TSMC ដែលជាក្រុមហ៊ុនផលិតបន្ទះឈីបកិច្ចសន្យាធំជាងគេបំផុតរបស់ពិភពលោក និងជាអ្នកផ្គត់ផ្គង់បន្ទះឈីប AI ដ៏សំខាន់ដល់ក្រុមហ៊ុនខ្នាតយក្សដូចជា Nvidia បច្ចុប្បន្នកំពុងផលិតបន្ទះឈីបទំនើបបំផុតរបស់ខ្លួន នៅតែតៃវ៉ាន់ប៉ុណ្ណោះ។

យ៉ាងណាក៏ដោយ ជុំវិញការប្រកាសពីផែនការចុងក្រោយរបស់ TSMC នេះ កំពុងជ្រើសរើសយកប្រទេសជប៉ុន ជាទីតាំងថ្មីបំផុតរបស់ខ្លួន សម្រាប់ការផលិតបន្ទះឈីប ៣ ណាណូម៉ែត្រកម្រិតខ្ពស់ ដែលត្រូវបានប្រើប្រាស់យ៉ាងទូលំទូលាយនៅក្នុងកុំព្យូទ័រដំណើរការខ្ពស់ និងម៉ាស៊ីនមេ AI ។

មិនតែប៉ុណ្ណោះ លោក Wei បាននិយាយនៅទីក្រុងតូក្យូក្នុងអំឡុងកិច្ចប្រជុំជាមួយនាយករដ្ឋមន្ត្រីជប៉ុន លោកស្រី Sanae Takaichi ថា ៖”​ យើងជឿជាក់ថារោងចក្រនេះនឹងរួមចំណែកបន្ថែមទៀត ដល់កំណើនសេដ្ឋកិច្ចក្នុងស្រុក ហើយអ្វីដែលសំខាន់បំផុត គឺការបង្កើតជាមូលដ្ឋានសម្រាប់អាជីវកម្ម AI របស់ប្រទេសជប៉ុន”។

នាយកប្រតិបត្តិក្រុមហ៊ុន TSMC រូបនេះ ក៏បានសង្កត់ធ្ងន់បន្ថែមទៀតថា ក្រុមហ៊ុនក៏កំពុងពិភាក្សាជាមួយអតិថិជន និងដៃគូជប៉ុន លើកិច្ចសហការបន្ថែមទៀតលើវិស័យជាច្រើនដែលសំខាន់ចំពោះឧស្សាហកម្ម AI ផងដែរ៕​

The post ក្រុមហ៊ុន TSMC ប្រកាសបោះទុន ១៧ពាន់លានដុល្លារ សង់រោងចក្រផលិតបន្ទះឈីបកម្រិតខ្ពស់នៅជប៉ុន appeared first on .

ក្រុមហ៊ុន Taiwan Semiconductor Manufacturing Co ឬត្រូវស្គាល់ថា TSMC បាននិយាយថា ប្រាក់ចំណេញសុទ្ធសម្រាប់ត្រីមាសទីពីរ រាប់ចាប់ពីខែមេសា ដល់ខែមិថុនា អាចកើនឡើងដល់ ៣៩៨,៣ពាន់លានដុល្លារតៃវ៉ាន់ (១៣,៥ពាន់លានដុល្លារ)។ តួរលេខនេះផងដែរ នឹងក្លាយជាប្រាក់ចំណេញកើនឡើងប្រចាំត្រីមាសខ្ពស់បំផុតមិនធ្លាប់របស់ក្រុមហ៊ុន សម្រាប់រយ:ពេល ៥ត្រីមាសជាប់ៗគ្នា។

គួរឲ្យដឹងដែរថាជុំវិញការព្យាករអំពីកំណើនប្រាក់ចំណេញដ៏ខ្ពស់នេះ​ ត្រូវបានធ្វើឡើង បើទោះបីជាមានផលប៉ះពាល់យ៉ាងខ្លាំងពីវិធានការពន្ធគយខ្ពស់របស់ប្រធានាធិបតីអាមេរិក លោក ដូណាល់ ត្រាំ ក៏ដូចជាប្រាក់ដុល្លារតៃវ៉ាន់ឡើងថ្លៃក៏ដោយ។

