ដើម្បីអបអរសាទរការខិតជិតមកដល់នៃគម្រប់ខួប ៣០ឆ្នាំនាឆ្នាំក្រោយនេះ ក្រុមហ៊ុនបានរៀបចំកម្មវិធី ISI GROUP Gala នាថ្ងៃទី៦ ខែមីនា ឆ្នាំ២០២៦ នៅសណ្ឋាគារ Sofitel Phnom Penh ដោយមានការចូលរួមពីថ្នាក់ដឹកនាំក្រុមហ៊ុន មន្ត្រីរដ្ឋាភិបាល ថ្នាក់ដឹកនាំក្នុងវិស័យសំណង់ និងឧស្សាហកម្ម និងតំណាងមកពីវិស័យសាធារណៈ និងឯកជនជាច្រើនរូប។

ស្របពេលជាមួយនឹងព្រឹត្តិការណ៍ដ៏មានអត្ថន័យនេះ ក្រុមហ៊ុន ISI GROUP ក៏មានមោទនភាពក្នុងការដាក់បង្ហាញចេញនូវអត្តសញ្ញាណយីហោថ្មី ដែលនឹងធ្វើឲ្យសម្ព័ន្ធអាជីវកម្មទាំងអស់របស់ខ្លួន មានអត្តសញ្ញាណមួយរួមគ្នា។ នេះជាយុទ្ធសាស្ត្រពង្រឹងភាពស៊ីចង្វាក់គ្នារវាងស្លាកយីហោក្រុមហ៊ុនទាំងអស់ ដើម្បីពង្រីកកិត្តិនាមនៅក្នុងទីផ្សារ និងបង្ហាញពីការប្តេជ្ញាចិត្តយ៉ាងមុតមាំរបស់ក្រុមហ៊ុនបុត្តសម្ព័ន្ធទាំងអស់ ក្នុងការចូលរួមធ្វើឲ្យជីវិតរបស់ប្រជាជនកម្ពុជាកាន់តែល្អប្រសើរឡើង។

បច្ចុប្បន្ន ISI GROUP ត្រូវបានដំណើរការ ១០ក្រុមហ៊ុន ក្នុង ៦វិស័យផ្សេងៗគ្នា រួមមាន៖
· វិស័យដែក និងសម្ភារសំណង់៖ ISI STEEL និង ISI METAL
· វិស័យវិស្វកម្ម និងសំណង់៖ ISI E&C និង ISI Building Solutions (អតីតក្រុមហ៊ុន FUXIN)
· វិស័យឧស្សាហកម្ម៖ តំបន់សេដ្ឋកិច្ចពិសេស ISI SEZ, ISI PARK និង ISI UTILITIES
· វិស័យអចលនទ្រព្យ៖ ISI LAND (អតីតក្រុមហ៊ុន Urbanland)
· វិស័យអាហារ និងភេសជ្ជ:៖ BROWN Coffee
· អាជីវកម្មផ្សេងៗ៖ ក្លិបបាល់ទាត់ ISI ដង្កោសែនជ័យ។

លោក កាំង ឡេង ប្រធានក្រុមប្រឹក្សាភិបាលនៃក្រុមហ៊ុន ISI GROUP មានសេចក្តីសោមនស្សរីករាយ និងយល់ឃើញថា ពេលនេះជាពេលវេលាមួយដ៏សមស្របបំផុតសម្រាប់ក្រុមហ៊ុនក្នុងការផ្សារភ្ជាប់ឡើងវិញជាមួយមូលដ្ឋានគ្រឹះរបស់ខ្លួន តាមរយៈការរួបរួមក្រុមហ៊ុនបុត្តសម្ព័នទាំងអស់បញ្ចូលគ្នាឲ្យមកនៅក្រោមស្លាកយីហោតែមួយនេះ ដែលញ៉ាំងឲ្យ ISI GROUP អាចពង្រឹងជំហរអត្តសញ្ញាណខ្លួនឲ្យកាន់តែរឹងមាំ និងត្រៀមខ្លួនដើម្បីបន្តដំណើរទៅថ្ងៃអនាគតទៀត។

