Louis Vuitton

LVMH បង្ហើបថាម៉ូយដុំចិន ចាប់ផ្ដើមជះលុយទិញទំនិញវិញ ក្រោយរដ្ឋាភិបាលបើកច្រកព្រំដែន

ឧកញ៉ាសំពៅ — Fri, 27 Jan 2023 06:57:00 +0000

កាលពីប៉ុន្មានសប្ដាហ៍មុន រដ្ឋាភិបាលប្រទេសចិនបានប្រកាសថា ចាប់ផ្ដើមបើកច្រកព្រំដែនឡើងវិញ ដើម្បីស្ដារសេដ្ឋកិច្ចក្នុងស្រុក ក៏ដូចជាបង្កើនសន្ទុះឡើងវិញនៃវិស័យទេសចរណ៍ក្នុងស្រុកផងដែរ។

ជាមួយគ្នានោះ ក្រុមហ៊ុនអ្នកមានបំផុតលើលោក Bernard Arnault គឺក្រុមហ៊ុន LVHM ដែលលក់សម្ភារៈស៊ីវិល័យបានទម្លាយថា អតិថិជនជនជាតិចិនបានចាប់ផ្ដើមមកទិញទំនិញតាមហាងឡើងវិញ បន្ទាប់ពីបើកច្រកព្រំដែន ហើយពួកគេរំពឹងថា វានឹងបន្តផ្ដល់សញ្ញាវិជ្ជមានបន្តទៀត។

“ពួកយើងមានមូលហេតុគ្រប់គ្រាន់ក្នុងការរក្សាទំនុកចិត្ត ជាពិសេសគឺសុទិដ្ឋិនិយមលើប្រទេសចិន។ តួយ៉ាងនៅម៉ាកាវ ប្រជាជនចិនអាចធ្វើដំណើរទៅទីនោះបាន ហើយវាបានផ្លាស់ប្ដូរស្ថានការណ៍ច្រើន ពោលគ្រប់ហាងគឺពេញដោយអតិថិជន”។ នេះបើតាមសម្ដី CEO ជនជាតិបារាំងបានប្រាប់ទៅកាន់ CNBC។

សូមជម្រាបដែរថា ការវិលត្រឡប់មកវិញនៃអតិថិជនលំដាប់អភិជន នឹងធ្វើឲ្យទីផ្សារសម្ភារៈនិយមមានការងើបឡើងខ្ពស់នៅឆ្នាំ ២០២៣ ស្របពេល LVMH បានទម្លាយថា ប្រាក់ចំណូលប្រចាំឆ្នាំ ២០២២ កើនឡើង ២៣% ដល់ ៨៦,២ ពាន់លានដុល្លារ ខណៈប្រាក់ចំណេញទទួលបានជាង ១៥ ពាន់លានដុល្លារ៕

The post LVMH បង្ហើបថាម៉ូយដុំចិន ចាប់ផ្ដើមជះលុយទិញទំនិញវិញ ក្រោយរដ្ឋាភិបាលបើកច្រកព្រំដែន appeared first on .

ហាងប្រ៊េនលំដាប់កំពូល Louis Vuitton នឹងត្រូវដំឡើងតម្លៃ នៅទូទាំងពិភពលោក

ឧកញ៉ាសាមញ្ញ — Thu, 17 Feb 2022 03:10:32 +0000

Louis Vuitton ដែលជាប្រ៊េនសំលៀកបំពាក់លំដាប់កំពូលរបស់ក្រុមហ៊ុន LVMH បានប្រកាសថានឹងដំឡើងតម្លៃផលិតផលរបស់ខ្លួន នៅទូទាំងពិភពលលោក ដោយសារតែការកើនឡើងខ្លាំង នៃថ្លៃដើមផលិតកម្ម និងការដឹកជញ្ជូន ។ យ៉ាងណានេះបើតាមសម្តីរបស់អ្នកនាំពាក្យរបស់ក្រុមហ៊ុនបារាំង នៅប្រទេសចិន បានប្រាប់ទៅកាន់ Reuters ។

