បើតាមសេចក្តីប្រកាសព័ត៌មានរបស់ក្រុមហ៊ុន RGPPSEZ កាលថ្ងៃទី២៤ ខែមីនា ឆ្នាំ២០២៦ បានឱ្យដឹងថា នៅឆ្នាំ២០២៥ ក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក ដែលជាក្រុមហ៊ុនអភិវឌ្ឍ RGPPSEZ បានសម្រេចលទ្ធផលហិរញ្ញវត្ថុដ៏រឹងមាំ ដែលឆ្លុះបញ្ចាំងពីប្រសិទ្ធភាពប្រតិបត្តិការ និងភាពធន់របស់ខ្លួន នៅក្នុងបរិយាកាសសេដ្ឋកិច្ច ដែលមានការប្រែប្រួលជាប្រចាំ។ ក្រុមហ៊ុនបានកត់ត្រាចំណូលសរុបចំនួនទឹកប្រាក់ ៤១,២ លានដុល្លារអាមេរិក និងប្រាក់ចំណេញសុទ្ធចំនួន ៨,១លានដុល្លារអាមេរិក ដែលស្មើនឹងអត្រា ផលចំណេញសុទ្ធ១៩,៧% ដ៏ល្អប្រសើរ។

សកម្មភាពពាណិជ្ជកម្មនៅក្នុងតំបន់សេដ្ឋកិច្ចពិសេស ក៏បានបញ្ជាក់ពីកំណើនគួរឱ្យចាប់អារម្មណ៍ផងដែរ ដែលបង្ហាញពីការកើនឡើងនៃទំនុកចិត្តរបស់វិនិយោគិន និងការពង្រីកប្រតិបត្តិការឧស្សាហកម្ម។ ជាក់ស្ដែង តម្លៃនាំចេញបានកើនឡើងគួរឱ្យកត់សម្គាល់ ពីចំនួនទឹកប្រាក់ ២៨៥,៨៧លានដុល្លារអាមេរិក ក្នុងខែមករា និងខែកុម្ភៈ ឆ្នាំ២០២៥ ដល់ទៅ ៣២៥,៣៦លានដុល្លារអាមេរិក ក្នុងអំឡុងពេលដូចគ្នាក្នុងឆ្នាំ២០២៦ ដែលជាការកើនឡើង១៣,៨%។ និន្នាការកើនឡើងនេះឆ្លុះបញ្ចាំងពីការពង្រីកសមត្ថភាពផលិតកម្មជាបន្តបន្ទាប់ និងការពង្រឹងសកម្មភាពខ្សែសង្វាក់ផ្គត់ផ្គង់នៅក្នុងតំបន់។

RGPPSEZ នៅតែជាអ្នករួមចំណែកដ៏សំខាន់មួយ ចំពោះការបង្កើតឱកាសការងារ និងការអភិវឌ្ឍសេដ្ឋកិច្ចសង្គម នៅក្នុងប្រទេសកម្ពុជា។ គិតត្រឹមខែកុម្ភៈ ឆ្នាំ២០២៦ តំបន់សេដ្ឋកិច្ចពិសេសនេះ ផ្ដល់ឱកាសការងារដល់កម្មករ កម្មការិនីចំនួន ៥៥ ៩៣៥នាក់ ដែលគាំទ្រដល់ជីវភាពរស់នៅ និងរួមចំណែកដល់ការអភិវឌ្ឍកម្លាំងពលកម្មជំនាញ៕

The post តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ របស់អ្នកឧកញ៉ា គិត ម៉េង ទទួលបានចំណូលសរុប ៤១,២លានដុល្លារ ក្នុងឆ្នាំ២០២៥ appeared first on .