ជាច្រើនឆ្នាំមកនេះ ISI GROUP បានអភិវឌ្ឍខ្លួនឲ្យក្លាយជាក្រុមហ៊ុនមួយដែលឈានមុខនៅក្នុងវិស័យជាច្រើនក្នុងប្រទេសកម្ពុជា។ ក្នុងផ្នែកដែក និងសម្ភារសំណង់ ក្រុមហ៊ុន ISI STEEL និង ISI METAL បានបើកដំណើរការរោងចក្រផលិត និងកែច្នៃដែកដំបូងគេ និងធំជាងបង្អស់នៅកម្ពុជា ដោយផលិតដែកដែលមានគុណភាពស្តង់ដារខ្ពស់ ដើម្បីបំពេញតម្រូវការក្នុងស្រុក និងទទួលបានការទុកចិត្តទាំងនៅទីផ្សារជាតិ និងអន្តរជាតិ។ សម្រាប់វិស័យវិស្វកម្ម និងសំណង់វិញ ក្រុមហ៊ុន ISI E&C និង ISI Building Solutions បានបញ្ចប់ការអភិវឌ្ឍគម្រោងសំខាន់ៗជាច្រើនដូចជា ផ្សារទំនើប ខេ ម៉ល (K Mall) ផ្សារទំនើប អ៊ីអន ម៉ល (Aeon Mall) ព្រមទាំងរោងចក្រឧស្សាហកម្មធំៗផ្សេងទៀត ដោយមានការចូលរួមសាងសង់អាកាសយានដ្ឋានអន្តរជាតិតេជោផងដែរ។

លើសពីនេះទៅទៀត ក្នុងវិស័យឧស្សាហកម្ម ISI Park បានក្លាយជាក្រុមហ៊ុនឈានមុខមួយក្នុងប្រទេសកម្ពុជា តាមរយៈការសាងសង់សួនឧស្សាហកម្មដំបូងរបស់ខ្លួនក្នុងតំបន់វេងស្រេងក្នុងឆ្នាំ២០០១ និងពង្រីកទៅទីតាំងទី២ ដែលស្ថិតនៅលើផ្លូវជាតិលេខ២ ដែលសួនឧស្សាហកម្មទាំងពីរនេះបានផ្តល់ឱកាសការងារដល់កម្មករកម្មការនីបានជាង1ម៉ឺននាក់។ ខណៈពេលជាមួយគ្នានេះដែរ ក្រុមហ៊ុន ISI SEZ បានកំពុងរៀបចំអភិវឌ្ឍតំបន់សេដ្ឋកិច្ចពិសេសថ្មីមួយលើផ្ទៃដីទំហំជាង ៨០០ហិកតា ដើម្បីទាក់ទាញឧស្សាហកម្មដែលមានតម្លៃបន្ថែម និងពង្រឹងខ្សែសង្វាក់ផ្គត់ផ្គង់ក្នុងប្រទេសកម្ពុជា។

តាមរយៈការរួមបញ្ចូលសមត្ថភាពផលិតសម្ភារសំណង់ និងជំនាញបច្ចេកទេស ISI GROUP បាន បង្កើតផ្នែកអភិវឌ្ឍន៍អចលនទ្រព្យរបស់ខ្លួនគឺ ISI LAND (អតីត Urbanland) កាលពីឆ្នាំ២០១៣។ ចាប់តាំងពីមានវត្តមានក្នុងទីផ្សារមក ផ្នែកអភិវឌ្ឍន៍អចលនទ្រព្យបានសាងសង់គម្រោងលំនៅឋាន និងគម្រោងប្រើប្រាស់ចម្រុះ ដែលបានឈ្នះពានរង្វាន់ក្នុងការលើកកម្ពស់ការរស់នៅទំនើប និងប្រកបដោយចីរភាពជាច្រើន។ បន្ថែមពីលើនេះទៅទៀត ក្នុងឆ្នាំ២០២២ ISI GROUP បានវិនិយោគលើផ្នែកអាហារ និងភេសជ្ជៈតាមរយៈ BROWN COFFEE ដែលជាម៉ាកយីហោក្នុងស្រុកដ៏ល្បីល្បាញមួយ ដែលបានគេស្គាល់ថាជាក្រុមហ៊ុនដែលផ្លាស់ប្តូរបរិយាកាស និងស្តង់ដារកាហ្វេរបស់ប្រទេសកម្ពុជា។ ទាំងនេះជាសក្ខីភាពឆ្លុះបញ្ចាំងពីការប្តេជ្ញាចិត្តរបស់ ISI GROUP ក្នុងការបណ្តុះម៉ាកយីហោផលិតផលក្នុងស្រុកឲ្យកាន់តែរឹងមាំ និងពង្រឹងប្រព័ន្ធអេកូឡូស៊ីសហគ្រិនភាពនៃប្រទេសកម្ពុជា។

