Saudi Aramco

ក្រុមហ៊ុន Shell កំពុងចរចាលក់ស្ថានីយប្រេងនៅម៉ាឡេស៊ី ឲ្យក្រុមហ៊ុន Saudi Aramco

ឧកញ៉ាសំពៅ — Tue, 07 May 2024 07:00:00 +0000

ក្រុមហ៊ុនថាមពលខ្នាតយក្ស Shell គឺកំពុងស្ថិតនៅក្នុងការចរចា ដើម្បីលក់ស្ថានីយប្រេងនៅម៉ាឡេស៊ី ឲ្យក្រុមហ៊ុនប្រេង Saudi Aramco របស់ក្រុមហ៊ុនអារ៉ាប៊ីសាអូឌីត។

យោងតាមការចុះផ្សាយពីសារព័ត៌មាន Reuters បានបង្ហាញថា បច្ចុប្បន្នភាគីទាំងសងខាង គឺកំពុងស្ថិតនៅក្នុងការចរចាគ្នា ក៏ប៉ុន្តែតម្លៃនៃកិច្ចព្រមព្រៀងមួយនេះ អាចនឹងឈានដល់ចំនួន ១ពាន់លានដុល្លារឯណោះ បើសិនជាវាអាចសម្រេចទៅបាន។

គួររំលឹកបន្តិចថា ក្រុមហ៊ុន Shell គឺជាម្ចាស់ស្ថានីយប្រេងចំនួណ ៩៥០កន្លែងនៅប្រទេសម៉ាឡេស៊ី និងជាបណ្ដាញស្ថានីយប្រេងធំបំផុតទី២ នៅក្នុងប្រទេស បន្ទាប់ពីក្រុមហ៊ុន Petronas ដែលគ្រប់គ្រងដោយរដ្ឋាភិបាលម៉ាឡេស៊ីផ្ទាល់។

ជម្រាបបន្ថែមថា កិច្ចព្រមព្រៀងរវាងក្រុមហ៊ុន Shell និងក្រុមហ៊ុន Saudi Aramco មួយនេះ គឺបានជជែកគ្នាតាំងពីចុងឆ្នាំ២០២៣ ខណៈមានក្ដីរំពឹងទុកថា នឹងអាចសម្រេចជាផ្លូវការនាពេលដ៏ខ្លីខាងមុខ ស្របពេលបច្ចុប្បន្ន Saudi Aramco នៅមិនទាន់មានស្ថានីយប្រេងក្នុងប្រទេសម៉ាឡេស៊ីនោះទេ៕

The post ក្រុមហ៊ុន Shell កំពុងចរចាលក់ស្ថានីយប្រេងនៅម៉ាឡេស៊ី ឲ្យក្រុមហ៊ុន Saudi Aramco appeared first on .

មកស្គាល់ក្រុមហ៊ុនមានតម្លៃថ្លៃបំផុតលើលោកទាំង ១០ ខណៈអាមេរិកម៉ៅផ្ដាច់សឹងទាំងអស់

ឧកញ៉ាសំពៅ — Sat, 15 Jul 2023 01:54:00 +0000

កាលពីខែមុន ក្រុមហ៊ុនផលិតទូរស័ព្ទ iPhone គឺ Apple Inc បានឈានដល់ចំណុចខ្ពស់បំផុតមួយគឺ មានមូលធនទីផ្សាររហូតដល់ ៣ទ្រីលានដុល្លារ ប៉ុន្តែគិតត្រឹមថ្ងៃទី ១៤ ខែកក្កដានេះ តម្លៃក្រុមហ៊ុនមួយនេះបានធ្លាក់មកនៅត្រឹម ២,៩៩៦ទ្រីលានដុល្លារវិញ។

បើទោះជាមានការធ្លាក់ចុះបន្តិចមែន ប៉ុន្តែ Apple នៅតែជាក្រុមហ៊ុនដែលមានតម្លៃថ្លៃបំផុតលើលោកដដែល ពោលគឺស៊ីដាច់ក្រុមហ៊ុនធំៗដទៃតែម្ដង។ នេះបើតាមការរបាយការណ៍ផ្ដល់ឲ្យដោយគេហទំព័រ CompaniesMarketcap។

