David Beckham

David Beckham រកចំណូលបានជាង ២០លានដុល្លារ ពីការសម្រាកញ៉ាំទឹក នៅក្នុងការប្រកួត World Cup

ឧកញ៉ាសាមញ្ញ — Wed, 01 Jul 2026 08:19:20 +0000

អតីតតារាបាល់ទាត់ឆ្នើម David Beckham ត្រូវបានគេរាយការណ៍ថា អាចរកចំណួលបានរហូតដល់ជាង ២៣លានដុល្លារ ពីការបង្ហាញខ្លួននៅក្នុងការផ្សាយពាណិជ្ជកម្មដែលបានចាក់ផ្សាយក្នុងអំឡុងពេលសម្រាកញ៉ាំទឹកពីរលើក ក្នុងអំឡុងពេលនៃការប្រកួតបាល់ទាត់ World Cup ឆ្នាំ២០២៦ នេះ។ នេះបើតាមការចុះផ្សាយពីសារព័ត៌មាន The Telegraph។

នៅក្នុងព្រឹត្តិការណ៍បាល់ទាត់ World Cup ឆ្នាំ២០២៦ អាជ្ញាកណ្តាលនឹងផ្អាកការប្រកួតជាកំហិតនៅនាទីទី២២ នៃវគ្គនីមួយៗ។ ក្នុងអំឡុងពេលសម្រាកនីមួយៗ កីឡាករមកពីក្រុមទាំងពីរត្រូវបានអនុញ្ញាតឱ្យចាកចេញពីទីលានរយៈពេលបីនាទី ដើម្បីសម្រាកផឹកទឹក ឬ Water Break។

ជុំវិញច្បាប់ថ្មី ដែលត្រូវបានអនុវត្តចំពោះការប្រកួតទាំង ១០៤ នេះត្រូវបានក្លាយជាប្រធានបទនៃការជជែកវែកញែកជាច្រើន ដែលកំពុងដំណើរការនៅក្នុងប្រទេសជាម្ចាស់ផ្ទះមានដូចជាសហរដ្ឋអាមេរិក ម៉ិកស៊ិក និងកាណាដា។

ប៉ុន្តែទោះជាយ៉ាងណាក៏ដោយ ការសម្រាកនេះ ហាក់បានផ្តល់អត្ថប្រយោជន៍ច្រើនដល់មនុស្សមួយចំនួនអំពីការផ្សព្វផ្សាយពាណិជ្ជកម្ម រួមទាំងអតីតប្រធានក្រុមជម្រើសជាតិអង់គ្លេស លោក David Beckham ផងដែរ។

គួរឲ្យដឹងថា ក្នុងអំឡុងពេលប្រកួតនីមួយៗ នៅពេលដែលបុស្តិ៍ទូរទស្សន៍ Fox Sports បានប្តូរទៅការផ្សាយពាណិជ្ជកម្មក្នុងអំឡុងពេលសម្រាកពាក់កណ្តាលម៉ោង ឬការសម្រាកផឹកទឹក នោះ Beckham អាចបង្ហាញខ្លួននៅក្នុងការផ្សាយពាណិជ្ជកម្មចំនួនបីផ្សេងគ្នា។ ហើយបើតាមកាសែតប្រេស៊ីល Globo បានប៉ាន់ប្រមាណថាកិច្ចសន្យាផ្សាយពាណិជ្ជកម្មទាំងនេះបាននាំមកនូវ Beckham នូវទឹកប្រាកប្រមាណជាង ២៣លានដុល្លារអាមេរិកឯណោះ។

គួរជម្រាបជូនថា Beckham ត្រូវបានចាត់ទុកថាបុគ្គលដ៏មាន០ឥទ្ធិពលមួយនៅអាមេរិក និងថែមទាំងបានក្លាយជាអត្តពលិកអង់គ្លេសដំបូងគេ ដែលមានទ្រព្យសម្បត្តិសលើ ១ពាន់លានផោនផងដែរ កាលពីពាក់កណ្តាលខែឧសភា៕

The post David Beckham រកចំណូលបានជាង ២០លានដុល្លារ ពីការសម្រាកញ៉ាំទឹក នៅក្នុងការប្រកួត World Cup appeared first on .

