Amancio Oretga

ស្ថាបនិកប្រែនកំពូល Zara ជះលុយជាង ១០០លានដុល្លារ ទិញសណ្ឋាគារលំដាប់ផ្កាយ៥ នៅទីក្រុងប៉ារីស

ឧកញ៉ាសាមញ្ញ — Sun, 13 Jul 2025 08:55:00 +0000

មហាសេដ្ឋីលំដាប់កំពូល និងជាស្ថាបនិកប្រែនសម្លៀកបំពាក់ Zara លោក Amancio Ortega កាលពីពេលថ្មីៗនេះ ត្រូវបានគេរាយការណ៍ថា បានចំណាយទឹកប្រាក់រហូតដល់ទៅ ៩៧លានអឺរ៉ូ (១១៣,៥លានដុល្លារ) ទិញយកសណ្ឋាគារដ៏ល្បីល្បាញមួយ នៅក្នុងទីផ្សារប៉ារីស ប្រទេសបារាំង។ នេះបើតាមការចុះផ្សាយពីសារព័ត៌មាន Bloomberg។

យោងតាមការការិយាល័យគ្រួសាររបស់លោក Ortega ដែលមានឈ្មោះថា Pontegadea បានបង្ហើបឲ្យដឹងថា មហាសេដ្ឋីរូបនេះ បានចំណាយទឹកប្រាក់ដ៏ច្រើន ដើម្បីទិញយកអចលនទ្រព្យលំដាប់ផ្កាយ៥ Derby Hotels ដែលមានទីតាំងនៅចំណកណ្តាលទីក្រុងប៉ារីស និងនៅជិតមហាស្រព Palais Garnier ផងដែរ។

រំឮកផងដែរថា កាលពីដើមឆ្នាំនេះ លោក Ortega បានទិញអគារអាផាតមិនមួយ នៅតំបន់ Fort Lauderdale ក្នុងតម្លៃប្រហែល ១៦៥លានអឺរ៉ូ (១៩៣,១លានដុល្លារ) និងអចលនទ្រព្យការិយាល័យ នៅទីក្រុង Barcelona ប្រទេសអេស្ប៉ាញ ក្នុងតម្លៃប្រហែលជិត ៣០០លានដុល្លារ។ ក្នុងឆ្នាំ២០១៤ មហាសេដ្ឋីរូបនេះ ក៏បានទិញយកអគារពាណិជ្ជកម្មមួយ នៅទីក្រុងប៉ារីស ក្នុងតម្លៃប្រហែល ២៣៤លានដុល្លារ ផងដែរ។

ជម្រាបជូនផងដែរថា លោក Ortega មានភាគហ៊ុនសរុបប្រហែល ៥៩% នៅក្នុងក្រុមហ៊ុន Inditex SA ដែលជាម្ចាស់របស់ប្រែន Zara។ ទ្រព្យសម្បត្តិផ្ទាល់ខ្លួនរបស់លោក Ortega ត្រូវបានគេរាយការណ៍ថាមានចំនួនសរុបជាង ១២០ពាន់លានដុល្លារ ដែលធ្វើឲ្យលោកក្លាុយជាបុគ្គលមានបំផុតនៅអេស្ប៉ាញ និងជាអ្នកមានបំផុតទី២ របស់អឺរ៉ុប។ នេះបើតាមការចុះផ្សាយពីសារព័ត៌មាន Bloomberg៕

The post ស្ថាបនិកប្រែនកំពូល Zara ជះលុយជាង ១០០លានដុល្លារ ទិញសណ្ឋាគារលំដាប់ផ្កាយ៥ នៅទីក្រុងប៉ារីស appeared first on .

