Lionel Messi

មកស្គាល់អត្តពលិក ១០ រូបដែលរកចំណូលបានលើសខ្ទង់ពាន់លានដុល្លារ

ឧកញ៉ាសំពៅ — Fri, 23 Dec 2022 07:36:00 +0000

វិស័យកីឡានៅតំបន់អឺរ៉ុប គឺជាប្រភពចំណូលដ៏ធំមួយមិនចាញ់វិស័យឯទៀតឡើយ ពោលបើសិនជាអត្តពលិករូបណាមានសមត្ថភាពល្អ ពួកគេអាចរកចំណូលបានរាប់រយលានដុល្លារឯណោះ។

តួយ៉ាងដូចជា Lionel Messi ដែលជាកីឡាករបាល់ទាត់លំដាប់ពិភពលោក គឺជាអត្តពលិកដែលមានចំណូលខ្ពស់បំផុតលើលោក ពោលក្នុងមួយឆ្នាំៗបុរសម្នាក់នេះរកបានខ្ទង់ ១៣០ លានដុល្លារឯណោះ។

ដោយឡែក បើតាមការចុះផ្សាយពី Totalsportal បានទម្លាយថា បច្ចុប្បន្នមានអត្តពលិក ១០ រូបដែលធ្លាប់កើបលុយពីវិស័យកីឡាបានខ្ទង់ពាន់លានដុល្លារឯណោះ ខណៈពួកគេគឺ៖

10/ Anna Kasprzak កីឡាការនីប្រណាំងសេះ ធ្លាប់រកបាន ១ ពាន់លានដុល្លារ

9/ Ion Tiriac អតីតកីឡាករវាយកូនបាល់ ធ្លាប់រកបាន ១,០២ ពាន់លានដុល្លារ

8/ Floyd Mayweather កីឡាប្រដាល់ ធ្លាប់រកបាន ១,០៨ ពាន់លានដុល្លារ

7/ Roger Federer កីឡាករវាយកូនបាល់ ធ្លាប់រកបាន ១,០៩ ពាន់លានដុល្លារ

6/ Lionel Messi កីឡាករបាល់ទាត់ ធ្លាប់រកបាន ១,១៥ ពាន់លានដុល្លារ

5/ LeBron James កីឡាករបាល់បោះ ធ្លាប់រកបាន ១,១៦ ពាន់លានដុល្លារ

4/ Tiger Woods កីឡាករវាយកូនហ្គោល ធ្លាប់រកបាន ១,២ ពាន់លានដុល្លារ

3/ Cristiano Ronaldo កីឡាករបាល់ទាត់ ធ្លាប់រកបាន ១,២៥ ពាន់លានដុល្លារ

2/ Michael Jordan អតីតកីឡាករបាល់បោះ ធ្លាប់រកបាន ១,៧ ពាន់លានដុល្លារ

1/ Vince McMahon អតីត CEO ក្រុមហ៊ុនកីឡាចំបាប់អាជីព WWE ធ្លាប់រកបាន ២,៥ ពាន់លានដុល្លារ៕

The post មកស្គាល់អត្តពលិក ១០ រូបដែលរកចំណូលបានលើសខ្ទង់ពាន់លានដុល្លារ appeared first on .

ធនាគារកណ្ដាលអាហ្សង់ទីន ពិចារណាបោះពុម្ពលុយថ្មីមានមុខតារាឆ្នើម Leo Messi

ឧកញ៉ាសំពៅ — Thu, 22 Dec 2022 05:51:00 +0000

កាលពីពេលថ្មីៗនេះ ធនាគារកណ្ដាលនៃប្រទេសអាហ្សង់ទីនបានបើកកិច្ចប្រជុំបន្ទាន់មួយ ក្នុងគោលបំណងបោះពុម្ពក្រដាសប្រាក់ថ្មី ដែលនឹងដាក់រូប Leo Messi និងក្រុមជម្រើសជាតិអាហ្សង់ទីន ដែលបានឈ្នះពានរង្វាន់បាល់ទាត់ពិភពលោក FIFA World Cup 2022 នៅប្រទេសកាតា។

យោងតាមការចុះផ្សាយពី The Sun បានឲ្យដឹងថា ក្រដាសប្រាក់ដែលកំពុងត្រូវពិចារណាបោះពុម្ពថ្មីនោះ គឺជាក្រដាសប្រាក់តម្លៃ ១ ០០០ ប៉េសូ ឬប្រហែល ៦ ដុល្លារអាមេរិក។

