«យើង​សំណូមពរ​ឱ្យ​ក្រុមហ៊ុន​បន្ត​ពង្រឹង និង​ពង្រីក​កិច្ចសហប្រតិបត្តិការ​នេះ​ឱ្យ​​កាន់តែ​ល្អប្រសើរ និង​ស្នើសុំ​បង្កើន​ចំនួន​និស្សិត ឆ្លើយតប​តាម​តម្រូវការ​ធនធានមនុស្ស​ក្នុង​វិស័យ​កសិកម្ម​ដែលមាន​និន្នាការ​កើនឡើង​ជា​លំដាប់ ដើម្បី​ឈានឆ្ពោះ​ទៅធ្វើ​ការអភិវឌ្ឍ​វិស័យ​កសិកម្ម​កម្ពុជា​មាន​ល​ក្ខ​ណ​:​ទំនើបកម្ម ប្រកួតប្រជែង បរិ​យា​ប័ន្ន ធន់​នឹង​ការ​ប្រែប្រួល​អាកាសធាតុ ន​វា​នុ​វត្ត​ន៍ និង​ចូលរួមចំណែក​ទ្រទ្រង់​ខឿនសេដ្ឋកិច្ច​ជាតិ»។ នេះបើតាមប្រសាសន៍ ឯកឧត្តម វេង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ បានថ្លែងក្នុងកិច្ចជំនួបជាមួយក្រុមហ៊ុនអ៊ីស្រាអែល Agrostudies Agriculture Capacity Buildingកាលពីថ្ងៃទី ១៣ ខែ មិថុនា ឆ្នាំ ២០២២។

នាឱកាសនោះ រដ្ឋមន្ត្រី​ក្រសួងកសិកម្ម បានគូសបញ្ជាក់ថា ប្រទេស​អ៊ីស្រាអែល បានផ្តល់​កិច្ចសហការ​យ៉ាង​ល្អប្រសើរ​ជាមួយ​សាកលវិទ្យាល័យ​ភូមិន្ទ​កសិកម្ម (RUA) ក្នុងការ​អភិវឌ្ឍ​ធនធានមនុស្ស​លើ​វិស័យ​កសិកម្ម​តាមរយ​:​ការផ្តល់​ឱកាស​ឱ្យ​​និស្សិត​កម្ពុជា​ឆ្នាំ​ទី​ ៣ បាន​ទៅធ្វើ​កម្មសិក្សា​នៅ​ប្រទេស​អ៊ីស្រាអែល មានរយៈពេល ១៤ឆ្នាំហើយ បើគិតពី​ឆ្នាំ ​២០០៨ រហូតមក​ទល់​បច្ចុប្បន្ន។

 ក្នុងនោះផងដែរ​លោក Yaron Tamir ​នាយក​ប្រតិបត្តិ​ក្រុមហ៊ុន Agrostudies Agriculture Capacity Building ជា​ក្រុមហ៊ុន ដែល​ជ្រើសរើស​និស្សិត​នៅ​សាលា អ៊ីស្រាអែល បាន​លើកឡើងថា ក្រសួងកសិកម្ម តែងតែ​ផ្តល់​កិច្ចសហការ​យ៉ាង​ល្អប្រសើរ​ធ្វើ​ឱ្យ​កម្មសិក្សា​ដែលមាន​អាយុ ១៤ ​ឆ្នាំកន្លងមក​ទទួលបាន​លទ្ធផល​គួរ​ឱ្យ​​កត់សម្គាល់។លោកបានបន្ថែមថា​ នៅចុងខែមិថុនា ឬដើមខែ កក្ដដា នេះ លោកជំទាវ​ឯកអគ្គរដ្ឋទូត​អ៊ីស្រាអែល​នឹង​មក​បំពេញ​ទស្សនកិច្ច​នៅ​កម្ពុជា ឆ្លៀត​យក​ឱកាស​នេះ លោកជំទាវ ក៏មាន​កម្មវិធី​ជួប​ជាមួយ​ឯកឧត្តម​រដ្ឋមន្ត្រី នឹង​ជម្រាបជូន​អំពី​សំណើ​នេះ​ដោយផ្ទាល់​តែម្ដង។

គួរបញ្ជាក់ថា ​ចាប់ពី​ឆ្នាំ​ ២០០៨ ​មកដល់​បច្ចុប្បន្ន​នេះ ​និស្សិត​ដែលទៅ​ការបណ្តុះបណ្តាល​ធនធាន​មនុស្ស​ផ្នែក​កសិកម្ម នៅអ៊ីស្រាអែលនោះមាន​ចំនួនចំនួន ១ ៤៦៩​ នាក់​ហើយ។ ក្នុងឆ្នាំ​ ២០២១ មាន​និស្សិតចំនួន ២០០​ នាក់ ក្នុងនោះ RUA ចំនួន ១៦៥​ នាក់ វិទ្យាស្ថាន​ជាតិ​កសិកម្ម​កំពង់ចាម​ចំនួន ១៨​ នាក់ សាកលវិទ្យាល័យ​ស្វាយរៀង​ចំនួន ១១ ​នាក់ និង​សាកលវិទ្យាល័យ​ហេង សំរិន ត្បូងឃ្មុំ​ចំនួន ៦​ នាក់​៕

