កាលពីថ្ងៃទី៣ ខែធ្នូកន្លងទៅ ព្រះរាជអាជ្ញាបានធ្វើអំណេះអំណាងបិទបញ្ចប់លើការចោទប្រកាន់របស់ពួកគេប្រឆាំងទៅនឹងលោកស្រី Kim ដែលត្រូវបានជាប់ចោទពីបទរកប្រាក់ចំណេញជិត ៥៥០ ០០០ដុល្លារ នៅចន្លោះឆ្នាំ២០១០ ដល់ឆ្នាំ២០១១ ដោយចូលរួមក្នុងគម្រោងរៀបចំភាគហ៊ុនដែលធ្វើឡើងដោយក្រុមឧក្រិដ្ឋជន ផងដែរ។

មិនតែប៉ុណ្ណោះ ព្រះរាជអាជ្ញាក៏បាននិយាយផងដែរថា លោកស្រី Kim បានទទួលកាបូប Channel ចំនួនពីរ ខ្សែកពេជ្រ និងយិនស៊ិនកូរ៉េ ដែលត្រូវបានគេប៉ាន់ប្រមាណថាមានតម្លៃប្រហែល ៥៥ ០០០ដុល្លារ ពីព្រះវិហារ Unification ។

បន្ថែមពីលើការកាត់ទោសឱ្យជាប់ពន្ធនាគាររយៈពេល ១៥ឆ្នាំ ព្រះរាជអាជ្ញាក៏បានស្នើសុំឱ្យលោកស្រី Kim បង់ប្រាក់ពិន័យប្រហែល ១,៣៦លានដុល្លារ និងពិន័យបន្ថែមជាង ៦៤០ ០០០ដុល្លារ ដើម្បីទូទាត់សងសម្រាប់ប្រាក់ចំណេញខុសច្បាប់។

ជុំវិញការចោទប្រកាន់នេះ អតីតស្ត្រីទីមួយនៃប្រទេសកូរ៉េខាងត្បូង បានសុំទោសដល់សាធារណជនចំពោះភាពចលាចលដែលលោកស្រីបានបង្កឡើង។ ប៉ុន្តែទោះជាយ៉ាងណាក៏ដោយ លោកស្រី បានបដិសេធថាមិនបានប្រព្រឹត្តខុសអ្វីឡើយ ខណៈមេធាវីរបស់លោកស្រី កំពុងព្យាយាមដោះស្រាយរឿងក្តីនេះ។

ជម្រាបជូនផងដែរថា ស្វាមីរបស់លោកស្រី គឺអតីតប្រធានាធិបតី លោក Yoon Suk-yeol ក៏កំពុងត្រូវបានកាត់ទោសពីបទញុះញង់ឱ្យមានការបះបោរនៅពេលដែលលោកបានប្រកាសច្បាប់អាជ្ញាសឹកកាលពីមួយឆ្នាំមុន ដែលធ្វើឱ្យប្រទេសធ្លាក់ចូលទៅក្នុងវិបត្តិនយោបាយធ្ងន់ធ្ងរ។ ការចោទប្រកាន់នេះអាចធ្វើឲ្យលោក Yoon ជាប់ពន្ធនាគារអស់មួយជីវិត ឬសូម្បីតែអាចឈានដល់ការការត់ទោសប្រហារជីវិតទៀតផង៕​

The post អតីតស្ត្រីទីមួយរបស់កូរ៉េខាងត្បូង ប្រឈមមុខទៅនឹងការជាប់ពន្ធនាគារដល់ ១៥ឆ្នាំ appeared first on .

យោងតាមការចុះផ្សាយពីគេហទំព័រ CNA បានបង្ហាញថា ការរិះគន់នេះកើតឡើង ចំពេលគណបក្សប្រឆាំង បានអំពាវនាវឲ្យបើកការស៊ើបអង្កេតលើមន្ត្រីធំ ទាក់ទងនឹងករណីអំពើពុករលួយ ខណៈភរិយាប្រធានាធិបតីរូបនេះក៏មានឈ្មោះក្នុងបញ្ជីតាមដានផងដែរ។

ក្រៅពីរងការរិះគន់ជុំវិញរឿងកាបូបយួរដៃតម្លៃជាង ២ពាន់ដុល្លារ លោកស្រី Kim ក៏រងនូវការចោទប្រកាន់មួយទៀត គឺជាប់ពាក់ព័ន្ធករណីបន្លំទិន្នន័យផ្សារហ៊ុន ក៏ប៉ុន្តែករណីមួយនេះ កំពុងស្ថិតនៅក្នុងការស្រាវជ្រាវនៅឡើយ។

