LeBron James

ក្រោយចុះកុងត្រាថ្មី កីឡាករបាល់បោះ LeBron James ទំនងឡើងងារជាមហាសេដ្ឋី

ឧកញ៉ាសំពៅ — Fri, 05 Jul 2024 08:00:00 +0000

កីឡាករបាល់បោះ LeBron James ទំនងនឹងក្លាយជាមហាសេដ្ឋី បន្ទាប់ពីរូបលោកបានចុះកុងត្រាថ្មីរយៈពេល ២ឆ្នាំ ជាមួយក្លឹប Los Angles Lakers ក្នុងទំហំទឹកប្រាក់ ១០៤លានដុល្លារ។

យោងតាមការចុះផ្សាយពីសារព័ត៌មាន Japantimes បានបង្ហាញថា កុងត្រាថ្មីនោះ នឹងអាចជួយឲ្យអត្តពលិករូបនេះ កើបលុយបានរហូតដល់ជិត ១,៥ពាន់លានដុល្លារ ពីប្រាក់ខែប្រចាំរដូវកាលថ្មី។

សូមជម្រាបដែរថា ប្រភពចំណូលរបស់កីឡាករ LeBron Jamesគឺមានច្រើនណាស់ ដោយក្នុងនោះមួយចំណែកធំ គឺបានមកពីប្រាក់ខែជាកីឡាករបាល់បោះ ការឧបត្ថម្ភពីក្រុមហ៊ុនធំៗ ការបណ្ដាក់ទុន និងក្រុមហ៊ុនផ្ទាល់ខ្លួន ដែលមានឈ្មោះថា SpringHill Co៕

The post ក្រោយចុះកុងត្រាថ្មី កីឡាករបាល់បោះ LeBron James ទំនងឡើងងារជាមហាសេដ្ឋី appeared first on .

មកស្គាល់អត្តពលិក ១០ រូបដែលរកចំណូលបានលើសខ្ទង់ពាន់លានដុល្លារ

ឧកញ៉ាសំពៅ — Fri, 23 Dec 2022 07:36:00 +0000

វិស័យកីឡានៅតំបន់អឺរ៉ុប គឺជាប្រភពចំណូលដ៏ធំមួយមិនចាញ់វិស័យឯទៀតឡើយ ពោលបើសិនជាអត្តពលិករូបណាមានសមត្ថភាពល្អ ពួកគេអាចរកចំណូលបានរាប់រយលានដុល្លារឯណោះ។

តួយ៉ាងដូចជា Lionel Messi ដែលជាកីឡាករបាល់ទាត់លំដាប់ពិភពលោក គឺជាអត្តពលិកដែលមានចំណូលខ្ពស់បំផុតលើលោក ពោលក្នុងមួយឆ្នាំៗបុរសម្នាក់នេះរកបានខ្ទង់ ១៣០ លានដុល្លារឯណោះ។

ដោយឡែក បើតាមការចុះផ្សាយពី Totalsportal បានទម្លាយថា បច្ចុប្បន្នមានអត្តពលិក ១០ រូបដែលធ្លាប់កើបលុយពីវិស័យកីឡាបានខ្ទង់ពាន់លានដុល្លារឯណោះ ខណៈពួកគេគឺ៖

10/ Anna Kasprzak កីឡាការនីប្រណាំងសេះ ធ្លាប់រកបាន ១ ពាន់លានដុល្លារ

9/ Ion Tiriac អតីតកីឡាករវាយកូនបាល់ ធ្លាប់រកបាន ១,០២ ពាន់លានដុល្លារ

8/ Floyd Mayweather កីឡាប្រដាល់ ធ្លាប់រកបាន ១,០៨ ពាន់លានដុល្លារ

7/ Roger Federer កីឡាករវាយកូនបាល់ ធ្លាប់រកបាន ១,០៩ ពាន់លានដុល្លារ

6/ Lionel Messi កីឡាករបាល់ទាត់ ធ្លាប់រកបាន ១,១៥ ពាន់លានដុល្លារ

5/ LeBron James កីឡាករបាល់បោះ ធ្លាប់រកបាន ១,១៦ ពាន់លានដុល្លារ

4/ Tiger Woods កីឡាករវាយកូនហ្គោល ធ្លាប់រកបាន ១,២ ពាន់លានដុល្លារ

3/ Cristiano Ronaldo កីឡាករបាល់ទាត់ ធ្លាប់រកបាន ១,២៥ ពាន់លានដុល្លារ

2/ Michael Jordan អតីតកីឡាករបាល់បោះ ធ្លាប់រកបាន ១,៧ ពាន់លានដុល្លារ

1/ Vince McMahon អតីត CEO ក្រុមហ៊ុនកីឡាចំបាប់អាជីព WWE ធ្លាប់រកបាន ២,៥ ពាន់លានដុល្លារ៕

The post មកស្គាល់អត្តពលិក ១០ រូបដែលរកចំណូលបានលើសខ្ទង់ពាន់លានដុល្លារ appeared first on .

