លោក Kristi Noem រដ្ឋមន្ត្រីក្រសួងសន្តិសុខមាតុភូមិអាមេរិក បានសរសេរនៅក្នុងលិខិតមួយ ទៅកាន់សាកលវិទ្យាល័យ Harvard កាលពីថ្ងៃទី២២ ខែឧសភាថា អាជ្ញាប័ណ្ណ Student and Exchange Visitor Program (SEVIP) របស់សាកលវិទ្យាល័យនេះ ត្រូវបានដកហូត ហើយមានប្រសិទ្ធភាពភ្លាមៗ ចាប់ពីពេលនេះ។ SEVIP គឺជាយន្តការមួយដែលអនុញ្ញតឲ្យសាកវិទ្យាល័យនៅសហរដ្ឋអាមេរិកជ្រើសរើស ចុះឈ្មោះ និងបណ្តុះបណ្តាលនិស្សិតបរទេសបាន ជាមួយនឹងទិដ្ឋការសិស្ស។

ជុំវិញការដាក់ចេញវិធានការចុងក្រោយនេះ លោកស្រី Noem បានបញ្ជាក់ឲ្យដឹងថា ដោយសារតែជាតែសាកលវិទ្យាល័យ Harvard ព្យាយាមបដិសេធម្តងហើយម្តងទៀត ក្នុងការផ្តល់ព័ត៌មានចំបាច់ ដល់ក្រសួងសន្តិសុខមាតុភូមិរបស់សហរដ្ឋអាមេរិក ពាក់ព័ន្ធនឹងការញុះញង់ឲ្យមានអំពើហិង្សា និងការប្រឆាំងទៅនឹងជនជាតិជ្វីហ្វ។

ទន្ទឹមនឹងនេះ នាយកដ្ឋានសន្តិសុខមាតុភូមិ បាននិយាយនៅក្នុងសេចក្តីថ្លែងការណ៍មួយថា ជុំវិញការដកហូតអាជ្ញាប័ណ្ណនេះ មានន័យថា Harvard នឹងមិនអាចទទួលយកនិស្សិតអន្តរជាតិបានទៀតទេ ហើយនិស្សិតអន្តរជាតិបច្ចុប្បន្នត្រូវតែចាកចេញ ឬបាត់បង់ឋានៈស្របច្បាប់របស់ពួកគេ។

ជម្រាបជូនថា ភាពតានតឹងរវាងសាកលវិទ្យា Harvard និងរដ្ឋបាលរបស់លោគ ត្រាំ បានកើនឡើង ចាប់តាំងពីចុងខែមីនាមក នៅពេលដែលក្រសួងអប់រំសហរដ្ឋអាមេរិកបានព្រមានថា ខ្លួននឹងវាយតម្លៃឡើងវិញនូវការផ្តល់ជំនួយចំនួន ៨,៧ពាន់លានដុល្លាររបស់ខ្លួន ដល់សាលាដ៏ល្បីល្បាញបំផុតមួយនេះ។ បើតាមស្ថិតិក្នុងឆ្នាំសិក្សា ២០២៤-២០២៥ សាកលវិទ្យាល័យ Harvard មាននិស្សិតអន្តរជាតិសរុបជិត ៦ ៨០០ នាក់ ដែលស្មើនឹងជាង ២៧% នៃនិស្សិតសរុបរបស់សាលា៕

The post កាន់តែក្តៅ អាមេរិក ហាមឃាត់សាកលវិទ្យាល័យ Harvard មិនឲ្យចុះឈ្មោះនិសិត្សបរទេស appeared first on .

