តំបន់សហគមន៍ធំៗចំនួន៥ អភិវឌ្ឍដោយក្រុមហ៊ុន OCIC រួមមាន៖ ១.កោះពេជ្រ( Koh Pich – កោះពេជ្រ) ផ្ទៃដី ១០០ហិកតា ជាសហគមន៍ប្រជុំទៅដោយតំបន់ពាណិជ្ជកម្មមមាញឹកនៃរាជធានីភ្នំពេញ បើកដំណើរការសាងសង់​នៅឆ្នាំ២០០៦។ ២.ជ្រោយចង្វារ បេយ៍ (Chroy Changvar Satellite City) ផ្ទៃដី ៣០០ហិកតា ជាសហគមន៍​ជាប់មាត់ទន្លេ គាំទ្រកំណើនរស់នៅនៃភាគខាងជើងរាជធានីភ្នំពេញ បើកដំណើរការសាងសង់នៅឆ្នាំ២០១១។ ៣.ទីក្រុងអូឡាំព្យា (The Olympia City) ផ្ទៃដី ៦,៨ហិកតា ជាមជ្ឈមណ្ឌលពាណិជ្ជកម្ម និងអាជីវកម្មចម្រុះ បើកដំណើរការសាងសង់នៅឆ្នាំ២០១២។ ៤.ទីក្រុងនរា(Norea City) ផ្ទៃដី ១២៥ហិកតា ជាសហគមន៍ពាណិជ្ជកម្ម ជាមួយតំបន់លំនៅឋានដ៏ប្រណិតជាប់មាត់ទន្លេមេគង្គ បើកដំណើរការសាងសង់នៅឆ្នាំ២០១៨។ ៥.ទីក្រុង ធី អាយ អេ ស៊ីធី (TIA City) ផ្ទៃដី ២,៣០០ហិកតា ជាគម្រោងអភិវឌ្ឍចម្រុះទ្រង់ទ្រាយធំនៅជាប់អាកាសយានដ្ឋានអន្តរជាតិតេជោថ្មី បើកដំណើរការសាងសង់នៅឆ្នាំ២០២៥។

សូមជម្រាបថា គម្រោងធំៗទាំង៥នេះ បានបង្ហាញពីវិធីសាស្ត្ររយៈពេលវែងរបស់ OCIC ក្នុងការកសាងសហគមន៍ដែលរៀបចំដើម្បីជំរុញវិសាលភាពនៃការអភិវឌ្ឍនៅរាជធានីភ្នំពេញ៕

The post មកស្គាល់តំបន់សហគមន៍ទាំង៥ អភិវឌ្ឍដោយក្រុមហ៊ុន OCIC របស់លោកអ្នកឧកញ៉ា ពុង ឃាវសែ appeared first on .

តាមប្រភពខាងលើ ភ្នាក់ងារផ្ដល់ហិរញ្ញប្បទានមួយនេះ នឹងចេញផ្សាយឯកសារអំពីការវាយតម្លៃផលប៉ះពាល់ដល់បរិស្ថាន និងសង្គម (ESAI) នៃគម្រោងអាកាសយានដ្ឋានអន្តរជាតិតេជោ ដែលមានទីតាំងស្ថិតក្នុងខេត្តកណ្ដាល ចម្ងាយ ២០គីឡូម៉ែត្រ ពីរាជធានីភ្នំពេញ មានតម្លៃ ១,៥ពាន់លានដុល្លារ។ ឯកសារទាំងនេះ នឹងត្រូវបើកចំហសម្រាប់សាធារណៈមតិ រហូតដល់ថ្ងៃ ១២ ខែកក្កដា ប៉ុន្ដែមិនបានបញ្ជាក់អំពីទំហំហិរញ្ញប្បទាន និងលក្ខខណ្ឌហិរញ្ញប្បទាន ដែលបានស្នើឡើងនោះទេ។

