លោក ហ្សង់-ហ្វ្រង់ស័រ តាន់ បានលើកឡើងថា សម្រាប់ប្រមុខរាជរដ្ឋាភិបាលថ្មីនៃកម្ពុជាវិញទាំងនេះ គឺជាឱកាស​មួយពោរពេញទៅដោយនិមិត្តរូប​នយោបាយ។ ម្យ៉ាងពីព្រោះជាលើកទី​មួយ​បង្អស់ហើយ ដែលឯកឧត្តមបណ្ឌិត, ក្នុងនាមជានាយករដ្ឋមន្ត្រីថ្មី នៃ​ប្រទេសកម្ពុជាតាំងពីថ្ងៃទី២២ សីហា មកម្ល៉េះ, នឹងបង្ហាញមុខជាផ្លូវ​ការលើឆាកអន្តរជាតិ។ ម្យ៉ាងទៀត ពីព្រោះនៅថ្ងៃទី៥ កញ្ញា ខាងមុខនេះ នៅទីក្រុងចាកាតា ឯកឧត្តមបណ្ឌិតនឹងមានឈ្មោះជាមេដឹកនាំ​កំពូល​ក្មេងជាងគេបង្អស់ក្នុងចំណោម​មេ​ដឹក​នាំកំពូលបច្ចុប្បន្នទាំង១០ រូប របស់ អាស៊ាន។ ម្យ៉ាងចុងក្រោយពីព្រោះពីថ្ងៃទី៥ ដល់ថ្ងៃទី ៧ កញ្ញាក្នុងរយៈ​ពេលតែ២ថ្ងៃប៉ុណ្ណោះ នៅទីក្រុងចាកាតា​ដដែល, ឯកឧត្តមបណ្ឌិត ហ៊ុន ម៉ាណែត នឹងឃើញ, នឹងចាប់ដៃ, នឹងជួបជាផ្លូវការ ឬក្រៅផ្លូវការ, ប្រមុខ​រដ្ឋ ឬប្រមុខរដ្ឋាភិបាល ឬក៏ថ្នាក់ដឹកនាំជាន់ខ្ពស់ ចំនួន១៧ នាក់ យ៉ាងតិច​ដែលមកពីបណ្តាប្រទេសអាស៊ីអាគ្នេយ៍, ចិន, ជប៉ុន, កូរ៉េ ខាង ត្បូង, ឥណ្ឌា, អាមេរិក, រុស្ស៊ី, អូស្ត្រាលី, និងនូវែលសេឡង់។

បើតាមលោក ហ្សង់-ហ្វ្រង់ស័រ តាន់ ប្រជាជាតិកម្ពុជាទាំងមូលគួរតែនិងត្រូវតែមានមោទនភាព ពីព្រោះ​ឯកឧត្តមកិត្តិទេសាភិបាល បណ្ឌិត ហ៊ុន ម៉ាណែត ត្រៀមរួចរាល់អស់​ហើយ ទាំងកម្លាំងប្រាជ្ញា ទាំងកម្លាំងកាយ និងទាំងកម្លាំងចិត្ត ដើម្បី​ការពារឧត្តមប្រយោជន៍ជាតិយើង​នៅចំពោះមុខសមាជិកអាស៊ាន៩ ដទៃ​ផ្សេងទៀតនិង​ដើម្បី​ការពារផល​ប្រយោជន៍រួមរបស់អាស៊ាន នៅ​ចំពោះ​មុខ​បណ្តាប្រទេសដៃគូ​សន្ទនារបស់ អាស៊ាន។ បញ្ហាតំបន់​និងបញ្ហា អន្តរជាតិ ដែល​ប្រមុខ​រាជរដ្ឋាភិបាលវ័យក្មេងរបស់​យើង ត្រូវ​ចូលរួម​ដោះស្រាយមានច្រើនណាស់ ជាអាទិ៍ វិបត្តិរ៉ាំរ៉ៃ នៅមីយ៉ាន់ម៉ា, ការប្រជែង ឥទ្ធិពលគ្នា​​រវាង​កំពូល​មហាអំណាចពិភពលោក និងរវាង​មហាអំណាចតំបន់នៅក្នុងលំហ នៃដែនអាស៊ី-ប៉ាស៊ីហ្វិក, និងជា​ពិសេស វិបត្តិសេដ្ឋកិច្ចសកល ដែលបាននិងកំពុង​បន្តជះផល អវិជ្ជមាន​មកលើជាតិមាតុភូមិយើង។