លោក កាំង ឡេង ប្រធានក្រុមប្រឹក្សាភិបាលរបស់ ISI GROUP បានបន្តថា៖ «ការរីកចម្រើនរបស់យើងក្នុងរយៈពេលជិតបីទសវត្សរ៍មកនេះ នឹងមិនអាចកើតឡើងបានទេ បើគ្មានការជឿទុកចិត្តដ៏រឹងមាំពីដៃគូអាជីវកម្ម អតិថិជន ស្ថាប័នហិរញ្ញវត្ថុ និងភាគីពាក់ព័ន្ធរបស់យើង ដែលពួកគាត់ភាគច្រើនបានរួមដំណើរជាមួយយើងឆ្លងកាត់អ្នកដឹកនាំពីរជំនាន់មកហើយ។ ចាប់ពីមាតាបិតាស្ថាបនិករបស់យើង រហូតដល់ក្រុមថ្នាក់ដឹកនាំសព្វថ្ងៃនេះ ការជឿទុកចិត្តរបស់អ្នកនៅតែជាទ្រព្យដ៏អស្ចារ្យបំផុតរបស់យើងខ្ញុំ»។

លោក កាំង ឡេង បានមានប្រសាសន៍បន្តថា៖ “ភាពជោគជ័យរបស់យើងមួយផ្នែកធំគឺជាសមិទ្ធផលពីការប្តេជ្ញាចិត្តរបស់រាជរដ្ឋាភិបាលក្នុងការរក្សាបាននូវសន្តិភាពសង្គម ស្ថិរភាពនយោបាយ និងកំណើនសេដ្ឋកិច្ចប្រកបដោយចីរភាពក្នុងប្រទេសកម្ពុជា។ ភាពរីកចម្រើនរបស់ ISI GROUP កើតឡើងស្របគ្នាទៅនឹងវិស័យអាទិភាពរបស់ជាតិ និងបានចូលរួមបង្កើតការងាររាប់ពាន់តំណែង ចូលរួមសាងសង់ហេដ្ឋារចនាសម្ព័ន្ធឧស្សាហកម្ម និងគាំទ្រយ៉ាងសកម្មទៅកាន់ការរីកលូតលាស់នៃសេដ្ឋកិច្ចជាតិកម្ពុជា។”

ជាកិច្ចបញ្ចប់ លោកប្រធានក្រុមប្រឹក្សាភិបាល បានបញ្ជាក់សារជាថ្មីអំពីការប្តេជ្ញាចិត្តរបស់ ISI GROUP ចំពោះការអភិវឌ្ឍនានាទៅពេលអនាគត និងឆ្លុះបញ្ចាំងអំពីចក្ខុវិស័យនៃវិបុលភាពរួមគ្នា។ លោកមានប្រសាសន៍បញ្ចប់ថា៖ “តាមរយៈការសហការរួមគ្នាជាមួយរាជរដ្ឋាភិបាល ស្ថាប័នឯកជនដៃគូ អតិថិជន និងបុគ្គលិករបស់ក្រុមហ៊ុន យើងខ្ញុំប្តេជ្ញានឹងបន្តចូលរួមចំណែកយ៉ាងសកម្មក្នុងការអភិវឌ្ឍសេដ្ឋកិច្ចឲ្យកាន់តែរឹងមាំ ដើម្បីបង្កើត និងកសាងការរស់នៅសម្រាប់ប្រជាជនកម្ពុជាទាំងអស់គ្នាឲ្យកាន់តែប្រសើរ៕”