ក្នុងការសាងសង់អាកាសយានដ្ឋានអន្តរជាតិតេជោដ៏ធំជាប្រវត្តិសាស្ត្រ រាជរដ្ឋាភិបាលកម្ពុជា បានជំរុញឱ្យមានការបោះផ្សាយលក់បណ្ណបំណុល ដោយក្រុមហ៊ុន OCIC ដែលជាអ្នកវិនិយោគសាងសង់គម្រោងព្រលានយន្ដហោះថ្មីនេះ ដោយការបោះផ្សាយបណ្ណបំណុលមាន អត្រាការប្រាក់ ឬកូប៉ុង ៥,៥% ក្នុងមួយឆ្នាំ និងមានការសងត្រឡប់វិញរយៈពេល ៣ឆ្នាំ។ បណ្ណបំណុលដែលបានបោះផ្សាយទាំងនោះ ត្រូវបានទិញក្នុងទំហំធំ ដោយធនាគារ ក្រុមហ៊ុនធានារ៉ាប់រង និង ស្ថាប័នហិរញ្ញវត្ថុក្នុងស្រុក ដែលមានតម្លៃសរុបប្រមាណ ៣០០លានដុល្លារ។

សាជីវកម្មហិរញ្ញវត្ថុអភិវឌ្ឍន៍អន្តរជាតិ (DFC) ត្រូវបានបង្កើតឡើងដោយ លោក ដូណាល់ ត្រាំ អំឡុងពេលអាណត្តិដំបូងរបស់លោក ដើម្បីផ្ដល់ហរិញ្ញប្បទានដល់គម្រោងវិនិយោគឯកជន។ ទោះយ៉ាងណា ការផ្តល់ហិរញ្ញប្បទានរបស់ DFC ក៏តម្រូវឱ្យមានលក្ខខណ្ឌអនុលោមតាមសាជីវកម្មហិរញ្ញវត្ថុអន្តរជាតិរបស់ធនាគារពិភពលោក រួមបញ្ចូលទាំងផលប៉ះពាល់ដល់ការតាំងលំនៅរបស់ប្រជាពលរដ្ឋផងដែរ។

សូមជម្រាបថា អាកាសយានដ្ឋានអន្តរជាតិតេជោ ជំហានទី១ នឹងបើកដាក់ឱ្យដំណើរការជាផ្លូវការ នៅថ្ងៃទី១០ ខែកក្កដា ឆ្នាំ២០២៥ ខាងមុខនេះ។ អាកាសយានដ្ឋានថ្មីនេះ ត្រូវបានអភិវឌ្ឍន៍ដោយក្រុមហ៊ុន Cambodia Airport Investment Co Ltd (CAIC) ដែលជាការរួមទុនគ្នារវាងក្រុមហ៊ុន OCIC របស់ លោកអ្នកឧកញ៉ា ពុង ឃាវសែ និងរដ្ឋលេខាធិការដ្ឋានអាកាសចរស៊ីវិលកម្ពុជា (SSCA)។ រាជរដ្ឋាភិបាលកម្ពុជារំពឹងថា អាកាសយានដ្ឋានថ្មីតម្លៃ ១,៥០០លានដុល្លារ នឹងអាចទទួលបានអ្នកដំណើរសរុបប្រមាណ ១៣ លាននាក់ក្នុងមួយឆ្នាំ៕

ប្រភព៖ Nikkei Asia

The post អាម៉េរិក កំពុងពិចារណាជួយគាំទ្រផ្នែកហិរញ្ញប្បទាន សាងសង់អាកាសយានដ្ឋានអន្តរជាតិតេជោ appeared first on .