លើសពីនេះទៅទៀត ឯកឧត្តមកិត្តិទេសាភិបាល បណ្ឌិត ហ៊ុន ម៉ាណែត មាន​សមត្ថភាព​ហួសពីគ្រប់គ្រាន់ និង​មាន​ឆន្ទៈ មោះមុតខ្លាំងណាស់ ដើម្បីលើកតម្កើង​មុខមាត់កិត្តិយស នៃព្រះរាជាណាចក្រកម្ពុជា នៅលើឆាកអន្តរជាតិ។ម្ល៉ោះហើយប្រជាជាតិកម្ពុជាទាំងមូល គួរតែនិង​ត្រូវតែរួបរួមគ្នា​ជាធ្លុង​មួយនៅ​ពីក្រោយមេដឹក​នាំប្រកបដោយថាមពល របស់យើងរូប នេះ​ដែលអាស៊ាន និង​ពិភពលោក​នឹងសម្លឹងមើល ហើយវាយ​តម្លៃ នៅទីក្រុងចាកាតា ប្រទេស​ឥណ្ឌូណេស៊ី សប្តាហ៍ក្រោយនេះ៕

The post មេដឹកនាំវ័យក្មេងបង្អស់ក្នុងតំបន់អាស៊ាន ឯកឧត្តម ហ៊ុន ម៉ាណែត នឹងបង្ហាញមុខជាលើកទីមួយលើឆាកអន្តរជាតិនាសប្តាហ៍ក្រោយ appeared first on .

លោកថ្លែងថា៖ ខ្ញុំនៅទីក្រុងភ្នំពេញ ប្រទេសកម្ពុជា ដើម្បីពង្រឹងការប្ដេជ្ញាចិត្តរបស់ពួកយើង ក្នុងការធ្វើការជាមួយគ្នាយ៉ាងស្អិតល្មួត ជាមួយ ASEAN ដែលមានឥទ្ធិពល។

សូមជម្រាបជូនថា ក្នុងដំណើរអញ្ចើញមករបស់ប្រធានាធិបតីអាមេរិក បៃដិន ចូលរួមក្នុងកិច្ចប្រជុំកំពូលអាស៊ាន-អាមេរិក និងកិច្ចប្រជុំកំពូលអាស៊ី-បូព៍ាលើកទី១៣ រវាងប្រទេសតំបន់អាស៊ាន ជាមួយនឹងប្រទេសចិន អាមេរិក រុស្ស៊ី ជប៉ុន កូរ៉េខាងត្បូង អូស្ត្រាលី ឥណ្ឌា និងណូវេលហ្សេឡង់ ដែលកម្ពុជាជាម្ចាស់ បានប្រព្រឹត្តទៅដោយរលូន។ រលូនក៏ព្រោះថា អាស៊ានដែលមានកម្ពុជាជាម្ចាស់ផ្ទះមិនបានលើករបៀបវារៈពីបញ្ហាសមុទ្រចិនខាងត្បូង និងបញ្ហាកោះតៃវ៉ាន់ជាដើម។

ក្នុងសុន្ទរកថាបើកកិច្ចប្រជុំកំពូលអាស៊ី-បូព៌ា សម្តេចតេជោ ហ៊ុន សែន បានលើកឡើងថា កិច្ចប្រជុំកំពូលនាថ្ងៃនេះ កំពុងដើរតួជាវេទិកាសន្ទនា ក្នុងកម្រិតយុទ្ធសាស្រ្ដដ៏សំខាន់ នៅក្នុងចំណោមវេទិកាពហុភាគីធំៗ ក្នុងការជំរុញកិច្ចសហប្រតិបត្តិការនៅក្នុងតំបន់អាស៊ីបូព៌ាទាំងមូល និងតំបន់ពាក់ព័ន្ធដទៃទៀត ។

សម្តេចតេជោ ហ៊ុន សែន បានបន្តថា ជាក់ស្តែងបញ្ហា និងភាពតានតឹងជាច្រើន ដែលសកល លោកកំពុងតែប្រឈម កំពុងបង្អាក់កិច្ចខិតខំប្រឹងប្រែងដ៏លំបាកកន្លង ក្នុងការជំរុញការអភិវឌ្ឍប្រកប ដោយចីរភាព និងបានបង្កទុក្ខលំបាកជាអនេក ដល់ការរស់នៅរបស់ប្រជាជន ។

