិ។

ក្រសួងបន្តថា រយៈពេលអនុគ្រោះថ្លៃអគ្គីសនីនេះ ដើម្បីលើកទឹកចិត្តឱ្យបង្កើនការប្រើប្រាស់ខាងលើ គឺមានរយៈពេល ៣ខែ ចាប់ពីខែតុលា ដល់ខែធ្នូ ឆ្នាំ២០២៣ និងអាចពិនិត្យបន្តតាមរយៈការជូនដំណឹងមុន៣០ថ្ងៃតាមលទ្ធភាព ជាក់ស្តែងរបស់អគ្គិសនីកម្ពុជា។

ក្រសួងបានបញ្ជាក់ដែរថា អតិថិជនអ្នកប្រើប្រាស់អគ្គិសនីប្រភេទឧស្សាហកម្ម និងកសិកម្ម ភ្ជាប់ពីបណ្តាញតង់ស្យុងមធ្យម និង តង់ស្យុងខ្ពស់ ដែលយល់ថាខ្លួនមានលទ្ធភាពបង្កើនការប្រើប្រាស់ និងមានបំណងទទួលបានការអនុគ្រោះថ្លៃនេះ ត្រូវធ្វើការដាក់ពាក្យស្នើសុំទៅអ្នកផ្គត់ផ្គង់អគ្គិសនីក្នុងតំបន់របស់ខ្លួន។

គួរបញ្ជាក់ដែរថា បើតាមក្រសួងរ៉ែ បានបញ្ជាក់ដែរថា ការផ្តល់ថ្លៃអនុគ្រោះនេះ គឺមិនសំដៅទៅលើស្ថាប័នរដ្ឋ ផ្នែកពាណិជ្ជកម្ម និងលំនៅឋាននោះទេ ដោយអ្នក ប្រើប្រាស់ក្នុងជំពូកនេះ កំពុងត្រូវបានអគ្គិសនីកម្ពុជា និងរាជរដ្ឋាភិបាលកម្ពុជា ជួយឧបត្ថម្ភធនរួចហើយ៕

អត្ថបទ៖ ពិសី

The post រដ្ឋ នឹងចាប់ផ្តើមបញ្ចុះថ្លៃអគ្គិសនី ចំពោះអ្នកប្រើប្រាស់ប្រភេទឧស្សាហកម្ម និងកសិកម្ម ពីខែតុលាទៅ appeared first on .

ជំនួបលើកនេះ ភាគីកម្ពុជាដឹកនាំដោយលោក សុខ សុភ័ក្រ្ត រដ្ឋលេខាធិការក្រសួងពាណិជ្ជកម្ម ព្រមទាំងវិស័យឯកជន ចំណែកភាគីវៀតណាម ដឹកនាំដោយលោក ត្រឹង វឹកខាន់ អនុរដ្ឋមន្រ្តីក្រសួងឧស្សាហកម្មនិងពាណិជ្ជកម្មវៀតណាម នៅទីក្រុងហូជីមិញ កាលពីថ្ងៃទី៩ ខែឧសភា ឆ្នាំ២០២២នេះ។

លោក សុខ សុភ័ក្រ្ត បានថ្លែងថា ភាគីទាំងពីរបានយល់ស្របគ្នា ក្នុងការរក្សាឱ្យបាននូវនិរន្តរភាពនៃខ្សែច្រវ៉ាក់តម្លៃរវាងឧស្សាហកម្មវៀតណាម ជាមួយឧស្សាហកម្មកម្ពុជា បន្ទាប់ពីវៀតណាមបានចុះហត្ថលេខានិងដាក់ឱ្យចូលជាធរមាននូវកិច្ចព្រមព្រៀងពាណិជ្ជកម្មសេរីរវាងសហភាពអឺរ៉ុប គឺជាកិច្ចការដ៏ចាំបាច់និងសំខាន់បំផុត ដើម្បីរក្សាបាននូវវិនិយោគផលិតកង់នៅកម្ពុជាសម្រាប់នាំចេញទៅកាន់ទីផ្សារអឺរ៉ុប និងអង់គ្លេស ដែលមានការនាំចូលគ្រឿងបន្លាស់មួយចំនួនដែលផលិតនៅវៀតណាមមករួមបញ្ចូលក្នុងផលិតកម្មនៅកម្ពុជាផងដែរ។