The post និស្សិតជំនាញកសិកម្មមានឱកាសកាន់តែខ្ពស់ដើម្បីទៅបន្តការសិក្សានៅប្រទេសអ៊ីស្រាអែល appeared first on .

ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីព្រឹកថ្ងៃទី០២ ខែមិថុនា ឆ្នាំ២០២២ ឯកឧត្តម និងសហការី បានបន្តដំណើរទៅកាន់ភូមិក្រសាំង ឃុំទឹកជ្រៅ ស្រុកតំបែរ ដើម្បីចូលរួម ដាំដើមធុរេន និងប្រមូលផលធុរេន ម្ឃុត និងសាវម៉ាវ ជាមួយកសិករ។

ក្នុងពេលដំណើរទស្សនកិច្ចនោះ ឯកឧត្តមថា «ដោយយោងតាមលោក សុខ ឡេង ដែលជាម្ចាស់ចំការបានបញ្ជាក់ឲ្យដឹងថា តម្លៃធុរេនឆ្នាំនេះមានតម្លៃល្អដូចកាលពីឆ្នាំកន្លងទៅដែរ (១៥ ០០០ រៀល ក្នុងមួយគីឡូក្រាម) ហើយអាចសង្ឃឹមថាអាចប្រមូលផលបានសរុបចំនួន ១០០ តោន»។

គួរបញ្ជាក់ថា កម្ពុជា នាប៉ុន្មានឆ្នាំចុងក្រោយនេះ មានការផ្កត់ផ្គង់ តម្រូវការទីផ្សារធុរេនបានល្អគ្រប់គ្រាន់ណាស់ ព្រោះបច្ចុប្បន្នដំណាំនេះ អាចដាំដុះបាន ច្រើនកន្លែង ក្នុងខេត្ដនានា ក្នុងប្រទេសកម្ពុជា។

សព្វថ្ងៃ គេសង្កេតឃើញ ដំណាំ​ទុរេន ​ត្រូវបាន​ដាំដុះ​ច្រើនជាងគេ​នៅ​ខេត្តកំពត កំពង់ចាម បាត់ដំបង ខេត្តកោះកុង និង​ខេត្តពោធិ៍សាត់ជាដើម។

មិនតែប៉ុណ្ណោះ ពីមួយឆ្នាំទៅមួយឆ្នាំគេសង្កេតឃើញថា ទីផ្សារទុរេននៅកម្ពុជាមានសក្តានុពល និងទទួលបានការគាំទ្រច្រើនពីសាធារណៈជនជាតិ ខណៈក្រសួងកសិកម្ម ក៏បាននិងកំពុងរៀបចំផែនការក្នុងការជំរុញការដាំដុះផ្លែទុរេនដល់ប្រជាពលរដ្ឋ ឲ្យទទួលបានផលខ្ពស់ និងស្របតាមស្តង់ដាគុណភាព ដើម្បីនាំចេញទៅកាន់ទីផ្សារក្រៅប្រទេស ណៈដែល ថៃ វៀតណាម និង ម៉ាឡេស៊ី សម្រុកនាំចេញផ្លែទុរេនយ៉ាងសម្បើមទៅកាន់ទីផ្សារអន្តរជាតិ។

កាលពីពេលកន្លងទៅនេះ រដ្ឋមន្ត្រីក្រសួងកសិកម្ម ក៏ធ្លាប់បង្ហាញការជឿជាក់ថា នៅថ្ងៃអនាគតកម្ពុជាអាចមានលទ្ធភាពគ្រប់គ្រាន់ក្នុងការបង្កបង្កើនផល និងនាំចេញផ្លែទុរេនទៅកាន់ទីផ្សារអន្តរជាតិផងដែរ។

ជាងនេះទៀត ឯកឧត្តម វេង សាខុន ក៏ធ្លាប់បង្ហញក្តីរំពឹងផងដែរថា ទុរេននឹងជួយផ្តល់ប្រាក់ចំណូលខ្ពស់ដល់រដ្ឋក្នុងការទ្រទ្រង់សេដ្ឋកិច្ចជាតិ ប្រសិនបើកសិករដាំដំណាំទុរេនដោយចងជាសហគមន៍ និងអនុវត្តតាមបច្ចេកទេស និងបទដ្ឋានរបស់ក្រសួង៕

The post ម្ចាស់ចំការធុរេនថា៖ ទីផ្សារ​ទុរេន​នៅ​ឆ្នាំនេះ មានតម្លៃល្អដូចឆ្នាំកន្លងទៅដែរ appeared first on .

