បើតាមការចុះផ្សាយពីសារព័ត៌មាន Thai PBS បានបង្ហាញថា ការសម្រេចចិត្តនេះ ត្រូវបានធ្វើឡើង អំឡុងកិច្ចប្រជុំក្រុមប្រឹក្សាសម្របសម្រួលអាស៊ាន និងកិច្ចប្រជុំរបស់រដ្ឋមន្ត្រីការបរទេសអាស៊ាន នៅទីក្រុងហ្សាកាតា កាលពីថ្ងៃសុក្រ និងថ្ងៃសៅរ៍ សប្តាហ៍មុន ។

គួរឱ្យដឹងថា លេខាធិការដ្ឋានបណ្តោះអាសន្ននៃកិច្ចព្រមព្រៀង RCEP នេះ នឹងត្រូវបង្កើតឡើងជាអង្គភាពពិសេសមួយ នៅទីស្នាក់ការកណ្តាលអាស៊ាន ក្នុងទីក្រុងហ្សាកាតា ដោយសង្ឃឹមថានឹងអាចផ្លាស់ប្តូរបន្តិចម្តងៗ ទៅជាលេខធិការដ្ឋាន RCEP ឯករាជ្យមួយ ក្នុងគោលបំណងពង្រឹងខ្សែសង្វាក់ផ្គត់ផ្គង់ក្នុងតំបន់ ក៏ដូចជាចូលរួមចំណែកលើកកម្ពស់ដល់សមាហរណកម្មសេដ្ឋកិច្ចអាស៊ានផងដែរ ។

តែទោះជាយ៉ាងណាក៏ដោយ សម្រាប់ពេលនេះ ការដាក់ទីតាំងណាមួយ ជាការរិយាល័យកណ្តាលអចិន្ត្រៃយ៍ RCEP នៅមិនទាន់សម្រេចនៅឡើយនោះទេ ដោយសារតែមានប្រទេសមាជិកមួយចំនួន សុទ្ធសឹងតែចង់ធ្វើជាម្ចាស់ផ្ទះ ខណ:កម្ពុជា ក៏បានបង្ហាញយ៉ាងច្បាស់ផងដែរ នូវបំណងចង់ក្លាយជាម្ចាស់ផ្ទះ។

ជម្រាបជូនផងដែរថា បច្ចុប្បន្ន RCEP គឺជាកិច្ចព្រមព្រៀងពាណិជ្ជកម្មសេរីដ៏ធំបំផុតរបស់ពិភពលោក ដោយត្រូវបានដាក់ឱ្យចូលជាធរមាន កាលពីខែមករាឆ្នាំមុន ដោយដំបូងឡើយមានប្រទេសជាសមាជិកចំនួន ១៥ ដោយក្នុងនោះរួមមានប្រទេសសមាជិកអាស៊ានចំនួន ១០ រួមទាំងដៃគូផ្សេងទៀត មានដូចជា ជប៉ុន ចិន កូរ៉េខាងត្បូង អូស្ត្រាលី និងនូវែលសេឡង់ ខណ:ប្រទេសឥណ្ឌា បានសម្រេចចិត្តដកខ្លួនចេញវិញ ក្នុងឆ្នាំ ២០១៩ ។

បញ្ជាក់ទៀតថា ពាណិជ្ជកម្មក្នុងចំណោមប្រទេសសមាជិកអាស៊ាន ជាមួយនិងដៃគូ RCEP បានកើនឡើងយ៉ាងខ្លាំង ចាប់តាំងពីកិច្ចព្រមព្រៀងនេះ បានចូលជាធរមាន ដោយសារតម្លៃពន្ធទាប និងទទួលបានទីផ្សារធំទូលាយ ៕

The post អាស៊ាន សម្រេចរើសយកទីក្រុងហ្សាកាតា ធ្វើជាទីស្នាក់ការកណ្តាលបណ្តោះអាសន្នរបស់ RCEP appeared first on .

អត្ថបទនេះ បានធ្វើការដកស្រង់សម្តីរបស់លោក Oramon Subthawitham ដែលជាអគ្គនាយកនៃនាយកដ្ឋានពាណិជ្ជកម្មអន្តរជាតិ របស់ក្រសួងពាណិជ្ជកម្មថៃ ដែលបាននិយាយថា តម្លៃនៃការនាំចេញសរុបរវាងប្រទេសថៃ និងប្រទេសសមាជិក RCEP បានកើនឡើងដល់ជាង ៥០% នៃពាណិជ្ជកម្មបរទេសសរុបរបស់ថៃ ។

លើសពីនេះ លោក Subthawitham បានបន្ថែមទៀតថា ការអនុវត្តប្រកបដោយប្រសិទ្ធភាពនៃកិច្ចព្រមព្រៀង RCEP នេះ គឺបានផ្តល់ឥទ្ធិពលយ៉ាងខ្លាំង ក្នុងការជួយជំរុញដល់ពាណិជ្ជកម្មរវាងប្រទេសថៃ​និងប្រទេសជាសមាជិក RCEP ផ្សេងទៀត។

ដោយឡែក បើតាមទិន្នន័យដែលចេញផ្សាយដោយក្រសួងពាណិជ្ជកម្មរបស់ប្រទេសកម្ពុជាវិញ ក៏បានបង្ហាញផងដែរថា នៅក្នុងឆមាសទីមួយ នៃឆ្នាំ ២០២២ កន្លងទៅ ការនាំចេញរបស់កម្ពុជា ទៅកាន់ប្រទេសជាសមាជិក RCEP បានកើនឡើងជិត ១០% ។

មិនតែប៉ុណ្ណោះ អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្មកម្ពុជា ​ឯកឧត្តម​ ប៉ែន សុវិជាតិ បានសង្កត់ធ្ងន់ថា RCEP និងកិច្ចព្រមព្រៀងពាណិជ្ជកម្មសេរីកម្ពុជា-ចិន គឺជាកក្តាដ៏សំខាន់ ក្នុងការជួយជំរុញដល់កំណើននៃការនាំចេញរបស់ប្រទេសកម្ពុជា ។

ទន្ទឹមនឹងនេះ សម្រាប់វៀតណាមវិញ ការនាំចេញគ្រឿងសមុទ្ររបស់ខ្លួន ក៏បានកើនឡើងផងដែរ ដោយសារតែកិច្ចព្រមព្រៀង RCEP ដោយប្រទេសនេះ បាននាំចេញ ទៅកាន់ប្រទេសសមាជិក RCEP មានចំនួនជាង ៦៣% ។

