ឯកសារស្រាវជ្រាវដែលមានចំណងជើងផលប៉ះពាល់សេដ្ឋកិច្ចនៃពន្ធគយរបស់សហរដ្ឋអាមេរិកមកលើប្រទេសកម្ពុជានេះត្រូវបានចងក្រងដោយមានការគាំទ្រពីវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា។ ឯកសារនេះពិនិត្យលើករណីកម្រិតពន្ធគយចំនួនបីគឺទាប(១០%)មធ្យម (១៩%)និងខ្ពស់(៣៦%)និងផលប៉ះពាល់របស់វាដល់កំណើនសេដ្ឋកិច្ច ការងារ ភាពក្រីក្រ និងហិរញ្ញវត្ថុរបស់រដ្ឋាភិបាល នៃប្រទេសកម្ពុជា។ ការវិភាគបង្ហាញថាពន្ធគយ ១៩%ជាក់ស្តែងនាពេលបច្ចុប្បន្ន ដែលសម្រេចបានពីការចរចាទ្វេភាគីក្នុងខែសីហា ឆ្នាំ២០២៥នេះ នឹងមានផលប៉ះពាល់តិចតួចលើប្រទេសកម្ពុជាក្នុងរយៈពេលប៉ុន្មានឆ្នាំខាងមុខនេះ។

របាយការណ៍ដដែលបង្ហាញទៀតថា ស្ថានភាពនៅតែមិនច្បាស់លាស់ និងផុយស្រួយ។ ពន្ធគយខ្ពស់នឹងពន្យឺតកំណើនសេដ្ឋកិច្ចជិត១ភាគរយធ្វើឱ្យពលរដ្ឋប្រមាណ១00 000អត់ការងារធ្វើ និងបង្កើនអត្រាភាពក្រីក្រលើសពី១ភាគរយ ដែលអាចទាញថយក្រោយនូវការវិវត្តថ្មីៗរបស់ប្រទេសក្នុងការកាត់បន្ថយភាពក្រីក្រ។ ផលប៉ះពាល់នឹងធ្ងន់ធ្ងរជាពិសេសសម្រាប់កម្មករក្នុងវិស័យកាត់ដេរ និងអេឡិចត្រូនិច ដែលអាចនាំដល់ការផ្លាស់ប្តូរទៅវិស័យដែលមានប្រាក់ចំណូលទាបជាងមុនដូចជាវិស័យកសិកម្ម និងសេវាកម្មទូទៅ។

សេដ្ឋវិទូរបស់ ADB ប្រចាំប្រទេសកម្ពុជា លោកបណ្ឌិត Milan Thomas ជាអ្នកដឹកនាំចងក្រងឯកសារស្រាវជ្រាវនេះមានប្រសាសន៍ថា “មន្ត្រីជំនាញរបស់រាជរដ្ឋាភិបាលនិងវិស័យឧស្សាហកម្មកំពុងបន្តតាមដានស្ថានការណ៍យ៉ាងដិតដល់ក្នុងរយៈពេលជាច្រើនខែ។ ការវិភាគរបស់ពួកគាត់បង្ហាញថាពន្ធគយខ្ពស់ដែលបានដាក់កាលពីដើមឆ្នាំអាចជាបន្ទុកសេដ្ឋកិច្ចដ៏ធ្ងន់។ ប៉ុន្តែអត្រាពន្ធ ១៩%ក្នុងពេលបច្ចុប្បន្នគឺមិនអីទេ”។

ឯកសារស្រាវជ្រាវប្រើប្រាស់គំរូសិក្សាសេដ្ឋកិច្ចរបស់មជ្ឈមណ្ឌលសិក្សាគោលនយោបាយរបស់សាកលវិទ្យាល័យ Victoria និងទិន្នន័យអង្កេតគ្រួសារចុងក្រោយបង្អស់ពីវិទ្យាស្ថានជាតិស្ថិតិរបស់កម្ពុជា។ ឯកសារស្រាវជ្រាវនេះផ្តល់ជាអនុសាសន៍ថា បើមានស្ថានភាពនៃការដំឡើងពន្ធគយ វិធានការសង្គ្រោះ បណ្តោះអាសន្ន រួមមានជំនួយសង្គម សេវាកម្មការងារ និងកម្មវិធីបណ្តុះបណ្តាល អាចត្រូវបានពង្រឹងដើម្បីសម្រួលការប្រែប្រួលទីផ្សារការងារ និងការពារពលរដ្ឋដែលងាយរងគ្រោះ។ ក្នុងរយៈពេលវែងជាងនេះ ការវិនិយោគដែលកំពុងបន្ត លើសមត្ថភាពប្រកួតប្រជែងផ្នែកសេដ្ឋកិច្ច តាមរយៈហេដ្ឋារចនាសម្ព័ន្ធ មូលធនមនុស្ស និងកំណែទម្រង់អាជីវកម្ម នឹងកសាងភាពធន់របស់កម្ពុជាសម្រាប់វិបត្តិនាពេលអនាគត៕

The post ADB បង្ហាញឯកសារស្រាវជ្រាវគោលនយោបាយពិនិត្យមើលផលប៉ះពាល់លើភាពក្រីក្រនៃពន្ធគយរបស់អាមេរិកលើទំនិញនាំចូលពីកម្ពុជា appeared first on .