សម្តេចតេជោនាយករដ្ឋមន្ត្រីបានគូសបញ្ជាក់បន្ថែមថានេះក៏ជាសារ ដាស់តឿនមួយ សម្រាប់ភាគីទាំងអស់ត្រូវរួបរួមគ្នាក្នុងការថែរក្សាផលប្រយោជន៍រួម ដើម្បីកសាង អនាគត ដ៏ត្រចះត្រចង់សម្រាប់អ្នកជំនាន់ក្រោយ និងត្រូវធានាឱ្យបានថា កិច្ចសហប្រតិបត្តិការរឹងមាំ ជានិច្ច ទោះស្ថិតក្នុងកាលៈទេសៈណាក៏ដោយ៕

The post កំឡុងនៅភ្នំពេញ លោក បៃដិន ប្រកាសប្តេជ្ញាចិត្តធ្វើការជាមួយអាស៊ាន ដែលមានឥទ្ធិពល appeared first on .

រយៈពេល ៦ថ្ងៃដែលកម្ពុជាជាធ្វើម្ចាស់បានដឹកនាំកំពូលអាស៊ាន និងកិច្ចប្រជុំពាក់ព័ន្ធនានា ហើយថ្ងៃនេះបន្ទាប់ពីបញ្ចប់កិច្ចប្រជុំកំពូលនេះ សម្តេចតេជោ ហ៊ុន សែន នឹងប្រកាសបិទបញ្ចប់កិច្ចប្រជុំកំពូលអាស៊ានលើកទី៤០, ៤១ និងកិច្ចប្រជុំកំពូលពាក់ព័ន្ធ ព្រមទាំងប្រគល់ញញួរផ្ទេរតួនាទីប្រធានអាស៊ាន ប្តូរវេនសម្រាប់ឆ្នាំ២០២៣ ជូនលោក ចូកូ វីដូដូ ប្រធានាធិបតីឥណ្ឌូនេស៊ី ដើម្បីធ្វើជាប្រធានអាស៊ានបន្តពីកម្ពុជា។

សូមបញ្ជាក់ថា ប្រទេសឥណ្ឌូនេស៊ី ត្រូចបានចូលជាសមាជិកអាស៊ាន ឈរលេខរៀងទី៥ នៅថ្ងៃទី០៨ ខែសីហា ឆ្នាំ១៩៦៧។ ឥណ្ឌូនេស៊ី  គឺជាប្រទេសមួយស្ថិតនៅប៉ែកខាងត្បូងនៃតំបន់អាស៊ីអាគ្នេយ៍ និងតំបន់មេឡាណេស៊ី ចន្លោះរវាងមហាសមុទ្រឥណ្ឌានិងប៉ាស៊ីហ្វិក។ ប្រទេសនេះមានកោះសរុបប្រមាណ ១៧,០០០ កោះដោយក្នុងនោះមានកោះសំខាន់ៗដូចជា៖ កោះស៊ូម៉ាត្រា ស៊ូឡាវីស៊ី ជ្វា ផ្នែកមួយនៃកោះបរនេអូ និងនូវែលគីនេ។

ទន្ទឹមនឹងនេះ ឥណ្ឌូណេស៊ីគឺជាប្រទេសកោះធំជាងគេបង្អស់ តែបើគិតជាទូទៅ វាជាប្រទេសធំបំផុតទី ១៤ នៅលើពិភពលោកដោយមានក្រឡាផ្ទៃសរុបស្មើនឹង ១,៩០៤,៥៦៩ គម។ ដោយមានប្រជាជនសរុប ២៧០ លាននាក់ ឥណ្ឌូណេស៊ីគឺជាប្រទេសដែលមានចំនួនប្រជាជនច្រើនបំផុតទី ១៤ និងជាប្រទេសមានប្រជាជនកាន់សាសនាឥស្លាមច្រើនបំផុតផងដែរ។

ប្រជាជនឥណ្ឌូណេស៊ីជាងពាក់កណ្តាលមានទីលំនៅលើកោះជ្វា ហើយវាក៏ត្រូវជាកោះដែលមានប្រជាជនរស់នៅច្រើនបំផុតផងដែរបើប្រៀបធៀបទៅនឹងកោះផ្សេងៗនៅលើពិភពលោក៕

The post សម្តេចតេជោ ហ៊ុន សែន នឹងប្រគល់ញញួរប្រធានអាស៊ានទៅឲ្យប្រធានាធិបតី ចូកូ វីដូដូ នារសៀលនេះ appeared first on .