អំពី ISI GROUP

ចាប់ផ្តើមពីអាជីវកម្មលក្ខណៈគ្រួសារតូចមួយ បច្ចុប្បន្ននេះ ក្រុមហ៊ុន ISI GROUP គឺជាសម្ព័ន្ធក្រុមហ៊ុនមួយ ក្នុងចំណោមក្រុមហ៊ុនសាជីវកម្មធំៗផ្សេងទៀត ដែលទទួលបានការទុកចិត្ត និងជោគជ័យបំផុតនៅក្នុងប្រទេសកម្ពុជា។ ជាមួយនឹងបទពិសោធន៍នៅលើទីផ្សារជាង ៣០ឆ្នាំ បុត្រសម្ព័ន្ធរបស់យើង គឺសុទ្ធសឹងតែជាក្រុមហ៊ុននាំមុខគេលើវិស័យដែក និងសម្ភារៈសំណង់ វិស័យដំណោះស្រាយសំណង់អគារដែក វិស័យអភិវឌ្ឍអចលនទ្រព្យ ព្រមទាំងវិស័យអាហារ និងភេសជ្ជៈផងដែរ។ យើងប្តេជ្ញាចិត្តក្នុងការអភិវឌ្ឍធនធានមនុស្ស វិនិយោគទៅលើបច្ចេកវិទ្យាថ្មី បង្កើតនូវផលិតផល និងសេវាកម្មថ្មីៗ ប្រកបដោយភាពច្នៃប្រឌិតសម្រាប់អតិថិជនរបស់យើង។

នៅ ISI GROUP យើងទាំងអស់គ្នាប្តេជ្ញាចិត្ត សម្រេចឲ្យបាននូវចក្ខុវិស័យរួមរបស់យើងគឺ បង្កើត និងកសារងការរស់នៅឲ្យប្រើសើរឡើងសម្រាប់មនុស្សគ្រប់គ្នាដោយឈរលើគុណតម្លៃស្នូលសំខាន់ៗទាំង៤ គឺ ភាពច្នៃប្រឌិត ការខិតខំប្រឹងប្រែង សុចរិតភាព និងភាពរីកចម្រើនរួមគ្នា។ កម្មវិធីទំនួលខុសត្រូវសង្គមរបស់យើងខ្ញុំ (CSR) គឺត្រូវបានដំណើរការក្នុងគោលដៅដើម្បីជួយដល់សហគមន៍ដែលក្រុមហ៊ុនយើង កំពុងដំណើរការអាជីវកម្ម តាមរយៈការរួមចំណែកក្នុងការផ្លាស់ប្តូរសង្គមប្រកបដោយភាពអវិជ្ជមាន។

ពេញមួយដំណើរនៃការវិវឌ្ឍរបស់ក្រុមហ៊ុនយើង យើងខ្ញុំមិនដែលភ្លេចពីឬសគល់ដើមកំណើត និងការប្តេជ្ញាចិត្តក្នុងការដឹកនាំសហគមន៍ អតិថិជន និងសង្គមរបស់យើងឲ្យឆ្ពោះទៅមុខជាមួយយើងនោះឡើយ។ ហើយនេះគឺជាមូលហេតុដែលយើងវិនិយោគលើការពង្រឹងប្រព័ន្ធអភិបាលកិច្ចសាជីវកម្មរបស់យើងក្នុងការលើកកម្ពស់ដំណោះស្រាយប្រកបដោយចីរភាពបន្ថែមទៀត ព្រមទាំងការផ្តល់ត្រឡប់ទៅដល់សហគមន៍ដែលយើងកំពុងតែធ្វើអាជីវកម្មផងដែរ។

ទំនាក់ទំនងផ្នែកសារព័ត៌មាន:
លោក រិទ្ធី ឧត្តម ជំនួយការប្រធានផ្នែកទំនាក់ទំនងទីផ្សារ Email: Odom.rithy@urbanlandasia.com លេខទូរស័ព្ទ: 099 533 388
លោក ម៉ម មុនីទេព មន្ត្រីផ្នែកទំនាក់ទំងសាជីវកម្ម និងសកម្មភាពទំនួលខុសត្រូវសង្គម Email: Monytep.mam@urbanlandasia.com លេខទូរស័ព្ទ: 010 902 555

The post ៣ទសវត្សរ៍នៃទំនុកចិត្ត៖ ISI GROUP អបអរការខិតជិតមកដល់នៃគម្រប់ខួបទី ៣០ឆ្នាំ នៃការចូលរួមកសាងប្រទេសកម្ពុជាឲ្យកាន់តែប្រសើរជាងមុន appeared first on .