David Beckham ក្លាយជាអត្តពលិកអង់គ្លេសដំបូងគេ ឡើងងារជាមហាសេដ្ឋី មានទ្រព្យលើស ១ពាន់លានដុល្លារ

ឧកញ៉ាសាមញ្ញ — Mon, 18 May 2026 08:15:12 +0000

យោងតាមបញ្ជីអ្នកមានបំផុតឆ្នាំ២០២៦ របស់កាសែត The Sunday Times បានបង្ហាញថា David Beckham បានក្លាយជាអត្តពលិកអង់គ្លេសដំបូងគេដែលមានទ្រព្យសម្បត្តិផ្ទាល់ខ្លួនលើសពី ១ពាន់លានផោន។ ប្រធានក្រុមបាល់ទាត់ជម្រើសជាតិអង់គ្លេស និងភរិយារបស់លោក គឺលោកស្រី Victoria ឥឡូវនេះ កំពុងស្ថិតក្នុងចំណោមអ្នកមានបំផុតរបស់ចក្រភពអង់គ្លេស។

នៅក្នុងវ័យ ៥១ឆ្នាំ អតីតខ្សែបម្រើឆ្នើមរបស់ក្រុមបាល់ទាត់ Manchester United, Real Madrid និង Paris Saint-Germain រូបនេះ ត្រូវបានចុះបញ្ជីជាមួយនឹងទ្រព្យសម្បត្តិសរុបជាង ១,១៥ពាន់លានផោន ឬស្មើប្រហែល ១,៣៦ពាន់លានអឺរ៉ូ។

យ៉ាងណាមិញ នៅក្នុងវិស័យកីឡា Beckham ជាប់ចំណាត់ថ្នាក់លេខ២ ក្នងចំណោមអត្តពលិកអង់គ្លេសមានទ្រព្យសម្បត្តិច្រើនជាងគេបំផុត ដោយតាមពីក្រោយអតីតប្រធានកម្មវិធីប្រណាំងរថយន្ត Formula 1 លោក Bernie Ecclestone ដែលមានទ្រព្យសម្បត្តិប្រមាណជាង ២ពាន់លានផោន។

គួរជម្រាបជូនផងដែរថា ចាប់តាំងពីប្រកាសចូលនិវត្តន៍ពីកីឡាករបាល់ទាត់ក្នុងឆ្នាំ២០១៣ មក Beckham បានចាប់ផ្តើមអាជីវកម្មផ្ទាល់ខ្លួនជាច្រើន ដោយរាប់តាំងពីភាពជាដៃគូសកល និងអាជីវកម្មច្នៃម៉ូដ ក៏ដូចជាសហម្ចាស់ក្លិបបាល់ទាត់ Inter Miami របស់អាមេរិកផងដែរ៕

The post David Beckham ក្លាយជាអត្តពលិកអង់គ្លេសដំបូងគេ ឡើងងារជាមហាសេដ្ឋី មានទ្រព្យលើស ១ពាន់លានដុល្លារ appeared first on .