ក្រុមហ៊ុន បានបង្ហាញសារបែបនេះថា ពីក្រុមការងារទាំងអស់នៃក្រុមហ៊ុន រ៉ូយ៉ាល់ គ្រុប ពិតជាមានមោទនភាព ក្នុងការឈរក្រោមថ្នាក់ដឹកនាំខ្មែរដ៏ឆ្នើម ដែលស្គាល់នូវគុណតម្លៃ និងព្រលឹងជាតិខ្មែរយ៉ាងពិតប្រាកដ។ 

ការខិតខំប្រឹងប្រែង ចក្ខុវិស័យ និងចិត្តដ៏ក្លាហានរបស់អ្នកឧកញ៉ា បន្តជាកម្លាំងចិត្តដ៏ក្លៀវក្លាសម្រាប់យើងទាំងអស់គ្នា។ សូមអរគុណយ៉ាងជ្រោលជ្រៅ ចំពោះអ្នកឧកញ៉ា ដែលជានិច្ចជាកាលតែងបង្ហាញឱ្យយើងឃើញថាអ្វីៗអាចក្លាយជាការពិត នៅពេលយើងមានថ្នាក់ដឹកនាំដែលមានគោលបំណងច្បាស់លាស់។  

យើងខ្ញុំសូមជូនពរក្នុងថ្ងៃដ៏វិសេសនេះ ឱ្យអ្នកឧកញ៉ាមានសុខភាពល្អ កម្លាំងមាំមួន និងជោគជ័យគ្រប់ភារកិច្ច ដើម្បីបន្តដឹកនាំក្រុមហ៊ុនឱ្យកាន់តែរីកចម្រើន និងឆ្ពោះទៅមុខ។ ដោយក្តីគោរពពីក្រុមគ្រួសារ រ៉ូយ៉ាល់ គ្រុប។

សូមជម្រាបថា សម្ព័ន្ធក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង ជាក្រុមហ៊ុនពហុវិស័យ ដែលមានបុត្រសម្ព័ន្ធជាច្រើន រួមមានដូចជា ធនាគារ Wing, ធនាគារ J Trust Royal, ក្រុមហ៊ុនទូរទស្សន៍ CBS, សណ្ឋាគារ កាំបូឌីយ៉ាណា, ក្រុមហ៊ុនទូរស័ព្ទដៃ Cellcard, ក្រុមហ៊ុនអ៊ិនធើណិត Ezecom, តំបន់សេដ្ឋកិច្ចពិសេស ភ្នំពេញ កណ្តាល និងប៉ោយប៉ែត, ក្រុមហ៊ុន Helicopters Cambodia, ក្រុមហ៊ុន រថភ្លើង រ៉ូយ៉ាល់ រេលវ៉េ, សាលារៀន SouthBridge និងសាលារៀន Northbridge International រួមទាំងក្រុមហ៊ុនសំខាន់ៗជាច្រើនទៀតផងដែរ៕

The post ក្រុមហ៊ុន រ៉ូយ៉ាល់ គ្រុប ជូនពរថ្ងៃខួបកំណើត អ្នកឧកញ៉ា គិត ម៉េង ប្រធានក្រុមប្រឹក្សាភិបាល និងជាអគ្គនាយកប្រតិបត្តិ appeared first on .

ជាមួយគ្នានេះ ក្រុមហ៊ុនសូមអំពាវដល់បងប្អូនជនជាតិខ្មែរទាំងនៅក្នុង និងក្រៅប្រទេស ចូលរួមជាមួយគ្នា ដោយបរិច្ចាគទឹកចិត្តទាំងជាសម្ភារៈ និងថវិកា។ សម្ភារៈដែលកំពុងត្រូវការយ៉ាងខ្លាំង រួមមាន៖ ១.អាហារ៖ អាហារកំប៉ុង អាហារស្ងួត មីកញ្ចប់ អង្ករ ទឹកបរិសុទ្ធ, ២.សម្ភារៈស្នាក់នៅ៖ តង់ ភួយ កន្សែង អាវភ្លៀង, ៣.សុខភាព និងអនាម័យ៖ ឧបករណ៍សង្គ្រោះបឋម ក្រដាសអនាម័យ សាប៊ូ, ៤.អគ្គិសនី៖ Powerbank ខ្សែសាក ព្រីភ្លើង ពិល។

“សាមគ្គីជាកម្លាំង ដើម្បីកម្ពុជា!” សូមរួមគ្នាជាជាតិមួយ គ្រួសារមួយ ដើម្បីជួយសង្រ្គោះ និងស្ដារការរស់នៅរបស់ប្រជាជនយើងឡើងវិញ។