MoU នេះត្រូវបានធ្វើឡើងដោយនាយកក្រុមហ៊ុន OCIC និងក្រុមហ៊ុន Mega Asset Management លោកស្រី លឹម លីជិន និងនាយកគ្រប់គ្រងក្រុមហ៊ុន Eakon Group លោក Dato’ Sri Ricky Yaw និងក្រោមការចូលរួមពីឯកអគ្គរដ្ឋទូតម៉ាឡេស៊ីប្រចាំកម្ពុជា Eldeen Husaini Mohd Hashim និងលោក Charles Vann អនុប្រធានប្រតិបត្តិនៃក្រុមហ៊ុន Canadia Group ។

កិច្ចសហការរបស់ OCIC ជាមួយក្រុមហ៊ុន Eakon Group គឺជាជំហានឆ្ពោះទៅមុខយ៉ាងសំខាន់ក្នុងការពង្រឹងទំនាក់ទំនងរវាងកម្ពុជា និងម៉ាឡេស៊ី។ ភាពជាដៃគូនេះនឹងជួយសម្រួលដល់ការចែករំលែក និងផ្ទេរជំនាញ និងធនធានរវាងក្រុមហ៊ុន OCIC សម្រាប់គម្រោងពាណិជ្ជកម្ម និងលំនៅដ្ឋានខ្នាតធំ។ លើសពីនេះ ក្រោមកិច្ចព្រមព្រៀងនេះដែរ ក្រុមហ៊ុន Eakon Group នឹងចែករំលែកចំណេះដឹងផ្នែកវិស្វកម្ម ស្ថាបត្យកម្ម និងសំណង់ប្រកបដោយវិជ្ជាជីវៈ និងជំនាញបច្ចេកទេសដល់ទៅ OCIC។

ជាមួយគ្នានេះ កិច្ចព្រមព្រៀងនេះ ក៏ដើម្បីពង្រឹងកិច្ចសហការក្នុងការសាងសង់គម្រោងក្នុងប្រទេសកម្ពុជាជាមួយនឹងជំនាញ សម្ភារៈ និងសហគមន៍ប្រកបដោយសុវត្ថិភាពក្នុងប្រទេស។

លើសពីនេះ ក្រុមហ៊ុន Eakon Group ក៏នឹងជួយស្វែកអ្នកជួល និងអ្នកវិនិយោគអន្តរជាតិបន្ថែមសម្រាប់គម្រោង Elysee ផងដែរ។លោកស្រី Lychin ថា តាមរយៈភាពជាដៃគូនេះ ក្រុមហ៊ុននឹងមានឱកាសបង្ហាញពីសក្ដានុពលវិនិយោគនៃកម្ពុជា ពិសេសលើគម្រោងអភិវឌ្ឍន៍អចលនទ្រព្យ និងហេដ្ឋារចនាសម្ព័ន្ធក្នុងប្រទេស។

គួរបញ្ជាក់ដែរថា បច្ចុប្បន្ន OCIC គឺជាក្រុមហ៊ុនអភិវឌ្ឍន៍អចលនទ្រព្យធំជាងគេ និងឈានមុខគេក្នុងប្រទេសកម្ពុជា តាមទំហំវិនិយោគ និងចំនួនគម្រោងដែលបានអភិវឌ្ឍ។ ជំនាញស្នូលរបស់ក្រុមហ៊ុនគឺនៅក្នុងការអភិវឌ្ឍន៍អចលនទ្រព្យ ទីក្រុងរណប និងការគ្រប់គ្រងអចលនទ្រព្យ ជាមួយនឹងគម្រោងសំខាន់ៗដូចជា អាកាសយានដ្ឋានអន្តរជាតិភ្នំពេញថ្មី ទីក្រុងកោះពេជ្រ កោះនរា និងទីក្រុងរណបជ្រោយចង្វារ និង Olympia City Complex ៕ អត្ថបទ៖ រង្សី

The post ក្រុមហ៊ុនអ្នកឧកញ៉ា ពុង ឃាវសែ ចាប់ដៃក្រុមហ៊ុនម៉ាឡេស៊ី ប្តេជ្ញារួមគ្នាអភិវឌ្ឍវិស័យសំណង់ និងអចលនទ្រព្យនៅកម្ពុជា appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