កំពូលមហាសេដ្ឋី ១០រូប កើបលុយបានច្រើនដាច់គេក្នុងឆ្នាំ២០២៣

ឧកញ៉ាសំពៅ — Wed, 20 Dec 2023 07:00:00 +0000

គិតត្រឹមថ្ងៃទី១៥ ខែធ្នូ ឆ្នាំ២០២៣ មហាសេដ្ឋីបច្ចេកវិទ្យា ៣រូប គឺលោក Elon Musk, Mark Zuckerberg និងស្ថាបនិកក្រុមហ៊ុន Amazon លោក Jeff Bezos ទទួលបានចំណូលយ៉ាងច្រើនក្រាស់ក្រែល ដោយក្នុងនោះមេធំ Tesla ទទួលផលចំណេញច្រើនជាងគេ។

យោងតាមការចុះផ្សាយពីសារព័ត៌មាន Forbes បានបង្ហាញថា ទ្រព្យសម្បត្តិរបស់លោក Elon Musk មានការកើនឡើងជាង ១០០ពាន់លានដុល្លារ បន្ទាប់ពីតម្លៃហ៊ុនរបស់ក្រុមហ៊ុន Tesla មានការហក់ឡើងខ្លាំង។

ខាងក្រោមនេះគឺជាបញ្ជីឈ្មោះកំពូលអ្នកមានដាច់គេលើលោកទាំង១០រូប ដែលមានការកើនឡើងទ្រព្យសម្បត្តិច្រើនបំផុត គិតពីដើមឆ្នាំរហូតដល់ថ្ងៃទី១៥ ខែធ្នូ ឆ្នាំ២០២៣ ៖

1/ Elon Musk មានទ្រព្យសម្បត្តិសរុប ២៥៤,៩ពាន់លានដុល្លារ កើនឡើងប្រហែល ១០៨,៤ពាន់លានដុល្លារ ខណៈប្រភពចំណូលគឺក្រុមហ៊ុន Tesla និង SpaceX

2/ Mark Zuckerberg មានទ្រព្យសម្បត្តិសរុប ១១៨,៦ពាន់លានដុល្លារ កើនឡើងប្រហែល ៧៤,៨ពាន់លានដុល្លារ ខណៈប្រភពចំណូលគឺក្រុមហ៊ុន Facebook

3/ Jeff Bezos មានទ្រព្យសម្បត្តិសរុប ១៧២,៣ពាន់លានដុល្លារ កើនឡើងប្រហែល ៦៥ពាន់លានដុល្លារ ខណៈប្រភពចំណូលគឺក្រុមហ៊ុន Amazon

4/ Prajogo Pangestu មានទ្រព្យសម្បត្តិសរុប ៥២,៨ពាន់លានដុល្លារ កើនឡើងប្រហែល ៤៧,៩ពាន់លានដុល្លារ ខណៈប្រភពចំណូលគឺក្រុមហ៊ុននាំចេញកៅស៊ូ និងគីមីឥន្ធនៈ

5/ Larry Page មានទ្រព្យសម្បត្តិសរុប ១១១,៧ពាន់លានដុល្លារ កើនឡើងប្រហែល ៣៤,៤ពាន់លានដុល្លារ ខណៈប្រភពចំណូលគឺក្រុមហ៊ុន Google

6/ Amancio Ortega មានទ្រព្យសម្បត្តិសរុប ៩៧,៤ពាន់លានដុល្លារ កើនឡើងប្រហែល ៣៣,២ពាន់លានដុល្លារ ខណៈប្រភពចំណូលគឺក្រុមហ៊ុនលក់សម្លៀកបំពាក់ Zara

7/ Sergey Brin មានទ្រព្យសម្បត្តិសរុប ១០៧,៣ពាន់លានដុល្លារ កើនឡើងប្រហែល ៣៣ពាន់លានដុល្លារ ខណៈប្រភពចំណូលគឺក្រុមហ៊ុន Google

8/ Steve Ballmer មានទ្រព្យសម្បត្តិសរុប ១១០,៩ពាន់លានដុល្លារ កើនឡើងប្រហែល ៣២,៤ពាន់លានដុល្លារ ខណៈប្រភពចំណូលគឺក្រុមហ៊ុន Microsoft