យ៉ាងណាមិញ TSMC ដែលជាអ្នកផ្គត់ផ្គង់ដ៏សំខាន់សម្រាប់ Apple និង Nvidia បានប្រកាសពីផែនការវិនិយោគចំនួន ១០០ពាន់លានដុល្លារអាមេរិក ជាមួយលោក ត្រាំ នៅសេតវិមានកាលពីខែមីនា ដោយក្នុងនោះទឹកប្រាក់ ៦៥ពាន់លានដុល្លារ សម្រាប់ការសាងសង់រោងចក្រថ្មីៗចំនួន ៣ នៅរដ្ឋ Arizona ។

ជម្រាបជូនថា ភាគហ៊ុនដែលបានចុះបញ្ជីនៅទីផ្សារហ៊ុនតៃវ៉ាន់ របស់ TSMC បានកើនឡើងប្រហែល​ ៨០%​ កាលពីឆ្នាំមុន ប៉ុន្តែសម្រាប់ឆ្នាំនេះ ​ភាគហ៊ុនបានកើនឡើងត្រឹមតែ ៥% ប៉ុណ្ណោះ ដោយសារការព្រួយបារម្ភអំពីពន្ធគយ និងអត្រាប្តូរប្រាក់ដែលមិនអំណោយផល៕

The post ក្រុមបន្ទះឈីបខ្នាតយក្ស TSMC ទំនងបំបែកកំណត់ត្រាប្រាក់ចំណេញប្រចាំត្រីមាស ដល់ជាង ១៣ពាន់លានដុល្លារ appeared first on .

ជុំវិញការប្រកាសអំពីផែនការនេះ ត្រូវបានធ្វើឡើង បនញទាប់ពីនាយកប្រតិបត្តិរបស់ក្រុមហ៊ុន TSMC លោក C.C. Wei បានជួបពិភាក្សាគ្នាជាមួយប្រធានាធិបតីអាមេរិក លោក ដូណាល់ ត្រាំ នៅឯសេតវិមាន កាលពីថ្ងៃទី៣ ខែមីនាកន្លងទៅ។ TSMC គឺជាក្រុមហ៊ុនផលិតបន្ទះឈីបជាប់កិច្ចសន្យាធំជាងគេបំផុតរបស់ពិភពលោក និងត្រូវបានចាត់ទុកថាជាអ្នកផ្គត់ផ្គង់ឈានមុខគេដល់ក្រុមហ៊ុនផលិត Hardware ធំៗរបស់សហរដ្ឋអាមេរិកជាច្រើន។

ទន្ទឹមនឹងនេះ លោក ត្រាំ ក៏បាននិយាយនៅក្នុងអំឡុងកិច្ចប្រជុំនោះផងដែរថា ៖”យើងត្រូវតែអាចបង្កើតបន្ទះឈីបសៀគ្វី និងបន្ទះឈីប semiconductors ដែលយើងត្រូវការនៅទីនេះ នៅទឹកដីសហរដ្ឋអាមេរិកផ្ទាល់។ វា​ជា​បញ្ហា​សន្តិសុខ​ជាតិ​សម្រាប់​យើងទាំងអស់គ្នា”។

យ៉ាងណាមិញ ក្រុមហ៊ុន TSMC បាននិយាយថាផែនការពង្រីកការវិនិយោគរបស់ខ្លួននេះ ក៏នឹងចូលរួមបញ្ចូលទាំងផែនការសម្រាប់សាងសង់រោងចក្រផលិតបន្ទះឈីបថ្មីចំនួនបី កន្លែងវេចខ្ចប់ទំនើបចំនួនពីរ និងមជ្ឈមណ្ឌលស្រាវជ្រាវ និងអភិវឌ្ឍន៍ដ៏សំខាន់មួយ ផងដែរ។

ហើយសម្រាប់ការចំណាយលើការវិនិយោគចំនួន ១០០ពាន់លានដុល្លារនេះ ត្រូវបានក្រុមហ៊ុនរំពឹងទុកថាអាចនឹងជួយជំរុញដល់ផលិតកម្មក្នុងស្រុក និងធ្វើឲ្យសហរដ្ឋអាមេរិកមិនសូវពឹងផ្អែកលើឧបករណ៍អេឡិចត្រូនិកដែលផលិតកន្លែងផ្សេងទៀត ជាពិសេសនៅតំបន់អាស៊ី។

ជម្រាបជូនផងដែរថា ក្រុមហ៊ុន TSMC ហាក់មិនទាន់បានកំណត់ពីពេលវេលាច្បាស់លាស់សម្រាប់ការចាប់ផ្តើមគម្រោងវិនិយោគថ្មីរបស់ខ្លួននេះនៅឡើយនោះទេ ប៉ុន្តែបានបញ្ជាក់ថា ផែនការនេះ នឹងជួយបង្កើតការងារសំណង់សរុបចំនួន ៤០ ០០០ កន្លែង ក្នុងរយៈពេល ៤ឆ្នាំខាងមុខ៕

The post ក្រុមហ៊ុនបន្ទះឈីបខ្នាតយក្ស TSMC ប្រកាសផែនការវិនិយោគ ១០០ពាន់លានដុល្លារបន្ថែម នៅសហរដ្ឋអាមេរិក appeared first on .