គួររំលឹកបន្តិចថា ច្បាប់សាធារណៈរដ្ឋកូរ៉េបានចែងថា គ្រប់មន្ត្រី និងប្ដីប្រពន្ធរបស់ពួកគេ មិនអាចទទួលអំណោយ ដែលមានតម្លៃលើសពី ៧៥០ដុល្លារឡើយ ដ្បិតបើសិនជាមានតម្លៃលើសពីនោះ វានឹងត្រូវចាត់ទុកជាការស៊ីសំណូក៕

The post ប្រពន្ធប្រធានាធិបតីកូរ៉េខាងត្បូង រងការរិះគន់ខ្លាំង ក្រោយទទួលកាដូតម្លៃជាង ២ពាន់ដុល្លារ appeared first on .

កាលពីខែមុន Voice of Seoul ដែលជាបណ្តាញព័ត៌មានតាមយូធូបដ៏ល្បីមួយ បានអះអាងថា ភរិយារបស់ប្រធានាធិបតីកូរ៉េខាងត្បូង លោក Yoon Suk Yeol បានទទួលកាបូបមួយមានតម្លៃប្រហែល ៣លានវ៉ុន (២ ៣១៨ដុល្លារអាមេរិក) ពីលោកឪម្ចាស់ព្រះវិហារសាសនាគ្រិស្តជនជាតិកូរ៉េម្នាក់ ឈ្មោះ Choi Jae Young ហើយវីដេអូនៃការទទួលយកសំណូកនេះ ត្រូវបានថតដោយ សំងាត់ និងចែកចាយពាសពេញបណ្តាញសង្គម។

វីដេអូដែលដើរតួជាភស្តុតាងដ៏សំខាន់ក្នុងករណីនេះ ត្រូវបានគេរាយការណ៍ថា ថតដោយលោក Choi ផ្ទាល់តែម្តង ជាមួយនឹងការប្រើកាមេរ៉ាក្លែងធ្វើជានាឡិកា។ ហើយបន្ទាប់ពីការចេញផ្សាយវីដេអូនេះជាសាធារណ: ថ្នាកដឹកនាំរបស់ Voice of Seoul បានដាក់ពាក្យបណ្តឹងជាផ្លូវការទៅកាន់អយ្យការ ដោយចោទប្រកាន់ភរិយាប្រធានាធិបតីកូរ៉េខាងត្បូងពីបទទទួកយកសំណូក។

សូមជម្រាបជូនថា នៅក្នុងប្រទេសកូរ៉េខាងត្បូង មានច្បាប់មួយបានចែងថា រាល់ប្តីប្រពន្ធរបស់មន្ត្រីសាធារណៈទាំងអស់ ត្រូវបានហាមឃាត់មិនឱ្យទទួលអំណោយដែលមានតម្លៃលើសពី ១លានវ៉ុន (ប្រហែល ៧៧៥ដុល្លារ) ក្នុងមួយករណី ឬអំណោយដែលមានតម្លៃសរុបលើសពី ៣លានវ៉ុន (ប្រហែល ២ ៣៣០ដុល្លារ) ក្នុងរយៈពេលមួយឆ្នាំ។ ហើយការបំពានច្បាប់នេះ អាចបណ្តាលឱ្យជាប់ពន្ធនាគាររហូតដល់ ៣ឆ្នាំ និងពិន័យជាប្រាក់រហូតដល់ ៣០លានវ៉ុន។

ជម្រាបបន្ថែមថា ដោយសារតម្លៃនៃកាបូបដែលលោកស្រី Kim Keon Hee ទទួលយក ក្នុងការចោទប្រកាន់នេះ គឺមានតម្លៃលើសពីដែនកំណត់ និងធ្វើឲ្យមានផល់ប៉ះពាល់ផ្នែកច្បាប់របស់ប្រទេសកូរ៉េខាងត្បូងខ្លាំងណាស់ ជាពិសេសក្នុងនាមជាជំទាវទី១ របស់ប្រទេសផងដែរ។ ចាប់តាំងពីការចេញផ្សាយវីដេអូនេះមក ការិយាល័យប្រធានាធិបតី មិនបានចេញមុខធ្វើការឆ្លើយតប ឬធ្វើការអត្ថាធិប្បាយអ្វីនោះឡើយទៅលើបញ្ហានេះ ដែលជាហេតុធ្វើឲ្យ សាធារណ:ជន មានការចាប់អារម្មណ៍ជាខ្លាំង៕

The post ភរិយាប្រធានាធិបតីកូរ៉េខាងត្បូង កំពុងស្ថិតក្រោមការស៊ើបអង្កេតពាក់ព័ន្ធករណីទទួលសំណូក appeared first on .