សូមជម្រាបថា អ្នកឧកញ៉ា គិត ម៉េង ប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់ គ្រុប, ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា កន្លងមកក៏បានបង្កើត «មូលនិធិCTNទ្រទ្រង់កងទ័ពនិងជនភៀសសឹក» ដើម្បីជួយទ្រទ្រង់ដល់វីរៈកងទ័ពកម្ពុជា ដែលកំពុងឈរជើងយ៉ាងស្វាហាប់ ក្នុងការពារដែនអធិបតេយ្យភាព និងជនភៀសសឹកផងដែរ៕

The post ក្រុមហ៊ុន Royal Group អ្នកឧកញ៉ា គិត ម៉េង បើកយុទ្ធនាការ “មូលនិធិទ្រទ្រង់ជនភៀសសឹក” ជួយដល់គ្រួសារខ្មែរដែលបានជម្លៀសចេញពីលំនៅឋាន appeared first on .

ប្រាក់ចំណូលប្រចាំត្រីមាស បានកើនឡើងដល់ទៅ ៥១២% ពីមួយឆ្នាំទៅមួយឆ្នាំ គិតជាប្រាក់ដល់ ២៤,៩ លានដុល្លារអាម៉េរិក ពី ១៨,៧ លានដុល្លារអាម៉េរិក។ នេះបើយោងតាមឯកសាររបស់ក្រុមហ៊ុនបានរាយការណ៍ជូនទៅកាន់ផ្សារមូលបត្រកម្ពុជា (CSX) កាលពីថ្ងៃព្រហស្បតិ៍ ទី៨ ខែឧសភា ម្សិលមិញនេះ។

“ការលក់សម្រាប់ត្រីមាសបច្ចុប្បន្ន គឺខ្ពស់ជាងគួរឱ្យកត់សម្គាល់បើប្រៀបធៀបទៅនឹងត្រីមាសដូចគ្នា កាលពីឆ្នាំមុន ដែលបណ្តាលឱ្យមានការកើនឡើងយ៉ាងខ្លាំងនៃការលក់ និងប្រាក់ចំណេញសុទ្ធ។ នេះភាគច្រើនដោយសារតែការលក់ដីធ្លីកើនឡើង បើធៀបនឹងត្រីមាសឆ្នាំមុន”។ របាយការណ៍ក្រុមហ៊ុន បានបញ្ជាក់។

សូមជម្រាបថា អាជីវកម្មស្នូលរបស់ក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត គឺពាក់ព័ន្ធនឹងការបង្កើត អភិវឌ្ឍ និងប្រតិបត្តិការតំបន់សេដ្ឋកិច្ចពិសេស លើផ្ទៃដីប្រមាណ ៣៥៧ ហិកតា ក្នុងរាជធានីភ្នំពេញ ដែលមានក្រុមហ៊ុនបរទេសចំនួន ៩០ មកពី ១៤ ប្រទេស។ ក្រុមហ៊ុននេះ ក៏កាន់កាប់ទាំងស្រុងនូវក្រុមហ៊ុន Royal Group Kandal SEZ Co Ltd និង Royal Group Poipet SEZ Co Ltd. ផងដែរ៕

The post តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ របស់អ្នកឧកញ៉ា គិត ម៉េង ទទួលបានប្រាក់ចំណេញសុទ្ធ ៨,៤លានដុល្លារ ក្នុងត្រីមាសទី១ ឆ្នាំ២០២៥ កើនឡើង ៥៣ដងធៀបឆ្នាំមុន appeared first on .

