លោក Sunak ដែលបានលាលែងចេញពីតំណែងជាមេដឹកនាំគណបក្សអភិរក្ស ដែលជាបក្សប្រឆាំងដ៏ធំរបស់រដ្ឋាភិបាល បន្ទាប់ពីការបរាជ័យក្នុងការបោះឆ្នោតសកល កាលពីខែកក្កដាកន្លងមកនោះ នៅតែបន្តធ្វើជាសមាជិកសភាអង់គ្លេស ដដែល។

នៅក្នុងការបង្ហោះសារមួយនៅលើបណ្តាញសង្គម LinkedIn លោក Sunak បានបង្ហើបឲ្យដឹងថា ក្រៅតែមានតួនាទីនៅក្នុងជួរដ្ឋាភិបាលអង់គ្លេស លោកក៏កំពុងកាន់តំណែងធំ នៅក្នុងក្រុមហ៊ុនឯកជន Microsoft និង Anthropic ផងដែរ ហើយប្រាក់ចំណូលបានពីតួនាទីនេះ នឹងត្រូវយកបរិច្ចាគទាំងស្រុងទៅកាន់គម្រោង The Richmond ដែលជាអង្គការសប្បុរសធម៌ដែលលោកបានចាប់ផ្តើមបង្កើតឡើងជាមួយប្រពន្ធរបស់លោក គឺលោកស្រី Akshata Murty ។

យ៉ាងណាមិញ បើតាមក្រុមហ៊ុន Amazon និងក្រុមហ៊ុន AI Anthropic ដែលគាំទ្រដោយ Google បាននិយាយថា តួនាទីជាទីប្រឹក្សាជាន់ខ្ពស់ គឺជាការងារក្រៅម៉ោងរបស់លោក Sunak ដោយត្រូវបំពេញតាមលក្ខខណ្ឌរបស់គណៈកម្មាធិការប្រឹក្សាស្តីពីការណាត់ជួបអាជីវកម្ម ឬ ACOBA ។

ជម្រាបជូនផងដែរថា ក្នុងតួនាទីនេះ លោក Sunak នឹងផ្តល់ដំបូន្មានទាំង Microsoft និង Anthropic អំពីយុទ្ធសាស្រ្ត ម៉ាក្រូសេដ្ឋកិច្ច និងនិន្ននាការភូមិសាស្រ្តនយោបាយ ជាដើម៕​

The post អតីតនាយករដ្ឋមន្ត្រីអង់គ្លេស Rishi Sunak ចូលកាន់តំណែងធំមួយនៅក្រុមហ៊ុន Microsoft appeared first on .

លោក Sunak បាននិយាយថា៖ គណបក្ស Labour Party ទទួលបានជ័យជម្នះក្នុងការបោះឆ្នោតសកល ហើយខ្ញុំក៏បានតេទៅលោក Keir Starmer ដើម្បីអបអរគាត់ផងដែរ។ ខ្ញុំនឹងទទួលខុសត្រូវទាំងអស់ សម្រាប់ភាពបរាជ័យនេះ។

សូមជម្រាបដែរថា លទ្ធផលនៃការបោះឆ្នោតសកលនៅអង់គ្លេស បានបង្ហាញថា គណបក្សប្រឆាំង Labour Party ទទួលបានសម្លេងគាំទ្ររហូតដល់ ៣៥៨អាសនៈ ស៊ីដាច់គណបក្សលោក Rishi Sunak ដែលទើបទទួលបានត្រឹម ៧៦អាសនៈ ខណៈតួលេខនេះគិតត្រឹមពេលព្រឹក ថ្ងៃទី០៥ ខែកក្កដាប៉ុណ្ណោះ៕

The post នាយករដ្ឋមន្ត្រីអង់គ្លេស Rishi Sunak ទទួលស្គាល់ភាពបរាជ័យ នៅក្នុងការបោះឆ្នោតសកល appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា ការបោះឆ្នោតនឹងធ្វើឡើងនៅថ្ងៃទី០៤ ខែកក្កដា ដែលរៀបចំធ្វើឡើងមុនកាលកំណត់រាប់ខែឯណោះ។

