ទីភ្នាក់ងារសារព័ត៌មាន Reuters បានរាយការណ៍ថា ជាមួយនឹងការវាយតម្លៃដែលបានរៀបរាប់ខាងលើ ភាគហ៊ុននីមួយៗរបស់វេទិកាដឹកជញ្ជូនអាហារ Delivery Hero ក្នុងកិច្ចព្រមព្រៀងនេះគឺស្មើនឹង ៣៣អឺរ៉ូ ក្នុងមួយហ៊ុន ឬជាង ៣៨ដុល្លារក្នុងមួយហ៊ុន។

កាលពីសប្តាហ៍មុន Uber បានបង្កើនភាគហ៊ុនរបស់ខ្លួននៅក្នុងក្រុមហ៊ុនដៃគូប្រកួតប្រជែងរបស់ខ្លួនមួយនេះ ពី ៧% ដល់ ១៩,៥% ដោយបានក្លាយជាម្ចាស់ភាគហ៊ុនធំជាងគេផងដែរ។

គួរឲ្យដឹងផងដែរថា ជុំវិញការផ្លាស់ប្តូរនេះ បានកើតឡើង ចំពេលលោក Niklas Oestberg នាយកប្រតិបត្តិក្រុមហ៊ុន Delivery Hero បានប្រកាសលាលែងពីតំណែង បន្ទាប់ពីមានសម្ពាធអស់រយៈពេលជាច្រើនឆ្នាំពីម្ចាស់ភាគហ៊ុនសំខាន់ៗ ដើម្បីផ្លាស់ប្តូរយុទ្ធសាស្ត្ររបស់ក្រុមហ៊ុន។

ទន្ទឹមនឹងនេះ ក្រុមហ៊ុន Aspex ដែលជាម្ចាស់ភាគហ៊ុន ១៥% នៃក្រុមហ៊ុន Delivery Hero ក៏កំពុងជំរុញឲ្យវេទិកាដឹកជញ្ជូនអាហារដ៏ធំបំផុតមួយនេះ កាត់បន្ថយវិសាលភាពទីផ្សាររបស់ខ្លួន និងស្វែងរកអ្នកជំនួសនាយកប្រតិបត្តិ លោក Oestberg ឲ្យបានឆាប់រហ័សផងដែរ។

គួរជម្រាបជូនផងដែរថា ទីផ្សារដឹកជញ្ជូនអាហារសកលកំពុងឃើញពីការរួមបញ្ចូលគ្នាយ៉ាងច្រើន ក្នុងរយៈពេលចុងក្រោយនេះ ដោយកាលពីឆ្នាំមុន DoorDash បានទិញយកក្រុមហ៊ុន Deliveroo ក្នុងតម្លៃប្រមាណជិត ៣ពាន់លានផោនផងដែរ៕​

The post Uber គ្រោងចាយលុយជាង ១១ពាន់លានដុល្លារ ទិញយកក្រុមហ៊ុនគូប្រជែង Delivery Hero appeared first on .

Delivery Hero ដែលជាក្រុមហ៊ុនខ្នាតយក្សរបស់អាល្លឺម៉ង់ បានធ្វើការប្រកាសកាលពីថ្ងៃពុធ ទី២០ ខែកញ្ញាថា ការលក់នេះ គឺសម្រាប់អាជីវកម្មរបស់ខ្លួន នៅក្នុងប្រទេសសិង្ហបុរី ម៉ាឡេស៊ី ហ្វីលីពីន ថៃ កម្ពុជា មីយ៉ាន់ម៉ា និងឡាវ ។

ទស្សនាវដ្តីធុរកិច្ចអាឡឺម៉ង់ WirtchaftsWoche បានរាយការណ៍បឋមមកថា ក្រុមហ៊ុន Grab របស់សិង្ហបុរី អាចនឹងត្រូវចំណាយទឹកប្រាក់ច្រើនជាង ១,០៧ពាន់លានដុល្លារ ដើម្បីទិញយកអាជីវកម្មនេះ មកគ្រប់គ្រង។

ជាមួយគ្នានោះ ខាងតំណាងក្រុមហ៊ុន Foodpanda បាននិយាយប្រាប់សារព័ត៌មាន CNA ថា ៖ “Delivery Hero បានបញ្ជាក់ពីការចរចាជាមួយភាគីជាច្រើនរួចហើយ ទាក់ទងនឹងការលក់ផ្នែកខ្លះនៃអាជីវកម្ម foodpanda របស់ខ្លួន នៅក្នុងទីផ្សារអាស៊ីអាគ្នេយ៍។ ហើយចំពោះការពិភាក្សា ឬផែនការណាមួយ គឺស្ថិតនៅក្នុងដំណាក់កាលបឋមនៅឡើយ ” ៕

The post Delivery Hero កំពុងចរចាលក់ Foodpanda ទៅឱ្យ Grab ក្នុងតម្លៃជាង ១ពាន់លានដុល្លារ appeared first on .