តាមការបង្ហើប​ឱ្យដឹងពី​ក្រុមហ៊ុន រ៉ូយ៉ាល់ រេលវេ ខេមបូឌា ​កាលពី​ថ្ងៃទី២៦ ខែកញ្ញា ឆ្នាំ២០២៤ ​បាន​ឱ្យដឹងថា បច្ចុប្បន្ន​ក្បាល​រថភ្លើង​ល្បឿនលឿន​ម៉ាក Kiha 183 Heavy Snow ព្រមទាំង​ទូរ​ដឹក​អ្នកដំណើរ ដែល​ភ្ជាប់​មក​ជាមួយ​កៅអី​​ផាសុកភាព និង​សម្ភារៈ​ប្រណិតៗ បាន​រៀបចំ​រួចរាល់​អស់​ហើយ។ ក្រុមហ៊ុន បាន​បង្ហើប​ឱ្យដឹង​ទៀត​ថា រថភ្លើងល្បឿន​លឿន​នេះ នឹង​អាច​​ដាក់​ឱ្យ​ដំណើរការ​​ក្នុង​ឱកាស​ពិធីបុណ្យ​ភ្ជុំបិណ្ឌ​នេះ ខណៈ​ដែល​តម្លៃ​សំបុត្រ​ធូរថ្លៃសមរម្យ ដោយ​ភ្នំពេញ ទៅ​ព្រះសីហនុ តម្លៃ ១០ដុល្លារ និង​ភ្នំពេញ ទៅ​ប៉ោយប៉ែត ត្រឹម​តែ ១៥ដុល្លារ​ប៉ុណ្ណោះ។

សូមជម្រាបថា ក្រុមហ៊ុន រ៉ូយ៉ាល់ រេលវេ ខេមបូឌា បានទិញ​ក្បាល​​ម៉ាស៊ីន​រថភ្លើង​ល្បឿនលឿន​ចំនួន ១១​គ្រឿង ពី​ប្រទេស​ជប៉ុន ដោយបាន​ដឹក​តាម​កប៉ាល់​ពី​តំបន់​ហុកកៃដូ ​​កាលពីថ្ងៃទី១៥ ខែមេសា ឆ្នាំ២០២៤ និងបាន​មក​ដល់​កំពង់ផែ​ក្រុងព្រះសីហនុ កាលថ្ងៃទី២៧ ខែមេសា ឆ្នាំ២០២៤ ព្រម​ទាំង​បាន​រៀបចំ​អស់​រយៈពេល​ជា​ច្រើន​ខែ​មក​ហើយ ដើម្បី​ត្រៀម​​ដំណើរការ​ជាផ្លូវការ។ រថភ្លើង​ដឹក​អ្នកដំណើរ​ម៉ាក ​Kiha 182 Heavy Snow ​ត្រូវបាន​គេ​ដឹង​ថា អាច​រត់​បាន​ល្បឿន​ដល់ ១១០គីឡូម៉ែត្រ​ក្នុង​មួយ​ម៉ោង៕

The post ក្រុមហ៊ុន រ៉ូយ៉ាល់ រេលវេ របស់អ្នកឧកញ៉ា គិត ម៉េង ត្រៀមដាក់ដំណើរការរថភ្លើងល្បឿនលឿន នៅអំឡុងពេលបុណ្យភ្ជុំបិណ្ឌនេះ appeared first on .

បន្ទាប់ពី​ការ​ប្រកាស​បង្កើត​មូលនិធិខាងលើនេះឡើង មានសប្បុរសជនពីគ្រប់មជ្ឈដ្ឋាន​បានបរិច្ចាគថវិកា​ជា​ហូរហែរ​ រួមមានទាំង​ ប្រជាពលរដ្ឋខ្មែរទាំងក្នុងនិងក្រៅប្រទេស មន្ត្រីរាជការ កងកម្លាំងប្រដាប់អាវុធ ថ្នាក់ដឹកនាំតាមក្រសួង ស្ថាប័ន ព្រមទាំង​ លោក​អ្នកឧកញ៉ា អ្នកឧកញ៉ា និងឧកញ៉ាៗ វិស័យឯកជន​ជា​ច្រើន​ផងដែរ។ ជាមួយគ្នានេះ គិតនៅត្រឹម​ថ្ងៃទី២៧ ខែសីហា ឆ្នាំ២០២៤ គេឃើញមានក្រុមហ៊ុនយក្សធំៗចំនួន ៥ ដែលមានស្ថាបនិក​សុទ្ធ​សឹងតែជាជនជាតិខ្មែរ បានចូលរួមបរិច្ចាគថវិកាច្រើនជាងគេ រួមមាន៖