យោងតាមរបាយការណ៍របស់ ADB បានបង្ហាញឱ្យដឹងនៅថ្ងៃទី២៧ ខែឧសភានេះថា សេដ្ឋកិច្ចកម្ពុជាមានកំណើនជាមធ្យម ៧% ក្នុងមួយឆ្នាំក្នុងអំឡុងឆ្នាំ២០១០-២០១៩ ដែលធ្វើឱ្យកម្ពុជាក្លាយជាប្រទេសមួយដែលមានសេដ្ឋកិច្ចរីកចម្រើនលឿនបំផុតនៅលើពិភពលោក។កំណើនយ៉ាងឆាប់រហ័សនេះ អាចសម្រេចទៅបានដោយសារតែស្ថិរភាពម៉ាក្រូសេដ្ឋកិច្ច ការបើកចំហចំពោះការធ្វើពាណិជ្ជកម្ម និងការវិនិយោគផ្ទាល់ពីបរទេស និងអន្តរកម្មរចនាសម្ព័ន្ធ។

របាយការណ៍ដដែលបានឱ្យដឹងទៀតថា ADB គឺជាប្រភពជំនួយអភិវឌ្ឍន៍ផ្លូវការដ៏ធំបំផុតមួយរបស់កម្ពុជាដោយផ្តល់ប្រាក់កម្ចីប្រចាំឆ្នាំជាមធ្យមចំនួន ៣២៩,៨ លានដុល្លារពីឆ្នាំ២០១៦ ដល់ឆ្នាំ២០២១។ ការគាំទ្ររបស់ ADB គឺស្របតាមផែនការយុទ្ធសាស្ត្រ អភិវឌ្ឍន៍ជាតិ២០១៩-២០២៣ របស់កម្ពុជា។ ADB បានជួយរដ្ឋាភិបាលកម្ពុជាក្នុងការឆ្លើយតបជាបន្ទាន់ទៅនឹងជំងឺរាតត្បាត (កូវីដ-១៩) តាមរយៈ កម្មវិធីពង្រឹងប្រព័ន្ធគាំពារសុខភាពរបស់ប្រទេស បង្កើនជំនួយសង្គមដល់ជនក្រីក្រ និងជនងាយរងគ្រោះ និងផ្តល់កម្លាំងជំរុញសេដ្ឋកិច្ចដល់អាជីវកម្ម រួមទាំងសហគ្រាសធុនតូច និងមធ្យម។ ADB បានសន្យាផ្តល់ប្រាក់កម្ចីចំនួន ៣២៧,១ លានដុល្លារក្នុងឆ្នាំ ២០២១ ដើម្បីគាំទ្រដល់កិច្ចខិតខំប្រឹងប្រែងរបស់រដ្ឋាភិបាល ក្នុងការឆ្លើយតបទៅនឹងការរាតត្បាតនៃជំងឺរាតត្បាតកូវីដ-១៩ តាមរយៈការអភិវឌ្ឍបន្ថែមទៀតនូវសមត្ថភាពប្រព័ន្ធសុខភាពស្នួល ដើម្បីឆ្លើយតបនឹងការគំរាមកំហែងសុខភាពសាធារណៈ ការបង្កើនបរិយាបន្នហិរញ្ញវត្ថុ និងការទទួលបានហិរញ្ញប្បទានសមរម្យដោយសហគ្រាសមីក្រូ តូច និងមធ្យម (MSMEs) និងការកែលម្អផ្លូវជាតិ និងផ្លូវខេត្ត និងសេវាក្នុងទីក្រុង។

របាយការណ៍ខាងលើបានបន្តទៀតថា គិតមកត្រឹមថ្ងៃទី ៣១ ខែធ្នូ ឆ្នាំ ២០២៤ ADB បានសន្យាផ្តល់ប្រាក់កម្ចី ជំនួយឥតសំណង និងជំនួយបច្ចេកទេសចំនួន ៣៥០ គម្រោង ដែលមានតម្លៃសរុប ៥,២ ពាន់លានដុល្លារដល់កម្ពុជា។ គម្រោងជាមួយវិស័យសាធារណៈរបស់ ADB នៅកម្ពុជាសម្រាប់ពេលបច្ចុប្បន្ន រួមមានកម្ចីចំនួន ៣៣ គម្រោង និងជំនួយឥតសំណងចំនួន ៩ គម្រោង ដែលមានតម្លៃសរុប ២,០៨ ពាន់លានដុល្លារ។

ជាមួយគ្នានេះ ក្នុងឆ្នាំ២០២៤ ADB បានសន្យាផ្តល់ប្រាក់កម្ចី និងជំនួយឥតសំណងសរុបចំនួន ៤០៣ លានដុល្លារ ហើយបានកៀរគរសហហិរញ្ញប្បទាន បន្ថែម ១៤៣ លានដុល្លារ សម្រាប់គម្រោងចំនួន ៦ នៅក្នុងប្រទេសកម្ពុជា។  រហូតមកទល់ពេលនេះ ADB បានសន្យាផ្តល់ប្រាក់កម្ចី ជំនួយឥតសំណង និងជំនួយផ្នែកបច្ចេកទេស ក្នុងវិស័យសាធារណៈចំនួន ៣១៩ ដែលមានទឹកប្រាក់សរុបចំនួន ៤,២ ពាន់លានដុល្លារដល់ប្រទេស កម្ពុជា។ ការផ្តល់ប្រាក់កម្ចី និងជំនួយឥតសំណងសរុបដល់កម្ពុជាមានចំនួន ២,៨៤ ពាន់លានដុល្លារ។ ទឹកប្រាក់ទាំងនេះត្រូវបានផ្តល់ហិរញ្ញប្បទានដោយធនធានមូលធនទៀងទាត់ និងធម្មតាជាសម្បទាន មូលនិធិអភិវឌ្ឍន៍អាស៊ី និងមូលនិធិពិសេសផ្សេងទៀត៕

អត្ថបទ៖ ស៊ីណាត

The post ADB ជាប្រភពជំនួយអភិវឌ្ឍន៍ផ្លូវការដ៏ធំបំផុតមួយរបស់កម្ពុជា ដោយផ្តល់ប្រាក់កម្ចីប្រចាំឆ្នាំជាមធ្យមជាង៣០០លានដុល្លារ appeared first on .