លើសពីនេះ យោងតាមស្ថិតិពីរដ្ឋបាលទូទៅនៃគយចិន (GACC) បានបង្ហាញឱ្យដឹងថាការនាំចេញសរុបរបស់ប្រទេសខ្លួន ជាមួយដៃគូ RCEP ក្នុងឆ្នាំ ២០២២ បានឈានដល់ជាង ១,៩ ទ្រីលានដុល្លារ ពោលគឺបានកើនឡើង ៧,៥% ធៀបនឹងឆ្នាំមុន ឬស្មើនឹង ៣០,៨% នៃទំហំពាណិជ្ជកម្មបរទេសសរុបរបស់ចិន ។

យ៉ាងណាមិញ អគ្គលេខាធិការអង្គការសហប្រជាជាតិស្តីពីពាណិជ្ជកម្ម និងការអភិវឌ្ឍ លោកស្រី Rebecca Greenspan បាននិយាយថា កិច្ចព្រមព្រៀង RCEP បានរួមចំណែកយ៉ាងសំខាន់ ដល់សេដ្ឋកិច្ចពិភពលោក ជាពិសេសនៅក្នុងបរិបទដែលកំពុងមានការថយចុះកំណើនសេដ្ឋកិច្ចជាសកល រួមទាំងការកើនឡើងនៃថ្លៃដើមពាណិជ្ជកម្ម និងការរាំងស្ទះនៃខ្សែសង្វាក់ផ្គត់ផ្គង់ ។

សូមជម្រាបជូនឱ្យដឹងផងដែរថា RCEP មានប្រទេសជាសមាជិកចំនួន ១០ មកពីអាស៊ាន ដោយមាន ព្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម រួមជាមួយនឹងដៃគូពាណិជ្ជកម្មចំនួន ៥ ផ្សេងទៀត មានដូចជា ចិន ជប៉ុន សាធារណរដ្ឋកូរ៉េ អូស្ត្រាលី និងនូវែលសេឡង់។ ហើយវាជាកិច្ចព្រមព្រៀងពាណិជ្ជកម្មសេរីដ៏ធំបំផុតមួយរបស់ពិភពលោក ៕

The post កិច្ចព្រមព្រៀង RCEP កំពុងបង្កើតកម្លាំងជំរុញថ្មី សម្រាប់ការអភិវឌ្ឍសេដ្ឋកិច្ចនៅក្នុងតំបន់ appeared first on .

បើតាមអនុដ្ឋមន្ត្រីក្រសួងពាណិជ្ជកម្មថៃ លោក Sinit Lerkkrai បាននិយាយថា ចាប់តាំងពីកិច្ចព្រមព្រៀងនេះ បានចូលជាធរមាន នៅក្នុងខែមករា ឆ្នាំ ២០២២ មក RCEP បានផ្តល់លទ្ធផលវិជ្ជមានជាច្រើន សម្រាប់ការធ្វើពាណិជ្ជកម្មរបស់ថៃ ជាមួយប្រទេសជាសមាជិកផ្សេងទៀត ។

លើសពីនេះ បើតាមក្រសួងពាណិជ្ជកម្មថៃ បានឱ្យដឹងទៀតថា ការនាំចេញរបស់ថៃ ទៅកាន់ប្រទេសជាសមាជិក RCEP មានចំនួនរហូតដល់ ១៤០ ពាន់លានដុល្លារ កាលពីឆ្នាំមុន ស្របពេលការនាំចូលវិញ ទទួលបានចំនួនសរុប ១៦០ ពាន់លានដុល្លារ ។

លោក Sinit បានបង្ហាញប្រាប់ផងដែរថា កិច្ចព្រមព្រៀងដ៏ធំនេះ មិនត្រឹមតែផ្តល់នូវការកាត់បន្ថយ ឬលុបចោលទាំងស្រុងទៅលើពន្ធសម្រាប់ធុរកិច្ចថៃប៉ុណ្ណោះទេ ប៉ុន្តែវាថែមទាំងបានផ្តល់នូវវិធានការសម្របសម្រួលពាណិជ្ជកម្ម ដើម្បីពន្លឿននីតិវិធីចំពោះការដកចេញពន្ធគយ ដែលជាអត្ថប្រយោជន៍ដ៏ធំសម្បើម ជាពិសេសសម្រាប់ការធ្វើពាណិជ្ជកម្មទៅលើផលផលិតស្បៀងអាហារ ។

ជម្រាបជូនផងដែរថា RCEP មានសមាជិកចំនួន ១០ ប្រទេស មកពីសមាគមប្រជាជាតិអាស៊ីអាគ្នេយ៍ (ASEAN) ដូចជា ប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម រួមទាំងប្រទេសជាដៃគូពាណិជ្ជកម្មចំនួន ៥ ទៀត រួមមានចិន ជប៉ុន សាធារណរដ្ឋកូរ៉េ អូស្រ្តាលី និងនូវែលសេឡង់ ៕

The post ក្នុងឆ្នាំ ២០២២ ទំហំពាណិជ្ជកម្មរវាងថៃ និងប្រទេសសមាជិក RCEP កើនដល់ ៣០០ ពាន់លានដុល្លារ appeared first on .

នេះបើតាមការចេញផ្សាយដោយក្រសួងពាណិជ្ជកម្មចិន (MOFCOM) ដែលបានបង្ហាញឱ្យដឹងថា ទំហំពាណិជ្ជកម្មរវាងចិន និងប្រទេសសមាជិក RCEP ផ្សេងទៀត បានកើនឡើងដល់ ១១,៨ ទ្រីលានយ៉ន់ ឬ ១,៦៩ ពាន់លានដុល្លារ គិតចាប់ពីខែមករា ដល់ខែវិច្ឆិកា ឆ្នាំ ២០២២ កន្លងទៅ ពោលគឺបានកើនឡើងដល់ ៧,៩% ពីមួយឆ្នាំទៅមួយឆ្នាំ ដែលស្មើនឹង ៣០,៧% នៃទំហំពាណិជ្ជកម្មបរទេសសរុប របស់ប្រទេសចិន ។

មិនតែប៉ុណ្ណោះ ចំពោះការនាំចេញរបស់ចិន ទៅកាន់ប្រទេសមាជិក RCEP វិញ ក៏មានកើនឡើងផងដែរ ដល់ចំនួន ៦ ទ្រីលានយ៉ន់ កើនឡើង ១៧,៧% ពីមួយឆ្នាំទៅមួយឆ្នាំ ដែលកើនឡើងលឿនជាងអត្រានៃការនំាចេញសរុបរបស់ចិន រហូតដល់ ៥,៨% ។