១. ក្រុមហ៊ុន ជីប ម៉ុង គ្រុប ដែលមាន លោកអ្នកឧកញ៉ា ភាព ហៀក លោកអ្នកឧកញ៉ា លាង ឃុន និងអ្នកឧកញ៉ា លាង ម៉េង ជាសហស្ថាបនិក បានបរិច្ចាគចំនួន ១លានដុល្លារអាមេរិក

២. ក្រុមហ៊ុន រ៉ូយ៉ាល់ គ្រុប ដែលមាន អ្នកឧកញ៉ា គិត ម៉េង ជាប្រធានក្រុមប្រឹក្សាភិបាល និងលោកជំទាវ​អ្នកឧកញ៉ា ម៉ៅ ចំណាន ជាអនុប្រធានក្រុមប្រឹក្សាភិបាល បានបរិច្ចាគចំនួន ១លានដុល្លារអាមេរិក

៣. ក្រុមហ៊ុន ទ្រីភាព គ្រុប ដែលមាន លោកអ្នកឧកញ៉ា ទ្រី ភាព ជាអគ្គនាយក​ក្រុមហ៊ុន និងអ្នកឧកញ៉ា គៀន ស្រីនាង បានចូលរួមបរិច្ចាគចំនួន ១លាន២សែនដុល្លារអាមេរិក

៤. ក្រុមហ៊ុន អិលវ៉ាយភី គ្រុប ដែលមាន លោកអ្នកឧកញ៉ា លី យ៉ុងផាត់ ជាប្រធានក្រុមប្រឹក្សាភិបាល និងលោកជំទាវអ្នកឧកញ៉ា គីម ហ៊ាង បានចូលរួមបរិច្ចាគចំនួន ១លានដុល្លារអាមេរិក

៥. ក្រុមហ៊ុន អូស៊ីអាយស៊ី (OCIC) ដែលមាន លោកអ្នកឧកញ៉ា ពុង ឃាវសែ ជាប្រធានក្រុមប្រឹក្សាភិបាល បានចូលរួមបរិច្ចាគចំនួន ១លានដុល្លារអាមេរិក

ទោះយ៉ាងណា គេរំពឹងថា​នឹងមាន​ក្រុមហ៊ុនធំៗ​ជាបន្តបន្ទាប់​ទៀត នឹងចូលរួម​បរិច្ចាគថវិកាក្នុង “មូលនិធិកសាង​ហេដ្ឋា​រចនា​សម្ព័ន្ធតាមព្រំដែន” ដើម្បីចូលរួមក្នុងការជំរុញការអភិវឌ្ឍនៅតាមតំបន់ព្រំដែន ឱ្យបានកាន់តែរឹងមាំ និងប្រកបដោយចីរភាព។

សម្រាប់លោកអ្នកចង់ចូលរួមតាមរយៈសាច់ប្រាក់ គឺអាចចូលរួមតាម លោក សេង ទៀង នាយករងខុទ្ទកាល័យ សម្តេច​ធិបតីនាយករដ្ឋមន្ត្រី ទូរស័ព្ទលេខ 012 961 971តាមរយៈទីតាំងនៅទីស្តីការគណៈរដ្ឋមន្ត្រី “អគារជាប់​ផ្លូវកម្ពុជា​​ក្រោម បន្ទប់លេខ ២០៦ ជាន់ទី២” ឬអាចបរិច្ចាគតាមរយៈគណនីធនាគារឈ្មោះ៖ «Foundation for Border Infrastructure Development»៕

The post ក្រុមហ៊ុនខ្នាតយក្ស ៥ បរិច្ចាគច្រើនជាងគេ ក្នុងមូលនិធិកសាងហេដ្ឋារចនាសម្ព័ន្ធតាមព្រំដែន appeared first on .