វិធានបន្ទាន់៤ចំនុច របស់រដ្ឋមន្តី្រក្រសួងកសិកម្ម រុក្ខាប្រមាញ់ និងនេសាទ ណែនាំ​ដល់អង្គភាព​ក្រោម​ឱវាទក្រសួង មន្ទីរ​​កសិកម្ម រុក្ខាប្រមាញ់ និងនេសាទ​រាជធានី ខេត្តទាំងអស់ និងអាជ្ញាធរមូលដ្ឋាន ត្រូវយកចិត្តទុកដាក់អនុវត្ត នោះរួមមាន៖

១.ត្រូវចុះណែនាំកសិករឱ្យយកចិត្តទុកដាក់ពិនិត្យស្រែ និងត្រៀមលក្ខណៈរៀបចំដីស្រែ ជាពិសេស​ត្រូវបិទភ្លឺ និងបូមទឹក​ចេញ​ពីក្នុងស្រែករណីមានការលិចលង់ដោយជំនន់ទឹកភ្លៀងដើមរដូវនេះ។

២.ត្រូវចុះជំរុញឱ្យប្រជាកសិករចាប់ផ្ដើមដាំដុះស្រូវរដូវវស្សាពឹងទឹកភ្លៀងនៅតំបន់ខ្ពស់ ដែលកសិករ​ទម្លាប់ ដាំដុះក្នុងខែ​កក្កដា ឬខែសីហា ឱ្យប្រញាប់ប្រញាល់ដាំដុះ ព្រោះឆ្នាំនេះមិនមានកូនរដូវប្រាំងទេ។

៣.ត្រូវចុះណែនាំបច្ចេកទេសថែទាំដំណាំស្រូវ ដូចជាការប្រើប្រាស់ជីបំប៉ន ថ្នាំកសិកម្ម និងការគ្រប់គ្រង​សមាសភាពចង្រៃ ឱ្យបាន​ទាន់ពេលវេលា និងមានប្រសិទ្ធភាព។

៤.ត្រូវណែនាំកសិករឱ្យត្រៀមឧបករណ៍ សម្ភារៈ និងគ្រាប់ពូជស្រូវ សម្រាប់ដាំ​ដុះស្តារឡើងវិញក្នុង​ករណីមានការ​ខូចខាត​ដំណាំស្រូវដោយសារទឹកជំនន់ ហើយអង្គភាពក្រោមឱវាទក្រសួង និងមន្ទី​រ​កសិ​កម្ម រុក្ខាប្រមាញ់ និងនេសាទរាជធានី ខេត្ត ត្រូវចុះពិនិត្យ និងវាយតម្លៃផលប៉ះពាល់ និងការខូច​ខាត​ដំណាំស្រូវដោយសារទឹកជំនន់ទឹកភ្លៀង ដោយសហការ​ជាមួយ​ស្ថាប័ន​ពាក់ព័ន្ធ និងអាជ្ញាធរ​មូលដ្ឋាន សំដៅ​ជួយអន្តរាគមន៍ដល់កសិករក្រីក្រ និងអ្នកងាយ រងគ្រោះដែលខ្វះលទ្ធភាព​រក​គ្រាប់​​ពូជស្រូវ ដើម្បី​លើកសំណើសុំមកគណៈកម្មាធិការប្រព័ន្ធស្បៀងបម្រុងកម្ពុជា។

ឯកឧត្តម វេង សាខុន បានបញ្ជាក់ថា នៅរដូវវស្សាឆ្នាំ២០២២ ដោយទឹកភ្លៀងបានចាប់ផ្ដើម​ធ្លាក់លឿន​ជាងបណ្តាឆ្នាំមុនៗ និងរាយប៉ាយ​ស្ទើរគ្រប់ តំបន់ដែលបានផ្តល់អំណោយ​ផលដល់​ការដាំដុះដំណាំ​ស្រូវដើមរដូវ។ ហើយគិតត្រឹមថ្ងៃទី២៥ ខែ​ឧសភា កសិករសម្រេចដាំដុះដំណាំស្រូវវស្សាបានចំនួន ៥០២ ៧៩៩ហិកតា ស្មើនឹង១៩,១៩ភាគរយ នៃផែនការ ២៦១៩៥០០ ហិកតា ក្នុងនោះស្រូវស្រាល​ចំនួន ៣១៧ ៦៦៣ហិកតា ស្រូវកណ្តាលចំនួន ៩៩ ៣១១ហិកតា ស្រូវធ្ងន់ចំនួន ៧៩ ០៤៥ ហិកតា ស្រូវចម្ការចំនួន ៦៣៧ហិកតា និងស្រូវឡើងទឹកចំនួន ៦ ១៤៣ហិកតា។ បើប្រៀបធៀបនឹងឆ្នាំ២០២១ ក្នុងរយៈពេលដូចគ្នា ការដាំដុះដំណាំស្រូវវស្សាមានភាពយឺតជាង ព្រោះតំបន់មួយចំនួនលិចទឹក និងជោកជាំពេកមិនអាចភ្ជួររាស់កើត។