ប្រភពដដែលក៏បានបង្ហាញក្រុមហ៊ុនទាំង ១០ ដែលមានតម្លៃមូលធនទីផ្សារច្រើនបំផុតលើលោកផងដែរ ដោយក្នុងនោះមានក្រុមហ៊ុនអាមេរិករហូតដល់ទៅ ៨ ឯណោះ។

ខាងក្រោមនេះគឺជាបញ្ជីឈ្មោះក្រុមហ៊ុនទាំង ១០ ដែលមានតម្លៃថ្លៃបំផុតលើលោក គិតត្រឹមថ្ងៃទី ១៤ ខែកក្កដា ឆ្នាំ ២០២៣៖

១/ក្រុមហ៊ុនអាមេរិក Apple មានតម្លៃមូលធនទីផ្សារ ២,៩៩៦ទ្រីលានដុល្លារ

២/ក្រុមហ៊ុនអាមេរិក Microsoft មានតម្លៃមូលធនទីផ្សារ ២,៥៤៧ទ្រីលានដុល្លារ

៣/ក្រុមហ៊ុនប្រេងអារ៉ាប៊ីសាអូឌីត Saudi Aramco មានតម្លៃមូលធនទីផ្សារ ២,០៧៧ទ្រីលានដុល្លារ

៤/ក្រុមហ៊ុនអាមេរិក Google មានតម្លៃមូលធនទីផ្សារ ១,៥១៤ទ្រីលានដុល្លារ

៥/ក្រុមហ៊ុនអាមេរិក Amazon មានតម្លៃមូលធនទីផ្សារ ១,៣៧៧ទ្រីលានដុល្លារ

៦/ក្រុមហ៊ុនអាមេរិក NVIDIA មានតម្លៃមូលធនទីផ្សារ ១,១៣៥ទ្រីលានដុល្លារ

៧/ក្រុមហ៊ុនអាមេរិក Tesla មានតម្លៃមូលធនទីផ្សារ ៨៨០,៨ពាន់លានដុល្លារ

៨/ក្រុមហ៊ុនអាមេរិក Meta Platforms មានតម្លៃមូលធនទីផ្សារ ៨០៣,១៨ពាន់លានដុល្លារ

៩/ក្រុមហ៊ុនអាមេរិក Berkshire Hathaway មានតម្លៃមូលធនទីផ្សារ ៧៥០,៨៧ពាន់លានដុល្លារ

១០/ក្រុមហ៊ុនផលិតបន្ទះឈីបតៃវ៉ាន់ TSMC មានតម្លៃមូលធនទីផ្សារ ៥៤៧,៥២ពាន់លានដុល្លារ

សូមជម្រាបដែរថា បច្ចុប្បន្នក្រុមហ៊ុនសរុបទូទាំងពិភពលោកមានប្រមាណ ៧ ៦៦៧ក្រុមហ៊ុន ហើយមូលធនទីផ្សារសរុបគឺមានរហូតដល់ ៩៣,៣០៨ទ្រីលានដុល្លារអាមេរិក៕

The post មកស្គាល់ក្រុមហ៊ុនមានតម្លៃថ្លៃបំផុតលើលោកទាំង ១០ ខណៈអាមេរិកម៉ៅផ្ដាច់សឹងទាំងអស់ appeared first on .

ក្រុមហ៊ុនប្រេងធំបំផុតលើលោក តំឡើងថ្លៃការនាំចេញប្រេងទៅអាស៊ី និងអឺរ៉ុប

ឧកញ៉ាសំពៅ — Fri, 10 Mar 2023 09:41:20 +0000

ក្រុមហ៊ុនប្រេង Saudi Aramco ជាក្រុមហ៊ុនផ្គត់ផ្គង់ប្រេងធំបំផុតលើលោក និងជាក្រុមហ៊ុនមានមូលធនទីផ្សារធំបំផុតលើលោក បានប្រកាសថា ក្រុមហ៊ុនប្រេងនៅអាស៊ីខាងជើងយ៉ាងហោចណាស់ ៤ ក្រុមហ៊ុននឹងចុះកុងត្រាជាមួយខ្លួននាខែមេសាខាងមុខ។

យោងតាមការចុះផ្សាយពី CNA បានបន្ថែមថា ក្រុមហ៊ុនប្រេងធំបំផុតលើលោកនេះ បានតំឡើងថ្លៃប្រេងឆៅ និងមានគម្រោងវាយលុយទីផ្សារអាស៊ីនៅក្នុងខែមេសា ដោយសារតម្រូវការប្រេងនៅអាស៊ីមានការកើនឡើងខ្ពស់។