តាមការចុះផ្សាយពីសារព័ត៌មាន Reuters បានបង្ហាញឲ្យដឹងថា តម្លៃទីផ្សាររបស់ Nvidia បានកើនឡើង ៩,៣% ក្នុងខែតុលា ដល់ ៣,២ទ្រីលានដុល្លារ ស្របពេល TSMC ដែលជាក្រុមហ៊ុនផ្គត់ផ្គង់បន្ទះឈីបដ៏ធំបំផុតរបស់តៃវ៉ាន់ ក៏បានបង្ហាញពីការកើនឡើងតម្លៃទីផ្សាររបស់ខ្លួន ៦,៥% ដល់ជាង ៨៣២ពាន់លានដុល្លារ ផងដែរ។

គួរឲ្យដឹងថា ជុំវិញហក់ឡើងខ្ពស់នៃតម្លៃទីផ្សារនេះ ត្រូវបានកើតឡើងបន្ទាប់ពីក្រុមហ៊ុនផលិតបន្ទះឈីបជាប់កិច្ចសន្យាធំជាងគេបំភុតរបស់ពិភពលោក បានប្រកាសពីការកើនឡើងនៃប្រាក់ចំណូលក្នុងត្រីមាសទី៣ របស់ខ្លួន ដែលលើសពីការរំពឹងទុក និងថែមទាំងទទួលបានតម្រូវការដ៏រឹងនៅក្នុងវិស័យ AI ផងដែរ។

ទន្ទឹមនឹងនេះ Apple ដែលធ្លាប់បាត់បង់តំណែងជាក្រុមហ៊ុនមានមូលធនទីផ្សារថ្លៃបំផុតលើលោក រយ:ពេលខ្លីទៅឲ្យ Nvidia ថ្មីៗនេះ បានប្រកាសពីការធ្លាក់ចុះ ៣% នៃតម្លៃទីផ្សាររបស់ខ្លួន មកនៅត្រឹម ៣,៤ទ្រីលានដុល្លារ កាលពីខែមុន បន្ទាប់ពីមកការព្យាករអំពីកំណើនតិចតួច និងការលក់ធ្លាក់ចុះ ជាពិសេសក្នុងទីផ្សារប្រទេសចិន មុនពេលមានការស្ទុះងើបឡើងមកវិញ។

ជម្រាបជូនផងដែរថា សម្រាប់តម្លៃទីផ្សាររបស់ក្រុមហ៊ុនបច្ចេកវិទ្យាខ្នាតយក្សអាមេរិក Meta Platforms និង Microsoft ក៏បានបង្ហាញពីការធ្លាក់ចុះរបស់ខ្លួន នៅក្នុងខែតុលា ផងដែរ បន្ទាប់ពីក្រុមហ៊ុនទាំងពីរបានព្រមានអំពីកើនឡើងនៃថ្លៃដើមក្នុងការអភិវឌ្ឍបច្ចេកវិទ្យា AI៕

The post តម្លៃទីផ្សារក្រុមហ៊ុនបន្ទះឈីបកំពូលពីរ ហក់ឡើងខ្ពស់ក្នុងខែតុលា ខណ:តម្រូវការ AI កើនឡើងខ្លាំង appeared first on .