ជាមួយគ្នា ក្រុមអ្នកវិភាគនយោបាយនៅអង់គ្លេសបានបញ្ចេញយោបល់ថា ការរៀបចំការបោះឆ្នោតមុនកាលកំណត់បែបនេះ គឺជាយុទ្ធសាស្ត្រដ៏គ្រោះថ្នាក់មួយសម្រាប់លោក Sunak ដ្បិតបច្ចុប្បន្នគណបក្សប្រឆាំង គឺកំពុងទទួលបានប្រជាប្រិយភាពខ្លាំងជាង។

សូមជម្រាបដែរថា បើទោះជាវាគឺជាយុទ្ធសាស្ត្រដ៏គ្រោះថ្នាក់មួយក្ដី ក៏ប៉ុន្តែនាយករដ្ឋមន្ត្រីអង់គ្លេស ក៏មានអាវុធសំងាត់ក្នុងការទាក់ទាញសន្លឹកឆ្នោតផងដែរ នោះគឺក្រោមការដឹកនាំរបស់លោក អង់គ្លេសទទួលបានកំណើនសេដ្ឋកិច្ចលឿនបំផុតក្នុងរយៈពេល ៣ឆ្នាំ ស្របពេលអត្រាអតិផរណា ក៏មានការថយចុះគួរឲ្យកត់សម្គាល់ផងដែរ៕

The post នាយករដ្ឋមន្ត្រីអង់គ្លេស ប្រកាសរៀបចំការបោះឆ្នោតមុនកាលកំណត់ appeared first on .

ដោយឈរក្បែរមេដឹកនាំអង្គការ NATO លោក Jens Stoltenberg កាលពីថ្ងៃទី២៣ ខែមេសា លោក Sunak បានលើកឡើងយ៉ាងដូច្នេះថា ចក្រភពអង់គ្លេសនឹងចំណាយប្រាក់បន្ថែមចំនួន ៧៥ពាន់លានផោន (៩៣ពាន់លានដុល្លារ) ក្នុងរយៈពេល ៦ឆ្នាំដើម្បីបង្កើនការផលិតគ្រាប់បែក និងយន្តហោះគ្មានមនុស្សបើក ខណៈដែលគម្រោងការនេះហើយ នឹងធ្វើឲ្យចក្រភពអង់គ្លេសក្លាយជាប្រទេសចំណាយលើវិស័យការពារជាតិច្រើនជាងគេលំដាប់ទីពីរនៅក្នុងអង្គការ NATO ។ លើសពីនោះ ប្រទេសអ៊ុយក្រែនគឺជាមេរៀនមួយដែលពួកយើងត្រូវរៀនសូត្រ ពោលប្រទេសនានាត្រូវតែមានគ្រាប់បំផ្ទុះទុកក្នុងឃ្លាំងឲ្យច្រើនជាងមុន ហើយខិតខំផលិត ឬទិញបន្ថែមឲ្យកាន់តែច្រើន។

មិនត្រឹមតែប៉ុណ្ណោះ លោកបានលើកឡើងទៀតថា នៅក្នុងស្ថានភាពពិភពលោកកំពុងជួបគ្រោះថ្នាក់បំផុត ចាប់តាំងពីការបញ្ចប់សង្គ្រាមត្រជាក់មក ពួកយើងពិតជាមិនអាចរអ៊ូរទាំបានទេ។ នៅពេលសត្រូវធ្វើត្រឹមប៉ុនណា យើងត្រូវធ្វើឲ្យលើសពួកគេបន្ថែមទៀត ដើម្បីការពារផលប្រយោជន៍ និងគុណតម្លៃប្រទេសជាតិរបស់យើងរាល់គ្នា។

គួរបញ្ជាក់ថា លោក Sunak ក៏ស្ថិតនៅក្រោមសម្ពាធពីគណបក្សរបស់លោកផងដែរ ដោយបក្សនេះកំពុងតែជំរុញការចំណាយថវិកាលើវិស័យការពារជាតិឲ្យបានលឿនជាងមុន បន្ទាប់ពីនាយករដ្ឋមន្ត្រីរូបនេះបាននិយាយកាលពីខែមុនថា គាត់អាចធ្វើបានលុះលុះត្រាតែលក្ខខណ្ឌសេដ្ឋកិច្ចអំណោយផល៕

The post អង់គ្លេសនឹងចំណាយថវិកា២,៥% នៃ GDP របស់ប្រទេសទៅលើវិស័យការពារជាតិ appeared first on .

