យោងតាមឯកសារដែលបានដាក់ជូនទៅកាន់ទីផ្សារហ៊ុនហុងកុង ក្រុមហ៊ុន CK Infrastructure Group បាននិយាយថា ខ្លួនរំពឹងថានឹងលក់ក្រុមហ៊ុន U.K. Power Networks ទៅឱ្យក្រុមហ៊ុន Engie របស់បារាំង ក្នុងតម្លៃសរុប ១០,៥ពាន់លានផោន (១៤,២ពាន់លានដុល្លារ)។

ប្រតិបត្តិការលក់ដែលត្រូវបានគេរំពឹងថានឹងបិទបញ្ចប់នៅពាក់កណ្តាលឆ្នាំ២០២៦ នេះ គឺជាផ្នែកមួយនៃការផ្លាស់ប្តូរដ៏ទូលំទូលាយនៃផលប័ត្ររបស់ក្រុមហ៊ុន រួមទាំងការលក់ទ្រព្យសម្បត្តិ នៅក្នុងការផ្លាស់ប្តូរមួយនៃអាណាចក្រអាជីវកម្មដែលបង្កើតឡើងដោយលោក Li Ka-shing។

ជម្រាបជូនថា លោក Li Ka-shing វ័យ ៩៧ឆ្នាំ បច្ចុប្បន្នគឺជាបុគ្គលមានបំផុតទីពីរនៅហុងកុង ដែលមានទ្រព្យសម្បត្តិសរុបចំនួន ៤៦,៦ពាន់លានដុល្លារ តាមពីក្រោយមហាសេដ្ឋីអាជីវកម្មថ្ម ​​Robin Zeng ដែលមានទ្រព្យសម្បត្តិចំនួន ៥៣,៦ពាន់លានដុល្លារ៕​

The post អ្នកមានដាច់គេទី២ ហុងកុង ប្រកាសលក់ក្រុមហ៊ុនថាមពលអគ្គិសនីនៅអង់គ្លេស តម្លៃជាង ១៤ពាន់លានដុល្លារ appeared first on .

លោក Li ដែលរកស៊ីទៅលើអាជីវកម្មអចលនទ្រព្យ ហេដ្ឋារចនាសម្ព័ន្ធ និងឱសថតាមរយៈក្រុមហ៊ុនធំៗដូចជា CK Asset Holdings និង CK Hutchison បច្ចុប្បន្នមានទ្រព្យសម្បត្តិសរុបប្រមាណ ៤៥,១ពាន់លានដុល្លារ ពោលគឺកើនឡើងពីចំនួន ៣៨,៩ពាន់លានដុល្លារ នៅក្នុងឆ្នាំ២០២៥។

មិនតែប៉ុណ្ណោះ ទស្សនាវដ្តី Forbes ក៏បាននិយាយទៀតថា ទ្រព្យសម្បត្តិសរុបរបស់មហាសេដ្ឋីមានដាច់គេបំផុតទាំង៥០ របស់ហុងកុង បានកើនឡើង ២២% ដល់កម្រិតខ្ពស់បំផុតគ្រប់ពេលចំនួន ៣៦៦ពាន់លានដុល្លារ ពីចំនួនត្រឹម ៣០១ពាន់លានដុល្លារ កាលពីឆ្នាំមុន។

ជម្រាបជូនថា សម្រាប់ចំណាត់ថ្នាក់អ្នកមានដាច់គេទីពីររបស់ហុងកុង បានទៅលើលោក Peter និងលោក Martin Lee ព្រមទាំងក្រុមគ្រួសារ ដែលជាភាគទុនិកគ្រប់គ្រងក្រុមហ៊ុន Henderson Land Development ជាមួយទ្រព្យសម្បត្តិសរុបត្រូវបានប៉ាន់ប្រមាណថាមានចំនួន ៣៤,៩ពាន់លានដុល្លារអាមេរិក៕​

The post លោក Li Ka-shing កើបលុយបានរាប់ពាន់លានដុល្លារ បន្តគ្រងតំណែងជាមហាសេដ្ឋីមានដាច់គេនៅហុងកុង appeared first on .

ក្រុមហ៊ុន CK Hutchison ដែលជាក្រុមហ៊ុនរកស៊ីលើអាជីវកម្មជាច្រើន ដោយរាប់ចាប់ពីទូរគមនាគមន៍ រហូតដល់ការលក់រាយដែលគ្រប់គ្រងដោយលោក Li Ka-shing នោះ ត្រូវបានក្លាយជាប្រធានបទដ៏ក្តៅគគុកមួយសម្រាប់បញ្ហានយោបាយនៅក្នុងប្រទេសចិន បន្ទាប់ពីក្រុមហ៊ុននេះ បានបង្កើតកិច្ចព្រមព្រៀងជាមួយក្រុមហ៊ុនសហរដ្ឋអាមេរិក។

ក្រុមហ៊ុនដែលមានមូលដ្ឋាននៅទីក្រុងហុងកុង នៅដើមខែនេះ បានយល់ព្រមលក់អាជីវកម្មគ្រប់គ្រងកំពង់ផែមួយចំនួនរបស់ខ្លួន រួមទាំងទ្រព្យសម្បត្តិផ្សេងៗទៀត នៅជិតប្រឡាយប៉ាណាម៉ា នៅក្នុងកិច្ចព្រមព្រៀងមួយដែលនឹងផ្តល់ជាសាច់ប្រាក់ប្រមាណ ១៩ពាន់លានដុល្លារ។

យ៉ាងណាមិញ បើយោងតាមសារព័ត៌មាន Bloomberg បានរាយការណ៍ថា ការណែនាំឲ្យផ្អាកកិច្ចព្រមព្រៀងថ្មីៗជាមួយក្រុមហ៊ុនរបស់លោក Li នេះ ត្រូវបានចេញដល់សហគ្រាសរដ្ឋកាលពីសប្តាហ៍មុន តាមសំណើរបស់មន្ត្រីជាន់ខ្ពស់។ ប្រភពដដែលនេះបានបន្ថែមថា កិច្ចសហការដែលមានស្រាប់រវាងក្រុមហ៊ុនរបស់លោក Li និងក្រុមហ៊ុនរដ្ឋចិនមិនមានផលប៉ះពាល់ទេ។

ជាមួយគ្នានេះ និយតករចិន ក៏កំពុងពិនិត្យមើលផងដែរនូវការវិនិយោគដែលគ្រួសាររបស់លោក Li កំពុងមាននៅក្នុងប្រទេសចិន និងនៅក្រៅប្រទេស ក្នុងគោលបំណងដើម្បីយល់កាន់តែច្បាស់ពីទំហំនៃការធ្វើជំនួញរបស់ពួកគេ។