ក្នុងចំណោម​រដ្ឋមន្ត្រី និង​មេដឹកនាំ​ប្រចាំ​ប្រទេស​នីមួយៗ​ដែល​ចូលរួម​កិច្ចប្រជុំកំពូល​មួយ​នេះ គេចាប់អារម្មណ៍​ថា ប្រធានាធិបតី​អាមេរិក ចូ បៃឌិន មាន​វ័យ​ចំណាស់​ជាងគេ ពោល​មាន​អាយុ ៧៩ ឆ្នាំ ខណៈ​រដ្ឋមន្ត្រីការបរទេស​អ៊ុយក្រែន​មានវ័យក្មេង​បំផុត ៤១ ឆ្នាំ។

ខាងក្រោម​នេះ​គឺជា​បញ្ជី​ឈ្មោះ​ និង​អាយុ​របស់​មេដឹកនាំ និង​សមាជិក​អាស៊ាន​ដែល​បានចូលរួម​កិច្ចប្រជុំកំពូលអាស៊ាន​លើកទី ៤០ និង ៤១ នៅ​កម្ពុជា៖

-នាយករដ្ឋមន្ត្រី ហ៊ុន សែន មាន​អាយុ ៧០ ឆ្នាំ

– ព្រះចៅស៊ុលតង់ ហាជី ហាលសាណាល់ បុលគីយ៉ាស់ មុយអ៊ីហ្សាឌីន វ៉ាឌូឡាហ៍ ព្រះមហាក្សត្រ ព្រុយណេដារូហ្សាឡឹម មានអាយុ ៧៦ ឆ្នាំ

– ឯកឧត្តម ចូកូ វីដូដូ ប្រធានាធិបតី ឥណ្ឌូនេស៊ី មានអាយុ ៦១ ឆ្នាំ

– ឯកឧត្តម ហ្វឺឌីណាន់ ម៉ាកូស ជេអរ ប្រធានាធិបតី ហ្វីលីពីន មានអាយុ ៦៥ ឆ្នាំ

– ឯកឧត្តម ផនខាំ វីផាវ៉ាន់ នាយករដ្ឋមន្រ្តី ឡាវ មានអាយុ ៧១ ឆ្នាំ

– ឯកឧត្តម លី សៀនលូង នាយករដ្ឋមន្រ្តី សិង្ហបុរី មានអាយុ ៧០ ឆ្នាំ

– ឯកឧត្តម ផាម មិញជិញ នាយករដ្ឋមន្រ្តីនៃសាធារណរដ្ឋសង្គមនិយមវៀតណាម មានអាយុ ៦៣ ឆ្នាំ

– ឯកឧត្តម ប្រាយុទ្ធ ចន្ទអូចា នាយករដ្ឋមន្រ្តី ថៃ មានអាយុ ៦៨ ឆ្នាំ

– ឯកឧត្តម តាន់ ស្រ៊ី អាហ្សា អាហ្ស៊ីហ្សាន់ ហារុន បេសកជនពិសេស និងជាតំណាងឯកឧត្តមនាយករដ្ឋមន្រ្តី ម៉ាឡេស៊ី មានអាយុ ៦០ ឆ្នាំ