Messi វ៉ាដាច់មហាសេដ្ឋី Lebron James ស៊ីថ្លៃខ្ពស់លើសគេលើលោក

ឧកញ៉ាសំពៅ — Mon, 19 Dec 2022 09:56:00 +0000

បើទោះជាវ័យរាងជ្រេបន្តិចមែន ប៉ុន្តែតារាឆ្នើម Leo Messi នៅតែបញ្ចេញទេពកោសល្យល្អឯកលើសមរភូមិវាលស្មៅ ពោលទើបនឹងជួយក្រុមជម្រើសជាតិអាហ្សង់ទីនលើកពានរង្វាន់បាល់ទាត់ពិភពលោក FIFA World Cup ដែលពួកគេខកខានឈ្នះអស់រយៈពេល ៣៦ ឆ្នាំ។

ជាមួយនឹងសមត្ថភាពដ៏អស្ចារ្យបែបនេះ បុរសវ័យ ៣៥ ឆ្នាំបានក្លាយជាអត្តពលិកដែលស៊ីថ្លៃពលកម្មខ្ពស់បំផុតលើលោក ពោលគឺតម្លៃខ្លួនរបស់កីឡាករបាល់ទាត់ ដែលមានរហស្សនាម GOAT មានខ្ពស់ជាងមហាសេដ្ឋី LeBron James កីឡាករបាល់បោះថែមទៀត។ នេះបើតាមការចុះផ្សាយពី Forbes។

គិតតែត្រឹមឆ្នាំ ២០២២ ប្រធានក្រុមជម្រើសជាតិអាហ្សង់ទីនមានចំណូលប្រហែល ១៣០ លានដុល្លារ ខណៈ ៧៥ លានដុល្លារបានមកពីកុងត្រាជាមួយក្លឹប និង ៥៥ លានដុល្លារទៀតបានមកពីកុងត្រាផ្សាយពាណិជ្ជកម្មផ្សេងៗដូចជា កុងត្រាមួយជីវិតជាមួយ Adidas ជាដើម។

ដោយឡែក ប្រាក់ចំណូលប្រចាំឆ្នាំ ២០២២ របស់កីឡាករបាល់បោះ LeBron James វិញមានប្រមាណ ១២១,២ លានដុល្លារ ខណៈកីឡាករចាស់វស្សា Cristiano Ronaldo រកបាន ១១៥ លានដុល្លារ ស្របពេលបុរសសង្ហារ Neymar វិញ ទទួលបាន ៩៥ លានដុល្លារ៕

The post Messi វ៉ាដាច់មហាសេដ្ឋី Lebron James ស៊ីថ្លៃខ្ពស់លើសគេលើលោក appeared first on .

មហាសេដ្ឋីមានដាច់គេ Elon Musk ជាប់លេខ ២ ជាបុគ្គលមាន Followers ច្រើនបំផុតលើ Twitter

ឧកញ៉ាសំពៅ — Mon, 27 Jun 2022 04:53:54 +0000

បណ្ដាញសង្គមខ្នាតយក្ស Twitter អាចនិយាយបានថា ជាបណ្ដាញសង្គមដែលមានប្រជាប្រិយភាពបំផុតមួយលើលោក បន្ទាប់ពី Instagram, YouTube និង Facebook រហូតដល់ធ្វើឲ្យមហាសេដ្ឋីមានបំផុតលើលោក Elon Musk ចាប់អារម្មណ៍ទិញយកទៀត។

ដោយសារតែជាបណ្ដាញសង្គមពេញនិយម Twitter មានអ្នកប្រើប្រាស់គ្រប់លំដាប់ រាប់ទាំងមហាសេដ្ឋីផងដែរ តែសម្រាប់ Elon Musk ជាមហាសេដ្ឋីមានបំផុតលើលោកវិញ មិនមែនជាបុគ្គលមាន Followers ច្រើនបំផុតឡើយ បើទោះជាមានចំនួន Followers ជិត ១០០ លានគណនីក្ដី។