យ៉ាងណាមិញ លោកស្រី Shu Jueting អ្នកនាំពាក្យរបស់ក្រសួងពាណិជ្ជកម្មចិន បាននិយាយថាប្រទេសខ្លួន នឹងនៅបន្តធ្វើការជាមួយនាយកដ្ឋានពាក់ព័ន្ធបន្ថែមទៀត ដើម្បីលើកកម្ពស់ដល់ការអនុវត្តកិច្ចព្រមព្រៀង RCEP ប្រកបដោយគុណភាព និងរួមទាំងកិច្ចព្រមព្រៀងពាណិជ្ជកម្មសេរីផ្សេងទៀតផងដែរ ។

ទន្ទឹមនឹងនេះ លោក Wang Zhengbo ប្រធានក្រុមហ៊ុន TWT បានថ្លែងប្រាប់ទៅកាន់ Global Times ថា ផលិតផលកសិកម្មកាន់តែច្រើន ពីបណ្តាប្រទេសក្នុងតំបន់អាស៊ាន កំពុងនាំចូលទៅក្នុងទីផ្សារប្រទេសចិន ពោលគឺចាប់តាំងពីកិច្ចព្រមព្រៀង RCEP ចូលជាធរមានមក ។

បើតាមលោក Wang បានលើកឡើងទៀតថា កាលពីមុន ក្រុមហ៊ុនរបស់លោក នាំចូលផ្លែទុរេនតែពីប្រទេសម៉ាឡេស៊ី និងថៃប៉ុណ្ណោះ ប៉ុន្តែឥឡូវនេះផ្លែទុរេនពីវៀតណាម ក៏អាចនាំចូលមកកាន់ទីផ្សារប្រទេសចិនបានផងដែរ ដោយសសារតែ RCEP បានដាក់បញ្ចូលដំណាំហូបផ្លែពីប្រទេសសមាជិក RCEP ជាច្រើន ទៅក្នុងបញ្ចីនាំចេញ។ ហើយបន្ថែមពីនោះ​ ពន្ធលើផ្លែឈើ ដែលនាំចេញទៅកាន់ប្រទេសអូស្ត្រាលី នូវែលហ្សេឡង់ ជប៉ុន និងកូរ៉េខាងត្បូង ត្រូវបានកាត់បន្ថយមកនៅត្រឹមសូន្យ ឬជិតសូន្យ ។

លើសពីនេះទៅទៀត AliExpress ដែលជាទីផ្សារលក់រាយតាមអ៊ីនធឺណិត ស្ថិតក្រោមការគ្រប់គ្រងដោយក្រុមហ៊ុនមេ Alibaba បានបង្ហាញទៀតថា នឹងមានផលិតផលកសិកម្មកាន់តែច្រើនបន្ថែម និងនាំចូលទីផ្សារប្រទេសចិន ជាពិសេស កាលពីខែធ្នូកន្លងទៅ ផ្លែមៀនរបស់កម្ពុជា ត្រូវបានដឹកជញ្ជូនជាលើកដំបូងទៅកាន់ប្រទេសចិន និងអាចបន្តកម្ម៉ង់ទិញបាន តាមរយ:ពេលវេទិកាពាណិជ្ជកម្មអនឡាញ ដ៏បំផុតមួយរបស់ពិភពលោកនេះ បានថែមទៀតផង ៕

The post ទំហំពាណិជ្ជកម្មរវាងចិន និងសមាជិក RCEP កើនឡើងជិត ១,៧ ពាន់លានដុល្លារ ត្រឹម ១១ ខែដំបូងឆ្នាំមុន appeared first on .

បើតាមការចុះផ្សាយពីសារព័ត៌មាន The Jakartapost បានបង្ហាញឱ្យដឹងទៀតថា បន្ទាប់ពីបានអនុម័តផ្លូវការនៃកិច្ចព្រមព្រៀងដ៏ធំមួយនេះហើយ រដ្ឋាភិបាលឥណ្ឌូនេស៊ី ក៏បានដាក់ចេញច្បាប់ថ្មីមួយ ទាក់ទងនឹងការផ្តល់ប្រភពដើមនៃទំនិញ ក៏ដូចជាបានចេញបទប្បញ្ញតិសម្រាប់បញ្ជាក់ចំពោះទំនិញដែលនាំចេញពីប្រទេសឥណ្ឌូនេស៊ីផងដែរ ។

លើសពីនេះ រដ្ឋមន្ត្រីពាណិជ្ជកម្មឥណ្ឌូនេស៊ី លោក Zulkfli Hasan បានពន្យល់ថា ច្បាប់ថ្មី ដែលត្រូវបានរៀបចំឡើងជាមូលដ្ឋានថ្មីនេះ គឺដើម្បីគ្រប់គ្រងនីតិវីធី សម្រាប់ការទទួលបានវិញ្ញាបនបត្របញ្ជាក់ពីប្រភពដើមនៃទំនិញ និងរួមទាំងទំនិញដែលត្រូវបាននាំចេញដោយប្រទេសឥណ្ឌូនេស៊ីផងដែរ ។

មិនតែប៉ុណ្ណោះ យោងតាមបទប្បញ្ញត្តិរបស់ក្រសួងពាណិជ្ជកម្មឥណ្ឌូនេស៊ី បានបញ្ជាក់ទៀតថា សម្រាប់ក្រុមហ៊ុនអាជីវកម្ម គឺអាចធ្វើការជ្រើសរើសរវាងឯកសារពីរប្រភេទ ដើម្បីទទួលបាការអនុគ្រោះពន្ធពីប្រទេសសមាជិក RCEP ផ្សេងទៀត ក្នុងការនាំចេញទំនិញរបស់ពួកគេ ដោយទីមួយ គឺវិញ្ញាបនបត្របញ្ជាក់ប្រភពដើម (SKA) និងមួយទៀត គឺសេចក្តីប្រកាសនៃប្រភពដើម (DAB) ។

គួរឱ្យដឹងថា កិច្ចព្រមព្រៀង RCEP ដែលជាគំនិតផ្តួចផ្តើមដំបូងដោយឥណ្ឌូនេស៊ី ក្នុងនាមជាប្រធានអាស៊ានកាលពីឆ្នាំ ២០១១ គឺជាការច្របាច់បញ្ចូលគ្នា នៃប្រទេសសមាជិកអាស៊ានទាំង ១០ និងប្រទេសជាដៃគូ FTA ចំនួនប្រាំផ្សេងទៀត ដែលមានដូចជា អូស្ត្រាលី ជប៉ុន កូរ៉េខាងត្បូង នូវែលសេឡង់ និងចិន ។

ជម្រាបជូនទៀតថា RCEP គឺជាកិច្ចព្រមព្រៀងពាណិជ្ជកម្មដ៏ធំបំផុតមួយ របស់ពិភពលោក ក្រៅពីអង្គការពាណិជ្ជកម្មពិភពលោក (WTO) ដោយប្លុកនេះ គឺគ្រប់គ្រង GDP សរុបលើពិភពលោកប្រមាណ ៣០,២% , ការវិនិយោគផ្ទាល់ពីបរទេស ២៩,៨% , ​ចំនួនប្រជាជន ២៩,៦% និងពាណិជ្ជកម្មសរុប ២៧,៤% ៕

The post ឥណ្ឌូនេស៊ី ដាក់ចេញច្បាប់ថ្មីមួយភ្លាម ក្រោយប្រកាស RCEP ចូលជាធរមាន appeared first on .