9/ Laryy Ellison មានទ្រព្យសម្បត្តិសរុប ១៣៣,២ពាន់លានដុល្លារ កើនឡើងប្រហែល ៣០,៨ពាន់លានដុល្លារ ខណៈប្រភពចំណូលគឺក្រុមហ៊ុន Oracle

10/ Jensen Huang មានទ្រព្យសម្បត្តិសរុប ៤៣,៦ពាន់លានដុល្លារ កើនឡើងប្រហែល ២៩,៨ពាន់លានដុល្លារ ខណៈប្រភពចំណូលគឺក្រុមហ៊ុនបច្ចេកវិទ្យា Nvidia៕

The post កំពូលមហាសេដ្ឋី ១០រូប កើបលុយបានច្រើនដាច់គេក្នុងឆ្នាំ២០២៣ appeared first on .

តស់! មកស្គាល់ស្ដេចត្រាញ់ ៥រូបមានប្រាក់វាល់លាន រកស៊ីក្នុងវិស័យឧស្សាហកម្មសម្លៀកបំពាក់

ឧកញ៉ាសំពៅ — Mon, 10 Jul 2023 03:42:52 +0000

វិស័យឧស្សាហកម្មម៉ូដសម្លៀកបំពាក់ គឺជាប្រភពរកប្រាក់ចំណូលរាប់ពាន់លានដុល្លារ សម្រាប់ក្រុមមហាសេដ្ឋី ហើយវាក៏ជាឧស្សាហកម្មបែបចាស់បុរាណ ប៉ុន្តែគ្មានថ្ងៃសាបរលាបងាយៗឡើយ។

យោងតាមការចុះផ្សាយពីគេហទំព័រ Nairametrics បានបង្ហាញថា ទំហំទឹកប្រាក់នៅក្នុងវិស័យមួយនេះ មានរហូតដល់ ២,៥ទ្រីលានដុល្លារ មុនពេលមានជំងឺរាតត្បាត ហើយវាត្រូវបានគេរំពឹងថា នឹងកើនឡើងចន្លោះពី ៥% ដល់ ១០% ក្នុងរយៈពេលប៉ុន្មានឆ្នាំខាងមុខ។

ខាងក្រោមនេះគឺជាបញ្ជីឈ្មោះមហាសេដ្ឋីមានបំផុត ៥រូប ដែលកំពុងរកស៊ី និងកើបលុយបានក្រាស់ក្រែលពីឧស្សាហកម្មមួយនេះ ផ្អែកតាមការចុះផ្សាយពីគេទំព័រ Forbes៖

៥. មហាសេដ្ឋីជប៉ុន Tadashi Yanai មានទ្រព្យសម្បត្តិប្រមាណ ៣៦,៧ពាន់លានដុល្លារ ជាម្ចាស់ក្រុមហ៊ុន Fast Retailing

៤.មហាសេដ្ឋីបារាំង François Pinault មានទ្រព្យសម្បត្តិប្រមាណ ៣៩,២ពាន់លានដុល្លារ ជាម្ចាស់ក្រុមហ៊ុនម៉ាកយីហោល្បីៗដូចជា Gucci និង Yves Saint Laurent

៣.មហាសេដ្ឋីអាមេរិក Phil Knight មានទ្រព្យសម្បត្តិប្រមាណ ៤១,១ពាន់លានដុល្លារ ជាសហស្ថាបនិកក្រុមហ៊ុន Nike

២.មហាសេដ្ឋីអេស្ប៉ាញ Amancio Ortega មានទ្រព្យសម្បត្តិប្រមាណ ៨៨,៩ពាន់លានដុល្លារ ជាម្ចាស់ក្រុមហ៊ុន Inditex

១.មហាសេដ្ឋីបារាំង Bernard Arnault មានទ្រព្យសម្បត្តិប្រមាណ ២២២ពាន់លានដុល្លារ ជាម្ចាស់ក្រុមហ៊ុន LVMH៕

The post តស់! មកស្គាល់ស្ដេចត្រាញ់ ៥រូបមានប្រាក់វាល់លាន រកស៊ីក្នុងវិស័យឧស្សាហកម្មសម្លៀកបំពាក់ appeared first on .