សូមជម្រាបដែរថា Saudi Aramco បានតំឡើងថ្លៃប្រេងឆៅ ០,៥ ដុល្លារក្នុងមួយបារ៉ែល សម្រាប់ការនាំចេញទៅកាន់តំបន់អាស៊ី និងអឺរ៉ុបនៅខែមេសា ខណៈនេះគឺជាការតំឡើងថ្លៃ ២ ខែផ្ទួនៗ គិតទាំងខែមីនានេះផងដែរ៕

The post ក្រុមហ៊ុនប្រេងធំបំផុតលើលោក តំឡើងថ្លៃការនាំចេញប្រេងទៅអាស៊ី និងអឺរ៉ុប appeared first on .

ក្រុមហ៊ុនប្រេងធំបំផុតលើលោក អួតប្រាក់ចំណេញ ៩ ខែតំបូង បានជាង ១៣០ ពាន់លានដុល្លារ

ឧកញ៉ាសំពៅ — Tue, 01 Nov 2022 09:46:33 +0000

កាលពីថ្ងៃទី ០១ វិច្ឆិកាកន្លងទៅ ក្រុមហ៊ុនប្រេងអារ៉ាប៊ីសាអូឌីត Aramco បានបញ្ចេញទិន្នន័យប្រាក់ចំណេញរយៈពេល ៩ ខែតំបូងនៃឆ្នាំ ២០២២ នេះ ក្នុងទំហំប្រមាណ ១៣០,០៨ ពាន់លានដុល្លារ។

យោងតាមការចុះផ្សាយពី Forbes បានឲ្យដឹងថា ការកើនឡើងនៃប្រាក់ចំណេញរបស់ Aramco ឆ្នាំនេះ គឺកើនប្រហែល ៦៨% បើធៀបនឹងឆ្នាំទៅ ដែលរកបានប្រាក់ចំណេញប្រមាណ ៧៧,៦ ពាន់លានដុល្លារ។

ដោយឡែក សម្រាប់ទិន្នន័យលក់សរុបរយៈពេល ៩ ខែនោះវិញ ស្ដេចប្រេងធំបំផុតលើលោកទម្លាយថា បានលក់ចេញប្រមាណ ៤៧៣,៥ ពាន់លានដុល្លារ កើនឡើងពីឆ្នាំទៅ ៦៨,៧៥%។

សូមជម្រាបដែរថា Aramco គឺជាក្រុមហ៊ុនប្រេងដែលរដ្ឋាភិបាលអារ៉ាប៊ីសាអូឌីតមានភាគហ៊ុនសរុបនៅក្នុងនោះប្រមាណ ៩៤,២% ហើយមិនត្រឹមតែជាប់ឈ្មោះជាក្រុមហ៊ុនប្រេងធំបំផុតលើលោកឡើយ Aramco ក៏ជាក្រុមហ៊ុនមានតម្លៃបំផុតលើលោកទី ២ បន្ទាប់ពី Apple ផងដែរ៕

The post ក្រុមហ៊ុនប្រេងធំបំផុតលើលោក អួតប្រាក់ចំណេញ ៩ ខែតំបូង បានជាង ១៣០ ពាន់លានដុល្លារ appeared first on .

ក្រុមហ៊ុនប្រេងធំបំផុតលើលោក សំងំកើបលុយបានជិត ៥០ ពាន់លានដុល្លារនៅត្រីមាសទី ២

ឧកញ៉ាសំពៅ — Mon, 15 Aug 2022 11:00:00 +0000

វាគឺជាសមិទ្ធផលដ៏គួរឲ្យភ្ញាក់ផ្អើលជាខ្លាំងសម្រាប់ក្រុមហ៊ុនប្រេង Saudi Aramco ដ្បិតគិតត្រឹមពេលនេះ ក្រុមហ៊ុនទទួលបានប្រាក់ចំណេញច្រើនជាងឆ្នាំទៅរហូតដល់ ៩០% និងបានក្លាយជាក្រុមហ៊ុននាំចេញប្រេងធំបំផុតលើលោក តាំងពីចុះបញ្ជីពាណិជ្ជកម្ម ៣ ឆ្នាំមុន។