ក្នុងឱកាសបំពេញទស្សនកិច្ចនៅរាជធានីភ្នំពេញ គណៈប្រតិភូអតីតនិស្សិតដែលបានបញ្ចប់ការសិក្សាសាកលវិទ្យាល័យ Harvard បានស្នើសុំជួបពិភាក្សាការងារជាមួយលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី២ ខែកុម្ភៈ ឆ្នាំ២០២៤ ដើម្បីស្វែងយល់ពីការអភិវឌ្ឍរីកចម្រើនកន្លងមក ផែនការអភិវឌ្ឍន៍ និងបរិយាកាសវិនិយោគនៅកម្ពុជា។

ក្នុងជំនួបនេះ លោក ស៊ុន ចាន់ថុល បានប្រាប់នូវសាវតាមួយចំនួនតាំងពីការកសាងដំបូងនៃវិមានរាជរដ្ឋាភិបាល រហូតដល់វិមាននេះបានផ្ដល់មកជាទីស្ដីការក្រុមប្រឹក្សាអភិវឌ្ឍន៍កម្ពុជា ដើម្បីជាកន្លែងទទួល និងទាក់ទាញវិនិយោគិន ក៏ដូចជាអនុវត្តកិច្ចការងារសហប្រតិបត្តិការអភិវឌ្ឍន៍ផងដែរ។ លោកបន្តថា កម្ពុជាបានបន្តអភិវឌ្ឍន៍រីកចម្រើនឥតឈប់ឈរក្រោមម្លប់សន្តិភាព និងការដឹកនាំដ៏ត្រឹមត្រូវរបស់សម្ដេចតេជោ ហ៊ុន សែន អតីតនាយករដ្ឋមន្ត្រី ដែលបានយកចិត្តទុកដាក់លើគ្រប់វិស័យ ពិសេសមានច្បាប់វិនិយោគដែលមានភាពបើកចំហរជាងប្រទេសផ្សេងទៀតក្នុងតំបន់អាស៊ាន (Liberal Investment Law)។

លោកបន្ថែមទៀតថា. ក្រោមការដឹកនាំរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រី ក្នុងនីតិកាលទី៧នេះ រាជរដ្ឋាភិបាលកម្ពុជាបានបន្តយកចិត្តទុកដាក់លើគ្រប់វិស័យ រួមមានការអភិវឌ្ឍហេដ្ឋារចនាសម្ព័ន្ធគាំទ្រដល់ការវិនិយោគ និងសម្រួលការធ្វើដំណើរទាំងផ្លូវគោក ផ្លូវដែក ផ្លូវអាកាស និងផ្លូវទឹក។

បើតាមលោក ស៊ុន ចាន់ថុល គម្រោងសំខាន់ៗទាំងនោះរួមមាន៖ គម្រោងពង្រីកផ្លូវជាតិសំខាន់ៗតភ្ជាប់កម្ពុជាទៅប្រទេសជិតខាង, គម្រោងលើកកម្រិតផ្លូវជាតិលេខ៥, គម្រោងសិក្សាផ្លូវរថភ្លើងល្បឿនលឿនភ្នំពេញ-ក្រុងព្រះសីហនុ, គម្រោងសិក្សាផ្លូវរថភ្លើងល្បឿនលឿនភ្នំពេញ-ប៉ោយប៉ែត, ផ្លូវល្បឿនលឿនភ្នំពេញ-ក្រុងព្រះសីហនុ, គម្រោងសាងសង់ផ្លូវល្បឿនលឿនភ្នំពេញ-បាវិត, គម្រោងសិក្សាផ្លូវល្បឿនលឿនភ្នំពេញ-សៀមរាប-ប៉ោយប៉ែត និងគម្រោងព្រែកជីកហ្វូណនតេជោ ដែលនឹងក្លាយជាគម្រោងផ្លូវទឹកប្រវត្តិសាស្រ្តរបស់កម្ពុជាផងដែរ។

លោកសង្កត់ធ្ងន់ថា រាជរដ្ឋាភិបាលកំពុងបន្តខិតខំប្រឹងប្រែងដើម្បីបង្កើនសមត្ថភាពធនធានមនុស្ស និងដើម្បីប្រែក្លាយកម្ពុជាទៅជាប្រទេសមានចំណូលមធ្យមកម្រិតខ្ពស់ត្រឹមឆ្នាំ២០៣០ និងជាប្រទេសមានចំណូលខ្ពស់ត្រឹមឆ្នាំ២០៥០៕

The post ឧកញ៉ា លាង ពៅ រួមទាំងអតីតនិស្សិតសាកលវិទ្យាល័យ Harvard តាមបណ្តាប្រទេសនានាមកស្វែងយល់ពីការអភិវឌ្ឍ និងបរិយាកាសវិនិយោគនៅកម្ពុជា appeared first on .