ឯកឧត្តម វេង សាខុន បញ្ជាក់ទៀតថា ជាក់ស្ដែង នៅក្នុងខេត្តបន្ទាយមានជ័យ និងខេត្តត្បូងឃ្មុំ បានជួប​ប្រទះ​នឹងគ្រោះជំនន់​ទឹកភ្លៀងនៅ​ដើមរដូវ ដែលធ្វើឱ្យប៉ះពាល់ដល់ដំណាំស្រូវប្រមាណ ៦ ០១៦ហិកតា និងខូចខាតចំនួន ៣៥១៣​ហិកតា ក្នុង​នោះ​​ខេត្តបន្ទាយ មានជ័យមានផ្ទៃដីប៉ះពាល់ចំនួន ៤ ៦៦៤​ហិក​តា និងខូចខាតចំនួន ២ ៣៨០ហិកតា និងខេត្តត្បូងឃ្មុំមានផ្ទៃដី​ប៉ះពាល់ ចំនួន ១ ៣៣៧ហិកតា និងផ្ទៃដី​ខូចខាតចំនួន ១ ១៣៣ហិកតា៕

The post រដ្ឋមន្ត្រីកសិកម្ម ចេញវិធានការបន្ទាន់ ដើម្បីធានាស​ន្តិសុខ​ស្បៀង ខណៈការដាំ​ដុះ​ស្រូវ​វស្សា​ឆ្នាំនេះមានភាពយឺត​យ៉ាវ​ appeared first on .

ក្នុងចំនួនសរុបទាំងអស់នោះ ទិន្នន័យនាំចេញកសិផលរបស់ប្រទេសកម្ពុជា ទៅកាន់ប្រទេសវៀតណាមឈរលេខរៀងទី១ ថៃទី២ ចិនជាទីផ្សារលេខ៣ និងនាំចេញទៅកាន់ប្រទេសចំនួន ៨៧ ផ្សេងទៀត នៅជុំវិញពិភពលោក។

១. ប្រទេសវៀតណាម មានចំនួន ៦៤,១១%

២. ប្រទេសថៃ មានចំនួន ២១,៤៩%

៣. ប្រទេសចិន មានចំនួន ៩,៦៩%

៤. ទៅកាន់គោលដៅប្រទេសចំនួន ៨៧ ផ្សេងទៀតមានចំនួន ៤,៧១% តែប៉ុណ្ណោះ ។

ប្រភព៖ ឯកឧត្ដម វេង សាខុន

The post រយៈពេល៩ខែ កសិផលកម្ពុជានាំចេញចំនួន ៥,៩៣ លានតោន ទៅជុំវិញពិភពលោក ប្រទេសណាទីផ្សារធំជាងគេ? appeared first on .

លោករដ្ឋមន្រ្តី​បាន​កោតសរសើរ និងវាយតម្លៃខ្ពស់ ចំពោះលោកសាស្រ្តាចារ្យវជ្ជបណ្ឌិត គង់ ពិសិដ្ឋ ឯកទេសចក្ខុរោគ ដែលបានជួយធ្វើការវះកាត់ភ្នែកទាំងសងខាង​ក្នុងពេលតែមួយទទួលបានជោគជ័យ ដោយគ្មានស្នាមរបួស កាលពីថ្ងៃទី២៤ ខែកញ្ញា ឆ្នាំ២០២១ ។

បើតាម​លោករដ្ឋមន្រ្តី​ ជំងឺ​ភ្នែកនេះ​ជាកេរដំណែលបន្សល់ទុកមកជាយូរមកហើយ ដែលបានទទួលរងផលប៉ះពាល់នៅក្នុងការបំពេញការងារជាយុវជនកងចល័តក្នុងរបបខ្មែរក្រហម ៣ឆ្នាំ ៨ខែ និង២០ថ្ងៃ ហើយបានរក្សាទុកមកទល់ពេលនេះមានរយៈពេលជាង៤០ឆ្នាំមកហើយ៕

The post ឈឺ​ជាង ៤០ ឆ្នាំ ​​គ្រូពេទ្យ​ខ្មែរ​ម្នាក់​វះកាត់ភ្នែករដ្ឋមន្រ្តី​ក្រសួង​កសិកម្មបានជោគជ័យ appeared first on .