ប្រធាន ADB លោក Masato Kanda បានមានប្រសាសន៍ថា «ជាមួយនឹងការកើនឡើងនូវទំហំផ្តល់ហិរញ្ញវត្ថុរបស់យើង និងការផ្តោតជាយុទ្ធសាស្រ្តកាន់តែជាក់លាក់ ADB កំពុងប្រែក្លាយការប្តេជ្ញាចិត្តទៅជាលទ្ធផលជាក់ស្តែង។ យើងកំពុងផ្តល់ហិរញ្ញប្បទានគាំទ្រប្រភពថាមពល និងប្រព័ន្ធដឹកជញ្ជូនដែលមានតម្លៃសមរម្យ និងមានប្រសិទ្ធភាពជាងមុន ទ្រទ្រង់ដល់វិស័យឯកជនប្រកបដោយសក្តានុពលដែលបង្កើតការងារមានគុណភាព ព្រមទាំងពង្រឹងសេវាមូលដ្ឋានក្នុងវិស័យអប់រំ សុខាភិបាល និងកិច្ចការពារសង្គម។ រួមគ្នាជាមួយដៃគូរបស់យើង ADB កំពុងកសាងអនាគតដ៏ភ្លឺស្វាងសម្រាប់មនុស្សជំនាន់ក្រោយនៅអាស៊ី និងប៉ាស៊ីហ្វិក។»

ថវិកាចំនួន ២៤,៣ ពាន់លានដុល្លារនោះ រួមមានប្រាក់កម្ចី ជំនួយឥតសំណង ការវិនិយោគទុន ការធានា និងជំនួយបច្ចេកទេស ដែលផ្តល់ដល់រដ្ឋាភិបាល និងវិស័យឯកជន។

បន្តពីការផ្តល់ការងារផ្ទាល់ប្រមាណ ១ លានការងារក្នុងឆ្នាំ ២០២៤ ADB បានសន្យាផ្តល់ថវិកាចំនួន ៤,៨ ពាន់លានដុល្លារ តាមរយៈគម្រោង និងកម្មវិធីគាំទ្រវិស័យឯកជនរបស់ខ្លួន ដែលបានកើនឡើង ២៨,៥% ពីឆ្នាំ ២០២៣។ កិច្ចសហប្រតិបត្តិការជាមួយរដ្ឋាភិបាល ស្ថាប័នហិរញ្ញវត្ថុ និងវិនិយោគិនបានគាំទ្រដល់បរិយាកាសធុរកិច្ច ពង្រីកទីផ្សារមូលធនកាន់តែទូលំទូលាយ និងបង្កើនការធ្វើពាណិជ្ជកម្ម។

របាយការណ៍នេះក៏បានកត់ត្រាពីការវិវត្តរបស់ ADB ដើម្បីក្លាយជាធនាគារអភិវឌ្ឍន៍កាន់តែធំ កាន់តែប្រសើរ និងមានប្រសិទ្ធភាពជាងមុន។ ចំណុចសំខាន់ៗរួមមាន កំណែទម្រង់ការគ្រប់គ្រងមូលធន ដែលនឹងអនុញ្ញាតឱ្យ ADB ពង្រីកប្រតិបត្តិការរបស់ខ្លួន ៥0% បន្ថែម ក្នុងរយៈពេលមួយទសវត្សរ៍ក្រោយនេះ ការធ្វើបច្ចុប្បន្នភាពគន្លឹះនៃយុទ្ធសាស្រ្តរួមរបស់ស្ថាប័ន និងការបន្ថែមថវិកាចំនួន ៥ ពាន់លានដុល្លារសម្រាប់មូលនិធិអភិវឌ្ឍន៍អាស៊ី ដែលជាប្រភពហិរញ្ញប្បទានឥតសំណងដ៏ធំបំផុតរបស់ ADB សម្រាប់ប្រតិបត្តិការនៅក្នុង ប្រទេសសមាជិកកំពុងអភិវឌ្ឍន៍ ដែលមានតម្រូវការខ្ពស់ និង ងាយរងគ្រោះបំផុតរបស់ខ្លួន។

ADB ក៏បានបែងចែកការគាំទ្រផ្នែកហិរញ្ញវត្ថុ និងចំណេះដឹងជាច្រើនក្នុងឆ្នាំ២០២៤ ដើម្បីបង្កើតប្រព័ន្ធផលិតកម្មស្បៀងប្រកបដោយផលិតភាពនិងធន់ជាងមុន កាត់បន្ថយផលប៉ះពាល់ដែលបង្កការខូចខាតពីព្រឹត្តិការណ៍អាកាសធាតុអាក្រក់ និងបង្វែរទិសការរិចរិលបរិស្ថាន និងការបាត់បង់ជីវចម្រុះ។

ADB បានជួយ ប្រទេសសមាជិកកំពុងអភិវឌ្ឍន៍ ដើម្បីអនុវត្តកំណែទម្រង់សំខាន់ៗ សំដៅកែលម្អការគ្រប់គ្រងហិរញ្ញវត្ថុសាធារណៈ ដោះស្រាយហានិភ័យសារពើពន្ធ និង ជំរុញការអភិវឌ្ឍនសង្គម និងសេដ្ឋកិច្ចតាមរយៈការកៀរគរធនធាន និងថវិកាក្នុងស្រុកឱ្យកាន់តែប្រសើរឡើង។

ADB គឺជាធនាគារអភិវឌ្ឍន៍ពហុភាគីឈានមុខគេមួយដែលគាំទ្រកំណើនប្រកបដោយនិរន្តរភាព បរិយាបន្ន និងភាពធន់ នៅទូទាំងអាស៊ី និងប៉ាស៊ីហ្វិក។ ក្នុងកិច្ចសហការជាមួយសមាជិក និងដៃគូរបស់ខ្លួនដើម្បីដោះស្រាយបញ្ហាប្រឈមដ៏ស្មុគស្មាញរួមគ្នា ADB ប្រើប្រាស់មធ្យោបាយហិរញ្ញវត្ថុប្រកបដោយនវានុវត្តន៍ និងភាពជាដៃគូយុទ្ធសាស្ត្រ ដើម្បីលើកកម្ពស់ជីវិតរស់នៅ កសាងហេដ្ឋារចនាសម្ព័ន្ធប្រកបដោយគុណភាព និងការពារភពផែនដីរបស់យើង។ បង្កើតឡើងក្នុងឆ្នាំ ១៩៦៦ ADB គ្រប់គ្រងដោយសមាជិកចំនួន ៦៩ ដែលក្នុងនោះមាន ៤៩ស្ថិតក្នុងតំបន់អាស៊ី និងប៉ាស៊ីហ្វិក៕ដោយ:សុភក្ត្រា

The post ឆ្នាំ២០២៤ ADB ផ្តល់ថវិកាចំនួន ២៤,៣ ពាន់លានដុល្លារសម្រាប់ការអភិវឌ្ឍនៅអាស៊ី និងប៉ាស៊ីហ្វិក appeared first on .