លោក Sunak បានសម្រេចចិត្តនាំយកអតីតនាយករដ្ឋមន្ត្រី លោក Cameron មកកាន់តំណែងនៅក្នុងជួររដ្ឋាភិបាលវិញ បន្ទាប់ពីលោកបានអវត្តមានពីឆាកនយោបាយអស់រយ:ពេល ៧ ឆ្នាំ។

ជុំវិញការរុះរើគណ:រដ្ឋមន្ត្រីដ៏គួរឱ្យភ្ញាក់ផ្អើលនេះ គឺត្រូវបានកើតឡើង បន្ទាប់ពីរដ្ឋមន្ត្រីក្រសួងមហាផ្ទៃ លោកស្រី Suella Braverman ត្រូវបានបណ្តេញចេញពីតំណែង កាលពីព្រឹកថ្ងៃចន្ទ បន្ទាប់ពីលោកស្រី បានធ្វើការចោទប្រកាន់ចំពោះអត្ថបទដែលចុះផ្សាយថា ប៉ូលីសអង់គ្លេស មានស្តង់ដារចំនួនពីរ ដោយពួកគេមានភាពតឹងរ៉ឹងខ្លាំងលើបាតុករស្តាំនិយម ប៉ុន្តែផ្តល់ភាពងាយស្រួលចំពោះបាតុករគាំទ្រប៉ាឡេស្ទីន។

ចំពោះការលើកឡើងរបស់លោកស្រី Suella បែបនេះ បានធ្វើឱ្យគណបក្សប្រឆាំងធំបំផុត Labour Party យល់ថាលោកស្រីមានចេតនាបញ្ឆេះកំហឹង ហើយធ្វើឲ្យកាន់តែមានភាពតានតឹងខ្លាំងឡើង រវាងក្រុមបាតុករគាំទ្រប៉ាឡេស្ទីន និងបាតុករស្តាំនិយមកាលពីថ្ងៃសៅរ៍ចុងសប្តាហ៍មុនកន្លងទៅ នៅពេលដែលមនុស្សជិត ១៥០ នាក់ត្រូវបានចាប់ខ្លួន។

បើតាមការចុះផ្សាយពីសារព័ត៌មានក្នុងស្រុក Downing Street បានបញ្ជាក់ថា លោក James Cleverly ដែលជាអតីតរដ្ឋមន្ត្រីការបរទេស នឹងត្រូវចូលកាន់តំណែងបន្តពីលោកស្រី Braverman ជារដ្ឋមន្ត្រីក្រសួងមហាផ្ទៃជំនួសវិញ៕

The post បាត់មុខពីឆាកនយោបាយ ៧ឆ្នាំ អតីតនាយករដ្ឋមន្ត្រីអង់គ្លេសមួយរូប ទទួលបានតំណែងជារដ្ឋមន្ត្រីការបរទេសថ្មី appeared first on .

ក្នុងដំណើរទស្សនកិច្ចទៅកាន់ប្រទេសនៅតំបន់មជ្ឈិមបូព៌ា នាយករដ្ឋមន្ត្រីអង់គ្លេស នឹងចូលរួម​រំលែកទុក្ខទៅកាន់ក្រុមគ្រួសារ ដែលបាត់បង់ជីវិតនៅអ៊ីស្រាអែល និងតំបន់ Gaza ក៏ដូចជាធ្វើការ​ព្រមានពីការខូចខាតកាន់តែខ្លាំង ដែលបង្កឡើងដោយសង្គ្រាម។

“រាល់ការស្លាប់របស់ប្រជាជនទាំងអស់ គឺជារឿងដែលគួរឲ្យសោកស្ដាយបំផុត។ មានមនុស្សច្រើនណាស់ ដែលបាត់បង់ជីវិត ដោយសារតែអំពើភារវកម្មរបស់ក្រុមឧទ្ទាមហាម៉ាស”។ នេះបើតាមសម្ដីរបស់លោក Sunak បាននិយាយ មុនពេលចាកចេញទៅកាន់ប្រទេសអ៊ីស្រាអែល។