នៅអំឡុងពេលថ្លែងសុន្ទរកថា ក្នុងកិច្ចប្រជុំកំពូលហុងកុង-អាស៊ានឆ្នាំ ២០២២ ដែលរៀបចំឡើងដោយកាសែតចិន South China Morning Post លោក Lee បាននិយាយថា នឹងមានការពិភាក្សាសំខាន់ៗ ជាមួយប្រទេសជាសមាជិករបស់ RCEP ហើយវានឹងត្រូវកំណត់ធ្វើឡើង នៅដើមឆ្នាំក្រោយ ស្របពេលលោកមានជំនឿចិត្តថា ហុងកុងនឹងអាចចូលរួមចំណែកយ៉ាងច្រើន ទៅក្នុងកិច្ចព្រមព្រៀងពាណិជ្ជកម្មដ៏ធំមួយនេះ ស្របពេលបណ្តាប្រទេសទាំង ១០ នៅតំបន់អាស៊ាន ដែលជាសមាជិក RCEP ដំបូង ក៏បានបើកដៃស្វាគមន៍ហុងកុង ផងដែរ ។​

“ យើងអាចបន្ថែមតម្លៃដ៏ធំសម្បើម ដល់ RCEP ជាមួយនឹងការផ្តល់តួនាទី មិនអាចប្រៀបផ្ទឹមបានរបស់យើង ដែលជាស្ពានពាណិជ្ជកម្មរវាងចិនដីគោក និងពិភពលោកទាំងមូល ព្រមទាំងឋាន:របស់យើងជាមជ្ឈមណ្ឌលហិរញ្ញវត្ថុឈានមុខគេមួយរបស់ពិភពលោក និងជាមជ្ឈមណ្ឌលហិរញ្ញវត្ថុអន្តរជាតិដ៏សំខាន់របស់ប្រទេសចិនផងដែរ ” នេះបើតាមលោក Lee បានលើកឡើង ។

គួរឱ្យដឹងថា អាស៊ានដែលមានសមាជិក ១០ប្រទេស គឺជាដៃគូពាណិជ្ជកម្មធំទីពីររបស់ហុងកុង ចាប់តាំងពីឆ្នាំ ២០១០ មក ដោយពាណិជ្ជកម្មទ្វេភាគី បានកើនឡើងលើសពី ១៦០ ពាន់លានដុល្លារកាលពីឆ្នាំមុន ។

ជម្រាបជូនផងដែរថា RCEP ជាកិច្ចព្រមព្រៀងពាណិជ្ជកម្មដ៏ធំបំផុតរបស់ពិភពលោក ត្រូវបានដាក់ឱ្យចូលជាធរមាន ក្នុងខែមករា ឆ្នាំ ២០២២ ក្រោយពីកិច្ចព្រមព្រៀងនេះត្រូវបានចុះហត្ថលេខាដំបូង ក្នុងខែវិច្ឆិកា ឆ្នាំ ២០២០ ដោយប្រទេសសមាជិកអាស៊ាន និងប្រទេសមិនមែនអាស៊ានចំនួន ៥ ផ្សេងទៀត រួមមានប្រទេសជប៉ុន អូស្ត្រាលី នូវែលសេឡង់ កូរ៉េខាងត្បូង និងចិន។

បញ្ជាក់ទៀតថា RCEP គ្របដណ្តប់ប្រហែល ២៨% នៃពាណិជ្ជកម្មអន្តរជាតិ ជិត ៣០% នៃចំនួនប្រជាជនពិភពលោក ជាង ៣០% នៃផលិតផលក្នុងស្រុកសរុប (GDP) ជាសកល និងជិត ៣០% នៃការវិនិយោគផ្ទាល់ពីបរទេស (FDI) ជាសកល ៕

The post ហុងកុង ប្រកាសត្រៀមខ្លួនរួចស្រេច ក្នុងការចូលរួមជាសមាជិក RCEP នៅដើមឆ្នាំក្រោយ appeared first on .

ថ្លែងក្នុងសិក្ខាសាលាស្តីពី “ភាពជាដៃគូសេដ្ឋកិច្ចគ្រប់ជ្រុងជ្រោយតំបន់៖ ផលបច្ច័យ បញ្ហាប្រឈម និងកំណើនសេដ្ឋកិច្ចនាពេលអនាគតសម្រាប់តំបន់អាស៊ីបូព៌ា និងអាស៊ាន” នៅថ្ងៃទី១៤ ខែមីនាម្សិលមិញ លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម
បានសង្កត់ធ្ងន់ថា កិច្ចព្រមព្រៀងនេះនឹងរួមចំណែកយ៉ាងចាំបាច់ដល់ការស្តារសេដ្ឋកិច្ចឡើងវិញរបស់កម្ពុជា និងប្រទេសសមាជិកពាក់ព័ន្ធ ក្នុងនិងក្រោយវិបត្តិកូវីដ-១៩ ព្រមទាំងជះឥទ្ធិពលវិជ្ជមានផ្សេងទៀតដល់ការអភិវឌ្ឍ តាមយៈការបង្កើតការងារ ការជំរុញការវិនិយោគ ការកាត់បន្ថយភាពក្រីក្រ និងការលើកកម្ពស់ការទទួលបានផលប្រយោជន៍ប្រកបដោយបរិយាប័ន្នខ្ពស់។

លោកបន្តថា ក្រៅពីនេះ កិច្ចព្រមព្រៀងអាសិប ក៏បង្កើតជាក្របខណ្ឌគតិយុត្តទំនើបថ្មី ដែលជំរុញការធ្វើកំណែទម្រង់ទាំងផ្នែកហេដ្ឋារចនាសម្ព័ន្ធ ច្បាប់-គតិយុត្ត និងស្ថាប័ន ដើម្បីធានាស្តង់ដារខ្ពស់របស់កម្ពុជានាពេលខាងមុខ ស្របពេលដែលកម្ពុជាអាចនឹងចាកចេញពីឋានៈប្រទេសអភិវឌ្ឍតិចតួច (LDC) នៅឆ្នាំ២០២៨ និងគ្រោងប្រែក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងចំណូលកម្រិតខ្ពស់នៅឆ្នាំ២០៥០ ប្រកបដោយប្រសិទ្ធភាព។