លោកស្រី Jyotsana Varma នាយិកា ធនាគារអភិវឌ្ឍន៍អាស៊ីប្រចាំកម្ពុជា (ADB) បានថ្លែងដូច្នេះក្នុងពិធីសម្ពោធដាក់ឱ្យប្រើប្រាស់ជាផ្លូវការកំពង់ផែទេសចរណ៍អន្តរជាតិកំពត តម្លៃ១០លានដុល្លារ កាលពីថ្ងៃទី២១ ខែមេសាឆ្នាំ២០២៥ ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

លោកស្រីបានឱ្យដឹងថា បច្ចុប្បន្ន ADB បាននិងកំពុងអនុវត្តគម្រោងចំនួន៣២ ដែលមានតម្លៃសរុបចំនួន ២.២ពាន់លានដុល្លារ ដោយធ្វើការលើវិស័យកសិកម្ម ការគ្រប់គ្រងធនធានទឹក ហេដ្ឋារចនាសម្ព័ន្ធអភិវឌ្ឍន៍ទីក្រុង វិស័យអប់រំ ការអភិវឌ្ឍន៍ជំនាញ ថាមពល ហិរញ្ញវត្ថុ និងការគ្រប់គ្រងហិរញ្ញវត្ថុសាធារណៈ។

លោកស្រីបានបញ្ជាក់ថា មកទល់ពេលនេះ ADB បានផ្តល់កម្ចីសម្បទាន ជំនួយឥតសំណងជំនួយបច្ចេកទេស និងហិរញ្ញប្បទាន សម្រាប់វិស័យឯកជនក្នុងទឹកប្រាក់ជាង៥ពាន់លានដុល្លារអាមេរិកដល់កម្ពុជា៕

The post ADB មានគម្រោងអភិវឌ្ឍន៍ប្រមាណ២០ គម្រោងទៀត រយៈពេល៣ឆ្នាំ ដែលមានតម្លៃជាង ១ពាន់លានដុល្លារ appeared first on .

កិច្ចពិភាក្សានេះ បានធ្វើឡើងកាលថ្ងៃទី២៥ ខែមីនា ឆ្នាំ២០២៥ ក្រោមវត្តមាន លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងគណៈប្រតិភូធនាគារអភិវឌ្ឍន៍អាស៊ី (Asian Development Bank – ADB ) ដឹកនាំដោយ លោក Anthony Gil ប្រធានស្តីទីការិយាល័យតំណាង ADB ប្រចាំនៅកម្ពុជា, លោក Sion Mortin តំណាងក្រុមការងារមកពីទីស្នាក់ការកណ្តាលធនាគារ ADB ។

តាមរយៈជំនួបនោះ ភាគីទាំងពីរ បានពិភាក្សាផ្លាស់ប្តូរយោបល់ជុំវិញ ការត្រៀមរៀបចំវេទិកាទាក់ទងនឹងពាណិជ្ជកម្មប្រកបដោយចីរភាពរបស់ADB ដែលនឹងប្រព្រឹត្តឡើងនាពេលខាងមុខ, និយាមការថ្មីៗសម្រាប់ការតាក់តែង ឬកំណែទម្រង់ច្បាប់ និងគោលនយោបាយនានាឱ្យស្របតាមនិន្នាការសកល និងកត្តាពាក់ព័ន្ធផ្សេងទៀតដើម្បីជំរុញលើកកម្ពស់បរិយាកាសវិនិយោគ បង្កើនភាពប្រកួតប្រជែង និងទាក់ទាញវិនិយោគថ្មីៗ ឱ្យជ្រើសរើសកម្ពុជាជាទីតាំងបោះទុនក្នុងបរិការណ៍ពិភពលោក និងស្ថានភាពភូមិសាស្ត្រនយោបាយនាពេលបច្ចុប្បន្ន។

នាឱកាសនោះ លោក ស៊ុន ចាន់ថុល បានលើកឡើងអំពីច្បាប់ស្តីពីវិនិយោគកម្ពុជា ខណៈដែលត្រូវបានទទួលស្គាល់ថាជាច្បាប់វិនិយោគសេរី និងប្រកបដោយការលើកទឹកចិត្តខ្ពស់សម្រាប់វិនិយោគិន បើធៀបទៅនឹងច្បាប់វិនិយោគ នៃបណ្តាប្រទេសនានានៅក្នុងតំបន់ ប៉ុន្តែកម្ពុជាក៏នៅតែមានតម្រូវការជាចាំបាច់ក្នុងការអភិវឌ្ឍគុណសម្បត្តិវិស័យពាក់ព័ន្ធសំខាន់ៗផ្សេងទៀត ដើម្បីលើកកម្ពស់ភាពប្រកួតប្រជែងសម្រាប់ការវិនិយោគផ្ទាល់ពីបរទេស (Foreign Direct Investment – FDI)។

លោក សង្ឃឹមថា តាមរយៈជំនួបនេះ ADB នឹងបន្តផ្តល់កិច្ចសហការឱ្យកាន់តែរឹងមាំ និងស៊ីជម្រៅថែមមួយកម្រិតទៀត ពិសេសលើការផ្តល់យោបល់ពាន់ព័ន្ធនឹងការរៀបចំគោលនយោបាយ ការគាំទ្រកំណែទម្រង់គោលនយោបាយ និងការរៀបចំយុទ្ធសាស្រ្តនានាដើម្បីទាក់ទាញការវិនិយោគបន្ថែមទៀតក្នុងរយៈពេលពីរឆ្នាំខាងមុខ។