ជម្រាបជូនផងដែរថា និយតករចិន ក្រោមការណែនាំរបស់ថ្នាក់ដឹកនាំកណ្តាល បានចាប់ផ្តើមពិនិត្យមើលកិច្ចព្រមព្រៀងទាំងនេះឡើងវិញ ដែលជាសញ្ញាមួយនៃការមិនសប្បាយចិត្តរបស់រដ្ឋាភិបាលទីក្រុងប៉េកាំង ចំពោះការដកខ្លួនរបស់ក្រុមហ៊ុន CK Hutchison ពីព្រែកជីកប៉ាណាម៉ា ក្រោមសម្ពាធរបស់សហរដ្ឋអាមេរិក។

ប៉ុន្តែទន្ទឹមនឹងនោះ ប្រធានាធិបតីអាមេរិក លោក ដូណាល់ ត្រាំ បានសាទរយ៉ាងខ្លាំងចំពោះការលក់ប្រតិបត្តិការរបស់ក្រុមហ៊ុន CK Hutchison ខណ:កាលពីមុន បានអំពាវនាវឲ្យអាជ្ញាធរព្រែកជីកប៉ាណាម៉ា ដកចេញនូវអ្វីដែលលោកចាត់ទុកថា ជាការគ្រប់គ្រងរបស់ចិន៕

The post ចិន ផ្អាកកិច្ចព្រមព្រៀងថ្មីជាមួយកំពូលមហាសេដ្ឋីហុងកុង Li Ka-shing ជុំវិញការលក់កំពង់ផែនៅប៉ាណាម៉ា appeared first on .

ជុំវិញការលក់នេះ ត្រូវបានធ្វើឡើងបន្ទាប់ពីមានការរិះគន់យ៉ាងខ្លាំងពីសំណាក់ប្រធានាធិបតីអាមេរិក​ លោក ដូណាល់ ត្រាំ ថាព្រែកជីកប៉ាណាម៉ានេះ ស្ថិតនៅក្រោមការគ្រប់គ្រងរបស់ប្រទេសចិន ហើយថាសហរដ្ឋអាមេរិកទៅវិញទេដែលគួរតែជាអ្នកគ្រប់គ្រងផ្លូវដឹកជញ្ជូនសំខាន់ៗទាំងនេះ។

គួរឲ្យដឹងផងដែរថា តាមរយៈផ្នែកមួយនៃក្រុមហ៊ុនបុត្រសម្ព័ន្ធ CK Hutchison ធ្វើប្រតិបត្តិការនៅលើច្រកចូលនៃមហាសមុទ្រអាត្លង់ទិច និងច្រកចូលមហាសមុទ្រប៉ាស៊ីហ្វិក មកកាន់ព្រែកជីកនេះ។

យ៉ាងណាមិញ យោងតាមប្រភពដដែលខាងលើនេះ បានបង្ហាញឲ្យដឹងទៀតថា ក្រុមហ៊ុន CK Hutchison ដែលបង្កើតឡើងដោយមហាសេដ្ឋី Li Ka-shing នឹងលក់ផលប្រយោជន៍របស់ខ្លួនដែលជាផ្នែកមួយនៃកិច្ចព្រមព្រៀងដែលមានតម្លៃរហូតដល់ទៅ ២២,៨ពាន់លានដុល្លារ។

ជម្រាបជូនថា ព្រែកជីកប៉ាណាម៉ា មាប្រវែងសរុប ៨២គីឡូម៉ែត្រ ដោយឆ្លងកាត់ប្រទេសអាមេរិកកណ្តាល និងជាផ្លូវតភ្ជាប់ដ៏សំខាន់រវាងមហាសមុទ្រអាត្លង់ទិក និងមហាសមុទ្រប៉ាស៊ីហ្វិក។ នាវារហូតដល់ ១៤ ០០០ គ្រឿង ត្រូវបានធ្វើដំណើរឆ្លងកាត់ព្រែកជីកនេះជារៀងរាល់ឆ្នាំ រួមមាននាវាដឹកកុងតឺន័រ នាវាដឹករថយន្ត ឧស្ម័នធម្មជាតិ និងទំនិញផ្សេងទៀត រួមទាំងនាវាយោធា ផងដែរ៕

The post មហាសេដ្ឋីមានដាច់គេនៅហុងកុង លក់កំពង់ផែនៅព្រែកជីកប៉ាណាម៉ា ទៅឲ្យក្រុមហ៊ុនអាមេរិកគ្រប់គ្រង appeared first on .

រូបភាពមួយសន្លឹងដែលត្រូវបានចែកចាយដោយលោកស្រី Zhen Xu សាស្ត្រាចារ្យនៅសាកលវិទ្យាល័យ Michigan កាលពីដើមខែនេះ បានបង្ហាញថា លោក Li បានផ្លាស់ប្តូរមកពាក់នាឡិកាដៃ Apple Watch ជំនួសវិញ បន្ទាប់ពីមហាសេដ្ឋីរូបនេះ ត្រូវបានគេស្គាល់ថាជាមនុស្សមិនងាយនឹងប្តូរនាឡិកាដៃដែលខ្លួនពាក់នោះឡើយ ជាពិសេសម៉ាក Citizen ដែលលោកប្រើប្រាស់វាអស់រយ:ពេលជាច្រើនឆ្នាំមកហើយ។

មិនតែប៉ុណ្ណោះ លោក Louis Kraar អ្នកសារព័ត៌មានអាស៊ីរបស់ទស្សនាវដ្ដី Fortune and Time បានបង្ហើបប្រាប់ឲ្យដឹងថា នៅដែលលោកបានជួបជាមួយ លោក Li ដំបូង គាត់ពាក់តែនាឡិកាដៃធម្មតាមួយប៉ុណ្ណោះ ដែលមានតម្លៃត្រឹមតែ ៥០ដុល្លារ។

គួរឲ្យដឹងថា មហាសេដ្ឋីរូបនេះ ត្រូវបានគេថតរូបជាប់ជាញឹកញាប់ ជាមួយនឹងនាឡិកាដៃសាមញ្ញមួយម៉ាក Citizen នៅលើដៃរបស់គាត់ជាប់ជានិច្ច ខណ:ក្នុងបទសម្ភាសមួយ លោកបាននិយាយថាមិនចាំបាច់ត្រូវប្រុងប្រយ័ត្នអ្វីច្រើននោះឡើយ ដែលនេះហើយគឺជាមូលហេតុដែលលោកមិនសូវពាក់នាឡិកាដៃមានតម្លៃថ្លៃៗ។

ជម្រាបជូនផងដែរថា លោក Li Ka Shing ក្តោបក្តាប់ទៅលើមុខជំនួញជាច្រើននៅក្នុងវិស័យឧស្សាហកម្ម រួមទាំងការដឹកជញ្ជូន អចលនទ្រព្យ សេវាកម្មហិរញ្ញវត្ថុ ការលក់រាយ និងថាមពល និងឧបករណ៍ប្រើប្រាស់ជាច្រើន។ បច្ចុប្បន្នទ្រព្យសម្បត្តិសរុបរបស់លោកត្រូវបានប៉ាន់ស្មានថាមានចំនួន ៣៥,៩ពាន់លានដុល្លារ ដែលធ្វើឲ្យលោក Li ក្លាយជាអ្នកមានបំផុតនៅហុងកុង និងជាអ្នកមានបំផុតទី៤៩ នៅលើពិភពលោក៕

The post កម្របានឃើញ! មហាសេដ្ឋីមានដាច់គេនៅហុងកុង ពាក់នាឡិកាដៃរបស់ក្រុមហ៊ុន Apple ជាលើកដំបូង appeared first on .