លោករដ្ឋមន្ត្រីបន្ថែមថា កិច្ចព្រមព្រៀងអាសិបនេះមានសារសំខាន់យ៉ាងខ្លាំងដល់កំណើនសេដ្ឋកិច្ច និងបរិវត្តកម្មផ្នែករចនាសម្ព័ន្ធរបស់កម្ពុជានៅក្នុងនិម្មាបនកម្មសេដ្ឋកិច្ចតំបន់ និងសកល។ លើសពីនេះ កិច្ចព្រមព្រៀងនេះ នឹងបង្កើតទីផ្សារបន្ថែមទៀតសម្រាប់មនុស្ស ២,២ ពាន់លាននាក់ ដែលមានផលិតផលក្នុងស្រុកសរុបប្រមាណ ២៦,២ ទ្រីលានដុល្លារអាម៉េរិក ឬ ៣០% នៃផលិតផលក្នុងស្រុកសរុបរបស់ពិភពលោក និងមានចំណែកប្រមាណ ២៨% នៃទំហំពាណិជ្ជកម្មពិភពលោក និង៣២.៥% នៃការវិនិយោគសកល។

ថ្លែងក្នុងសិក្ខាសាលានេះដែរ សាស្រ្តាចារ្យ ហ៊ីដេតូស៊ី នីស៊ីមូរ៉ា ប្រធានវិទ្យាស្ថាន ERIA បានមានប្រសាសន៍ថា កិច្ចព្រមព្រៀងអាសិបពិតជាមានសារសំខាន់ខ្លាំងក្នុងការពង្រឹងឡើងវិញនូវប្រព័ន្ធពហុភាគីនិយម របបពាណិជ្ជកម្មអន្តរជាតិដែលផ្អែកលើវិធានច្បាប់ និងយុទ្ធនាការស្តារសេដ្ឋកិច្ចរបស់ប្រទេសក្នុងតំបន់ដែលរងគ្រោះពីវិបត្តិកូវីដ-១៩។

បន្ថែមលើនេះ កិច្ចព្រមព្រៀងអាសិបក៏បានធានាតម្លៃនៃមជ្ឈភាពអាស៊ាន ក្នុងការសម្របសម្រួលជាមួយដៃគូពាណិជ្ជកម្មសំខាន់ៗ និងការដាក់ចេញនូវទិសដៅសកម្មភាពនានា ក្រោមកិច្ចព្រមព្រៀងនេះផងដែរ។

ទន្ទឹមនឹងនោះ លោកសាស្ត្រាចារ្យក៏បានលើកឡើងពីសៀវភៅស្តីពី “ភាពជាដៃគូសេដ្ឋកិច្ចគ្រប់ជ្រុងជ្រោយតំបន់៖ ផលបច្ច័យ បញ្ហាប្រឈម និងកំណើនសេដ្ឋកិច្ចនាពេលអនាគតសម្រាប់តំបន់អាស៊ីបូព៌ា និងអាស៊ាន” ដែលជាសៀវភៅដំបូងដែលវិទ្យាស្ថាន ERIA បានធ្វើការវាយតម្លៃពីធាតុសំខាន់ៗនៃកិច្ចព្រមព្រៀងអាសិបនេះ។

បើតាមលោកសាស្រ្តាចារ្យ សៀវភៅនេះធ្វើការវិភាគពីផលបច្ច័យ បញ្ហា និងផលដែលរំពឹងទុកពីកិច្ចព្រមព្រៀងនេះ លើការអភិវឌ្ឍប្រកបដោយចីរភាពនាពេលអនាគតរបស់តំបន់ទាំងពីរ៕

The post បន្ទាប់ពីអនុវត្តកិច្ចព្រមព្រៀងRCEP ការវិនិយោគរបស់កម្ពុជានឹងកើនឡើង ២៣.៤% appeared first on .

ជាក់ស្តែងរបាយការណ៍ពីប្រព័ន្ធផ្សព្វផ្សាយក្នុងស្រុកមួយ បាននិយាយថា គោលដៅថ្មីនេះ អាចនឹងជួយពង្រីកទំហំពាណិជ្ជកម្មសេរីរបស់ហុងកុង ជាមួយជប៉ុន និងកូរ៉េខាងត្បូង ខណ:រដ្ឋាភិបាលប្រទេសទាំង ២ ពីមុនមក នៅមិនទាន់មានការឈានដល់កិច្ចព្រមព្រៀងពាណិជ្ជកម្មសេរីណាមួយ ជាមួយហុងកុងនោះឡើយ ។

មិនតែប៉ុណ្ណោះ ប្រភពខាងលើបានបន្ថែមទៀតថា ទំហំពាណិជ្ជកម្មរវាងហុងកុង និងប្រទេសសមាជិក RCEP ឈានដល់ ៩៦២ ពាន់លានដុល្លារ ក្នុងឆ្នាំ ២០២១ ​ដែលស្មើនឹង ៧០% នៃទំហំពាណិជ្ជកម្មសរុបរបស់ហុងកុងទាំងមូល ។

គួរឱ្យដឹងផងដែរថា RCEP គឺជាប្លុកពាណិជ្ជកម្មដ៏ធំបំផុតរបស់ពិភពលោក ដែលមានប្រទេសជាសមាជិកសំខាន់ៗដូចជា ប៊្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ វៀតណាម អូស្រ្តាលី ចិន ជប៉ុន នូវែលសេឡង់ និងកូរ៉េខាងត្បូង ។

បញ្ជាក់ថាភាពសំខាន់បំផុតនៃកិច្ចព្រមព្រៀងនេះ គឺសម្បទានពន្ធ ខណ:វាត្រូវបានរៀបចំឡើង ដើម្បីកំណត់ស្តង់ដារច្បាប់ស្តីពីការវិនិយោគ កម្មសិទ្ធិបញ្ញា និងពាណិជ្ជកម្មអេឡិចត្រូនិក ក្នុងចំណោមការអនុវត្តពាណិជ្ជកម្មផ្សេងទៀត ។

បន្ថែមពីនេះ កិច្ចព្រមព្រៀងខាងលើ ក៏មានគោលបំណងលើកកម្ពស់ ការបង្កើនប្រសិទ្ធភាពនៃខ្សែសង្វាក់ផ្គត់ផ្គង់ នៅក្នុងតំបន់ពាណិជ្ជកម្មសេរី ដែលមានប្រហែល ៣០% នៃទិន្នផល ពាណិជ្ជកម្ម និងប្រជាជនរបស់ពិភពលោក ៕​

ប្រភព: Bangkok Post

The post ហុងកុង កំពុងស្នើសុំសិទ្ធិចូលរួមកិច្ចព្រមព្រៀងពាណិជ្ជកម្ម RCEP ដែលមានសមាជិកសំខាន់ៗជាច្រើន រួមទាំងកម្ពុជា appeared first on .