គួរបញ្ចាក់ដែរថា នៅក្នុងកិច្ចប្រជុំខាងលើនេះ បានបញ្ជាក់ថា ដើម្បីជាការសម្របសម្រួលដល់វិនិយោគិន ក្នុងការដាក់ពាក្យស្នើសុំវិនិយោគ និងដើម្បីចូលរួមជំរុញការអនុវត្ត ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥ ក៏ដូចជា គោលនយោបាយរដ្ឋាភិបាលឌីជីថលកម្ពុជា ២០២២-២០៣៥ ក្រុមប្រឹក្សាអភិវឌ្ឍន៍កម្ពុជា បានដាក់ឱ្យប្រើប្រាស់នូវប្រព័ន្ធគ្រប់គ្រងគម្រោងវិនិយោគកម្ពុជា (ប្រព័ន្ធ cdcIPM) ដែលអនុញ្ញាតឱ្យវិនិយោគមានលទ្ធភាពដាក់ពាក្យស្នើសុំវិនិយោគបានពីគ្រប់ទីកន្លែង និងពេលវេលាតាមរយៈប្រព័ន្ធអ៊ីនធឺណេតផងដែរ៕ អត្ថបទ៖​ហ្សាលីន

The post កម្ពុជា-ADB បើកកិច្ចពិភាក្សាគ្នា ដើម្បីជំរុញ និងលើកកម្ពស់បរិយាកាសវិនិយោគកម្ពុជា appeared first on .

នាយក ADB ប្រចាំប្រទេសហ្វីលីពីន លោក Pavit Ramachandran បាននិយាយនៅក្នុងសេចក្តីថ្លែងការណ៍មួយថា ភាពងាយរងគ្រោះខ្ពស់របស់ប្រទេសនេះ បានធ្វើឲ្យប៉ះពាល់ដល់សន្ទុះនៃកំណើនសេដ្ឋកិច្ច និងទស្សនវិស័យរបស់ខ្លួន។

ហ្វីលីពីន ដែលជាប្រទេសប្រជុំដោយកោះជាង ៧ ៦០០ ត្រូវបានចាត់ទុកថាជាប្រទេសដែលប្រឈមមុខនឹងហានិភ័យគ្រោះមហន្តរាយខ្ពស់បំផុត នៅលើពិភពលោក។ នេះបើយោងតាមរបាយការណ៍ទទួលបានពីស្ថាប័ន Global Risk គិតចាប់ពីឆ្នាំ២០២២ ដល់២០២៤។

យ៉ាងណាមិញ ជុំវិញការផ្តល់ប្រាក់កម្ចីចុងក្រោយរបស់ ADB នេះ នឹងជួយដល់ហ្វីលីពីន ក្នុងការបង្កើនល្បឿនកំណែទម្រង់ដើម្បីផ្លាស់ប្តូរវិស័យសំខាន់ៗដូចជា កសិកម្ម ធនធានធម្មជាតិ និងបរិស្ថាន ថាមពល និងការដឹកជញ្ជូន ឆ្ពោះទៅរកការធន់នឹងអាកាសធាតុ និងការប្រើប្រាស់កម្រិតកាបូនទាប។

ជម្រាបជូនថា ក្នុងឆ្នាំ២០២១ ហ្វីលីពីន បានសន្យាកាត់បន្ថយការបញ្ចេញឧស្ម័នផ្ទះកញ្ចក់ចំនួន ៧៥% នៅត្រឹមឆ្នាំ២០៣០ ពោលគឺកើនឡើងពីគោលដៅ ៧០% ដែលបានកំណត់កាលពីបួនឆ្នាំមុន។

ទន្ទឹមនឹងនេះ នៅក្នុងឆ្នាំដដែលនោះ ADB ក៏បានប្រកាសផ្តល់ហិរញ្ញប្បទានដែលមានតម្លៃសរុបចំនួន ១០ពាន់លានដុល្លារ សម្រាប់ប្រទេសហ្វីលីពីនពីឆ្នាំ២០២៤ ដល់ឆ្នាំ២០២៩ ដើម្បីគាំទ្រដល់ការដឹកជញ្ជូនដោយប្រើប្រាស់កម្រិតកាបូនទាប និងភាពធន់នឹងអាកាសធាតុ ផងដែរ៕

The post ADB អនុម័ត​ប្រាក់កម្ចី ៥០០លានដុល្លារ ជួយប្រទេសហ្វីលីពីនដោះស្រាយបញ្ហាប្រែប្រួលអាកាធាតុ appeared first on .

យោងតាមធនាគារអភិវឌ្ឍន៍អាស៊ីប្រចាំនៅកម្ពុជា នៅថ្ងៃទី២៦ខែវិច្ឆិកាឆ្នាំ២០២៤នេះបានបង្ហាញថា កម្មវិធីរងទី២ នៃកម្មវិធីពាណិជ្ជកម្មនិងសមត្ថភាពប្រកួតប្រជែង ដែលកំពុងដំណើរនេះ ពង្រឹងកិច្ចខិតខំប្រឹងប្រែងរបស់រាជរដ្ឋាភិបាលក្នុងការបង្កើនការវិនិយោគពីវិស័យឯកជន ដើម្បីសម្រេចបានកំណើនកាន់តែខ្ពស់ ប្រកបដោយបរិយាបន្ន និងមានចីរភាព ដើម្បីលើកកម្ពស់ជីវភាពរស់នៅ និងមុរបររបស់ប្រជាពលរដ្ឋ។