សប្បុរសជនទាំងអស់អាចចូលរួមបរិច្ចាគជាជាគ្រឿងឧបភោគ បរិភោគ និងសម្ភារចាំបាច់នានារួមមាន៖ អង្ករ អំបុក ត្រីខ ត្រីងៀតឆ្អិនស្រាប់ មី សាច់ក្រក មុង ភួយ កន្ទេល តង់ សម្លៀកបំពាក់ អាវរងា ថ្នាំសង្កូវផ្សេងៗ ឬចូលរួម​បរិច្ចាគ​ជាថវិកាតាមរយៈ KH QR។

ការទទួលបរិច្ចាគ ចាប់ពីថ្ងៃទី ១១ ខែធ្នូ ឆ្នាំ២០២៥ នេះតទៅ នៅផ្សារទំនើប ខេ ម៉ល វេង ស្រេង ចាប់ពីម៉ោង 8:00 ព្រឹក ដល់ 8:00 យប់។

សូមជួយចែករំលែកទៅកាន់ក្រុមគ្រួសារ និងមិត្តភក្ដិ ដើម្បីចូលរួមជួយដល់ប្រជាពលរដ្ឋរខ្មែរ​ដែលរងផលប៉ះពាល់​កុំបីខាន។

ទន្ទឹមនឹងនេះ ISI GROUP ក៏កំពុងរៀបចំកញ្ចប់បរិច្ចាគបន្ទាន់មួយផ្សេងទៀត សម្រាប់ដឹកជូនបងប្អូនជនភៀសសឹក​ក្នុងពេលឆាប់ៗខាងមុខនេះផងដែរ។ ទោះស្ថិតក្នុងកាលៈទេសៈណា ISI GROUP នៅតែបន្តគាំទ្រក្រោមស្មារតី​រួបរួមគ្នា ដើម្បីក្តីសង្ឃឹមរបស់កម្ពុជា៕

The post មូលនិធិសប្បុរសធម៌ អាយ អេស អាយ ប្រកាសបើកយុទ្ធនាការចូលរួមបរិច្ចាគ និងទទួលជំនួយជួយបងប្អូន​ជនភៀសសឹក appeared first on .

លោកឧកញ៉ា កាំង ឡេង ជាអគ្គនាយកនៃសម្ព័ន្ធក្រុមហ៊ុន ISI Group ដែលត្រូវបានគេស្គាល់ភាគច្រើនគឺ ទីតាំងពាណិជ្ជកម្មចម្រុះថ្មី ISI PARK វេង ស្រេង ដែលស្ថិតក្នុងតំបន់ វេង ស្រេង។ លោកឧកញ៉ា កាំង ឡេង ធ្លាប់បានរៀបរាប់ត្រួសៗពីប្រវត្តិនៃការឈរជើងរបស់ក្រុមហ៊ុន ISI GROUP មកទល់សព្វថ្ងៃនេះ គឺបានចាប់ផ្តើមដំបូងតាំងពីជាង ២៥ ឆ្នាំ មុន ដោយមានស្ថាបនិកដ៏ឆ្នើម គឺលោកឧកញ៉ា កាំង ម៉េងហ៊ុយ និងលោកស្រី ឃុន ហៀង ជាអ្នកចាប់ផ្តើមជាមួយនឹងបង្កើតក្រុមហ៊ុនពីដំបូង មានឈ្មោះថា International Steel Industrial ដែលសព្វថ្ងៃត្រូវបានស្គាល់ថាជាក្រុមហ៊ុន អាយ អេស អាយ ស្ទៀល (ISI STEEL)។

ISI GROUP បានចាប់ផ្តើមពីអាជីវកម្មលក្ខណៈគ្រួសារតូចមួយ ប៉ុន្តែបច្ចុប្បន្ននេះ ISI GROUP គឺជាក្រុមហ៊ុនមួយ ក្នុងចំណោមក្រុមហ៊ុនសាជីវកម្មធំៗផ្សេងទៀត ដែលទទួលបានការគោរព និង ជោគជ័យបំផុតនៅក្នុងប្រទេសកម្ពុជា។ ជាមួយនឹងបទពិសោធន៍នៅលើទីផ្សារ ជាង ២៥ ឆ្នាំ បុត្រសម្ព័ន្ធក្រុមហ៊ុនដ៏ល្បីល្បាញមួយនេះ គឺសុទ្ធសឹងតែជាក្រុមហ៊ុននាំមុខគេលើផ្នែកអគារ សំណង់ និង បច្ចេកវិទ្យាលំដាប់ប្រទេស៕

The post ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនលោក កាំង ឡេង អគ្គនាយក ISI Group appeared first on .