លោក អ៊ុំ ច័ន្ទមនោ អ្នកស្រាវជ្រាវជាន់ខ្ពស់នៅមជ្ឈមណ្ឌលអភិវឌ្ឍន៍កម្ពុជា និងជាបេក្ខជនបណ្ឌិតសេដ្ឋកិច្ចនៅសាកលវិទ្យាល័យ Waikato ប្រទេសនូវែលសេឡង់ បានលើកឡើងថា កិច្ចព្រមព្រៀងពាណិជ្ជកម្មសេរីនេះ គឺធ្វើយ៉ាងណាកាត់បន្ថយរបាំងពន្ធគយឱ្យបាន៩០ភាគរយលើផលិតផលកសិកម្ម និងឧស្សាហកម្ម និងដើម្បីជំរុញឱ្យមានការវិនិយោគដោយផ្ទាល់ពីបរទេស ជាពិសេសពីប្រទេសអ្នកមានដែលជាសមាជិកក្នុងកិច្ចព្រមព្រៀងនេះ។

លោកបណ្ឌិតថ្លែងថា RCEP ក៏អាចបង្ហាញឱ្យកាន់តែច្បាស់អំពីការទាញបានផលចំណេញពីគ្នាទៅវិញទៅមកនៅចំពោះមុខប្រទេសមានសេដ្ឋកិច្ចធំៗ តួយ៉ាង ចិន ជប៉ុន កូរ៉េខាងត្បូង និងអូស្រ្តាលីជាដើម។ ប៉ុន្តែ កិច្ចព្រមព្រៀងនេះ ក៏បានបង្ហាញភាពត្រូវរូវគ្នារវាងប្រទេស និងប្រទេស ដូចជា ចិន និងជប៉ុន (ដែលជាសម្ព័ន្ធមិត្តសហរដ្ឋអាមេរិក ក្នុងការទប់ស្កាត់ឥទ្ធិពលចិនលើវិស័យនយោបាយ និងវិស័យសេដ្ឋកិច្ច) លើគោលនយោបាយពាណិជ្ជកម្មអន្តរជាតិ។

ក្នុងបរិបទបច្ចុប្បន្ននេះ គេពិបាកប្រកែកណាស់ថា ការចុះកិច្ចព្រមព្រៀងនេះ មិនមែនជារឿងចៃដន្យឡើយ ព្រោះគេបានចំណាយរយៈពេលដល់ទៅ៨ឆ្នាំ មុនឈានដល់ការចុះកិច្ចព្រមព្រៀងនេះ។ ក្នុងន័យនេះ លោកបណ្ឌិត អ៊ុំ ច័ន្ទមនោ គូសបញ្ជាក់ថា៖ RCEP អាចនឹងជួយប្រទេសសមាជិកអាស៊ាន និងប្រទេសជាដៃគូ រួមមាន ចិន ជប៉ុន កូរ៉េខាងត្បូង អូស្រ្តាលី និងនូវែលសេឡង់ អាចទាញយកផលចំណេញដើម្បីស្តារសេដ្ឋកិច្ច ពីផលប៉ះពាល់ដោយជំងឺរាតត្បាតសកលកូវីដ១៩ និងម៉្យាងទៀតអាចកាត់បន្ថយផលប៉ះពាល់ពីឥទ្ធិពលអវិជ្ជមានដែលចេញពី សង្រ្គាមពាណិជ្ជកម្មរវាង សហរដ្ឋអាមេរិក និងចិន។

តើកម្ពុជាអាចទទួលបានផលប្រយោជន៍អ្វីខ្លះពី កិច្ចព្រមព្រៀងពាណិជ្ជកម្មសេរី RCEP នេះ ត្បិតកម្ពុជាជាប្រទេសតូច មានប្រជាជនតិច និងសេដ្ឋកិច្ចអន់ថយជាងប្រទេសសមាជិកដទៃ។

បើតាម​ក្រសួង​ពាណិជ្ជកម្មកម្ពុជា កាល​ពីថ្ងៃទី២២ ខែធ្នូ ក្រៅពី​ទទួល​បាន​ការ​អនុ​គ្រោះពន្ធ​ កម្ពុជា​ក៏នឹង​ទទួល​បាន​អត្ថ​ប្រយោជន៍​បន្ថែម​ពី​កិច្ច​ព្រមព្រៀង​នេះ មាន​ជា​អាទិ៍ ការផ្ទេរ​បច្ចេកវិទ្យា ចំណេះ​ដឹង ចំណេះ​ធ្វើ និង​ជំនាញ​ថ្មីៗពី​ការ​វិនិយោគផ្ទាល់​របស់​បរទេស ព្រមទាំង​បង្កើត​ការងារ​ថ្មីៗ​ដល់​ប្រជាជន​កម្ពុជា​។

ទន្ទឹមនឹងនោះ លោកបណ្ឌិត អ៊ុំ ច័ន្ទមនោ បានលើកឡើងថា ផលប្រយោជន៍សេដ្ឋកិច្ចសម្រាប់កម្ពុជា នៅក្នុងកិច្ចព្រមព្រៀងដោះដូរពាណិជ្ជកម្មសេរី RCEP ទីមួយ ការបើកទូលាយទីផ្សារនាំចេញរបស់កម្ពុជា ឬអាចនិយាយបានថា កម្ពុជាអាចនឹងឈប់ខ្វាយខ្វល់ទៀតហើយអំពីការបាត់បង់ផ្នែកខ្លះរបស់ក្របខណ្ឌអនុគ្រោះពន្ធ EBA ហើយងាកមកចាប់យកឱកាសថ្មីពីកិច្ចព្រមព្រៀងនេះវិញ។ ទីពីរ ការវិនិយោគដោយផ្ទាល់ពីបរទេស ដូចជាពីប្រទសចិន ជប៉ុន និងកូរ៉េខាងត្បូង ដែលអាចជាចលករជំរុញកំណើនសេដ្ឋកិច្ចកម្ពុជា និងងើបពីផលប៉ះពាល់សេដ្ឋកិច្ចដោយជំងឺកូវីដ១៩។ ទីបី ការទទួលបានព័ត៌មានចែករំលែកថ្មី ដែលឈានដល់ការអភិវឌ្ឍធនធានមនុស្ស ជាស្នូលនៃការអភិវឌ្ឍសេដ្ឋកិច្ចជាតិប្រកបដោយចីរភាពតាមលក្ខខណ្ឌកម្លាំងពលកម្មជំនាញ និងពាក់កណ្តាល ជំនាញ សម្រាប់បំពេញតម្រូវការទីផ្សារ ទាំងក្នុងស្រុក តំបន់ និងអន្តរតំបន់ ហើយអាចទាញអត្ថប្រយោជន៍បានកាន់តែច្រើន។