បន្ទះឈីបនាំចូលរបស់ក្រុមហ៊ុន Sophgo ដែលបានបញ្ជាទិញពី TSMC ត្រូវបានរកឃើញប្រើប្រាស់នៅលើ Ascend 910B របស់ក្រុមហ៊ុន Huawei ដែលត្រូវបានដាក់កម្រិតយ៉ាងតឹងរ៉ឹងបំផុតលើការទិញបច្ចេកវិទ្យា ដើម្បីការពារសន្តិសុខជាតិរបស់សហរដ្ឋអាមេរិក។

យ៉ាងណាមិញ បើតាម Reuters បានបង្ហាញឲ្យដឹងទៀតថា គេនៅមិនទាន់អាចកំណត់ច្បាស់ថា តើផលិតផលបន្ទះឈីបរបស់ក្រុមហ៊ុន TSMC អាចធ្លាក់ដល់ដៃ Huawei ដោយរបៀបណានៅឡើយនោះទេ។

ជុំវិញបញ្ហានេះ ទាំងខាងក្រុមហ៊ុន Sophgo និងក្រុមហ៊ុន Huawei មិនបានឆ្លើយតបចំពោះសំណើសុំឲ្យមានការអត្ថាធិប្បាយនោះឡើយ។ ក្រសួងពាណិជ្ជកម្មសហរដ្ឋអាមេរិក បាននិយាយថា ខ្លួនបានដឹងអំពីរបាយការណ៍នៃការរំលោភបំពានដែលអាចកើតមាននៃការត្រួតពិនិត្យការនាំចេញរបស់សហរដ្ឋអាមេរិក ប៉ុន្តែមិនអាចធ្វើអត្ថាធិប្បាយបានថា តើការស៊ើបអង្កេតណាមួយកំពុងដំណើរការនោះទេ។

ក្រុមហ៊ុនស្រាវជ្រាវបច្ចេកវិទ្យា TechInsights បានរកឃើញបន្ទះឈីប TSMC ត្រូវបានបំពាក់នៅលើបច្ចេកវិទ្យា Ascend 910B របស់ក្រុមហ៊ុន Huawei ហើយពួកគេបានជូនដំណឹងទៅកាន់​ TSMC ខណ:ក្រុមហ៊ុនយក្សរបស់តៃវ៉ាន់នេះ បានចាត់វិធានការភ្លាមៗ ដើម្បីបញ្ឈប់ការនាំចេញរបស់ខ្លួន ទៅកាន់អតិថិជននៅប្រទេសចិន ផងដែរ។

ជម្រាបជូនផងដែរថា TSMC ដែលជាក្រុមហ៊ុនផលិតបន្ទះឈីបជាប់កិច្ចសន្យាដ៏ធំបំផុតរបស់ពិភពលោក បាននិយាយកាលពីដើមសប្តាហ៍នេះថា ខ្លួនមិនបានផ្គត់ផ្គង់បន្ទះឈីបទៅកាន់ឲ្យក្រុមហ៊ុន Huawei ចាប់តាំងពីពាក់កណ្តាលខែកញ្ញា ឆ្នាំ២០២០ មក៕

The post TSMC ផ្អាកការនាំចេញទៅកាន់ប្រទេសចិន ក្រោយរកឃើញបន្ទះឈីបខ្លួនធ្លាក់ដល់ដៃក្រុមហ៊ុន Huawei appeared first on .

យោងតាមការចុះផ្សាយពីសារព័ត៌មាន CNA បានបង្ហាញថា គម្រោងការណ៍ដ៏ធំសម្បើមនេះ មានផែនការសាងសង់នៅប្រទេសអារ៉ាប់រួម ជាមួយគោលបំណងកែប្រែទីនោះ ឲ្យក្លាយជាទីផ្សារបន្ទះឈីបធំបំផុតមួយលើពិភពលោក។

គួររំលឹកដែរថា បើនិយាយពីវិស័យផលិតបន្ទះឈីប ក្រុមហ៊ុនតៃវ៉ាន់ TSMC ឈរនៅលំដាប់លេខរៀងទី២ ជាក្រុមហ៊ុនមានតម្លៃថ្លៃបំផុតលើលោក ជាមួយមូលធនទីផ្សារ ៩០២ពាន់លានដុល្លារ ស្របពេល Samsung ជាប់នៅលេខរៀងទី៥ ជាមួយមូលធនទីផ្សារ ៣១០ពាន់លានដុល្លារ៕

The post ក្រុមហ៊ុនTSMC គ្រោងចាប់ដៃជាមួយ Samsung សាងសង់រោងចក្របន្ទះឈីបតម្លៃលើសពី ១០០ពាន់លានដុល្លារ appeared first on .

