Alisher Usmanov

ត្រីមាសដំបូងនៃឆ្នាំ២០២៤ មហាសេដ្ឋីរុស្ស៊ីកើនលុយជាង ១៨ពាន់លានដុល្លារ

ឧកញ៉ាសំពៅ — Tue, 02 Apr 2024 09:01:00 +0000

តាមការចុះផ្សាយពីសារព័ត៌មាន Bloomberg បានបង្ហាញថា រយៈពេល ៣ខែដំបូង នៃឆ្នាំ២០២៤នេះ មហាសេដ្ឋីរុស្ស៊ីមានកំណើនទ្រព្យសម្បត្តិសរុប ប្រហែល ១៨,៣ពាន់លានដុល្លារ។

បើទោះជាមានកំណើនទ្រព្យសម្បត្តិច្រើនក្រាស់ក្រែលមាន តែក្នុងនោះក៏មានបុគ្គលខ្លះកើបលុយ ឯខ្លះទៀតក៏របូតលុយក្រាស់ក្រែលផងដែរ តួយ៉ាងលោក Alisher Usmanov ម្ចាស់ក្រុមហ៊ុនរកស៊ីលើវិស័យជីករ៉ែ ទទួលរងការខាតបង់ខ្លាំងជាងគេប្រមាណជិត ៣ពាន់លានដុល្លារ។

ជាមួយគ្នា បុគ្គលដែលកើបលុយបានច្រើនបំផុតនោះគឺលោក Andrey Melnichenko ម្ចាស់ក្រុមហ៊ុន EuroChem និង Siberian Coal Energy ដែលរកស៊ីនៅលើវិស័យឥន្ធនៈ និងថាមពល ដោយទ្រព្យសម្បត្តិរបស់លោកមានកំណើនរហូតដល់ ៥,៣ពាន់លានដុល្លារ។

សូមជម្រាបបន្ថែមថា រយៈពេលមួយត្រីមាសដំបូងនេះ រុស្ស៊ីក៏មានកំណើនមហាសេដ្ឋីថ្មីចំនួន ៦នាក់ផងដែរ ដោយឈរនៅលំដាប់លេខរៀងទី ៧ ជាប្រទេសមានមហាសេដ្ឋីរស់នៅច្រើនបំផុតលើលោក ប្រមាណ ៧៦នាក់៕

The post ត្រីមាសដំបូងនៃឆ្នាំ២០២៤ មហាសេដ្ឋីរុស្ស៊ីកើនលុយជាង ១៨ពាន់លានដុល្លារ appeared first on .

ក្រុមប៉ូលិសអាល្លឺម៉ង់ ចុះឆែកឆេរផ្ទះមហាសេដ្ឋីរុស្ស៊ីដែលមានទំនាក់ទំនងល្អជាមួយពូទីន

ឧកញ៉ាសំពៅ — Thu, 29 Sep 2022 10:16:14 +0000

កាលពីសប្ដាហ៍មុន ក្រុមប៉ូលិសអាល្លឺម៉ង់បានធ្វើការចុះឆែកឆេរផ្ទះប្រមាណ ២៤ ខ្នង រាប់បញ្ចូលទាំងផ្ទះរបស់មហាសេដ្ឋីរុស្ស៊ី Alisher Usmanov ដែលត្រូវបានគេដឹងយ៉ាងច្បាស់ថា មានទំនាក់ទំនងស្អិតល្មួតជាមួយនឹងប្រធានាធិបតីរុស្ស៊ី វ៉្លាឌីមៀរ ពូទីន។

យោងតាមការចុះផ្សាយពីសារព័ត៌មានធំៗជាច្រើនសុទ្ធតែបានអះអាងថា ប៉ូលិសនៅទីក្រុង Munich និង Frankfurt បានចុះឆែកឆេរផ្ទះជាង ២០ ខ្នងកាលពីថ្ងៃទី ២១ កញ្ញា ក្រោយទទួលបានដំណឹងជាប់ពាក់ព័ន្ធនឹងការលាងលុយដែលអាចទាក់ទងនឹងមហាសេដ្ឋីរុស្ស៊ី។

ដោយឡែក បើតាមកាសែតក្នុងស្រុកវិញបានអះអាងថា សារចុះឆែកឆេរនេះគឺជាប់ពាក់ព័ន្ធនឹងលោក Usmanov និងបុគ្គល ៤ រូបផ្សេងទៀត ជុំវិញការលួចលុយរាប់លានអឺរ៉ូ ក៏ដូចជាសកម្មភាពខុសច្បាប់មួយចំនួន រាប់បញ្ចូលទាំងការគេចពន្ធផងដែរ។