ឯកឧត្តមបាន​លើក​ឡើង​​ ការនាំចេញផលិតផលកសិកម្មរបស់​ប្រទេស​កម្ពុជា​ ៥ ខែ​ដើមឆ្នាំ​២០២១ នេះ សម្រេចបាន ៤.១៣លានតោន ច្រើនជាងឆ្នាំ២០២០ ចំនួន ១.១១លានតោន។ ​

ឯកឧត្តម​បានលើក​ពី​ដំណាំកសិកម្ម​សំខាន់ៗ​ ដែលកម្ពុជា​ធ្វើការ​នាំ​ចេញ​ច្រើន​បំផុត ៥ ខែ​ដើមឆ្នាំ​២០២១​៖

* ការនាំស្រូវចេញបានចំនួន ១.៦លានតោនច្រើនជាងឆ្នាំ២០២០ ចំនួន ៧៥១ ៤៩៦ តោន
* ចំណិតដំឡូងមី ១.២ លានតោន ច្រើនជាងឆ្នាំ២០២០ ចំនួន ២២៣ ៨១៣ តោន
* គ្រប់ស្វាយចន្ទី ០.៨លានតោន ច្រើនជាងឆ្នាំ២០២០ ចំនួន ៦១០ ៥៥៩ តោន
* គ្រប់ពោត ១៣៤ ០៧៩ តោន ច្រើនជាងឆ្នាំ២០២០ ចំនួន ៩៨ ៤៤២ តោន
* សណ្តែកបាយ ១១ ១០០ តោន ច្រើនជាងឆ្នាំ២០២០ ចំនួន ៨ ៣៩០ តោន
* ចេកស្រស់ ១៩៧ ៥៨៨ តោន ច្រើនជាងឆ្នាំ២០២០ ចំនួន ៨១ ០៧៣ តោន
* ផ្លែក្រូចថ្លុង ២១ ១១៨ តោន ច្រើនជាងឆ្នាំ២០២០ ចំនួន ១១ ២១៨ តោន
* ផ្លែស្វាយស្រស់ ១៥២ ០៩០ តោន ច្រើនជាងឆ្នាំ២០២០ ចំនួន ១០៨ ០៤០ តោន
* ដំណាប់ស្វាយ ១០ ៥៥៣ តោន ច្រើនជាងឆ្នាំ២០២០ ចំនួន ៧ ០០១ តោន
* ដូងប្រេង ១៩ ៩១៦ តោន ច្រើនជាងឆ្នាំ២០២០ ចំនួន ៥ ២៤៦ តោន
* ម្រេច ៦ ៧៩៨ តោន ច្រើនជាងឆ្នាំ២០២០ ចំនួន ៤ ២៧៤ តោន
* ម្ទេសស្រស់ ៥៦ ៥០៧ តោន ច្រើនជាងឆ្នាំ២០២០ ចំនួន ២៧ ៥០៨ តោន។

The post ៥ ខែ​ដើម​ឆ្នាំ ២០២១ កម្ពជា​នាំ​ចេញ​ដំណាំ​កសិកម្ម​កើន​ជាង ១ លាន​តោន មាន​ផលិតផល​ ១២ មុខ​ត្រូវ​ប៉ាន់​បំផុត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

នេះយោងបើតាមការលើកឡើងរបស់លោក វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទក្នុងកិច្ចប្រជុំស្តីពីប្រព័ន្ធស្បៀងឆ្នាំ២០៣០ ក្រោមប្រធានបទ (Building Back Better) ក្នុងតំបន់អាស៊ីប៉ាស៊ីហ្វិក រៀបចំដោយធនាគារពិភពលោក នៅព្រឹកថ្ងៃទី២៣ខែមេសានេះ។