ស្ថាបនិក Zara ចាយលុយជិត ១៥០ លានដុល្លារ ពង្រីកអាជីវកម្មលើវិស័យដឹកជញ្ជូន

ឧកញ៉ាសំពៅ — Fri, 09 Sep 2022 09:20:00 +0000

មួយរយៈកាលចុងក្រោយនេះ ស្ថាបនិកក្រុមហ៊ុន Zara បានបន្តទិញអចលនទ្រព្យខ្នាតយក្សជាច្រើន បើសរុបជាទឹកប្រាក់គឺមិនក្រោមខ្ទង់ពាន់លានដុល្លារឡើយ ហើយថ្មីៗនេះមហាសេដ្ឋីអេស្ប៉ាញ Amancio Ortega បានជះលុយជាង ១០០ លានដុល្លារដើម្បីពង្រីកអាជីវកម្មបន្ថែមទៀត។ នេះបើតាមការចុះផ្សាយពី Bloomberg។

ប្រភពដដែលបានបន្ថែមថា អ្នកមានបំផុតប្រចាំប្រទេសអេស្ប៉ាញបានចំណាយលុយប្រមាណ ១៤៨ លានដុល្លារអាមេរិក ក្នុងការទិញយកអគារមួយខ្នងនៅរដ្ឋ Pennsylvania ដើម្បីពង្រីកអាជីវកម្មលើវិស័យដឹកជញ្ជូន។

អគារមួយខ្នងដែលទើបនឹងក្លាយជាកម្មសិទ្ធិរបស់គ្រួសារត្រកូល Ortega គឺមានក្រឡាផ្ទៃ ៩៤ ០០០ ម៉ែត្រការ៉េ ស្ថិតនៅចំកណ្ដាលរដ្ឋ Pennsylvania តែម្ដង ហើយអគារមួយខ្នងនេះគឺជាអចលនទ្រព្យទី ២ ដែលមហាសេដ្ឋីអេស្ប៉ាញបានទិញដើម្បីរកស៊ីលើវិស័យដឹកជញ្ជូន។

សូមជម្រាបដែរថា លោក Amancio Ortega បច្ចុប្បន្នកំពុងគ្រងតំណែងជាអ្នកមានបំផុតនៅអេស្ប៉ាញជាមួយទំហំទ្រព្យសម្បត្តិប្រមាណ ៤៤ ពាន់លានដុល្លារអាមេរិក ខណៈប្រភពចំណូលធំរបស់លោកបានមកពីភាគហ៊ុន ៥៩% នៃក្រុមហ៊ុនសម្លៀកបំពាក់លំដាប់ពិភពលោក Inditex ជាក្រុមហ៊ុនមេរបស់ Brand ធំៗដូចជា Zara, Bershka និង Pull&Bear ជាដើម៕

The post ស្ថាបនិក Zara ចាយលុយជិត ១៥០ លានដុល្លារ ពង្រីកអាជីវកម្មលើវិស័យដឹកជញ្ជូន appeared first on .

អចលនទ្រព្យនៅក្នុងដៃមហាសេដ្ឋីមានបំផុតនៅអេស្ប៉ាញ មានតម្លៃរហូតដល់ជិត ១៦ ពាន់លានដុល្លារ

ឧកញ៉ាសំពៅ — Thu, 21 Jul 2022 09:13:40 +0000

ប៉ុន្មានឆ្នាំចុងក្រោយនេះ មហាសេដ្ឋីមានបំផុតនៅអេស្ប៉ាញ ស្ថាបនិកក្រុមហ៊ុន Zara លោក Amancio Ortega មានភាពមមាញឹកជាខ្លាំង សម្រាប់ការវិនិយោគលើវិស័យអចលនទ្រព្យ ពោលគឺបានចំណាយលុយអស់ច្រើនពាន់លានដុល្លារ លើការទិញអគារពាណិជ្ជកម្មធំៗ។