ចំណែកឯបុគ្គលដែលឈរនៅពីលើ Elon Musk ក្នុងនាមជាម្ចាស់គណនី Twitter មាន Followers ច្រើនបំផុតគិតត្រឹមថ្ងៃទី ២៤ មិថុនា ២០២២ គឺ តារាចម្រៀង Rihanna។ ខាងក្រោមនេះគឺជាបញ្ជីឈ្មោះមហាសេដ្ឋី ១០ រូបមានចំនួន Followers ច្រើនបំផុតនៅលើ Twitter៖

Rihanna មានចំនួន Followers ១០៦,៨ លានគណនី
Elon Musk មានចំនួន Followers ៩៩,៥ លានគណនី
Kim Kardashian មានចំនួន Followers ៧២,៧ លានគណនី
Bill Gates មានចំនួន Followers ៥៩,៦ លានគណនី
LeBron Jmaes មានចំនួន Followers ៥១,៦ លានគណនី
Oprah Winfrey មានចំនួន Followers ៤៣,២ លានគណនី
Kanye West មានចំនួន Followers ៣០,៨ លានគណនី
Tim Cook មានចំនួន Followers ១៣,៥ លានគណនី
Richard Branson មានចំនួន Followers ១២,៦ លានគណនី
Mark Cubanមានចំនួន Followers ៨,៧ លានគណនី

បញ្ជាក់ដែរថា ទិន្នន័យខាងលើទាំងអស់គឺជារបាយការណ៍ផ្ដល់ឲ្យដោយ Forbes៕

The post មហាសេដ្ឋីមានដាច់គេ Elon Musk ជាប់លេខ ២ ជាបុគ្គលមាន Followers ច្រើនបំផុតលើ Twitter appeared first on .

ទីបំផុត Tiger Woods ក្លាយជាអត្តពលិកទី ២ ទទួលងារមហាសេដ្ឋី បន្ទាប់ពី LeBron James

ឧកញ៉ាសំពៅ — Mon, 13 Jun 2022 07:54:35 +0000

កាលពីប៉ុន្មានសប្ដាហ៍កន្លងទៅ កីឡាករបាល់បោះ LeBron James បានទទួលងារជាអត្តពលិកដំបូងដែលជាប់ឈ្មោះជាមហាសេដ្ឋី អំឡុងពេលប្រកបអាជីពជាអត្តពលិក ហើយថ្មីៗនេះ Forbes បានសន្និដ្ឋានថា អត្តពលិកទី ២ ដែលទទួលបានងារជាមហាសេដ្ឋីបន្ទាប់គឺ Tiger Woods។

យោងតាមការចុះផ្សាយពី ESPN បានឲ្យដឹងថា ទិន្នន័យទ្រព្យសម្បត្តិរបស់ Superstar លើវិស័យកីឡាវាយកូនហ្គោលដែលផ្ដល់ឲ្យដោយ Forbes គឺមានយ៉ាងតិច ១ ពាន់លានដុល្លារ គិតត្រឹមចុងសប្ដាហ៍មុន។

បន្ថែមពីនោះ Forbes ក៏បានបង្ហើបទៀតថា Tiger Woods រកចំណូលបានប្រហែល ១២១,១ លានដុល្លារក្នុងរយៈពេល ១២ ខែចុងក្រោយ ខណៈតិចជាង ១០% នៃចំនួននេះគឺបានមកពីអាជីពជាកីឡាវាយកូនហ្គោល ស្របពេលតម្លៃកុងត្រាពីក្រុមហ៊ុនធំៗដូចជា Nike, TaylorMade, Gatorade និង Monster Engergy ទើបជាចំណែកធំនៃប្រាក់ចំណូលដ៏សំបើមខាងលើ។

សូមជម្រាបដែរថា Tiger Woods គឺជាអត្តពលិកដែលមានតម្លៃខ្លួនខ្ពស់បំផុតទី ១៤ លើលោក បើទោះជាអវត្តមាននៅការប្រកួតពានរង្វាន់ជាច្រើនកាលពីឆ្នាំ ២០២១ ក្ដី។ នេះបើតាមរបាយការណ៍ផ្ដល់ឲ្យដោយ Forbes៕

The post ទីបំផុត Tiger Woods ក្លាយជាអត្តពលិកទី ២ ទទួលងារមហាសេដ្ឋី បន្ទាប់ពី LeBron James appeared first on .