លោក វេង សាខុន បានថ្លែងថា ទោះជាយ៉ាងណាក៏ដោយក្នុងបរិកាណ៍នៃការឆ្លងរាលដាលជំងឺកូវីដ-១៩នេះ ក្រសួងក៏បានផ្តោតលើការងារសំខាន់ៗមួយចំនួនទៀត ដែលជាការឆ្លើយតបទៅនឹងបញហាប្រឈមទាំងនេះរួមមាន៖
១-ជំរុញការអភិវឌ្ឍដំណាំស្រូវ ដំណាំសាកវប្បកម្មនិងដំណាំឧស្សាហកម្ម ដោយលើកកម្ពស់ផលិតភាព គុណភាព និងសុវត្ថិភាព ដើម្បីផ្គត់ផ្គង់តម្រូវការប្រើប្រាស់ និងទីផ្សារក្នុងស្រុក តាមរយៈការប្រើប្រាស់ពូជដំណាំមានគុណភាព ការធ្វើពិពិធកម្មប្រភេទដំណាំ ការអនុវត្ត បង្គុំបច្ចេកទេសទំនើប ការលើកកម្ពស់ការអនុវត្តកសិកម្មល្អ និងការផ្តល់សេវាបច្ចេកទេសកសិកម្មថ្មី និងបច្ចេកវិទ្យាវៃឆ្លាតធន់នឹងអាកាសធាតុដល់កសិករ និងសហគមន៍កសិកម្ម។ ពង្រឹងវិធានការការពារដំណាំ អនាម័យ និងភូតគាមអនាម័យ ដើម្បីកាត់បន្ថយការរាតត្បាតសមាសភាពចង្រៃ ព្រមទាំងត្រូវត្រៀមបម្រុងគ្រាប់ពូជដំណាំសម្រាប់ចែកជូនដល់កសិករ ដើម្បីស្តារផលិតកម្មដំណាំនៅតាមតំបន់ដែលរងគ្រោះដោយសារកត្តាធម្មជាតិ។ បន្ថែមលើសពីនេះ ក្រសួងបន្តជួយដល់ប្រជាកសិករតាមគ្រប់រូបភាពសំដៅដល់ការបង្កើតកសិដ្ឋានថ្មីៗ ព្រមទាំងគាំទ្រ និងពង្រីកទំហំផលិតកម្មស្បៀងដែលឆាប់ផ្តល់ផលសម្រាប់ផ្គត់ផ្គង់ជីវភាពរស់នៅរបស់ប្រជាពលរដ្ឋនៅមូលដ្ឋាន។
២-ជំរុញការចិញ្ចឹមសត្វ ធានាការផ្គត់ផ្គង់សាច់ និងផលិតផលសត្វមានគុណភាព អនាម័យ និងសុវត្ថិភាព សម្រាប់បំពេញតម្រូវការហូបចុករបស់ប្រជាពលរដ្ឋ លើកទឹកចិត្តដល់ប្រជាកសិករដែលចិញ្ចឹមសត្វជាលក្ខណៈគ្រួសារឱ្យបង្កើនការចិញ្ចឹមសត្វដែលមានវដ្ដផលិតកម្មខ្លី។ ជំរុញការចិញ្ចឹមសត្វជាលក្ខណៈពាណិជ្ជកម្មឱ្យបង្កើនទុនវិនិយោគបន្ថែមទៀតក្នុងការពង្រីកកសិដ្ឋានចិញ្ចឹមសត្វ និងបង្កើនផលិតកម្មសត្វ។ ជំរុញការផលិតចំណីសត្វ បង្កើនទុនសម្រាប់ការទិញវត្ថុធាតុដើមក្នុងស្រុក ដើម្បីបង្កើនការផលិតចំណីសត្វ ធានានូវគុណភាព សុវត្ថិភាព និងមានតម្លៃសមស្រប។
៣-ជំរុញការអភិវឌ្ឍវារីវប្បកម្មគ្រប់រូបភាពដល់ប្រជាកសិករ និងអ្នកវិនិយោគ ដើម្បីធានាបាននូវការផ្គត់ផ្គង់ត្រី រក្សាបានតុល្យភាពតម្លៃទីផ្សារ ព្រមទាំងធានាបាននូវគុណភាព និងសុវត្ថិភាពដល់អ្នកបរិភោគ បង្កើនការផលិតកូនត្រីពូជឱ្យបានគ្រប់គ្រាន់ ដើម្បីចែកចាយដល់កសិករនៅតំបន់ដែលមានសក្តានុពលក្នុងការធ្វើវារីវប្បកម្ម ផ្តល់ការគាំទ្រទាំងផ្នែកបច្ចេកទេស និងធនធានហិរញ្ញវត្ថុដល់សហគមន៍នេសាទ ដើម្បីបង្កើនប្រាក់ចំណូលបន្ថែម។
៤-រៀបចំកសាងគម្រោង/ផែនការផលិតកម្មស្បៀង ស្របតាមផែនការមេវិស័យកសិកម្មឆ្នាំ២០៣០ និងជំរុញការអនុវត្តផែនការសកម្មភាពនេះ ដើម្បីបង្កើនផលិតកម្មស្បៀងអាហារ (បន្លែ ផ្លែឈើ ត្រី សាច់) សម្រាប់ផ្គត់ផ្គង់សេចក្តីត្រូវការហូបចុកក្នុងប្រទេសឱ្យបានគ្រប់គ្រាន់ក្នុងបរិការណ៍នៃជំងឺកូវីដ-១៩នេះ។
ជាថ្មីម្តងទៀត ក្នុងនាមរាជរដ្ឋាភិបាលនៃព្រះរាជាណាចក្រកម្ពុជា ខ្ញុំសូមថ្លែងអំណរគុណយ៉ាងជ្រាលជ្រៅចំពោះធនាគារពិភពលោក អង្គការស្បៀងនិងកសិកម្មនៃសហប្រជាជាតិ លេខាធិការដ្ឋានអាស៊ាន ព្រមទាំងបណ្តាប្រទេសជាមិត្ត ដែលមានវត្តមានក្នុងកិច្ចប្រជុំតុមូលនេះ ដែលជានិច្ចជាកាលបានខិតខំនិងសហការយ៉ាងល្អក្នុងការធានាបាននូវប្រព័ន្ធស្បៀងសម្រាប់ប្រទេសរៀងខ្លួនៗ ដើម្បីរួមចំណែកដល់ការធានាបាននូវសន្តិសុខស្បៀងជាសាកល៕