ខាងក្រោមនេះគឺជាបញ្ជីឈ្មោះ​មហាសេដ្ឋីមានបំផុត​ប្រចាំ​ទ្វីបអាស៊ី ផ្អែកតាម​ការចុះផ្សាយពីទស្សនាវដ្ដី Forbes៖

1/ Mukesh Ambani

បុគ្គល​ឈរ​នៅ​កំពូល​តារាង​រូប​នេះ គឺ​ជា​មហាសេដ្ឋី​ជនជាតិ​ឥណ្ឌា​ដែល​មាន​ទំហំ​ទ្រព្យសម្បត្តិ​ប្រមាណ ៩៥,៧ពាន់​លាន​ដុល្លារ ហើយ​លោក​គឺជា​ម្ចាស់​ភាគហ៊ុន​ធំ​បំផុត​នៃ​ក្រុមហ៊ុន​ថាមពល​ និង​ទូរគមនាគមន៍​ Reliance Industries ដែល​ក្ដោបក្ដាប់​វិស័យ​ផ្សេងៗ​ដូចជា គីមី​ឥន្ធនៈ ​ប្រេង ឧស្ម័ន​ ទូរគមនាគមន៍​​ជាដើម។

2/ Zhong Shanshan

បុរស​ដែល​មាន​រហស្សនាម​ថា “ស្ដេច​ទឹកបរិសុទ្ធ” Zhong Shanshan គឺ​ជា​ស្ថាបនិក​នៃ​ក្រុមហ៊ុន​ផលិត​ទឹកបរិសុទ្ធ Nongfu Spring គឺ​ជា​មហាសេដ្ឋី​មាន​បំផុត​ទី ២ ប្រចាំ​ទ្វីបអាស៊ី​ដោយ​លោក​មាន​ដើម​កំណើត​ជា​ជនជាតិ​ចិន។

បច្ចុប្បន្ន លោកមានទ្រព្យសម្បត្តិ​ប្រមាណ ៦២,២ពាន់លានដុល្លារ។

3/ Gautam Adani

មហាសេដ្ឋី​ឥណ្ឌា​ទី ២ គឺ​លោក Gautam Adani ដែល​លោក​គឺ​ជា CEO នៃ​ក្រុមហ៊ុន Adani Groups ដែល​កាន់កាប់​មុខ​ជំនួញ​ជាច្រើន​ដែល​មាន​ដូចជា កំពង់ផែ​ Mundra Port, Adani Enterprises, Adani Green, Adani Total Gas, Adani Power ជាដើម។

បច្ចុប្បន្ន Adani គឺ​ជា​មហាសេដ្ឋី​មាន​បំផុត​ទី ២ នៅ​ប្រទេស​ឥណ្ឌា ដែល​មាន​ទំហំ​ទ្រព្យ​សម្បត្តិ​ប្រមាណ ៥៦,៣ពាន់​លាន​ដុល្លារ។

4/ Zhang Yiming

សហស្ថាបនិក និងជាអតីត CEO ក្រុមហ៊ុន ByteDacne ដែលជា​ក្រុមហ៊ុនមេ​កម្មវិធីល្បីល្បាញ TikTok មានទ្រព្យសម្បត្តិប្រមាណ ៣៩,១ពាន់លានដុល្លារ។

5/ Li Ka-shing

បុរសដែលមានរហស្សនាមថា Superman និងជាមហាសេដ្ឋីហុងកុងតែម្នាក់គត់ក្នុងបញ្ជីមួយនេះ មានទ្រព្យសម្បត្តិប្រមាណ ៣៧,៨ពាន់លានដុល្លារ និងមានអាជីវកម្មជាច្រើននៅក្នុងដៃ។

6/ Tadashi Yanai

ជាជនជាតិជប៉ុនតែម្នាក់គត់ ក្នុងបញ្ជីឈ្មោះមួយនេះ ហើយលោកគឺជាស្ថាបនិក និងជា CEO ក្រុមហ៊ុន Fast Retailing ក្រុមហ៊ុនមេ Uniqlo ខណៈទ្រព្យសម្បត្តិ​របស់លោកមានប្រមាណ ៣៥,៩ពាន់លានដុល្លារ។

7/ Pony Ma Huateng

ជា​នាយក​ប្រតិបត្តិ​ក្រុមហ៊ុន​យក្ស Tencent Holdings ដែល​ជាប់​ឈ្មោះ​ជា​ក្រុមហ៊ុន​ធំ​បំផុត​ប្រចាំ​ប្រទេស​ បើ​ផ្អែក​តាម​មូលធន​ទីផ្សារ។

បុរស​រូប​នេះ​មាន​ដើម​កំណើត​ជា​ជនជាតិ​ចិន ដែល​មាន​ទំហំ​ទ្រព្យ​សម្បត្តិ​សរុប ៣៥,២ពាន់​លាន​ដុល្លារ។

8/ Colin Zheng Huang

ស្ថាបនិកក្រុមហ៊ុន Pinduoduo ដែលឥឡូវនេះជាវេទិកាកសិកម្មដ៏ធំបំផុតនៅក្នុងប្រទេសចិន ខណៈបច្ចុប្បន្នទ្រព្យសម្បត្តិរបស់លោក មានប្រមាណ ៣៤,៦ពាន់លានដុល្លារ។

9/ William Lei Ding

​ស្ថាបនិក និងជា CEO ​ក្រុមហ៊ុន NetEase ដែលជំនាញ​លើ​ការ​ផលិតហ្គេម ផ្គត់ផ្គង់សេវាកម្មអ៊ីនធឺណិត និងការធ្វើពាណិជ្ជកម្មអេឡិចត្រូនិច មានទ្រព្យសម្បត្តិ​ប្រមាណ ៣២,១ឹពាន់លានដុល្លារ

10/ Robin Zeng

ជាស្ថាបនិកក្រុមហ៊ុន CATL ដែលជា​អ្នកផលិត​អាគុយលីចូម – អ៊ីយ៉ុងសម្រាប់រថយន្តអគ្គិសនី ធំបំផុតមួយ​លើពិភពលោក ហើយទ្រព្យសម្បត្តិ​របស់លោកមានប្រមាណ ៣៤ពាន់លានដុល្លារ។

សូមជម្រាបដែរថា ចំណែក​ឯ​មហាសេដ្ឋីនៅ​តំបន់​អាស៊ីអាគ្នេយ៍​វិញ​មាន​សរុប ១១៤ នាក់ ​តៃវ៉ាន់​មាន ៤៥ នាក់ កូរ៉េខាងត្បូង​មាន ២៨ នាក់ និង​ជប៉ុន​មាន ២៧ នាក់។ នេះបើតាមការចុះផ្សាយពីសារព័ត៌មាន Nikkei Asia៕

The post ល្បីចិនពូកែរកស៊ី តែមហាសេដ្ឋីមានបំផុតនៅអាស៊ីបែរជាជនជាតិឥណ្ឌាវិញ appeared first on .