លោក កាំង ឡេង បានបន្ថែមថា៖ «ISI PARK ជាផ្នែកដ៏សំខាន់មួយនៃដំណើររបស់យើង និងជាទិសដៅអភិវឌ្ឍន៍មួយសម្រាប់តំបន់ទីក្រុងនៅប្រទេសកម្ពុជា ហើយយើងខ្ញុំជឿជាក់ថាការបន្តធ្វើឲ្យតំបន់នេះកាន់តែមានភាពរស់រវើកនឹងជួយជំរុញភាពរីកចម្រើនកាន់តែយូរអង្វែង ទាក់ទាញការវិនិយោគកាន់តែច្រើន និងលើកកម្ពស់គុណភាពជីវិតសម្រាប់សហគមន៍ជុំវិញតំបន់នេះ»។

លោក កាំង ឡេង ក៏បានរៀបរាប់ត្រួសៗពីប្រវត្តិនៃការឈរជើងរបស់ក្រុមហ៊ុន ISI GROUP មកទល់សព្វថ្ងៃនេះ គឺបានចាប់ផ្តើមដំបូងឡើយតាំងពីជាង ២៥ ឆ្នាំ មុនមកម៉្លេះ ដោយមានស្ថាបនិកដ៏ឆ្នើម គឺលោកឧកញ៉ា កាំង ម៉េងហ៊ុយ និងលោកស្រី ឃុន ហៀង ជាអ្នកចាប់ផ្តើមជាមួយនឹងបង្កើតក្រុមហ៊ុនយើងពីដំបូងទ្បើយ មានឈ្មោះថា International Steel Industrial ដែលសព្វថ្ងៃត្រូវបានស្គាល់ថាជាក្រុមហ៊ុន អាយ អេស អាយ ស្ទៀល (ISI STEEL)។

លោក កាំង ហុក អគ្គនាយកប្រតិបត្តិក្រុមហ៊ុន អឺបេនលែន (Urbanland) ក៏បានបង្ហាញពីចំណាប់អារម្មណ៍ ក្នុងនាមជាអ្នកអភិវឌ្ឍគម្រោងអចលទ្រព្យ និងស្ថាបត្យករមួយរូប ថា៖ « នៅអឺបេនលែន យើងតែងតែគិតគូរយ៉ាងហ្មត់ចត់ទៅលើការរចនា និងការបង្កើតទីតាំងដែលផ្តល់ជូននូវភាពវិជ្ជមាន និងមានអត្ថន័យមួយដល់ជីវិតរស់នៅរបស់អ្នកប្រើប្រាស់។ យើងប្រកាន់ខ្ជាប់នូវបេសកកម្មមួយនេះ ដោយមានការយកចិត្តទុកដាក់ខ្ពស់បំផុតទៅលើគម្រោងទាំងអស់ដែលយើងបានអភិវឌ្ឍ។ យើងជឿជាក់ថាយើងបានសម្រេចគោលដៅមួយនេះជាមួយដំណាក់កាលដំបូងនៃការអភិវឌ្ឍ ISI PARK វេង ស្រេង។ »

លោក កាំង ហុក ក៏បានបន្ថែមទៀតថា៖ « នេះគឺជាមោទកភាពមួយដោយបានចូលរួមជា ចំណែកនៃការផ្លាស់ប្តូរមុខមាត់នៅតំបន់ វេងស្រេង តាមរយៈគម្រោងអភិវឌ្ឍ ISI PARK វេង ស្រេង។ រូបខ្ញុំផ្ទាល់ ក៏ទន្ទឹងរង់ចាំនូវការរីកចម្រើនសំខាន់ៗផ្សេងទៀត ដែលនឹងបន្តកើតមាននៅក្នុងតំបន់នេះ នាពេលអនាគតផងដែរ។»