បើតាមលោករដ្ឋលេខាធិការ ការរួមគ្នាបន្តខ្សែច្រវ៉ាក់តម្លៃនេះ នឹងផ្តល់ផលចំណេញដល់ការរីកចម្រើននៃឧស្សាហកម្មនៃប្រទេសទាំងពីរ និងជំរុញឱ្យមានការតភ្ជាប់ខ្សែច្រវ៉ាក់តម្លៃក្នុងតំបន់អាស៊ាន។

ទន្ទឹមនឹងនោះ កម្ពុជា និងវៀតណាម ក៏បានប្តេជ្ញាចិត្តយ៉ាងមោះមុតក្នុងការបន្តសហការគ្នាយ៉ាងជិតស្និទ្ធិ ដើម្បីបញ្ចប់ការពិគ្រោះយោបល់ផ្ទៃក្នុងរៀងៗខ្លួន ហើយជូនដំណឹងឱ្យគ្នាទៅវិញទៅមកឱ្យបានឆាប់ៗ នាពេលខាងមុខនេះ៕

The post វៀតណាម នឹងជួយជំរុញការវិនិយោគផលិតកង់នៅកម្ពុជាសម្រាប់នាំចេញទៅកាន់ទីផ្សារអឺរ៉ុប និងអង់គ្លេស appeared first on .

ក្នុងនោះការនាំចូលស៊ីម៉ង់ត៍ នៅឆ្នាំ២០១៩ មានចំនួន១២៨លានដុល្លារ និងនៅឆ្នាំ២០២០ មានចំនួន ៦៦លានដុល្លារ ថយចុះ៤៨.៥៩ភាគរយ។ ហើយការនាំចូល ដែក នៅឆ្នាំ២០១៩ មានចំនួន៥៥៦លានដុល្លារ និងនៅឆ្នាំ២០២០ មានចំនួន ៤០៣លានដុល្លារ ថយចុះ២៧,៥២ភាគរយ។ ខណៈការំនាំចូលសម្ភារៈសំណង់ នៅឆ្នាំ២០១៩ មានចំនួន១,០៨៨លានដុល្លារ និងនៅឆ្នាំ២០២០ មានចំនួន ១,០០៨លានដុល្លារ ថយចុះ៧,៣៤ភាគរយ។

ជាក់ស្តែងដោយសារតែវិស័យសំណង់កំពុងតែបន្តរីកចំរើននៅទូទាំងប្រទេស ហើយការផ្គត់ផ្គង់ ដែក ស៊ីម៉ងត៍ និងសម្ភារៈសំណង់ក៏នៅតែបន្តកើនឡើង បើទោះស្ថិតក្នុងស្ថានភាពនៃជំងឺកូវីដ១៩៕

The post ក្នុងឆ្នាំ២០២០ ការនាំចូល ដែក ស៊ីម៉ង់ត៍ និងសម្ភារៈសំណង់ មកកម្ពុជាសរុប ៤៧០,០០៨លានដុល្លារ appeared first on .

ដើម្បីគាំទ្រអាជីវកម្ម ទាំងអាជីវកម្មខ្នាតមីក្រូ ខ្នាតតូចនិងធម្យម និងអាជីវកម្មខ្នាតធំ ក្នុងការពង្រឹកលទ្ធភាពទទទួលបានហិរញ្ញប្បទាន ពីគ្រឹះស្ថានហិរញ្ញវត្ថុចូលរួម( PFIs) សម្រាប់ការកៀរគរទុនបង្វិល វិនិយោគនិងការពង្រីកអាជីវកម្ម។ គំនិតផ្តួចផ្តើមនេះ ស្របនឹងគោលនយោបាយរបស់រាជរដ្ឋាភិបាល ក្នុងការគាំទ្រនិរន្តភាពនិងការងើបឡើងវិញនៃសេដ្ឋកិច្ច ក្នុងអំឡុងពេលវិបត្តិកូវីដ១៩។