យ៉ាងណា មិនមែន​សុទ្ធ​តែ​គ្រប់​បុគ្គល​ជោគជ័យ​គឺ​សុទ្ធតែ​បាន​បញ្ចប់​ថ្នាក់​សិក្សា​ខ្ពង់ខ្ពស់​នោះ​ឡើយ ជាក់ស្ដែង​ក៏​មាន​បុគ្គល​មួយ​ចំនួន​បាន​បោះបង់​ការ​សិក្សា ងាក​មក​ស្រវា​តាម​ចាប់​ក្ដី​ស្រមៃ​តាំងពី​វ័យក្មេង ឬ​ក៏​កត្តា​ជីវភាព​គ្រួសារ​បង្ខំ​ឲ្យ​ពួកគេ​បោះបង់​ការ​សិក្សា ដើម្បី​រក​ចំណូល​ផ្គត់ផ្គង់​ជីវភាព រហូត​ក្លាយជា​មហាសេដ្ឋី​សព្វថ្ងៃ​ផង​ដែរ។

តួយ៉ាង បើ​យោង​តាម​ការ​ចុះផ្សាយ​ពី SCMP បាន​ឲ្យ​ដឹង​ថា មាន​បុគ្គល ៥ រូប​ដែល​បាន​បោះបង់​ការ​សិក្សា​តាំងពី​ក្មេងៗ ដោយសារ​កត្តា​ជីវភាព​គ្រួសារ និង​ត្រូវងាក​មក​រក​ចំណូល ក៏​ដូចជា​តាម​ចាប់ក្ដី​ស្រមៃ​របស់​ពួកគេ​រហូត​ទទួល​បាន​ភាព​ជោគជ័យ​ក្លាយជា​មហាសេដ្ឋី​សព្វថ្ងៃ។​

ខាងក្រោម​គឺ​ជា​បញ្ជី​ឈ្មោះ​របស់​បុគ្គល​ ៥ រូប​ដែល​ក្រុមហ៊ុន​សារព័ត៌មាន​កាន់កាប់​ដោយ Alibaba បាន​ចុះផ្សាយ​៖

1/ Li Ka-Shing

មហាសេដ្ឋី​មាន​បំផុត​នៅ​ហុងកុង​រូបនេះ​បាន​រត់ភៀសខ្លួន​ពី​ប្រទេស​ចិន​នៅ​ពេល​លោក​មាន​វ័យ​ត្រឹម​តែ ១២ ឆ្នាំ ហើយ​រំលង​បាន ២ ឆ្នាំ ឪពុក​របស់​លោក​បាន​ចែកឋាន ដែល​បណ្ដាល​ឲ្យ​បុរស​រូបនេះ​ត្រូវ​បោះបង់​ការ​សិក្សា​ទាំង​មិន​បាន​បញ្ចប់​ថ្នាក់​វិទ្យាល័យ។

នៅ​វ័យ ១៦ ឆ្នាំ​ស្ដេចត្រាញ់​ហុងកុង​គ្រាន់តែ​ជា​បុគ្គលិក​ធ្វើការ​នៅ​រោងចក្រ​ប្លាស្ទិក​មួយ​កន្លែង តែ​បច្ចុប្បន្ន Li Ka-Shing បាន​ក្លាយជា​មហាសេដ្ឋី​មាន​បំផុត​ទី ៣៤ នៅ​លើ​ពិភពលោក និង​មាន​បំផុត​នៅ​ហុងកុង ជាមួយ​ទ្រព្យសម្បត្តិ​ប្រមាណ ៣៧,៨ពាន់​លាន​ដុល្លារ។

2/ Roman Abramovich

មហាសេដ្ឋី​រុស្ស៊ី​ដែល​កំពុង​ស្ថិតនៅក្នុង​ស្ថានការណ៍​ដ៏​យ៉ាប់យ៉ឺន ពោល​គឺ​ទទួល​រង​ទណ្ឌកម្ម​សេដ្ឋកិច្ច​ពី​បណ្ដា​ប្រទេស​ជាច្រើន ជាពិសេស​គឺ​អង់គ្លេស បន្ទាប់​ពី​រុស្ស៊ី​បើក​ការ​វាយ​ប្រហារ​ទៅ​លើ​អ៊ុយក្រែន​កន្លង​ទៅ។

ប្រវត្តិ​របស់​អ្នកមាន​ម្នាក់​នេះ​គឺ កំព្រា​ម្ដាយឪពុក​តាំងពី​អាយុ ៣ ឆ្នាំ និង​បាន​ឈប់រៀន​ត្រឹម​ថ្នាក់​មហាវិទ្យាល័យ ដោយ​បាន​ចូល​បម្រើ​កងទ័ព​រុស្ស៊ី ហើយ​វា​គឺ​ជា​ឱកាស​មាស​មួយ​របស់ Abramovich ក្នុងការ​កសាង​ទ្រព្យសម្បត្តិ​របស់​លោក​ពី​ពេលនោះ​មក។

អំឡុងពេល​នៅ​បម្រើការ​ក្នុង​ជួរ​កងទ័ព​ Abramovich បាន​លួច​ប្រេង​យក​ទៅ​លក់​ឲ្យ​ឈ្មួញ​កណ្ដាល ហើយ​ក៏​ចាប់ផ្ដើម​បោះ​ជំហាន​លើ​វិស័យ​អាជីវកម្ម​ផ្សេងៗ រហូត​ដល់​មាន​មុខមាត់​នៅ​លើ​វិស័យ​នយោបាយ​ថែម​ទៀត។

​បច្ចុប្បន្ន Roman Abramovich គឺ​ជា​មហាសេដ្ឋី​លេខរៀង​ទី ២២៤ ទូទាំង​ពិភពលោក​ ជាមួយ​ទំហំ​ទ្រព្យសម្បត្តិ​ប្រមាណ ៩,២ពាន់​លាន​ដុល្លារ។

3/ Jan Koum

​ស្ថាបនិក​ WhatsApp ម្នាក់​នេះ​មាន​ដើមកំណើត​ជា​ជនជាតិ​អ៊ុយក្រែន និង​កើតនៅ​ក្នុង​គ្រួសារ​មាន​ជីវភាព​ក្រីក្រ​ដែល​មាន​ឪពុក​ជា​កម្មករ​សំណង់ ម្ដាយ​ជា​ស្ត្រី​មេផ្ទះ។ នៅពេល​លោក​មាន​វ័យ​ត្រឹម ១៦ ឆ្នាំ គ្រួសារ​របស់​លោក​បាន​ភៀសខ្លួន​មក​ទីក្រុង California និង​ធ្វើការ​ជូត​ឥដ្ឋ​ដើម្បី​ចិញ្ចឹម​ជីវិត។