យោងតាមការចុះផ្សាយពី BBC បានឲ្យដឹងថា គិតត្រឹមត្រីមាសទី ២ នៃឆ្នាំ ២០២២ នេះក្រុមហ៊ុន Aramcoទទួលបានប្រាក់ចំណេញប្រមាណ ៤៨,៤ ពាន់លានដុល្លារ បន្ទាប់ពីការឈ្លានពានរបស់រុស្ស៊ីលើអ៊ុយក្រែន បង្កឲ្យតម្លៃប្រេងមានការឡើងថ្លៃកប់ក្ដោង។

ដោយឡែក Bloomberg ក៏បានចុះផ្សាយទៀតថា ក្រុមហ៊ុនគ្រប់គ្រងដោយរដ្ឋាភិបាលអារ៉ាប៊ីសាអូឌីតគឺ បានក្លាយជាក្រុមហ៊ុនមានប្រាក់ចំណេញប្រចាំត្រីមាសច្រើនបំផុតលើលោក ពោលច្រើនជាងក្រុមហ៊ុននានាដែលបានរាយការណ៍ពីប្រាក់ចំណេញរបស់ពួកគេ។

សូមជម្រាបផងដែរថា Saudi Aramco គឺជាក្រុមហ៊ុនមានមូលធនទីផ្សារធំបំផុតលើលោក បន្ទាប់ពីក្រុមហ៊ុន Apple ខណៈក្រុមហ៊ុនប្រេងអារ៉ាប៊ីសាអូឌីតមានតម្លៃ ២,៣៦៥ ទ្រីលានដុល្លារ ស្របពេល Apple មាន ២,៧៦៥ ទ្រីលានដុល្លារ៕

The post ក្រុមហ៊ុនប្រេងធំបំផុតលើលោក សំងំកើបលុយបានជិត ៥០ ពាន់លានដុល្លារនៅត្រីមាសទី ២ appeared first on .

ក្រុមហ៊ុននៅអាស៊ីមួយជិតតាមទាន់ Apple ជាក្រុមហ៊ុនមានតម្លៃថ្លៃបំផុតលើលោក

ឧកញ៉ាសំពៅ — Tue, 10 May 2022 08:37:03 +0000

កាលពីថ្ងៃទី ០៩ ឧសភាកន្លងទៅ តម្លៃហ៊ុនរបស់ក្រុមហ៊ុនប្រេង Saudi Arabian Oil Co. មានការហក់ឡើងខ្លាំងបំផុតមិនធ្លាប់មាន រហូតធ្វើឲ្យតម្លៃមូលធនទីផ្សាររបស់ក្រុមហ៊ុនមួយនេះ ស្ទើរតែស្មើនឹងក្រុមហ៊ុន Apple ដែលជាក្រុមហ៊ុនមានតម្លៃថ្លៃបំផុតលើលោក។

បច្ចុប្បន្នតម្លៃឥន្ធនៈមានការកើនឡើងខ្លាំង ដែលធ្វើឲ្យភាគហ៊ុននៃក្រុមហ៊ុនប្រេងស្ទើរទូទាំងពិភពលោកសុទ្ធតែមានការកើនឡើង ជាក់ស្ដែងមហាសេដ្ឋីឥណ្ឌា Mukesh Ambani ក៏ទទួលបានផលចំណេញពីការលក់ប្រេងរាប់លានដុល្លារផងដែរកាលពីពេលកន្លងទៅ។

ក្រឡេកមកមើលតម្លៃមូលធនទីផ្សារនៃក្រុមហ៊ុនថ្លៃៗបំផុតលើលោកវិញ គឺ Apple នៅតែបន្តឈរជើងជាក្រុមហ៊ុនមានតម្លៃថ្លៃបំផុតលើលោកតាំងពីឆ្នាំ ២០២០ មក ខណៈបច្ចុប្បន្នតំណែងមួយនេះកំពុងតាមកាន់តែកៀកនឹងរបូតទៅក្នុងដៃនៃក្រុមហ៊ុននៅមជ្ឈិមបូព៌ាខាងលើ។