កញ្ចប់ជំនួយដ៏ធំសម្រាប់គម្រោងសាងសង់រោងចក្រផលិតបន្ទះឈីបថ្មីរបស់ក្រុមហ៊ុន TSMC ដែលនឹងត្រូវចំណាយសរុបអស់ប្រហែល ១១ពាន់លានដុល្លារនេះ ត្រូវបានគេចាត់ទុកថាជាជំនួយដ៏ធំបំផុតមិនធ្លាប់មានដែលត្រូវបានអនុម័ត ក្រោមច្បាប់បន្ទះឈីបថ្មីរបស់ EU និងជាលើកដំបូងនៅក្នុងប្រទេសអាល្លឺម៉ង់។

គួរឲ្យដឹងថា រោងចក្រផលិតឈីបថ្មីនៅអាល្លឺម៉ង់របស់ក្រុមហ៊ុន TSMC គឺជារោងចក្រទី៣ របស់ក្រុមហ៊ុននេះ ដែលមានមូលដ្ឋានផលិតកម្មនៅខាងក្រៅកោះតៃវ៉ាន់ និងប្រទេសចិន។ រោងចក្រថ្មីនេះ ក៏ជាចំណុចស្នូលនៃមហិច្ឆតារបស់រដ្ឋាភិបាលទីក្រុងប៊ែកឡាំង ក្នុងការជំរុញឧស្សាហកម្មបន្ទះឈីបក្នុងស្រុក ជាពិសេសសង្វាក់ផលិតកម្មរថយន្ត EV ដើម្បីរក្សាការប្រកួតប្រជែងជាសកល។

ជម្រាបជូនថា TSMC បានបង្កើតក្រុមហ៊ុនបណ្តាក់ទុនរួមគ្នាមួយដែលមានឈ្មោះថា European Semiconductor Manufacturing Company (ESMC) ដើម្បីសាងសង់រោងចក្រថ្មីនេះ ដោយក្នុងនោះក្រុមហ៊ុនអឺរ៉ុប Robert Bosch, Infineon និង NXP កាន់កាប់ភាគហ៊ុន ១០% ម្នាក់៕

The post EU អនុម័តលើកញ្ចប់ជំនួយរដ្ឋអាល្លឺម៉ង់ សម្រាប់រោងចក្រផលិតបន្ទះឈីបតម្លៃ ១១ពាន់លានដុល្លារ របស់ TSMC appeared first on .

TSMC ដែលជាក្រុមហ៊ុនផលិតបន្ទះឈីបជាប់កិច្ចសន្យាធំជាងគេបំផុតរបស់ពិភពលោក និងជាក្រុមហ៊ុនផ្គត់ផ្គង់ សម្រាប់ Apple Inc និង Nvidia ផងនោះ បានទទួលអត្ថប្រយោជន៍យ៉ាងច្រើន ពីការកើនឡើងតម្រូវការបន្ទះឈីបរបស់ខ្លួន សម្រាប់យកទៅប្រើប្រាស់ក្នុងកម្មវិធីបញ្ញាសិប្បនិម្មិត AI ។

បើតាមប្រភពខាងលើបានបង្ហាញឲ្យដឹងទៀតថា TSMC បានឃើញប្រាក់ចំណេញសុទ្ធរបស់ខ្លួន ដោយគិតចាប់ពីខែមករាដល់ខែមីនា កើនឡើងដល់ ២២៥,៥ពាន់លានដុល្លារតៃវ៉ាន់ (៦,៩៨ពាន់លានដុល្លារ) បើធៀបទៅនឹងចំនួន ២០៦,៩ពាន់លានដុល្លារតៃវ៉ាន់ ក្នុងរយ:ពេលដូចគ្នាកាលពីឆ្នាំមុន។

មិនតែប៉ុណ្ណោះ TSMC ដែលត្រូវបានចាត់ទុកថាជាក្រុមហ៊ុនមានតម្លៃមូលធនទីផ្សារថ្លៃបំផុតរបស់អាស៊ី បាននិយាយថា ប្រាក់ចំណូលសរុបរបស់ខ្លួនក្នុងត្រីមាសទីមួយ ឆ្នាំនេះ បានកើនឡើង ១៣% ដល់ចំនួន ១៨,៨៧ពាន់លានដុល្លារ៕

The post ក្រុមហ៊ុនបន្ទះឈីប TSMC ប្រកាសកើបប្រាក់ចំណេញជិត ៧ពាន់លានដុល្លារ ត្រឹមត្រីមាសទី១ appeared first on .