លោកស្រី Jyotsana Varma នាយិកាធនាគារអភិវឌ្ឍន៍អាស៊ីប្រចាំកម្ពុជាមានប្រសាសន៍ថា “កម្មវិធីនេះគាំទ្រដល់ការបន្តការប្តេជ្ញាចិត្តរបស់ ADB ក្នុងការជំរុញសក្តានុពលសេដ្ឋកិច្ចរបស់កម្ពុជា និងពង្រឹងប្រព័ន្ធអេកូឡូស៊ី ដើម្បីធ្វើឱ្យអាជីវកម្មកាន់តែរីកចម្រើន នាំមកនូវការវិនិយោគជាមួយឱកាសការងារកាន់តែច្រើន និងកំណើនសេដ្ឋកិច្ចប្រកបដោយចីរភាព។ កម្មវិធីនេះផ្តោតលើ សហគ្រាសធុនមីក្រូ តូច និងមធ្យម ឬ MSMEs ដោយសារសហគ្រាសទាំងនេះជាឆ្អឹងខ្នងនៃសេដ្ឋកិច្ចជាតិ ហើយកំណើនរបស់វាមានសារៈសំខាន់ខ្លាំងណាស់ក្នុងការបង្កើនសមត្ថភាពប្រកួតប្រជែងរបស់ប្រទេស។ ជាមួយប្រាក់បន្ថែមពិសេសដើម្បីលើកទឹកចិត្តដល់សហគ្រាសគោលដៅមួយចំនួន យើងមានគោលបំណងជំរុញសហគ្រាសទាំងនោះក្នុងការធ្វើពិពិធកម្ម ប្រើប្រាស់ជម្រើសឌីជីថល និងបង្កើនផលិតភាព។ កម្មវិធីនេះក៏ សម្រួលដ ល់ការធ្វើពាណិជ្ជកម្មឆ្លងព្រំដែនឱ្យកាន់តែរលូន និងមានប្រសិទ្ធភាពជាងមុន តាមរយៈការធ្វើឱ្យប្រសើរឡើងនូវក្របខ័ណ្ឌ បទប្បញ្ញត្តិ សម្រួលនីតិវិធី និងកាត់បន្ថយរបាំងពាណិជ្ជកម្ម ដើម្បីបង្កលក្ខណៈឱ្យប្រទេសកម្ពុជា ជ្រៀតចូលក្នុ ងទីផ្សារ ក្នុងតំបន់ និងពិភពលោក”។

បើយោងតាម ADBបង្ហាញថា ឧបសគ្គចម្បងដែលប្រទាក់ក្រឡាគ្នាចំនួនបីដែលបង្កជាបញ្ហាប្រឈមទ្រុងទ្រាយធំសម្រាប់ការអភិវឌ្ឍរបស់កម្ពុជារួមាន បរិយាកាសសម្រាប់ការវិនិយោគ និងអាជីវកម្មដែលមិនទាន់ដំណើរការល្អ សហគ្រាសធុនមីក្រូ តូច និងមធ្យម មិនទាន់សូវរីកចម្រើន និង របាំងមួយចំនួនសម្រាប់ពាណិជ្ជកម្មឆ្លងព្រំដែន។ បញ្ហាទាំងនេះកាត់បន្ថយផលិតភាព និងសមត្ថភាពប្រកួតប្រជែង ហើយរារាំងសេដ្ឋកិច្ចពីការ សម្រេចបាននូវសក្តានុពលកំណើនពេញលេញ។

កម្មវិធីរបស់ ADB ខាងលើគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការដោះស្រាយ បញ្ហាប្រឈមទាំងនេះ និង លើកកម្ពស់សមត្ថភាពប្រកួតប្រជែងរបស់កម្ពុជា។ វានឹងជួយសម្រួល បទប្បញ្ញត្តិធុរកិច្ច និងលើកកម្ពស់សេវាសាធារណៈ ឱ្យកាន់តែប្រសើរសម្រាប់ការធ្វើអាជីវកម្មនៅកម្ពុជា។ នៅត្រឹមឆ្នាំ ២០២៧ កម្មវិធីនេះនឹងជួយសម្រួលសហគ្រាសធុនមីក្រូ តូច និងមធ្យមប្រមាណ ៥0.000 ឱ្យបានចុះបញ្ជីជាផ្លូវការក្នុងប្រព័ន្ធចុះបញ្ជីអាជីវកម្មអនឡាញ ហើយទទួលបានអាជ្ញាប័ណ្ណអាជីវកម្ម វិញ្ញាបនបត្រ និងលិខិតអនុញ្ញាតចាំបាច់តាមប្រព័ន្ធឌីជីថល។

ស្របគ្នានោះដែរ កម្មវិធីនេះផ្តល់នូវប្រាក់ បន្ថែមពិសេស ដើម្បីលើកទឹកចិត្តនិងគាំទ្រផ្នែកបច្ចេកវិទ្យាដល់សហគ្រាសធុនមីក្រូ តូច និងមធ្យម ដើម្បី ជួយសហគ្រាសទាំងនោះពង្រីកខ្លួនក្នុងវិស័យយុទ្ធសាស្ត្រ និងបង្កើនខ្សែចង្វាក់តម្លៃរបស់ខ្លួន។ កម្មវិធីនេះ ក៏គាំទ្រដល់កំណែទម្រង់សំខាន់ៗ ដើម្បីសម្របសម្រួលបង្កើនពាណិជ្ជកម្មឆ្លងព្រំដែនផងដែរ៕ SL

The post ធនាគារ ADBអនុម័តប្រាក់កម្ចី ៥០លានដុល្លារគាំទ្រគោលនយោបាយដើម្បីជំរុញពាណិជ្ជកម្ម និងសមត្ថភាពប្រកួតប្រជែងនៅកម្ពុជា appeared first on .

គម្រោងពង្រឹងប្រព័ន្ធសម្រាប់ប្រទេសដើម្បីការបង្ការ និងឆ្លើយតបនឹងអំពើហិង្សាដែលទាក់ទងនឹង យេនឌ័រ ជាគំនិតផ្តួចផ្តើមដោយឡែកដំបូងរបស់មូលនិធិអភិវឌ្ឍន៍អាស៊ី (ADF) ដែលផ្តោតជាពិសេសលើ សមភាពយេនឌ័រក្នុងតំបន់អាស៊ីអាគ្នេយ៍ ហើយបង្កើតទំនាក់ទំនងច្បាស់លាស់រវាងប្រព័ន្ធអភិបាលកិច្ច ការ គ្រប់គ្រងហិរញ្ញវត្ថុសាធារណៈ ព្រមទាំងគុណភាពនិងលទ្ធភាពទទួលបានសេវាកម្ម ឆ្លើយតបនឹង GBV ។