សូមចុចអានអត្ថបទខាងក្រោម៖

The post កម្ពុជានៅមានបញ្ហាប្រឈមមួយចំនួនក្នុងការអភិវឌ្ឍ វិស័យកសិកម្មដែលពុំទាន់ដោះស្រាយបានល្អប្រសើរ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

កាលពីថ្ងៃទី២០ ខែមេសា ឆ្នាំ២០២១ កន្លងទៅថ្មីៗនេះ ក្រសួងកសិកម្ម រុក្ខាប្រមាញ់ និងនេសាទ បានទទួលវ៉ាក់សាំងជំងឺអ៊ុតក្តាម FMD ចំនួន ១០០ ០០០ (មួយសែន) ដូស បន្ថែមទៀត ដែលជាការផ្តល់មកកម្ពុជាក្នុងដំណាក់កាលទី២ ។

លោក វេង សាខុន បានឲ្យដឹងថា វ៉ាក់សាំងជំងឺសាទឹក និងអ៊ុតក្តាមនេះត្រូវបានផលិតយ៉ាងពិសេសសម្រាប់លក្ខខ័ណ្ឌអាកាសធាតុនៃប្រទេសកម្ពុជា ដូច្នេះយើងមានជំជឿជាក់យ៉ាងមុតមាំថាវ៉ាក់សាំងទាំងនេះនឹងមានប្រសិទ្ធភាព និងគុណភាពល្អបំផុតដែលមិនធ្លាប់មានពីមុនមក។

សូមបញ្ជាក់ផងដែរថា កាលពីថ្ងៃទី១២ ខែមករា ឆ្នាំ ២០២១ ក្រសួងកសិកម្ម រុក្ខាប្រមាញ់ និងនេសាទ បានទទួល វ៉ាក់សាំងជម្ងឺសាទឹក ពីក្រសួងកសិកម្ម និងកិច្ចការជនបទ នៃសាធារណរដ្ឋប្រជាមានិតចិន ចំនួន ១០០ ០០០(មួយសែន) ដូស រួចមកហើយ ដែលជាការផ្តល់ដំណាក់កាលទី១ ។ រហូតមកដល់ពេលនេះវ៉ាក់សាំងជម្ងឺសាទឹក ដែលទទួលបានក្នុងដំណាក់កាលទី១ អគ្គនាយកដ្ឋានសុខភាពសត្វ និងផលិតកម្មសត្វ បានបើកផ្តល់និងចាក់វ៉ាក់សាំងដល់សត្វគោក្របីរបស់កសិករនៅតាមបណ្តារាជធានី/ខេត្ត អស់ចំនួន ៤៧ ០០០ ដូស រួចហើយ៕

The post រដ្ឋាភិបាលចិន ផ្តល់វ៉ាក់សាំងជំងឺសាទឹក និងអ៊ុតក្តាម ចំនួន ២សែនដូសដល់កម្ពុជា appeared first on .

ឯកឧត្តម វេង សាខុន បានបញ្ជាក់តាមទំព័រហ្វេសប៊ុកផ្លូវការរបស់ឯកឧត្តមដូច្នេះថា« រដូវប្រមូលផល ដំឡូងបារាំង នៅខេត្តមណ្ឌលគីរី នាឆ្នាំ២០២០ នេះ ។ សូមបញ្ជាក់ថា៖ កន្លងមក សាកលវិទ្យាល័យភូមិន្ទកសិកម្មបាននាំយកពូជដំទ្បូងបារាំងផ្សេងៗ ពីប្រ​ទេស​​​មួយចំនួនដូចជា ប្រទេសអាល្លឺម៉ង់៤ពូជ ប្រទេសអៀកទ្បង់៤ពូជ ប្រទេសកូ​រ៉េ១៣​ពូជ និងប្រទេសវៀតណាម២ពូជ ។ តាមរយៈ លទ្ធផលនៃការ​ពិសោធន៍ស្រាវជ្រាវ កន្លង​មក របស់សកលវិទ្យាល័យភូមិន្ទកសិកម្ម បានបង្ហាញឲ្យឃើញថា ពូជដំឡូងបារាំង ដែលសមស្រប សម្រាប់ខេត្តមណ្ឌលគិរី មាន៣ពូជ ដូចខាងក្រោមៈ១. ពូជ Tornado នាំចូលពី ប្រទេសអៀកឡង់២. ពូជ Madeira និង ពូជ Coronada នាំចូលពី ប្រទេស​អាល្លឺម៉ង់៣. ពូជ PO3 និង ពូជ PO7 នាំចូលពី ប្រទេសវៀតណាម»។