អ្នកឧកញ៉ា ពុង ឃាវសែ ជាអ្នក​វិនិយោគ​ដ៏​មាន​ឥទ្ធិពល​និង​រឹង​មាំ​បំផុត​អស់​រយៈ​ពេល​ជា​ច្រើន​ទសវត្ស​នៅ​ក្នុង​ពិភព​ជំនួញ​នៅ​កម្ពុជា​។ លោកមាន​តួនាទី​សំខាន់ៗ​ជា​ច្រើន រួមមាន៖ អគ្គនាយក​ក្រុមហ៊ុន​វិនិយោគទុន​អាណិក​ជន​កម្ពុជា (OCIC) ប្រធាន​ក្រុមប្រឹក្សាភិបាល និង​ជា​អគ្គនាយក​ធនាគារ កាណាឌីយ៉ា ប្រធាន​សមាគម​អ្នក​សាងសង់​កម្ពុជា ប្រធាន​សមាគម​ធនាគារ​កម្ពុជា ប្រធាន​សមាគម ខែ្មរ-ចិន និង​តួនាទី​ជា​ច្រើន​ទៀត។

អ្នកឧកញ៉ា ពុង ឃាវសែ ​មាន​ស្នាដៃ​ជា​ប្រវត្តិសាស្ត្រថ្មី​មួយទៀត គឺ​គម្រោង​អាកាសយាន​ដ្ឋាន​អន្តរជាតិ​ភ្នំពេញថ្មី​ ដែលអនុញ្ញាតដោយរដ្ឋា​ភិបាល ស្ថិតក្នុងភូមិសាស្រ្តស្រុកកណ្តាលស្ទឹង ខេត្តកណ្តាល នឹងមានផ្នែកខ្លះនៃស្រុកបាទី ខេត្តតាកែវ​។​ ​

គិតត្រឹមឆ្នាំ២០១៩ ​សាជីវកម្ម​ ​កា​ណា​ឌី​យ៉ា​ ​គ្រុប​ ​បាន​រីកចម្រើន​ពី​ក្រុមហ៊ុន​ដែល​មាន​និយោជិក​តែ​ ​២០​ ​នាក់​ប៉ុណ្ណោះ​ជាមួយ​ដើមទុន​តិច​ជាង​ ​៥០​ ​ម៉ឺន​ដុល្លារ​ ​ក្លាយជា​ក្រុមហ៊ុន​ដែល​មាន​បុគ្គលិក​ ​១៥.០០០​ ​នាក់​ ​និង​ទ្រព្យសកម្ម​សរុប​ជាង​ ​១០​ ​ពាន់​លាន​ដុល្លារ​អាមេរិក​។​

តាមរយៈការវិនិយោគ អ្នកឧកញ៉ាបាន​ចូលរួម​ចំណែក​ដ៏​សំខាន់​ក្នុង​ការ​បង្កើត​ការងារ និង​ជំរុញ​កំណើន​សេដ្ឋកិច្ចកម្ពុជា​ឲ្យ​កាន់​តែ​រីក​ចម្រើន​។ លើសពីនេះទៅទៀត គាត់ក៏បានវិភាគទានថវិការាប់លានដុល្លារនាពេលកន្លងមក។ ហើយថ្មីៗនេះបានបរិច្ចាគថវិកាខ្ទង់លានដុល្លារ និងផ្តល់ទីតាំងសម្រាប់ព្យាបាលអ្នកជំងឺកូវីដ១៩ ដល់រាជរដ្ឋាភិបាលដើម្បីទប់ស្កាត់ការរីករាលដាលនៃជំងឺកូវីដ១៩៕

The post តើមហាសេដ្ឋី ពុង ឃាវសែ មានតួនាទីសំខាន់ៗអ្វីខ្លះនៅក្នុងមុខជំនួញ? appeared first on .