សូមជម្រាបដែរថា ស្ដេចត្រាញ់រុស្ស៊ីខាងលើគឺជាមហាសេដ្ឋីមួយក្នុងចំណោមមហាសេដ្ឋីរុស្ស៊ីជាច្រើននាក់ដែលកំពុងទទួលរងទណ្ឌកម្មសេដ្ឋកិច្ចពីលោកខាងលិច និង EU ហើយកាលពីខែមីនាកន្លងទៅ រដ្ឋាភិបាលអាល្លឺម៉ង់បានរឹបអូសនាវាផ្ទាល់ខ្លួនតម្លៃ ៦០០ លានដុល្លាររបស់លោកមករក្សាទុកទៀតផង៕

The post ក្រុមប៉ូលិសអាល្លឺម៉ង់ ចុះឆែកឆេរផ្ទះមហាសេដ្ឋីរុស្ស៊ីដែលមានទំនាក់ទំនងល្អជាមួយពូទីន appeared first on .

ក្រុមមហាសេដ្ឋីរុស្ស៊ីប្ដឹងសហភាពអឺរ៉ុប ជុំវិញការដាក់ទណ្ឌកម្មសេដ្ឋកិច្ចលើពួកគេ

ឧកញ៉ាសំពៅ — Mon, 18 Jul 2022 07:16:03 +0000

កាលពីពេលថ្មីៗនេះ ក្រុមមហាសេដ្ឋីរុស្ស៊ីបានដាក់ពាក្យបណ្ដឹងទៅកាន់សហភាពអឺរ៉ុប បន្ទាប់ពីទទួលទណ្ឌកម្មសេដ្ឋកិច្ចធ្ងន់ធ្ងរ ជុំវិញបញ្ហារុស្ស៊ីបើកការឈ្លានពានអ៊ុយក្រែន។

គោលបំណងនៃការដាក់ពាក្យបណ្ដឹងនេះផងដែរ គឺដើម្បីស្នើឲ្យលុបចោលនូវទណ្ឌកម្មសេដ្ឋកិច្ចទាំងអស់ដែលពួកគេកំពុងជួបប្រទះ ហើយក៏បានអះអាងដែរថា សិទ្ធរបស់ពួកគេត្រូវបានរំលោភបំពាន និងបដិសេធពីការចោទប្រកាន់ថា មានទំនាក់ទំនងស្អិតល្មួតជាមួយវិមានក្រឹមឡាំង។ នេះបើតាមការចុះផ្សាយពី The Wall Street Journal។

ក្នុងចំណោមដើមចោទទាំងអស់មានដូចជា ស្ដេចត្រាញ់លោហធាតុ Alisher Usmanov, មេធំធនាគារ Alfa Bank និងលោក Roman Abramovich ជាដើម ខណៈអតីតម្ចាស់ក្លឹប Chelsea បានលើកឡើងថា សហភាពអឺរ៉ុបបានរំលោភបំពានសិទ្ធបុគ្គលរបស់លោក ក្នុងនាមជាជនជាតិព័រទុយហ្គាល់។

បន្ថែមពីនោះ មានមហាសេដ្ឋីខ្លះទៀត ក៏មានបំណងចង់ឲ្យសហភាពអឺរ៉ុបសងនូវថ្លៃខូចខាតដែលបង្កដោយការដាក់ទណ្ឌកម្មសេដ្ឋកិច្ចរយៈពេលប៉ុន្មានខែមកនេះ ស្របពេលលឺល្ហៀងៗមកថា EU ក៏កំពុងពិចារណាលើការលុបចោលគំនាបសេដ្ឋកិច្ចលើក្រុមស្ដេចត្រាញ់រុស្ស៊ីផងដែរ។

ទន្ទឹមនឹងនោះ សារព័ត៌មាន Bloomberg បានរាយការណ៍ដែរថា មហាសេដ្ឋីរុស្ស៊ីប្រហែល ៤០ នាក់នឹងត្រូវបានដកចេញពីបញ្ជីខ្មៅ ខណៈ ៣០ នាក់ទៀតនឹងត្រូវជួបតទល់ជាមួយ EU ដោយផ្ទាល់នៅតុលាការ៕

The post ក្រុមមហាសេដ្ឋីរុស្ស៊ីប្ដឹងសហភាពអឺរ៉ុប ជុំវិញការដាក់ទណ្ឌកម្មសេដ្ឋកិច្ចលើពួកគេ appeared first on .