ដោយឡែក El Financiero វិញ ក៏បានរាយការណ៍ដែរថា មន្ត្រីនៅស្ថាប័នហិរញ្ញវត្ថុនៃប្រទេសអាហ្សង់ទីន អាចនឹងសម្រេចក្ដីបំណងខាងលើនេះ ដើម្បីបន្សល់ទុកជាស្នាដៃដែលបង្ហាញពីជ័យជំនះរបស់ពួកគេនៅព្រឹត្តិការណ៍ World Cup។

បន្ថែមពីនោះ ក៏មានលឺល្ហៀងៗថា អាហ្សង់ទីនក៏នឹងចារអក្សរ La Scaloneta នៅពីក្រោយក្រដាសប្រាក់ថ្មីនោះផងដែរ ខណៈវាគឺជារហស្សនាមរបស់វីរបុរសបាល់ទាត់អាហ្សង់ទីនម្នាក់ទៀតគឺ Lionel Scaloni៕

The post ធនាគារកណ្ដាលអាហ្សង់ទីន ពិចារណាបោះពុម្ពលុយថ្មីមានមុខតារាឆ្នើម Leo Messi appeared first on .

Messi វ៉ាដាច់មហាសេដ្ឋី Lebron James ស៊ីថ្លៃខ្ពស់លើសគេលើលោក

ឧកញ៉ាសំពៅ — Mon, 19 Dec 2022 09:56:00 +0000

បើទោះជាវ័យរាងជ្រេបន្តិចមែន ប៉ុន្តែតារាឆ្នើម Leo Messi នៅតែបញ្ចេញទេពកោសល្យល្អឯកលើសមរភូមិវាលស្មៅ ពោលទើបនឹងជួយក្រុមជម្រើសជាតិអាហ្សង់ទីនលើកពានរង្វាន់បាល់ទាត់ពិភពលោក FIFA World Cup ដែលពួកគេខកខានឈ្នះអស់រយៈពេល ៣៦ ឆ្នាំ។

ជាមួយនឹងសមត្ថភាពដ៏អស្ចារ្យបែបនេះ បុរសវ័យ ៣៥ ឆ្នាំបានក្លាយជាអត្តពលិកដែលស៊ីថ្លៃពលកម្មខ្ពស់បំផុតលើលោក ពោលគឺតម្លៃខ្លួនរបស់កីឡាករបាល់ទាត់ ដែលមានរហស្សនាម GOAT មានខ្ពស់ជាងមហាសេដ្ឋី LeBron James កីឡាករបាល់បោះថែមទៀត។ នេះបើតាមការចុះផ្សាយពី Forbes។

គិតតែត្រឹមឆ្នាំ ២០២២ ប្រធានក្រុមជម្រើសជាតិអាហ្សង់ទីនមានចំណូលប្រហែល ១៣០ លានដុល្លារ ខណៈ ៧៥ លានដុល្លារបានមកពីកុងត្រាជាមួយក្លឹប និង ៥៥ លានដុល្លារទៀតបានមកពីកុងត្រាផ្សាយពាណិជ្ជកម្មផ្សេងៗដូចជា កុងត្រាមួយជីវិតជាមួយ Adidas ជាដើម។

ដោយឡែក ប្រាក់ចំណូលប្រចាំឆ្នាំ ២០២២ របស់កីឡាករបាល់បោះ LeBron James វិញមានប្រមាណ ១២១,២ លានដុល្លារ ខណៈកីឡាករចាស់វស្សា Cristiano Ronaldo រកបាន ១១៥ លានដុល្លារ ស្របពេលបុរសសង្ហារ Neymar វិញ ទទួលបាន ៩៥ លានដុល្លារ៕

The post Messi វ៉ាដាច់មហាសេដ្ឋី Lebron James ស៊ីថ្លៃខ្ពស់លើសគេលើលោក appeared first on .

អត្តពលិកក្លាយជាមហាសេដ្ឋីបន្តកន្ទុយគ្នា ចុះពេលណាទើបដល់វេន Ronaldo និង Messi?

