សិង្ហបុរី នៅតែជាប្រទេសមានសុខសន្តិភាពជាងគេនៅអាស៊ី ក្នុងឆ្នាំ២០២៥

យោងតាមការសិក្សាមួយ បានបង្ហាញឲ្យឃើញថា សិង្ហបុរី នៅតែជាប្រទេសដែលមានសុខសន្តិភាពបំផុត នៅតំបន់អាស៊ី ក្នុងឆ្នាំ២០២៥ នេះ ដោយបន្តរក្សាចំណាត់ថ្នាក់របស់ខ្លួនក្នុងនាមជាប្រទេសមានសុវត្ថិភាពបំផុត នៅលើពិភពលោក ផងដែរ។ នេះបើតាមការចុះផ្សាយពីសារព័ត៌មាន VN Express។

យ៉ាងណាមិញ ក្រៅតែពីសិង្ហបុរី មានតែប្រទេសជប៉ុន (ជាប់ចំណាត់ថ្នាក់ទី១២) និងម៉ាឡេស៊ី (ជាប់ចំណាត់ថ្នាក់ទី១៣) ក្នុងចំណោមប្រទេសកំពូលៗនៅអាស៊ី ដែលស្ថិតនៅក្នុងបញ្ជីឈ្មោះរបស់ Global Peace Index 2025 របស់វិទ្យាស្ថានសេដ្ឋកិច្ច និងសន្តិភាព។

ដោយឡែកខាងក្រោមនេះ​ គឺជាបញ្ជីឈ្មោះពេញ ប្រទេសដែលមានសុខសន្តិភាពបំផុតទាំង១០ នៅលើពិភពលោក៖

១.អ៊ីស្លង់

២.អៀរឡង់

៣.នូវែលហ្សេឡង់

៤.អូទ្រីស

៥.ស្វីស

៦.សិង្ហបុរី

៧.ព័រទុយហ្គាល់

៨.ដាណឺម៉ាក

៩.ស្លូវេនី

១០.ហ្វាំងឡង់

ជម្រាបជូនផងដែរថា ប្រទេសអ៊ីស្លង់ បានបន្តរក្សាតំណែងកំពូលរបស់ខ្លួន ក្នុងនាមជាប្រទេសមានសុខសន្តិភាពបំផុតលើពិភពលោក អស់រយៈពេល ១៨ឆ្នាំជាប់ៗគ្នាមកហើយ ដោយសារតែប្រទេសនេះ គ្មានកងទ័ពនោះឡើយ ខណៈមានអត្រាឧក្រិដ្ឋកម្មទាបបំផុត ដល់កម្រិតមួយដែលប៉ូលិសទូទៅមិនចាំបាច់មានអាវុធក្នុងដៃ៕​