ពិធីប្រគល់រថយន្ដក្រុងចំនួន២០០គ្រឿង ដល់សាលារាជធានីភ្នំពេញ ត្រូវបានចុះហត្ថលេខាដោយលោក ឃូង ស្រេង អភីបាលរាជធានីភ្នំពេញ និងលោក LEE JOONG KEUN ប្រធានក្រុមប្រឹក្សាភិបាល ក្រុមហ៊ុន ប៊ូយ៉ុង គ្រុប កាលពីថ្ងៃទី០១ ខែកញ្ញា ឆ្នាំ២០២២។

នៅក្នុងពិធីប្រគល់នេះដែរ លោក ឃួង ស្រេង បានចាត់ទុកថា ការផ្ដល់ជំនួយរបស់ក្រុមហ៊ុន គឺជាការបង្ហាញឲ្យឃើញពីការរួមចំណែក បង្កើនទំនាក់ទំនង និងកិច្ចសហប្រិបត្ដិការ រវាងរដ្ឋាភិបាលកូរ៉េ និងរាជរដ្ឋាភិបាលកម្ពុជា។

សូមជម្រាបថា ក្រុមហ៊ុន ប៊ូយ៉ុង គ្រុប បានបណ្ដាក់ទុនវិនិយោគនៅក្នុងប្រទេសកម្ពុជា ហើយបានចូលរួមចំណែកផ្ដល់នូវអត្ថប្រយោជន៍ផ្នែកសេដ្ឋកិច្ច និងសង្គមជាច្រើនសម្រាប់ប្រជាជនកម្ពុជា៕

The post ក្រុមហ៊ុន ប៊ូយ៉ុង គ្រុប ប្រគល់រថយន្តក្រុងសាធារណៈ ២០០គ្រឿងឱ្យលោក ឃួង ស្រេង appeared first on .

បើតាមតំណាងកម្មករ ជនជាតិកូរ៉េ ដែលបានចូលរួមក្នុងការតវ៉ានេះ បានឱ្យដឹងថា កម្មករទាំងនេះ កំពុងធ្វើការសាងសង់សាលារៀនរបស់ក្រុមហ៊ុន Booyoung Town ដែលមានទីតាំងនៅខាងក្រោយគំរោងខុនដូ Booyoung ស្ថិតនៅលើមហាវិថីសហព័ន្ឋរុស្ស៉ី។ តំណាងកម្មករបន្តថា អ្វីដែលពួកគេទាមទារគឺប្រាក់ខែ ដើម្បីសម្រួលដល់ជីវភាពរស់នៅ។

គួរបញ្ជាក់ដែរថា បើតាមការឲ្យដឹងពីតំណាងកម្មករដដែលបានឲ្យដឹងថា ការតវ៉ាកាលពីថ្ងៃទី២២ ខែសីហា ឆ្នាំ២០២២នេះ គឺដោយសារក្រុមហ៊ុន Booyoung មិនបានបើកប្រាក់ខែ ឱ្យពួកគេរយៈពេលពីរខែមកហើយ ទើបការតវ៉ានេះបានកើតឡើង។ ពោល គឺប្រាក់ខែដែលក្រុមហ៊ុននេះមិនទាន់បើកឱ្យពួកគេ គឺចាប់ពីខែមិថុនា ខែកក្កដា និងខែសីហានេះ ក៏ពួកគេមិនដឹងទទួលបានឬយ៉ាងណានៅឡើយ។

យ៉ាងណា បើតាមតំណាងកម្មករខាងលើ បានឲ្យដឹងថា បន្ទាប់ពីលើកគ្នាតវ៉ា គិតមកត្រឹម១០៖៥៤នាទី ថ្ងៃទី២២ ខែសីហានេះ គឺកម្មករទាំងអស់បានបំបែកជួរគ្នាហើយ ខណៈតំណាងកម្មករ និងក្រុមហ៊ុនបានចូលរួមជជែកគ្នា ដើម្បីស្វែងរកដំណោះស្រាយលើការទាមទារខាងលើនេះ៕ អត្ថបទ៖ រង្សី

The post ក្រុមវិស្វករ និងកម្មករប្រមាណ៣០០នាក់ លើកគ្នាតវ៉ាទាមទារឲ្យក្រុមហ៊ុន Booyoung បើកប្រាក់ខែ appeared first on .

ក្រុមហ៊ុន ​BOOYOUNG TOWN បានចាយ​លុយ​ជាង​១៦០លានដុល្លារអាមេរិក ដើម្បី​អភិវឌ្ឍន៍លំនៅដ្ឋានបែបសហកម្មសិទ្ឋ និងមជ្ឈមណ្ឌលពាណិជ្ជកម្ម ដែល​មាន​ទីតាំង​ស្ថិតក្នុងសង្កាត់ទឹកថ្លា ខ័ណ្ឌសែនសុខ។

អគារស្នាក់នៅនិងពាណិជ្ជកម្មនេះ ផ្តោតលើទីផ្សារ​អតិថិជនបីប្រភេទ គឺអតិថិជនមានជីវភាពមធ្យម អតិថិជនមានជីវភាព​មធ្យមកម្រិតខ្ពស់ និងខុនដូ​ប្រណីតដែលផ្តោតលើអ្នកមានជីវភាពធូរធារខ្លាំង៕

The post ទាក់ភ្នែក​អគារ​ Booyoung Town តាម​ផ្លូវ​សហព័ន្ធ រំលេច​ពណ៌ឆើត​ទាក់ភ្នែក​អ្នក​ដំណើរ​ទៅ​មក appeared first on .