ឧកញ៉ាសំពៅ — Tue, 28 Jun 2022 03:17:23 +0000

កាលពីប៉ុន្មានខែមុន អត្តពលិកបានវិវត្តខ្លួនជាមហាសេដ្ឋីបន្តកន្ទុយគ្នា ដូចជា LeBron James កីឡាករបាល់បោះទើបនឹងក្លាយជាមហាសេដ្ឋីមិនប៉ុន្មានផង កីឡាករវាយកូនហ្គោល Tiger Wood ក៏បានក្លាយជាមហាសេដ្ឋីម្នាក់ទៀតទៅហើយ។

បើអត្តពលិកកំពូលៗកំពុងវិវត្តជាមហាសេដ្ឋីបណ្ដាក់គ្នាបែបនេះ តើពេលណាទើបដល់វេនជើងខ្លាំងវិស័យកីឡាបាល់ទាត់ដូចជា Cristiano Ronaldo និង Lionel Messi? ទាក់ទងនឹងចម្ងល់មួយនេះ Bookies ក៏បានធ្វើការបកស្រាយផងដែរថា Ronaldo អាចនឹងមានភាគរយដល់ទៅ ៣៦% ខណៈ Messi មាន ១៥%។

ប្រភពខាងលើបានអះអាងថា តារាបាល់ទាត់ CR7 អាចរកចំណូលប្រមាណ ១០០ លានដុល្លារជារៀងរាល់ឆ្នាំពីកុងត្រាជាមួយក្លឹបបាល់ទាត់ ខណៈកុងត្រាជាមួយក្រុមហ៊ុន Nike អាចមានច្រើនជាង ១០ លានដុល្លារទៀត ស្របពេលទ្រព្យសម្បត្តិកាលពីឆ្នាំ ២០២០ របស់លោកមានប្រមាណ ៨០០ លានដុល្លារផង ដូច្នេះបើសិនជាអាចរក្សាចំណូលនៅកម្រិតនេះបាន យ៉ាងយូរ ២ឆ្នាំក្រោយ Ronaldo នឹងក្លាយជាមហាសេដ្ឋីជាមិនខាន។

ដោយឡែកសម្រាប់ Messi វិញ ថ្វីបើមានទ្រព្យសម្បត្តិតិចជាង Ronaldo មែន ប៉ុន្តែបុរសដែលជាម្ចាស់ពាន Ballon d’Or ៧ សម័យ នៅតែអាចរកចំណូលបានប្រមាណ ៧៥ លានដុល្លារពីកុងត្រាជាមួយក្លឹប ហើយកុងត្រាមួយជីវិតជាមួយ Adidas ដែលអាចផ្ដល់ឲ្យកីឡាករអាហ្សង់ទីន ២៥ លានដុល្លារជារៀងរាល់ឆ្នាំផង ដូច្នេះក្នុងមួយឆ្នាំៗ Messi អាចរកចំណូលបានយ៉ាងតិច ១០០ លានដុល្លារ។

យ៉ាងណា វីរបុរសនៃវិស័យបាល់ទាត់ទាំង ២ រូបខាងលើសុទ្ធតែមានវ័យរាងជ្រេបន្តិចហើយ ពោល Ronaldo មានអាយុ ៣៨ ឆ្នាំ ខណៈ Messi មានអាយុ ៣៥ ឆ្នាំ ប៉ុន្តែបើសិនជាកីឡាករទាំង ២ រូបខាងលើនៅតែមានសុខភាព និងសមត្ថភាពល្អ ថាមិនត្រូវពួកគេអាចលេងដល់វ័យជាង ៤០ ដូចនឹងវីរបុរសក្រុម Barcelona លោក Rivaldo ដែលចូលនិវត្តនៅអាយុ ៤៣ ឆ្នាំផងក៏ថាបាន៕

The post អត្តពលិកក្លាយជាមហាសេដ្ឋីបន្តកន្ទុយគ្នា ចុះពេលណាទើបដល់វេន Ronaldo និង Messi? appeared first on .

កាត់ប្រាក់ខែពាក់កណ្តាលទៅហើយ Messi នៅតែកីឡាករស៊ីថ្លៃជាងគេ ក្នុងពិភពបាល់ទាត់

ឧកញ៉ាសំពៅ — Mon, 16 Aug 2021 07:58:05 +0000

កាលពីពេលថ្មីៗនេះ កីឡាករ Lionel Messi បានធ្វើឲ្យអ្នកតាមដានវិស័យកីឡាបាល់ទាត់ មានការភ្ញាក់ផ្អើលជាខ្លាំង បន្ទាប់ពីសម្រេចចិត្តផ្លាស់ប្ដូរទ្រនំថ្មីទៅចូលរួម Paris Saint-Germain បន្ទាប់ពីកុងត្រារវាងលោក និងក្លឹប FC Barcelona បានផុតកំណត់កាលពីចុងខែមិថុនា។