អាច​និយាយ​បាន​ថា​ ជាដុង​ពី​កំណើត Koum បាន​រៀនសូត្រ​ដោយ​ខ្លួនឯង​អំពី​ការ​ប្រើប្រាស់​កុំព្យូទ័រ​បាន​យ៉ាង​ស្ទាត់​ជំនាញ និង​ទទួល​បាន​ការងារ​មួយ​នៅ​ក្រុមហ៊ុន​ Yahoo ទាំង​មិន​បាន​​បញ្ចប់​ថ្នាក់​សិក្សា​មហាវិទ្យាល័យ។

​បច្ចុប្បន្ន បុរស​ម្នាក់​នេះ​គឺ​ជា​មហាសេដ្ឋី​មាន​បំផុត​ទី ១២១ លើ​ពិភពលោក​ជាមួយ​ទំហំ​ទ្រព្យសម្បត្តិ​ប្រមាណ ១៤,៣ពាន់​លាន​ដុល្លារ ក្រោយ​លក់​ WhatsApp ទៅ​ឲ្យ​ Facebook ក្នុង​ឆ្នាំ ២០១៤ ក្នុង​តម្លៃ ២២ ពាន់​លាន​ដុល្លារ។

4/ ​Oprah Winfrey

ជា​ស្ត្រី​តែ​ម្នាក់​គត់​នៅ​ក្នុង​បញ្ជី​មួយ​នេះ និង​ជា​ពិធីការនី​ដ៏​មាន​ឥទ្ធិពល​បំផុត​មួយ​នៅ​លើ​បណ្ដាញ​ប្រព័ន្ធ​ផ្សព្វផ្សាយ​នៅ​អាមេរិក។ នៅ​វ័យ​ត្រឹម ១៤ ឆ្នាំ Winfrey បាន​លួច​រត់​ទៅ​រស់នៅ​ជាមួយ​ឪពុក និង​ទទួល​បាន​អាហារូបករណ៍​នៅ​សាកលវិទ្យាល័យ Tennessee State University ប៉ុន្តែ​បាន​បោះបង់​ការ​សិក្សា​នៅ​វ័យ ១៩ ឆ្នាំ ដើម្បី​ធ្វើការ​នៅ​លើ​បណ្ដាញ​ផ្សព្វផ្សាយ។

ចាប់តាំង​ពី​ពេលនោះ​មក Oprah Winfrey តែងតែ​លេច​មុខ​នៅ​ក្នុង​កម្មវិធី​ទូរទស្សន៍​ធំៗ ដោយសារ​ទេពកោសល្យ​ក្នុង​ការ​និយាយ​របស់​លោកស្រី ហើយ​បច្ចុប្បន្ន​លោកស្រី​គឺ​ជា​មហាសេដ្ឋី​ស្ត្រី​ដ៏​មាន​ឥទ្ធិពល​បំផុត​មួយ​ជាមួយ​ទំហំ​ទ្រព្យ​សម្បត្តិ ២,៥ពាន់​លាន​ដុល្លារ។

5/ Guy Laliberte

លោក Laliberte បាន​ចាកចេញ​ពី​ស្រុកកំណើត​ Canada នៅ​វ័យ​ត្រឹម ១៤ ឆ្នាំ តាម​ចាប់​ក្ដីស្រមៃ​ដ៏​អស្ចារ្យ​របស់​លោក​នៅ​ឆ្នាំ ១៩៧៨ ហើយ​នៅ​វ័យ ១៩ ឆ្នាំ​ បុរស​ម្នាក់​នេះ​បាន​សម្រេច​បោះបង់​ការ​សិក្សា។

ដោយសារ​ចិត្ត​ស្រឡាញ់​ការ​សម្ដែង បុរស​ម្នាក់​នេះ​បាន​ចំណាយ​ពេល​ដេក​លើ​បង់​តាម​ទី​សាធារណៈ​នៅ​ប្រទេស​ផ្សេងៗ ជាមួយ​ក្រុមសម្ដែង​សៀក​តាម​ផ្លូវ រហូត​ដល់​ឆ្នាំ ១៩៨៤ លោក​បាន​បង្កើត​ក្រុមសៀក​Cirque du Soleil ដែល​ជា​សព្វថ្ងៃ​ជា​ក្រុមសៀក​រហ័សកម្ម​ធំ​បំផុត​លើ​លោក។

ជិត​ ១០ ឆ្នាំ​ក្រោយ​បង្កើត​ក្រុម​សៀក​ដ៏​ល្បី ពោល​នៅ​ឆ្នាំ ១៩៩៣ Cirque du Soleil អាច​រក​ចំណូល​បាន​យ៉ាង​ស្រួល​ពោល ៣០លាន​ដុល្លារ​ជា​រៀងរាល់​ឆ្នាំ ហើយ​វា​បាន​ធ្វើ​ឲ្យ Laliberte ទទួល​បាន​ងារ​ជា​មហាសេដ្ឋី​ក្នុង​ទំហំ​ទ្រព្យ​សម្បត្តិ​ជាង ១ពាន់​លាន​ដុល្លារ​ផង​ដែរ។

ដោយឡែក ក្រៅពី​បុគ្គល​ទាំង ៥ រូប​ខាងលើ ក៏​នៅ​មាន​មហាសេដ្ឋី​ឯទៀត​ដែល​មិន​បាន​បញ្ចប់​ថ្នាក់​សិក្សា​មហាវិទ្យាល័យ ដូចជា Mark Zuckerberg និង Bill Gates ជាដើម គ្រាន់តែ​ថា​អ្នក​ទាំង ៥ ដែល​បាន​រៀបរាប់​ខាងលើ គឺ​មាន​ជីវភាព​លំបាក​តាំងពី​ក្មេង​ជាង​បុគ្គល​ផ្សេងៗ​ប៉ុណ្ណោះ។

បញ្ជាក់​ដែរ​ថា អត្ថបទ​មួយ​នេះ​មិន​មែន​លើក​ទឹកចិត្ត​ឲ្យ​មនុស្ស​ឯទៀត​បោះបង់​ការ​សិក្សា​ឡើយ គ្រាន់តែ​ថា ខ្សែ​ជីវិត​របស់​មនុស្ស​យើង​ម្នាក់ៗ​គឺ​មាន​ភាព​ខុសគ្នា​ អ្នកខ្លះ​ជោគជ័យ​លើ​ការ​សិក្សា​ អ្នក​ខ្លះ​ជោគជ័យ​លើ​ការ​ធ្វើ​អាជីវកម្ម​ ដូច្នេះ​ដរាបណា​បើ​អ្នក​នៅ​តែ​មាន​ការ​តស៊ូ និង​ក្ដី​ស្រមៃ បូកផ្សំ​ជាមួយ​នឹង​ឱកាស​ផង នោះ​ភាព​ជោគជ័យ​ច្បាស់​ជា​រត់​មក​រក​អ្នក​ដោយ​ឯកឯង​ជា​មិនខាន៕

ប្រភព: SCMP

The post ទោះ​បរាជ័យ​ក្នុង​ការ​សិក្សា តែ​បុគ្គល ៥ រូប​នេះ​ជោគជ័យ​លើ​វិថី​ជីវិត​ក្លាយជា​មហាសេដ្ឋី​ appeared first on .