កញ្ចប់ដំបូងនៃ BRGS នឹងចូលរួមបង្កើនទំហំឥណទានថ្មី នៅក្នុងវិស័យធនាគារ ចំនួន ២០០ លានដុល្លារ សម្រាប់អាជីវកម្មដែលស្នើសុំឥណទានពី PFIs របស់សាជីវកម្មធានាឥណទានកម្ពុជា រួមមាន ធនាគារអេស៊ីលីដា គ្រឹះស្ថានមីក្រូហិរញ្ញវត្ថុ អេ អឹម ខេ ធនាគារអាស៊ា ប៉ាស៊ីហ្វិក ឌីវេឡុបមេន ធនាគារប្រៃសណីយ៍កម្ពុជា ធនាគារកាណាឌីយ៉ា ធនាគារហ្វីលីព និងធនាគារព្រីនស៍។ គម្រោងឥណទាននេះនឹងត្រូវបានផ្តល់ជូនដល់ធនាគារ និងគ្រឹហស្ថានមីក្រូហិរញ្ញវត្ថុមួយចំនួនទៀត ដែលបាននឹងកំពុងរៀបចំខ្លួនដើម្បីក្លាយជា PFIs របស់សាជីវកម្មឥណទានកម្ពុជា។ ការធានាឥណទានរបស់សាជីវកម្មធានាឥណទានកម្ពុជា នឹងដើរតួជាទ្រព្យបញ្ចាំចាប់ពី ៧០% ដល់ ៨០% នៃទំហំឥណទានដែលផ្តល់ដោយ PFIs ដូច្នេះនឹងជួយកាត់បន្ថយតម្រូវការទ្រព្យបញ្ចាំពីអាជីវកម្មដែលស្នើកម្ចី។

រដ្ឋលេខាធិការ និងជាប្រធានក្រុមប្រឹក្សាភិបាលរបស់សាជីវកម្មឥណទានកម្ពុជា លោក រស់ សីលវ៉ា ថ្លែងបញ្ជាក់ថា ការដាក់ឲ្យដំណើរការ BRGS របស់សាជីវកម្មធានាឥណទានកម្ពុជា គឺចំពេលក្នុងការគាំទ្រដល់អាជីវកម្មដែលគ្រោងស្នើសុំឥណទានពី PFIs ក្នុងអំឡុងពេលនៃវិបត្តិកូវីដ១៩នេះ។ លោកថា គម្រោងនេះ នឹងចូលរួមគាំទ្រដល់គោលនយោបាយរក្សាកំណើនសេដ្ឋកិច្ច ប្រកបដោយចីរភាព និងបរិយាបន្នរបស់រាជរដ្ឋាភិបាល និងស្របតាមគោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥-២០២៥។

លោក រស់ សីលវ៉ា បានស្នើរឲ្យធនាគារ និងគ្រឹះស្ថានមីក្រូហិរញ្ញវត្ថុ គាំទ្រដល់សាជីវកម្មធានាឥណទានកម្ពុជាតាមរយៈការចូលរួមជាមួយ PFIs និងពង្រីកអភិបាលកិច្ចឥណទាន។

សូមជម្រាបថា សាជីវកម្មធានាឥណទានកម្ពុជា គឺជាក្រុមហ៊ុនធានាឥណទានមុនដំបូងគេបង្អស់នៅកម្ពុជា ដែលត្រូវបានសម្រេចបង្កើតឡើងដោយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ជាសហគ្រាសសាធារណៈក្រោមអាណាព្យាបាលបច្ចេកទេស និងហិរញ្ញវត្ថុរបស់ក្រសួងសេដ្ឋកិច្ច និងហិរញ្ញវត្ថុ៕

The post ២០០លានដុល្លារ ក្រសួងសេដ្ឋកិច្ច បានដាក់ឱ្យដំណើរការ “គម្រោងធានាឥណទាន ដើម្បីស្តារអាជីវកម្ម” អំឡុងពេលកូវីដ១៩ appeared first on .