រដ្ឋាភិបាលអាល្លឺម៉ង់សម្រេចឃាត់នាវាតម្លៃជាង ៦០០ លានដុល្លាររបស់មហាសេដ្ឋីរុស្ស៊ីម្នាក់

ឧកញ៉ាសំពៅ — Thu, 03 Mar 2022 05:25:37 +0000

កាលពីពេលថ្មីៗនេះ រដ្ឋាភិបាលអាល្លឺម៉ង់បានធ្វើការឃាត់ទុកនូវនាវាផ្ទាល់ខ្លួនដ៏ទំនើបដែលមានតម្លៃរហូតដល់ទៅជាង ៦០០ លានដុល្លារ របស់មហាសេដ្ឋីរុស្ស៊ីម្នាក់ដែលមានឈ្មោះថា Alisher Usmanov ខណៈបុគ្គលរូបនេះកំពុងស្ថិតនៅក្រោមគំនាបទណ្ឌកម្មសេដ្ឋកិច្ចដែលសហភាពអឺរ៉ុបកំពុងផ្ដល់ឲ្យមហាសេដ្ឋីរុស្ស៊ី។

បើយោងតាមការចុះផ្សាយពី Forbes បានឲ្យដឹងថា នាវាដែលមានប្រវែងជាង ១៥៦ ម៉ែត្រត្រូវបានរឹបអូសទៅទុកនៅភាគខាងជើងនៃកំពង់ផែ Hamburg ខណៈការរឹបអូសគឺធ្វើឡើងអំឡុងពេលនាវាមួយនេះកំពុងស្ថិតនៅកន្លែងជួសជុល Blohm + Voss កាលពីថ្ងៃពុធ។

បច្ចុប្បន្នសហភាពអឺរ៉ុបកំពុងព្យាយាមដាក់ទណ្ឌកម្មសេដ្ឋកិច្ចទៅកាន់មហាសេដ្ឋីរុស្ស៊ី ប្រមាណ ២៥ នាក់ផ្សេងទៀត សម្រាប់ការឈ្លានពានរបស់រុស្ស៊ីទៅលើប្រទេសអ៊ុយក្រែន។ នេះបើតាមការប្រកាសពីសេចក្ដីសម្រេចចិត្តជាផ្លូវការរបស់សហភាពអឺរ៉ុប។

បញ្ជាក់ដែរថា គិតត្រឹមថ្ងៃពុធកន្លងទៅ មាននាវាផ្ទាល់ខ្លួនរបស់មហាសេដ្ឋីរុស្ស៊ីយ៉ាងតិច ៥ កំពុងចតចោលនៅកោះ Maldives និងប្រជុំកោះនៅមហាសមុទ្រឥណ្ឌា ដែលជាទីតាំងមិនជាប់ពាក់ព័ន្ធជាមួយសហរដ្ឋអាមេរិក ឬតំបន់អឺរ៉ុបណាឡើយ៕

ប្រភព: RT

The post រដ្ឋាភិបាលអាល្លឺម៉ង់សម្រេចឃាត់នាវាតម្លៃជាង ៦០០ លានដុល្លាររបស់មហាសេដ្ឋីរុស្ស៊ីម្នាក់ appeared first on .

មហាសេដ្ឋីរុស្ស៊ីម្នាក់ទម្លាយថា លោហធាតុមួយប្រភេទនេះនឹងក្លាយជា “មាសទី២” នាថ្ងៃអនាគត

ឧកញ៉ាសំពៅ — Mon, 24 Jan 2022 08:36:48 +0000

យោងទៅតាមការចុះផ្សាយលើគេហទំព័រ World Economic Forum កាលពីពេលកន្លងទៅបានឲ្យដឹងថា មហាសេដ្ឋីរុស្ស៊ីដែលមានដើមកំណើតនៅប្រទេសអ៊ូបេគីស្ថាន Alisher Usmanov បានបង្ហើបថា មានលោហធាតុមួយដែលនឹងត្រូវប៉ាន់បំផុតនាថ្ងៃអនាគត និងអាចចាត់ទុកជា “មាសទី២”។

លោក Usmanov មានជំនឿចិត្តថា លោហធាតុដែលនឹងក្លាយជាតម្រូវការចាំបាច់បំផុតមួយនៅលើលោកគឺ ទង់ដែង។ ជាក់ស្ដែង លោកបានរកឃើញថា ការផ្គត់ផ្គង់ និងតម្រូវការរបស់ទង់ដែងនៅលើទីផ្សារក្នុងរយៈកាលប៉ុន្មានឆ្នាំចុងក្រោយនេះ កំពុងមានវិសមភាព។