បន្ថែមពីនោះ លោក Sunak ក៏បានអំពាវនាវឲ្យមានការបើកច្រករបៀងមនុស្សធម៌ ឲ្យបានឆាប់រហ័ស ដើម្បីផ្ដល់ជំនួយទៅកាន់ប្រជាជននៅតំបន់ Gaza ឲ្យលឿនបំផុតតាមដែលអាចធ្វើទៅបាន៕

The post នាយករដ្ឋមន្ត្រីអង់គ្លេស នឹងធ្វើដំណើរទៅដល់អ៊ីស្រាអែលនាថ្ងៃនេះ appeared first on .

យោងតាមការចុះផ្សាយពីគេហទំព័រ Telegraph បានបង្ហាញថា លោក Sunak ចង់អញ្ជើញ​ស្ថាបនិកក្រុមហ៊ុន SpaceX រួមទាំងស្ថាបនិកក្រុមហ៊ុន Amazon ជាភ្ញៀវកិត្តិយសពិសេស ក្នុងកិច្ចប្រជុំ Global Investment ដែលគ្រោងរៀបចំធ្វើនៅខែវិច្ឆិកា ឆ្នាំនេះ។

ប្រភពដដែលបន្ថែមថា ការអញ្ជើញមហាសេដ្ឋីមានបំផុតប្រចាំអាមេរិកទាំង ២រូបនេះ គឺដើម្បីបង្ហាញពីសក្ដានុពល ដែលអង់គ្លេសកំពុងមាន ក៏ដូចជាចង់អូសទាញការវិនិយោគបន្ថែម​ពីធុរកិច្ចជន​កំពូលៗនានាទូទាំងពិភពលោកផងដែរ។

សូមជម្រាបដែរថា អ្នកនាំពាក្យក្រសួងពាណិជ្ជកម្ម បានបដិសេធមិនបញ្ជាក់ពីការអញ្ជើញ Elon Musk ឡើយ ប៉ុន្តែបាននិយាយថា CEO ប្រហែល ២០០នាក់ និង វិនិយោគិនលំដាប់ A ត្រូវបានទាក់ទង ដោយរដ្ឋាភិបាលផ្ទាល់ សម្រាប់កិច្ចប្រជុំ Global Investment នាឆ្នាំនេះ៕

The post នាយករដ្ឋមន្ត្រីអង់គ្លេស គ្រោងអញ្ជើញមហាសេដ្ឋីអាមេរិក ២រូប ចូលរួមកិច្ចប្រជុំនាចុងឆ្នាំនេះ appeared first on .

ប្រភពដដែលបន្ថែមថា អំឡុងពេលនៅចក្រភពអង់គ្លេស មេដឹកនាំសហរដ្ឋអាមេរិក​បានចូលគាល់​ព្រះមហាក្សត្រ King Charles III និងនាយករដ្ឋមន្ត្រី Rishi Sunak ដើម្បី​ជជែកគ្នា​ ពីកិច្ចសហប្រតិបត្តិការ និងពង្រឹងទំនាក់ទំនង​ទ្វេភាគី ជាមួយអង់គ្លេស។

បន្ថែមពីនោះ ព្រះមហាក្សត្រអង់គ្លេស និង​ប្រធានាធិបតី ចូ បៃដិន ក៏បានពិភាក្សាគ្នាអំពី​បញ្ហា​បម្រែបម្រួលអាកាសធាតុ ហើយនេះក៏ជា​ការជួបគ្នាលើកដំបូង​រវាង​មេដឹកនាំអាមេរិក និង​ស្ដេច King Charles III តាំងពីទ្រង់ឡើងគ្រងរាជ្យផងដែរ។

សូមជម្រាបដែរថា សារនេះក៏ជាការជួបគ្នាលើកទី ០៥ រវាង​ប្រធានាធិបតី ចូ បៃដិន និង​នាយករដ្ឋមន្ត្រីអង់គ្លេស Rishi Sunak ផងដែរ ក្នុង​រយៈពេលប៉ុន្មានខែចុងក្រោយនេះ៕

The post ប្រធានាធិបតីអាមេរិក បំពេញទស្សនកិច្ចទៅអង់គ្លេស មុនចូលរួមកិច្ចប្រជុំកំពូលណាតូ appeared first on .