– ប្រធានាធិបតីទីម័រខាងកើត Jose Ramos-Horta មានអាយុ ៧២ ឆ្នាំ

-ប្រធានាធិបតីអាមេរិក ចូ បៃឌិន មានអាយុ ៧៩ ឆ្នាំ

-អនុប្រធានាធិបតីឥណ្ឌា Jagdeep Dhankhar មានអាយុ ៧១ ឆ្នាំ

-ប្រធានាធិបតីកូរ៉េខាងត្បូង Yoon Suk-yeol មានអាយុ ៦១ ឆ្នាំ

-នាយករដ្ឋមន្ត្រីជប៉ុន Fumio Kishida មានអាយុ ៦៥ ឆ្នាំ

-នាយករដ្ឋមន្ត្រីកាណាដា Justin Trudeau មានអាយុ ៥០ ឆ្នាំ

-រដ្ឋមន្ត្រីការបរទេសរុស្ស៊ី Sergei Lavrov មានអាយុ ៧២ ឆ្នាំ

-រដ្ឋមន្ត្រីការបរទេសអ៊ុយក្រែន Dmytro Kuleba មានអាយុ ៤១ ឆ្នាំ

-នាយករដ្ឋមន្ត្រីអូស្ត្រាលី Anthony Albanese មានអាយុ ៥៩ ឆ្នាំ

-នាយករដ្ឋមន្ត្រីចិន Li Keqiang មានអាយុ ៦៧ ឆ្នាំ

-នាយករដ្ឋមន្ត្រីណូវែលសេឡង់ លោកស្រី Jacinda Ardern មានអាយុ ៤២ ឆ្នាំ

-អគ្គលេខាធិការអង្គការសហប្រជាជាតិ Antonio Guterres មានអាយុ ៧៣ ឆ្នាំ៕

The post មកដឹងពីអាយុថ្នាក់ដឹកនាំកំពូលៗ ចូលរួមកិច្ចប្រជុំកំពូលអាស៊ាននៅភ្នំពេញ appeared first on .

ក្នុងនោះ គេ​សង្កេត​ឃើញ​ថា ក្នុង​ចំណោម​ថ្នាក់​ដឹកនាំ​កំពូលៗ​ទាំង​អស់​ដែល​បាន​អញ្ជើញ​ចូលរួម​កិច្ចប្រជុំកំពូល​អាស៊ាន​សារនេះ មាន ២ រូប បាន​ប្រើប្រាស់​រថយន្ត​ការពារគ្រាប់​ជា​ក្បួន​ដំណើរ​គឺ ប្រធានាធិបតី​អាមេរិក ចូ បៃឌិន និង​នាយករដ្ឋមន្ត្រី​ជប៉ុន Fumio Kishida ខណៈ​មេដឹកនាំ​ទាំង ២ នេះ​សុទ្ធតែ​បាន​អញ្ជើញ​មក​ដល់​ប្រទេស​កម្ពុជា​ក្នុង​ថ្ងៃតែមួយ​គឺ ១២ វិច្ឆិកា ២០២២។

រថយន្ត​ដែល​ត្រូវ​បាន​ប្រើប្រាស់​ដោយ​ប្រធានាធិបតី​អាមេរិក គឺ​ជា​ប្រភេទ Cadillac Escalade ដែល​ត្រូវបាន​យក​មក​កែច្នៃ ទៅ​ជា​រថយន្ត​ពាសដែក និង​ត្រូវបាន​រដ្ឋាភិបាល​ដាក់​ឈ្មោះ​ថា The Beast ដោយសារ​បច្ចេកវិទ្យា និង​សមត្ថភាព​ដ៏​អស្ចារ្យ​របស់​រថយន្ត​មួយ​គ្រឿង​នេះ។

ចំណែកឯ រថយន្ត​មួយ​គ្រឿង​ទៀត​ប្រើប្រាស់​ជា​យានជំនិះ​របស់​នាយករដ្ឋមន្ត្រី​ជប៉ុន​គឺ Mercedes-Maybach S 650 Pullman Guard ជា​រថយន្ត​កំពូល​ប្រចាំ​ត្រកូល S-Class និង​ផលិត​ឡើង​យ៉ាង​សម្រិតសម្រាំង​សម្រាប់​បុគ្គល VIP។

ដោយឡែក សម្រាប់​តម្លៃ​របស់​រថយន្ត​ទាំង ២ គ្រឿង​នេះ​វិញ​គឺ Mercedes-Maybach S 650 Pullman Guard មាន​តម្លៃ​ជាង ២ លាន​ដុល្លារ ខណៈ The Beast គឺ​មាន​តម្លៃ​រហូត​ដល់ ១៥ លាន​ដុល្លារ ដោយសារ​ការ​កែច្នៃ​ និង​បំពាក់​បច្ចេកវិទ្យា​ទំនើបផ្សេងៗ​ទៀត៕

The post មេដឹកនាំ ២ រូប ប្រើប្រាស់​រថយន្តការពារគ្រាប់​ ជាក្បួនដំណើរ​ចូលរួម​កិច្ចប្រជុំកំពូលអាស៊ាននៅកម្ពុជា appeared first on .