ថ្មីៗនេះ ស្ដេចត្រាញ់ខាងលើក៏ទើបនឹងទទួលបានផ្លែផ្កាគួរជាទីពេញចិត្តពីការវិនិយោគនេះផងដែរ ដោយសារតម្លៃអចលនទ្រព្យរបស់លោកបានកើនឡើងដល់ជិត ១៦ ពាន់លានដុល្លារ និងអាចមើលឃើញពីប្រាក់ចំណេញប្រហែលជាង ១ ពាន់លានដុល្លារនៅឆ្នាំ ២០២១។ នេះបើតាមការចុះផ្សាយពីសារព័ត៌មាន Reuters។

អគារធំៗដែលស្ថិតក្រោមការគ្រប់គ្រងរបស់លោក Ortega គឺមាននៅពាសពេញពិភពលោកដូចជានៅទីក្រុង New York, Toronto, London និងនៅប្រទេសកំណើតទីក្រុង Madrid ខណៈកាលពីឆ្នាំ ២០២០ អគារនៅទីក្រុងធំៗទាំងនេះមានតម្លៃសរុបប្រមាណជាង ១៤ ពាន់លានដុល្លារ។

បច្ចុប្បន្នបុរសវ័យ ៨៦ ឆ្នាំគឺជាអ្នកមានបំផុត និងជាវិនិយោគិនធំបំផុតលើវិស័យអចលនទ្រព្យនៅប្រទេសអេស្ប៉ាញ ជាមួយនឹងទំហំទ្រព្យសម្បត្តិប្រមាណក្បែរ ៦២ ពាន់លានដុល្លារ។ នេះបើតាមការចុះផ្សាយពី Forbes៕

The post អចលនទ្រព្យនៅក្នុងដៃមហាសេដ្ឋីមានបំផុតនៅអេស្ប៉ាញ មានតម្លៃរហូតដល់ជិត ១៦ ពាន់លានដុល្លារ appeared first on .

ទិញទៀតហើយ! ស្ថាបនិក Zara ទិញអគារពាណិជ្ជកម្មនៅ New York តម្លៃកន្លះពាន់លានដុល្លារ

ឧកញ៉ាសំពៅ — Fri, 15 Jul 2022 07:19:21 +0000

លោក Amancio Ortega ស្ថាបនិកក្រុមហ៊ុនលក់សម្លៀកបំពាក់ធំបំផុតមួយលើលោក Zara បានប្រកាសទិញយកអគារពាណិជ្ជកម្មមួយឈ្មោះ Dutch 19 នៅទីក្រុង New York សហរដ្ឋអាមេរិក។ នេះបើតាមការចុះផ្សាយពី The Real Deal និងបានបញ្ជាក់ផ្ទាល់ពីអ្នកតំណាង Ortega។

ប្រភពដដែលបានបន្ថែមថា ក្រុមហ៊ុន Pontegadea ដែលគ្រប់គ្រងដោយ Ortega បានចុះកុងត្រាទិញយកអគារពាណិជ្ជកម្មទំនើបកំពស់ ៦៤ ជាន់ ក្នុងតម្លៃប្រហែល ៥០០ លានដុល្លារ ហើយវាត្រូវបានលក់ដោយ Carmel Partners។

សូមជម្រាបដែរថា កាលពីដើមឆ្នាំនេះ Pontegadea ក៏ធ្លាប់បានទិញអគារជាច្រើនណាស់មកហើយ ដូចជាអគារពាណិជ្ជកម្មនៅ Glasgow តម្លៃប្រហែល ២៣៦ លានដុល្លារ និង Royal Bank Plaza នៅទីក្រុង Toronto ប្រទេសកាណាដា តម្លៃប្រហែល ៩១០ លានដុល្លារ។