គម្រោងនេះនឹង ពង្រឹងក្របខណ្ឌច្បាប់និងស្ថាប័នតាមរយៈការធ្វើបច្ចុប្បន្នភាពច្បាប់របស់កម្ពុជាស្តីពីអំពើហិង្សាក្នុងគ្រួសារ ធ្វើឲ្យប្រសើរឡើងនូវការផ្តល់សេវានៅថ្នាក់មូលដ្ឋាន ដោយពង្រឹងគុណភាព និងលទ្ធភាពទទួលបានសេវាឆ្លើយតបនិងចាត់ចែងជម្រកសុវត្ថិភាពសម្រាប់ជនរងគ្រោះ ជាពិសេសនៅ តំបន់ជនបទ និងជំរុញការប្រើប្រាស់ដំណោះស្រាយ ឌីជីថលនៅក្នុងកម្មវិធីមានមូលដ្ឋាននៅសាលារៀន និងនៅសហគមន៍សម្រាប់មនុស្សវ័យជំទង់ ដើម្បីពង្រឹងសេវាការពារ។ វានឹងលើកកម្ពស់ដំណោះស្រាយឌីជីថលសម្រាប់ការទទួលបានព័ត៌មាន ការអប់រំ និងធនធានទំនាក់ទំនង ២៤/៧ (២៤ម៉ោងក្នុង១ថ្ងៃនិង៧ថ្ងៃក្នុង១សប្តាហ៍) អំពី GBV ដែលជាកិច្ចខិតខំប្រឹងប្រែងដើម្បីភ្ជាប់កិច្ចការពារ និងការឆ្លើយតបជាបន្តសំដៅទទួលបានផលជះវិជ្ជមានជាអតិបរមា។

លោកស្រី Jyotsana Varma នាយិកា ធនាគារអភិវឌ្ឍន៍អាស៊ីប្រចាំកម្ពុជា បានថ្លែងថា៖ «គម្រោងដ៏សំខាន់នេះ នឹងពង្រឹងយន្តការឆ្លើយតបជាប្រព័ន្ធ ពង្រីកលទ្ធភាពទទួលបាន ជម្រកសុវត្ថិភាព និងធានាថាជនរងគ្រោះទទួលបានការថែទាំដែលពួកគាត់ត្រូវការ»។

លោកស្រីបន្ដថា៖ «គម្រោងក៏នឹងលើកកម្ពស់កម្មវិធីការពារមានមូលដ្ឋាននៅសហគមន៍ដែលផ្តល់សិទ្ធិអំណាចដល់សហគមន៍មូលដ្ឋាន ដើម្បីដើរតួនាទីសំខាន់ក្នុងការបង្កើនការយល់ដឹង និងបញ្ឈប់អំពើហិង្សា មុនពេលវាកើតឡើង។ ADB បន្តប្តេជ្ញាគាំទ្រកម្ពុជាក្នុងការកសាងសង្គមដែលមានសុវត្ថិភាព និងបរិយាបន្នកាន់តែច្រើនសម្រាប់ទាំងអស់គ្នា»។

បើតាម ADB ចំនួនករណី GBV នៅតែបន្តមានច្រើន ទោះបីជាប្រទេសកម្ពុជាបានបោះជំហានយ៉ាងសំខាន់ក្នុងការប្រយុទ្ធប្រឆាំងនឹង GBV ដែលក្នុងនោះរាជរដ្ឋាភិបាល និងអង្គការសង្គមស៊ីវិល បានធ្វើការសាកល្បងវិធីសាស្រ្តបង្ការប្រកបដោយជោគជ័យក៏ដោយ។ ចាប់តាំងពីឆ្នាំ ២០១៤ កម្រិតអត្រាករណីអំពើហឹង្សាបង្កដោយដៃគូស្និទ្ធស្នាលបានថយចុះ ៨ ពិន្ទុភាគរយ មក ២១% សម្រាប់ចំនួនស្ត្រី (អាយុ ១៥ ដល់ ៤៩ ឆ្នាំ) ដែលទទួលរងអំពើហិង្សាយ៉ាងហោចណាស់ម្តងក្នុងជីវិតពួកគាត់ នេះបើយោងតាមអង្គការសុខភាពពិភពលោក។

ទោះបីកម្រិតនេះប្រសើរជាងកម្រិតមធ្យមភាគពិភពលោក និងអាស៊ីអាគ្នេយ៍ដែលមាន ៣0% កម្ពុជា នៅតែប្រឈមមុខនឹងឧបសគ្គ ដោយសារការឆ្លើយតបមិនទាន់រលូន បណ្តាលមកពី ភ្នាក់ងារសាធារណៈច្រើន និងសេវាថែទាំដែលផ្តោតលើជនរងគ្រោះ នៅមានកម្រិត។

ដោយផ្អែកលើមេរៀនពីគម្រោង GBV មុនៗនៅអាស៊ី គំនិតផ្តួចផ្តើមនេះលើកកម្ពស់ វិធីសាស្រ្ត ដែលមានការចូលរួមសកម្មពីគ្រប់ភ្នាក់ងាររដ្ឋាភិបាលដោយរួមបញ្ចូលសមភាពយេនឌ័រ និងការយកចិត្តទុកដាក់លើ GBV ពីក្រសួងសំខាន់ៗ រួមមានក្រសួងកិច្ចការស្ត្រី ក្រសួងមហាផ្ទៃ និង ក្រសួងសេដ្ឋកិច្ចនិង ហិរញ្ញវត្ថុ ដើម្បីធានាបាននូវការឆ្លើយតបប្រកបដោយកិច្ចសហការ។

ចំពោះគម្រោង១០លានដុល្លារនេះ ត្រូវបានផ្តល់ហិរញ្ញប្បទានជាជំនួយឥតសំណងពីមូលនិធិអភិវឌ្ឍន៍អាស៊ី ដែលគាំទ្រដល់ប្រទេសសមាជិកកំពុងអភិវឌ្ឍ របស់ ADB ដែលត្រូវការជំនួយគាំទ្រនេះបំផុត៕

The post ADB ផ្តល់ជំនួយឥតសំណង ១០លានដុល្លារ ដើម្បីជួយកម្ពុជាឈានទៅសម្រេចគោលដៅជា ប្រទេសគ្មានអំពើហិង្សា appeared first on .