ខាងក្រោមគឺជាក្រុមហ៊ុនដែលមានតម្លៃថ្លៃបំផុតលើលោកទាំង ៧៖

Apple មានតម្លៃមូលធនទីផ្សារ ២,៦ ទ្រីលានដុល្លារ
Aramco មានតម្លៃមូលធនទីផ្សារ ២,៤៥ ទ្រីលានដុល្លារ
Microsoft មានតម្លៃមូលធនទីផ្សារ ១,៩៨ ទ្រីលានដុល្លារ
Alphabet មានតម្លៃមូលធនទីផ្សារ ១,៤៨ ទ្រីលានដុល្លារ
Amazon មានតម្លៃមូលធនទីផ្សារ ១,១១ ទ្រីលានដុល្លារ
Tesla មានតម្លៃមូលធនទីផ្សារ ៨១៥,៤៥ ពាន់លានដុល្លារ
Berkshire Hathaway មានតម្លៃមូលធនទីផ្សារ ៦៩២,០៨ ពាន់លានដុល្លារ

ប្រភព: Gulfbusiness

The post ក្រុមហ៊ុននៅអាស៊ីមួយជិតតាមទាន់ Apple ជាក្រុមហ៊ុនមានតម្លៃថ្លៃបំផុតលើលោក appeared first on .

ណែនាំឲ្យស្គាល់ក្រុមហ៊ុន ១០ ដែលមានទ្រព្យធនច្រើនបំផុតនៅឆ្នាំ២០២១ នេះ

ឧកញ៉ាសំពៅ — Thu, 30 Sep 2021 07:10:29 +0000

បើនិយាយដល់ក្រុមហ៊ុនលំដាប់ពិភពលោកជឿថាប្រិយមិត្តប្រាកដជានឹកឃើញដល់ក្រុមហ៊ុន Amazon ឬក៏ Microsoft មុនគេជាមិនខាន ក៏ព្រោះតែស្ថាបនិកនៃក្រុមហ៊ុនទាំង ២ នេះ គឺសុទ្ធតែជាប់ឈ្មោះជាមហាសេដ្ឋីមានបំផុតក្នុងលោកនាពេលបច្ចុប្បន្ន។

យ៉ាងណា ថ្វីបើក្រុមហ៊ុនទាំង ២ ជាក្រុមហ៊ុនមានលំដាប់ពិភពលោកក៏ពិតមែន តែវាមិនមែនជាក្រុមហ៊ុនមានដាច់គេឡើយ ខណៈបើផ្អែកតាមមូលធនទីផ្សារនាខែសីហា បានបង្ហាញថា APPLE Inc ទៅវិញទេ ទើបជាក្រុមហ៊ុនមានបំផុតលើលោក។

បញ្ជីឈ្មោះក្រុមហ៊ុនមានបំផុតលើលោកនាពេលបច្ចុប្បន្ន៖

1/ Apple Inc មានមូលធនទីផ្សារប្រមាណ ២,៤ ទ្រីលានដុល្លារ

2/ Microsoft មានមូលធនទីផ្សារប្រមាណ ២,១៤ ទ្រីលានដុល្លារ

3/ Saudi Aramco មានមូលធនទីផ្សារប្រមាណ ១,៨៦ ទ្រីលានដុល្លារ

4/ Alphabet មានមូលធនទីផ្សារប្រមាណ ១,៨ ទ្រីលានដុល្លារ

5/ Amazon មានមូលធនទីផ្សារប្រមាណ ១,៦៨ ទ្រីលានដុល្លារ

6/ Facebook មានមូលធនទីផ្សារប្រមាណ ៩៩២ ពាន់លានដុល្លារ

7/ Tesla មានមូលធនទីផ្សារប្រមាណ ៧០៣ ពាន់លានដុល្លារ

8/ Berkshire Hathaway មានមូលធនទីផ្សារប្រមាណ ៦៣៦ ពាន់លានដុល្លារ

9/ Taiwan Semiconductor មានមូលធនទីផ្សារប្រមាណ ៦០៦ ពាន់លានដុល្លារ

10/ Tencent Holdings មានមូលធនទីផ្សារប្រមាណ ៥៩២ ពាន់លានដុល្លារ

បញ្ជាក់ ទិន្នន័យខាងលើនេះគឺគិតត្រឹមខែសីហា ២០២១ ប៉ុណ្ណោះ៕

ប្រភព: thetealmango

The post ណែនាំឲ្យស្គាល់ក្រុមហ៊ុន ១០ ដែលមានទ្រព្យធនច្រើនបំផុតនៅឆ្នាំ២០២១ នេះ appeared first on .