យោងតាមការចុះផ្សាយពី Kelo បានបង្ហាញថា សម្រាប់កិច្ចប្រជុំរយៈពេល ២ថ្ងៃ ធ្វើឡើងនៅ​ទីក្រុងឡុងដ៍ ក៏នឹងមានវត្តមានរបស់​ប្រធានាធិបតីអ៊ុយក្រែន Volodymyr Zelenskyy ចូលរួម​តាមរយៈ​អនឡាញផងដែរ។

“ភាពអង់អាចក្លាហានរបស់អ៊ុយក្រែន លើសមរភូមិ ក៏ត្រូវតែមានការជួយជ្រោមជ្រែងពី​វិស័យឯកជន​ផងដែរ ដើម្បីអោយប្រទេសមួយនេះអាចស្ដារ​សេដ្ឋកិច្ច​របស់ពួកគេឡើងវិញ”។ នេះបើតាម​សម្ដី​របស់​លោក Sunak បាននិយាយ។

នាយករដ្ឋមន្ត្រីអង់គ្លេសបន្ថែមថា៖ “នៅពេលដែលអ៊ុយក្រែន​ចាប់ផ្ដើម​មាន​ស្ថានភាពហិរញ្ញវត្តុរឹងមាំ ជាមួយនឹង​បច្ចេកវិទ្យាជឿនលឿន ពួកគេ​នឹង​អាច​បញ្ឈប់ការឈ្លានពាន​របស់​រុស្ស៊ីកាន់តែឆាប់រហ័សដូចគ្នា”៕

The post នាយករដ្ឋមន្ត្រីអង់គ្លេស គ្រោងអំពាវនាវឲ្យក្រុមហ៊ុននានា ទៅបណ្ដាក់ទុននៅអ៊ុយក្រែនវិញ appeared first on .

យោងតាមការចុះផ្សាយពី Kelo បាន​បង្ហាញថា កាលពីចុងសប្ដាហ៍មុន លោក Zelenskyy បាន​ជួបជាមួយ​ថ្នាក់ដឹកនាំ​អាល្លឺម៉ង់ និងបារាំង ក៏ដូចជារដ្ឋមន្ត្រីអ៊ីតាលីមួយចំនួន ក្នុងការ​ស្វែងរក​ជំនួយ​ទាំងផ្នែកសព្វាវុធ និង​ហិរញ្ញវត្ថុ​សម្រាប់​ប្រទេសអ៊ុយក្រែន។

“ចក្រភពអង់គ្លេសគឺជាអ្នកដឹកនាំនៅពេលនិយាយអំពីការពង្រីកសមត្ថភាពរបស់យើងនៅលើដី និងនៅលើអាកាស។ កិច្ចសហប្រតិបត្តិការនេះនឹងបន្តនៅថ្ងៃនេះ។ ខ្ញុំនឹងជួបជាមួយមិត្តសម្លាញ់ Rishi ហើយយើង​នឹង​មានការ​ចរចា​សំខាន់ៗ​ទល់​មុខ​គ្នា”។ នេះបើតាមការបង្ហោះសារ​របស់​ប្រធានាធិបតីអ៊ុយក្រែន។

សូមជម្រាបដែរថា កាលពីសប្តាហ៍មុន ចក្រភពអង់គ្លេសបានក្លាយជាប្រទេសដំបូងគេដែលចាប់ផ្តើមផ្គត់ផ្គង់អ៊ុយក្រែនជាមួយនឹងកាំជ្រួចមីស៊ីលរយៈចម្ងាយឆ្ងាយ ដែលនឹងអនុញ្ញាតឱ្យកងកម្លាំងរបស់ខ្លួនវាយប្រហារលើកងទ័ពរុស្ស៊ី៕

The post ប្រធានាធិបតីអ៊ុយក្រែន នឹងធ្វើដំណើរទៅអង់គ្លេសជួបជាមួយនាយករដ្ឋមន្ត្រី Rishi Sunak appeared first on .