បើយោងតាមការចុះផ្សាយពី Fobes បានបង្ហាញថា ក្រុមហ៊ុន ORIC-Borrett ដែលជាបុត្រសម្ព័ន្ធរបស់ក្រុមហ៊ុនគ្រប់គ្រងទ្រព្យសម្បត្តិសិង្ហបុរី Sino Suisse’s Fund LC Vision Capital VCC បានយល់ព្រមទិញភាគហ៊ុនរបស់ CK Assent សម្រាប់ការកាន់កាប់លើលំនៅដ្ឋានចំនួន ១៥២ កន្លែង រួមទាំងចំណតរថយន្តចំនួន ២៤២ កន្លែង និងចំណតម៉ូតូចំនួន ៣១ កន្លែងផងដែរ ដែលមានទីតាំង នៅផ្លូវ ២១ Borrett ក្នុងទីក្រុងហុងកុង ។

លើសពីនេះ បើយោងតាមការចុះផ្សាយរបស់ផ្សាហ៊ុន Hong Kong Stock Exchange បានបង្ហាញថាប្រតិបត្តិការទិញលក់នេះ ត្រូវបានគេរំពឹងទុកថានឹងបញ្ចប់ទៅ នៅខែមីនា ឆ្នាំ ២០២៥ ខាងមុខ ។

គួរឱ្យដឹងផងដែរថា នេះជាការលក់ទ្រព្យសម្បត្តិលើកទី ២ ហើយ ដោយក្រុមហ៊ុន CK Asset នៅឆ្នាំនេះ ខណ:កាលពីខែមីនាកន្លងទៅ ក្រុមហ៊ុនបុត្រសម្ព័ន្ធរបស់ពួកគេ គឺ CK Steel Holdings បានលក់ភាគហ៊ុនរបស់ខ្លួន ក្នុងតម្លៃ ៧២៩,២ លានផោន (៧៨៨ លានដុល្លារ) ទៅក្រុមហ៊ុន Bluebutton Holdco 5 Broadgate (Jersey) ដែលជាក្រុមហ៊ុនកាប់កាន់អចលនទ្រព្យពាណិជ្ជកម្ម នៅទីក្រុងឡុងដ៍៕

The post ក្រុមហ៊ុនអ្នកមានបំផុតនៅហុងកុង សម្រេចលក់ចេញអចលនទ្រព្យតម្លៃជិត ៣ ពាន់លានដុល្លារ appeared first on .

ក្រុមហ៊ុន CK Infrastructure Holdings ដែល​ជា​ក្រុមហ៊ុន​ចែកចាយ​ថាមពល​អគ្គិសនី និង​ឧស្ម័ន និង​គ្រប់គ្រង​ដោយ​កូនប្រុស​ច្បង Victor បាន​ធ្វើការ​វិនិយោគ​ទៅ​កាន់​ក្រុមហ៊ុន​ផលិត​ថាមពល​អ៊ីដ្រូសែន HYCP កាលពី​ពេលថ្មីៗនេះ។ នេះ​បើតាម​ការចុះផ្សាយ​ពី Bloomberg News។

ដោយឡែក កាលពី​ដើមឆ្នាំ​នេះ​ផង​ដែរ ក្រុមហ៊ុន​វិនិយោគ​របស់​លោក Li បាន​ទិញ​ភាគហ៊ុន​នៅ​ក្នុង​ក្រុមហ៊ុន​ដែល​មាន​អាជីវកម្ម​ស្រដៀង​គ្នា​នឹង HYCP គឺ​ក្រុមហ៊ុន Syzygy Plasmonics និង H2Pro ដែល​ជា​ក្រុមហ៊ុន​​ផលិត​ឧស្ម័ន និង​ផ្គត់ផ្គង់​ថាមពល​សម្រាប់​យន្តហោះ។

បញ្ជាក់​ដែរ​ថា ថាមពល​អ៊ីដ្រូសែន​ដែល​កើតឡើង​ពី​ថាមពល​កកើត​ឡើងវិញ គឺ​កំពុង​ទទួល​បាន​ការ​គាំទ្រ​ខ្លាំង សម្រាប់​ជម្រើស​នៃ​ប្រទេស​មហាអំណាច​ និង​ក្រុមហ៊ុន​ធំៗ​មួយ​ចំនួន​ដែល​មាន​បំណង​ចង់​កាត់​បន្ថយ​ការ​ប្រើប្រាស់​ឧស្ម័ន​ពុល​កាបូន។

លើស​ពី​នេះ បើ​តាម​ការ​ប៉ាន់ស្មាន​ពី​អ្នកជំនាញ​ទីផ្សារ​របស់​ឧស្សាហកម្ម​ប្រភេទ​នេះ នឹង​អាច​ឈាន​ដល់​ចំណុច​ខ្ពស់​មួយ គឺ ១២ ទ្រី​លាន​ដុល្លារ​នៅ​ឆ្នាំ ២០៥០។

លោក Li Ka-shing ដែល​ប្រជាជន​ហុងកុង​និយម​ឲ្យ​រហស្សនាម​ថា Superman គឺ​ត្រូវ​បាន​គេ​សរសើរ​ពី​ភាពជោគជ័យ​របស់លោក​ជា​ខ្លាំង ជាពិសេស​គឺ​ការ​វិនិយោគ​របស់​លោក​ភាគច្រើន​សុទ្ធតែ​ទទួលបាន​ផ្លែផ្កា​ល្អ​លើសពី​ការ​រំពឹង​ទុក។

បុរស​ដែល​មាន​ទ្រព្យ​សម្បត្តិ​ប្រមាណ ៣១,៣ ពាន់​លាន​ដុល្លារ​រូបនេះ គឺ​មាន​ភាគហ៊ុន​នៅ​ក្រុមហ៊ុន​ធំៗ​ដូចជា Zoom Video Communication ក្រុមហ៊ុន​ប្រេង Cenovus Energy ខណៈ​ក្រុមហ៊ុន​វិនិយោគ Horizons Ventures របស់​លោក​គឺ​ជា​អ្នក​នៅ​ពីក្រោយ​ក្រុមហ៊ុន​ធំៗ​ដូចជា​ Spotify Technology SA និង Facebook ដែល​ទើបនឹង​ប្ដូរឈ្មោះ​ទៅ​ជា Meta Platforms ជាដើម៕

ប្រភព: CNA

The post ​មហាសេដ្ឋី​មាន​បំផុត​នៅ​ហុងកុង Li Ka-shing ចាប់ផ្តើម​ប្រឡូក​​មុខ​ជំនួញ​ថ្មី​សន្លាង​មួយ​ទៀត ​បន្ថែម​ពី​លើ​មុខ​របរ​​​​ដឹកជញ្ជូន ប្លាស្ទិក​ និង​ប្រេង appeared first on .

