ព្រះរាជក្រឹត្យត្រាស់បង្គាប់ដំឡើង និងតែងតាំងខាងលើនេះ ត្រូវបានធ្វើឡើងបន្ទាប់ពីមាន​សេចក្តីក្រាបបង្គំទូលថ្វាយ​របស់ សម្តេច​ធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

ដូច្នេះនៅក្នុងរចនាសម្ព័ន្ធរបស់ CDC បច្ចុប្បន្ននេះគឺ សម្តេចមហាបវរធិបតី ហ៊ុន ម៉ាណែត ជាប្រធាន, ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១, ឯកឧត្តម ឈៀង យ៉ាណារ៉ា ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី២ និង ឯកឧត្តម កែវ រតន: ជាអនុប្រធានទី៣។

សូមជម្រាបថា ឯកឧត្តម កែវ រតនៈ បានក្លាយជារដ្ឋមន្ត្រីក្រសួងរ៉ែ និងថាមពល សម្រាប់នីតិកាលទី៧ នៃរដ្ឋសភា​នេះ បន្ទាប់ពីលោកបានកាន់តំណែងជា អគ្គនាយកអគ្គិសនីកម្ពុជា អស់រយៈពេល ១៥ឆ្នាំ ចាប់តាំងពីឆ្នាំ ២០០៨​មក។ ក្នុងអំឡុងឆ្នាំ ២០០៦ លោកក៏ធ្លាប់កាន់តួនាទីជានាយកខុទ្ទកាល័យក្រសួងរ៉ែ និងថាមពល និងទីប្រឹក្សាផ្ទាល់​សម្តេចតេជោ ហ៊ុន សែន។ បន្ថែមពីនេះ កាលពីថ្ងៃទី ៦ខែកញ្ញា ឆ្នាំ ២០១៨ លោកក៏ត្រូវបាន​តែងតាំង​ជា រដ្ឋមន្ត្រី​ប្រតិភូអមនាយករដ្ឋមន្ត្រី បន្ថែមលើមុខងារអគ្គនាយកអគ្គិសនីកម្ពុជាផងដែរ៕

The post ព្រះមហាក្សត្រ ចេញព្រះរាជក្រឹត្យតែងតាំង ឯកឧត្តម កែវ រតនៈ ជាអនុប្រធានទី៣ នៃក្រុមប្រឹក្សាអភិវឌ្ឍន៍​កម្ពុជា appeared first on .

ការលើកឡើងរបស់ រដ្ឋមន្ត្រីក្រសួងរ៉ែ និងថាមពលកម្ពុជា គឺបន្ទាប់ពីថ្មីៗនេះ ក្រសួងការបរទេសថៃ បានព្រមានកាត់ផ្តាច់ចរន្តអគ្គិសនីដែលលក់ឲ្យកម្ពុជា បើកម្ពុជាមិនព្រមធ្វើតាមការចង់បានរបស់ភាគីថៃលើបញ្ហាព្រំដែន។

លោក កែវ រតនៈ បានគូសបញ្ជាក់បែបនេះថា៖ “ម៉ោងនេះ ថ្មើនេះ កម្ពុជាពុំបានយកភ្លើងពីប្រទេសថៃ ចូលមកកាន់ព្រះរាជាណាចក្រកម្ពុជា នៅក្នុងបណ្តាញជាតិរបស់ប្រទេសទាំងពីរទេ គឺសូន្យ ហើយការមិនយកថាមពលអគ្គិសនីចូលបណ្តាញជាតិនៃប្រទេសទាំងពីរ ដោយសារ កម្ពុជាមានអគ្គិសនីប្រើប្រាស់គ្រប់គ្រាន់។ ប៉ុន្តែមានភូមិខ្លះ ឬតំបន់ខ្លះនៅជិតព្រំដែន មានការប្រើប្រាស់ភ្លើងក្រុមហ៊ុនប្រទេសថៃតិចតួច ដូច្នេះបើខាងថៃកាត់ផ្តាច់ចរន្តអគ្គីសនី យើងនឹងអាចផ្គត់ផ្គង់ដល់ប្រជាពលរដ្ឋខ្លួនឯងបាន”។

ទោះយ៉ាងណា លោករដ្ឋមន្រ្តីបានអំពាវនាវ ទៅកាន់ប្រជាពលរដ្ឋ សូមបងប្អូនទាំងអស់ទូទាំងប្រទេស កុំដុតព័ត៌មាននេះឱ្យទៅជារឿងផ្សេង សូមកុំឱ្យក្លែងពាក្យសម្ដី សូមកុំឱ្យឌឺដងថា យើងមិនត្រូវការគ្នាទៅវិញទៅមក។ នៅក្នុងពិភពលោកយើងនេះ ការភ្ជាប់បណ្ដាញប្រទេសមួយទៅប្រទេសមួយ គឺជាផលចំណេញទាំងអស់គ្នា អាមេរិកក៏ប្រើភ្លើងពីកាណាដា ប្រទេសនៅក្នុងសហគមន៍អឺរ៉ុប ក៏ប្រទាក់ក្រឡាគ្នាទោះបីជាមានតឹងតែងអីក៏នៅតែប្រើភ្លើងទៅវិញទៅមក នៅអាហ្វ្រិកក៏មានបណ្ដាញឆ្លងប្រទេសដូចគ្នា នៅក្នុងអាស៊ានយើងក៏មានផែនការ ដើម្បីភ្ជាប់បណ្ដាញអគ្គិសនីអាស៊ានជាតិដូចគ្នា ជាពិសេសការប្រជុំជំនួបកំពូលអាស៊ានទាំង១០ នៅឯប្រទេសម៉ាឡេស៊ី ធ្វើជាម្ចាស់ផ្ទះអាស៊ានឆ្នាំនេះ ក៏មានការលើកឡើងអំពីការភ្ជាប់បណ្ដាញអគ្គិសនីអាស៊ាន១០ ទាំងអស់គ្នាថ្ងៃអនាគត។ 