ការចូលរួមបរិច្ចាគថវិការបស់ អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន តបតាមការ​ប្រកាសរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា សម្រេចបង្កើត «មូលនិធិកសាង​ហេដ្ឋា​រចនាសម្ព័ន្ធតាមព្រំដែន» ក្នុងគោលបំណងដើម្បី​កៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធ​នានា នៅតាមបណ្តោយព្រំដែន ព្រមទាំងបានផ្តល់ឱកាស​ឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅ​ប្រទេស បានចូលរួមចំណែកដោយផ្ទាល់ជាមួយ រាជរដ្ឋាភិបាល​នៅក្នុងបុព្វហេតុការពារ និងអភិវឌ្ឍជាតិ ក្នុងស្មារតី​មហាសាមគ្គីជាតិខ្មែរ ដើម្បីថែរក្សា សុខ​សន្តិភាព អធិបតេយ្យ និងបូរណភាពទឹកដី ក៏ដូចជាការ​ជំរុញ​ការអភិវឌ្ឍ នៅតាមតំបន់ព្រំដែនឱ្យ​បានកាន់តែ​រឹងមាំ និងប្រកបដោយចីរភាព។

យោងតាមការជូនដំណឹងរបស់ខុទ្ធកាល័យសម្តេចធិបតី ហ៊ុន ម៉ាណែត នាព្រឹកថ្ងៃទី២៦ ខែសីហា ឆ្នាំ២០២៤ បានឱ្យដឹងថា ការបង្កើតមូលនិធិកសាងហេដ្ឋារចនាសម្ព័ន្ធតាមព្រំដែន ធ្វើឡើងក្នុងគោលបំណងដើម្បីកៀរគរ​ថវិកា​បន្ថែម សម្រាប់ កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ព្រមទាំងបានផ្តល់ឱកាសឱ្យ​ប្រជាពលរដ្ឋ​ខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជរដ្ឋាភិបាល​នៅក្នុងបុព្វហេតុរួមគ្នាកសាងនិងការពារមាតុភូមិរបស់យើង។

ជាមួយនឹងការជូនដំណឹងនេះ សម្តេចធិបតី ហ៊ុន ម៉ាណែត ក៏បានអំពាវនាវដល់បងប្អូនប្រជាពលរដ្ឋខ្មែរទាំង​ក្នុងនិង​ក្រៅប្រទេស មេត្តាចូលរួមបរិច្ចាគវិភាគទានឱ្យបានផុលផុសតាមការស្ម័គ្រចិត្តក្នុង «មូលនិធិកសាង​ហេដ្ឋារចនាសម្ព័ន្ធ​តាមព្រំដែន» សំដៅរួមគ្នាក្នុងធ្លុងមហាសាមគ្គីជាតិខ្មែរដើម្បីថែរក្សាសុខសន្តិភាព អធិបតេយ្យ​ភាពជាតិ និងបូរណភាពទឹកដី ក៏ដូចជាការជំរុញការអភិវឌ្ឍតាមតំបន់ព្រំដែនឱ្យបានកាន់តែរឹងមាំ និងប្រកប​ដោយ​ចីរភាព។

សម្រាប់ការចង់ចូលរួមតាមរយៈសាច់ប្រាក់ គឺចូលរួមតាម លោក សេង ទៀង នាយករងខុទ្ទកាល័យ សម្តេច​ធិបតីនាយករដ្ឋមន្ត្រី ទូរស័ព្ទលេខ 012 961 971។ ទីតាំង៖ នៅទីស្តីការគណៈរដ្ឋមន្ត្រី “អគារជាប់​ផ្លូវកម្ពុជា​​ក្រោម បន្ទប់លេខ ២០៦ ជាន់ទី២” ឬអាចបរិច្ចាគតាមរយៈគណនីធនាគារឈ្មោះ៖ «Foundation for Border Infrastructure Development»៕

The post អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន បរិច្ចាគថវិកា១លានដុល្លារ ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» appeared first on .