LeBron James ប្រកាសសាងសង់មជ្ឈមណ្ឌលសុខភាពរាប់លានដុល្លារ នៅស្រុកកំណើត

ឧកញ៉ាសំពៅ — Wed, 08 Jun 2022 07:33:43 +0000

កាលពីពេលថ្មីៗនេះ កីឡាករបាល់បោះ LeBron James បានទទួលងារជាមហាសេដ្ឋី ក្រោយទ្រព្យសម្បត្តិរបស់លោកកើនឡើងដល់ ១ ពាន់លានដុល្លារ។ នេះបើតាមការចុះផ្សាយពី Forbes។

ទន្ទឹមនឹងនោះ Essentially Sports ក៏បានរាយការណ៍មកដែរថា The LeBron James Family Foundation ហៅកាត់ LJFF ទើបនឹងប្រកាសពីគម្រោងរាប់លានដុល្លារមួយនៅស្រុកកំណើតរបស់ LeBron តែម្ដងគឺ Akron ខណៈគម្រោងមួយនោះមានឈ្មោះ I Promise Health Quarters ដែលនឹងអាចផ្គត់ផ្គង់វិស័យសុខាភិបាលដល់ប្រជាជននៅទីនោះនៅក្នុងឆ្នាំ ២០២៣។

ដើម្បីអាចសម្រេចគោលដៅខាងលើបាន LJFF បានចាប់ដៃជាមួយ AxessPointe ក្នុងការធានាផ្ដល់នូវគុណភាពផ្នែកថែទាំសុខភាពដល់ប្រជាពលរដ្ឋនៅទីនោះ ស្របពេលគម្រោងមួយនេះនឹងក្លាយជាកូនសោសំខាន់បំផុតនៅតំបន់ Akron ។

គ្រោងការណ៍ I Promise Health Quarters គឺនឹងផ្ដល់សេវាកម្មផ្នែកសុខភាពជាច្រើនដូចជា ការពិនិត្យសុខភាព បញ្ហាមាត់ធ្មេញ និងសេវាកម្មផ្សេងៗដល់សិស្សនិស្សិត និងក្រុមគ្រួសាររបស់ពួកគេ។

បន្ថែមពីនោះ Project មួយនេះនឹងមានមកជាមួយនូវមន្ទីរពិសោធន៍ និងឱសថស្ថានផងដែរ ដូច្នេះអ្នកជំងឺមិនចាំបាច់បារម្ភក្នុងការស្វែងរកថ្នាំសង្កូវ និងការពិនិត្យឈាម ក៏ដូចជាការពិនិត្យសុខភាពផ្សេងៗផងដែរ។

សូមជម្រាបដែរថា LeBron James គឺជាអត្តពលិកមួយរូបដែលកំពុងមានឥទ្ធិពលខ្លាំងនៅលើវិស័យកីឡាបាល់បោះ ហើយលោកក៏ជាអត្តពលិកដែលរកចំណូលបានច្រើនបំផុតមួយរូបនៅលើលោកផងដែរ៕

The post LeBron James ប្រកាសសាងសង់មជ្ឈមណ្ឌលសុខភាពរាប់លានដុល្លារ នៅស្រុកកំណើត appeared first on .

LeBron James ក្លាយជាកីឡាករបាល់បោះដំបូងបំផុតលើលោក វិវត្តខ្លួនជាមហាសេដ្ឋី

ឧកញ៉ាសំពៅ — Fri, 03 Jun 2022 05:05:05 +0000

កីឡាបាល់បោះគឺកំពុងទទួលបានការពេញនិយមយ៉ាងខ្លាំងនៅលើសកលលោក ជាពិសេសនៅអាមេរិកតែម្ដង ហើយកីឡាករដែលមានឈ្មោះបោះសំឡេងខ្លាំងលើវិស័យមួយនេះគឺ Michael Jordan និង LeBron James។

Michael Jordan ត្រូវបានគេចាត់ទុកលោកជាកីឡាករបាល់បោះខ្លាំងបំផុតប្រចាំប្រវត្តិសាស្ត្រ និងបានក្លាយជាមហាសេដ្ឋីមួយរូប ក្រោយព្យួរស្បែកជើងដកខ្លួនពីតារាងបាល់បោះរយៈពេលជិត ១០ ឆ្នាំ។