បើ​ជា​ប្រទេស​សេដ្ឋកិច្ច​យក្ស​មួយ​ហើយ ហុងកុង​ច្បាស់ជា​មាន​មហាសេដ្ឋី​ច្រើន​រាប់​មិន​អស់​ជា​មិនខាន តែ​សម្រាប់​អត្ថបទ​មួយ​នេះ ឧកញ៉ាញូវសន៍​សូម​លើក​បង្ហាញ​ពី​មហាសេដ្ឋី​មាន​បំផុត ១០ រូប​ប្រចាំ​ប្រទេស​ជា​មុន​សិន៖

1/ Li Ka-shing

បុរស​មាន​រហស្សនាម Superman លោក Li Ka-shing គឺជា​អ្នកជំនួញ​មាន​ឥទ្ធិពល​បំផុត​មួយ​រូប​នៅ​តំបន់​អាស៊ី។ ចាប់​ផ្ដើម​អាជីវកម្ម​ដំបូង លោក​ Li បើក​រោងចក្រ​ផលិត​ប្លាស្ទិក​ Cheung Kong ដាក់​ឈ្មោះ​បាន​តាម​ទន្លេ Yangtze River ក្នុង​ឆ្នាំ ១៩៥០​ដែល​កាល​នោះ​លោក​មាន​វ័យ ២១ ឆ្នាំ​ជាមួយ​ប្រាក់​ត្រឹម ៦ ៥០០ ដុល្លារ និង​គួបផ្សំ​ពី​ការ​ខ្ចីប្រាក់​បងប្អូន​បន្ថែម​។

បច្ចុប្បន្ន បុរស​វ័យ ៩៣ ឆ្នាំ​មាន​ទ្រព្យសម្បត្តិ​ប្រមាណ ៣៥,៤ ពាន់​លាន​ដុល្លារ ហើយ​ស្ថាប័ន​ Li Ka Shing Foundation ក៏​ធ្លាប់​បរិច្ចាគ​ប្រាក់​ច្រើនជាង ៣,៣ ពាន់​លាន​ដុល្លារ ដែល​ក្នុង​នោះ​ច្រើនជាង ៨០%​ ទៅកាន់​ប្រទេស​ចិន។

2/ Lee Shau Kee

មហាសេដ្ឋី​មាន​បំផុត​ទី​ ២​ នៅ​ហុងកុង​ លោក Lee Shau Keeធំធាត់​នៅ​ក្នុង​គ្រួសារ​ជីវភាព​ក្រខ្សត់​ ដែល​អាច​ញាំ​ត្រី ឬ​សាច់​បាន​តែ ២ ដង​ប៉ុណ្ណោះ​ក្នុង​មួយ​ខែ។ លោក​បាន​ចាប់​ផ្ដើម​ក្រុមហ៊ុន​អភិវឌ្ឍន៍ Henderson Land Development ក្នុង​ឆ្នាំ ១៩៧៦ ដែល​ជា​ប្រភព​ចំណូល​ធំ​បំផុត​របស់​បុរស​រូប​នេះ។

មិន​តែ​ប៉ុណ្ណោះ លោក Lee ក៏​ជា​សហ​ស្ថាបនិក​ក្រុមហ៊ុន Sun Hung Kai និង Kwok Tak-Seng ដែល​ជា​ឪពុក​របស់​បងប្អូន​ត្រកូល​ Kwok ផង​ដែរ​។ បច្ចុប្បន្ន ទ្រព្យសម្បត្តិ​របស់​លោក Lee មាន​ប្រមាណ ៣០,៥ ពាន់​លាន​ដុល្លារ។

3/ Henry Cheng និង​គ្រួសារ

ទ្រព្យសម្បត្តិ​សរុប​របស់​បុគ្គល​ទី ៣ គឺ​ប្រមាណ ២២,១ ពាន់​លាន​ដុល្លារ ខណៈ Henry Cheng គឺ​ជា​អ្នក​ឡើង​កាន់កាប់​តំណែង​ជា​ប្រធាន​ក្រុមហ៊ុន Chow Tai Fook Jewellery និង New World Development។ ក្រុម​គ្រួសារ​ទាំង ៩ រូប គឺ​ធ្វើការ​ជា​ប្រព័ន្ធ​ដែល​មាន​កូនៗ​ទាំង ២ របស់​ Henry ដើរតួ​នាទី​ធំ គឺ Adrian ជា​អនុប្រធាន​នៅ New World Development ខណៈ Sonia ជា​ CEO នៃ​ក្រុមហ៊ុន Rosewood Hotel Group ដែល​ New World ទិញ​បាន​កាលពី​ឆ្នាំ ២០១១។

4/ Yeung Kin-Man និង​ភរិយា Lam Wai-ying

ប្ដីប្រពន្ធ​មួយ​គូ​នេះ មាន​ទ្រព្យសម្បត្តិ​ប្រមាណ ១៨,៦ ពាន់​លាន​ដុល្លារ ​ខណៈ Kin-Man គឺជា​ស្ថាបនិក​ និង​ជា​ប្រធាន​ក្រុមហ៊ុន Biel Crystal Manufactory ដែល​ជា​ក្រុមហ៊ុន​ផ្គត់ផ្គង់​កញ្ចក់​ទូរស័ព្ទ​ Smartphone ទៅ​កាន់ Apple និង​មាន​បុគ្គលិក​ជាង ១២ ម៉ឺន​នាក់​នៅ​ប្រទេស​ចិន។

5/ Lui Che Woo និង​គ្រួសារ

លោក Lui Che Woo គឺជា​ម្ចាស់​សាខា​កាស៊ីណូ Galaxy Entertainment Group និង​ក្រុមហ៊ុន​អភិវឌ្ឍន៍ K.Wah International Holdings ដែល​មាន​ទីតាំង​នៅ​ហុងកុង។ បច្ចុប្បន្ន​ លោក Lui មាន​ទ្រព្យសម្បត្តិ​ប្រមាណ ១៧,៨ ពាន់​លាន​ដុល្លារ ហើយ​លោក​ក៏​ឲ្យ​កូនៗ​របស់​លោក​មើល​ការខុសត្រូវ​ទៅលើ​ជំនួញ​ផង​ដែរ ដោយ​កូនច្បង Francis ជា​អ្នក​មើល​រ៉ាប់រង​កាស៊ីណូ Galaxy ស្របពេល​កូនស្រី Paddy និង​កូនប្រុស Alexander ធានា​ការខុសត្រូវ K.Wah ។