ដោយឡែក បើសង្កេតមើលឲ្យមែនទែនទៅ តម្លៃរបស់ទង់ដែងនៅចន្លោះខែឧសភា និងតុលា នៅឆ្នាំ ២០២១ គឺមានតម្លៃប្រមាណ ១១ ០០០ ដុល្លារ/តោន ក៏ប៉ុន្តែតម្លៃមួយនេះនឹងមានការប្រែប្រួលខ្លាំងនៅប៉ុន្មានឆ្នាំខាងមុខទៀត។

មូលហេតុដែលធ្វើឲ្យទង់ដែងត្រូវប៉ាន់ខ្លាំង គឺដោយសារវាមានតួនាទីយ៉ាងសំខាន់ក្នុងដំណើរសេដ្ឋកិច្ចកាត់បន្ថយឧស្ម័នកាបូន និងនៅក្នុងវិស័យសំខាន់ៗមួយចំនួនដូចជា ទូរគមនាគមន៍ រថយន្តអគ្គិសនី ប្រព័ន្ធថាមពលកកើតឡើងវិញ និងការចាប់យកកាបូន និងការផ្ទុក។

ជាមួយគ្នានោះតម្លៃរបស់ទង់ដែងក៏ស៊ីសងលើកត្តាផ្សេងៗផងដែរ ព្រោះថាវាមិនមែនជារឿងងាយស្រួលឡើយក្នុងការយកអ្វីផ្សេងមកជំនួសវាក្នុងសន្ទស្សន៍ក្រោម ១% ស្របពេលគេជឿថា តម្រូវការរបស់ទង់ដែងនឹងកើនឡើង ២,៧ ដងនៅឆ្នាំ ២០៤០។

មិនតែប៉ុណ្ណោះ ការជីករ៉ែទង់ដែងក៏ឈានមកដល់ចំណុចអតិបរមាមួយដូចគ្នា ស្របពេលតម្រូវការកំពុងកើនឡើង តែបញ្ហាមួយនេះនឹងអាចដោះស្រាយបាន បើសិនជាតម្រូវការពិភពលោកមានច្រើន នោះនឹងមានការស្រាវជ្រាវកែច្នៃទង់ដែងតាមរយៈបច្ចេកវិទ្យាទំនើបឡើងវិញ៕

ប្រភព: eurowekklynews

The post មហាសេដ្ឋីរុស្ស៊ីម្នាក់ទម្លាយថា លោហធាតុមួយប្រភេទនេះនឹងក្លាយជា “មាសទី២” នាថ្ងៃអនាគត appeared first on .

Alisher Usmanov

ត្រីមាសដំបូងនៃឆ្នាំ២០២៤ មហាសេដ្ឋីរុស្ស៊ីកើនលុយជាង ១៨ពាន់លានដុល្លារ

ក្រុមប៉ូលិសអាល្លឺម៉ង់ ចុះឆែកឆេរផ្ទះមហាសេដ្ឋីរុស្ស៊ីដែលមានទំនាក់ទំនងល្អជាមួយពូទីន

ក្រុម​មហាសេដ្ឋី​រុស្ស៊ី​ប្ដឹង​សហភាព​អឺរ៉ុប ជុំវិញ​ការ​ដាក់​ទណ្ឌកម្ម​សេដ្ឋកិច្ច​លើ​ពួកគេ

រដ្ឋាភិបាល​អាល្លឺម៉ង់​សម្រេច​ឃាត់​នាវា​តម្លៃ​ជាង ៦០០​ លាន​ដុល្លារ​របស់​មហាសេដ្ឋី​រុស្ស៊ី​ម្នាក់

មហាសេដ្ឋី​រុស្ស៊ី​ម្នាក់​ទម្លាយ​ថា លោហធាតុ​មួយ​ប្រភេទ​នេះ​នឹង​ក្លាយជា “មាស​ទី​២” នា​ថ្ងៃ​អនាគត

ក្រុមមហាសេដ្ឋីរុស្ស៊ីប្ដឹងសហភាពអឺរ៉ុប ជុំវិញការដាក់ទណ្ឌកម្មសេដ្ឋកិច្ចលើពួកគេ

រដ្ឋាភិបាលអាល្លឺម៉ង់សម្រេចឃាត់នាវាតម្លៃជាង ៦០០ លានដុល្លាររបស់មហាសេដ្ឋីរុស្ស៊ីម្នាក់

មហាសេដ្ឋីរុស្ស៊ីម្នាក់ទម្លាយថា លោហធាតុមួយប្រភេទនេះនឹងក្លាយជា “មាសទី២” នាថ្ងៃអនាគត