សេដ្ឋីបាល់ទាត់ David Beckham ប្រកាសលក់ផ្ទះ Penthouse តម្លៃជិត ២៥លានដុល្លារ នៅទីក្រុង Miami

ឧកញ៉ាសាមញ្ញ — Thu, 12 Feb 2026 06:10:53 +0000

អតីតតារាបាល់ទាត់ឆ្នើម David Beckham ថ្មីៗនេះ បានលក់ផ្ទះ Penthouse ដ៏ប្រណីតបំផុតរបស់ខ្លួន ក្នុងតម្លៃ ២៤,៥លានដុល្លារ នៅទីក្រុង Miami សហរដ្ឋអាមេរិក ដោយទទួលបានប្រាក់ចំណេញយ៉ាងច្រើន។ នេះបើតាមការចុះផ្សាយពីសារព័ត៌មាន South Florida Business Journal។

ប្រភពដដែលបានរាយការណ៍ទៀតថា សហម្ចាស់ក្លិបបាល់ទាត់ Inter Miami រូបនេះ ទទួលបានប្រាក់ចំណេញរហូតដល់ ៤,៨លានដុល្លារ ពីការលក់ផ្ទះ Penthouse របស់ខ្លួន នៅក្នុងអគារ One Thousand Museum បន្ទាប់ពីបានទិញយកមកនៅក្នុងតម្លៃ ១៩,៨លានដុល្លារ នៅក្នុងឆ្នាំ២០២០។

គួរឲ្យដឹងថា ផ្ទះ Penthouse ទំហំ ៩ ២០០ ហ្វីតការ៉េ ស្ថិតនៅជាន់ទី ៥៩ នៃអគារ One Thousand Museum នេះ មានបន្ទប់គេងចំនួន ៥ បន្ទប់ទឹកចំនួន ៦ និងអាចមើលឃើញទេសភាពទីក្រុងបែប Panoramic ទៀតផង។

ជម្រាបជូនថា បើទោះបីជាបានលក់ចេញផ្ទះ Penthouse ដ៏ប្រណីតនេះហើយក៏ដោយ តែ David និងភរិយា គឺលោកស្រី Victoria Beckham ទំនងជាមិនផ្លាស់ចេញពីទីក្រុង Miami នោះឡើយនោះឡើយ ដោយគូស្នេហ៍នេះ ជាម្ចាស់វិមានមាត់ទឹកតម្លៃជាង ៧០លានដុល្លារ ស្ថិតនៅលើឆ្នេរ Miami Beach ផងដែរ៕

The post សេដ្ឋីបាល់ទាត់ David Beckham ប្រកាសលក់ផ្ទះ Penthouse តម្លៃជិត ២៥លានដុល្លារ នៅទីក្រុង Miami appeared first on .

ប្រពន្ធ David Beckham រកស៊ីមិនសូវកាក់កប មានតែខាតបង់រាប់លានដុល្លារ

ឧកញ៉ាសំពៅ — Mon, 15 Aug 2022 12:00:00 +0000

ជឿថាប្រិយមិត្តមួយចំនួនច្បាស់ជាស្គាល់ពីគូស្វាមីភរិយាដ៏មានឥទ្ធិពលបំផុតមួយគូលើលោកគឺ David Beckham និង Victoria Beckham ដ្បិតកាលពីប៉ុន្មានខែមុនពួកគេក៏ទើបនឹងក្លាយជាដន្លងជាមួយមហាសេដ្ឋីអាមេរិកមួយរូបផងដែរ។

ប្ដីប្រពន្ធមួយគូនេះគឺមានអាជីវកម្មជាច្រើនរាប់មិនអស់ ប៉ុន្តែជំនួញដែលស្ថិតក្រោមការគ្រប់គ្រងរបស់ Victoria Beckham ហាក់ជួបបញ្ហាជាញឹកញាប់ ពោលមិនសូវទទួលបានជោគជ័យហើយមានតែខាតបង់ទៀតផង។

តួយ៉ាង ហាងលក់សម្លៀកបំពាក់ទំនើបរបស់លោកស្រីគឺត្រូវបានរាយការណ៍ថា កំពុងមានបំណុលរហូតដល់ ៦៤ លានដុល្លារ ខណៈក្រុមហ៊ុនលក់គ្រឿង Make Up វិញ គឺរកស៊ីខាតលុយជិត ៨ លានដុល្លារកាលពីឆ្នាំ ២០២០។ នេះបើតាមការចុះផ្សាយពី The Mirror។