ប៉ុន្តែទោះជាយ៉ាងណាក៏ដោយ លោកបន្តថា កម្ពុជាត្រូវត្រៀមខ្លួនឱ្យបានគ្រប់គ្រាន់ និងត្រូវដោះស្រាយបញ្ហាប្រឈមមួយចំនួន ដើម្បីអាចទាញផលចំណេញពីពាណិជ្ជកម្មសេរីថ្នាក់អន្តរតំបន់មួយនេះឱ្យបានជាអតិបរមា។ ទីមួយ កម្ពុជាត្រូវបន្ត ពង្រឹង និងពង្រីកហេដ្ឋារចនាសម្ព័ន្ធសេដ្ឋកិច្ច បម្រើដល់ការសម្រួលក្នុងការដឹកជញ្ជូន ដែលក្នុងន័យនេះអាចឈានដល់ការកាត់បន្ថយតម្លៃសម្រាប់ការដឹកជញ្ជូន និងថ្លៃដើមសង្វាក់ផលិតកម្ម។ ទីពីរ កម្ពុជាគួរប្តេជ្ញាអភិវឌ្ឍធនធានមនុស្ស រួមមានអភិវឌ្ឍកម្លាំងពលកម្មជំនាញ និងពាក់កណ្តាលជំនាញ ដែលអាចប្រកួតតប្រជែងក្នុងទីផ្សារការងារ ក៏ដូចជាក្នុងសង្វាក់ផលិតកម្ម។ ទីបី កម្ពុជាត្រូវពង្រឹងបន្ថែម លើនិតិវិធីវិនិយោគ សំដៅដល់ការធានា និងការសម្រួលបរិយាកាសវិនិយោគឱ្យមានភាពប្រសើរឡើង ទាំងក្នុងស្រុក និងពីបរទេស ដែលជាដើមទុនយ៉ាងសំខាន់សម្រាប់ជំរុញម៉ាស៊ីនសេដ្ឋកិច្ចជាតិ។

ការ​សិក្សា​របស់ វិទ្យាស្ថានស្រាវជ្រាវ​សេដ្ឋកិច្ច​សម្រាប់​អាស៊ាន និង​អាស៊ីបូព៌ា (ERIA)  កម្ពុជា​អាច​នឹង​មាន​កំណើន​ប្រចាំឆ្នាំ​ការ​នាំ​ចេញ​ចំនួន​ ៧,៣% វិនិយោគ​ចំនួន ២៣,៤% និង​ផលិតផល ក្នុង​ស្រុក​សរុប​ចំនួន​ប្រមាណ ២% លើ​ផលិតផល​ក្នុង​ស្រុក​សរុប ដែល​មាន​បច្ចុប្បន្ន​។

លោកបណ្ឌិត អ៊ុំ ច័ន្ទមនោ បានបញ្ជាក់ថា៖ RCEP ប្រាកដណាស់នឹងផ្តល់ផលចំណេញមកឱ្យកម្ពុជា អាចនិយាយបានថា ទាំងក្នុងបរិបទសេដ្ឋកិច្ច និងបរិបទនយោបាយ ក៏ប៉ុន្តែ កម្ពុជាត្រូវតែព្យាយាមកែសម្រួល និងបន្ថែមលើយន្តការដែលមានស្រាប់ ដើម្បីអាចទាញយកផលចំណេញពីកិច្ចព្រមព្រៀងពាណិជ្ជកម្មសេរី RCEP នេះជាអតិបរមា។

​បើតាម​សេចក្តី​ប្រកាស​របស់​ក្រសួង​ពាណិជ្ជកម្ម កិច្ចព្រម​ព្រៀង RCEP ជា​គំនិត​ផ្តួចផ្តើម​របស់​អាស៊ាន និង​ត្រូវ​បាន​ប្រកាស​ឱ្យ​ចាប់​ផ្ដើម​ការចរចា​ក្នុង​ឆ្នាំ ២០១២នៅ​រាជធានី​ភ្នំពេញ​។ កិច្ចព្រមព្រៀង​នេះ​គឺ​ជា​កិច្ចព្រមព្រៀង​ពាណិជ្ជកម្ម​សេរី ដ៏ធំបំផុត​លើ​ពិភព​លោក ដែល​មាន​សមាជិក​ចំនួន​១៥​ប្រទេស រួមមាន​ប្រទេស​អាស៊ាន​ទាំង១០ និង​ប្រទេស​អូស្ត្រាលី ចិន ជប៉ុន កូរ៉េខាងត្បូង និងណូវែលហ្សេឡង់។ កិច្ចព្រមព្រៀង​នេះ គ្រប់​ដណ្តប់​ប្រជាជន​ប្រមាណ​២.២ពាន់​លាន​នាក់ ឬ៣០%នៃ​ប្រជាជន​ពិភព​លោក និង​មានទំហំ​ផលិតផល​ក្នុង​ស្រុក​សរុប​ប្រមាណ​២៦.២ទ្រីលាន​ដុល្លារ ឬ​៣០%នៃ​ផលិតផល​ក្នុង​ស្រុក​សរុប​របស់​ពិភពលោក​៕

The post បណ្ឌិតសេដ្ឋកិច្ច៖ កិច្ចព្រមព្រៀង RCEP កម្ពុជាចំណេញច្រើន តែត្រូវត្រៀមខ្លួនដោះស្រាយបញ្ហាមួយចំនួន ដើម្បីអាចទាញផលចំណេញ appeared first on .