ពិធីប្រកាសបើកប្រតិបត្តិការ​ជើងហោះហើរ Private Jets ថ្មីនេះ មានការអញ្ជើញចូលរួមពីសំណាក់ លោកអ្នកឧកញ៉ា អ្នកឧកញ៉ា និងឧកញ៉ាៗជាច្រើនរួមមាន៖ លោកអ្នកឧកញ៉ា លី ហួរ, អ្នកឧកញ៉ា ម៉ៅ ចំណាន, អ្នកឧកញ៉ា ឡាវ កាង, អ្នកឧកញ៉ា ជាម ឃុនណាត, អ្នកឧកញ៉ា លី ឃុនថៃ, អ្នកឧកញ៉ា តេង, ឧកញ៉ា កែវ មុំ, ឧកញ៉ា គួច ផេង, ឧកញ៉ា នួន ពេជ្រសុផល ព្រមទាំងអភិវជន ភ្ញៀវជាតិ និងអន្តរជាតិ ជាច្រើនរូបទៀត។

គួរបញ្ជាក់ថា ក្រុមហ៊ុនអាកាសចរណ៍ CamJets Royal Group បើកប្រតិបត្តិការជើងហោះហើរ​របស់​ខ្លួន​នាពេលនេះ​ គឺជា​ការផ្ដល់នូវជម្រើសសម្បូរបែបជូនធុរជន ភ្ញៀវទេសចរ ដែលត្រូវការសេវាកម្មកម្រិតខ្ពស់ សម្រាប់​ការធ្វើដំណើរ​បែប Private Jets និងជាការចូលរួមលើកកម្ពស់វិស័យអាកាសចរណ៍កម្ពុជា ឱ្យកាន់តែមានសន្ទុះ​កើន​ឡើង​មួយកម្រិតទៀត៕

The post លោកអ្នកឧកញ៉ា អ្នកឧកញ៉ា ឧកញ៉ា និងអភិជនណាខ្លះ បង្ហាញខ្លួនថ្ងៃសម្ពោធក្រុមហ៊ុន CamJets Royal Group appeared first on .

ការបើកជើងហោះហើរដំបូងនេះ ក្រុមហ៊ុនអាកាសចរណ៍ CamJets Royal Group បានបើកដំណើរការ​សេវាកម្មដឹកជញ្ជូនតាមផ្លូវអាកាសបែបលក្ខណៈឯកជន Private Jets ជាមួយនឹងការត្រៀមស្វាគមន៍ ដោយ​ផ្ដល់​សេវាកម្មកម្រិតខ្ពស់ជូនអតិថិជន សម្រាប់ការធ្វើដំណើរបែបឯកជនផ្ដាច់មុខ និងដើម្បី​លើកកម្ពស់​វិស័យ​ទេសចរណ៍កម្ពុជាផងដែរ។

ក្រុមហ៊ុនអាកាសចរណ៍ CamJets Royal Group បើកប្រតិបត្តិការជើងហោះហើរ​របស់​ខ្លួន​នាពេលនេះ​ គឺជា​ការផ្ដល់នូវជម្រើសសម្បូរបែបជូនធុរជន ភ្ញៀវទេសចរ ដែលត្រូវការសេវាកម្មកម្រិតខ្ពស់ សម្រាប់ការធ្វើដំណើរ​បែប Private Jets និងជាការចូលរួមលើកកម្ពស់វិស័យអាកាសចរណ៍កម្ពុជា ដែលកំពុងតែស្ទុះឡើង​យ៉ាង​ឆាប់រហ័ស។

គួរបញ្ជាក់ថា យោងតាម​របាយការណ៍រ​ដ្ឋ​លេខា​ធិ​​ការដ្ឋាន​អាកាសចរ​ស៊ីវិល ​(SSCA)​ ក្នុង​ឆ្នាំ​ ២០២៣ កម្ពុជា មាន​ក្រុមហ៊ុន​អាកាសចរណ៍​សរុប​ចំនួន ​៣៣ មាន​កំណើន ២៧ ​ភាគរយ ​បើ​ធៀប​ឆ្នាំ​ ២០២២ មាន​ចំនួន ២៦ ក្នុងនោះ​ក្រុមហ៊ុន​ក្នុងស្រុក​ចំនួន​ ៤ និង​ក្រុមហ៊ុន​ក្រៅ​ស្រុក ២៩។ យ៉ាងណាមិញ នៅឆ្នាំ២០២៥ខាងមុខនេះ វិស័យអាកាស​ចរណ៍កម្ពុជា ត្រូវបានគេ​រំពឹងថា​នឹងមាន​​​កំណើន​ភ្ញៀវទេសចរណ៍​កាន់តែ​ច្រើន​ឡើង​បន្ថែម​ទៀត​​ បន្ទាប់ពី​គម្រោងសាងសង់​អាកាសយានដ្ឋាន​អន្តរជាតិតេជោ តម្លៃសរុប ១,៥០០លានដុល្លារ បើកប្រតិបត្តិការ​ជើងហោះហើរជាផ្លូវការ៕