ប្រភពដដែលបានបន្ថែមទៀតថា ក្រៅពីនោះក៏មានបំណុលប្រហែល ៣៤ លានដុល្លារទៀតដែលពាក់ព័ន្ធនឹងការថតផ្សព្វផ្សាយផលិតផលផ្សេងៗជាមួយក្រុមហ៊ុនជាច្រើន ហើយបើទោះជាកំពុងជាប់បំណុលរាប់លានដុល្លារក្ដី ក៏ក្រុមហ៊ុន Victoria Beckham Beauty បានបង្ហើបថា ក្រុមហ៊ុននឹងបន្តសម្ពោធផលិតផលផ្សេងៗទៀតនៅឆ្នាំនេះ៕

The post ប្រពន្ធ David Beckham រកស៊ីមិនសូវកាក់កប មានតែខាតបង់រាប់លានដុល្លារ appeared first on .

David Beckham ត្រៀមខ្លួនក្លាយជាដន្លងជាមួយមហាសេដ្ឋីអាមេរិកម្នាក់

ឧកញ៉ាសំពៅ — Sat, 09 Apr 2022 04:37:02 +0000

កូនប្រុសច្បងរបស់អតីតតារាបាល់ទាត់ David Beckham គឺ Brooklyn Beckham បានកំពុងត្រៀមខ្លួនរួចរាល់ក្នុងការកសាងគ្រួសារថ្មីជាមួយនឹងសង្សារ Nicola ខណៈប្រភពព័ត៌មានមួយចំនួនអះអាងថា អាពាហ៍ពិពាហ៍របស់អ្នកទាំង ២ នឹងធ្វើឡើងនៅថ្ងៃទី ០៩ មេសានេះតែម្ដង ដោយមានភ្ញៀវចូលរួមប្រមាណ ៥០០ នាក់។

អនាគតកូនប្រសាររបស់ Beckham គឺជាកូនស្រីតែមួយគ្រាប់គត់របស់មហាសេដ្ឋី Nelson Peltz ខណៈបុរសម្នាក់នេះគឺជាអ្នកជំនួញអាមេរិកដែលមានទ្រព្យសម្បត្តិហូរហៀរ ទទួលបានងារជាមហាសេដ្ឋី។

ក្រឡេកទៅមើលប្រវត្តិស្នេហារបស់អ្នកទាំង ២ វិញ គឺបានទាក់ទងគ្នាតាំងពីឆ្នាំ ២០១៩ និងបានប្រកាសពីទំនាក់ទំនងឲ្យគ្រួសារទាំងសងខាងស្គាល់គ្នានៅខែកក្កដា ២០២០ និងរំលងបាន ១ ឆ្នាំពួកគេបានសម្រេចរស់នៅផ្ទះជាមួយគ្នានៅ Beverly Hills ដែលមានតម្លៃជាង ១០ លានដុល្លារ។

ក្រៅពីកើតមកលើគំនរទ្រព្យសម្បត្តិស្ដុកស្ដម្ភក្ដី តែ Nicola Peltz ក៏មានកេរ្តិ៍ឈ្មោះល្បីផងដែរ លើវិស័យសិល្បៈ ដោយនាងបានដើរតួសំខាន់ៗក្នុងរឿងដូចជា Transformers: Age of Extiction ជាដើម។

បញ្ជាក់ដែរថា អាពាហ៍ពិពាហ៍របស់គ្រួសារដ៏មានឥទ្ធិពលទាំងសងខាងនេះ នឹងធ្វើឡើងនៅ Palm Beach, Miami រដ្ឋ Florida ដែលមានឌីជេល្បីឈ្មោះ Snoop Dog ជាអ្នកចាក់ចម្រៀងនៅក្នុងកម្មវិធីមួយនោះផងដែរ៕

ប្រភព: Bolnews