តាមរយៈប្រព័ន្ធផ្សព្វផ្សាយ​ក្នុងស្រុកកាលពីពេលថ្មីៗនេះបានលើកឡើងថា ក្រៅពី​ដំណើរ​ការរៀបចំគម្រោងប្លង់មេ នៅតំបន់​ភ្នំពេញថ្មីបានសម្រេចជាង៦០%ហើយនោះ បច្ចុប្បន្នក្រុមហ៊ុនក៏បាននឹងកំពុងមានសកម្មភាពយ៉ាងមមាញឹក កំពុងត្រៀមប្រកាស នូវលិខិតផ្តល់សិទ្ធិដល់ក្រុមហ៊ុនម៉ៅការសាងសង់ព្រលានយន្តហោះភ្នំពេញថ្មីនៅដើមឆ្នាំ២០២០នេះផងដែរ។

ក្រុមហ៊ុនOCIC គឺជាក្រុមហ៊ុនរបស់សម្ព័ន្ធនៃធនាគារ កាណាឌីយ៉ា ហើយក៏ជាវិនិយោគ​ទុនពហុវិស័យឈានមុខគេមួយនៅក្នុងព្រះរាជាណា ចក្រកម្ពុជា ដែលបង្កើតទ្បើង​តាំងពីឆ្នាំ ២០០០មកម្ល៉េះ ។​

កាលពីពេលថ្មីៗនេះដែរ គណៈកម្មាធិការ​គម្រោង​នៃ​ក្រុមហ៊ុន​ ​Cambodia​ ​Airport​ ​Investment​ ​Co​.​,​Ltd​ ​របស់​ក្រុមហ៊ុន​វិនិយោគ ​ ​OCIC​ ​លោក​ ​Yee​ ​Con​ ​Long​ ក៏ធ្លាប់​​មានប្រសាសន៍ ​ឱ្យ​ដឹងដែរ​ថា​ ​ពេលនេះ​ការរចនា​ប្លង់​មេ​ដែល​ជា​គម្រោង​ស្ថាបត្យកម្ម​នៃ​អាកាសយាន​ដ្ឋាន​អន្តរជាតិ​ភ្នំពេញថ្មី​ ដែលស្ថិតនៅក្នុងក្រុងតាខ្មៅ និងស្រុក​កណ្តាល​ស្ទឹង ខេត្តកណ្តាល គឺបានបញ្ចប់ ៦០ ភាគរយហើយលើការរចនាប្លង់ស្ថាបត្យកម្ម ជាមួយនឹងការសាងសង់គ្រោងនឹងបញ្ចប់នៅខែដំបូងនៃឆ្នាំ ២០២៣​ ខាងមុខ។

គួរបញ្ជាក់ថា ទីតាំងព្រលានយន្តហោះថ្មីក្នុងប្រទេសកម្ពុជា នឹងសាងសង់លើផ្ទៃដី​ទំហំប្រមាណ ២,៦០០ហិកតា ដែលជាដីស្ថិតនៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល ត្រូវចំណាយទុនវិនិយោគរហូតដល់ទៅ ១,៥០០លានដុល្លារអាមេរិក។ ក្នុងនោះទឹកប្រាក់ ១,១០០លានដុល្លារ ជាកម្ចីពីធនាគារបរទេស និង ២៨០លានដុល្លារ​ជារបស់ក្រុម OCIC របស់ឧកញ៉ា ពុង ខៀវសែ ហើយដើមទុនចុះបញ្ជីមានរហូតដល់ ១២០លានដុល្លារអាមេរិក៕ អត្ថបទ៖ សិរីកា

The post OCIC ៖គម្រោងប្លង់មេ នៅតំបន់​ភ្នំ​ពេ​ញថ្មី សម្រេច​បាន​​ជាង​៦០%​ទៅ​​ហើយ appeared first on .