ជាក់ស្តែង Louis Vuitton ឬ LV ដែលជាម៉ាកយីហោប្រណីតបំផុត របស់ពិភពលោក នឹងក្លាយជាក្រុមហ៊ុនប្រ៊េនធំដំបូងគេ ដែលនឹងដំឡើងតម្លៃយ៉ាងទូលំទូលាយ នៅឆ្នាំនេះ ដើម្បីចៀសពីការខាតបង់របស់ខ្លួន នៅពេលដែលការចំណាយបានកើនឡើង ។

មិនតែប៉ុណ្ណោះ អ្នកនាំពាក្យរបស់ក្រុមហ៊ុន បាននិយាយកាលពីថ្ងៃអង្គារថា ការកើនឡើងតម្លៃនេះ នឹងប៉ះពាល់ដល់ហាង LV នៅទូទាំងពិភពលោក ដោយក្នុងនោះតម្លៃនឹងត្រូវបានដំឡើងភាគច្រើន ទៅលើផលិតផលស្បែក គ្រឿង fashion និងទឹកអប់ជាដើម។

យ៉ាងណាក៏ដោយ ប្រភពខាងលើ មិនបានផ្តល់ព័ត៌មានលម្អិតបន្ថែមទៀត ចំពោះទំហំនៃការកើនឡើងនៃតម្លៃនេះទេ ក្រៅពីនិយាយថាវានឹងប្រែប្រួល ដោយអាស្រ័យទៅលើប្រភេទផលិតផលប៉ុណ្ណោះ ៕

ប្រភព: CNA

The post ហាងប្រ៊េនលំដាប់កំពូល Louis Vuitton នឹងត្រូវដំឡើងតម្លៃ នៅទូទាំងពិភពលោក appeared first on .

ហាង Uniqlo របស់មហាសេដ្ឋីជប៉ុន ជាប់ឈ្មោះក្នុងបញ្ជីហាងសម្លៀកបំពាក់ធំបំផុតទាំង ១០ លើលោក

ឧកញ៉ាសំពៅ — Tue, 18 Jan 2022 02:33:52 +0000

ដូចធ្លាប់បានដឹងរួចមកហើយថា ហាងសម្លៀកបំពាក់ដ៏ពេញនិយមនៅជប៉ុន ក៏ដូចជាជុំវិញសកលលោកគឺ Uniqlo គឺជាអាជីវកម្មរបស់លោក Tadashi Yanai ដែលជាអ្នកមានដាច់គេទី ២ នៅជប៉ុន។

មិនត្រឹមតែជា Brand សម្លៀកបំពាក់ធំប្រចាំប្រទេសឡើយ តែ Uniqlo ថែមទាំងជាប់ជា Brand ល្បីទូទាំងពិភពលោក ដែលមានសាខាជាច្រើនកន្លែង ពោលគិតត្រឹមចុងខែវិច្ឆិកា ២០២១ Uniqlo មានសាខា ២ ៣៥៨ កន្លែងរាប់ទាំងនៅជប៉ុន និងអន្តរជាតិ។

ផ្អែកតាមការចុះផ្សាយពី Thevou ហាងរបស់មហាសេដ្ឋីជប៉ុនមួយនេះបានជាប់ចូលក្នុងបញ្ជីហាងសម្លៀកបំពាក់ធំបំផុតលើលោកទាំង ១០ ដោយផ្អែកលើមូលធនទីផ្សារប្រចាំឆ្នាំ ២០២១ និងភាពល្បីល្បាញរបស់ម៉ាកយីហោមួយនេះ។