ប្រទេស​វៀតណាម​ចាត់​ទុក​កិច្ចព្រមព្រៀង RCEP នេះ​ជា​ជោគជ័យ​មួយ​ក្នុង​ចំណោម​ជោគជ័យ​ជាច្រើន​ក្នុង​សមាហរណកម្ម​សេដ្ឋកិច្ច​អន្តរជាតិ ជា​ពិសេស​ក្នុង​បរិបទ​ជំងឺ​កូវីដ​១៩ និង​តម្រូវការ​នៃ​ការ​ងើប​សេដ្ឋកិច្ច​ឡើង​វិញ។ បូក​ជាមួយ​នឹង​កិច្ចព្រមព្រៀង​ពាណិជ្ជកម្ម​សេរី​វៀតណាម​ចំនួន ១៤ ផ្សេង​ទៀត​ដែល​បាន​ចូល​ជា​ធរមាន​រួច​ហើយ​នោះ កិច្ចព្រមព្រៀង RCEP ត្រូវ​បាន​គេ​រំពឹង​ថា នឹង​ជួយ​ធ្វើ​ឱ្យ​មាន​ការ​នាំ​ចេញ​ទំនិញ​វៀតណាម​ទៅ​ទីផ្សារ​កាន់​តែ​ច្រើន​ជាមួយ​នឹង​អត្រា​ពន្ធគយ​ទាប​ជាង​មុន។​

ដូចគ្នានេះដែរ តាមរយៈកិច្ចព្រមព្រៀងនេះ កម្ពុជារំពឹងថា ការនាំចេញទំនិញសក្ដានុពលដូចជា សម្លៀកបំពាក់ ស្បែកជើង កាបូបធ្វើដំណើរ និងអង្ករជាដើម នឹងមានការកើនឡើង ហើយវាក៏មានការបើកបើកទូលាយទីផ្សារ សម្រាប់កសិផល ដទៃទៀតដូចជា បន្លែត្រីសាច់ជាដើម។

លោក ប៉ាន សូរ​ស័ក្ត រដ្ឋមន្ត្រីក្រសួងពាណិជ្ជកម្មកម្ពុជា លើកឡើងពេលថ្មីៗនេះថា កិច្ចព្រមព្រៀង RCEP មាន​សារៈសំខាន់ ដែល​នឹង​បង្កើត​នូវ​ក្រប​ខណ្ឌ​ភាព​ជា​ដៃគូ​ដែល​មាន​លក្ខណៈ​ទំនើប ទូលំទូលាយ គុណភាព​ខ្ពស់ ព្រមទាំង​ផ្តល់​អត្ថប្រយោជន៍​សេដ្ឋកិច្ច​ឱ្យ​គ្នា​ទៅ​វិញ​ទៅ​មក ដែល​នឹង​សម្រួល​ដល់​ការ​ពង្រីក​ខ្សែ​ច្រវាក់​ផ្គត់​ផ្ត​ង់​ពាណិជ្ជកម្ម​និង​ការ​វិនិយោគ​ ជា​ពិសេស​ការ​ចូលរួម​ចំណែក​ក្នុង​ការ​ស្តារ​សេដ្ឋកិច្ច​កម្ពុជា និង​តំបន់​ឡើង​វិញ​បាន​ឆាប់រហ័ស​ពី​វិបត្តិ​កូ​វី​ដ​-១៩​។

ទោះយ៉ាងណាក៏ដោយបើតាមអ្នកជំនាញសេដ្ឋកិច្ចបានអះអាងថា សម្រាប់កម្ពុជា អាចប្រឈមនឹងការប្រកួតប្រជែងចំពោះការផលិតជាមួយនឹងប្រទេសជិតខាង ដោយការផលិតរបស់កម្ពុជាបច្ចុប្បន្ន នៅតែមានការចំណាយថ្លៃដើមខ្ពស់ជាងគេប្រទេសជិតខាង។ ប្រទេសជិតខាងអាចផលិតបានក្នុងតម្លៃថោកជាងកម្ពុជា និងក្នុងបរិមាណច្រើនស្របតាមតម្រូវការ។

ចំណែក ប្រទេសថៃ ក៏រំពឹងនឹងទទួលបានការជម្រុញសេដ្ឋកិច្ច ជាពិសេសការនាំចេញ និងវិស័យទេសចរណ៍បន្ថែមទៀត ដោយកិច្ចព្រមព្រៀងនេះ។

វិស័យឯកជននៅក្នុងប្រទេសថៃ បានលើកឡើងថា អត្ថប្រយោជន៍សំខាន់ជាងគេរបស់ កិច្ចព្រមព្រៀង RCEP នេះគឺ ការបង្កើតតំបន់នីយកម្ម ដោយជោគជ័យ ដែលអាចនឹងជំនួស សាកលភាវូបនីយកម្ម នៅពេលណាមួយ ដែលមានជម្លោះ និងសម្ពាធពី សង្គ្រាមពាណិជ្ជកម្មសកល ឬវិបត្តិមេរោគឆ្លងជាដើម។

ជុំវិញការចុះហត្ថលេខាលើកិច្ចព្រមព្រៀង RCEP នេះដែរ ប្រទេសជប៉ុន ក៏រំពឹងទាញបានប្រយោជន៍ច្រើនណាស់ដែរ ដោយសារតែដៃគូពាណិជ្ជកម្មធំៗរបស់ខ្លួន គឺ ចិន និងកូរ៉េខាត្បូង ក៏ស្ថិតនៅក្នុងកិច្ចព្រមព្រៀងនេះដែរ។

តាមរយៈសារព័ត៌មាន Japantimes បានឲ្យដឹងថា កិច្ចព្រមព្រៀង RCEP នឹងគ្របដណ្ដប់លើ ៤៦% នៃពាណិជ្ជកម្មសរុប របស់ជប៉ុន ហើយវានឹងធ្វើឲ្យកិច្ចព្រមព្រៀងពាណិជ្ជកម្មទី១ របស់ជប៉ុន ដែលបានធ្វើជាមួយនឹង ចិន និងកូរ៉េខាត្បូង។

សូមជម្រាបថា ក្រោមកិច្ចព្រមព្រៀងនេះ ការនាំចេញទំនិញ របស់ជប៉ុនប្រមាណ ៨៦% នឹងត្រូវបានរួចពន្ធសម្រាប់នាំចេញ ទៅប្រទេសចិន និង ៨១% រួចពន្ធសម្រាប់នាំចេញទៅកូរ៉េខាងត្បូង និង ៨៨% សម្រាប់នាំចេញទៅប្រទេសអាស៊ាន អូស្ត្រាលី និងណូវេស័រឡង់។

គួររំលឹកថា កិច្ចព្រមព្រៀងពាណិជ្ជកម្ម RCEP ត្រូវបានចាប់ផ្តើមចរចារតាំងពីឆ្នាំ ២០១៣មក ដែលត្រូវបានចុះហត្ថលេខាដោយ សមាជិកអាស៊ាន ១០ប្រទេស ប្រទេសអូស្រ្តាលី ប្រទេសចិន ប្រទេសជប៉ុន ប្រទេសកូរ៉េខាងត្បូង និងប្រទេស នូវែលសេឡង់ ខណៈនៅថ្ងៃទី១ ខែមករា ឆ្នាំ២០២២នេះ ត្រូវចូលជាធរមាន៕

The post ថ្ងៃទី១មករាឆ្នាំនេះ ប្រជាជនអាស៊ានទទួលបានកាដូពាណិជ្ជកម្មដ៏ធំ បន្ទាប់ពីចរចាអស់ ៨ឆ្នាំ appeared first on .