ដោយឡែក LeBron James វិញ បានក្លាយជាមហាសេដ្ឋីមួយរូប ខណៈបច្ចុប្បន្នលោកក៏កំពុងតែប្រកបអាជីពជាកីឡាករបាល់បោះដដែល ហើយកិត្តិនាមរបស់លោកក៏កំពុងល្បីខ្លាំង រហូតដល់ថ្នាក់ផលិតកម្មយក្ស Warner Animation Group ផលិតខ្សែភាពយន្តគំនូរជីវចលសម្រាប់រូបលោកថែមទៀត។ នេះបើតាមការចុះផ្សាយពី Forbes។

ប្រភពដដែលបន្ថែមថា James បានក្លាយជាកីឡាករបាល់បោះលើកដំបូងក្នុងប្រវត្តិសាស្ត្រដែលវិវត្តខ្លួនក្លាយជាមហាសេដ្ឋី អំឡុងពេលប្រកបអាជីពជាអត្តពលិកនៃកីឡាបាល់បោះ។

សារព័ត៌មានដែលចុះផ្សាយពីបុគ្គលល្បីៗទូទាំងពិភពលោកខាងលើបានបញ្ជាក់ទៀតថា ប៉ុន្មានឆ្នាំចុងក្រោយ ចំណូលរបស់ James មានការកើនឡើងខ្លាំងពីកុងត្រាធំៗជាមួយក្រុមហ៊ុនយក្សដូចជា Nike, AT&T, PepsiCO និង Walmart ជាដើម ហើយកាលពីឆ្នាំទៅលោកបានជាប់ជាអត្តពលិកមានចំណូលច្រើនបំផុតលើលោកទី ២ ថែមទៀត ពោលរកបានជាង ១២០ លានដុល្លារ/ឆ្នាំ ខណៈបច្ចុប្បន្នទ្រព្យសម្បត្តិរបស់ LeBron James មានប្រមាណ ១ ពាន់លានដុល្លារ៕

The post LeBron James ក្លាយជាកីឡាករបាល់បោះដំបូងបំផុតលើលោក វិវត្តខ្លួនជាមហាសេដ្ឋី appeared first on .

LeBron James

ក្រោយចុះកុងត្រាថ្មី កីឡាករបាល់បោះ LeBron James ទំនងឡើងងារជាមហាសេដ្ឋី

មកស្គាល់អត្តពលិក ១០ រូប​ដែលរកចំណូលបានលើសខ្ទង់ពាន់លានដុល្លារ

Messi វ៉ាដាច់មហាសេដ្ឋី Lebron James ស៊ីថ្លៃខ្ពស់លើសគេលើលោក

មហាសេដ្ឋី​មាន​ដាច់គេ Elon Musk ជាប់​លេខ ២ ជា​បុគ្គល​មាន​ Followers ច្រើន​បំផុត​លើ​ Twitter

ទីបំផុត Tiger Woods ក្លាយជា​អត្តពលិក​ទី ២ ទទួលងារ​មហាសេដ្ឋី បន្ទាប់​ពី LeBron James

LeBron James ប្រកាស​​សាងសង់​មជ្ឈមណ្ឌល​សុខភាព​រាប់លាន​ដុល្លារ នៅ​ស្រុក​កំណើត

LeBron James ក្លាយជា​កីឡាករ​បាល់បោះ​ដំបូង​បំផុត​លើ​លោក វិវត្ត​ខ្លួន​ជា​មហាសេដ្ឋី

មកស្គាល់អត្តពលិក ១០ រូបដែលរកចំណូលបានលើសខ្ទង់ពាន់លានដុល្លារ

មហាសេដ្ឋីមានដាច់គេ Elon Musk ជាប់លេខ ២ ជាបុគ្គលមាន Followers ច្រើនបំផុតលើ Twitter

ទីបំផុត Tiger Woods ក្លាយជាអត្តពលិកទី ២ ទទួលងារមហាសេដ្ឋី បន្ទាប់ពី LeBron James

LeBron James ប្រកាសសាងសង់មជ្ឈមណ្ឌលសុខភាពរាប់លានដុល្លារ នៅស្រុកកំណើត

LeBron James ក្លាយជាកីឡាករបាល់បោះដំបូងបំផុតលើលោក វិវត្តខ្លួនជាមហាសេដ្ឋី