ចំពោះការមកដល់​របស់​ថ្នាក់ដឹកនាំ​ប្រទេស​ជប៉ុន គេ​សង្កេត​ឃើញ​ថា រថយន្ត​ប្រើ​ក្នុង​ក្បួនដំណើរ​របស់​លោក​សុទ្ធតែ​សេរី​ទំនើប ហើយ​ក្នុង​នោះ​មាន​មួយ​គ្រឿង​ជា​ប្រភេទ​រថយន្ត​ការពារ​គ្រាប់ និង​ការ​បំផ្ទុះ​ខ្នាត​តូច​ទៀតផង។

Mercedes-Maybach S 650 Pullman Guard ត្រូវបាន​គេ​ប្រទះ​ឃើញ​ ប្រើប្រាស់​ជា​ក្បួន​ដំណើរ​របស់​នាយករដ្ឋមន្ត្រីជប៉ុន ខណៈ​រូបរាង​របស់​រថយន្ត​នេះ​មាន​សភាព​វែងជាង​ត្រកូល S-Class ទូទៅ ហើយ​សមត្ថភាព​ក៏​មិនធម្មតា​ផងដែរ។

វាអាច​ទប់ទល់​ជាមួយ​នឹង​ការ​វាយប្រហារ​ផ្សេងៗដូចជា គ្រាប់កាំភ្លើង ការបំផ្ទុះ​ខ្នាតតូច ហើយ​រចនាបថ​ខាងក្នុង​រថយន្ត​បំពាក់​ជាមួយ​បច្ចេកវិទ្យាទំនើបៗ​ជាច្រើន។

ដោយសារ​តែ​ការ​រចនាបថ​ពិសេស ប្លែក​ពី​ត្រកូល S-Class ទូទៅ រថយន្ត​ប្រណីត​មួយ​នេះ​មាន​តម្លៃ​ប្រមាណ ២ ២៥៥ ០០០ ដុល្លារ​នៅ​អាមេរិក។ នេះបើតាម​ការចុះផ្សាយពី Autoevolution៕

The post រថយន្តប្រើក្នុងក្បួនដំណើរនាយករដ្ឋមន្ត្រីជប៉ុន ជាប្រភេទរថយន្តការពារគ្រាប់ តម្លៃជាង ២ លានដុល្លារ appeared first on .

សម្រាប់​ការ​មក​ដល់​របស់​មេដឹកនាំ​មហាអំណាច​លោក​ខាងលិច ក៏​មាន​ការ​ការពារ​យ៉ាងតឹងតែង​ដូចជា ចាប់ពីម៉ោង ៨ព្រឹកនេះ នៅតាមផ្លូវសហព័ន្ធរុស្ស៉ី ចាប់ពីព្រលានយន្ដហោះ ដល់សណ្ឋាគារឡឺរ៉ូយ៉ាល់ ត្រូវបានបិទទាំងស្រុង ដើម្បីការពារក្បួនធ្វើដំណើររបស់ប្រធានាធិប តីអាមេរិក។

សូមជម្រាបដែរថា ប្រធានាធិបតីអាមេរិក នឹង​សម្រាក​នៅ​កម្ពុជា​រយៈពេល​មួយ​​ថ្ងៃ​ និង​បន្ត​ចាកចេញ​ទៅ​ប្រទេស​ឥណ្ឌូណេស៊ី ដើម្បី​ត្រៀម​ចូល​កិច្ចប្រជុំ​កំពូល G20 នៅ​រសៀល​ថ្ងៃទី ១៣ វិច្ឆិកា​ស្អែកនេះ៕

The post ប្រធានាធិបតីអាមេរិកបានមកដល់កម្ពុជា ត្រៀមចូលរួមកិច្ចប្រជុំកំពូលអាស៊ាន appeared first on .