6/ Lee Man Tat

លោក Lee Man Tat គឺជា​អតីត​ប្រធាន​ក្រុមហ៊ុន LKK Group និង​ជា​ឪពុក​របស់​ Lee Kum Kee ដែល​ជា​អ្នក​ផលិត​ប្រេងខ្យង​ធំ​បំផុត​ក្នុង​ពិភពលោក។ ក្រោយ​​ចែកឋាន​នៅ​ក្នុង​ជន្មាយុ ៩១ ឆ្នាំ កាលពី​ខែ​កក្កដា ២០២១ ក្រុមហ៊ុន​របស់​លោក​គឺ​គ្រប់គ្រង​បន្ត​ដោយ​កូន​ប្រុស Charlie ជាមួយ​បងប្អូន​ដទៃ​ទៀត ហើយ​មកទល់​ពេលនេះ ផលិតផល​របស់ LKK មាន​ការ​ចែកចាយ​ជាង ១០០ ប្រទេស។ បើ​តាម​ Forbes បាន​ឲ្យដឹង​ថា ទំហំ​ទ្រព្យសម្បត្តិ​របស់ Lee Man Tat គឺ​មាន​ប្រមាណ ១៧,៤ ពាន់​លាន​ដុល្លារ។

7/ Peter Woo

លោក Peter Woo ជា​អតីត​ប្រធាន​ក្រុមហ៊ុន​អចលនទ្រព្យ Wheelock & Co. ដែល​មាន​ក្រុមហ៊ុន​បុត្រ​សម្ព័ន្ធ​ធំ​បំផុត Wharf Holdings មុន​ប្រកាស​ចុះចេញ​ពី​តំណែង​កាលពី​ឆ្នាំ ២០១៥។
៥ ឆ្នាំ​ក្រោយ Douglas ដែល​ជា​កូន​របស់​លោក​ បាន​កាន់​តំណែង​ជា​ប្រធាន​​Wheelock មកទល់​សព្វថ្ងៃ។

លោក Peter ចាប់​ផ្ដើម​អាជីព​តំបូង​នៅ​ឆ្នាំ ១៩៧២ នៅ Chase Manhattan Bank ទីក្រុង New York ដែល​ជា​កន្លែង​ផ្ដើម​ស្នេហ៍​ជាមួយ​ប្រពន្ធ Bessie ជា​កូនស្រី​អ្នក​ជំនួញ​យក្ស Y.K. Pao។ រហូត​ដល់​ឆ្នាំ ១៩៧៥ លោក​ក៏​បាន​ចូលរួម​គ្រប់គ្រង​ជំនួញ​គ្រួសារ​ខាង​ប្រពន្ធ​នៅ​ហុងកុង ហើយ​បច្ចុប្បន្ន​លោក​មាន​ទ្រព្យសម្បត្តិ​ប្រមាណ ១៧ ពាន់​លាន​ដុល្លារ។

8/ Joseph Lau

Joseph Lau គឺជា​អតីត​ប្រធាន​ក្រុមហ៊ុន​អចលនទ្រព្យ​ធំ​មួយ​ ដែល​វា​ក៏​ជា​ប្រភព​ចំណូល​ធំ​បំផុត​របស់​មហាសេដ្ឋី​រូប​នេះ​ផង​ដែរ។ បុរស​រូប​នេះ​ជាប់​ឈ្មោះ​ជា​សេដ្ឋី​ប្រាក់​ពាន់​លាន​ដុល្លារ​ក្នុង​ឆ្នាំ ២០០៦ ហើយ​កាលពី​ឆ្នាំ ២០១៧ លោក​បាន​ផ្ទេរ​ប្រាក់​ជាច្រើន​ទៅ​កាន់​ប្រពន្ធ និង​កូនប្រុស​ ក្រោម​ហេតុផល​បញ្ហា​សុខភាព​មាន​អាការៈ​ធ្ងន់ធ្ងរ។ បច្ចុប្បន្ន មហាសេដ្ឋី​ខាងលើ​មាន​ទ្រព្យ​ប្រមាណ ១៣.៥ ពាន់​លាន​ដុល្លារ។

9/ Kwong Siu-hing

Kwong Siu-hing គឺជា​ស្ត្រី​មេម៉ាយ​ក្រោយ​លោក Kwong Tak-seng ដែល​ជា​សហ​ស្ថាបនិក​ក្រុមហ៊ុន​អចលនទ្រព្យ Sun Hung Kai បាន​ចែកឋាន​កាលពី​ឆ្នាំ ១៩៩០។ អ្នកស្រី​បាន​ដើរតួ​យ៉ាង​សំខាន់​នៅ​ក្រុមហ៊ុន​តាំងពី​ឆ្នាំ ២០០៨ ដល់ ២០១១ បន្ទាប់​ពី​កូនច្បង់ Walter មាន​ជម្លោះ​ជាមួយ​ប្អូនប្រុស ២ រូប​ផ្សេងទៀត គឺ​ Thomas និង​ Raymond។

គិត​មក​ទល់​ពេលនេះ អ្នក​ស្រី​ Kwong គឺ​មាន​ទ្រព្យសម្បត្តិ​ប្រមាណ ១៣,៤ ពាន់​លាន​ដុល្លារ។

10/ Joseph Tsai

បិទ​បញ្ជី​នៃ​មហាសេដ្ឋី​ប្រចាំ​ហុងកុង គឺជា​អនុប្រធាន និង​ជា​សហ​ស្ថាបនិក​ក្រុមហ៊ុន Alibaba Group និង​ជា​បុគ្គល​មាន​ចំណែក​ភាគហ៊ុន​ធំ​បំផុត បន្ទាប់​ពី Jack Ma។

លោក Tsai បាន​ទិញ​ភាគហ៊ុន ៤៩%​នៃ​ក្រុម​បាល់បោះ Brooklyn Nets National Basketball ហើយ​នៅ​ឆ្នាំ​បន្ទាប់​លោក​បាន​ទិញ​ផ្ដាច់​ចំណែក​សេសសល់ ៥១% ទៀត​។ បច្ចុប្បន្ន បុរស​មាន​ទ្រព្យ​សម្បត្តិ​ប្រមាណ ១២,៥ ពាន់​លាន​ដុល្លារ កាន់​លិខិត​ឆ្លងដែន​ជនជាតិ​កាណាដា បើ​ទោះជា​ចាប់​កំណើត​នៅ​លើ​ទឹកដី​កោះ​តៃវ៉ាន់​ក្ដី៕

ប្រភព: Forbes

The post កោះ​​​មួយ​តូច​​ជាង​ខេត្ត​បាត់ដំបងជិត ១០ដង សំបូរ​សេដ្ឋី​មាន​ៗ​បំផុត​លើលោក appeared first on .