លោកស្រី Gay ត្រូវ​បាន​គេ​រិះគន់​យ៉ាងខ្លាំង ក្នុង​រយៈពេល​ប៉ុន្មាន​ខែ​ថ្មីៗ​នេះ បន្ទាប់​ពី​មាន​របាយការណ៍លេច​ឡើង​ដោយ​ចោទ​ថា​លោកស្រី ​មិន​បាន​ដកស្រង់​ប្រភព​អ្នក​ប្រាជ្ញ​ឲ្យបានត្រឹមត្រូវ ដោយការចោទប្រកាន់នេះ ត្រូវបានចេញផ្សាយដោយក្រុមអនាមិកនៅក្នុងបណ្តាញអនឡាញរបស់ពួកអភិរក្សនិយមមួយ។

ទន្ទឹមនេះ លោកស្រី Gay ក៏បានធ្លាក់ចូលទៅក្នុងរឿងអាស្រូវផងដែរ ដោយសារតែលោកស្រីបដិសេធមិននិយាយច្បាស់លាស់ ចំពោះការបង្ហោះសាររើសអើង​និង​​បង្ក​ឲ្យមាន​ហេតុ​ឆ្ពោះទៅ​រក​​​អំពើ​ប្រល័យ​ពូជ​សាសន៍​​ដោយសារ​ជម្លោះ​រវាង​អ៊ីស្រាអែល​និង​ក្រុមហាម៉ាស​ប៉ាឡេស្ទីន ក្នុងអំឡុងពេលផ្តល់សក្ខីកម្មទៅកាន់សភា កាលពីខែមុន ដែលនេះគឺជាការបំពានក្រមសីលធម៌របស់សកលវិទ្យាល័យ Harvard។

ក្រោយកើតរឿងនេះ សមាជិកសភាជាង ៧០ នាក់ រួមទាំងអ្នកប្រជាធិបតេយ្យពីរនាក់ បានអំពាវនាវឲ្យលោកស្រី Gay លាលែងពីតំណែង ខណៈពេលដែលអតីតនិស្សិត និងម្ចាស់ជំនួយធំៗ នៅសាកលវិទ្យាល័យ Harvard មួយចំនួនក៏បានអំពាវនាវឲ្យលោកស្រីចាកចេញពីតំណែងនេះផងដែរ។

លោកស្រី Gay ដែលជាជនជាតិស្បែកខ្មៅដំបូងគេធ្វើជាប្រធានសាកលវិទ្យាល័យកំពូល នៅក្នុងទីក្រុងខេមប្រ៊ីដ រដ្ឋម៉ាសាឈូសេត បាននិយាយនៅក្នុងលិខិតលាលែងពីតំណែងរបស់ខ្លួនថា លោកស្រីត្រូវបង្ខំចិត្តធ្វើបែបនេះ បន្ទាប់ពីទទួលរងនូវការគំរាមកំហែងផ្ទាល់ខ្លួន និង ការរើសអើងជាតិសាសន៍ធ្ងន់ធ្ងរ។

ជម្រាបជូនផងដែរថា នៅសហរដ្ឋអាមេរិក ភាពចម្រូងចម្រាសទៅនឹងពួកសកម្មជនប្រឆាំងជនជាតិ​ជ្វីហ្វក្នុងបរិវេណសាលាបានកើនឡើងយ៉ាងខ្លាំង ចំពេលមានការវាយប្រហារ និងសាររិះគន់ទៅលើជនជាតិជ្វិហ្វ និងមូស្លីម រួមទាំងនៅតាមសាកលវិទ្យាល័យផ្សេងទៀតក្នុងសហរដ្ឋអាមេរិកផងដែរ ចាប់តាំងពីសង្រ្គាមអ៊ីស្រាអែល-ហាម៉ាសបានផ្ទុះឡើង៕

The post ប្រធានសកលវិទ្យាល័យ Harvard ប្រកាសលាលែងចេញពីតំណែង appeared first on .