ក្នុងល្ងាចថ្ងៃជាមួយគ្នានេះដែរ ថ្នាក់ដឹកនាំក្រុមហ៊ុន និងបុគ្គលិកគ្រប់លំដាប់ថ្នាក់ រួមទាំងភ្ញៀវកិត្តិយសជាតិ និងអន្តរជាតិ ដៃគូសហការអាជីវកម្មទាំងអស់ ដែលបានចូលរួម ក៏បានធ្វើការអបអរគម្រប់ខួប ២ឆ្នាំ នៃផ្សារទំនើប ខេ ម៉ល វេង និងធ្វើការស្វាគមន៍គម្រោងថ្មីរបស់ខ្លួនគឺ ផ្ទះអាជីវកម្មចន្ទគីរី​ ក្នុងតំបន់ ISI PARK ។ ផ្ទះអាជីវកម្មចន្ទគីរី ដែលបានចាប់បើកលក់តាំងពីខែ​​ វិច្ឆិកា ឆ្នាំ២០២៣ ក្នុងតំបន់ ISI PARK នេះផងដែរ។

គួរបញ្ជាក់ដែរថា ផ្សារទំនើប ខេ ម៉ល បានបើកទ្វារទទួលស្វាគមន៍អ្នករស់នៅក្នុងតំបន់ វេង ស្រេង ប្រមាណជាង ៥០ម៉ឺននាក់ និងបម្រើសហគមន៍បុរីជាង ២០គម្រោង និងជាទីតាំងសម្រាប់សម្រាកលម្ហែកាយ ជាមួយការរៀបចំសួនធម្មជាតិចម្រុះសម្បូរបែប និងពោរពេញដោយគំនិតច្នៃប្រឌិតបំផុតពីអ្នកជំនាញក្នុងស្រុក។

ISI GROUP បានចាប់ផ្តើមពីអាជីវកម្មលក្ខណៈគ្រួសារតូចមួយ ប៉ុន្តែបច្ចុប្បន្ននេះ ISI GROUP គឺជាក្រុមហ៊ុនមួយ ក្នុងចំណោមក្រុមហ៊ុនសាជីវកម្មធំៗផ្សេងទៀត ដែលទទួលបានការគោរព និង ជោគជ័យបំផុតនៅក្នុងប្រទេសកម្ពុជា។​ ជាមួយនឹងបទពិសោធន៍នៅលើទីផ្សារ ជាង ២៥ ឆ្នាំ បុត្រសម្ព័ន្ធក្រុមហ៊ុនដ៏ល្បីល្បាញមួយនេះ គឺសុទ្ធសឹងតែជាក្រុមហ៊ុននាំមុខគេលើផ្នែកអគារ សំណង់ និង បច្ចេកវិទ្យាលំដាប់ប្រទេស។

សម្រាប់ក្រុមហ៊ុន អឺបេនលែន គឺជាក្រុមហ៊ុន បុត្រសម្ព័ន្ធរបស់ ISI GROUP  ហើយក៏ជាក្រុមហ៊ុនអភិវឌ្ឍគម្រោងអចលនទ្រព្យក្នុងស្រុកមួយ បង្កើតឡើងនៅឆ្នាំ ២០១៣ ដោយស្ថាបត្យករ លោក កាំង ហុក ដែលមានគោលដៅបង្កើតទីកន្លែងប្រកបដោយភាពច្នៃប្រឌិតខ្ពស់ ដើម្បីឱ្យមនុស្សគ្រប់គ្នារស់នៅ ធ្វើការ និងកម្សាន្ដ ដោយការប្ដេជ្ញាលើគុណភាព ភាពឋិតថេរ និងភាពផ្ចិតផ្ចង់។ លោកជឿជាក់ថា ការផ្ដោតលើតម្រូវការរបស់មនុស្សជាចម្បង គឺជាយុទ្ធសាស្ត្រដ៏ល្អបំផុតដើម្បីជួយលើកកម្ពស់ គុណភាពនៃការរស់នៅ និងបង្កើតបរិយាកាសប្រកបដោយផាសុកភាព៕ 

The post អគ្គនាយក ISI GROUP និងអគ្គនាយកប្រតិបត្តិក្រុមហ៊ុន អឺបេនលែន (Urbanland) ប្រកាសឈ្មោះជាផ្លូវការទីតាំងពាណិជ្ជកម្មចម្រុះ ISI PARK វេង ស្រេង  appeared first on .