រដ្ឋមន្រ្តីក្រសួងកសិកម្មរូបនេះ បានអះអាងថា ចំពោះទិន្នផលអាចទទួលបាននៃការដាំ​ដុះប្រភេទពូជ​ទាំង៣នេះអាចទទួលបានផលពី ១៣តោន ទៅ ២៥តោន ក្នុងមួយហិច​តាឯណោះ។

ដោយទ្បែកពូជដទៃទៀត ឯកឧត្តម វេង សាខុន ក៏បានឲ្យដឹងដែរថា សាកលវិទ្យា​ល័យកំពុងធ្វើការតាមដាននៅទ្បើយ រង់ចាំពិនិត្យមើលលទ្ធផលនៅ​ពេលក្រោយបន្ត​ទៀត ទើបអាចធ្វើសេចក្តីសន្និដ្ឋាន ។

ជាមួយគ្នានោះរបស់ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេ​សាទបាន​រៀបរាប់​បន្ថែម អំពីរដូវកាលដាំដុះនៃពូជទាំង៣នេះដែរថា យើងបាន​ពិនិត្យ​ឃើញថា រដូវដែលអាចដាំដុះបានគឺនៅ ចន្លោះពីចុងខែកញ្ញា ដល់ សប្តាហ៍ទី២ នៃ​ខែធ្នូ។ តែសមស្របបំផុត គឺចាប់ពី ពាក់កណ្តាលខែតុលា ដល់ ខែវិច្ឆិកា៕ អត្ថបទ៖ សិរីការ

The post ឯកឧត្តម វេង សាខុន៖ ពូជដំឡូង​បារាំង៣​ប្រ​ភេទ ដែលសមស្របដាំ​ដុះ​ក្នុង​ខេត្តមណ្ឌលគិរី appeared first on .

ជាក់ស្តែង រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម វេង សាខុន បានឲ្យដឹងតាមរយៈទំព័រហ្វេសប៊ុកផ្លូវការរបស់ឯកឧត្តមថា សមាជិកសហគមន៍កសិកម្ម ផលិត​ដំឡូងមី ចំនួន៨ ក្នុងខេត្តព្រះវិហារ កំពុងមមាញឹកយ៉ាងខ្លាំងក្នុងការប្រមូលផលដំណាំដំឡូងមី លក់ជូនក្រុមហ៊ុនតាមកិច្ចសន្យា ដោយភាពសប្បាយរីករាយ។

ឯកឧត្តម វេង សាខុន បានបញ្ជាក់បន្តថា តម្លៃទីផ្សារដំឡូងមីក្នុងខេត្តព្រះវិហារ នៅឆ្នាំនេះ ល្អប្រសើរជាងឆ្នាំកន្លងទៅ។ ជាងនេះទៀត ឯកឧត្តមថា បើតាមរបាយការណ៍លទ្ធផល សម្រេចបានក្នុងការផលិត និងការនាំចេញផលិតផលដំឡូងមីកម្ពុជាទៅកាន់ទីផ្សារអន្តរជាតិ នៅក្នុងឆ្នាំ២០១៩ កន្លងទៅ កម្ពុជាបានប្រមូលផលដំឡូងមី ប្រមាណ ១៤ លានតោន លើផ្ទៃដីជិត៧០ម៉ឺនហិកតា។

រដ្ឋក្រសួងកសិកម្ម រុក្ខាប្រមាញ់ និងនេសាទរូបនេះ បានបញ្ជាក់ដែរថា សម្រាប់ឆ្នាំ ២០១៩ នេះដែរ កម្ពុជាទទួលបានប្រាក់ចំណូលសរុបជាង ៤១២ លានដុល្លារអាមេរិក ពីការនាំចេញផលិតផលដំឡូងមី ទៅកាន់ទីផ្សារអន្តជាតិ៕
អត្ថបទ៖ សិរីការ

The post ឯកឧត្តម វេង សាខុន៖ ការនាំចេញកសិផលដំឡូងមី នៅឆ្នាំ២០១៩ បាន​ចំណូលជាង៤១២ លានដុល្លារ appeared first on .