The post អ្នកឧកញ៉ា មេធំក្រុមហ៊ុន រ៉ូយ៉ាល់ គ្រុប បើកដំណើរការសេវាកម្មដឹកជញ្ជូនអ្នកដំណើរតាមយន្តហោះ Private Jets appeared first on .

បើតាមការបង្ហាញឱ្យដឹង​ពី​ ក្រុមហ៊ុន រ៉ូយ៉ាល់ រេលវេ ខេមបូឌា កាលដើមខែឧសភា ឆ្នាំ២០២៤​នេះ បាន​ឱ្យដឹងថា ក្រុមហ៊ុន​បាន​និងកំពុង​កែសម្រួល​ និងកែលម្អបន្ថែម​នូវ​​រថភ្លើង​ Kiha 182 Heavy Snow ផ្នែកខាងក្នុងដែលជាប្រភេទ First Class Train។ ក្រុមហ៊ុន បាន​ឱ្យដឹង​ទៀត​ថា រថភ្លើង​ល្បឿនលឿន​​នេះ​ ​​នឹងដាក់ដំណើរការឆាប់ៗ លើផ្លូវដែកទាំងពីរខ្សែ​គឺ​៖

១.ខ្សែអ្នក​ដំណើរភាគខាងជើង៖ ភ្នំពេញ-ពោធ៍សាត់, ភ្នំពេញ-មោងឬស្សី, ភ្នំពេញ-បាត់ដំបង, ភ្នំពេញ-សិរីសោភ័ណ និងភ្នំពេញ-ប៉ោយប៉ែត។

២.ខ្សែអ្នកដំណើរភាគខាងត្បូង៖ ភ្នំពេញ-តាកែវ, ភ្នំពេញ-កំពង់ត្រាច, ភ្នំពេញ-កែប, ភ្នំពេញ-កំពត, ភ្នំពេញ-វាលរេញ និងភ្នំពេញ-ក្រុងព្រះសីហនុ។

សូមជម្រាបថា ក្រុមហ៊ុន រ៉ូយ៉ាល់ រេលវេ ខេមបូឌា បានទិញ​ក្បាល​​ម៉ាស៊ីន​រថភ្លើង​ល្បឿនលឿន​ចំនួន ១១​គ្រឿង ពី​ប្រទេស​ជប៉ុន ដោយបាន​ដឹក​តាម​កប៉ាល់​ពី​តំបន់​ហុកកៃដូ ​​កាលពីថ្ងៃទី១៥ ខែមេសា ឆ្នាំ២០២៤ និងបាន​មក​ដល់​កំពង់ផែ​ក្រុងព្រះសីហនុ កាលថ្ងៃទី២៧ ខែមេសា ឆ្នាំ២០២៤។ រថភ្លើង​ដឹក​អ្នកដំណើរ​ម៉ាក ​Kiha 182 Heavy Snow ​ត្រូវបាន​គេ​ដឹង​ថា អាច​រត់​បាន​ល្បឿន​ដល់ ១១០គីឡូម៉ែត្រ​ក្នុង​មួយ​ម៉ោង៕

The post ក្រុមហ៊ុន រ៉ូយ៉ាល់ រេលវេ របស់អ្នកឧកញ៉ា គិត ម៉េង ត្រៀមដាក់ដំណើរការរថភ្លើងល្បឿនលឿនទាំង២ខ្សែ ភ្នំពេញ-ប៉ោយប៉ែត និងភ្នំពេញ-ព្រះសីហនុ ក្នុងពេលឆាប់ៗនេះ appeared first on .