យោងតាម​ការ​ចុះផ្សាយ​ ពី​កាសែត​រដ្ឋ​ទីក្រុង​ប៉េកាំង​បាន​អះអាងថា ពួកគេ​នឹង​ជួប​ជជែក​ជាមួយ​ថ្នាក់ដឹកនាំ​អាស៊ាន​ទាំងអស់​ ដែល​ចូលរួម​ក្នុង​កិច្ច​ប្រជុំ​​នៅ​ក្នុង​សប្ដាហ៍នេះ ដើម្បី​ពន្លឿន​ការ​ចរចា​គម្រោង​ពាណិជ្ជកម្ម​ខ្នាត​ធំ​ដែល​មាន​ឈ្មោះ​ថា Asean-China Free Trade Area “Version 3.0”។

គួរ​រំលឹកដែរថា សមាជិក​អាស៊ាន ១០ ប្រទេស មិនរាប់​បញ្ចូល​សមាជិក​កូនពៅ​ ទីម័រខាងកើត មាន​ប្រជាជន​ប្រមាណ ៦៨៥ លាន​នាក់​ និង​កំពុង​វិវឌ្ឍន៍​ទៅ​ជា​មជ្ឈមណ្ឌល​ពាណិជ្ជកម្ម​សកល​មួយ ខណៈ​ទំហំ​ពាណិជ្ជកម្ម​រវាង​ចិន និង​អាស៊ាន​បាន​កើន​ឡើង​ដល់​ ៨៧៨,២ ពាន់​លាន​ដុល្លារ ត្រឹម​រយៈពេល ៩ ខែ​តំបូង​ឆ្នាំនេះ។

ដោយឡែក បើតាម​ការ​ចុះផ្សាយ​ពី TheStar បាន​បង្ហើប​ថា មូលហេតុ​ដែល​ចិន​ចង់​ពង្រីក​តំបន់​ពាណិជ្ជកម្ម​ជាមួយ​អាស៊ាន ដោយសារ​មួយ​រយៈ​ចុងក្រោយ​នេះ អាមេរិក​ធ្វើទុក្ខបុកម្នេញ​ខ្លាំងពេក ដូចជា តំឡើង​ពន្ធ​លើ​ការនាំចេញ​នាំចូល​ទំនិញ​ផ្នែក​បច្ចេកវិទ្យា​ពី​ចិន​ទៅ​អាមេរិក​ជាដើម។

សូមជម្រាប​ដែរថា រយៈពេល ១២ ឆ្នាំ​មក​នេះ ពាណិជ្ជកម្ម​រវាង​ចិន​ និង​អាស៊ាន​បាន​កាត់​បន្ថយ​ពន្ធ​ទំនិញ​នាំចេញនាំចូល ប្រមាណ ៩០% ឯណោះ៕

The post ចិន ចូលតុចរចាជាមួយអាស៊ាន ពង្រីកតំបន់ពាណិជ្ជកម្មសេរីទ្វេភាគី appeared first on .

កិច្ចប្រជុំកំពូលអាស៊ាន-ចិន នេះ ក៏មានការយាង និងអញ្ជើញចូលរួមពីសំណាក់ព្រះចៅស៊ុលតង់ ព្រះមហាក្សត្រនៃ​ប្រ​ទេសប្រ៊ុយណេ​, លោក ចូកូ វីដូដូ ប្រធានាធិបតីឥណ្ឌូនេស៊ី, លោក លី ស៊ានឡុង នាយករដ្ឋមន្ត្រីសិង្ហបុរី, លោក ប្រាយុទ្ធ ច័ន្ទអូចា នាយករដ្ឋមន្ត្រីថៃ, លោក ផាម មីងជិញ នាយករដ្ឋមន្ត្រីវៀតណាម, លោក ផនខាំ វីផាវ៉ាន់ នាយករដ្ឋមន្ត្រីឡាវ, លោក ហ្វេដីណេន ម៉ាកូស ប្រធានាធិបតីហ្វីលីពិន និងលោក លោក Tan Sri Datuk Azhar Azizan Harun ប្រធានសភាម៉ាឡេស៊ី តំណាងឱ្យនាយករដ្ឋមន្ត្រីម៉ាឡេស៊ី ខណៈទេសមីយ៉ាន់ម៉ា អវត្តមានដោយមិនមានតំណាងចូលរួមនោះឡើយ។