ហាង Brand សម្លៀកបំពាក់ធំៗទាំង ១០ លើលោកទាំងនោះមានដូចជា៖

ហាង NIKE មានទីស្នាក់ការកណ្ដាលនៅសហរដ្ឋអាមេរិក មូលធនទីផ្សារឆ្នាំ ២០២១ គឺ ៣០,៥ ពាន់លានដុល្លារ
ហាង GUCCI មានទីស្នាក់ការកណ្ដាលនៅប្រទេសអ៊ីតាលី មូលធនទីផ្សារឆ្នាំ ២០២១ គឺ ១៥,៦ ពាន់លានដុល្លារ
ហាង Louis Vuitton មានទីស្នាក់ការកណ្ដាលនៅប្រទេសបារាំង មូលធនទីផ្សារឆ្នាំ ២០២១ គឺ ១៤,៨ ពាន់លានដុល្លារ
ហាង Adidas មានទីស្នាក់ការកណ្ដាលនៅប្រទេសអាល្លឺម៉ង់ មូលធនទីផ្សារឆ្នាំ ២០២១ គឺ ១៤,៣ ពាន់លានដុល្លារ
ហាង Chanel មានទីស្នាក់ការកណ្ដាលនៅប្រទេសបារាំង មូលធនទីផ្សារឆ្នាំ ២០២១ គឺ ១៣,២ ពាន់លានដុល្លារ
ហាង ZARA មានទីស្នាក់ការកណ្ដាលនៅប្រទេសអេស្ប៉ាញ មូលធនទីផ្សារឆ្នាំ ២០២១ គឺ ១៣,១ ពាន់លានដុល្លារ
ហាង UNIQLO មានទីស្នាក់ការកណ្ដាលនៅប្រទេសជប៉ុន មូលធនទីផ្សារឆ្នាំ ២០២១ គឺ ១៣,១ ពាន់លានដុល្លារ
ហាង H&M មានទីស្នាក់ការកណ្ដាលនៅប្រទេសស៊ុយអែត មូលធនទីផ្សារឆ្នាំ ២០២១ គឺ ១២,៤ ពាន់លានដុល្លារ
ហាង Cartier មានទីស្នាក់ការកណ្ដាលនៅប្រទេសបារាំង មូលធនទីផ្សារឆ្នាំ ២០២១ គឺ ១២ ពាន់លានដុល្លារ
ហាង Hermes មានទីស្នាក់ការកណ្ដាលនៅប្រទេសបារាំង មូលធនទីផ្សារឆ្នាំ ២០២១ គឺ ១១,៦ ពាន់លានដុល្លារ៕

ប្រភព: thevou

The post ហាង Uniqlo របស់មហាសេដ្ឋីជប៉ុន ជាប់ឈ្មោះក្នុងបញ្ជីហាងសម្លៀកបំពាក់ធំបំផុតទាំង ១០ លើលោក appeared first on .

សេដ្ឋីមានដាច់គេលើលោក របូតតំណែងបាត់ហើយ ឥលូវធ្លាក់លើសេដ្ឋីបារាំងវិញម្តង

ឧកញ៉ាសំពៅ — Thu, 12 Aug 2021 02:52:20 +0000

ស្ថាបនិកក្រុមហ៊ុន Amazon លោក Jeff Bezos បានរបូតតំណែងជាមហាសេដ្ឋីមានបំផុតក្នុងពិភពលោកកាលពីពេលថ្មីៗនេះ ដោយសារភាគហ៊ុន Brand សម្លៀកបំពាក់ល្បីឈ្មោះ Louis Vuitton មានសន្ទុះបុកឡើងថ្លៃខ្លាំង និងបានធ្វើឲ្យលោក Bernard Arnault ដែលជាម្ចាស់ក្រុមហ៊ុនកើនទំហំទ្រព្យសម្បត្តិមួយរំពេច។

លោក Arnault ដែលត្រូវបានតែងតាំងជានាយកប្រតិបត្តិ Louis Vuitton តាំងពីចុងទសវត្ស ១៩៨០ មានចំណែកភាគហ៊ុន ៤៤%នៃក្រុមហ៊ុនយក្សមួយនេះ ដែលគិតត្រឹមថ្ងៃព្រហស្បតិ៍សប្ដាហ៍មុន វាមានតម្លៃប្រមាណ ១៩៦ ពាន់លានដុល្លារ ដែលច្រើនជាងទំហំទ្រព្យសម្បត្តិរបស់ Bezos ដែលមាន ១៨៦ ពាន់លានដុល្លារ បើយោងតាមប្រភព Forbes។