យោងតាមការវាយតម្លៃបឋមពីស្ថាប័នស្រាវជ្រាវ Barclays បានបង្ហាញឲ្យដឹងទៀតថា ផលប៉ះពាល់នេះគឺកើតឡើងដោយសារតែការងារត្រូវបានបញ្ឈប់នៅក្នុងក្រុមហ៊ុន TSMC និងមជ្ឈមណ្ឌលផលិតបន្ទះឈីបផ្សេងទៀត ដែលស្ថិតនៅលើកោះនេះ បន្ទាប់ពីមានការរញ្ជួយដីធ្ងន់ធ្ងរដល់កម្រិត ៧,២ ដែលជាទំហំដ៏ធំបំផុតមិនធ្លាប់មាន ក្នុងរយៈពេល ២៥ឆ្នាំចុងក្រោយ។

TSMC ដែលជាក្រុមហ៊ុនផ្គត់ផ្គង់បន្ទះឈីបដ៏ធំរបស់ Apple និង Nvidia បាននិយាយថា ខ្លួនបានជម្លៀសបុគ្គលិកចេញពីរោងចក្រផលិតមួយចំនួន ដើម្បីធានាដល់សុវត្ថិភាព ខណ:ពេលដែលសកម្មភាពផលិតកម្មត្រូវបានផ្អាក។

ជម្រាបជូនផងដែរថា បើតាមអាជ្ញាធរទីក្រុងតៃប៉ិ បាននិយាយថា គ្រោងរញ្ជួយដីដែលបានវាយប្រហារនៅម៉ោងប្រហែល ៨ ព្រឹក ថ្ងៃពុធ បានសម្លាប់មនុស្ស ៩ នាក់ និងជាង ៨០០ នាក់ផ្សេងទៀតរងរបួស ខណ:ក្រុមអ្នកជួយសង្គ្រោះបានទាញយកមនុស្សយ៉ាងហោចណាស់ ៧៧ នាក់ដែលជាប់នៅក្នុងផ្លូវក្រោមដី និងអគារដែលដួលរលំ៕

The post ក្រុមហ៊ុនផលិតបន្ទះឈីបកំពូល TSMC ទំនងខាតបង់ ៦០លានដុល្លារ ដោយសារគ្រោះរញ្ជួយដីនៅតៃវ៉ាន់ appeared first on .

ការសន្យានេះ ត្រូវបានធ្វើឡើងអំឡុងពេលដែលក្រុមហ៊ុនផលិតបន្ទះឈីបលំដាប់កំពូលរបស់ពិភពលោកមួយនេះ បានបើកសម្ពោធដាក់ឲ្យដំណើរការជាផ្លូវការនៃរោងចក្រដំបូងនៅក្នុងប្រទេសជប៉ុន​ កាលពីថ្ងៃសៅរ៍ ទី២៤ ខែកុម្ភ:កន្លងទៅ។

រដ្ឋមន្ត្រីក្រសួងសេដ្ឋកិច្ច ពាណិជ្ជកម្ម និងឧស្សាហកម្មជប៉ុន លោក Ken Saito បានប្រាប់អ្នកយកព័ត៌មានក្នុងអំឡុងពិធីនោះថា ៖”ការផលិតបន្ទះឈីបនឹងកាន់តែមានភាពជឿនលឿនជាងមុន នៅក្នុងរោងចក្រដំបូងមួយនេះ និងដើម្បីធានាបានថា យើងនឹងមានស្ថេរភាពក្នុងការផ្គត់ផ្គង់បន្ទះឈីប semiconductors នៅក្នុងប្រទេសជប៉ុនបន្ថែមទៀត” ។

ជម្រាបជូនផងដែរថា ក្រុមហ៊ុន TSMC ដែលបាននិងកំពុងធ្វើការពង្រីកអាជីវកម្មរបស់ខ្លួននៅក្នុងសហរដ្ឋអាមេរិក និងអាល្លឺម៉ង់ផងនោះ គ្រោងនឹងបង្កើនការផលិតទ្រង់ទ្រាយធំ នៅក្នុងប្រទេសជប៉ុន មុនដំណាច់ឆ្នាំនេះ ស្របពេលការវិនិយោគនៅក្នុងការបណ្តាក់ទុន រួមទាំងការសាងសង់រោងចក្រទីពីរ អាចនឹងមានចំនួនលើសពី ២០ពាន់លានដុល្លារ៕

The post ជប៉ុន សន្យាផ្តល់ប្រាក់ឧបត្ថម្ភធនជិត ៥ពាន់លានដុល្លារ ជួយ TSMC សង់រោងចក្របន្ទះឈីបថ្មី appeared first on .