ចិន បានក្លាយជាដៃគូសន្ទនារបស់អាស៊ាន កាលពីឆ្នាំ១៩៩១។ ជាមួយគ្នានេះ អាស៊ាន-ចិន បានសម្រេចបង្កើនកម្រិតទំនាក់ទំនងទៅជាដៃគូយុទ្ធសាស្ត្រគ្រប់ជ្រុងជ្រោយ ដោយទទួលស្គាល់ថា ទំនាក់ទំនងអាស៊ាន-ចិន គឺស្ថិតក្នុងចំណោមទំនាក់ទំនង ដែលប្រកបដោយថាមវន្តបំផុត មានសារៈសំខាន់ និងផ្តល់ផលប្រយោជន៍ទៅវិញទៅមក និងបានរួមចំណែកដល់ការថែរក្សាសន្តិភាព ស្ថិរភាព អភិវឌ្ឍន៍ និងវិបុលភាពនៅក្នុងតំបន់។

គួររម្លឹកថា ទំហំពាណិជ្ជកម្មរវាងចិន និងអាស៊ាន កើនដល់ ៥៤៤.៩ពាន់លានដុល្លារអាមេរិក គិតត្រឹមខែកក្កដា ឆ្នាំ២០២២ ស្របពេលចិន គឺជាដៃគូរវិនិយោគដ៏ធំជាងគេបំផុតរបស់អាស៊ានប្រមាណ ១៣ឆ្នាំជាប់គ្នាៗរួចមកហើយ៕

The post សម្តេច ហ៊ុន សែន និងលោក លី​ ខឺឈាង ធ្វើជាសហប្រធានដឹកនាំកិច្ចប្រជុំកំពូលអាស៊ាន-ចិន appeared first on .

នៅក្នុងដំណើរទទួលបដិសណ្ឋារកិច្ចស្វាគមន៍ប្រធានាធិបតី​កូរ៉េខាងត្បូង ដោយលោក សាយ សំអាល់ រដ្ឋមន្រ្តីក្រសួងបរិស្ថាន និងប្រើប្រាស់រថយន្ត​ក្នុង​ក្បួនដំណើរសុទ្ធតែ​សេរី​ទំនើប ហើយ​ក្នុង​ចំណោម​នោះ​គឺ Cadillac Escalade 2021 ដែល​ជា​រថយន្ត​ប្រភេទ SUV ទំនើប

យោងតាម​ការ​ចុះផ្សាយ​ពីគេហទំព័រ USNews បាន​ឲ្យដឹងថា ចាប់ពី​សេរី​ឆ្នាំ ២០២១ ឡើង​ទៅ Escalade បាន​ផ្លាស់​ប្ដូរ​រចនាបថ​ទាំងស្រុង ហើយ​ផ្នែក​ខាងក្នុង​មាន​សភាព​ទូលាយ​ជាងមុន បើ​ទោះជា​រថយន្ត​ប្រភេទនេះ មាន ៧ កៅអី​ក៏​ដោយ។

Cadillac Escalade ផលិតមក​មាន​ច្រើនជម្រើស ជាមួយ​នឹង​កម្លាំង​ម៉ាស៊ីន​មិន​សូវ​លើសខ្វះគ្នា ដោយ​ប្រភេទ​ខ្លះ​បើកបរ​ដោយ​ប្រើកង់ក្រោយ និង​ខ្លះ​ទៀត​ប្រើបាន​កង់​ទាំង ៤។ កាន់តែពិសេស​នោះគឺ ឆ្លង​កាត់​ការ​ធ្វើតេស្ត​កម្រិត​សុវត្ថិភាព​រួចមក Cadillac Escalade 2021 ពិត​ជា​ស័ក្ដិសម​ក្នុង​ការប្រើប្រាស់​ជា​រថយន្ត​ក្នុង​ក្បួន​ដំណើរ ដោយសារ​វា​ធន់​នឹង​ការ​ប៉ះទង្គិច​ទាំងមុខ និង​ចំហៀង។

សូមជម្រាបដែរថា Cadillac Escalade មានច្រើន​ប្រភេទ​សម្រាប់​ជ្រើសរើស ខណៈ​តម្លៃ​របស់​វា​នៅ​លើ​ទីផ្សារ​អាមេរិក​វិញ មាន​ចាប់ពី​ជាង ៧៦ ០០០ រហូត​ដល់ជាង ១០០ ០០០ ដុល្លារ​ក៏​មាន៕

The post រថយន្តប្រើក្នុងក្បួនដំណើរ ទទួលប្រធានាធិបតីកូរ៉េខាងត្បូង និងជំទាវទី ១ មានតម្លៃជិត ៨ ម៉ឺនដុល្លារ appeared first on .