ក្រុមហ៊ុនដែលគ្រួសារ Arnault កំពុងគ្រប់គ្រងគឺរាប់បញ្ចូលទាំង Brand ល្បីៗដូចជា Louis Vuitton, Christian Dior, Bulgari, Tag Heuer, Sephora និង Hennessy ជាដើម ដែលតំលៃភាគហ៊ុនរបស់វាបានកើនឡើងច្រើនជាង ៣០% ពីមួយឆ្នាំទៅមួយឆ្នាំ។

Louis Vuitton បានចាប់ផ្ដើមរើបម្រាស់ខ្លួនបានម្ដងបន្តិចៗ បន្ទាប់ពីការរីករាតត្បាតជំងឺ COVID-19 ហើយ ចាប់ផ្ដើមមានសន្ទុះនៃការលក់ និងប្រាក់ចំណេញនៅឆមាសទី១ នៃឆ្នាំ ២០២១។ ចូលក្បាលឆមាសទី២ ភ្លាម ក្រុមហ៊ុនរាយការណ៍ថា ចំណូលរបស់ពួកគេមាន ១៧,៤ ពាន់លានដុល្លារ ដែលច្រើនជាងមុនមានជំងឺ COVID ដល់ទៅ ១៤%។

រំលឹកដែរថា កាលពីសប្ដាហ៍មុន គ្រាន់តែការលក់របស់ Amazon ថយចុះត្រឹម ៧% មហាសេដ្ឋី Jeff Bezos ខាតបង់អស់ប្រមាណ ១៤ ពាន់លានដុល្លារត្រឹមរយៈពេលមួយថ្ងៃ ស្របពេល Elon Musk កំពុងខិតមកកាន់តែកៀកៗដែរហើយ ដោយបច្ចុប្បន្ន CEO ក្រុមហ៊ុន Tesla ជាបុគ្គលទី ៣ មានបំផុតក្នុងលោក ជាមួយទំហំទ្រព្យសម្បត្តិប្រមាណ ១៦០ ពាន់លានដុល្លារ៕

ប្រភព: businessinsider

The post សេដ្ឋីមានដាច់គេលើលោក របូតតំណែងបាត់ហើយ ឥលូវធ្លាក់លើសេដ្ឋីបារាំងវិញម្តង appeared first on .

Louis Vuitton

LVMH បង្ហើបថាម៉ូយដុំចិន ចាប់ផ្ដើមជះលុយទិញទំនិញវិញ ក្រោយរដ្ឋាភិបាលបើកច្រកព្រំដែន

ហាងប្រ៊េនលំដាប់កំពូល Louis Vuitton នឹងត្រូវដំឡើងតម្លៃ នៅទូទាំងពិភពលោក

ហាង​ Uniqlo របស់​មហាសេដ្ឋី​ជប៉ុន ជាប់​ឈ្មោះ​ក្នុង​បញ្ជី​ហាង​សម្លៀកបំពាក់​ធំ​បំផុត​ទាំង ១០ លើ​លោក

សេដ្ឋី​មាន​ដាច់គេលើលោក របូត​តំណែង​បាត់​ហើយ ឥលូវ​ធ្លាក់លើ​សេដ្ឋី​បារាំង​វិញ​ម្តង

ហាង Uniqlo របស់មហាសេដ្ឋីជប៉ុន ជាប់ឈ្មោះក្នុងបញ្ជីហាងសម្លៀកបំពាក់ធំបំផុតទាំង ១០ លើលោក

សេដ្ឋីមានដាច់គេលើលោក របូតតំណែងបាត់ហើយ ឥលូវធ្លាក់លើសេដ្ឋីបារាំងវិញម្តង