ប្រទេសវៀតណាម កំពុងស្គាល់កំណើនយ៉ាងខ្លាំងពីវិស័យធំៗរួមមាន ពាណិជ្ជកម្ម ការលក់រាយ និងប្រាក់ចំណូលសេវាកម្ម ព្រមទាំងសកម្មភាពផលិតកម្ម អាជីវកម្ម និងការវិនិយោគ។

ក្រសួងឧស្សាហកម្ម និងពាណិជ្ជកម្មវៀតណាម បានបញ្ជាក់ថា ការវិនិយោគផ្ទាល់ពីបរទេស គឺមានការកើនឡើងខ្ពស់ក្នុងឆ្នាំនេះ និងបង្ហាញពីភាពរស់រវើកសម្រាប់ទំនុកចិត្តរបស់អ្នកវិនិយោគបរទេសនៅក្នុងទីផ្សារវៀតណាមដោយមើលឃើញថា វាជាគោលដៅសុវត្ថិភាព និងទាក់ទាញ ទោះបីប្រទេសនេះទើបនឹងរងគ្រោះធម្មជាតិដោយសារ ព្យុះទីហ្វុងយ៉ាហ្គី បណ្តាលឱ្យមានទឹកជំនន់រីករាលដាល២៦ខេត្តនៅតំបន់ភាគខាងជើង។

ជាមួយភាពសម្បូរបែបនៃប្រជាជនវ័យក្មេង វៀតណាម មានឱកាសនាំមុខប្រទេសអាស៊ានភាគច្រើនដែលមានសេដ្ឋកិច្ចខ្លាំងដូចជាសិង្ហបុរី ថៃ ឬម៉ាឡេស៊ី។ ទន្ទឹមនេះវៀតណាម ដាក់គោលដៅសម្រេចឲ្យក្លាយជាប្រទេសដែលមានប្រាក់ចំណូលខ្ពស់នៅឆ្នាំ ២០៤៥ ។

ថ្លែងនៅក្នុងសន្និសីទការសែតលោក Shantanu Chakraborty ជានាយក ADB ប្រចាំប្រទេសវៀតណាម លើកឡើងថា៖ “សេដ្ឋកិច្ចរបស់វៀតណាមបានងើបឡើងវិញយ៉ាងខ្លាំងនៅក្នុងឆមាសទីមួយនៃឆ្នាំ ២០២៤ ។ កំណើននេះនឹងនៅតែបន្តរក្សាសន្ទុះ ទោះបីជាមានអស្ថិរភាពនៅលើពិភពលោកក៏ដោយ។ ការស្ទុះងើបឡើងវិញសម្រេចបានដោយសារការធ្វើឱ្យប្រសើរឡើងនៃផលិតកម្មឧស្សាហកម្ម និងការកើនឡើងយ៉ាងខ្លាំងនៃពាណិជ្ជកម្ម»។ ចំពោះវិស័យឧស្សាហកម្មនៅតែបន្តជាកត្តាជំរុញដ៏សំខាន់នៃកំណើន ដោយសារតម្រូវការគ្រឿងអេឡិច ត្រូនិកនាំចេញសំខាន់ៗបានរួមចំណែកក្នុងការបង្កើនផលិតកម្ម លើវិស័យសេវាកម្ម និងកសិកម្ម” ៕

អត្ថបទដើម៖ Link

រូបភាព៖ en.vneconomy.vn/

The post ADB៖ ព្យាករណ៍ថា សេដ្ឋកិច្ច​វៀតណាម នឹង​មាន​កំណើនលឿន​​ជាងគេ​បំផុត​នៅអាស៊ីអាគ្នេយ៍ appeared first on .

លោក Asakawa បានចូលបម្រើការជាប្រធានទី១០ របស់ធនាគារ ADB ចាប់តាំងពីថ្ងៃទី១៧ ខែមករា ឆ្នាំ២០២០ មក ដោយបន្តអាណត្តិពីលោក Takehiko Nakao ។

ប៉ុន្តែទោះជាយ៉ាងក៏ដោយ កាលពីម្សិលមិញនេះ លោក Asakawa បាននិយាយនៅក្នុងសេចក្តីថ្លែងការណ៍មួយថា ៖”បន្ទាប់ពីបានពិចារណា និងធ្វើការសម្រេចចិត្តយ៉ាងប្រុងប្រយ័ត្នបំផុត ខ្ញុំជឿជាក់ថា វាដល់ពេលហើយដើម្បីដើរចេញពីតំណែងនេះ និងបង្កើតផ្លូវសម្រាប់ភាពជាអ្នកដឹកនាំថ្មី ជាមួយនឹងទស្សនវិស័យថ្មី និងថាមពលជាថ្មី” ។

លោកបានបន្ថែមទៀតថា៖ “តាមរយៈការប្រកាសលាលែងពីតំណែងរបស់ខ្ញុំនេះ គឺខ្ញុំមានគោលបំណងចង់ធានាឲ្យមានការផ្លាស់ប្តូរភាពជាអ្នកដឹកនាំប្រកបដោយភាពរលូន និងមានរបៀបរៀបរយ”។

ទ​ន្ទឹមនឹងនេះ យោងតាមការចុះផ្សាយពីកាសែត Yomiuri Shimbun បានរាយការណ៍ថា រដ្ឋាភិបាលជប៉ុន កំពុងបង្ហាញការគាំទ្រខ្លាំង ទៅលើអតីតអ្នកការទូតហិរញ្ញវត្ថុលំដាប់កំពូលម្នាក់ គឺលោក Masato Kanda ដើម្បីធ្វើជាបេក្ខភាពសម្រាប់តំណែងជាប្រធាន ADB បន្ទាប់។

ជាមួយគ្នានេះ ខាងធនាគារ ADB ក៏និយាយនៅក្នុងសេចក្តីថ្លែងការណ៍មួយរបស់ខ្លួនថា ការបោះឆ្នោតជ្រើសរើសប្រធានថ្មីរបស់ ADB នឹងអនុវត្តតាមដំណើរការបើកចំហ ប្រកបដោយតម្លាភាព និងផ្អែកលើគុណសម្បត្តិ ស្របតាមធម្មនុញ្ញរបស់ស្ថាប័ន៕

The post ប្រធានធនាគារ ADB ប្រកាសលាលែងចេញពីតំណែង នៅដើមឆ្នាំ២០២៥ ខាងមុខ appeared first on .