យ៉ាងណាក៏មកដល់ទឹកដីបារាំង របស់តារាឆ្នើមអាហ្សង់ទីនរូបនេះ គឺតម្រូវឲ្យលោកត្រូវកាត់បន្ថយប្រាក់ពលកម្មរហូតដល់ទៅពាក់កណ្ដាលឯណោះ ពោល M10 ទទួលបានប្រាក់ខែគោលប្រមាណ ៤១,៣ លានដុល្លារ/ឆ្នាំ នៅ PSG ខណៈកាលនៅ Barcelona លោកទទួលបានរហូតដល់ ៨២,៦ លានដុល្លារឯណោះ។

បើទោះជាត្រូវកាត់បន្ថយប្រាក់ពលកម្មរហូតដល់ពាក់កណ្ដាលបែបនេះក្ដី តែ Messi នៅតែអាចក្ដោបក្ដាប់ងារជាកីឡាករបាល់ទាត់មានប្រាក់ចំណូលខ្ពស់បំផុតនៅក្នុងពិភពលោកដដែល ដោយគិតបញ្ចូលទាំងប្រាក់ពលកម្ម និងចំណូលពីការផ្សព្វផ្សាយផលិតផលនានា។

តទៅនេះគឺជាបញ្ជីឈ្មោះកីឡាករបាល់ទាត់ ១០ រូបមានប្រាក់ចំណូលច្រើនបំផុតក្នុងពិភពលោកនាឆ្នាំ ២០២១៖

10. Robert Lewandowski (Bayern Munich): ៤៨៥ ៣០០ ដុល្លារ/សប្ដាហ៍

9. David de Gea (Manchester United): ៥២០ ០០០ ដុល្លារ/សប្ដាហ៍

8. Kevin De Bruyne (Manchester City): ៥៣៣ ៨០០ ដុល្លារ/សប្ដាហ៍

7. Kylian Mbappe (PSG): ៥៦៨ ៥០០ ដុល្លារ/សប្ដាហ៍

6. Gareth Bale (Real Madrid): ៦៩៣ ០០០ ដុល្លារ/សប្ដាហ៍

5. Antoine Griezmann (Barcelona):៧៩៧ ២៤០ ដុល្លារ/សប្ដាហ៍

4. Luis Suarez (Atletico Madrid): ៧៩៧ ២៤០ ដុល្លារ/សប្ដាហ៍

3. Neymar (PSG): ៨៤០ ២២០ ដុល្លារ/សប្ដាហ៍

2. Cristiano Ronaldo (Juventus): ១ ២៤៨ ០០០ ដុល្លារ/សប្ដាហ៍

1. Lionel Messi (PSG): ១ ៣៣១ ០០០ ដុល្លារ/សប្ដាហ៍៕

ប្រភព: radiotimes

The post កាត់ប្រាក់ខែពាក់កណ្តាលទៅហើយ Messi នៅតែកីឡាករស៊ីថ្លៃជាងគេ ក្នុងពិភពបាល់ទាត់ appeared first on .

Lionel Messi

មកស្គាល់អត្តពលិក ១០ រូប​ដែលរកចំណូលបានលើសខ្ទង់ពាន់លានដុល្លារ

ធនាគារកណ្ដាលអាហ្សង់ទីន ពិចារណាបោះពុម្ពលុយថ្មីមានមុខតារាឆ្នើម Leo Messi

Messi វ៉ាដាច់មហាសេដ្ឋី Lebron James ស៊ីថ្លៃខ្ពស់លើសគេលើលោក

អត្តពលិក​ក្លាយជា​មហាសេដ្ឋី​បន្ត​កន្ទុយ​គ្នា ចុះ​ពេល​ណា​ទើប​ដល់​វេន Ronaldo និង Messi?

កាត់ប្រាក់​ខែ​ពាក់កណ្តាលទៅហើយ Messi នៅ​តែ​កីឡាករ​​​ស៊ី​ថ្លៃជាង​គេ ក្នុងពិភពបាល់ទាត់

មកស្គាល់អត្តពលិក ១០ រូបដែលរកចំណូលបានលើសខ្ទង់ពាន់លានដុល្លារ

អត្តពលិកក្លាយជាមហាសេដ្ឋីបន្តកន្ទុយគ្នា ចុះពេលណាទើបដល់វេន Ronaldo និង Messi?

កាត់ប្រាក់ខែពាក់កណ្តាលទៅហើយ Messi នៅតែកីឡាករស៊ីថ្លៃជាងគេ ក្នុងពិភពបាល់ទាត់