ដោយឡែក បុរសដែលនៅពីក្រោយការទិញអគារពាណិជ្ជកម្មជាច្រើនកន្លែងនេះគឺជា អ្នកមានបំផុតប្រចាំអេស្ប៉ាញលោក Ortega ដែលមានទ្រព្យសម្បត្តិប្រមាណ ៤៨,៥ ពាន់លានដុល្លារ បើយោងតាមការចុះផ្សាយពី Bloomberg’s Billionaire Index៕

The post ទិញទៀតហើយ! ស្ថាបនិក Zara ទិញអគារពាណិជ្ជកម្មនៅ New York តម្លៃកន្លះពាន់លានដុល្លារ appeared first on .

ស្ថាបនិកម៉ាកយីហោ Zara ចាយលុយជាង ២០០ លានដុល្លារ ទិញអគារការិយាល័យធំបំផុតនៅទីក្រុង Glasgow

ឧកញ៉ាសំពៅ — Wed, 27 Apr 2022 04:58:17 +0000

អគារការិយាល័យមួយខ្នងដែលកំពុងសាងសង់នៅទីក្រុង Glasgow ប្រទេសស្កុតឡែន ត្រូវបានទិញដោយមហាសេដ្ឋីអេស្ប៉ាញ Amancio Ortega ខណៈស្ថាបនិកម៉ាកយីហោសម្លៀកបំពាក់ Zara បានចំណាយលុយប្រមាណ ២០០ លានផោន ឬជាង ២៥០ លានដុល្លារអាមេរិក។

យោងតាមការចុះផ្សាយពី GlasgowLive បានឲ្យដឹងថា អ្នកមានបំផុតប្រចាំប្រទេសអេស្ប៉ាញខាងលើបានចាប់អារម្មណ៍ និងបានទិញគម្រោងសាងសង់គម្រោងអចលនទ្រព្យខ្នាតយក្សមួយនេះតាមរយៈភ្នាក់ងារអចលនទ្រព្យ Pontegadea Oretga។

ដោយឡែក គម្រោងអចលនទ្រព្យតម្លៃជាង ២៥០ លានដុល្លារខាងលើ កំពុងសាងសង់នៅផ្លូវ Bothwell Street លើផ្ទៃដីទំហំ ២ ៧៨៧ ម៉ែត្រការ៉េ ហើយនៅពេលបញ្ចប់ការសាងសង់ វានឹងក្លាយ ជាអគារការិយាល័យធំបំផុតប្រចាំទីក្រុង Glasgow។

ដ្បិតបច្ចុប្បន្នអគារមួយខ្នងនេះកំពុងស្ថិតនៅក្រោមការសាងសង់នៅឡើយ ក៏ប៉ុន្តែមានក្រុមហ៊ុនជាច្រើនបានចុះកុងត្រាជួលកន្លែងបើកអាជីវកម្មពួកគេរួចស្រេចដែលមានដូចជា Transport Scotland, BNP Paribas, Virgin Money, Aecom និងក្រុមហ៊ុនល្បីៗជាច្រើនទៀត។

បញ្ជាក់ដែរថា សព្វថ្ងៃស្ថាបនិក Zara មានទ្រព្យសម្បត្តិប្រមាណ ៥៥ ពាន់លានដុល្លារអាមេរិក ជាមហាសេដ្ឋីមានបំផុតប្រចាំប្រទេសអេស្ប៉ាញ និងជាអ្នកមានបំផុតទី ៣ នៃតំបន់អឺរ៉ុប៕

ប្រភព: dailyrecord

The post ស្ថាបនិកម៉ាកយីហោ Zara ចាយលុយជាង ២០០ លានដុល្លារ ទិញអគារការិយាល័យធំបំផុតនៅទីក្រុង Glasgow appeared first on .

Amancio Oretga

ស្ថាបនិកប្រែនកំពូល​ Zara ជះលុយជាង ១០០លានដុល្លារ​ ទិញសណ្ឋាគារលំដាប់ផ្កាយ៥ នៅទីក្រុងប៉ារីស