លោករដ្ឋមន្ត្រី កែវ រតនៈ បានបន្ថែមថា ដូច្នេះការបំភ្លឺនេះ គ្រាន់តែជាការបំភ្លឺជូនបងប្អូនជនរួមជាតិ ហើយសូមអំពាវនាវកុំឱ្យដុតរឿងទៅជារឿងផ្សេង សូមឱ្យប្រទេសទាំងអស់នៅក្នុងអាស៊ាន មានការសហការណ៍គ្នាជាបន្ត ថៃនិងកម្ពុជា ក៏ត្រូវសហការណ៍គ្នាបន្ត ដើម្បីចំណេញទៅចំណេញមក។ ដូច្នេះបញ្ហានេះ សូមឱ្យបងប្អូនទទួលយកនូវការពិតនេះ ហើយសូមសុំណូមពរ កុំឱ្យមានការផលិតព័ត៌មានក្លែងក្លាយទាំងឡាយ ដែលប្រាសចាកពីការពិត៕

The post រដ្ឋមន្ត្រីក្រសួងរ៉ែ និងថាមពល អះអាងថា កម្ពុជាមានអគ្គិសនីប្រើប្រាស់គ្រប់គ្រាន់ទូទាំងប្រទេស ទោះបីករណីថៃផ្តាច់ចរន្តអគ្គិសនីតំបន់ខ្លះនៅតាមព្រំដែន ក៏កម្ពុជាអាចផ្គត់ផ្គង់បាន appeared first on .

នៅលើវេទិកាពិភាក្សា ស្ដីពី គោលនយោបាយរ៉ែ និងថាមពលនៅកម្ពុជា ដែលរៀបចំដោយក្លឹបអ្នកកាសែតកម្ពុជា​ ឯកឧត្តម កែវ រតនៈ បានលើកឡើថា កាលពីថ្ងៃទី២ ខែវិច្ឆិកា ឆ្នាំ២០២៣នេះ ក្រសួងរ៉ែ បានលើកសំណើរទៅនាយករដ្ឋមន្រ្តី ដោយស្នើដាក់តំបន់ព្រៃឡង់ក្នុងតំបន់ក្រហម។ ជាលទ្ធផល នាយករដ្ឋមន្រី្តបានឯកភាពទាំងស្រុងលើសំណើរនេះក្នុងថ្ងៃដដែល ដែលបានដាក់ស្នើ ។

សំណើរនេះមានគោលបំណងចំនួន៣ គឺទី១ ចាត់ទុកតំបន់ព្រៃឡង់ជាតំបន់ក្រហម ដោយមិនចេញអាជ្ញាបណ្ណធនធានរ៉ែគ្រប់ប្រភេទទៀតនោះទេ លើកលែងតែក្រុមហ៊ុន២ ដែលមានការអនុញ្ញាតិតាំងពីអណត្តិមុន, ទី២ ពិនិត្យលទ្ធភាព កាត់បន្ថយផ្ទៃដីដែលសិក្សារួច និងមិនមានសក្ដានុពលដើម្បីធ្វើអាជីវកម្មធនធានរ៉ែ, ទី៣ មិនអនុញ្ញាតិ ឱ្យមានការពង្រីកផ្ទៃដីដែលមានអាជ្ញាបត្របន្ថែមទៀតនោះទេ។

សូមជម្រាបជូនផងដែរថា តំបន់ព្រៃឡង់គ្របដណ្ដប់លើខេត្តចំនួន៤គឺ ខេត្តកំពង់ធំ ខេត្តព្រះវិហារ ខេត្តក្រចេះ និងខេត្តស្ទឹងត្រែង។ មានផ្ទៃដី ៤៣១៦៨៣ ហិចតា ជាតំបន់ព្រៃបៃតងទំនាបចុងក្រោយបង្អស់របស់អាស៊ីអាគ្នេយ៍៕

អត្ថបទ៖ សុកធា

The post តំបន់ព្រៃឡង់ ប្រកាសដាក់ជាតំបន់ក្រហម មិនផ្ដល់អាជ្ញាបណ្ណថ្មី និងមិនអនុញ្ញាតិឱ្យពង្រីកផ្ទៃដីបន្ថែមលើអាជីវកម្មរ៉ែ appeared first on .